Immunokta, tabl. 500mg strip №30

Preparatning savdo nomi

Immunokta
Ta'sir etuvchi modda (XPN) metizoprinol (inozin pranobeks)

Dori shakli

tabletkalar

Tarkibi

har bir tabletka quyidagilarni saqlaydi
faol modda 500 mg metizoprinol (inozin pranobeks),
yordamchi moddalar povidon, magniy stearati, makkajo‘xori kraxmali.

Tavsif

i dumaloq, bir tomonida riskasi bo‘lgan, oq yoki oq rangli ikki tomonlama qavariq tabletkalar. Riska tabletkani ikkita teng dozaga bo‘lish uchun mo‘ljallangan.

Farmakoterapevtik guruhi

bevosita ta'sirga ega viruslarga qarshi vositalar
ATX kodi J05AX05
Farmakologik xossalari

Farmakodinamika

Faol modda inozin pranobeks (inozin va 4-atsetamidobenzoy kislotasi tuzining 1-dimetilamin-2-propanol bilan 13 molyar nisbatdagi majmuasi) bevosita virusga qarshi va immunostimullovchi ta'sir ko‘rsatadi. Inozin pranobeks purinning sintetik hosilasi hisoblanadi. Bevosita viruslarga qarshi ta'siri hujayrasi ta'sirida zararlangan hujayralarning ribosomalariga bog‘lanishi natijasida virus i-RNK sintezini susaytirish bilan bog‘liq (transkriptsiya va translyatsiyaning buzilishi) va RNK va DNK-genomli viruslar replikatsiyasining ingibitsiya qilinishiga sabab bo‘ladi. Bilvosita ta'sir interferon hosil bo‘lishini susaytirish bilan tushuntiriladi. Immunomodulyatorlik samarasi T-limfotsitlarga (tsitokinlar sintezini faollashtirish) ta'siri va makrofaglarning fagotsitar faolligini oshirishiga bog‘liq. Preparat ta'sirida pre-T limfotsitlar differentsiatsiyasi kuchayadi, mitogenlar tomonidan rag‘batlantirilgan T-va V - limfotsitlar proliferatsiyasi kuchayadi, T-limfotsitlarning funktsional faolligi, jumladan, ularning limfokinlar hosil qilish xossasini oshiradi, T-yordamchi va T-supressor subpopulyatsiyalari o‘rtasidagi muvozanatni normallashtiradi (CD4/CD8 ning immunoregulyatsion ko‘rsatkichi tiklanadi). Inozin limfotsitlar tomonidan interleykin-2 ishlab chiqarilishini oshiradi va limfoid hujayralarga ushbu interleykin uchun retseptorlar ekspressiyasiga yordam beradi; hatto sog‘lom insonlarda, tabiiy killerlar (NK-hujayralari) faoliyatini rag‘batlantiradi; bu davolashning birinchi kunlaridan boshlaboq organizmda antitanachalarning qayta ishlanishi va taqdimotigaga yordam beruvchi fagotsitoz uchun makrofaglar faolligini rag‘batlantiradi. Bundan tashqari, interleykin-1 sintezini, mikrobitsid funktsiyasini, membrana retseptorlari ekspressiyasini va limfokinlar va xemotaksik omillarga javob berish qobiliyatini rag‘batlantiradi. Gerpetik infektsiyada inozin pranobeksdan foydalanish o‘ziga xos antigerpetik antitanachalar hosil bo‘lishini tezlashtiradi, klinik ko‘rinishlar og‘irligini va retsidivlar chastotasini kamaytiradi.

