Zirtek tab 10 mg № 7

Tavsif

Preparatning savdo nomi

Zirtek®
Ta'sir etuvchi modda (MNN): setirizin digidroxloridi

Dori shakli

plyonka qobiq bilan qoplangan tabletka;
ichga qabul qilish uchun tomchilar (eritma)

Tarkibi

Plyonka qobiq bilan qoplagan bitta tabletka quyidagilarni saqlaydi:
faol modda : 10,0 mg setirizin digidroxloridi;
yordamchi moddalar: 37,0 mg mikrokristall sellyuloza, 66,4 mg laktoza monogidrati, 0,6 mg cuvsiz kolloid kremniy dioksidi, 1,0-1,51 mg magniy stearati;
tabletka qobigining tarkibi: 3,45 mg Opadray Y-1-7000 (2,156 mg gidroksipropilmetiltsellyuloza (E464), 1,078 mg titan dioksidi (E171), 0,216 mg makrogol 400).
1Ishlab chiqarish sharoitiga va qurilmalariga bog‘liq (bir tabletkada 1,0 mg dan 1,5 mg gacha o‘zgaradi)
1 ml eritma ( 20 tomchiga ekvivalent) quyidagilarni saklaydi:
faol moddalar: 10,0 mg setirizin digidroxloridi;
yordamchi moddalar: 250,0 mg glitserin, 350,0 mg propilenglikol, 10,0 mg natriy saxarinati, 1,35 mg metilparabenzol, 0,15 mg propilparabenzol, 10,0 mg natriy atsetati, 0,53 mg 99,8% li sirka kislotasi, tozalangan suv 1,0 ml gacha.

Ta'rifi

Plyonka qobiq bilan qoplangan tabletkalar: oq uzunchoq, bo‘lish uchun riskali va "Y-Y" markirovkasi bo‘lgan plyonka qobiq bilan qoplangan tabletkalar.
Ichga qabul uchun tomchilar, eritma: biroz shirin tamli va hushbuy achchiq tiniq rangsiz suyuqlik.

Farmakoterapevtik guruhi

tizimli qo‘llash uchun antigistamin preparatlar, piperazin hosilalari.
ATX kodi: R06AE07.

Farmakologik xususiyatlari

Ta'sir mexanizmi va farmakodinamik samaralari
Gidroksizinining odam organizmidagi metaboliti, Setirizin periferik N1-retseptorlarining kuchli va selektiv antagonisti hisoblanadi. Retseptorlar bilan bog‘lanishi yuzasidan In vitro sharoitidagi tadqiqotlar, N1- retseptorlaridan tashqari boshqa retseptorlarga nisbatan o‘lchash mumkin bo‘lgan yaqinlikni yo‘qligini ko‘rsatgan.
Sichqonlarda o‘tkazilgan ex vivo sharoitida o‘tkazilgan tadqiqotlar, setirizin tizimli yuborilganda bosh miyada N1- retseptorlar bilan ahamiyatli darajada bog‘lanmasligini ko‘rsatgan.
N1-gistaminga qarshi asosiy samarasiga qo‘shimcha ravishda, Setirizinning allergiyaga qarshi ta'sirni namoyish qilishi ko‘rsatilgan: preparatni 10 mg dozada sutkada bir yoki ikki marta qo‘llanganda, u yallig‘langan hujayralarni, xususan eozinofillarning atopiyasi bo‘lgan patsiyentlarda allergen bilan kontaktdan keyin allergik reaktsiyalarni kechki bosqichida teri va kon'yuktivaga migratsiyasini kamaytiradi, bronxial astmasi bo‘lgan patsiyentlarda esa, sutkada 30 mg dozada qo‘llanganda allergen tomonidan induktsiya qilingan bronxlarni torayishining kechki fazasi vaqtida eozinofillarni bronxoalveolyar lavaj suyuqligiga oqib kirishiga to‘sqinlik qiladi.
Bundan tashqari, setirizin surunkali eshakemi bo‘lgan patsiyentlarda teri ichiga kallikreinni yuborib induktsiya qilingan yallig‘lanish reaktsiyasining so‘nggi bosqichini susaytiradi. U shuningdek allergik yallig‘lanish markerlari bo‘lgan ICAM-1 va VCAM-1 kabi adgeziya molekulalarining ekspressiyasini manfiy aks bog‘liqlik turi bo‘yicha boshqaradi. Sog‘lom ko‘ngillilarda o‘tkazilgan tadqiqotlar, setirizin 5 mg va 10 mg dozalarda gistaminni teri ichiga yuqori dozalarda yuborilishiga javoban qavarchiq va qizarish ko‘rinishdagi teri reaktsiyalarini barqaror susaytirishini ko‘rsatgan.
10 mg li bir martalik doza yuborilgandan so‘ng preparatni ta'siri 50% patsiyentlarda 20 minut atrofida, 95% patsiyentlarda esa bir soat davomida boshlanadi.
Bir marta yuborilgandan so‘ng bu faollik kamida 24 soat davomida saqlanadi.
5 yoshdan 12 yoshgacha bo‘lgan bolalar ishtirokidagi 35 kunlik tadqiqotlarda setirizinning antigistamin ta'siriga tolerantlikni rivojlanishi (qavarchiq va qizarish ko‘rinishiga teri reaktsiyalarini rivojlanishini susaytirishi) aniqlanmagan.
Setirizinni ko‘p marta yuborib o‘tkazilgan davolash to‘xtatilgandan keyin, terining gistaminga bo‘lgan normal sezuvchanligi uch kun davomida tiklanadi.

