Linkomitsin mushak ichiga yuborish uchun eritma 30% 1ml №10 Belmedpreparati

Preparatning savdo nomi

Linkomitsina gidroxlorid.
Ta'sir qiluvchi modda (XPN) linkomitsin (lincomycin)

Dori shakli

vena ichiga va mushak ichiga yuborish uchun eritma.
Bir ampula tarkibi
Faol modda linkomitsin (linkomitsin gidroxloridi shaklida) – 300 mg;
Yordamchi moddalar dinatriy edetati, 1 M natriy gidroksidi eritmasi, in'ektsiya uchun suv.
Ta'rifi tiniq, rangsiz yoki biroz sarg‘ish rangli yengil spetsifik hidli eritma.

Farmakoterapevtik guruhi

antibiotiklar (linkozamidlar guruhi)
ATX kodi J01FF02.

Farmakologik xususiyatlari

Streptomyces lincolniensis tomonidan ishlab chiqariluvchi antibiotik, bakteriostatik ta'sir ko‘rsatadi. Grammusbat kokklar (Staphylococcus spp., Streptococcus spp., shu jumladan Streptococcus pneumoniae); Haemophilus influenzae; Bacillus anthracis, Mycoplasma spp., Bacteroides spp., Corynebacterium diphtheriae, Clostridium perfringens, Clostridium tetani ga nisbatan faol. Penitsillin, tetratsiklinlar, floramfenikol, streptomitsin, sefalosporinlarga chidamli Staphylococcus spp.ga nisbatan samaralidir (eritromitsinga chidamli Staphylococcus spp., 30% linkomitsinga kesishgan chidamlikka ega). Enterococcus spp (shu jumladan, Enterococcus faecalis), grammanfiy mikroorganizmlar, zamburug‘lar, viruslar, sodda hayvonlarga ta'sir qilmaydi; spora hosil qiluvchi anaeroblar, Neisseria spp., Corynebacterium spp. nisbatan faollikda eritromitsindan ortda qoladi.

Qo‘llanilishi

Sezuvchan mikroorganizmlar (eng avvalo Staphylococcus spp. va Streptococcus spp., ayniqsa penitsillinlarga chidamli mikroorganizmlar tomonidan chaqirilgan, shuningdek penitsillinlarga allergiyada) chaqirilgan bakterial infektsiyalar sepsis, nim o‘tkir septik endokardit, o‘pka abstsessi, plevra empiyemasi, plevrit, otit, osteomiyelit (o‘tkir va surunkali), yiringli artrit, operatsiyadan keyingi yiringli asoratlar, jarohat infektsiyalari, teri va yumshoq to‘qimalar infektsiyalari (piodermiya, furunkulyoz, flegmona, saramas) da qo‘llaniladi.

Qo‘llash usuli va dozalari

Mushak ichiga va vena ichiga buyuriladi.
Parenteral yuborilgan kattalar uchun sutkalik doza 1800 mg ni tashkil qiladi, bir martalik doza – 600 mg. Infektsiyani og‘ir kechishida sutkalik doza 2400 mg gacha oshirilishi mumkin. Maksimal sutkalik doza – 8000 mg. Preparatni sutkada 3 marta 8 soatlik interval bilan yuboriladi.
Bolalarga har 8-12 soatda 10-20 mg/kg dozada buyuriladi.
Linkomitsin gidroxloridini vena ichiga faqat minutiga 60-80 tomchi tezlikda, tomchilab yuboriladi. Yuborishdan oldin antibiotikning 30% 2 ml (600 mg) eritmasi natriy xloridining 250 ml izotonik eritmasida suyultiriladi. Infuziyaning davomiyligi kamida 1 soatni tashkil qilishi kerak.
Davolash davomiyligi – 7-14 kun; osteomiyelitda davolash davomiyligi 3 hafta va undan ortiqni tashkil qiladi.
Jigar-buyrak yetishmovchiligi bo‘lgan bemorlarga linkomitsin 1800 mg dan oshmaydigan sutkalik dozada parenteral buyuriladi, yuborishlar orasidagi interval 12 soat. Kreatinin klirensi minutiga 10-50 ml bo‘lganida, preparatni standart dozada sutkada ikki marta buyuriladi. Kreatinin klirensi minutiga 10 ml dan kam bo‘lganida linkomitsinning standart dozasini 25%-30% ga kamaytiriladi.
Nojo‘ya ta'sirlari
Ovqat-hazm qilish tizimi tomonidan ko‘ngil aynishi, qusish, diareya, epigastriyda og‘riq, abdominal og‘riq, glossit, stomatit, tranzitor giperbilirubinemiya, jigar transaminazalarining faolligini oshishi, uzoq muddat qo‘llashda – me'da-ichak yo‘llari kandidozi, soxtamembranoz kolit.
Qon yaratish tizimi tomonidan qaytuvchan leykopeniya, trombotsitopeniya, neytropeniya.
Allergik reaktsiyalar eshakemi, eksfoliativ dermatit, Kvinke shishi, anafilaktik shok.
Mahalliy reaktsiyalar vena ichiga yuborilganda – flebit.
Vena ichiga tez yuborishda arterial bosimni pasayishi, bosh aylanishi, umumiy xolsizlik, skelet mushaklarini bo‘shashishi.