Farmakokinetikasi

Faol moddaning har bir komponenti alohida farmakokinetik xususiyatlarga ega.
So‘rilishi
Odamlarda enteral qo‘llanilganda inozin pranobeks me'da-ichak traktidan tez va to‘liq so‘riladi (≥90 %) va qon oqimiga tushadi. Rezus makakalarda inozin pranobeks og‘iz orqali hamda vena ichiga kiritilganidan so‘ngra preparatning DIP [N,N-dimetilamino-2-propanol] va RAsVA [p-atsetaminobenzoy kislotasi] kabi tarkibiy qismlari peshob orqali deyarli to‘liq (94% -100 %) chiqarilgan.
Taqsimlanishi
Radioaktiv izotop-ishoratlangan material maymunlarga kiritilganidan so‘ngra faoliyati kamayib borish tartibida quyidagi a'zolarda topilgan buyrak, o‘pka, jigar, yurak, taloq, moyaklar, me'da osti bezi, miya va skelet mushaklari.
Biotransformatsiyasi
1 g inozin pranobeks og‘iz orqali kiritilganidan so‘ngra plazmada 3,7 mkg / ml (2 soatdan keyin) DIP va 9,4 mkg / ml (1 soatdan keyin) RAsVA aniqlanadi. Odamlarda dori o‘zlashtirilishini tekshirish bo‘yicha tadqiqotlarda siydik kislotasi kontsentratsiyasi ortishi (dorida mavjud inozinning bir o‘lchov sifatida qaraladi) notekis chiziqli xarakterga ega bo‘lgan va dori vositasi kiritilganidan so‘ng 1-3 soat ichida ± 10% oralig‘ida bo‘lgan. Odamlar organizmida asosiy metabolitlar DIP uchun N-oksid va PAcBA uchun o-atsilglyukuronid hisoblanadi.
Chiqarilishi
Preparatni kuniga 4 g doimiy qabul qilinganda PAcBAva uning asosiy metabolitining 24 soatlik siydik bilan chiqarilishi kiritilgan dozaning taxminan 85% tashkil etgan. Radioaktiv ishoratli DIP ning 95 % siydikda bilan o‘zgarmagan DIP holida va DIP N-oksid shaklida ajralishi kuzatilgan.
Yarim chiqarilish davri DIP uchun 3,5 soat, PAcBA uchun 50 daqiqani tashkil etadi. Inozin purinlarni siydik kislotasiga aylantirish yo‘li orqali metabolizmga uchraganligi sababli, odamlarda radioaktiv ishoratli tajribalar o‘tkazishning iloji yo‘q. Hayvonlarda og‘iz orqali kiritilgan inozinning taxminan 70 % siydikda siydik kislotasiga, qolgan qismi esa normal ksantin va gipoksantin metabolitlariga aylanadi.

Qo‘llanilishi

- Immun tizimi zaiflashgan bemorlarda, yuqori nafas yo‘llarining qaytalanuvchi infektsiyalarida majmuaviy davolash.
- Oddiy gerpes virusi (Herpes simplex) tomonidan qo‘zg‘atilgan lab va yuz terisi uchuqlarini davolash.
- Boshlang‘ich tarqoq o‘tkir panentsefalitda qo‘llaniladi.

