Balzam Zolotaya Zvezda eritma tayyorlash uchun kukun apelsin ta'mi 15g №10

Preparatning savdo nomi

«Zolotaya Zvezda» ot grippa i prostudy”
Ta'sir etuvchi moddalar (XPN) paratsetamol+fenilefrin+feniramin+askorbin kislotasi.

Dori shakli

ichga qabul qilish uchun (limon, apel'sin, malina ta'mli) eritma tayyorlash uchun kukun.

Tarkibi

1 paketcha quyidagilarni saqlaydi
faol moddalar paratsetamol – 0,325 g, feniramin maleati – 0,02 g, fenilefrin gidroxloridi – 0,01 g, askorbin kislotasi – 0,05 g;
yordamchi moddalar mal'todekstrin, mannitol, sukraloza, natriy xloridi, limon kislotasi, qand, aerosil; «Limon» ta'mi uchun - xinolin sarig‘i bo‘yovchisi; «Limon» aromatizatori; «Apel'sin» ta'mi uchun - sariq «Quyosh shafag‘i» bo‘yovchisi; «Apel'sin» aromatizatori; peg 600; «Malina» ta'mi uchun - «Krasniy ocharovatel'niy AC» bo‘yovchisi; «Malina» aromatizatori.
Ta'rifi
Yengil sochiluvchan granulalangan kukun
Limon ta'mi uchun oqdan och sariq rangligacha bo‘lgan biroz limon hidiga ega granulalar. Tayyorlangan eritma tiniq yoki deyarli tiniq bo‘lib, och sariq rangga ega;
Apel'sin ta'mi uchun oqdan och-to‘q sariq rangligacha bo‘lgan biroz apel'sin hidiga ega granulalar.
Tayyorlangan eritma tiniq yoki deyarli tiniq bo‘lib, och-to‘q sariq rangga ega; Malina ta'mi uchun oqdan och pushti rangligacha bo‘lgan biroz limon hidiga ega granulalar. Tayyorlangan eritma tiniq yoki deyarli tiniq bo‘lib, och qizil rangga ega bo‘ladi.

Farmakoterapevtik guruhi

O‘tkir respirator kasalligi (O‘RK) simptomlarini va “shamollashni” bartaraf etish uchun vosita (nonarkotik og‘riq qoldiruvchi vosita+alьfa adrenomimetik+N1–gistamin retseptorlarining blokatori+vitamin).
ATX kodi N02BE51

Farmakologik xususiyatlari

Ta'siri, uning tarkibiga kiruvchi komponentlarning xususiyatlari bilan bog‘liq bo‘lgan majmuaviy preparatdir. Isitmani tushiruvchi, kuchsiz yallig‘lanishga qarshi, shishga qarshi, og‘riqni qoldiruvchi, allergiyaga qarshi, qon tomirlarini toraytiruvchi ta'sir ko‘rsatadi, “shamollash” simptomlarini bartaraf etadi. Burun qon tomirlarini toraytiradi, burun va burunyutqun shilliq qavatini shishini bartaraf etadi.

Farmakodinamika

si
Paratsetamol
Paratsetamol markaziy nerv tizimida prostaglandinlar sintezini susaytirish yo‘li bilan og‘riq qoldiruvchi va isitmani tushiruvchi ta'sir ko‘rsatadi. Trombotsitlar funktsiyasiga va gemostazga ta'sir qilmaydi.
Feniramin
Feniramin allergiyaga qarshi vosita – N1-gistamin retseptorlarining blokatoridir. Allergik simptomlarni bartaraf etadi, o‘rtacha darajada sedativ samara ko‘rsatadi va shuningdek antimuskarin (M-xolinoblokator) ta'sir namoyon etadi.
Fenilefrin
Fenilefrin – simpatomimetik vosita bo‘lib, mahalliy qo‘llanganda o‘rtacha darajada qon tomirlarini toraytiruvchi ta'sir (alьfa1-adrenoretseptorlarni rag‘batlantirish hisobiga) ko‘rsatadi, burun bo‘shlig‘i shilliq qavatining shishi va giperemiyasini kamaytiradi.

