Femara tab. 2.5mg № 30

Preparatning savdo nomi

Femara®
Ta'sir etuvchi modda (XPN) letrozol (letrozole)

Dori shakli

plyonka qobiq bilan qoplangan tabletkalar.

Tarkibi

1 tabletka quyidagilarni saqlaydi
faol modda 2,5 mg letrozol;
yordamchi moddalar kolloid suvsiz kremniy dioksidi; mikrokristall sellyuloza; laktoza monogidrati; magniy stearati; makkajo‘xori kraxmali; natriy kraxmal glikolyati; gidroksipropilmetiltsellyuloza; polietilenglikol 8000; tal'k; titan dioksidi (E 171); temir II oksidi (E 172).
Ta'rifi to‘q-sariq, dumaloq, ikki tomonlama biroz qavariq chetlari kesilgan, bir tomonida “FV” va boshqa tomonida “CG” markirovkali qobiq bilan qoplangan tabletkalar.

Farmakoterapevtik guruhi

Gormonlar antagonistlari va analogik vositalar. Fermentlar ingibitorlari.
ATX kodi L02BG04.

Farmakologik xususiyatlari

Farmakodinamika

si
Sog‘lom ayollarda postmenopauzada 0,1 mg, 0,5 mg va 2,5 mg ni tashkil etuvchi letrozolning bir martalik dozasi qon zardobida estron va estradiol darajasini (boshlang‘ich darajasiga nisbatan) muvofiq ravishda 75-78% va 78% ga pasaytiradi. Maksimal pasayishi 48-78 soatdan keyin yuz beradi.
Sut bezi rakining tarqalgan shaklida ayollarda menopauzadan keyin letrozolni har kuni 0,1 mg dan 5 mg gacha qo‘llash qon plazmasida estradol, estron va estron sulfati miqdorini davolanayotgan patsiyentlarda boshlang‘ich darajasidan 75-95% ga pasaytiradi. Preparatni 0,5 mg va undan ortiq dozada qo‘llanganda, ko‘pchilik hollarda estron va estron sulfatining kontsentratsiyasi gormonlarni aniqlash uchun qo‘llaniladigan usulning sezgirlik chegarasidan past bo‘lgan. Bu, preparatning ushbu dozalari yordamida estrogenlar sintezini yaqqolroq susaytirilishiga erishilganini ko‘rsatadi. Estrogenlar supressiyasi hamma patsiyentlarni davolash davomida saqlab turilgan.
Letrozol - aromataza faolligining yuqori spetsifik ingibitoridir. Buyrak usti bezida steroid gormonlar sintezini izdan chiqishi aniqlanmagan. Patsiyentlarda postmenopauzada letrozol bilan sutkalik doza 0,1 mg dan 5 mg gacha dozada davolash o‘tkazilganda qon plazmasida kortizol, aldosteron, 11-deoksikortizol, 17-gidroksiprogesteron, AKTG kontsentratsiyalarini, shuningdek renin faolligining klinik ahamiyatga ega bo‘lgan o‘zgarishlari aniqlanmagan. Letrozol bilan 0,1 mg, 0,25 mg, 0,5 mg, 1 mg, 2,5 mg va 5 mg sutkalik dozalarda davolashning 6 va 12 haftasidan keyin AKTG ni rag‘batlantirish testini o‘tkazilishi aldosteron va kortizol sintezini xech qanday sezilarli susayishini aniqlamadi. Shunday qilib, glyukokortikoidlar va mineralokortikoidlarni qo‘shimcha buyurishga zarurat yo‘q.
Sog‘lom ayollarda postmenopauzada letrozolni 0,1 mg, 0,5 mg va 2,5 mg dozalarda qo‘llanganda bir marta qon plazmasida androgenlar (androstendion va testosteron) ning kontsentratsiyasini o‘zgarishi aniqlanmagan. Letrozolni 0,1 mg dan 5 mg gacha sutkalik dozalarda qabul qilgan patsiyentlarda postmenopauzada qon plazmasida androstendionning darajasini o‘zgarishi xam aniqlanmagan. Bularning hammasi shuni ko‘rsatadiki, estrogenlar biosintezining blokadasi estrogenlarning o‘tmishdoshlari bo‘lgan androgenlarni to‘planishiga olib kelmaydi. Letrozol qabul qilgan patsiyentlarda lyuteinlovchi va follikulani rag‘batlantiruvchi gormonlarning qon plazmasida kontsentratsiyasini o‘zgarishi aniqlanmagan, shuningdek tireotrop gormon, T4 va T3 ning darajasiga qarab baholanadigan qalqonsimon bez faoliyatini o‘zgarmaganligini ko‘rsatgan.

