Simalgel ichga qabul qilish uchun suspenziya 250ml. №1

Preparatning savdo nomi

Simalgel
Ta'sir etuvchi moddalar (XPN) algeldrat + magniy gidroksidi + simetikon

Dori shakli

ichga qabul qilish uchun suspenziya

Tarkibi

5 ml suspenziya quyidagilarni saqlaydi
faol moddalar
alyuminiy gidroksidi 405 mg
magniy gidroksidi 100 mg
simetikon125 mg;
yordamchi moddalar suvsiz limon kislotasi, qalampiryalpiz moyi, natriy karmelloza, polisorbat 80, mannit, natriy metilparagidroksibenzoati, natriy propilparagidroksi-benzoati, natriy saxarini, kristallanmaydigan sorbitol eritmasi, 96% li etanol, tozalangan suv.
Ta'rifi oq yoki deyarli oq rangli yalpiz hidli suspenziya.

Farmakoterapevtik guruhi

Kislotaga bog‘liq kasalliklarni davolash uchun qo‘llanadigan preparatlar. Antatsidlar yel haydovchi vositalar bilan majmuada.
ATX kodi A02AF02
Farmakologik hususiyatlari

Farmakodinamika

Simalgel ikkita antatsid vositalar – alyuminiy gidroksidi hamda magniy gidroksidi, va yel haydovchi vosita – gaz pufakchalarini yo‘qotuvchi simetikonning majmuasidir. Magniy gidroksidi – tez ta'sir qiluvchi antatsid, va alyuminiy gidroksidi – sekin ta'sir qiluvchi antatsid. Ularning majmuasi preparatning ta'sirini tez boshlanishini va samarasini uzoq davom etishini ta'minlaydi. Alyuminiy gidroksidi burishtiruvchi ta'sirga ega va ichak harakatini sekinlashtirishi mumkin, biroq ushbu samarasi, magniy tuzlari kabi bo‘shashtiruvchi ta'sir ko‘rsatadigan magniy gidroksidining ta'siri bilan kompensatsiya bo‘ladi.
Simetikon gaz pufaychalarini hosil bo‘lishini bartaraf qiladi va ularni parchalanishiga yordam beradi. Bunda ajralib chiqqan gazlar ichak devorlariga singib ketadi va ichaklar harakati oqibatida organizmdan chiqariladi.

Farmakokinetikasi

Preparat deyarli so‘rilmaydi va organizmda elektrolitlar muvozanatini izdan chiqarmaydi.

Qo‘llanilishi

Quyidagi simptomlarni simptomatik davolash uchun qo‘llanadi
- dispepsiya;
- jig‘ildon qaynashi;
- meteorizm.

Qo‘llash usuli va dozalari

Ichga qabul qilish uchun suspenziya.
Preparatni qabul qilishdan oldin suspenziyali flakonni chayqatish kerak. Suspenziyani dozalash uchun bir tomonidan 2,5 ml, 5 ml, 7,5 ml, 10 ml, 15 ml va 20 ml sig‘imlarga, va boshqa tomonidan - 1,25 ml, 6,25 ml, 8,75 ml, 11,25 ml, 13,75 ml va 16,25 ml sig‘imlarga bo‘lingan o‘lchov stakani ishlatiladi. Simalgelь preparatini suyultirilmagan ko‘rinishda qabul qilish kerak. Suyuqlikni suspenziya qabul qilinganidan so‘ng 30 minut davomida iste'mol qilish tavsiya etiladi.
Kattalar va 5 yoshdan oshgan bolalar
5-10 ml dan ovqatdan so‘ng 20-60 minutdan keyin va uyqudan oldin yoki zarurat bo‘lganida qabul qilinadi.
5 yoshdan kichik bolalar
5 ml gacha kuniga 3 marta qabul qilinadi.
Keksa patsiyentlar
Odatda kattalarda qo‘llanadigan dozani qabul qilish tavsiya etiladi.
Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'um (mavjud ma'lumotlar asosida baholash mumkin emas).
Immun tizimi tomonidan uchrash tezligi noma'lum – qichishish, eshakemi, angionevrotik shish va anafilaktik reaktsiyalar kabi o‘ta yuqori sezuvchanlik reaktsiyalari.
Me'da-ichak yo‘llari tomonidan tez-tez emas – diareya yoki qabziyat.
Moddalar almashinuvi va oziqlanish tomonidan uchrash tezligi noma'lum – gipermagniyemiya, giperalyuminemiya, gipofosfatemiya (uzoq muddat qo‘llanganida, yoki yuqori dozalarda qo‘llanganida, yoki hatto ovqatdagi fosforning miqdori past bo‘lganida patsiyentlarda odatdagi dozalarda qo‘llanganida, bu holat suyak to‘qimasini rezorbtsiyasini oshishiga, giperkalьtsiuriyaga, osteomalyatsiyaga olib kelishi mumkin).
Shubha qilingan noxush reaktsiyalar bo‘yicha xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