Farmakokinetikasi

Paratsetamol
Paratsetamol me'da-ichak yo‘llaridan tez va deyarli to‘liq so‘riladi. Preparat ichga qabul qilinganidan keyin paratsetamolning plazmadagi maksimal kontsentratsiyasiga 30-90 minutdan so‘ng erishiladi.
Paratsetamol organizmning ko‘pchilik to‘qimalariga taqsimlanadi, yo‘ldosh orqali va ko‘krak sutiga o‘tadi. Terapevtik kontsentratsiyalarda paratsetamolni plazma oqsillari bilan bog‘lanishi juda oz, kontsentratsiyasi oshgani sayin oshib boradi.
Jigarda birlamchi metabolizmga uchraydi, glyukuronidli va sulьfat birikmalar ko‘rinishida asosan siydik bilan chiqariladi. Yarim chiqarilish davri 1-3 soatni tashkil etadi.
Feniramin
Feniraminning plazmadagi maksimal kontsentratsiyasiga taxminan 1-2,5 soatdan keyin erishiladi. Feniraminning yarim chiqarilish davri – 16-19 soat. Qabul qilingan dozaning 70-83% organizmdan siydik bilan metabolitlari ko‘rinishida yoki o‘zgarmagan holda chiqariladi.
Fenilefrin
Fenilefrin me'da-ichak yo‘llaridan so‘riladi va ichakda va jigarda birlamchi metabolizmga uchraydi.
Sulьfat birikmalar ko‘rinishida siydik bilan deyarli to‘liq chiqariladi. Plazmadagi maksimal kontsentratsiyasiga ichga qabul qilinganidan keyin 45 minutdan 2 soatgacha bo‘lgan vaqt oralig‘ida erishiladi. Yarim chiqarilish davri 2-3 soatni tashkil etadi.
Askorbin kislotasi
Askorbin kislotasi me'da-ichak yo‘llaridan tez va to‘liq so‘riladi. Plazma oqsillari bilan bog‘lanishi 25% ni tashkil etadi. Doza oshirib yuborilganda askorbin kislotasi siydik bilan metabolitlar ko‘rinishida chiqariladi.

Qo‘llanilishi

Yuqori harorat, et uvishishi, tanada zirqirab og‘riq, bosh va mushak og‘rig‘i, tumov, burun bitishi, aksirish bilan kechuvchi infektsion-yallig‘lanish kasalliklar (O‘RVI, shu jumladan grippni) simptomatik davolash uchun qo‘llaniladi.