Farmakokinetikasi

So‘rilishi:
Setirizinni10 mg dozada 10 kun davomida qabul qilinganda preparatning to‘planishi kuzatilmagan. Qon plazmasidagi maksimal muvozanatli kontsentratsiyasi taxminan
300 ng/ml ni tashkil qiladi va unga 1,0 ± 0,5 soat davomida erishiladi. Ko‘ngillilarda qon plazmasidagi maksimal kontsentratsiya (Smax) va egri chiziq ostidagi maydon (AUC) kabi farmakokinetik parametrlarning taqsimlanishi deyarli bir xil bo‘lgan.
Ovqat qabul qilish setirizinning so‘rilish darajasiga ta'sir kilmaydi, biroq so‘rilish tezligini biroz pasaytiradi. Setirizinning biokiraolishlik darajasi eritmalar, kapsulalar yoki tabletkalar ko‘rinishida qo‘llanganda bir xil bo‘lgan.
Taqsimlanishi:
Aniqlangan taqsimlanish hajmi 0,5 l/kg ni tashkil kiladi. Setirizinni qon plazmasi oksillari bilan bog‘lanishi 93±0,3% ni tashkil qiladi. Setirizin varfarinni oksillari bilan bog‘lanishiga ta'sir qilmaydi.
Metabolizmi va chiqarilishi:
Setirizin birinchi o‘tishda faol metabolizmga uchramaydi.Taxminan dozaning uchdan ikki qismi o‘zgarmagan holda siydik bilan chiqariladi. Terminal yarim chiqarilish davri taxminan 10 soatni tashkil qiladi.
Setirizin 5 dan 60 mg gacha bo‘lgan dozalar diapazonida proportsional kinetika bilan xarakterlanadi.
Patsiyentlarning alohida guruhlari
Bolalar
6-12 yoshli bolalarda setirizinni yarim chiqarilishi davri taxminan 6 soatni va 2-6 yoshgacha bolalarda -5 soatni tashkil qiladi.
Keksa yoshdagi patsiyentlar
Keksa yoshdagi 16 nafar patsiyentda 10 mg doza bir marta ichga qabul qilingandan keyin yarim chiqarilish davri oddiy patsiyentlarga nisbatan taxminan 50% ga oshgan, klirensi esa 40% ga kamaygan. Bunday keksa yoshdagi patsiyentlarda setirizin klirensining pasayishi buyrak funktsiyasini susayishi bilan bog‘liq bo‘lishi mumkin.
Buyrak funktsiyasini buzilishi bo‘lgan patsiyentlar
Buyrak funktsiyasini yengil darajadagi buzilishi (kreatinin klirensi minutiga 40 ml dan yuqori) bo‘lgan patsiyentlarda va sog‘lom ko‘ngillilarda preparatning farmakokinetikasi o‘xshash bo‘lgan.
Buyrak funktsiyasini o‘rtacha darajadagi buzilishi bo‘lgan patsiyentlarda sog‘lom ko‘ngillilarga nisbatan yarim chiqarilish davri 3 martaga oshgan, klirensi esa 70% ga kamaygan.
Setirizinni 10 mg dozada bir marta ichga qabul qilgan gemodializdagi (kreatinin klirensi minutiga 7 ml dan kam) patsiyentlarda normal ko‘rsatkichlar bilan solishtirilganda yarim chiqarilish davrini 3 marta oshishi va klirensni 70% ga kamayishi kuzatilgan.
Setirizin gemodializ orqali yomon chiqariladi.
Buyrak funktsiyasini o‘rtacha yoki og‘ir darajada buzilishi bo‘lgan patsiyentlarda dozaga tuzatish kiritish zarur.
Jigar funktsiyasini buzilishi bo‘lgan patsiyentlar
Setirizinni 10 mg yoki 20 mg dozada bir marta qabul qilgan jigarning surunkali kasalliklari (gepatotsellyulyar, xolestatik va biliar sirrozi) bo‘lgan patsiyentlarda yarim chiqarilish davrini sog‘lom odamlarga nisbatan klirensni 40% ga kamayishi bilan bir qatorda, yarim chiqarilish davrini 50% ga oshishi aniqlangan.
Jigar funktsiyasini buzilishi bo‘lgan patsiyentlarda faqat yondosh buyrak funktsiyasini buzilishi bo‘lgandagina dozaga tuzatish kiritish zarur.