- preparatning komponentlariga yuqori sezuvchanlik;
- kuchli toliqish;
- buyrak funktsiyasini buzilishi;
- gipofosfatemiya;
- fruktozani o‘zlashtirolmaslik;
- glyukoza-galaktoza malьabsorbtsiyasi sindromida qo‘llash mumkin emas.
Dorilarning o‘zaro ta'siri
Simalgel va boshqa preparatlarni qabul qilishlar o‘rtasidagi oraliq kamida 1 soatni tashkil etishi kerak, chunki bir vaqtda qabul qilinganida dori vositalarning so‘rilishini pasaytirishi mumkin.
Alyuminiy saqlovchi antatsidlar tetratsiklinlar, vitaminlar, siprofloksatsin, ketokonazol, gidroksixloroxin, xloroxin, xlorpromazin, rifampitsin, sefdinir, sefpodoksim, levotiroksin, rozuvastatin kabi dori vositalarni so‘rilishiga to‘sqinlik qilishi mumkin.
Levotiroksin shuningdek levotiroksinni so‘rilishini kamaytirishi yoki kechiktirishi mumkin bo‘lgan simetikon bilan bog‘lanishi mumkin.
Buyrak yetishmovchiligi (alyuminiy gidroksidi va magniy gidroksidi uchun xabar berilgan) va ichak tutilishi (alyuminiy gidroksidi uchun xabar berilgan) bo‘lgan patsiyentlarda metabolik alkaloz, kaliyni bog‘lanishida qatronning samaradorligini kuzatilishi mumkin bo‘lgan havflari borligi tufayli, polistiren sulьfonat bilan bir vaqtda qo‘llanganida ehtiyotkorlikka rioya qilish kerak.
Alyuminiy gidroksidi va sitratlar, ayniqsa buyrak yetishmovchiligi bo‘lgan patsiyentlarda alyuminiyning darajasini oshishiga olib kelishi mumkin.