Qo‘llash usuli va dozalari

Ichga qabul qilish uchun.
Bir paketchaning ichidagisi 1 stakan qaynatilgan issiq suvda eritilsin. Issiq holda iste'mol qilinsin. Ta'mga qarab, qand qo‘shish mumkin.
Takroriy dozani har 4 soatdan keyin qabul qilish mumkin (24 soat davomida ko‘pi bilan 4 doza).
Gripp va shamollashga qarshi “Zolotaya Zvezda” kukunini sutkaning istalgan vaqtida qo‘llash mumkin, ammo preparatni kechqurun uyqudan oldin qabul qilish eng yaxshi samara beradi. Agar preparatni qabul qilish boshlanganidan keyin 3 kun davomida simptomlarni yaxshilanishi kuzatilmasa, shifokorga murojaat qilish kerak.
Gripp va shamollashga qarshi “Zolotaya Zvezda” kukunini 5 kundan ortiq qabul qilish mumkin emas.
Maxsus patsiyentlar guruhi
Jigar yetishmovchiligi
Jigar funktsiyasini buzilishi yoki Jilber sindromi bo‘lgan patsiyentlarda dozani kamaytirish yoki preparatni qabul qilish orasidagi intervalni oshirish lozim.
Buyrak yetishmovchiligi
Og‘ir buyrak yetishmovchiligi (kreatinin klirensi minutiga 10 ml dan kam) bo‘lgan patsiyentlarda preparatni qabul qilish orasidagi interval kamda 8 soatni tashkil etishi lozim.
Nojo‘ya ta'sirlari
Noxush samaralar Jahon sog‘liqni saqlash tashkiloti (JSST) ning tasnifiga muvofiq ularni yuz berish tezligining quyidagi gradatsiyalari bo‘yicha keltirilgan juda tez-tez (>1/10), tez-tez (>1/100 dan <1/10 gacha), tez-tez emas (>1/1000 dan <1/100 gacha), kam hollarda (>1/10000 dan <1/1000 gacha), juda kam hollarda (<1/10000), tezligi noma'lum – mavjud ma'lumotlar bo‘yicha yuz berish tezligini aniqlashning iloji bo‘lmagan.
Qon va limfa tizimi tomonidan buzilishlar
Juda kam hollarda trombotsitopeniya, agranulotsitoz, leykopeniya, pantsitopeniya.
Immun tizimi tomonidan buzilishlar
Kam hollarda o‘ta yuqori sezuvchanlik reaktsiyalari (teri toshmasi, hansirash, anafilaktik shok), angionevrotik shish.
Tezligi noma'lum anafilaktik reaktsiya, Stivens-Djonson sindromi, toksik epidermal nekroliz.
Ruhiyatni buzilishlari
Kam hollarda kuchli qo‘zg‘aluvchanlik, uyquni buzilishi.
Nerv tizimi tomonidan buzilishlar
Tez-tez uyquchanlik.
Kam hollarda bosh aylanishi, bosh og‘rig‘i.
Ko‘rish a'zosi tomonidan buzilishlar
Kam hollarda midriaz, akkomodatsiya parezi, ko‘z ichki bosimini oshishi.
Yurak tomonidan buzilishlar
Kam hollarda taxikardiya, yurakni tez urib ketishini his etish.
Qon tomirlari tomonidan buzilishlar
Kam hollarda arterial bosimni oshishi.
Me'da-ichak yo‘llari tomonidan buzilishlar
Tez-tez ko‘ngil aynishi, qusish.
Kam hollarda og‘izni qurishi, qabziyat, qorinda og‘riqlar, diareya.
Jigar va o‘t chiqarish yo‘llari tomonidan buzilishlar
Kam hollarda “jigar” fermentlari faolligini oshishi.
Teri va teri osti to‘qimalari tomonidan buzilishlar
Kam hollarda terida toshma, terini qichishishi, eritema, eshakemi.
Buyrak va siydik chiqarish yo‘llari tomonidan buzilishlar
Kam hollarda siyishni qiyinlashishi.
Umumiy buzilishilar va yuborish joyida buzilishlar
Kam hollarda lohaslik.
Agar yo‘riqnomada ko‘rsatilgan nojo‘ya samaralardan birontasi og‘irlashsa, yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

• Preparatning alohida komponentlariga yuqori sezuvchanlik;
• tritsiklik antidepressantlar, beta-adrenoblokatorlar yoki boshqa simpatomimetik preparatlarni bir vaqtda qabul qilish
• monoaminooksidaza (MAO) ingibitorlarini bir vaqtda qabul qilish yoki ularni avvalgi ikki hafta davomida qo‘llash;
• portal gipertenziya;
• alkogolizm;
• qandli diabet;
• saxaraza/izomalьtaza tanqisligi, fruktozani o‘zlashtira olmaslik, glyukoza-galaktoz malьabsorbtsiya (preparat saxaroza saqlaydi);
• gipertireoz;
• homiladorlik;
• emizish davri;
• 12 yoshgacha bo‘lgan bolalar;
• og‘ir yurak-qon tomir kasalliklari;
• arterial gipertenziya;
• yopiq burchakli glaukoma;
• feoxromotsitomada qo‘llash mumkin emas.
Ehtiyotkorlik bilan
Koronar arteriyalarning yaqqol aterosklerozi, yurak-qon tomir kasalliklari, o‘tkir gepatit, gemolitik anemiya, bronxial astma, jigar yoki buyrakning og‘ir kasalliklari, prostata bezi giperplaziyasi, prostata bezi gipertrofiyasi tufayli siyishni qiyinlashishi, qon kasalliklari, glyukozo-6-fosfatdegidrogenaza fermentining tanqisligi, tug‘ma giperbilirubinemiya (Jilьber, Dubin-Djonson va Rotor sindromlari), holdan toygan patsiyentlar, suvsizlanish, piloroduodenal obstruktsiya, me'da va/yoki o‘n ikki barmoq ichakning stenoz chaqiruvchi yarasi, tutqanoq, jigarga salbiy ta'sir qiluvchi preparatlarni (masalan, jigar mikrosomal fermentlari induktorlarini) bir vaqtda ehtiyotkorlik bilan qabul qilish kerak.

