Diazolin tab. 100mg №10 MR

Tavsif

Preparatning savdo nomi

Diazolin
Ta'sir etuvchi modda (XPN): Mebgidrolin

Dori shakli

Tabletkalar.

Tarkibi

1 tabletka quyidagilarni saqlaydi:
faol modda: mebgidrolin napadizilati (mebgidrolin) – 50 mg yoki 100 mg;
yordamchi moddalar: laktoza, kartoshka kraxmali, quyi molekulyar tibbiy polivinilpirrolidon, stearin kislotasi.

Ta'rifi

oq yoki deyarli oq rangli, yassi yuzali riskali va faskali, dumaloq shaklli tabletkalar.

Farmakoterapevtik guruhi

Allergiyaga qarshi vosita.
ATX kodi: R06AX15

Farmakologik xususiyatlari

N1-gistamin retseptorlarining blokatori. Allergiyaga qarshi ta'sirga ega, shilliq qavatlarning shishini kamaytiradi. Diazolin bronxlar, bachadon va ichakning silliq mushaklariga gistaminning ta'sirini susaytiradi, arterial bosimni yaqqol pasayishini va qon tomirlarning o‘tkazuvchanligini oshishini kamaytiradi. Markaziy nerv tizimiga juda oz kirib, birinchi avlod antigistamin dori vositalaridan farqli ravishda, yaqqol sedativ va uxlatuvchi ta'sirlar ko‘rsatmaydi. Kuchsiz ifodalangan M-xolinoretseptorlarni bloklovchi va og‘riqsizlantiruvchi xususiyatlarga ega.
Terapevtik samaradorligi preparat qabul qilinganidan so‘ng 15-30 minut o‘tgach rivojlanadi, maksimal ta'siri 1-2 soatdan so‘ng kuzatiladi. Ta'sirining davomiyligi 2 sutkagacha yetishi mumkin.

Farmakokinetikasi

Me'da-ichak yo‘llaridan tez so‘riladi, organizmning barcha to‘qimalariga o‘tadi. Biokiraolishligi 40-60% chegaralarida o‘zgarib turadi. Plazmadan yarim chiqarilish davri taxminan 4 soatni tashkil qiladi. Preparat gematoentsefalik to‘siq orqali deyarli o‘tmaydi.
Jigarda metil guruhini qo‘shilish yo‘li bilan metabolizmga uchraydi, jigarning mikrosomal fermentlarini induktsiya qiladi, buyraklar orqali chiqariladi.

Qo‘llanilishi

Allergik rinit, pollinoz, eshakemi, Kvinke shishi, terining qichishishi bilan birga kechuvchi allergodermatozlar (ekzema, neyrodermit) ni oldini olish va davolash; allergik kon'yunktivit, hashoratlar chaqqanidan keyingi teri reaktsiyalarida qo‘llanadi.

Qo‘llash usuli va dozalari

Ichga, chaynamasdan, ovqatlanish vaqtida yoki ovqatdan keyin darhol qabul qilish kerak.
Kattalar va bolalarga 12 yoshdan boshlab, 100 mg dan kuniga 1-3 marta buyuriladi. Kattalar uchun maksimal dozalar: bir martalik doza – 300 mg, sutkalik – 600 mg ni tashkil qiladi.
Davolash kursining davomiyligi kasallikning xarakteri va erishilgan terapevtik samaraga qarab belgilanadi.
3 yoshdan 5 yoshgacha bo‘lgan bolalarga – 50 mg dan kuniga 1-2 marta, 5 yoshdan 10 yoshgacha - 50 mg dan kuniga 2-3 marta, 10 yoshdan 12 yoshgacha bo‘lgan bolalarga - 50 mg dan kuniga 2-4 marta buyuriladi.
Nojo‘ya ta'sirlari
Me'da-ichak yo‘llari tomonidan: dispepsik ko‘rinishlar (jig‘ildon qaynashi, ko‘ngil aynishi, epigastral sohada og‘riq) namoyon bo‘luvchi me'daning shilliq qavatiga qitiqlovchi ta'sir ko‘rsatadi.
Nerv tizimi tomonidan: bosh aylanishi, paresteziyalar, tremor, kuchli toliqish, uyquchanlik, xavotirlik (tunda), psixomotor reaktsiyalar tezligini sekinlashishi.
Boshqalar: og‘izni qurishi, siydikni tutilishi, allergik reaktsiyalar, granulotsitopeniya va agranulotsitoz.
Bolalarda – paradoksal reaktsiyalar: yuqori qo‘zg‘aluvchanlik, ta'sirchanlik, tremor, uyquni buzilishi.