Qo‘llanilishi

Zirtek®preparati quyidagi holatlarni:
• mavsumiy va yil davomidagi allergik rinitning belgilarini, burun va ko‘z simptomlarini;
• eshakemi simptomlarini yengillashtirish uchun qo‘llanadi.
Qo‘llash usuli va dozalari.
Tabletkalarni butunligicha 1 stakan suyuqlik bilan ichib qabul qilinadi.
Tomchilarni qabul qilishdan avval suyuqlikda suyultirish kerak.
Qo‘llash usuli:
Ichga qabul uchun buyuriladi.
Kattalar
10 mg (20 tomchi yoki 1 tabletka) dan sutkada 1 marta buyuriladi.
Preparatni qabul qilishni 5 mg doza (10 tomchi yoki yarimta tabletka) dan agar u kasallik simptomlarini yengillashini qoniqarli darajada ta'minlasa, boshlash mumkin
2 yoshdan 6 yoshgacha bo‘lgan bolalarga:
2,5 mg - 5 tomchi sutkada ikki marta buyuriladi;
6 yoshdan 12 yoshgacha bo‘lgan bolalarga:
5 mg - 10 tomchidan yoki yarim tabletkadan sutkada ikki marta buyuriladi;
12 yoshdan katta bolalarga:
10 mg (20 tomchi yoki 1 tabletka) dan sutkada bir marta buyuriladi.
Keksa yoshdagi patsiyentlar
Mavjud ma'lumotlar buyrak funktsiyasi normal bo‘lgan keksa yoshdagi patsiyentlarda dozaga tuzatish kiritish talab qilinmasligini taxmin qilishga imkon beradi.
Buyrak funktsiyasini buzilishi bo‘lgan patsiyentlar
Preparatni qabul qilish orasidagi intervallarni buyrak funktsiyasiga qarab, individual tanlash lozim. Quyida keltirilgan jadvaldan foydalanib, dozaga ko‘rsatmalarga muvofiq kiritiladi. Bu dozalar jadvalidan foydalanish uchun patsiyentda kreatinin klirensini (SLcr ) ml/minda baholashni o‘tkazish zarur. SLcr (ml/min)ni zardob kreatininiga (mg/dl) asosan, uni aniqlash uchun quyidagi formuladan foydalanib baholash mumkin:
Buyrak funktsiyasini buzilishi bo‘lgan keksa yoshdagi patsiyentlar uchun dozaga tuzatish kiritish:
ayollar uchun)
Guruh Kreatinin klirensi
(ml/min) Dozalash va qabul qilishlar soni
Norma ≥80 10 mg dan sutkada bir marta
Yengil darajadagi buzilish 50-79 10 mg dan sutkada bir marta
O‘rtacha darajadagi buzilish 30-49 5 mg dan sutkada bir marta
Og‘ir darajadagi buzilish <30 5 mg dan 2 sutkada bir marta
Buyrak yetishmovchiligining terminal bosqichi - gemodealizdagi patsiyentlar <10
Qo‘llash mumkin emas
Buyrak funktsiyasini buzilishi bilan xastalangan bolalarda dozaga individual asosda, patsiyentning buyrak klirensini, uning yoshi va tana vaznini e'tiborga olib, tuzatish kiritish kerak.
Jigar funktsiyasini buzilishi bo‘lgan patsiyentlar
Faqat jigar funktsiyasini buzilishi bo‘lgan patsiyentlarga dozaga tuzatish kiritish talab qilinmaydi.
Jigar funktsiyasini buzilishi va buyrak funktsiyasini buzilishi bo‘lgan patsiyentlar
Dozalarga tuzatish kiritish tavsiya qilinadi (yuqoridagi Buyrak funktsiyasini buzilishi bo‘lgan patsiyentlarga qarang).

