Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Rotadon ichga qabul qilishga eritma tayyorlash uchun kukun 1500mg. №20
Rotadon ichga qabul qilishga eritma tayyorlash uchun kukun 1500mg. №20
Nomi | Narx | |||||
Ротадон саше (пакетики) пор.д/пр. р-ра д/п внутрь 1500мг. №20 (311002190##2 086) |
UZS 179 200
Stokda yetarli (1)
|
-
+
|
Sotib oling
|
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Глюкозамин
Страна производитель
Румыния
Дозировка
1500 мг
Производитель
Rotapharm, Великобритания произведено: S.C. Rompharm Company S.R.L.
Рецептурный препарат
Нет
Форма выпуска
Порошок для приготовления раствора для приема внутрь
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqarilgan
- Dorixonalardan berish tartibi
Preparatning savdo nomi
Rotadon
Ta'sir etuvchi modda (XPN) glyukozamin sulfati
Dori shakli
ichga qabul qilishga eritma tayyorlash uchun kukun
Tarkibi
1 paketcha quyidagilarni saqlaydi
faol modda glyukozamin sulfati (glyukozamin sulfati kaliy xloridi shaklida) – 1500 mg;
yordamchi moddalar sorbitol, aspartam, suvsiz limon kislotasi, makrogol 6000.
Ta'rifi oq yoki deyarli oq rangli granulalangan kukun.
Farmakoterapevtik guruhi
boshqa nosteroid yallig‘lanishga qarshi va revmatizmga qarshi vositalar.
ATX kodi M01AX05
Farmakologik hususiyatlari
Farmakodinamika
si
Ta'sir mexanizmi
Glyukozamin sulfati glyukozamin aminomonosaxaridining tuzi bo‘lib, sinovial suyuqlik va bo‘g‘im tog‘ayining glikozaminoglikanlari va proteoglikanlarini sintezi uchun muvofiq substrati va endogen komponenti hisoblanadi.
Glyukozamin sulfati bo‘g‘im tog‘ayining glikozaminoglikanlari va proteoglikanlari sintezini rag‘batlantiradi.
Farmakodinamik samaralari
Glyukozamin sulfati tog‘ay to‘qimasini metabolizm jarayoniga nisbatan anabolik va antikatabolik ta'sir ko‘rsatadi.
Yaqin vaqtda o‘tkazilgan tadqiqotlarning natijalariga muvofiq glyukozamin sulfati normal tog‘ayda mavjud bo‘lmagan hujayradan tashqari matriks oqsillari, siklooksigenaza 2-tipi, metalloproteazalar sintezi, azot oksidi va prostaglandin Ye2 ni ajralib chiqishi, xondrotsitlar proliferatsiyasi va hujayralarni nobud bo‘lishini boshlanish jarayoni kabi, tog‘ayni shikastlanishi va bo‘g‘imni yallig‘lanishiga sabab bo‘luvchi reaktsiyalar kaskadini ingibitsiya qilib, interleykin-1β ni ta'siri bilan bog‘liq bo‘lgan samaralarning yaqqolligini kamaytiradi. Boshqa nosteroid yallig‘lanishga qarshi vositalar (NYaQV) dan farqli ravishda glyukozamin siklooksigenazani bevosita ingibitsiya qilmaydi.
Klinik samaradorligi va o‘zlashtirilishi
Glyukozamin sulfatini qo‘llash havfsizligi va samaradorligi 3 yilgacha davom etgan klinik tadqiqotlarda tasdiqlangan.
Osteoartritning simptomlarini yengillashtirishga nisbatan glyukozamin sulfatining samaradorligi qisqa muddatli va o‘rtacha muddatli klinik tadqiqotlarda dori vositasini qo‘llash boshlanganidan so‘ng 2-3 hafta o‘tishi bilanoq isbotlangan. NYaQVdan farqli ravishda glyukozamin sulfatining ta'sir davomiyligi 6 oydan 3 yilgacha muddatni tashkil etadi.
