Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Moksikum infuziya uchun eritma, flakon 400mg/250ml №1
Moksikum infuziya uchun eritma, flakon 400mg/250ml №1
Nomi | Narx | |||||
Моксикум р-р д/инф. 400мг/250мл. флак.№1 (А31910003А##1348) |
UZS 111 900
Stokda yetarli (1)
|
-
+
|
Sotib oling
|
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Моксифлоксацин
Страна производитель
Турция
Дозировка
400 мг/250 мл
Производитель
Dr Sertus Ilac Sanayi ve Ticaret Limited Sirketi, Турция произведено: Mefar Ilac Sanayii A.S.
Рецептурный препарат
Да
Форма выпуска
Раствор
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Ishlab chiqarilgan
- Dorixonalardan berish tartibi
Preparatning savdo nomi
Moksikum
Ta'sir etuvchi modda (XPN) moksifloksatsin
Dori shakli
infuziya uchun eritma
Tarkibi
250 ml infuziya uchun eritma quyidagilarni saqlaydi
faol modda 400 mg moksifloksatsin (moksifloksatsin gidroxloridi shaklida);
yordamchi moddalar natriy xloridi, natriy gidroksidi, xlorid kislotasi, in'ektsiya uchun suv.
Ta'rifi tiniq, ko‘kimtir-sariq rangli, zarrachalardan deyarli xoli bo‘lgan eritma.
Farmakoterapevtik guruhi
antibakterial sintetik vositalar (ftorxinolonlar guruxi).
ATX kodi J01MA14.
Farmakologik hususiyatlari
Moksikum – keng ta'sir doirali ftorxinolon qatoriga mansub bo‘lgan bakteritsid antibakterial preparatdir. Bakteriyalardagi DNK ni replikatsiyasi, transkriptsiyasi, reparatsiyasi va rekombinatsiyasi uchun kerak bo‘lgan topoizomeraza II (DNK-giraza) va topoizomeraza IV-fermentlarni ingibitsiya qiladi. Izomerazalar faoliyatini ingibitsiya bo‘lishi bakteriya xujayralarida qaytmas o‘zgarishlarga va uni nobud bo‘lishiga olib keladi. Minimal bakteritsid kontsentratsiyalari minimal susaytiruvchi kontsentratsiyalaridan deyarli farq qilmaydi. Penitsillinlar, sefalosporinlar, aminoglikozidlar, makrolidlar va tetratsiklinlarga nisbatan kesishgan rezistentlik mavjud emas. Chidamlilikni umumiy rivojlanish tezligi past. Moksifloksatsinga chidamlilik asta-sekin qator ketma-ket keladigan mutatsiyalar natijasida rivojlanadi. Ftorxinolonlar guruxi preparatlari orasida kesishgan rezistentlik kuzatiladi, biroq boshqa ftorxinolonlarga chidamli bo‘lgan ayrim grammusbat va anaerob mikroorganizmlar moksifloksatsinga sezgirdirlar.
Moksifloksatsin keng doirali grammusbat va grammanfiy mikroorganizmlar, anaeroblar, kislotaga chidamli bakteriyalar va Mycoplasma, Chlamidia va Legionella kabi atipik shakllari, shuningdek -laktam va makrolid antibiotiklarga rezistent bo‘lgan bakteriyalarga nisbatan faollikka ega.