Qo‘llash mumkin bo‘lmagan holatlar

Zirtek preparatini:
• Ushbu preparatning komponentlaridan birontasiga, gidroksizinga yoki piperazinning har qanday hosilalariga yuqori sezuvchanlikda;
• kreatinin klirensi minutiga 10 ml dan kam bo‘lgan buyrak funktsiyasini og‘ir darajadagi buzilish bo‘lgan patsiyentlarda qo‘llash mumkin emas.
Nojo‘ya ta'sirlari
Klinik tadqiqotlarda olingan ma'lumotlar
Klinik tadqiqotlar, setirizinni tavsiya qilingan dozada qabul qilinganda markaziy nerv tizimi tomonidan uyquchanlik, toliqish, bosh aylanishi va bosh og‘rig‘ini o‘z ichiga olgan ahamiyatsiz darajadagi samaralarni chaqirishini ko‘rsatgan.
Ayrim hollarda markaziy nerv tizimining paradoksal rag‘batlantirilishi to‘g‘risida xabar qilingan.
Setirizin periferik N1-retseptorlarining selektiv antagonisti bo‘lishiga va unda antixolinergik faollikni deyarli to‘liq yo‘qligi bilan xarakterlanishiga qaramay, siyishni qiyinlashishi, ko‘z akkomadatsiyasini buzilishi va og‘izni qurishining yakka hollari qayd etilgan.
Bilirubinni oshishi bilan kechuvchi jigar fermentlarini oshishi bilan bo‘lgan jigar faoliyatini buzilishi hollari to‘g‘risida xabarlar olingan. Bunday holatlarning ko‘pchiligi preparatni qabul qilish to‘xtatilgandan keyin o‘tib ketgan.
Setirizinni platsebo yoki xavfsizlik bo‘yicha miqdoriy ma'lumotlar mumkin bo‘lgan boshqa antigistamin preparatlarini tavsiya qilingan dozalarda (tsetirizin uchun 10 mg dan sutkada 1 marta) solishtirib o‘tkazilgan ikki yoqlama yashirin nazoratli klinik tadqiqotlarga setirizinni qabul qilgan 3200 dan ortiq patsiyentlarni o‘z ichiga olgan.
Platsebo-nazoratli tadqiqotlarda bu umumiy miqdordan 10 mg li setirizin uchun uchrash tez-tezligi 1,0% va undan yuqori bo‘lgan quyidagi noxush holatlar qayd etilgan:
Noxush reaktsiyalar (JSST noxush reaktsilarining terminologiyasi) Setirizin 10 mg
(n=3260) Platsebo
(n=3061)
Yaxlit organizm-Umumiy buzlishlar
Toliqish
1,63%
0,95%
Markaziy va periferik nerv tizimi tomonidan buzilishlar
Bosh aylanishi
Bosh og‘rig‘i
1,10%
7,42%
0,98%
8,07%
Me'da-ichak yo‘llari tomonidan
buzilishlar
Qorinda og‘riq
Og‘izni qurishi
Ko‘ngil aynashi
0,98%
2,09%
1,07%
1,08%
0,82%
1,14%
Ruhiyatni buzilishi
Uyquchanlik
9,63%
5,0%
Nafas tizimi tomonidan buzilishlar
Faringit
1,29%
1,34%
Platsebo guruhiga nisbatan, statistik jihatdan eng yuqori uchrash tez-tezligiga qaramay, ko‘p hollarda uyquchanlik yengildan o‘rtacha yaqqollik darajasigacha bo‘lgan.
Boshqa tadqiqotlarda ob'ektiv testlar preparatni tavsiya qilingan sutkalik dozada qabul qilinganda sog‘lom yosh ko‘ngillilarda odatiy kundalik faollikni o‘zgarmasligini ko‘rsatgan.
Platsebo-nazoratli klinik tekshirishlarga kiritilgan 6 oylikdan -12 yoshgacha bo‘lgan bolalarda uchrash tez-tezligi 1% va undan yuqori bo‘lgan nojo‘ya reaktsiyalar quyidagicha:
Nojo‘ya reaktsiyalar (JSST nojo‘ya reaktsiyalarning terminologiyasi) Setirizin
(n=1656) Platsebo
(n=1294)