Klinik tadqiqotlarning natijalari, glyukozamin sulfatini 3 yilgacha davomiylikda har kuni qabul qilish kasallikning simptomlarini sekin-asta bartaraf bo‘lishini ta'minlashidan va bo‘g‘imda struktur o‘zgarishlarni (rentgenografik tekshiruv ma'lumotlariga muvofiq) rivojlanishini sekinlashtirishidan dalolat beradi.
Glyukozamin sulfati qisqa muddat va o‘rtacha muddat qo‘llanganida yaxshi o‘zlashtiriladi.
Farmakokinetikasi
So‘rilishi
Sog‘lom ko‘ngillilarda peroral qabul qilinganidan so‘ng glyukozamin me'da-ichak yo‘llarida tez va deyarli to‘liq (taxminan 90%) so‘riladi. Odamda ichga qabul qilinganidan so‘ng glyukozaminning mutloq biokiraolishligi 44% ni tashkil etadi (dori vositasi tizimoldi eliminatsiyasiga uchraydi (jigar orqali birinchi marta o‘tish samarasi)). Ovqatlanish glyukozamin peroral qabul qilinganida uning biokiraolishligiga ahamiyatli ta'sir ko‘rsatishi noma'lum. 750-1500 mg dozalar diapazonida sutkada bir marta har kuni ko‘p marta qabul qilinganida glyukozaminning farmakokinetikasi bir chiziqli hisoblanadi, bir chiziqliligini o‘zgarishi dori vositasi 3000 mg dozada qo‘llanganida biokiraolishligini pasayishi oqibatida kuzatiladi. Glyukozaminning biokiraolishligi va so‘rilishi ko‘rsatkichlarini jins bilan bog‘liq farqi mavjud emas. Dori vositasining farmakokinetik ko‘rsatkichlari sog‘lom ko‘ngillilar va tizza bo‘g‘imini osteoartriti bo‘lgan patsiyentlarda o‘rtasida solishtiradigan darajada bo‘lgan.
Taqsimlanishi
Ovqat hazm qilish yo‘llarida so‘rilganidan so‘ng glyukozamin qon-tomirlar havzasidan tashqarida, shu jumladan sinovial suyuqlikda ahamiyatli darajada taqsimlanadi. Glyukozamin qon plazmasi oqsillari bilan bog‘lanmaydi. Shuning uchun glyukozamin birga qo‘llanganida qon plazmasi oqsillari bilan yuqori darajada bog‘lanadigan boshqa dori vositalari bilan o‘zaro ta'sirlashish ehtimoli juda kam.
Metabolizmi
Glyukozaminning metabolik profilini o‘rganish yuzasidan tadqiqotlar o‘tkazilmagan, chunki u endogen modda hisoblanadi. Glyukozamin bo‘g‘im tog‘ayining komponentlarini biosintezi uchun qurilish materiali sifatida ishlatiladi. Glyukozaminning asosiy biotransformatsiya yo‘li geksozamin yo‘li hisoblanadi; dori vositasining metabolizmida sitoxrom R450 tizimining izofermentlari ishtirok etmaydilar. Glyukozamin odamda sitoxrom R450 tizimi izofermentlarining faolligini ingibitsiya qilmaydi va oshirmaydi. Odamda glyukozaminni izofermentlarning faolligini ingibitsiyasi+ va/yoki oshishi bilan bog‘liq bo‘lgan, sitoxrom R450 tizimi izofermentlarining substratlari, boshqa dori vositalari bilan klinik ahamiyatli o‘zaro ta'siri qayd etilmagan.
