Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Aton Neo infuziya uchun eritma 500 mg / 100 ml
Aton Neo infuziya uchun eritma 500 mg / 100 ml
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Левофлоксацин
Страна производитель
Узбекистан
Дозировка
500мг/100 мл 200 мл
Производитель
Remedy Group,СП,ООО Узбекско-Британское для Citco Chemicals Ltd., Великобритания
Рецептурный препарат
Да
Форма выпуска
Раствор для инфузий
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
Aton NEO
Ta'sir etuvchi modda (XPN) levofloksatsin gemigidrati.
Dori shakli
infuziya uchun eritma.
Tarkibi
100 ml eritma quyidagilarni saqlaydi
faol modda levofloksatsin gemigidrati - 500 mg;
yordamchi moddalar natriy xlorid, xlorid kislotasi, tozalangan suv.
Ta'rifi tiniq och-sariq yoki sarg‘ish-yashil rangli eritma.
Farmakoterapevtik guruhi
Antibakterial sintetik vosita (ftorxinolonlar guruhi).
ATX kodi J01MA12
Farmakologik xususiyatlari
Ftorxinolonlar guruhiga mansub mikroblarga qarshi vosita, ofloksatsinni chapga aylanuvchi izomeri. Mikroblarga qarshi keng ta'sir doirasiga ega.
Levofloksatsin DNK – girazani (topoizomeraza II) va topoizomeraza IV ni bloklaydi, DNK ni superspirilizatsiyasi va uzilishlarining tikilishini buzadi, DNK sintezini susaytiradi, sitoplazma, hujayra devori va membranalarida chuqur morfologik o‘zgarishlar chaqiradi.
Levofloksatsin in vitro sharoitda ham, in vivo sharoitda ham mikroorganizmlarning ko‘pchilik shtammlariga nisbatan faol.
In vitro sharoitda sezgir mikroorganizmlar (MBK 2 mg/ml) aerob grammusbat mikroorganizmlar Corynebacterium diphtheriae, Enterococcus faecalis, Enterococcus spp., Listeria monocytogenes, Staphylococcus spp., (koagulaza-negativ metitsillinga sezgir/metitsillinga o‘rtacha sezgir shtammlar), Staphylococcus spp. (CNS), Streptococcus spp. C va G guruhlari (shu jumladan Streptococcus agalactiae, Streptococcus pneumoniae (penitsillinga sezgir/o‘rtacha sezgir/chidamli shtammlari); aerob grammanfiy mikroorganizmlar Acinetobacter baumannii, Acinetobacter spp., Actenobacillus actinomycetem comitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter spp. (shu jumladan Enterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (ampitsillinga–sezgir/chidamli shtammlar), Haemophilus parainfluenzae, Helicobacter pylori, Klebsiella spp. (shu jumladan Klebsiella oxytaca, Klebsiella pneumoniae), Moraxela catarrhalis (-laktamaza ishlab chiqaruvchi va ishlab chiqarmaydigan shtammlari), Morganella morganii, Neisseria gonorrhoeae (penitsillinazani ishlab chiqaruvchi va ishlab chiqarmaydigan shtammlari), Neisseria meningitides, Pasteurella spp. (shu jumladan Pasteurella conis, Pasreurella dagmatis, Pasteurella multocida), Proteus mirabilis, Proteus vulgaris, Providencia spp. (shu jumladan Providencia rettgeri, Providencia stuartii), Pseudomonas spp. (shu jumladan Pseudomonas aeruginosa), Salmonella spp., Serratia spp. (Serratia marcescens); anaerob mikroorganizmlar Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus, Propionibacterum spp., Veilonella spp.; boshqa mikroorganizmlar Bartonella spp., Chlamydia pneumaniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp. (Mycobacterium leprae, Micopbacterium tuberculosis), Mycoplasma hominis, Mycoplasma pneumoniae, Ricketsia spp., Ureaplasma urealyticum.