Farmakokinetikasi

So‘rilishi
Letrozol me'da-ichak yo‘llaridan tez va to‘liq so‘riladi (biokiraolishligining o‘rtacha kattaligi 99,9% ni tashkil etadi). Ovqat so‘rilish tezligini ahamiyatsiz darajada pasaytiradi (qonda letrozolning kontsentratsiyasini maksimal darajaga erishish vaqtining o‘rtacha qiymati tmax preparat och qoringa qabul qilinganda 1 soatni va ovqat bilan qabul qilinganda - 2 soatni tashkil etadi; letrozolning qondagi o‘rtacha maksimal kontsentratsiyasining o‘rtacha qiymati - Smax - och qoringa qabul qilinganda 129±
20,3 nmol/l va ovqat bilan qabul qilinganda - 98,7±18,6 nmol/l ni tashkil etadi), biroq letrozolning so‘rilish darajasi (”kontsentratsiya–vaqt” egri chizig‘i ostidagi maydon (AUS) bo‘yicha baholaganda) o‘zgarmaydi. So‘rilish tezligining ahamiyatsiz o‘zgarishlari klinik ahamiyatga ega bo‘lmagan deb baholanadi va shuning uchun letrozolni ovqat qabul qilishdan qat'iy nazar qo‘llash mumkin.
Taqsimlanishi
Letrozolning qon plazmasi oqsillari bilan bog‘lanishi taxminan 60% ni tashkil etadi (asosan albumin bilan - 55% bog‘lanadi). Eritrotsitlardagi letrozolning kontsentratsiyasi, uning qon plazmasidagi kontsentratsiyasining deyarli 80% ni tashkil etadi. 14S-nishonlangan 2,5 mg li letrozol yuborilganidan keyin qon plazmasidagi radiofaollikning taxminan 82% o‘zgarmagan faol moddaning ulushiga to‘g‘ri keladi. Shuning uchun letrozolning metabolitlarini tizimli ekspozitsiyasi juda oz. Letrozol to‘qimalarda tez va keng taqsimlanadi. Muvozanat holat davridagi taxminiy taqsimlanish hajmi taxminan 1,87±0,47 l/kg ga yetadi.
Metabolizmi
Farmakologik faol bo‘lmagan karbinolli metabolitgacha bo‘lgan metabolik klirens letrozolning asosiy chiqarilish yo‘li hisoblanadi (CLm=2,1 l/soat), lekin u jigardagi qon oqimining tezligi (taxminan 90 l/soat) ga nisbatan sekin. Letrozolning, uning metabolitiga aylanishi sitoxrom R450 fermenti izofermentlari 3A4 va 2A6 ta'sirida amalga oshishi aniqlangan. Ko‘p bo‘lmagan, hali oxirigacha aniqlanmagan boshqa metabolitlarning paydo bo‘lishi, shuningdek o‘zgarmagan moddaning siydik va ahlat orqali chiqarilishi letrozolning eliminatsiyasida arzimagan rol o‘ynaydi xolos.