Me'da-ichak yo‘llari tomonidan buzilishlar
Diareya
1,0%
0,6%
Ruhiyatni buzilishi
Uyquchanlik
1,8%
1,4%
Nafas tizimi tomonidan buzilishlar
Rinit
1,4%
1,1%
Yaxlit organizm-umumiy buzilishlar
Toliqish
1,0%
0,3%
Postregistratsion ma'lumotlar:
Nojo‘ya reaktsiyalarning uchrash tez-tezligi quyidagi qoidalardan foydalanib tasniflangan:
juda tez-tez ≥ 1/10
tez-tez ≥ 1/100 dan <1/10 gacha
tez-tez emas ≥ 1/1000 dan <1/100 gacha
kam hollarda > 1/10000 dan < 1/1000
juda kam hollarda < 1/10 000
noma'lum ( mavjud ma'lumotlar asosida baholash mumkin emas).
Qon va limfatik tizimi tomonidan buzilishlar:
Juda kam hollarda: trombotsitopeniya
Immun tizimi tomonidan buzilishlar:
Kam hollarda::o‘ta yuqori sezuvchanlik
Juda kam hollarda:: anafilaktik shok.
Moddalar almashinuvi va ovqatlanish tomonidan buzilishlar:
Noma'lum: ishtahani oshishi.
Ruhiyatni buzilishi:
Tez-tez emas: qo‘zg‘alish
Kam hollarda: tajovuzkorlik, ongni chalkashishi, depressiya, gallyutsinatsiya, uyqusizlik
Juda kam hollarda: tik
Noma'lum: suitsidal fikrlar.
Nerv tizimi tomonidan buzilishlar:
Tez-tez emas: paresteziya
Kam hollarda: tirishishlar
Juda kam hollarda: disgevziya,diskineziya, distoniya, hushdan ketish, tremor.
Noma'lum: amneziya, xotirani buzilishi.
Ko‘rish a'zolari tomonidan buzilishlar:
Juda kam hollarda: akkomadatsiyani buzilishi, ko‘rishni noaniqligi, ko‘z soqqasini harakatlari.
Eshitish a'zolari tomonidan buzilishlar va labirint buzilishlari:
Noma'lum: bosh aylanishi
Yurak tomonidan buzilishlar:
Kam hollarda: taxikardiya
Me'da-ichak yo‘llari tomonidan buzilishlar:
Tez-tez emas: diareya
Jigar va o‘t chiqarish yo‘llari tomonidan buzilishlar:
Kam hollarda: jigarning funktsional sinamalarini normadan og‘ishi (qonda transaminazalarni oshishi, bilirubin kontsentratsiyasini oshishi, qonda ishqoriy fosfataza kontsentratsiyasini oshishi, gamma-glutamil transferazasini oshishi).
Teri va teri osti to‘qimalari tomonidan buzilishlar:
Tez-tez emas: qichishish, toshma.
Kam hollarda: eshakemi
Juda kam hollarda: anginevrotik shish, dori ta'sirida toshma.
Buyrak va siydik chiqarish yo‘llari tomonidan buzilishlar:
Juda kam hollarda: dizuriya, enurez.
Noma'lum: siydikni tutilishi (“Maxsus ko‘rsatmalar” bo‘limiga qarang)
Umumiy buzilishlar va yuborish joyidagi buzilishlar:
Tez-tez emas: asteniya, lohaslik
Kam hollarda: shishlar.
Laborator va instrumental tekshirish natijalariga ta'siri:
Kam hollarda: tana vaznini oshishi.
Dorilarning o‘zaro ta'siri
Farmakokinetik va farmakodinamik profili va setirizinni o‘zlashtiraolinishi profili tufayli ushbu antigistamin preparati uchun hech qanday o‘zaro ta'sirlar taxmin qilinmaydi.
Dorilarning o‘zaro ta'siri bo‘yicha, xususan psevdoefedrin yoki teofillin bilan (sutkada 400 mg dozada) o‘zaro ta'srini o‘rganish yuzasidan tadqiqot o‘tkazilganida, farmakodinamik yoki sezilarli farmakokinetik o‘zaro ta'sirlar xaqida xabarlar bo‘lmagan.
Nomutanosiblik:
Tegishli ma'lumotlar yo‘q.