Levofloksatsin quyidagi aerob grammusbat mikroorganizmlarga nisbatan o‘rtacha faol (MPK4 mg/l) Corynebacterium urealitium, Corynebacterium xerosis, Enterococcus faecium, Staphylococcus epidermidis (metitsillinga chidamli shtammlari), Stapylococcus haemolyticus (metitsillinga chidamli shtammlari); aerob grammanfiy mikroorganizmlar Burkholderia cepacia, Campilobacter jejuni, Campilobacter coli; anaerob mikroorganizmlar Bacteroides thetaiotaomicron, Bacteroides vulgatus, Bacteroides ovaius, Prevoitella spp., Porphyromonas spp.
Levofloksatsinga chidamli (MBK8 mg/l) aerob grammusbat mikroorganizmlar Corynebacterium jeikeium, Staphylococcus aureus (metitsillinga chidamli shtammlari), Staphylococcus spp. (koagulaza - negativ metitsillinga chidamli shtammlari); aerob grammanfiy mikroorganizmlar Alcaligenes xylosaxidans; boshqa mikroorganizmlar Mycobacterium avium.
Farmakokinetikasi
Levofloksatsinni 500 mg dozada vena ichiga 60 minutlik infuziya qilinganidan keyin plazmadagi o‘rtacha Smax 6,21,0 mkg/ml, Tmax – 1,00,1 soat ni tashkil qiladi. Levofloksatsinning farmakokinetikasi to‘g‘ri chiziqli xarakterga ega va preparat bir marta va ko‘p marta yuborilganida oldindan aytib berilishi mumkin. Levofloksatsinning kontsentratsiyasini plazma profili vena ichiga yuborilganidan keyin, tabletkalar qabul qilgandagiga o‘xshash. Shuning uchun, og‘iz orqali va vena ichiga yuborish yo‘llari bir-birining o‘rnini bosa oladi deb hisoblash mumkin.
Taqsimlanishi.
Plazma oqsillari bilan bog‘lanishi - 30-40% ni tashkil qiladi. Organizmning to‘qima va suyuqliklariga o‘pka, bronxlarning shilliq qavatlari, balg‘am, siydik-jinsiy tizimi a'zolari, suyak to‘qimasi, orqa miya suyuqligi, prostata bezi, polimorf yadroli leykotsitlar, alveolyar makrofaglarga yaxshi kiradi. Levofloksatsinning o‘rtacha Vd 500 mg dozada vena ichiga bir marta va ko‘p marta yuborilganidan so‘ng 89 dan 112 l gachani tashkil qiladi.
Metabolizmi.
Levofloksatsinning ozgina qismi jigarda oksidlanadi va/yoki dezatsetillizatsiyaga uchraydi.
Chiqarilishi.
500 mg dozada v/i bir marta yuborilganidan keyin T1/2 – 6,4 0,7 soat. Asosan buyrak orqali kalavalar filtratsiyasi va naychalar sekretsiyasi yo‘li bilan chiqariladi.
Bir marta va ko‘p marta yuborilgandan keyin o‘rtacha yakuniy T1/2 6 soatdan 8 soatgachani tashkil qiladi. Dozaning taxminan 87% 48 soat davomida siydik bilan o‘zgarmagan holda chiqariladi. 4% kamrog‘i - 72 soat davomida ahlatda aniqlanadi.
Alohida klinik hollardagi farmakokinetikasi.
Buyrak yetishmovchiligida preparatning klirensini kamayishi va uni buyrak orqali chiqarilishi kreatinin klirensi (KK) darajasini pasayishiga bog‘liq.