Qo‘llash usuli va dozalari

Immunokta dori preparati sutkada 3-4 marta ovqatdan so‘ngra, teng vaqtlar oralig‘ida biroz miqdordagi suv bilan ichiladi. Agar zarur bo‘lsa, tabletkani chaynash mumkin. Tabletka shaklidagi preparatni 6 yoshga to‘lmagan bolalarda qo‘llash zaruriyati tug‘ilsa aspiratsiya xavfining oldini olish maqsadida Immunokta preparatini foydalanishdan oldin maydalanadi va oz miqdordagi suyuqlikda eritib ichiladi.
Davolashning davomiyligi nozologiyaga, jarayonning og‘irligiga va retsidivlar tezligiga qarab alohida belgilanadi. Davolash kursi o‘rtacha 5-14 kun. Preparatni qabul qilish simptomlar shiddati kamayganidan keyin yana 1-2 kun davom etishi kerak.
Kattalar uchun maksimal sutkalik doza sutkada 3-4 g, 1 yoshdan katta bolalar uchun - 50 mg/kg/kun.
Preparatning tavsiya etilgan dozalari va qo‘llash sxemalari
- oddiy gerpes virusi (Herpes simplex) tomonidan qo‘zg‘atilgan lablar va yuz terisidagi uchuqlar kattalar – sutkada 2 tabletkadan 3-4 marta (sutkada 6-8 tabletka); bolalar – sutkalik doza 50mg/kg hisobida 3-4 marta, 10-14 kun davomida;
- immun tizimi zaiflashgan patsiyentlar (majmuaviy davolash tarkibida) kattalar – 2 tabletkadan sutkada 3-4 marta (sutkada 6-8 tabletka), davolash kursi 2 haftadan 3 oygacha; bolalar – sutkalik doza 50 mg/kg hisobida kuniga 3-4 marta 21 kun mobaynida (yoki bir xil intervallar bilan 7-10 kun davomida 3 kurs)
- boshlang‘ich tarqoq o‘tkir panentsefalit sutkalik doza 50-100 mg/kg hisobida 6 kun davomida (har 4 soatda) 8-10 kun mobaynida; 8 kunlik tanaffusdan so‘ng, kasallik yengil bo‘lganda qo‘shimcha 1-3 kurs, og‘ir bo‘lganda – 9 kursgacha davolash o‘tkaziladi.
Ayrim patsiyentlar guruhini davolash
Keksa yoshdagi patsiyentlar;
Keksalik yoshidagi patsiyentlarda dozani to‘g‘rilash talab qilinmaydi.
Buyraklar funktsiyasini buzilishi bo‘lgan patsiyentlar;
Og‘ir buyrak yetishmovchiligida (kreatinin klirensi 30 ml/min. dan kam) bo‘lganda Immunokta preparatini qo‘llash mumkin emas.
Nojo‘ya ta'sirlari
Salbiy reaktsiyalar tizim-a'zolar sinflari va yuzaga kelish tezligiga ko‘ra tasniflangan. Yuzaga kelish tezligi quyidagicha aniqlanadi juda ko‘p hollarda (≥ 1/10); ko‘p hollarda (≥ 1/100, < 1/10); kam hollarda (≥ 1/1000, < 1/100); ba'zan (≥ 1/10000, < 1/1000); juda kam hollarda (< 1/10000); yuzaga kelishi noma'lum (yuzaga kelishi mavjud ma'lumotlar asosida taxmin qilinishi mumkin emas).
Kattalar hamda bolalarda preparatning qo‘llanilishi bilan bog‘liq faqat izchil kuzatilgan salbiy hodisa qon zardobida va peshobda (odatda normal parametrlar doirasida qolgan) siydik kislotasi kontsentratsiyasi vaqtinchalik o‘sish bo‘ladi. Siydik kislotasining kontsentratsiyasi odatda preparatni to‘xtatgandan so‘ng bir necha kun ichida normallashadi.
Juda tez-tez
- laborator va instrumental tekshiruv natijalariga ta'siri qonda siydik kislotasi kontsentratsiyasining ortishi, siydikda siydik kislotasi kontsentratsiyasining ortishi.
Tez-tez
3 oy yoki undan uzoqroq vaqt davomida preparatni qo‘llash paytida klinik tekshiruvlarda qayd etilgan barcha salbiy hodisalarning >1%
- nerv tizimida o‘zgarishlar bosh og‘rig‘i, bosh aylanishi;
- me'da-ichak traktida buzilishlar qusish bilan yoki qusishlarsiz ko‘ngil aynishi, epigastral sohada noqulaylik;
- nerv-mushaklar va biriktiruvchi to‘qimalarda o‘zgarishlar artralgiya;
- umumiy o‘zgarishlar va preparatni kiritish joyida o‘zgarishlar toliqish, holsizlik;
- teri va teri osti to‘qimalarida o‘zgarishlar qichima, toshmalar;
- laborator va instrumental tekshirish natijalariga ta'siri qonda mochevina, transaminazalar, ishqoriy fosfatazalar miqdorining ortishi.
Tez-tez emas
3 oy yoki undan uzoqroq vaqt davomida preparatni qo‘llash paytida klinik tekshiruvlarda qayd etilgan barcha salbiy hodisalarning <1%
- nerv tizimida o‘zgarishlar uyquchanlik yoki uyqusizlik;
- me'da-ichak tizimida o‘zgarishlar diareya, qabziyat;
- buyraklar va peshob chiqarish yo‘llarida o‘zgarishlar poliuriya;
- ruhiyatda o‘zgarishlar asabiylik.
Quyidagi salbiy reaktsiyalar preparat ro‘yxatga olinganidan so‘ngra qayd etilgan. Ularning chastotasi noma'lum
- me'da-ichak tizimida o‘zgarishlar epigastral sohada og‘riqlar;
- immun tizimida o‘zgarishlar angionevrotik shishlar, yuqori sezuvchanlik reaktsiyalari, eshakem, anafilaktik reaktsiyalar, anafilaktik shok;
- nerv tizimida o‘zgarishlar bosh aylanishi;
- teri va teri osti to‘qimasida o‘zgarishlar eritema.
Salbiy reaktsiyalar to‘g‘risida xabar berish
Ushbu preparatda foyda / xavf nisbatining uzluksiz monitoringini ta'minlash maqsadida dori vositasi ro‘yxatga olinganidan so‘ngra shubhali salbiy reaktsiyalarni qayd etib borish muhim ahamiyatga ega. Preparatni tibbiyotda qo‘llanilishiga doir mazkur yo‘riqnomada keltirilgan salbiy reaktsiyalar, shuningdek unda ko‘rsatilmagan nojo‘ya ta'sirlar yoki dori vositasining samarasizligi aniqlangan taqdirda bu haqda darhol davolovchi shifokorni xabardor qilish zarur.
Salbiy reaktsiyalar haqida xabardor qilinganida dori vositasining xavfsizligi haqida qo‘shimcha ma'lumot olish bo‘yicha iste'molchilarga yordam berishi mumkin.