Maxsus ko‘rsatmalar

Davolanish davrida etanolni iste'mol qilishdan saqlanish kerak (gepatotoksik ta'sir rivojlanishi mumkin).
“Zolotaya Zvezda” ot grippa i prostudы” preparati quyidagilarni saqlaydi
• Saxaroza (paketchada taxminan 10,3 g). Buni qandli diabeti bo‘lgan patsiyentlar e'tiborga olishlari kerak. Saxaraza/izomalьtaza tanqisligi, fruktozani o‘zlashtiraolmaslik, glyukozo-galaktoz malьabsorbtsiya kabi kam uchraydigan nasliy kasalliklari bo‘lgan patsiyentlar, “Zolotaya Zvezda” ot grippa i prostudы” preparatini qabul qilmasliklari kerak.
• Mannitol.

Tarkibi

da mannitol bo‘lganligi tufayli, “Zolotaya Zvezda” ot grippa i prostudы” preparati yengil surgi ta'sirini ko‘rsatishi mumkin.
“Zolotaya Zvezda” ot grippa i prostudы” preparatini shikastlangan paketchalardan qabul qilmang.
Patsiyentlar shifokorga murojaat qilishlari kerak, agar
• bronxial astma (qiyin nafas olish hurujlari), emfizema yoki surunkali bronxit kuzatilsa;
• simptomlar 5 kun davomida o‘tib ketmasa yoki uch kundan ortiq kun davomida og‘ir isitma, terida toshma yoki doimiy bosh og‘rig‘i bilan kechsa;
Bu ancha jiddiy kasalliklarning belgisi bo‘lishi mumkin.
Homiladorlik va emizish davrida qo‘llanilishi
Preparatni homiladorlik va emizish davrida, bu toifa patsiyentlarda preparatni qo‘llash xavfsizligi bo‘yicha ma'lumotlar yo‘qligi tufayli, qo‘llash mumkin emas.
Transport vositalari, mexanizmlarni boshqarish qobiliyatiga ta'siri
“Zolotaya Zvezda” ot grippa i prostudы” preparati uyquchanlik chaqirishi mumkin, shuning uchun davolanish davrida avtotransportni haydash va diqqatni yuqori jamlashni va psixomotor reaktsiyalar tezligini talab etuvchi boshqa potentsial xavfli faoliyat turlari bilan shug‘ullanishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Dozani oshirib yuborilishi

Paratsetamol
Simptomlari (asosan paratsetamol bilan bog‘liq bo‘lib, 10-15 g dan ortiq paratsetamol qabul qilingandan so‘ng namoyon bo‘ladi) dozani oshirib yuborilishining og‘ir hollarida paratsetamol gepatotoksik ta'sir ko‘rsatadi, shu jumladan jigar nekrozini chaqirishi mumkin. Shuningdek dozani oshirib yuborilishi nefropatiyani va jigarni qaytmas shikastlanishini chaqirishi mumkin.

