Levofloksatsin kaps. 250 mg №10 Radiks

Tavsif

Preparatning savdo nomi

Levofloksatsin
Ta'sir etuvchi modda (XPN): levofloksatsin

Dori shakli

kapsulalar.

Tarkibi

har bir kapsula quyidagilarni saqlaydi:
faol modda: levofloksatsin gemigidrati – 250 mg va 500 mg;
yordamchi moddalar: laktoza, kartoshka kraxmali, magniy stearati yoki kaltsiy stearati.

Ta'rifi

kapsula ichidagi – och sarg‘ishdan to sariq rangligacha bo‘lgan granula va kukun aralashmasi. Kapsulalar oq/oq yoki oq/qizil rangli.

Farmakoterapevtik guruhi

Antibakterial sintetik vosita (ftorxinolonlar guruhi).
ATX kodi: J01MA12

Farmakologik xususiyatlari

Ftorxinolonlar guruhiga mansub mikroblarga qarshi preparatdir. Keng antibakterial (bakteritsid) ta'sir doirasiga ega.
Preparat mikroorganizmlarning ko‘pchilik shtammlariga nisbatan faol:
- aerob grammusbat bakteriyalar: Sorynebacterium diphtheriae, Enterococcus faecalis, Listeria monocytogenes, Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Viridans group streptococci;
- aerob grammanfiy bakteriyalar: Acinetobacter spp. (shu jumladan Acinetobacter baumanii, Acinetobacter calcoaceticus, Acinetobacter anitratus), Acinobacilus actinomycetemcomitans, Bordetella pertussis, Citrobacter freundii, Citrobacter diversus, Eikenella corrodens, Enterobacter cloacae, Enterobacter aerogenes, Enterobacter agglomerans, Enterobacter sakazakii, Escherichia coli, Gardenella vaginalis, Haemophilus ducrey, Haemophilus influenzae, Haemophilus parainfluenzae, Klebsiella pneumoniae, Klebsiella oxytoca, Legionella pneumoniae, Moraxella catarrhalis, Morganella morganii, Heisseria gonorrhoeae, Heisseria meningitides, Pasteurella dagmatis, Pasterella multocida, Proteus mirabilis, Proteus vulgaris, Providencia stuartii, Providencia retgeri, Pseudomonas aeruginosa, Pseudomonas fluorescens, Salmonella spp., Serratia spp. (shu jumladan Serratia marcescens);
- anaerob grammusbat bakteriyalar: Clostridium perfringens, Peptostreptococcus, Propionibacterium spp.;
- anaerob grammanfiy bakteriyalar: Bacteroides fragillis, Bartonella spp. Bifidobacterium spp., Fusobacterium spp., Veillonella spp.;
- hujayra ichki parazitlar: Chlamydia pneumoniae, Chlamydia psittaci, Chlamydia trachomatis, Mycoplasma pneumonia

Qo‘llanilishi

- Streptococcus pneumoniae, Haemophilus influenzae, Moraxella catarrhalis chaqirgan o‘tkir sinusit, o‘rta otit
- Bakterial infektsiyalar (Staphylococcus aureus, Streptococcus pneumoniae, Haemophilus influenzae, Haemophilus parainfluenzae, Moraxella catarrhalis) bilan bog‘liq bo‘lgan surunkali bronxitning zo‘rayishi
- kasalxonadan tashqari pnevmoniya;
- Streptococcus aereus, Streptococcus pyogenes chaqirgan teri va yumshoq to‘qimalarning asoratlanmagan infektsiyalari (engil va o‘rtacha og‘irlik darajasidagi), shu jumladan abstsess, flegmona, furunkul, impetigo, piodermiya, jarohat infektsiyalari
- Escherichia coli, Klebsiella pneumoniae, Starhilococcus saprophyticus chaqirgan siydik-chiqarish yo‘llarining asoratlanmagan (engil va o‘rtacha og‘irlik darajadagi) infektsiyalari;
- Enterococcus faecalis, Enterobacter cloacae, Escherichia coli, Klebsiella pneeumoniae, Proteus mirabilis, Pseudomonas aeruginosa chaqirgan - siydik-chiqarish yo‘llari va buyrakning asoratlangan infektsiyalari (engil va o‘rtacha og‘irlik darajadagi).
- Chlamydia pneumoniae, Chlamydia psittaci, Chlamydia trachomatis chaqirgan urogenital xlamidioz
- Escherichia coli chaqirgan o‘tkir piyelonefritda (engil va o‘rtacha og‘irlik darajasidagi) qo‘llanadi.