Moksifloksatsinning antibakterial faollik doirasi quyidagi mikroorganizmlarni o‘z ichiga oladi grammusbat mikroorganizmlar - Streptococcus pneumoniae (shu jumladan penitsillinga chidamli shtammlari va antibiotiklarga ko‘psonli rezistentligi bo‘lgan shtammlari)*, Streptococcus pyogenes (A guruhi)*, Streptococcus milleri, Streptococcus mitis, Streptococcus agalactiae*, Streptococcus dysgalactiae, Streptococcus auginosus*, Streptococcus constellatus*, Staphylococcus aureus (shu jumladan metitsillinga sezgir shtammlari)*, Staphylococcus cohnii, Staphylococcus epidermidis (shu jumladan metitsillinga sezgir shtammlari), Staphylococcus haemolyticus, Staphylococcus hominis, Staphylococcus saprophyticus, Staphylococcus simulans, Corynebacterium diphtheriae, Enterococcus faecalis (faqat vankomitsinga va gentamitsinga sezgir shtammlari)*; grammanfiy mikroorganizmlar - Haemophillus influenzae (shu jumladan -laktamaza ishlab chiqaradigan va ishlab chiqarmaydigan shtammlari)*, Haemophillus parainfluenzae*, Klebsiella pneumoniae*, Moraxella catarrhalis (shu jumladan -laktamaza ishlab chiqaradigan va ishlab chiqarmaydigan shtammlari)*, Escherichia coli*, Enterobacter cloacae*, Bordetella pertussis, Klebsiella oxytoca, Enterobacter aerogenes, Enterobacter agglomerans, Enterobacter intermedius, Enterobacter sakazaki, Proteus mirabilis*, Proteus vulgaris, Morganella morganii, Providencia rettgeri, Providencia stuartii; anaerob mikroorganizmlar - Bacteroides distasonis, Bacteroides eggerthii, Bacteroides fragilis, Bacteroides ovatus, Bacteroides thetaiotaomicron, Bacteroides uniformis, Fusobacterium spp., Peptostreptoccus spp.*, Porphyromonas spp., Porphyromonas anaerobius, Porphyromonas asaccharolyticus, Porphyromonas magnus, Prevotella spp, Propionibacterium spp., Clostridium perfringens, Clostridium ramosum; atipik mikroorganizmlar - Chlamydia pneumoniae*, Mycoplasma pneumoniae*, Legionella pneumophila*, Coxiella burnetti.
Moksifloksatsin Staphylococcus aureus (metitsillin/ofloksatsinga rezistent shtammlari), Staphylococcus epidermidis (metitsillin/ofloksatsinga rezistent shtammlari), Pseudomonas aeruginosa, Pseudomonas fluorescens, Burkholderia cepacia, Streptrophomonas maltophilia larga nisbatan faolligi kam.
* Moksifloksatsinga sezuvchanlik klinik ma'lumotlar bilan tasdiqlangan.
Farmakokinetikasi
So‘rilishi
400 mg dozada bir marta 1 soat davomida infuziya qilinganidan keyin maksimal kontsentratsiyaga infuziyani yakunida erishiladi va taxminan 4,1 mg/l ni tashkil qiladi, bu preparatni ichga qabul qilinganidagi ko‘rsatkichning kattaligiga nisbatan, taxminan 26% oshishiga to‘g‘ri keladi. Moksikum 400 mg dozada vena ichiga 1 soat davomida ko‘p marta infuziya qilinganidan so‘ng barqaror xolatda plazmadagi cho‘qqi va minimal kontsentratsiyalari muvofiq 4,1-5,9 mg/l va 0,43-0,84 mg/l qiymatlarga yetadi.
Taqsimlanishi
Moksifloksatsin qon-tomirlar xavzasidan tashqariga tez taqsimlanadi. Taqsimlanish hajmi – 1,7-2,7 l/kg ni tashkil qiladi. Qon zardobidagi oqsillar bilan (asosan albuminlar bilan) bog‘lanishi taxminan 30-50% ni tashkil qiladi va moddaning kontsentratsiyasiga bog‘liq emas.
Preparatning plazmadagi kontsentratsiyasidan yuqori kontsentratsiyalari o‘pka to‘qimasi (shu jumladan alveolyar makrofaglarda), bronxlar va burunning yondosh bo‘shliqlarini shilliq qavatlarida va, terining yallig‘lanish o‘chog‘idagi ekssudatda hosil bo‘ladi. So‘lakda va interstitsial suyuqlikda preparatning yuqori kontsentratsiyalari erkin holatda aniqlanadi. Bundan tashqari, preparatning yuqori kontsentratsiyalari qorin bo‘shlig‘i a'zolarida va peritoneal suyuqlikda va ayollarning jinsiy a'zolarida aniqlanadi.
