Fosfotsineo ichga qabul qilish uchun suspenziya tayyorlash uchun granulalar 3g №1

Tavsif

Preparatning savdo nomi

Fosfotsineo
Ta'sir etuvchi modda (XPN): fosfomitsin trometamoli

Dori shakli

ichga qabul qilish uchun suspenziya tayyorlash uchun granulalar

Tarkibi

1 paket quyidagilarni saqlaydi:
faol modda: 3 g fosfomitsinga ekvivalent bo‘lgan fosfomitsin trometamol – 5,631 g,

Ta'rifi

oq yoki deyarli oq kristall kukun

Farmakoterapevtik guruhi

Fosfon kislotasi xosilalari guruhi antibiotigi. Uroantiseptik
ATX kodi: J01XX01

Farmakologik xususiyatlari

Antibakterial va bakteritsid xususiyatga ega.

Farmakodinamika

Keng ta'sir doirasiga ega atibakterial vosita.
Ko‘pchilik grammanfiy, shu jumladan Pseudomonas aeruginosa, Escherichia coli, Proteus mirabilis, Klebsiella pneumoniae, va grammusbat mikroorganizmlarga: Staphylococcus spp. (v t.ch. Staphylococcus aureus, Staphylococcus epidermidis), Streptococcus spp. (shu jumladan Streptococcus faecalis) nisbatan faol.
Ta'sir mexanizmi bakteriyalarni xujayra devorini birinchi bosqich sintezini bostirilishi bilan bog‘liq. Fosfoenol piruvatni strukturali analogi hisoblanib, N-atsetil-glyukozamino-3-O-enolpiruvil-transfera fermenti bilan raqobatli o‘zaro ta'sirga kirishib, natijada ushbu fermentni spetsifik tanlangan va qaytmas ingibitsiya qilinishi yuz beradi.

Farmakokinetikasi

So‘rilishi
Ichga qabul qilingandan keyin me'da-ichak yo‘llarida tez so‘riladi. 3 g dozada bir martalik ichga qabul qilinganda biokiraolishligi 34-65% tashkil qiladi. Cmax 2-2,5 soatdan keyin erishiladi va 22-32 mkg/ml tashkil qiladi.
Taqsimlanishi va metabolizmi
Fosfomitsin trometamoli plazma oqsillari bilan bog‘lanmaydi, organizmda fosfomitsin va tramadolga dissotsiyalanadi (antibakterial xususiyatga ega emas) va ortiq metabolizmga uchramaydi, asosan siydikda to‘planadi.
3 g bir martalik dozada qabul qilinganda siydikda yuqori kontsentratsiyalarga erishiladi (1053 dan 4415 mg/l gacha), siydik chiqarish yo‘llari infektsiyalarini odatdagi ko‘pchilik qo‘zg‘atuvchilari uchun 99% ga bakteritsid. MChK (128 mg/l tashkil qiladi) 24-48 soat davomida siydikda tutib turiladi (bir kurs davolashni taklif qiladi).
Chiqarilishi
Plazmada T1/2 – 4 soat. Buyrak orqali (95% gacha) siydikda yuqori kontsentratsiyalarda xosil bo‘lishi bilan taxminan 5% - safro bilan o‘zgarmagan xolda chiqariladi.
Alohida klinik xolatlar farmakokinetikasi
Buyrak faoliyati o‘rtacha pasayishi bo‘lgan (KK>80 ml/min) patsiyentlarda, shu jumladan keksa shaxslarda uni fiziologik pasayishi, fosfomitsin T1/2 biroz uzayadi, ammo siydikdagi kontsentratsiyasi terapevtik darajada qoladi.

Qo‘llanilishi

- o‘tkir bakterial sistit;
- bakterial sistitni qaytalanuvchi o‘tkir xurujlari;
- spetsifik bo‘lmagan bakterial uretrit;
- homiladorlarda simptomsiz massiv bakteriuriya;
- siydik yo‘llarini operatsiyadan keyingi infektsiyalari;
- jarroxlik aralashuvlarida va transuretral diagnostik tadqiqotlarda siydik chiqarish yo‘llari infektsiyalarini oldini olish uchun qo‘llanadi.