Qo‘llash mumkin bo‘lmagan holatlar

O‘ta yuqori sezuvchanlik, homiladorlik (“hayotiy” ko‘rsatmalar bo‘yicha zarur holatlardan tashqari), og‘ir darajali jigar va/yoki buyrak yetishmovchiligi; laktatsiya davri, erta emizikli davr (1 oygacha).
Ehtiyotkorlik bilan. Teri, og‘iz bo‘shlig‘i shilliq qavati, qinning zamburug‘li kasalliklari; miasteniya (parenteral yuborish uchun).
Dorilarning o‘zaro ta'siri
Kanamitsin bilan farmatsevtik nomutanosib. Kuraresimon vositalar chaqirgan miorelaksatsiyani kuchaytiradi. Antagonizm – eritromitsin, xloramfenikol, ampitsillin va boshqa bakteritsid antibiotiklari bilan, sinergizm – aminoglikozidlar bilan birga qo‘llanganda kuzatiladi. Diareyaga qarshi dori vositalari linkomitsinning samarasini pasaytiradi (ularni qabul qilishlar orasidagi interval kamida 4 soat bo‘lishi kerak). Nerv-mushak blokadasi va nafasni to‘xtatib qolish xavfini oshirib, ingalyatsion narkoz vositalari, miorelaksantlar va opioid analgetiklarning ta'sirini kuchaytiradi. Linkomitsin bilan, R450 ingibitori bilan bir vaqtda qo‘llanganda, teofillinning ta'sir kuchi oshishi mumkin va uning dozasini pasaytirish talab qilinishi mumkin.

Maxsus ko‘rsatmalar

Tromboflebit va aseptik nekroz rivojlanishidan saqlanish uchun mushak ichiga chuqurroq yuborgan afzal.
Oldindan suyultirmasdan vena ichiga yuborish mumkin emas.
Jigar yetishmovchiligi bo‘lgan patsiyentlarga faqatgina “hayotiy” ko‘rsatmalar bo‘yicha buyurishga yo‘l qo‘yiladi.
Soxtamembranoz kolit belgilari (diareya, leykotsitoz, isitma, qorinda og‘riq, axlat massalari bilan qon va shilliqni ajralishi) paydo bo‘lganida, yengil holatlarda preparatni bekor qilish va ionlar bilan almashinuvchi qatronlarni (kolestiramin) buyurish yetarli, og‘ir holatlarda yo‘qotilgan suyuqlik, elektrolitlar va oqsil o‘rnini to‘ldirish, ichga qabul qilish uchun eritma sifatida 10 kun davomida 0,5-2 g (3-4 qabulda) sutkalik dozada vankomitsin yoki batsitratsin ko‘rsatilgan.
Og‘ir darajali infektsiyalarda aminoglikozidlar yoki grammanfiy bakteriyalarga ta'sir qiluvchi boshqa antibiotiklar bilan birga qo‘llash tavsiya qilinadi.
Diareya yoki axlat bilan qon izlari paydo bo‘lganida dori vositasini yuborishni to‘xtatish kerak.
Uzoq muddat davolash fonida “jigar” transaminazalarining faolligini va buyrak faoliyatini vaqti-vaqti bilan nazorat qilish kerak.
Homiladorlik va emizish davrida qo‘llanishi preparatni homiladorlik vaqtida, onaga bo‘lishi mumkin bo‘lgan samara homilaga bo‘ladigan potentsial xavfdan yuqori bo‘lganda qo‘llash mumkin. Laktatsiya davrida preparatni qo‘llashga zarurati bo‘lganida, emizishni to‘xtatish haqidagi savollar hal qilinishi kerak.
Avtomobil va potentsial xavfli mexanizmlarni boshqarish qobiliyatiga ta'siri linkomitsinni qo‘llaganda bosh aylanishi va skelet mushaklarini bo‘shashishi paydo bo‘lishini inkor qilib bo‘lmaydi, shuning uchun avtotransportni haydash va yuqori diqqatni va reaktsiyalar tezligini talab qiluvchi boshqa faoliyat turlari bilan shug‘ullanish tavsiya etilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari nojo‘ya ta'sir ko‘rinishlari yaqqolligini kuchayishi, diareya, kolit.
Davolash simptomatik davolash. Linkomitsinga spetsifik antidoti noma'lum.
Gemodializ va peritoneal dializ kam samarali.

Chiqarilish shakli

1 ml dan ampulalarda, o‘ramda №10 yoki kontur uyali o‘ramda №5x1, №5x2.

Saqlash sharoiti

Yorug‘likdan himoyalangan joyda, 15oS dan 25oS gacha haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

“Belmedpreparati”, RUK
Belarus Respublikasi, 220007, Minsk,
Fabritsiusa ko‘ch, 30. t/f. (+375 17) 220 37 16,
e-mail medic@belmedpreparaty.com