Qo‘llash mumkin bo‘lmagan holatlar

- Faol moddaga va/yoki preparat tarkibidagi har qanday yordamchi moddaga yuqori sezuvchanlik;
- buyrak-tosh kasalligi;
- o‘tkir buyrak yetishmovchiligi (kreatinin klirensi 30 ml/min. dan kam);
- 1 yoshgacha bo‘lgan bolalar;
- homiladorlik davri;
- emizish davrida qo‘llash mumkin emas.
Immunokta preparatini o‘tkir podagra huruji yoki qondagi siydik kislotasining kontsentratsiyasi yuqori bo‘lgan bemorlarga buyurilmasligi kerak.
Dorilarning o‘zaro ta'siri
Immunokta dori vositasi quyidagi dori vositalarini qabul qilayotgan bemorlarda ehtiyotkorlik bilan qo‘llanilishi kerak
- ksantinoksidaza ingibitorlari (masalan, allopurinol);
- peshob bilan peshob kislotasining chiqarilishini kuchaytiruvchi preparatlar, shu jumladan tiazid (masalan, gidroxlortiazid, xlortalidon, indapamid), shuningdek xalqa (furosemid, torasemid, etakrin kislota) diuretiklari bilan birga qo‘llash tavsiya etilmaydi.
Immunokta dori vositasi immunosupressorlar bilan davolanish vaqtida (shuningdek, darhol to‘xtatilgandan keyin) qo‘llanilmasligi kerak, chunki immunosupressorlar bilan birgalikda qo‘llash inozin pranobeksning farmakokinetikasini o‘zgartirib, terapevtik samaradorligiga ta'sir qilishi mumkin.
Inozin pranobeks va azidotimidin (AZT) bir vaqtda qo‘llanilganda AZT ta'siri kuchayishi hisobiga nukleotidlar shakllanishi ortadi, masalan AZT ning biologik o‘zlashtirilishini oshirish va monotsitlarda hujayra ichi fosforlanishni oshiradi. Xulosa sifatida, inozin pranobeks AZT ta'sirini kuchaytiradi.