Qo‘llanilishi
Levofloksatsin kattalarda bakterial infektsiyalarni davolash uchun qo‘llanadi, agar bu infektsiyalarning qo‘zg‘atuvchisi levofloksatsinga sezgir bakteriyalar bo‘lsa
- LOR-a'zolarning infektsiyalari (sinusit, o‘rta otit);
- quyi nafas yo‘llarining infektsiyalari surunkali bronxitni zo‘rayishi, kasalxonadan tashqaridagi pnevmoniya;
- intraabdominal infektsiyalar;
- siydik-chiqarish yo‘llarining asoratlanmagan va asoratlangan infektsiyalari (shu jumladan piyelonefrit);
- jinsiy a'zolarning infektsiyalari (shu jumladan urogenital xlamidioz);
- o‘tkir va surunkali bakterial prostatit;
- teri va yumshoq to‘qimalarning infektsiyalari (yiringlagan ateroma, abstsess, furunkullar);
- yuqorida ko‘rsatilgan kasalliklar bilan bog‘liq bo‘lgan septitsemiyada qo‘llanadi.
Qo‘llash usuli va dozalari
Preparat v/i 250-500 mg dan sutkada 1-2 marta yuboriladi.
Dozalar infektsiyaning xarakteri va og‘irligi, shuningdek taxmin qilinayotgan qo‘zg‘atuvchining sezgirligiga qarab belgilanadi.
Buyrak faoliyati normal yoki ahamiyatsiz buzilishi (kreatinin klirensi >50 ml/min) bo‘lgan patsiyentlarga preparatni quyidagi dozalarda buyurish tavsiya qilinadi
Sinusit 500 mg levofloksatsin sutkada 1 marta. Davolash kursi – 10-14 kun.
Surunkali bronxitni zo‘rayishi 250-500 mg levofloksatsin sutkada 1 marta. Davolash kursi – 7-10 kunni tashkil etadi.
Kasalxonadan tashqari pnevmoniya 500 mg dan sutkada 1-2 marta. Davolash kursi – 10-14 kunni tashkil etadi.
Siydik-chiqarish yo‘llarining asoratlanmagan infektsiyalari levofloksatsin 250 mg dan sutkada 1 marta. Davolash kursi – 3 kunni tashkil etadi.
Siydik-chiqarish yo‘llarining asoratlangan infektsiyalari (shu jumladan piyelonefrit) levofloksatsin 250 mg dan sutkada 1 marta. Og‘ir infektsiyalarda v/i yuboriladigan doza oshirilishi mumkin. Davolash kursi – 7-10 kunni tashkil etadi.
Prostatit 500 mg levofloksatsin sutkada 1 marta. Davolash kursi – 28 kunni tashkil etadi.
Septitsemiya/bakteriyemiya levofloksatsin 500 mg dan sutkada 1-2 marta. Davolash kursi – 10-14 kunni tashkil etadi.
Intraabdominal infektsiyalar levofloksatsin 500 mg dan sutkada 1-2 marta Davolash kursi – 7-10 kunni tashkil etadi, anaerob floraga ta'sir qiluvchi antibakterial preparatlar bilan majmuada qo‘llanadi.
Teri va yumshoq to‘qimalarning infektsiyalari levofloksatsin 500 mg dan sutkada 1-2 marta Davolash kursi – 7-14 kunni tashkil etadi.
Tuberkulyozning dorilarga chidamli shakllarini majmuaviy davolash tarkibida 500 mg levofloksatsinni sutkada 1-2 marta buyuriladi. Davolash kursi 3 oygachani tashkil etadi.
Buyrak faoliyatini buzilishi bo‘lgan patsiyentlarga kreatinin klirensining ko‘rsatkichlariga qarab dozalash tartibiga tuzatish kiritish talab qilinadi.
Kreatinin klirensi
Vena ichiga yuborish uchun dozalar
250 mg/24 soat
500 mg/24 soat
500 mg/12 soat
dastlabki doza
250 mgdastlabki doza
500 mgdastlabki doza
500 mg
minutga 50-20 mlkeyinchalik
125 mg/24 soatkeyinchalik
250 mg/24 soatkeyinchalik
125 mg/12 soat
minutga 19-10 mlkeyinchalik
125 mg/48 soatkeyinchalik
125 mg/24 soatkeyinchalik
250 mg/12 soat
<10 ml/minut (shu jumladan gemodializ va DAPD*)keyinchalik
125 mg/48 soatkeyinchalik
125 mg/24 soatkeyinchalik
125 mg/24 soat
* doimiy ambulator peritoneal dializ.