Maxsus ko‘rsatmalar

Alkogol
Terapevtik dozalarda setirizinning alkogol (alkogolning qondagi darajasi 0,5 g/l bo‘lganda) bilan ahamiyatga ega bo‘lgan o‘zaro ta'sirlari namoyish qilinmagan. Shunga qaramay, alkogol bilan bir vaqtda qabul qilinganda ehtiyotkorlik choralariga rioya qilish tavsiya qilinadi.
Siydik tutilishining yuqori xavfi
Siydik tutilishiga moyillik omillari (masalan,orqa miyani shikastlanishi, prostata bezining giperplaziyasi) bo‘lgan patsiyentlarda ehtiiyotkorlikka rioya qilish kerak, chunki setirizinni qo‘llash siydik tutilish xavfini oshirishi mumkin.
Tirishishlarni rivojlanish xavfi bo‘lgan patsiyentlar
Tutg‘anog‘i bo‘lgan patsiyentlarda va tirishishlarni rivojlanish xavfi bo‘lgan patsiyentlarda ehtiyotkorlikka rioya qilish tavsiya qilinadi.
Bolalar
6 yoshdan kichik bo‘lgan bolalarga Zirtek® preparatini plyonka qobiq bilan qoplangan tabletka shaklida qo‘llash tavsiya etilmaydi, chunki bunday ishlab chiqarish shakli dozaga muvofiq ravishda tuzatish kiritish imkonini bermaydi. Setirizinni bolalar qabul qilishi uchun to‘g‘ri keladigan dori shaklida qo‘llash tavsiya qilinadi. Ayrim farmbozorlarida preparatni qobiq bilan qoplangan shaklini 12 yoshdan kichik bolalarda qo‘llanmasligi mumkinligiga e'tibor berish lozim.
Terining allergik sinamalari
Antigistamin preparatlari terining allergik sinamalarini susaytiradi, shuning uchun ularni bajarishdan avval, 3 kun davomida yuvib tozalash davriga rioya qilish tavsiya qilinadi.
Ovqat qabul qilish
Ovqat setirizinni so‘rilish darajasiga ta'sir qilmaydi, ammo so‘rilish tezligini kamaytiradi.
Yordamchi moddalar
Laktoza
Zirtek® 10 mg plyonka qobiq bilan qoplangan tabletka shaklidagi preparati laktoza saqlaydi.
Galaktozani o‘zlashtiraolmaslik (laktaza yetishmovchiligi yoki glyukoza va galaktozani malabsorbtsiya) kabi kam uchraydigan nasliy buzilishlari bo‘lgan patsiyentlar ushbu dori vositasini qabul qilmasliklari kerak.
Parabenlar
Zirtek® ichga qabul uchun tomchilar 10 mg/ml eritmasi ko‘rinishidagi preparat metilparagidroksibenzoat va propilparagidroksibenzoat saqlaydi va ular allergik reaktsiyalarni (ehtimol, sekin avj oluvchi turini) chaqirishi mumkin.
Homiladorlik va emizish davri
Fertillik
Yetarli ma'lumotlar yo‘q.
Homiladorlik:
Preparatni homilador ayollarga buyurilganda ehtiyotkorlikka rioya qilish lozim;
Setirizinni homiladorlik davrida ta'siri xaqida klinik ma'lumotlar cheklangan. Hayvonlarda o‘tkazilgan tadqiqotlarda preparatni homiladorlikka, embrionni/homilani rivojlanishiga, tug‘ruqqa yoki tug‘ilgandan keyingi rivojlanishga nisbatan bevosita yoki bilvosita zararli ta'siri aniqlanmagan.
Laktatsiya davri
Setirizinni emizikli ayollarga buyurilganda ehtiyotkorlikka rioya qilish lozim.
Setirizin odamlarda preparat qabul qilinganidan so‘ng, namunani olish vaqtiga qarab, plazmada o‘lchangan qiymatning 25% dan 90% gacha bo‘lgan kontsentratsiyalarda ko‘krak suti bilan chiqariladi.
Diqqatni yuqori jamlanishi, psixomotor reaktsiya tezligini talab qiluvchi faoliyat turlarini bajarish qobiliyatiga yoki kognitiv ko‘nikmalarga ta'siri
Preparatni tavsiya qilingan 10 mg dozada qo‘llanganda transport vositalarini boshqarish qobiliyatini, uyquning latent davrini va yig‘ish liniyalarida ishlab chiqarishni ob'ektiv o‘lchash hech qanday klinik ahamiyatli samaralarni namoyish qilmagan. Transport vositalarini boshqarishni, potentsial xavfli faoliyat turlari bilan shug‘ullanishni yoki mexanizmlar bilan ishlashni rejalashtirgan patsiyentlar tavsiya qilingan dozani oshirmasliklari va o‘zlarini dori preparatiga bo‘lgan reaktsiyalarini e'tiborga olishlari kerak.
Sezgir patsiyentlarda alkogol yoki boshqa markaziy nerv tizimini susaytiruvchi moddalarni bir vaqtda qo‘llash reaktsiyalarni qo‘shimcha pasayishiga va ishlab chiqarishni yomonlashuviga olib kelishi mumkin.
Preparat bolalar ololmaydigan joyda saqlansin va yaroqlilik muddati o‘tgandan so‘ng qo‘llanmasin.