Chiqarilishi
Odamda glyukozaminni qon plazmasidan yakuniy yarim chiqarilish davri 15 soatni tashkil etadi. 14S-radiofaol nishon bilan nishonlangan glyukozamin peroral qabul qilinganidan so‘ng siydik bilan preparatning yuborilgan dozasini 10 ± 9%, me'da-ichak yo‘llari orqali esa preparatning yuborilgan dozasini 11,3 ± 0,1% chiqarilgan. Preparat peroral qabul qilinganidan so‘ng odamda glyukozaminning yuborilgan dozasini o‘rtacha taxminan 1% siydik bilan o‘zgarmagan ko‘rinishda chiqariladi, bu holat dori vositasi va/yoki uning metabolitlari va/yoki uning parchalanish mahsulotlarini chiqarilishida buyraklar va jigar muhim rol o‘ynamasligidan dalolat beradi.
Patsiyentlarning maxsus guruhlari
Jigar va buyrak funktsiyasini buzilishlari bo‘lgan patsiyentlar
Buyrak funktsiyasini buzilishlari bo‘lgan patsiyentlarda glyukozaminning farmakokinetikasini o‘rganish yuzasidan tadqiqotlar o‘tkazish maqsadga muvofiq emas, chunki buyraklar organizmdan dori vositasini chiqarilishida ahamiyatsiz rol o‘ynaydi. Ayni vaqtda, glyukozamin endogen modda hisoblanganligi sababli, jigar funktsiyasini buzilishlari bo‘lgan patsiyentlarda tadqiqotlar o‘tkazilmagan. Buyrak yoki jigar yetishmovchiligi bo‘lgan patsiyentlarda dori vositasining dozasiga tuzatish kiritish talab etilmaydi deb hisoblanadi.
Bolalar va o‘smirlar
Bolalar va o‘smirlarda glyukozaminning farmakokinetikasi o‘rganilmagan.
Keksa yoshdagi patsiyentlar
Keksa yoshdagi patsiyentlarda maxsus farmakokinetik tadqiqotlar o‘tkazilmagan, biroq asosan keksa yoshdagi patsiyentlar glyukozaminni qo‘llash samaradorligi va havfsizligini o‘rganish yuzasidan o‘tkazilgan klinik tadqiqotlarda ishtirok etganlar. Ushbu toifadagi patsiyentlarda dori vositasini dozasiga tuzatish kiritish talab etilmaydi.
Qo‘llanilishi
Yengil va o‘rtacha og‘irlik darjasidagi tizza bo‘g‘imi osteoartritining (muvofiq tarzda qo‘yilgan tashxis) simptomlarini yengillashtirish uchun qo‘llanadi.
Qo‘llash usuli va dozalari
1 paketchaning ichidagisi oldindan bir stakan suvda eritiladi va ichga sutkada bir marta qabul qilinadi, ovqatlanish vaqtida qabul qilgan afzal.
Dori vositasining samaradorligi 3 oygacha muddat davomida qo‘llanganida isbotlangan, qoldiq samarasi preparat bekor qilinganidan so‘ng 2 oy davomida kuzatiladi. Dori vositasini qo‘llash havfsizligi va samaradorligi shuningdek 3 yilgacha davom etgan klinik tadqiqotlarda namoyish etilgan. Dori vositasi bilan 3 yildan ortiq muddat davomida davolanish tavsiya etilmaydi (preparatni qo‘llash havfsizligi aniqlanmagan).
Rotadon o‘tkir og‘riq sindromini davolash uchun mo‘ljallanmagan. Simptomlarni yengillashishi (ayniqsa og‘riq sindromini) preparat bir necha hafta davomida qo‘llanganidan so‘ng kuzatilishi mumkin, ayrim holatlarda esa yanada uzoqroq vaqt o‘tganidan so‘ng kuzatilishi mumkin. Preparatni 2-3 oy davomida qo‘llanganidan so‘ng kasallikning simptomlarini yengillashishi kuzatilmagan holatlarda shifokor davolashni takroran baholashi kerak. Preparat bilan davolanish boshlanganidan so‘ng kasallikning simptomlarini zo‘rayishi kuzatilganida, patsiyent shifokor bilan maslahatlashishi kerak.