Metabolizmi
Moksifloksatsin biotransformatsiyaning 2-nchi bosqichidan o‘tganidan keyin organizmdan buyraklar va MIY orqali, ham o‘zgarmagan holda, ham faol bo‘lmagan sulfobirikmalar (M1) va glyukuronidlar (M2) ko‘rinishida chiqariladi. Moksifloksatsin sitoxrom R450 mikrosomal tizimi tomonidan biotransformatsiyaga uchramaydi.
Chiqarilishi
Preparatni yarim chiqarilish davri taxminan 12 soatni tashkil qiladi. Moksifloksatsinning taxminan 45% o‘zgarmagan holda (ulardan taxminan 20% siydik bilan, taxminan 25% - axlat bilan) chiqariladi. Umumiy taxminiy klirensi – soatiga 12±2,0 l, buyrak klirensi – soatiga 2,6±0,5 l ni tashkil qiladi.
Qo‘llanilishi
• o‘tkir sinusit;
• surunkali bronxitni zo‘rayishi;
• kasalxonadan tashqari pnevmoniya;
• teri va yumshoq to‘qimalarining asoratlanmagan va asoratlangan infektsiyalari (shu jumladan infektsiyalangan diabetik oyoq panjasi);
• asoratlangan intraabdominal infektsiyalar, shu jumladan polimikrob infektsiyalar (abtsesslanish kabi infektsiyalar);
• kichik chanoq a'zolarining asoratlanmagan yallig‘lanish kasalliklari (shu jumladan salpingitlar va endometritlar) da qo‘llanadi.
Qo‘llash usuli va dozalari
Preparat vena ichiga infuziya ko‘rinishida yuboriladi. Tavsiya etilgan dozasi – 400 mg sutkada 1 marta yuboriladi. Davolash davomiyligi infektsiyaning og‘irligi va klinik samarasiga qarab belgilanadi.
Davolash davomiyligi
O‘tkir sinusitda – 7 kun;
Surunkali bronxitni zo‘rayishida – 5 kun;
Shifoxonadan tashqari pnevmoniyani preparat bilan bosqichma-bosqich davolashning (vena ichiga yuborish, keyinchalik ichga qabul qilish) umumiy davomiyligi 7-14 kunni tashkil etadi;
Teri va yumshoq to‘qimalarning asoratlanmagan infektsiyalari – 7 kun;
Teri va yumshoq to‘qimalarning asoratlangan infektsiyalari (vena ichiga yuborish, keyinchalik ichga qabul qilish) – 7-21 kun;
Asoratlangan intraabdominal infektsiyalar, shu jumladan polimikrob infektsiyalar (vena ichiga yuborish, keyinchalik ichga qabul qilish) – 5-14 kun.
Kichik chanoq a'zolarining asoratlanmagan yallig‘lanish kasalliklari (shu jumladan salpingitlar va endometritlar) – 14 kunni tashkil etadi.
Keksa yoshdagi patsiyentlar, jigar va buyrak faoliyatini ahamiyatsiz buzilishlari bo‘lgan patsiyentlar (shu jumaladan kreatinin klirensi 30 ml/min/1,73 m²), shuningdek uzluksiz gemodializ va davomli ambulator peritoneal dializda bo‘lgan patsiyentlarga preparatning dozalash tartibiga tuzatish kiritish talab qilinmaydi.
Infuziya uchun eritmani qo‘llash tartibi
Preparat vena ichiga infuziya ko‘rinishida kamida 60 minut davomida yuboriladi. Infuzion eritmani to‘g‘ridan-to‘g‘ri yoki T-simon kateter orqali yuborish mumkin.
Quyida keltirilgan infuziya uchun eritmalar yordamida tayyorlangan Moksikumning infuzion eritmasi, xona xaroratida 24 soat davomida barqaror bo‘lib qoladi. Bu eritmalarni Moksikum bilan mutanosib sifatida qarash mumkin in'ektsiya uchun suv, 0,9% li natriy xloridi eritmasi, natriy xloridining 1M eritmasi, 5% li dekstroza (glyukoza) eritmasi, 10% li dekstroza (glyukoza) eritmasi, 40% li dekstroza (glyukoza) eritmasi, 20% li ksilit eritmasi, Ringer eritmasi, Ringer laktat eritmasi.