Gemodializ yoki DAPD dan keyin qo‘shimcha dozalarni yuborish talab qilinmaydi.
Buyrak faoliyati normal bo‘lgan keksa yoshdagi patsiyentlar uchun dozalash tartibiga tuzatish kiritish talab qilinmaydi.
Jigar faoliyati buzilishida dozalarni maxsus tanlash talab qilinmaydi, chunki levofloksatsin jigarda juda ahamiyatsiz darajada metabolizmga uchraydi.
Preparat vena ichiga asta-sekin tomchilab yuboriladi. Preparatni 500 mg dozada (100 ml infuzion eritma) yuborish davomiyligi 60 minutdan kam bo‘lmasligi kerak. Aton preparatining 500 mg/100 ml eritmasi quyidagi infuzion eritmalar bilan mutanosib 0,9% li natriy xloridi eritmasi, 5% li dekstroza eritmasi, 2,5% li Ringer eritmasi dekstroza bilan, parenteral oziqlanish uchun majmuaviy eritmalar (aminokislotalar, uglevodlar, elektrolitlar). Preparatning eritmasini geparin bilan yoki ishqoriy reaktsiyaga ega bo‘lgan eritmalar bilan (masalan, bikarbonat natriy eritmasi bilan) aralashtirish mumkin emas.
Bemorning klinik holatini ijobiy dinamikasida bir necha kun davolashdan keyin vena ichiga tomchilab yuborishdan, levofloksatsinni shu dozada peroral qabul qilishga o‘tish mumkin.
Davolashning davomiyligi kasallikning kechishiga qarab ko‘pi bilan 14 kunni tashkil qilishi lozim.
Boshqa antibakterial vositalarni qo‘llashda bo‘lgani kabi, Aton preparati bilan davolashni tana harorati normallashganidan keyin yoki qo‘zg‘atuvchi ishonchli yo‘qotilganidan keyin kamida 48-72 soat davomida davom ettirish tavsiya etiladi.
ATon preparati bilan davolashni shifokor ko‘rsatmasisiz bekor qilish yoki muddatidan oldin to‘xtatish mumkin emas.
Nojo‘ya ta'sirlari
Allergik reaktsiyalar ba'zida – qichishish va terini qizarishi; kam hollarda - anafilaktik va anafilaktoid reaktsiyaar (eshakemi, bronxospazm va og‘ir bo‘g‘ilish ehtimoli kabi simptomlar bilan kechuvchi reaktsiyalar); juda kam hollarda - teri va shilliq qavatlarining shishlari (masalan, yuz va tomoq sohasida), AB ni keskin tushishi, shok, allergik pnevmonit, vaskulit; alohida hollarda - Stivens-Djonson sindromi, toksik epidermal nekroliz (Layell sindromi) va ekssudativ ko‘p shaklli eritema.
Dermatologik reaktsiyalar juda kam hollarda – fotosensibilizatsiya.
Ovqat-hazm qilish tizimi tomonidan tez-tez - ko‘ngil aynishi, diareya, ALT, AST faolligini oshishi; ba'zida - ishtahani yo‘qolishi, qusish, qorinda og‘riqlar, ovqat hazm bo‘lishini buzilishi; kam hollarda– qon zardobida bilirubinning darajasini oshishi, qonli diareya (juda kam hollarda bu ichakni yallig‘lanishi yoki soxtamembranoz kolitning belgisi ham bo‘lishi mumkin); juda kam hollarda – gepatit.