Sog‘lom ko‘ngillilarga postmenopauzada 2,5 mg 14S-nishonlangan letrozolni 2 hafta mobaynida yuborilgandan keyin siydikda radiofaol moddaning 88,2±7,6%, ahlatda - 3,8±0,9% aniqlangan. Siydikda 216 soatgacha bo‘lgan davrda aniqlanadigan radiofaol moddaning kamida 75% (letrozolning dozasini 84,7±7,8%) karbinolli metabolitning glyukuronidli kon'yugatlariga, deyarli 9% - ikkita boshqa identifikatsiya qilinmagan metabolitga va 6% - o‘zgarmagan letrozolga to‘g‘ri kelgan.
Chiqarilishi
Qon plazmasidan yakuniy taxminiy yarim chiqarilish davri taxminan 2 sutkadan 4 sutkani tashkil etadi. 2,5 mg preparatni har kuni qabul qilingandan keyin letrozolning muvozanatli kontsentratsiyasiga 2-6 hafta davomida erishiladi. Muvozanat holat davridagi letrozolning qon plazmasidagi kontsentratsiyasi, 2,5 mg dozani bir marta qabul qilinganidan taxminan 7 marta ko‘p. Shu bilan birga muvozanatli kontsentratsiyasi preparatni bir martalik dozasi qabul qilingandan keyin qayd qilingan kontsentratsiyalardan kelib chiqib, hisoblashlar asosida kutiladigan ko‘rsatkichdan 1,5-2 marta ortiq. Bu, letrozolni har kuni 2,5 mg dozada qo‘llanganda uning farmakokinetikasi biroz notekis (teskari proportsional) xarakterga ega ekanligini ko‘rsatadi.
Letrozolning muvozanat kontsentratsiyasi davolash paytida har doim uzoq vaqt davomida ushlab turilgani uchun, letrozolni to‘planishi yuz bermaydi deb xulosa qilish mumkin.
Proportsionallik/teskari proportsionallik
Letrozolning farmakokinetikasi 10 mg gacha bir martalik peroral dozadan (dozalar diapazoni 0,01 mg dan 30 mg gacha) va har kungi 1,0 mg gacha bo‘lgan dozadan (dozalar diapazoni 0,1 mg dan 5 mg gacha) keyin dozaga nisbatan proportsional bo‘lgan. Peroral bir martalik 30 mg doza qabul qilinganda AUS ko‘rsatkichining dozaga nisbatan katta bo‘lmagan teskari proportsional oshishi kuzatilgan. 2,5 mg va 5 mg li har kungi dozalarda AUS ko‘rsatkichi sutkada 1,0 mg dozaga nisbatan tegishli ravishda 2,5 va 5 marta o‘rniga 3,8 va 12 marta oshgan. Shunday qilib, tavsiya qilingan sutkalik 2,5 mg doza teskari proportsionallik ko‘zga ko‘rinadigan chegara dozasi hisoblanadi, sutkalik 5 mg dozada esa teskari proportsionallik yanada yaqqol bo‘ladi. Dozaning teskari proportsionalligi, ehtimol bilan metabolik chiqarilish jarayonlarining to‘yinganlik natijasi bo‘lishi mumkin. Muvozanatli kontsentratsiyalariga barcha tekshirilgan dozalash tartiblarida (0,1-5,0 mg har kuni) 1-2 oydan keyin erishilgan.
Alohida guruh patsiyentlaridagi farmakokinetikasi
Keksa yoshdagi patsiyentlar
Letrozolning farmakokinetikasi yoshga bog‘liq emas.