Qo‘llash usuli va dozalari

Preparatni oldindan bir stakan suvda eritib ichga qabul qilinadi.
Kattalarga preparat 3 g dan sutkada 1 marta buyuriladi. Davolash kursi 1 kunni tashkil qiladi. Zarurat bo‘lganda (og‘ir yoki qaytalanuvchi infektsiyalarda, keksa shaxslarga) 3 g dozada 24 soatdan keyin preparatni qayta qabul qilish mumkin.
Profilaktik maqsadda jarrohlik aralashuvlarida siydik yo‘llarini infektsiyalanishida, transuretral tadqiqotlar muolajasida preparatni 3 g dozada aralashuvdan 3 soat oldin va birinchi qabuldan 24 soatdan keyin 3 g qabul qilinadi.
5 yoshdan katta bolalarga preparat 2 g dozada faqat bir marta buyuriladi. Preparat buyurilayotganda buyrak yetishmovchiligi bo‘lgan patsiyentlarga dozani pasaytirish va qabul qilish orasidagi intervalni oshirish kerak.
Qabul qilishdan oldin granulalarni 1/3 stakan suvda eritiladi. Preparatni sutkada 1 marta och qoringa ovqatdan 2 soat oldin yoki keyin (uyqudan oldin qo‘llash afzalroq), oldindan qovuqni bo‘shatib qabul qilinadi.
Nojo‘ya ta'sirlari
Fosfomitsina trometamoli yaxshi o‘zlashtiriladi. Kam hollarda namoyon bo‘ladigan nojo‘ya ta'sirlar quyidagi tomonlardan:
- ovqat hazm qilish tomonidan: ko‘ngil aynishi, jig‘ildon qaynashi, diareya
- boshqalar: terida toshma, allergik reaktsiyalar kuzatilishi mumkin.
Qo‘llash mumkin bo‘lmagan xolatlar
- fosfomitsinga yuqori sezuvchanlik
- yaqqol buyrak yetishmovchiligi (kreatinin klirensi kamida minutiga 10 ml)
- 5 yoshgacha bo‘lgan bolalarga qo‘llash mumkin emas.
Dorilarning o‘zaro ta'siri
Metoklopramid bilan bir vaqtda qo‘llanganda qon plazmasida va siydikda fosfomitsin kontsentratsiyasi pasayishi mumkin (ushbu kontsentaratsiya tavsiya etilmaydi).

Maxsus ko‘rsatmalar

Preparatni ertalab och qoringa yoki ovqatdan 2 soatdan keyin qabul qilish kerak, chunki ozuqa preparatni so‘rilishini ushlab qoladi.
Homiladorlik va laktatsiya
Agar ona uchun kutiladigan foyda homila uchun potentsial xavfdan yuqori bo‘lgan xollarda homiladorlarda Fosfotsinni qo‘llash mumkin, va mutaxassis kuzatuvi ostida amalga oshiriladi.
Fosfomitsin juda kam kontsentratsiyalarda ko‘krak suti orqali chiqariladi. Fosfotsinni laktatsiya davrida qo‘llaganda ehtiyotkorlikka rioya qilish kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Dozani oshirib yuborilish xavfi minimal darajada.
Davolash: jadallashgan diurez.

Chiqarilish shakli

Bir markirovka qilingan paketdan qo‘llash bo‘yicha yo‘riqnomasi bilan karton qutida.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

Northeast Pharmaceutical Group Shenyang №1 Pharmaceutical Co., Ltd
Manzili
Xitoy, Shenьyan sh., Ekonomik va texnologik rivojlangan xudud, Kunьmin ko‘ch. 8
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Mu Lin' Sen'” MChJ, Toshkent sh., O‘zbekiston Respublikasi, Durmon yo‘li ko‘ch., 31-A uy.