Dozani oshirib yuborilishi

dozaga bog‘liq, shuning uchun patsiyentlarni, paratsetamol saqlovchi preparatlarni bir vaqtda qabul qilish man etilishi to‘g‘risida ogohlantirish kerak.
Zaharlanish xavfi ayniqsa keksa patsiyentlarda, bolalarda, jigar kasalliklari bo‘lgan patsiyentlarda, surunkali alkogolizmda, holdan toygan patsiyentlarda va jigar mikrosomal fermentlari induktorlarini qabul qilayotgan patsiyentlarda yaqqol namoyon bo‘ladi.
Paratsetamolning dozasini oshirib yuborilishi jigar yetishmovchiligiga, entsefalopatiyaga, komaga va o‘limga olib kelishi mumkin.
Paratsetamolning dozasini oshirib yuborilishini birinchi 24 soat davomidagi simptomlari teri qoplamalarini oqarishi, ko‘ngil aynishi, qusish, anoreksiya, tirishishlar. Qorinda og‘riq jigarni shikastlanishining birinchi belgisi bo‘lishi mumkin va odatda 24-48 soat davomida namoyon bo‘lmaydi va ba'zan kechroq, 4-6 kundan keyin namoyon bo‘lishi mumkin.
Jigarni shikastlanishi maksimal darajada preparat qabul qilinganidan keyin o‘rtacha 72-96 soat o‘tgach namoyon bo‘ladi. Shuningdek glyukoza metabolizmini buzilishi va metabolik atsidoz namoyon bo‘lishi mumkin. Xatto jigarni shikastlanishi bo‘lmasa xam o‘tkir buyrak yetishmovchiligi va o‘tkir tubulyar nekroz rivojlanishi mumkin. Yurak aritmiyasi holatlari va pankreatitni rivojlanishi to‘g‘risida xabar berilgan.
Davolash
Atsetiltsisteinni antidot sifatida vena ichiga yoki peroral yuborish, me'dani yuvish, metioninni ichga qabul qilish doza oshirib yuborilgandan keyin kamida 48 soat davomida ijobiy samara berishi mumkin.
Faollashtirilgan ko‘mirni qabul qilish, nafas va qon aylanishini monitoringini o‘tkazish tavsiya etilgan. Tirishishlar rivojlangan hollarda diazepamni buyurish mumkin.
Feniramin va fenilefrin (preparatning dozasi oshirib yuborilganda feniramin va fenilefrinning dozasini oshirib yuborish simptomlari, feniraminning parasimpatolitik ta'sirini fenilefrinning simpatomimetik ta'sirini o‘zaro potentsiyalanish xavfi tufayli birlashtirilgan).
Dozani oshirib yuborish simptomlari quyidagilarni o‘z ichiga oladi uyquchanlik, keyinchalik unga bezovtalik (ayniqsa bolalarda) qo‘shiladi, ko‘rishni buzilishlari, terida toshmalar, ko‘ngil aynishi, qusish, bosh og‘rig‘i, yuqori qo‘zg‘aluvchanlik, bosh aylanishi, uyqusizlik, qon aylanishini buzilishlari, koma, tirishishlar, xulq-atvorni buzilishlari, arterial bosimni oshishi yoki pasayishi va bradikardiya. Feniraminning dozasi oshirib yuborilganda atropinsimon psixozni rivolanish hollari to‘g‘risida xabar berilgan.
Spetsifik antidot yo‘q. Faollashtirilgan ko‘mirni, tuzli surgi vositalarini buyurishni, yurak va nafas funktsiyalarini tutib turish bo‘yicha choralarni o‘z ichiga oluvchi yordam ko‘rsatishning odatdagi choralarini ko‘rish lozim.
Psixostimulyator vositalarni (metilfenidat) tirishishlarni yuz berish xavfini nazarda tutib, buyurish mumkin emas.
Arterial gipotenziyada vazopressor preparatlarni qo‘llash mumkin. Arterial bosim oshgan hollarda alьfa-adrenoblokatorlarni vena ichiga yuborish mumkin, chunki fenilefrin alьfa1-adrenoretseptorlarning selektiv agonisti hisoblanadi. Demak, fenilefrinning dozasi oshirib yuborilgandagi gipertenziv samarani alьfa1-adrenoretseptorlarni bloklash yo‘li bilan bartaraf etish kerak.
Tirishishlar rivojlangan hollarda diazepamni qo‘llash kerak.

Chiqarilish shakli

Ichga qabul qilish uchun eritma tayyorlash uchun kukun (limon, apel'sin, malina ta'mli).
15 g dan kukun majmuaviy material (qog‘oz, polietilen, alyumin fol'ga) yoki (polietilen, alyumin fol'ga) dan paketchalarda. 10 paketchadan qo‘llash bo‘yicha yo‘riqnoma bilan birga karton qutida.

Saqlash sharoiti

To‘g‘ri quyosh nurlaridan himoyalangan joyda, 30ºC dan yuqori bo‘lmagan xaroratda saqlansin.
Yaroqlilik mudati
3 yil.

Dorixonalardan berish tartibi

Retseptsiz beriladi.

Ishlab chiqaruvchi

Danafa Farmas'yutikal Djoynt Stok Kompani
Zung Si Txan' Txe ko‘ch., 253 uy, Danang Siti, V'etnam
DANAPHA PHARMACEUTICAL JOINT STOCK COMPANY
253 Dung Si Thanh Khe str., Danang city, Vietnam