Modda almashinuvi tomonidan juda kam hollarda - gipoglikemiya (ishtahani kuchayishi, terlash, asabiylik, titroq bilan namoyon bo‘luvchi) kuzatiladi. Boshqa xinolonlarni qo‘llash tajribasi, ular porfiriyani zo‘rayishini chaqirishi mumkinligidan guvohlik beradi, ayrim hollarda bunday samara Aton preparati qo‘llanganida ham bo‘lishini istisno qilib bo‘lmaydi.
Markaziy nerv tizimi va periferik nerv tizimi tomonidan ba'zida - bosh og‘rig‘i, bosh aylanishi va/yoki qotib qolish, uyquchanlik, uyquni buzilishi; kam hollarda - depressiya, bezovtalik, gallyutsinatsiyalar turidagi psixotik reaktsiyalar, qo‘llarning panjalarida paresteziyalar, qaltirash, qo‘zg‘algan holat, tirishishlar va ongni chalkashishi; juda kam hollarda - ko‘rishni va eshitishni buzilishi, ta'm sezuvchanligini va hid sezishni buzilishi, taktil sezuvchanlikni pasayishi.
Yurak - qon tomir tizimi tomonidan kam hollarda – taxikardiya, arterial bosimni pasayishi, juda kam - tomir kollapsi; ayrim hollarda - QT intervalini uzayishi.
Suyak - mushak tizimi tomonidan kam hollarda - paylarni shikastlanishi (shu jumladan, tendinit), bo‘g‘im va mushak og‘riqlari; juda kam hollarda - paylarning uzilishi, masalan, axillov payini uzilishi (bu nojo‘ya samarasi ikki tomonlama xarakterga ega bo‘lishi va davolash boshlanganidan keyin 48 soat davomida kuzatilishi mumkin), mushak kuchsizligi (astenik bulbar falaj bilan kasallangan bemorlar uchun alohida ahamiyatga ega); ayrim hollarda - rabdomioliz.
Siydik - chiqarish tizimi tomonidan kam hollarda - qon zardobida kreatinin miqdorini oshishi; juda kam hollarda - buyrak yetishmovchiligigacha bo‘lgan buyrak faoliyatini yomonlashuvi (masalan, allergik reaktsiyalar oqibatida - interstitsial nefrit).
Qon yaratish tizimi tomonidan ba'zida – eozinofiliya, leykopeniya; kam hollarda - neytropeniya, trombotsitopeniya (qon quyilishlariga va qon ketishlariga moyillikni oshishi); juda kam hollarda – agranulotsitoz va og‘ir infektsiyalarning rivojlanishi (tana haroratini turg‘un yoki qaytalanuvchi oshishi, tomoqni yallig‘lanishi va holatni turg‘un yomonlashuvi bilan kechadi); alohida xollarda - gemolitik anemiya; pantsitopeniya.
Boshqalar ba'zida – asteniya; juda kam hollarda - isitma, allergik pnevmonit. Har qanday antibiotik bilan davolash odamdagi normal holatda bo‘ladigan mikroflorani (bakteriyalar va zamburug‘lar) o‘zgarishini chaqirishi mumkin.
Mahalliy reaktsiyalar tez-tez – yuborish joyida og‘riq, qizarish, flebit.
Qo‘llash mumkin bo‘lmagan holatlar
- tutqanoq;
- anamnezda xinolonlarni qabul qilish bilan bog‘liq paylarning shikastlanishi;
- 18 yoshgacha bo‘lgan bollar va o‘smirlar;
- homiladorlik;
- laktatsiya (emizish) davri;
- levofloksatsinga yoki boshqa xinolonlarga o‘ta yuqori sezuvchanlikda qo‘llash mumkin emas.
Buyrak faoliyatini yondosh pasayishi bo‘lishini yuqori ehtimoli tufayli keksa yoshdagi shaxslarda, glyukozo-6-fosfatdegidrogenaza tanqisligi bo‘lgan patsiyentlarda preparatni ehtiyotkorlik bilan qo‘llash kerak.