Qo‘llash mumkin bo‘lmagan holatlar

O‘ta yuqori sezuvchanlik, prostata bezining giperplaziyasi, yopiq burchakli glaukoma, me'da va o‘n ikki barmoq ichakning yara kasalligi, me'da-ichak yo‘llarining yallig‘lanish kasalliklari, pilorostenoz, tutqanoq, yurak ritmini buzilishlari, homiladorlik, laktatsiya davri, 3 yoshgacha bo‘lgan bolalar, saxaraza/izomaltaza tanqisligi, fruktozani o‘zlashtiraolmaslik, glyukoza-galaktozani kam so‘rilishida (preparatning tarkibida saxaroza borligi tufayli) qo‘llash mumkin emas.
Ehtiyotkorlik bilan: preparatni jigar va/yoki buyrak yetishmovchiligi bo‘lgan patsiyentlarda (dozani va qabul qilishlar orasidagi intervalni tuzatish talab qilinishi mumkin), qandli diabeti bo‘lgan patsiyentlarda (preparatning tarkibida saxaroza borligi tufayli) ehtiyotkorlik bilan qo‘llash kerak.
Dorilarning o‘zaro ta'siri
Etanol, sedativ vositalarning ta'sirini kuchaytiradi.

Maxsus ko‘rsatmalar

Bronxial astma va anafilaktik shokda samarasi kam.
Homiladorlik va laktatsiya davrida qo‘llanishi
Preparatni homiladorlikda qo‘llash mumkin emas.
Preparatni laktatsiya davrida qo‘llash zarurati tug‘ilganda, davolanish vaqtida emizishni to‘xtatish kerak.
Avtotransportni haydash va mexanizmlarni boshqarish qobiliyatiga ta'siri:
Preparat bilan davolanish davrida avtotransportni boshqarish va diqqatni yuqori jamlash va psixomotor reaktsiyalarning tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish lozim.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozaning oshirib yuborilishi
Simptomlari: ongni chalkashishi, uyquchanlik, harakat koordinatsiyasini buzilishi.
Keyinchalik, qabul qilingan preparatni so‘rilishi sayin, markaziy nerv tizimining faoliyatini susayishini kuchayish simptomlari, komani yuz berishigacha qadar kuchayib borishi mumkin. Dozani oshirib yuborilishi shuningdek markaziy nerv tizimiga rag‘batlantiruvchi ta'sirga olib kelishi mumkin (ko‘pincha bolalarda kuzatiladi). Shuningdek antixolinergik ta'sir ko‘rinishlari: og‘izni qurishi, qorachiqlarni kengayishi, gavdaning yuqori qismiga qonni quyilib kelishlari, me'da-ichak yo‘llari tomonidan buzilishlar (ko‘ngil aynishi, epigastriyada og‘riq, qusish) rivojlanishi mumkin.
Davolash: preparatni bekor qilish, me'dani yuvish, faollashtirilgan ko‘mirni qabul qilish, zarurat tug‘ilganda – simptomatik davolashni o‘tkazish kerak.

Chiqarilish shakli

50 mg va 100 mg dan tabletkalar.
10 tabletkadan polivinilxlorid plyonka va laklangan bosma alyumin folga kontur uyali o‘ramda.

Saqlash sharoiti

Quruq joyda, 25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.