Maxsus ko‘rsatmalar

Inozin pranobeks har ikki jinsda, ayniqsa erkaklar va qariyalarda qon zardobida va peshobda odatda normal oraliqlarda (0,18-0,42 mmol/l) siydik kislotasi kontsentratsiyasining vaqtinchalik ortishiga olib kelishi mumkin. Siydik kislotasi kontsentratsiyasining oshishi uning shakllanishida inozinning ishtirok etishi bilan bog‘liq, ammo ferment yoki buyrak klirensining asosiy funktsiyalarining o‘zgarishi bilan bog‘liq emas. Shuning uchun, inozin pranobeks anamnezda podagra, giperurikemiya, siydik-tosh kasalligi va buyrak funktsiyasi buzilgan bemorlarda ehtiyotkorlik bilan tayinlanishi kerak. Ushbu bemorlarda davolash paytida siydik kislotasi darajasini diqqat bilan kuzatib borish zarur.
Ayrim bemorlarda o‘tkir yuqori sezuvchanlik reaktsiyalari rivojlanishi mumkin (eshakemi, angionevrotik shishlar, anafilaksiya). Bunday hollarda Immunokta® dori vositari bilan davolash to‘xtatiladi.
Uzoq muddatli davolanish o‘tkazilgan bemorlarda buyrak toshlari hosil bo‘lish xavfi mavjud.
Uzoq muddatli davolanishda (3 oydan ortiq) qonda va peshobda siydik kislotasi darajasini, jigar va buyrak funktsiyasining eng muhim parametrlarini (transaminaza faolligi, kreatinin darajasi), periferik qon tarkibini muntazam ravishda nazorat qilish talab etiladi. Siydik kislota sezilarli darajada yuqori bo‘lgan bemorlarga uning darajasini pasaytiruvchi dorilar buyurish mumkin.
Keksalik yoshidagi patsiyentlar
Shuni yodda tutish kerakki, keksalik yoshidagi bemorlarda o‘rta yoshdagi insonlarga qaraganda qon zardobida va peshobda siydik kislotasining kontsentratsiyasini oshirish ehtimoli ko‘proq.
Homiladorlik va laktatsiya davrida qo‘llanishi
Inozin pranobeksning insonlardi homilalik rivojlanishga ta'siri baholanmagan. Shuningdek, inozinning ona sutiga o‘tishi ham noma'lum.
Homiladorlik va ko‘krak suti bilan boqish davrida Immunokta dori vositasini qo‘llash mumkin emas.
Avtomobilni va murakkab mexanizmlarni boshqarish qobiliyatiga ta'siri
Inozin pranobeksning farmakodinamikasi hisobga olinsa, bu preparat transport vositalarini boshqarish va boshqa harakat mexanizmlari bilan ishlash qobiliyatiga ta'sir qiladi.
Doza oshirib yuborilishi
Inozin pranobeks dozasining oshirib yuborilishi bilan bironta holat to‘g‘risida xabar qilinmagan.
Hayvonlarda zaharlilik tadqiqotlarining natijalarini hisobga olgan holda, qon zardobida siydik kislotasi kontsentratsiyasida muhim ortishdan boshqa jiddiy salbiy reaktsiyalar rivojlanishi to‘g‘risida xulosa qilish ehtimoldan uzoq.
Doza oshirib yuborilganida simptomatik va qo‘llab-quvvatlovchi davolash choralari o‘tkaziladi.

Chiqarilish shakli

10 ta tabletkadan buflendan stripda yoki 10 ta tabletkadan polivinilxlorid plyonkali blisterda va alyumin folьga asosidagi egiluvchan o‘ramda. Har 2 ta strip yoki 3 ta blister tibbiyotda qo‘llanilishiga doir yo‘riqnomasi bilan birga karton qutiga joylanadi.
Saqlash sharoitlari
25ºC dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.

Ishlab chiqaruvchi

OOO «Farmtexnologiya» MChJ, 220024, Minsk sh., Korjenevskiy ko‘chasi, 22.
Tel./faks +375 17 309 44 88
“Viokta” MChJ, Rossiya buyurtmasi asosida ishlab chiqarilgan
Yuridik manzili 129337, Moskva sh.,
Xibinskiy tor ko‘chasi., 20 uy, 1 qav., 108 ofis.
Telefon (faks) +7 (495) 133-03-40