Dorilarning o‘zaro ta'siri
Xinolonlar preparatlarning (shu jumladan fenbufenni yoki unga o‘xshash NYaQV, teofillining) tirishishga tayyorlikning serebral pog‘onasini pasaytirish qobiliyatini kuchaytirishi mumkin.
Levofloksatsinning ta'siri sukralfat, magniy yoki alyuminiy saqlovchi antatsid vositalar shuningdek temir tuzlari bilan bir vaqtda qo‘llanganda ahamiyatli kamayadi (levofloksatsin va bu dori vositalarni qabul qilish orasidagi interval kamida 2 soatni tashkil qilishi lozim). Kaltsiy karbonati bilan o‘zaro ta'siri aniqlanmagan.
K vitaminining antagonistlarini bir vaqtda ishlatishda qonning ivish tizimini nazorat qilish kerak.
Levofloksatsinning chiqarilishi (buyrak klirensi) simetidin va probenitsid ta'sirida biroz sekinlashadi, bu deyarli hech qanday klinik ahamiyatga ega emas.
Levofloksatsin qon plazmasidan siklosporinni T1/2 biroz oshishini chaqiradi.
GKSni bir vaqtda qabul qilish paylarning uzilishi xavfini oshiradi.
Maxsus ko‘rsatmalar
Keksa yoshdagi bemorlarni davolashda, bu guruh bemorlarda ko‘proq buyrak faoliyatining buzilishlari bo‘lishini ko‘zda tutish kerak.
Davolash vaqtida, bosh miyaning oldingi shikastlanishi bilan bog‘liq bo‘lgan, masalan, insult yoki og‘ir jarohat bilan, patsiyentlarda tirishishlar xuruji rivojlanishi mumkin. Tirishishga tayyorlik fenbufen, unga o‘xshash nosteroid yallig‘lanishga qarshi vositalar yoki teofillin bilan bir vaqtda qo‘llanganida oshishi mumkin
Qandli diabeti bo‘lgan patsiyentlarda preparatni qo‘llanganda, levofloksatsin gipoglikemiyani chaqirishi mumkinligini hisobga olish lozim.
Pnevmokokklar chaqirgan o‘pkaning juda og‘ir yallig‘lanishida, levofloksatsinni qo‘llanishi
Optimal terapevtik samara bermasligi mumkin. Pseudomonas aeruginosa chaqirgan gospital infektsiyalarda, majmuaviy davolash talab qilinishi mumkin.
Fotosensibilizatsiya levofloksatsin qo‘llanganida juda kam hollarda aniqlanishiga qaramasdan, undan saqlanish uchun kuchli quyosh yoki sun'iy ultrabinafsha nurlanishdan saqlanish kerak.
Soxtamembranoz kolitga gumon qilinganida darhol levofloksatsinni bekor qilish va muvofiq davolashni boshlash kerak. Bunday hollarda, ichak motorikasini susaytiruvchi dori vositalarini qo‘llash mumkin emas.
Keksa yoshdagi bemorlarda levofloksatsin qo‘llanganda tendinitni rivojlanish ehtimoli oshadi. GKS lar qo‘llanganda, ehtimol paylarning uzilishi xavfi oshadi. Tendinitga gumon qilinganida levofloksatsin preparati bilan davolashni darhol to‘xtatish va shikastlangan payni, unga tinchlik holatini ta'minlab, muvofiq davolashni boshlash kerak.
Levofloksatsinni naychalar sekretsiyasini bloklovchi simetidin va probenitsid bilan bir vaqtda ehtiyotkorlik bilan buyurish lozim; ularning ta'siri ostida levofloksatsinni chiqarilishi biroz sekinlashadi. Bu o‘zaro ta'siri deyarli hech qanday klinik ahamiyatga ega emas va bu eng avvalo buyrak faoliyatini buzilishi bo‘lgan bemorlarga taalluqli bo‘lishi mumkin.
Levofloksatsinni va K vitaminining antagonistlarini bir vaqtda qo‘llanganda qon ivishi tizimining holatini nazorat qilish kerak.