Maxsus ko‘rsatmalar

Alyuminiy gidroksidi qabziyatni chaqirishi mumkin, magniy tuzlarining dozasini oshirib yuborilishi ichak gipokineziyasini chaqirishi mumkin; ushbu mahsulotning katta dozalari havf yuqori bo‘lgan patsiyentlarda (buyrak yetishmovchiligi bo‘lgan patsiyentlar, keksa patsiyentlar) ichak tutilishini qo‘zg‘atishi yoki og‘irlashtirishi mumkin.
Alyuminiy gidroksidi me'da-ichak yo‘llaridan yomon so‘riladi, shuning uchun tizimli samaralari buyrak funktsiyasi normal bo‘lgan patsiyentlarda kam uchraydi. Biroq uzoq muddat qo‘llash, yoki yuqori dozalarda qo‘llash, yoki hatto ovqatda fosforning miqdori past bo‘lgan patsiyentlarda normal dozalarda qo‘llash fosfatlarning miqdorini (alyuminiyni fosfat bilan bog‘lanishi tufayli) pasayishiga olib kelishi mumkin, bu holat suyak to‘qimasini yuqori rezorbtsiyasi va osteomalyatsiya havfi bilan kechuvchi giperkalьtsiuriya bilan kechadi. Preparat uzoq muddat qo‘llanganida yoki fosfatlarning zahiralari kamayish havfi bo‘lganida shifokorga murojaat qilish kerak.
Buyrak yetishmovchiligi bo‘lgan patsiyentlarda qon plazmasida ham alyuminiy, ham magniyning darajasi oshadi. Ushbu patsiyentlarda alyuminiy va magniy tuzlarining yuqori dozalarini uzoq muddat ta'sir qilishi dementsiyaga, mikrotsitar anemiyaga olib kelishi mumkin.
Alyuminiy gidroksidi gemodializda porfiriyasi bo‘lgan patsiyentlar uchun havfli bo‘lishi mumkin.
Homiladorlikda va laktatsiya davrida qo‘llanishi
Homiladorlikda Simalgel preparatini qo‘llash havfsizligi aniqlanmagan.
Preparat tavsiyalarga muvofiq qo‘llanganida, ko‘krak sutiga alyuminiy va magniyni minimal miqdorlarda o‘tishi kutiladi.
Simetikon me'da-ichak yo‘llaridan so‘rilmaydi.
Yangi tug‘ilgan chaqaloqqa / ko‘krak yoshidagi go‘daklarga hech qanday ta'sir ko‘rsatishi kutilmaydi, chunki alyuminiy gidroksidi, magniy gidroksidi va simetikonni emizadigan ayollarga tizimli ta'siri ahamiyatsiz darajada bo‘ladi.
Pediatriyada qo‘llanishi
Preparat pediatriya amaliyotida qo‘llanadi.
Avtotransportni haydash va mexanizmlarni boshqarish qobiliyatiga ta'siri
Simalgelь avtotransportni haydash va diqqatni yuqori jamlash hamda psixomotor reaktsiyalar tezligini talab etuvchi mexanizmlarni boshqarish qobiliyatiga salbiy ta'sir ko‘rsatmaydi.

Dozani oshirib yuborilishi

Simptomlari dozasi oshirib yuborilganida jiddiy simptomlarni yuzaga kelish ehtimoli kam.
Alyuminiy gidroksidi va magniy tuzlari majmuasining dozasini o‘tkir oshirib yuborilish simptomlari diareya, qorinda og‘riq va qusishdan iborat.
Havf guruhiga kiruvchi patsiyentlar (buyrak yetishmovchiligi bo‘lgan patsiyentlar, keksa yoshdagi patsiyentlar) ga preparatning yuqori dozalarini qo‘llash ichak obstruktsiyasi yoki ichak tutilishini chaqirishi yoki og‘irlashtirishi mumkin.
Davolash alyuminiy va magniy siydik bilan chiqariladi. Dozani o‘tkir oshirib yuborilishini davolash kalьtsiy glyukonatni vena ichiga yuborish, yo‘qotilgan suyuqlik o‘rnini to‘ldirish va jadallashtirilgan diurez yordamida amalga oshiriladi. Buyrak yetishmovchiligi bo‘lgan patsiyentlarga gemodializ yoki peritoneal dializ o‘tkazish kerak.

Chiqarilish shakli

Ichga qabul qilish uchun suspenziya 250 ml dan buraladigan himoya qopqoqli sariq rangli flakonda.
1 flakon tibbiyotda qo‘llanilishiga doir yo‘riqnomasi va o‘lchov stakani bilan birga karton qutiga joylangan.

Saqlash sharoiti

Yorug‘likdan himoyalangan joyda, 25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!
Muzlatilmasin.
Flakon ochilganidan so‘ng preparat 28 kun davomida ishlatilsin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.

Ishlab chiqarilgan

“Uorld Meditsin Ilach San. ve Tidj. A.Sh.”, Turkiya
(15 Temmuz Max. Djami Yolu Djad. № 50 Gyuneshli Bagdjilar/Istambul)
“World Medicine Ilaç San. ve Tic. A.Ş.", Turkey
(15 Temmuz Mah. Cami Yolu Cad. No 50 Güneşli Bağcılar/İstanbul).
O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Evro Farm Biznes” MChJ HK
O‘zbekiston Respublikasi, Toshkent sh., Yakkasaroy tumani, Sh. Rustaveli ko‘ch., 120
Telefon +99871 212-18-41, +99871 212-20-58.