Qo‘llash usuli va dozalari

Levofloksatsin ichga buyuriladi, doza infektsiyaning og‘irlik darajasini hisobi bilan belgilanadi. Kapsulalarni chaynamasdan, yetarli miqdordagi suyuqlik bilan (0,5 dan 1 stakangacha) ovqatdan oldin yoki ovqatlanish orasidagi har qanday vaqtda qabul qilinadi. Levofloksatsinning kattalar va 16 yosh va undan oshgan o‘smirlar uchun odatdagi dozasi har 24 soatda 250-500 mg ni tashkil qiladi. Davolash davomiyligi kasallikni kechishiga bog‘liq va u 14 kundan oshmasligi kerak.
Buyrak funktsiyasi normada yoki o‘rtacha pasaygan patsiyentlarga (kreatinin klirensi >50 ml/min) preparatning quyidagi dozalash tartibi tavsiya qilinadi:
Sinusit (burunning yon bo‘shliqlarini yallig‘lanishi) – 2 kapsuladan (250 mg dan) yoki 1 kapsuladan (500 mg dan) kuniga 1 marta, 10-14 kun davomida buyuriladi.
Surunkali bronxitni zo‘rayishi – 1 yoki 2 kapsuladan (250 mg dan) yoki 1 kapsuladan (500 mg dan) kuniga 1 marta, 7-10 kun davomida buyuriladi.
Kasalxonadan tashqari pnevmoniya – 2 kapsuladan (250 mg dan) yoki 1 kapsuladan (500 mg dan) kuniga 1-2 marta, 7-14 kun davomida buyuriladi.
Siydik-chiqarish yo‘llarining asoratlangan infektsiyalari, shu jumladan piyelonefrit – 1 kapsuladan (250 mg dan) kuniga 1 marta, 7-10 kun davomida buyuriladi.
Teri va yumshoq to‘qimalarining infektsiyalari: 1 yoki 2 kapsuladan (250 mg dan) yoki 1 kapsuladan (500 mg dan) kuniga 1-2 marta, 7-14 kun davomida buyuriladi.
Levofloksatsin asosan buyrak orqali chiqariladi, shuning uchun buyrak funktsiyasini buzilishi bo‘lgan patsiyentlarni davolashda, shuningdek gemodializ yoki doimiy ambulator peritoneal dializni o‘tkazishda (DAPD) preparatni qo‘llash mumkin emas. Jigar funktsiyasini buzilishi bo‘lgan patsiyentlarda dozaga tuzatish kiritish talab qilinmaydi, chunki levofloksatsin jigarda oz miqdorda metabolizmga uchraydi. Buyrak funktsiyasi normada bo‘lgan keksa yoshdagi patsiyentlarda dozaga tuzatish kiritish talab qilinmaydi.
Tavsiya qilingan dozalash tartibiga qat'iy rioya qilish kerak. Preparatni qo‘llashni tana harorati normallashganidan keyin 2-3 kun davomida davom ettirish tavsiya qilinadi. Preparat bilan davolanishni mustaqil uzish yoki muddatidan oldin to‘xtatishga yo‘l qo‘yilmaydi.
Nojo‘ya ta'sirlari
Allergik reaktsiyalar: ba'zida – terini qichishishi va qizarishi; kam hollarda – anafilaktik va anafilaktoid reaktsiyalar (eshakemi, yuzni shishi, fotosensibilizatsiya kabi belgilar bilan namoyon bo‘ladigan), juda kam hollarda – AB ni to‘satdan pasayishi va shok; alohida hollarda – Stivens-Djonson sindromi, toksik epidermal nekroliz (Layell sindromi) va ekssudativ ko‘p shaklli eritema.