Patsiyentlarning maxsus guruhlari
Keksa yoshdagi patsiyentlar
Keksa yoshdagi patsiyentlarda preparatni qo‘llanilishini o‘rganish yuzasidan maxsus tadqiqotlar o‘tkazilmagan, shunday bo‘lsada, dori vositasini klinik qo‘llash tajribasini inobatga olib, ushbu toifadagi patsiyentlarda dozaga tuzatish kiritish talab etilmaydi (yondosh kasalliklar bo‘lmaganida).
Buyrak va/yoki jigar funktsiyasini buzilishlari bo‘lgan patsiyentlar
Buyrak va/yoki jigar funktsiyasini buzilishlari bo‘lgan patsiyentlarda preparatning dozasiga tuzatish kiritishga nisbatan tavsiyalar mavjud emas (muvofiq tadqiqotlar o‘tkazilmagan).
Bolalar va o‘smirlar
18 yoshdan kichik bolalar va o‘smirlarda Rotadon preparatini qo‘llash mumkin emas.
Nojo‘ya ta'sirlari
Nojo‘ya reaktsiyalar quyida MedDRA bo‘yicha a'zolar tizimlari - a'zolar sinflariga muvofiq sanab o‘tilgan. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi (nojo‘ya reaktsiyalarni rivojlanishi kutiladigan patsiyentlarning miqdori) juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas). Har bir uchrash tezligi guruhlarida nojo‘ya reaktsiyalar og‘irligini kamayishi tartibida taqdim etilgan.
Dori vositasini peroral qabul qilish bilan bog‘liq bo‘lgan, eng ko‘p kuzatilgan nojo‘ya reaktsiyalar ko‘ngil aynishi, qorinda og‘riq, dispepsiya, meteorizm, konstipatsiya va diareya hisoblanadi. Qayd etilgan nojo‘ya reaktsiyalar odatda ahamiyatsiz darajada ifodalangan bo‘ladi va tranzitor xarakterga ega bo‘ladi.
Immun tizimi tomonidan uchrash tezligi noma'lum – allergik reaktsiyalar (moyilligi bo‘lgan patsiyentlarda glyukozaminga og‘ir darajadagi allergik reaktsiyalar rivojlanishi mumkin).
Moddalar almashinuvi va oziqlantirish tomonidan uchrash tezligi noma'lum – qandli diabet bilan xastalangan patsiyentlarda glikemik nazoratni buzilishi.
Ruhiyatni buzilishlari uchrash tezligi noma'lum – uyqusizlik.
Nerv tizimi tomonidan tez-tez – bosh og‘rig‘i, uyquchanlik; uchrash tezligi noma'lum – bosh aylanishi.
Ko‘rish a'zolari tomonidan uchrash tezligi noma'lum – ko‘rishni buzilishi.
Yurak tomonidan uchrash tezligi noma'lum – aritmiyalar, shu jumladan taxikardiya.
Qon-tomirlari tomonidan tez-tez emas – qizib ketishlar hissi.
Nafas tizimi, ko‘krak qafasi va ko‘ks oralig‘i a'zolari tomonidan uchrash tezligi noma'lum – bronxial astma/bronxial astmani zo‘rayishi.
Me'da-ichak yo‘llari tomonidan tez-tez – diareya, konstipatsiya, ko‘ngil aynishi, meteorizm, qorinda og‘riq, dispepsiya; uchrash tezligi noma'lum – qusish.
Teri va teri osti to‘qimalari tomonidan tez-tez emas – eritema, qichishish, toshma; uchrash tezligi noma'lum – angionevrotik shish, eshakemi.
Jigar va o‘t chiqarish yo‘llari tomonidan uchrash tezligi noma'lum – qonda jigar fermentlarining darajasini oshishi va sariqlik (glyukozaminni qabul qilish bilan sabab-oqibat bog‘liqligi aniqlanmagan).