Qo‘llanilishi

Letrozol gormonnegativ kasallikda qo‘llash uchun ko‘rsatilmagan.
Letrozol quyidagi holatlarda qo‘llaniladi
• Ayollarda sut bezi gormonpozitiv invaziv rakining boshlang‘ich davolashda.
• Tamoksifen bilan bir yil davomida standart ad'yuvant davolash o‘tkazilgan ayollarda menopauzadan keyingi davrda sut bezi invaziv rakini ilk bosqichlarida kengaytirilgan ad'yuvant davolashda.
• Ayollarda menopauzadan keyingi gormonga bog‘liq tarqalgan sut bezi rakining birinchi liniyasini davolashda.
• Ilgari antiestrogenlar bilan davolangan ayollarda postmenopauzada (tabiiy yoki sun'iy chaqirilgan) sut bezining keng tarqalgan shakllarini kasallikni qaytalanishidan keyin yoki kasallik avj olganida davolash.
• Gormonpozitiv HER2-negativ sut bezi raki bo‘lgan, ayollarda postmenopauzada kimyoterapiya qo‘llanilmayotgan va shoshilinch jarrohlik aralashuvi ko‘rsatilmagan hollarda noad'yuvantli davolash.

Qo‘llash usuli va dozalari

Dozalash tartibi

.
Katta patsiyentlar.
Femara® preparatining tavsiya etilgan dozasi har kuni sutkada bir marta 2,5 mg ni tashkil etadi. Ad'yuvant yoki kengaytirilgan ad'yuvant davolashda Femara® preparati bilan davolash 5 yil davom etishi yoki kasallikni qaytalanishi yuz bermagunicha davom etishi lozim. Ad'vantli davolash sharoitida letrozolni tamoksifen bilan qiyosiy katta bazali tadqiqot letrozolni 5 yil davomida uzoq vaqt qo‘llanganda, ushbu preparatlarni ketma-ket qo‘llangandagiganisbatan samaradorligi va havfsizligi yuzasidan xech qanday foyda olinmagan. Metastazlari bo‘lgan ayollarda Femara® preparati bilan davolashni kasallikniavjolish belgilari aniq bo‘lmagunicha davom ettirilishi lozim. Noad'yuvant (operatsiyadan oldingi) tayyorgarlik sharoitlarida o‘sma o‘lchamini optimal darajada kichrayishiga erishish uchun Femara® preparati bilan davolashni 4-8 oy davom ettirish kerak. Noadekvat javob olinganda, Femara® preparati bilan davolashni to‘xtatish, jarrohlik aralashuvini rejalashtirish va/yoki patsiyent ayol bilan davolashning keyingi variantlarini muhokama qilish kerak.
Patsiyentlarning alohida guruhlari
Jigar faoliyatini buzilishlari
Yengil yoki o‘rta darajadagi jigar yetishmovchiligi (Chayld-Pyu shkalasi bo‘yicha A va V sinfi) bo‘lgan patsiyentlarda Femara® preparating dozasiga tuzatish kiritish talab etilmaydi. Jigar faoliyatini og‘ir buzilishlari bo‘lgan patsiyentlar hususida ma'lumotlar yetarli emas, shuning uchun og‘ir jigar yetishmovchiligi (Chayld-Pyu shkalasi bo‘yicha S sinfi) bo‘lgan patsiyentlar shifokorning sinchkov kuzatuvi ostida bo‘lishlari lozim.
Buyrak faoliyatini buzilishi
Buyrak yetishmovchiligi bor patsiyentlarda, kreatinin klirensi ≥10 ml minut bo‘lganida, preparatning dozasiga tuzatish kiritish talab etilmaydi. Kreatinin klirensi minutiga 10 ml dan kam buyrak yetishmovchiligi bo‘lgan patsiyentlar yuzasidan ma'lumotlar yetarli emas.
Keksa yoshdagi patsiyentlar
Keksa yoshdagi patsiyentlarga preparatning dozasigatuzatish kiritish talab qilinmaydi.
Qo‘llash usuli.
Femara® preparatini ichga ovqat qabul qilishdanqat'iy nazar qabul qilish kerak, chunki ovqat preparatni so‘rilish darajasiga ta'sir etmaydi.
Patsiyent o‘tkazib yuborilgan dozani, bu holat esiga tushishi bilanoq qabul qilishi kerak. Agar keyingi dozani qabul qilish vaqti yaqinlashgan bo‘lsa, unutilgan dozani o‘tkazib yuborishi va patsiyent muntazam dozalash tartibini qaytadanboshlash kerak.