Dozani oshirib yuborilishi

Simptomlari va belgilari
Setirizinning dozasi oshirib yuborilganda kuzatiladigan simptomlar, asosan markaziy nerv tizimi tomonidan yoki uning antixolinergik ta'sirini ko‘rsatuvchi samaralar bilan bog‘liqdir.
Tavsiya qilingan sutkalik dozadan kamida 5 marta oshadigan dozani qabul qilgandan so‘ng qayd etilgan nojo‘ya holatlar ongni chalkashuvi, diareya, bosh aylanishi, toliqish, bosh og‘rig‘i, lanjlik, midriaz, tremor va siyishni tutilishini o‘z ichiga oladi.
Davolash
Setirizin uchun spetsifik antidot noma'lum emas. Dozani oshirib yuborilishi hollari paydo bo‘lganda simptomatik yoki bir maromda ushlab turuvchi terapiya tavsiya qilinadi. Setirizin uchun dializni o‘tkazish samarasiz.

Chiqarilish shakli

Zirtek® 10 mg plyonka qobiq bilan qoplangan tabletkalar,
7 tabletkadan PVX/alyumin folgali, kontur uyali o‘ramda (blister), 1 blisterdan qo‘llash bo‘yicha yo‘riqnoma bilan birga karton qutiga joylangan.
Zirtek® ichga qabul qilish uchun tomchilar (eritma),10 mg/ml
Eritma 10 ml dan past zichlikdagi polietilen tomchitlagich, bolalardan himoyalash uchun oq propilen buraladigan qopqoq bilan ta'minlangan qahrabo shisha (,Evr.F.bo‘yicha III tipi) flakonlarda. Flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Zirtek® 10 mg tabletkalari plyonka qobiq bilan qoplangan
Quruq joyda, 30°S yuqori bo‘lmagan haroratda saqlansin.
Zirtek® tomchilari,ichga qabul qilish uchun(eritma), 10 mg
30ºS dan yuqori bo‘lmagan haroratda saqlansin.

Yaroqlilik muddati

Zirtek® 10 mg plyonka qobiq bilan qoplangan tabletkalar
60 oy.
Zirtek® ichga qabul uchun tomchilar (eritma), 10 mg
60 oy.

Dorixonalardan berish tartibi

Retseptsiz.
Qayd etish guvohnomasining egasi
Glaxo Smith Expot Limited Glakso Smit Eksport Limited
980 Great West Rofd,Brent ford, 980 Greyt Vest Roid,Brentford,
Middlesex,TW 89 GS Midleks,TW 89 GS
UK Buyukbritaniya

Ishlab chiqaruvchi

Aesica Pharmaceuticals S,r,L Eysika Farmsyutikalz S.r.l.
Via Praglia,15 Via Pralya,15
1044 Pianezza (TO) 1044 Pyanetstsa (Turtsiya)
ITALY Italiya
Qo‘shimcha ma'lumot uchun quyidagi manzilga murojaat qiling:
"Glaxo Smith Kline Export Ltd”
O‘zbekiston Respublikasidagi vakolatxonasi
100031 Toshkent sh., Afrosiyob ko‘chasi, 4a
Tel. (371)2525461; faks (371) 2525422