Umumiy buzilishlar va yuborilgan joydagi buzilishlar tez-tez – toliqish; uchrash tezligi noma'lum – shish/periferik shish.
Laborator va instrumental tekshiruv natijalariga ta'siri uchrash tezligi noma'lum – qonda jigar fermentlarining darajasini oshishi, qonda glyukozaning darajasini oshishi, arterial bosimni oshishi, xalqaro normallashtirilgan nisbat (XNN) ko‘rsatkichni o‘zgarishi.
Giperxolesterinemiya holatlari qayd etilgan, biroq glyukozaminni qabul qilish bilan sabab-oqibat bog‘liqligi aniqlanmagan.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.
Qo‘llash mumkin bo‘lmagan holatlar
Preparatning faol moddasiga yoki yordamchi moddalaridan birortasiga o‘ta yuqori sezuvchanlikda preparatni qo‘llash mukin emas.
Rotadon preparatini dengiz mahsulotlariga allergiyasi bo‘lgan patsiyentlarda ishlatish mumkin emas, chunki faol modda mollyuskalarda olinadi.
18 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Glyukozamin sulfatning fizik-kimyoviy va farmakokinetik hususiyatlarini hisobga olib, dorilarning o‘zaro ta'sirini potentsial yuzaga kelish havfi past deb taxmin qilinadi. Glyukozamin sitoxrom R450 tizimining CYP1A2, CYP2E1, CYP2S19, CYP2S9, CYP2D6, CYP3A4 kabi izofermentlarini ingibitori emasligi (yuqorida ko‘rsatilgan izofermentlarning har biri uchun selektiv substratlardan hosil bo‘ladigan metabolitlarni o‘rganish natijalariga muvofiq) aniqlangan.
Dori vositasi, so‘rilishi me'da-ichak yo‘llarida amalga oshadigan mexanizmlar uchun raqobatlashmaydi, va buning natijasida qon plazmasidagi oqillari bilan bog‘lanmaydi, bunda glyukozaminning metabolizm jarayoni proteoglikanlarning tarkibiga kirgan endogen birikma sifatida yoki sitoxrom R450 izofermentlar tizimidan qat'iy nazar parchalanadigan birikma sifatida dorilarning o‘zaro ta'sirini rivojlanishi bilan bog‘liq bo‘lish ehtimoli kam.
Glyukozamin sulfat peroral qabul qilinganida tetratsiklinlarni me'da-ichak yo‘llaridan so‘rilishi kuchayishi mumkin, biroq ushbu o‘zaro ta'sirni klinik qiymati ahamiyatsizdir.
Analgetik vositalar va NYaQV glyukozamin sulfat bilan bir vaqtda, yo kasallikni zo‘rayish davrida analgetik samaraga erishish uchun, yoki davolashning boshlang‘ich bosqichida, glyukozamin sulfatning samarasi 1-2 haftaga kechikishi mumkinligi tufayli, qo‘llanilishi mumkin.
Glyukozaminni dori vositalari bilan o‘zaro ta'sirini potentsial havfi yuzasidan cheklangan ma'lumotlar mavjud, shunday bo‘lsada, peroral qabul qilish uchun mo‘ljallangan K vitaminining antagonistlari ishlatilganida XNN ko‘rsatkichini oshishi kuzatilgan. Shuning uchun peroral qabul qilish uchun mo‘ljallangan K vitaminining antagonistlari bilan davolanayotgan patsiyentlarni Rotadon preparati bilan davolash boshlanishida va u to‘xtatilganidan so‘ng sinchiklab kuzatishni ta'minlash kerak.
Maxsus ko‘rsatmalar
Preparatni qo‘llashdan avval, boshqa davolash usullari ko‘zda tutilgan bo‘g‘im kasalliklarini istisno qilish maqsadida shifokor bilan maslahatlashish kerak.