Dozani ikki barobar oshirish mumkin emas, chunki tavsiya etilgan har kungi 2,5 mg doza oshirilganda,tizimli ekspozitsiyaning haddan tashqari proportsionalligi kuzatilgan.
Nojo‘ya ta'sirlari
Femara® umuman olganda, tarqalgan sut bezi rakini birinchi va ikkinchi darajali davolashda ham, sut bezi rakining boshlang‘ich bosqichlaridagi ad'yuvant davolashda ham va sut bezi rakida ilgari tamoksifen bilan standart ad'yuvant terapiya olgan ayollarda kengaytirilgan ad'yuvant davolashda hamhamma tadqiqotlarda yaxshi o‘zlashtirilgan.
Metostatik va noad'yuvant holatlarda Femara® preparati bilan davolangan patsiyentlarning deyarli 1/3 da, preparat ad'yuvant ravishda buyurilganda (ikkala guruh ham Femara® preparatini, ham tamoksifenni davolash davomiyligi medianasi 60 oy bo‘lgan davrda qabul qilingan) 75% patsiyentlarda va kengaytirilgan ad'yuvant terapiya (ham Femara®, ham platsebo qo‘llangan davolash davomiyligi medianasi 60 oylik tadqiqot) da deyarli 80% patsiyentlarda nojo‘ya reaktsiyalar kuzatilgan. Umuman, olganda kuzatilgan nojo‘ya reaktsiyalar asosan kuchsiz yoki o‘rtacha og‘irlikda namoyon bo‘lgan va ko‘pchilik holatdarda estrogenlar tanqisligi bilan bog‘liq bo‘lgan. Ko‘proq, klinik tadqiqotlar to‘g‘risidagi hisobotlarda nojo‘ya reaktsiyalar qizib ketish hissi, artralgiyalar, ko‘ngil aynishi va toliqish ko‘rinishida bo‘lganligi ta'kidlangan. Ko‘pchilik noxush reaktsiyalar estrogenlar tanqisligining odatdagi farmakologik oqibatlariga mansub deyish mumkin (masalan, qon quyilishi, soch to‘kilishi va vaginal qon ketishlari). Quyidagi noxush dori reaktsiyalari klinik tadqiqotlar davomida va Femara® preparatini postregistratsion qo‘llash davrda kuzatilgan.
Turli nojo‘ya reaktsiyalarni yuz berish tez-tezligini baholashda quyidagi gradatsiyalardan foydalanilgan juda tez ≥10%, tez-tez ≥1% dan <10% gacha, ba'zida ≥0,1% dan <1% gacha; kam ≥0,01% dan <0,1% gacha; juda kam <0,01%, noma'lum (olingan ma'lumotlarga asoslanib baholab bo‘lmaydi).
Infektsiyalar va invazivlar ba'zida - siydik chiqarish tizimi infektsiyasi.
Xavfsiz va xavfli, aniqlanmagan o‘smalar, shu jumladan kistalar va poliplar ba'zida - o‘sma o‘choqlarida og‘riq (faqat metostaz holatlarida kuzatilgan).
Qon va limfatik tizim tomonidan ba'zida - leykopeniya, trombotsitopeniya.
Metabolik buzilishlar juda tez - giperxolesterinemiya, tez-tez - anoreksiya, ishtahani oshishi.
Ruhiyat tomonidan buzilishlar tez-tez - depressiya; ba'zida - hayajonlanish (shu jumladan nerv qo‘zg‘alishi, jizzakilik).
Nerv tizimi tomonidan tez-tez – bosh og‘rig‘i, bosh aylanishi; ba'zida – uyquchanlik, uyqusizlik, xotirani yomonlashishi, dizesteziya (shu jumladan paresteziya, gipesteziya), ta'm bilish hissini buzilishi, o‘tkir serebrovaskulyar buzilishlar, bilakning tunnel sindromi.
Ko‘rish a'zolari tomonidan ba'zida – katarakta, ko‘z shilliq qavatini ta'sirlanishi, ko‘rishni xiralashishi.
Yurak tomonidan ba'zida - yurakni urib ketishi hissi (faqat metastaz holatlarida kuzatilgan), taxikardiya, yurak ishemiyasi holatlari (shu jumladan stenokardiyani kechishini yomonlashishi, jarrohlik aralashuvini talab qiluvchi stenokardiya, miokard infarkti va miokard ishemiyasi).