Antibiotik bilan davolashni o‘tkazishda odamdagi normal holatda bo‘ladigan mikroflorani (bakteriyalar va zamburug‘lar) o‘zgarishlar kuzatilishi mumkin. Shu sababdan qo‘llanilayotgan antibiotikka chidamli bo‘lgan bakteriyalar va zamburug‘larni ko‘payishini oshishi (ikkilamchi infektsiya va superinfektsiya) yuz berishi mumkin, bu kam hollarda qo‘shimcha davolashni talab qilishi mumkin.
Boshqa xinolonlarni qo‘llash tajribasi, ular porfiriyani zo‘rayishini chaqirish qobiliyatiga egaligidan dalolat beradi. Bunga o‘xshash samara levofloksatsinni qo‘llanganda xam inkor etilmaydi. Glyukozo-6-fosfatdegidrogenaza yetishmovchiligi bo‘lgan patsiyentlar (modda almashinivuning nasliy buzilishi) ftorxinolonlarga eritrotsitlarni parchalanishi (gemoliz) bilan reaktsiya berishlari mumkin. Buni hisobga olib, bunday toifa patsiyentlarni levofloksatsin bilan davolashni juda ehtiyotkorlik bilan o‘tkazish kerak.
Tavsiya qilingan yuborish davomiyligiga qat'iy rioya qilish kerak, u kamida 60 minutni (100 ml infuzion eritma) tashkil etishi kerak. Levofloksatsinni qo‘llashni tajribasi, infuziya vaqtida kuchli yurak urishi va arterial bosimni tranzitor tushishi kuzatilishi mumkinligini ko‘rsatadi. Kam hollard tomirli kollaps kuzatilishi mumkin. Agar levofloksatsinni yuborish vaqtida arterial bosimning yaqqol tushishi kuzatilsa, preparatni yuborish darhol to‘xtatiladi.
Homiladorlikda va emizishda qo‘llanishi.
Preparatni homiladorlikda va laktatsiya (emizish) davrida qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri. Levofloksatsin bosh aylanishi yoki qotib qolish, uyquchanlik va ko‘rishni buzilishini chaqirishi, shuningdek diqqatni jamlash qobiliyatini va psixomotor reaktsiyalarning tezligini pasaytirishi mumkin, buni faoliyati avtomobilni boshqarish, mashinalar va mexanizmlarga xizmat ko‘rsatish, beqaror holatda ishlarni bajarish bilan bog‘liq shaxslarga preparatni qo‘llash zarurati tug‘ilganda hisobga olish lozim. Ayniqsa bu preparatni alkogol bilan o‘zaro ta'sir holatlariga taalluqlidir.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.
Dozani oshirib yuborilishi
Simptomlari ongni chalkashishi, bosh aylanishi, ongni buzilishi va tutqanoq xurujlari turidagi tirishish xurujlari, ko‘ngil aynishi, shilliq qavatlarning eroziv shikastlanishlari. Levofloksatsinning o‘rtacha terapevtik dozalari bilan o‘tkazilgan kliniko-farmakologik tekshirishlarda QT intervalni uzayishi kuzatilgan.
Davolash simptomatik davolashni o‘tkaziladi. Levofloksatsin dializ yordamida chiqarilmaydi. Maxsus antidoti mavjud emas.
Chiqarilish shakli
Infuziya uchun eritma 500 mg/100 ml dan flakonlarda.
Saqlash sharoiti
Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.
Muzlatilmasin!
Yaroqlilik muddati
2 yil.
Dorixonalardan berish tartibi
Retsept bo‘yicha.
Ishlab chiqaruvchi
« REMEDY GROUP» MChJ O‘zbekiston-Buyuk Britaniya
O‘zbekiston Respublikasi, 100069, Toshkent sh., Olmazor tumani, Yangi Olmazor ko‘ch., 51. Tel./faks(99871) 248-02-05.
«Citco Chemicals LTD”, Angliya uchun ishlab chiqarilagan
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.