Agar Moksikum infuziya uchun eritmasi boshqa preparat bilan birga qo‘llansa, u holda har bir dori vositasini alohida yuborish kerak.
Preparatni muzlatish yoki sovutish mumkin emas, chunki sovutilganida cho‘kma hosil bo‘lishi mumkin, u xona haroratida eriydi. Faqat tiniq eritmani yuborish kerak.
Nojo‘ya ta'sirlari
Moksikum odatda yaxshi o‘zlashtiriladi, ko‘pchilik nojo‘ya samaralari yengil yoki o‘rtacha darajada bo‘ladi.
Ovqat hazm qilish tizimi tomonidan tez-tez – qorinda og‘riq, dispepsiya (shu jumladan meteorizm, ko‘ngil aynishi, qusish, qabziyat, diareya), jigar transaminazalarning faolligini oshishi; kam hollarda – og‘izni qurishi, og‘iz bo‘shlig‘i shilliq qavatini kandidozi, anoreksiya, stomatit, glossit, gamma-glyutamiltransferazaning darajasini oshishi.
Nerv tizimi tomonidan tez-tez – bosh aylanishi, bosh og‘rig‘i; kam hollarda – asteniya, uyqusizlik yoki uyquchanlik, asabiylik, xovotirlik xissi, tremor, paresteziyalar.
Sezgi a'zolari tomonidan tez-tez – ta'm bilishni buzilishi.
Yurak-qon tomir tizimi tomonidan kam hollarda – taxikardiya, arterial bosimni oshishi, yurak urishini his etish, ko‘krakda og‘riq, QT intervalini uzayishi.
Nafas tizimi tomonidan kam hollarda – hansirash; juda kam hollarda – bronxal astma.
Tayanch-harakat apparati tomonidan kam hollarda – artralgiya, mialgiya.
Siydik tanosil tizimi tomonidan kam hollarda – qin kandidozi, vaginit.
Allergik reaktsiyalar kam hollarda – toshma, qichishish.
Lobarotor ko‘rsatkichlar kam hollarda – leykopeniya, protrombin vaqtini uzayishi, eozinofiliya, trombotsitoz, amilazaning faolligini oshishi.
Boshqalar kam hollarda – kandidoz, umumiy diskomfort, kuchli terlash bo‘lishi mumkin.
Qo‘llash mumkin bo‘lmagan holatlar
• preparatning komponentlariga o‘ta yuqori sezuvchanlik;
• homiladorlik;
• laktatsiya (emizish) davri;
• bolalar va 18 yoshgacha bo‘lgan o‘smirlarga qo‘llash mumkin emas.
Dorilarning o‘zaro ta'siri
Atenolol, varfarin, ranitidin, tarkibida kaliy saqlovchi qo‘shimchalar, teofillin, peroral kontratseptiv vositalar, glibenklamid, itrakonazol, digoksin, morfin, probenetsid bilan birga qo‘llanganida preparatning dozasiga tuzatish kiritish talab qilinmaydi (moksifloksatsin bilan klinik ahamiyatli o‘zaro ta'sirining yo‘qligi tasdiqlangan).
Moksifloksatsin IA sinf antiaritmik vositalar (xinidin, prokainamid) yoki III sinf antiaritmik vositalar (amiodaron, sotalol), shuningdek QT intervalining uzaytiruvchi preparatlar (tsizaprid, eritromitsin, antipsixotik preparatlar, tritsiklik antidepressantlar) bilan birga qo‘llanganida, QT intervalini uzayishiga nisbatan additiv ta'siri bo‘lishi mumkin.
Kortikosteroidlar bilan bir vaqtda qo‘llanganida tendovaginitni rivojlanish xavfi yoki paylarni uzilish xavfi oshadi.