Qon tomirlari tomonidan juda tez-tez - qizib ketish hissi; tez-tez - gipertoniya, ba'zida – tromboflebit (shu jumladan yuza va chuqur joylashgan venalar tromboflebiti); kam – o‘pka emboliyasi, arterial tromboz, serebrovaskulyar infarkt.
Nafas tizimi tomnidan ba'zida - hansirash, yo‘tal.
Me'da-ichak yo‘llari tomonidan tez-tez - ko‘ngil aynishi, qusish, dispepsiya (faqat metastatik holatlarda kuzatilgan), qabziyat, diareya, abdominal og‘riq, ba'zida - stomatit, og‘izni qurishi.
Gepatobiliar tizim tomonidan ba'zida - jigar fermentlari darajasini oshishi, juda kam - gepatit.
Teri va teri osti to‘qimalari tomonidan juda tez-tez - kuchli terlash, tez-tez -alopetsiya, terini qurishi, toshmalar (shu jumladan eritematozli dog‘li - papulyoz, psoriazga o‘xshash va vezikulyar toshmalar), ba'zida - terini qichishishi, qurishi, eshakemi, tez-tezligi noma'lum – angioedema, anafilaktik reaktsiyalar, toksik epidermal nekroliz, ko‘p shaklli eritema.
Skelet-mushak tizimi tomonidan juda tez-tez - artralgiya, tez-tez - mialgiya, suyaklarda og‘riq, osteoporoz (faqat metastatik holatlarda kuzatilgan), suyakni sinishi, ba'zida yoki ba'zida - tez tez siyish.
Reproduktiv tizim tomonidan tez-tez - vaginal qon ketishlari ba'zida vaginal ajralmalaryoki sut bezlarini qurishi va og‘riq.
Umumiy buzilishlar juda tez-tez - toliqish (shu jumladan asteniya va bezovtalik), tez-tez– periferik shishlar, ba'zida - umumiy shish, haroratni oshishi, shilliq qavatlarni qurishi, chanqoqlik hissi.
Laborator tekshirishlar tez-tez - tana vaznini oshishi, ba'zida - tana vaznini kamayishi.
Ayrim nohush reaktsiyalarning ta'rifi
Yurak tomonidan noxush reaktsiyalar
Ad'yuvantli davolashda, yuqorida keltirilgan ma'lumotlardan tashqari, Femara® preparati va tamoksifen qabul qilgan patsiyentlar guruhida muvofiq ravishda (davolash davomiyligi medianasi 5 yil bo‘lgan) quyidagi nojo‘ya reaktsiyalar kuzatilgan jarrohlik aralashuvini talab qiluvchi stenokardiya (1,0% ga nisbatan 1,0%); yurak yetishmovchiligi (1,1% ga nisbatan 0,6%); gipertoniya (5,6% ga nisbatan 5,7%); serebrovaskulyar infarkt/miyada qon aylanishini tranzitor buzilishlari (2,1% ga nisbatan 1,9%).
Femara® preparati bilan kengaytirilgan ad'yuvant davolashda (davolash davomiyligining medianasi 60 oy) va platsebo qo‘llanilganda (davolash davomiyligining medianasi 3 yil) muvofiq ravishda quyidagi nojo‘ya reaktsiyalar aniqlangan jarrohlik aralashuvini talab qiluvchi stenokardiya (0,8% ga nisbatan 0,6%), ilk bor aniqlangan stenokardiya yoki uning kechishini yomonlashuvi (1,4% ga nisbatan 1,0%), miokard infarkti (1,0% ga nisbatan 0,7%); tromboembolik buzilishlar* (0,9% ga nisbatan 0,3%); insult/miyada qon aylanishini tranzitor buzilishlari* (1,5% ga nisbatan 0,8%).
*belgisi bilan ko‘rsatilgan holatlar ikkala davolash guruhida statistik ahamiyatli farqqa ega bo‘lgan.
Suyak to‘qimalari tomonidan noxush reaktsiyalar.
Kengaytirilgan ad'yuvant davolashda suyaklar sinishi va osteoporoz Femara® preparati bilan davolangan patsiyentlarda (suyaklar sinishi - 10,4% va osteoporoz - 12,2%) platsebo qabul qilgan guruhga (muvofiq ravishda 5,8% va 6,4%) nisbatan ancha ko‘p miqdorda kuzatilgan. Davolash davomiyligining medianasi platsebo uchun 3 yilga nisbatan Femara® preparati uchun 5 yilni tashkil etgan.