Glyukozamin bilan davolash boshlanganidan so‘ng bronxial astmaning simptomlarini zo‘rayish holatlari xaqida xabar berilgan. Shuning uchun Rotadon preparati bilan davolashni boshlashdan avval bronxial astma bilan xastalangan patsiyentlar kasallikning simptomlarini potentsial yomonlashish havfi xaqida ogohlantirilgan bo‘lishlari kerak.
Glyukozaga tolerantlikni buzilishi bo‘lgan patsiyentlarda Rotadon preparatini ehtiyotkorlik bilan qo‘llash lozim. Qandli bilan xastalangan patsiyentlarda preparat bilan davolash boshlanganida va davolanish davrida vaqti-vaqti bilan qondagi glyukozaning darajasini sinchkov monitoringini o‘tkazish va insulinni qo‘llash zaruriyatini baholash kerak.
Buyrak yoki jigar yetishmovchiligi bo‘lgan patsiyentlarda dori vositasini qo‘llanilishini o‘rganish yuzasidan maxsus tadqiqotlar o‘tkazilmagan; preparatning toksikologik va farmakokinetik profili bunday patsiyentlarda qo‘llanganida cheklanishlar yo‘qligini ko‘rsatadi. Shunday bo‘lsa-da, og‘ir darajadagi jigar yoki buyrak yetishmovchiligi bo‘lgan patsiyentlarda Rotadon preparatini shifokorning nazorati ostida qo‘llash kerak.
Qonda xolesterinning darajasi yuqori bo‘lgan patsiyentlar, preparatni qo‘llashdan avval shifokor bilan maslahatlashish kerak.
Rotadon preparatini 18 yoshdan kichik bolalar va o‘smirlarda qo‘llash mumkin emas (ushbu toifadagi patsiyentlarda preparatni qo‘llash havfsizligi va samaradorligi aniqlanmagan).
G‘ayrioddiy belgilar yoki simptomlar paydo bo‘lganida, shuningdek kasallikning odatdagi simptomlari o‘zgargan holatlarda, patsiyentga zudlik bilan shifokor bilan maslahatlashish tavsiya etiladi.
Yordamchi moddalar
Rotadon preparati fruktoza manbai hisoblangan sorbitol (1 paketchada 1,93954 mg) saqlatsdi; fruktozani nasliy o‘zlashtira olmaydigan patsiyentlarda preparatni ishlatish mumkin emas.
Preparatlar bir vaqtda ishlatilganida yoki sorbitol (yoki fruktoza) saqlovchi mahsulotlar saqlagan ovqat bir vaqtda iste'mol qilinganida, additiv samarasini e'tiborga olish kerak. Sorbitol saqlovchi peroral dori vositalari birga ishlatilganida peroral qabul qilish uchun mo‘ljallangan boshqa dori preparatlarning biokiraolishligiga ta'sir ko‘rsatishi mumkin.
Rotadon preparati bir paketchada fenilalaninning manbai hisoblangan 15 mg aspartam saqlaydi. Peroral qabul qilinganida aspartam me'da-ichak yo‘llarida gidrolizga uchraydi, gidrolizning asosiy mahsulotlaridan biri fenilalanin hisoblanadi.
Kam uchraydigan genetik kasallik fenilketonuriya bilan xastalangan patsiyentlarda fenilalanin organizmda to‘planadi (organizmdan muvofiq tarzda chiqarilmaydi) va salbiy ta'sir ko‘rsatishi mumkin; Rotadon preparatini fenilketonuriya bilan xastalangan patsiyentlarda ishlatish mumkin emas.
12 yoshgacha bo‘lgan bolalarda aspartamni klinika oldi va klinik tadqiqotlarda qo‘llash yuzasidan ma'lumotlar mavjud emas.
Rotadon preparati 1 paketchada 256,82 mg kaliy saqlaydi, preparat buyrak funktsiyasi pasayishi bo‘lgan va kaliyni iste'moli nazorat qilinadigan parhezga rioya qiladigan patsiyentlarda qo‘llanganida buni inobatga olish kerak.