Moksikum infuziya uchun eritmasi 10% va 20% li natriy xloridi eritmalari, 4,2% va 8,4% li natriy gidrokarbonati eritmalari bilan nomutanosibdir.
Maxsus ko‘rsatmalar
Moksikum tutqanoq sindromi (shu jumladan anamnezda), tutqanoq, og‘ir darajadagi jigar yetishmovchiligi, QT intervalini uzayishi sindromida, shuningdek bradikardiya kabi aritmiyalarga moyilligi bo‘lgan patsiyentlarga, o‘tkir miokard ishemiyasida ehtiyotkorlik bilan buyuriladi.
Davolash fonida og‘ir darajadagi diareya rivojlanganida preparatni bekor qilish kerak.
Moksifloksatsin amaliyotda qo‘llanganida fotosezuvchanlik reaktsiyalari aniqlanmagan. Shunga qaramasdan, moksifloksatsin olayotgan patsiyentlar to‘g‘ridan-to‘g‘ri quyosh nurlarini tushishidan va UB-nurlanishdan saqlanishlari kerak.
Homiladorlik va laktatsiya davrida qo‘llanishi
Homiladorlikda preparatni qo‘llash xavfsizligi aniqlanmagan, shuning uchun uni qo‘llash mumkin emas.
Moksifloksatsinning ko‘p bo‘lmagan miqdori ko‘krak suti bilan ajralib chiqadi, shuning uchun laktatsiya davrida preparatni buyurish zarurati bo‘lsa, emizishni to‘xtatish kerak.
Pediatriyada qo‘llanishi
Bolalar va 18 yoshgacha bo‘lgan o‘smirlarda preparatning samaradorligi va xavfsizligi aniqlanmagan.
Avtotransportni haydash va mexanizmlarni boshqarish qobiliyatiga ta'siri
Preparat markaziy nerv tizimi tomonidan nojo‘ya reaktsiyalar chaqirishi mumkin, shuning uchun avtomobilni va boshqa mexanizmlarni boshqarish mumkinligi, preparatni qabul qilishga nisbatan patsiyentning reaktsiyasini baholashga asoslanib aniqlanadi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Moksifloksatsinni 1200 mg gacha bo‘lgan bir martalik dozalarda va 600 mg dan ko‘p martalik dozalarda 10 kun davomida qo‘llash biron-bir nojo‘ya samaralar bilan kechmagan.
Davolash dozasi oshirib yuborilganida klinik manzarasiga moslash, EKG – monitoringi bilan birga simptomatik tutib turuvchi davolash o‘tkazish kerak. preparatning dozasi oshirib yuborilganida faollashtirilgan ko‘mir qo‘llash cheklangan ahamiyatga ega.
Chiqarilish shakli
Vena ichiga infuziya uchun eritma 250 ml dan rangsiz shisha flakonda, brombutilkauchukli tiqin va Flip off turidagi majmuaviy alyumin qopqoqcha bilan mahkamlangan. 1 flakon qo‘llash bo‘yicha yo‘riqnomasi bilan birga karton qutida.
Saqlash sharoiti
25˚S dan yuqori bo‘lmagan xaroratda saqlansin.
Yaroqlilik muddati
5 yil.
Dorixonalardan berish tartibi
Retsept bo‘yicha beriladi.
Ishlab chiqaruvchi
Qayd etish sertifikatining egasi
«Dr Sertus Ilach Sanayi ve Tidjaret Limited Shirketi», Turkiya
(“Dr Sertus İlaç Sanayi ve Ticaret Limited Şirketi”, Turkey).
Ishlab chiqarilgan
«Mefar Ilach Sanayii A.Sh.», Turkiya
(Ramazanolu Max. Ensar Djad. № 20, 34906 Kurtkyoy-Pendik/Ictambul).
“Mefar İlaç Sanayii A.Ş.”, Turkey
(Ramazanoğlu Mah. Ensar Cad. No 20, 34906 Kurtköy-Pendik/İstanbul).
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.