Qo‘llash mumkin bo‘lmagan holatlar

-Faol modda yoki preparatning har qanday boshqa komponentiga yuqori sezuvchanlik.
-Menopauzal davridan oldingi davrga xos bo‘lgan endokrin status.
-Homiladorlik, emizish davrida qo‘llash mumkin emas.
Dorilarning o‘zaro ta'siri
Letrozol asosan jigarda metabolizmga uchraydi, sitoxrom R450 fermentlari-SYR 3A4 va SYR 2A6 esa-letrozolning metabolik klirensiga yordam beradi. Shunday qilib, letrozolni tizimli chiqarilishiga SYR 3A4 va SYR 2A6 fermentlariga ta'sir etuvchi dori vositalari ta'sir etishi mumkin. Letrozolning metabolizmi SYR 3A4 ga kam yaqinlikda kechadi, chunki bu ferment tipik klinik sharoitlarda letrozolning qon plazmasida kuzatiladigan muvozanatli kontsentratsiyadan hatto 150 marta ko‘p bo‘lganda ham to‘yinmaydi.
Qon zardobida letrozolning kontsentratsiyasini oshirishi mumkin bo‘lgan dori vositalari.
Qon zardobida letrozolning kontsentratsiyasini oshirishi mumkin bo‘lgan dori vositalari SYR 3A4 va SYR 2A6 foalligining ingibitorlari letrozol metabolizmini susaytirishi va shu orqali qon plazmasida letrozolning kontsentratsiyasini oshirishi mumkin. Bu fermentlarni kuchli susaytiradigan dori preparatlarini (SYR 3A4 ning kuchli ingibitorlari ketokonazol, tirakonazol, vorikonazol, ritonavir, klaritromitsin va telitromitsinni o‘z ichiga oladi), SYR 2A6 kuchli ingibitorlari (masalan, metaksolen va boshqalar) birga qo‘llash letrozolning ekspozitsiyasini oshirishi mumkin. Shuning uchun, SYR 3A4 va SYR 2A6 ning kuchli ingibitorlarini qo‘llash tayinlangan patsiyentlarga, ularni qo‘llayotganda ehtiyotkorlikka amal qilish tavsiya etiladi.
Qon zardobida letrozolning kontsentratsiyasini kamaytirishi mumkin bo‘lgan dori vositalari.
SYR 3A4 faolligini rag‘batlantiradigan vositalar letrozolning metabolizmini oshirishi va shu yo‘l bilan qon plazmasida letrozolning kontsentratsiyasini kamaytirishi mumkin. SYR 3A4 ni rag‘batlantiradigan dori preparatlarini (masalan, fenitoin, rifampitsin, karbamezapin, fenobarbital va oddiy dalachoy) birga qo‘llash letrozolning ekspozitsiyasini pasaytirishi mumkin. Shuning uchun, SYR 3A4 ni rag‘batlantiruvchi preparatlarni qo‘llash tayinlangan patsiyentlarga, ularni qo‘llayotganda ehtiyotkorlikka amal qilish tavsiya etiladi. SYR 2A6 ni rag‘batlantiruvchi dorilar ma'lum emas.
Femara® (2,5 mg) va 20 mg tamoksifenni sutkada bir marta birga qo‘llanganda letrozolning qon plazmasidagi darajasini o‘rtacha 38% ga pasayishini chaqirgan.
Ikkinchi darajali sut bezi rakini davolash yuzasidan tadqiqot asosida olingan klinik tajriba, agar Femara® tamoksifendan keyin darhol qo‘llanilgan bo‘lsa, Femara® preparati bilan davolashning terapevtik samarasi ham, nojo‘ya reaktsiyalarniyuz berish tez-tezligi ham, oshmaganini ko‘rsatdi. Ushbu o‘zaro ta'sir mexanizmi ma'lum emas.
Letrozol ta'sirida qon zardobida tizimli kontsentratsiyasi o‘zgarishi mumkin bo‘lgan dori vositalari.
In vitro sharoitlarda letrozol sitoxrom R450izofermentlari-SYR 2A6 ni va o‘rtacha darajada SYR 2S19 ning faolligini susaytiradi, lekin bu holatning klinik ahamiyati ma'lum emas. Biroq, letrozolni va chiqarilishi asosan SYR 2S19 ga bog‘liq bo‘lgan va tor terapevtik diapazonga ega bo‘lgan dori vositalari (masalan, fenitoin, klopidogrel) bilan birga qo‘llanganda ehtiyotkorlikka amal qilish kerak. SYR 2A6 uchun tor terapevtik diapozonga ega bo‘lgan substrat ma'lum emas.
Simetidin (SYR 2S19 va SYR 3A4 ning ma'lumnospetsifik ingibitori) va varfarin (SYR 2S19 uchun tor terapevtik diapozonli sezgir substrat va u letrozolning maqsadli populyatsiyasida birga qo‘llanuvchi preparat sifatida foydalaniladi) bilan klinik o‘zaro ta'sir yuzasidan tadqiqotlar Femara®ni va ushbu dori vositalarini birgalikda qo‘llash klinik ahamiyatga ega bo‘lgan dorilarning o‘zaro ta'sirini keltirib chiqarmaydi.
Klinik tadqiqotlar natijalari bazasining sharhi tez-tez buyuriladigan boshqa dori vositalari bilan klinik ahamiyatga ega bo‘lgan boshqa o‘zaro ta'sirlarni aniqlamagan.