Homiladorlikda va laktatsiya davrida qo‘llanilishi
Homiladorlik. Ayollarda homiladorlik davrida glyukozaminni qo‘llash yuzasidan muvofiq ma'lumotlar mavjud emas; hayvonlarda gestatsiya davrida dori vositasini qo‘llash yuzasidan ma'lumotlar cheklangan.
Ayolllarda homiladorlik davrida va homiladorlik rejalashtirilgan davrda Rotadonni qo‘llash mumkin emas.
Laktatsiya. Odamda ko‘krak suti bilan glyukozaminni ajralib chiqishi yuzasidan ma'lumotlar mavjud emas.
Ayollarda emizish davrida Rotadon preparatini qo‘llash tavsiya etilmaydi (yangi tug‘ilgan chaqaloqlarda preparatni havfsizligi bo‘yicha ma'lumotlar mavjud emas).
Avtotransportni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatning ta'sirini o‘rganish yuzasidan tadqiqotlar o‘tkazilmagan. Avtotransportni haydash va mexanizmlarni boshqarish qobiliyatiga ta'sir ko‘rsatishi mumkin bo‘lgan, markaziy nerv tizimiga yoki harakat tizimiga ahamiyatli samaralari noma'lum. Shunday bo‘lsa-da, bosh og‘rig‘i, uyquchanlik, toliqish, bosh aylanishi va ko‘rishni buzilishi rivojlangan holatlarda patsiyentlarga avtotransport yoki mexanizmlarni boshqarish tavsiya etilmaydi.
Dozani oshirib yuborilishi
Dozasi ataylab yoki bexosdan oshirib yuborilish holatlari xaqida xabarlar berilmagan. Hayvonlarda o‘tkir va surunkali toksiklikni o‘rganish natijalari, dori vositasi terapevtik dozalardan 200 barobardan ortiq dozalargacha bo‘lgan dozalarda yuborilganida dozani oshirib yuborilishini toksik samaralari va simptomlarini rivojlanish ehtimoli kamligini ko‘rsatadi.
Dozasi oshirib yuborilganida preparatni qabul qilishni to‘xtatish kerak, zaruratga qarab simptomatik va qo‘llab-quvvatlovchi davolash o‘tkazish, masalan suv-elektrolitlar muvozanatini tiklashga qaratilgan davolash o‘tkazish kerak.
Chiqarilish shakli
Ichga qabul qilishga eritma tayyorlash uchun kukun 4 g dan paketchalarda.
10 yoki 20 paketcha tibbiyotda qo‘llanilishiga doir yo‘riqnomasi bilan birga karton qutiga joylangan.
Saqlash sharoiti
25oS dan yuqori bo‘lmagan xaroratda saqlansin.
Bolalar ololmaydigan joyda saqlansin!
Yaroqlilik muddati
Ishlab chiqarilgan
sanadan boshlab 3 yil.
Yaroqlilik muddati
tugaganidan so‘ng qo‘llanilmasin.
Dorixonalardan berish tartibi
Retseptsiz.
Ishlab chiqarilgan
“Uorld Meditsin Ilach San. ve Tidj. A.Sh.”, Turkiya
(15 Temmuz Max. Djami Yolu Djad. № 50 Gyuneshli Bagdjilar / Istambul)
"World Medicine Ilaç San. ve Tic. A.Ş.", Turkey
(15 Temmuz Mah. Cami Yolu Cad. No 50 Güneşli Bağcılar / İstanbul).
O‘zbekiston Respublikasi hududida dori vositalarining sifati bo‘yicha e'tirozlar (takliflar)ni qabul qiluvchi tashkilot nomi va manzili
“Tar Pharm Alliance” MChJ,
O‘zbeksiton Respublikasi, Toshkent sh., Mirobod tumani, Sayxun ko‘ch., 166 uy
Telefon (+998) 71 277-76-78, (+998) 71 277-76-48
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.