Maxsus ko‘rsatmalar

Buyrak faoliyatini buzilishi
Femara preparati bilan kreatinin klirensi <10 ml/min bo‘lgan patsiyentda qo‘llash bo‘yicha ma'lumotlar yo‘q. Preparatni bunday patsiyentlarga buyurishdan oldin potentsial xavf va davolashdan kutiladigan samara nisbatini hisobga olish kerak.
Jigar faoliyatini buzilishi.
Og‘ir jigar yetishmovchiligi bo‘lgan (Chayld-Pyu shkalasi bo‘yicha S sinfi) patsiyentlar da letrozolning tizimli ekspozitsiyasi va yarim chiqarilish vaqti sog‘lom odamlarga nisbatan taxminan ikki marta uzoq. Bunday bemorlar ancha diqqatlikuzatishigamuhtojdirlar.
Suyak to‘qimasiga ta'siri.
Femara® preparatini qo‘llanganda osteoporoz va/yoki suyaklar sinishi to‘g‘risida ma'lumotlar bor. Shuning uchun davolash davomida suyak to‘qimasining holatini monitoringi tavsiya etilgan.
Menopauza davridagi ayollar.
Menopauzal statusi aniqlanmagan patsiyentlarda Femara® preparati bilan davolashdan oldin lyuteinlashtiruvchi gormon (LG), follikulostimullovchi gormon (FSG) va/yoki estradiolning darajasini aniqlash kerak. Femara® preparatini faqat postmenopauzal endokrin statusli ayollarda qo‘llash kerak.
Preparat o‘zida laktoza tutadi, shuning uchun kam uchraydigan nasliy galaktozani ko‘tara olmaslik, laktoza yetishmovchiligi yoki glyukoza-galaktoza malabsorbiya sindromi borlar preparatni qo‘llamasliklari kerak.
Homiladorlik va emizish davrida qo‘llanishi
Homiladorlik
Femara® preparatini homiladorlik davrida qo‘llash mumkin emas. Femara® preparatini homilador ayollarda qo‘llanganda rivojlanishning tug‘ma nuqson (quyon lab, tashqi jinsiy a'zolar patologiyasi) yakka holatlari qayd qilingan.
Shifokor reproduktiv yoshdagi ayollar bilan, shu jumladan menopauzadanoldingi davridagi yoki yaqinda postmenopauzal davriga o‘tgan ayollar bilan, ularning postmenopauzalholati to‘liq tasdiqlangunicha tegishli kontratseptsiya usullarini qo‘llash zaruratinimuxokama qilishi kerak.
Emizish davri
Femara® preparatini emizish davrda qo‘llash mumkin emas.
Fertillik
Ayollarda menopauzadan oldingi holatda estrogenlar sintezinisusayishi gonadotropin (LG, FSG) darajasini javoban o‘sishiga olib keladi. O‘z navbatida FSG darajasini oshishi follikulalarni o‘sishini rag‘batlantiradi, bu esa ovulyatsiyaga olib kelishi mumkin.
Bolalar.
Femara® bolalar va o‘smirlarda qo‘llash uchun tavsiya etilmaydi. Femara® preparatining bolalar va 18 yoshgacha bo‘lgan o‘smirlarda havfsizligi va samaradorligi aniqlangan emas. Ma'lumotlar cheklangan va tavsiya qilinadigan dozani aniqlab bo‘lmaydi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir ta'sir etish xususiyati.
Femara® preparati bilan davolashda toliqish va bosh aylanishi, shuningdek ayrim hollarda uyquchanlik kuzatilgani uchun, avtotransportni boshqarayotgan paytda yoki boshqa mexanizmlarniishlatishda ehtiyotkorlikka rioya qilish tavsiya qilinadi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Dozani oshirib yuborilishining ayrimholatlari qayd qilingan. Spetsifik davolash usullari noma'lum, doza oshirib yuborilganhollarda davolash simptomatik va samarani bir maromda saqlab turuvchi bo‘lishi kerak.

Chiqarilish shakli

10 tabletkadan blisterda; 3 blister o‘ramga ishlatiladigan karton qutida.

Saqlash sharoiti

30oS dan yuqori bo‘lmagan haroratda saqlansin. Namlik ta'siridan himoya qilinsin.

Yaroqlilik muddati

5 yil.

Dorixonalardan berish tartibi

Retsept bo‘yicha.

Ishlab chiqaruvchi

Novartis Farma Shteyn AG, Shvetsariya Novartis Farma uchun, Shveytsariya.
Manzili
Schaffhauserstrasse, CH-4332, Stein, Switzerland.
Shaffxausershtrasse, SN-4332, Shteyn, Shveytsariya.