Nerv tizimi tomonidan: ba'zida - bosh og‘rig‘i, bosh aylanishi, toliqish, ta'm sezishni buzilishi; kam hollarda - qo‘l-panjalarida paresteziyalar, qaltirash, bezovtalik, qo‘rquv hissi, tirishish xurujlari va ongni chalkashishi; juda kam hollarda – ko‘rishni va eshitishni pasayishi, ta'm va hid bilishni buzilishi, taktil sezuvchanlikni pasayishi, diqqatni jamlashni buzilishi, gallyutsinatsiyalar va depressiyalar kabi psixotik reaktsiyalar, koordinatsiyani buzilishi (shu jumladan, yurishdagi), tutqanoq xurujlari (moyilligi bo‘lgan patsiyentlarda).
Ovqat-hazm qilish tizimi tomonidan: tez-tez - ko‘ngil aynishi, diareya (juda kam hollarda qon bilan, bu ichakni yallig‘lanishi yoki soxtamembranoz kolitning belgilari bo‘lishi mumkin), ba'zida - ishtahani yo‘qolishi, qusish, qorinda og‘riqlar, ovqat hazm bo‘lishini buzilishi, kam hollarda - og‘izni qurishi, me'da-ichakdan qon ketishlar; juda kam hollarda – jigar funktsiyasini buzilishi (gepatit, xolelitaz).
Qon-yaratish a'zolari tomonidan: ba'zida – eozinofiliya, leykopeniya; kam hollarda– neytropeniya, trombotsitopeniya (qon quyilishlariga yoki qon ketishiga moyillikda); juda kam hollarda – yaqqol agranulotsitoz (tana haroratini turg‘un yoki qaytalanuvchi oshishi, bodomsimon bezlarni yallig‘lanishi va holatining turg‘un yomonlashuvi bilan birga kechadigan); alohida hollarda – gemolitik anemiya, pantsitopeniya.
Yurak-qon tomir tizimi tomonidan: kam hollarda – taxikardiya, gipotenziya va gipertenziya; juda kam hollarda – kardiogrammada QT intervalini uzayishi, tomir kollapsi, qorinchalarni lipillashi-xilpillashi.
Suyak-mushak tizimi tomonidan: kam hollarda – paylarni shikastlanishi (shu jumladan, tendinit), bo‘g‘im va mushak og‘rig‘i; juda kam hollarda – axillov payini uzilishi (ikki tomonlama xarakterga ega va davolash boshlanganidan keyin 48 soat davomida namoyon bo‘ladi), mushak zaifligi (miasteniyasi bo‘lgan bemorlar uchun muhim ahamiyatga ega); alohida hollarda – rabdomioliz.
Siydik-chiqarish tizimi tomonidan: ba'zida - vaginit, juda kam hollarda – buyrak faoliyatini, xatto o‘tkir buyrak yetishmovchiligiga yomonlashishi (masalan, allergik reaktsiyalar oqibatidagi – interstitsial nefrit).
Boshqalar: ba'zida – asteniya; ko‘p terlash; juda kam hollarda – gipoglikemiya, isitma, allergik pnevmonit, vaskulit.
Laboratoriya ko‘rsatkichlari: ba'zida - ALT, AST faolligini oshishi, kreatininning qon zardobidagi miqdorini oshishi; kam hollarda – LDG ni oshishi, glyukozaning miqdorini oshishi yoki kamayishi.

Qo‘llash mumkin bo‘lmagan holatlar

Levofloksatsinga yoki boshqa xinolonlarga o‘ta yuqori sezuvchanlik; tutqanoq, anamnezidagi xinolonlarni qabul qilish bilan bog‘liq bo‘lgan paylarni shikastlanishi; buyrak yetishmovchiligi (kreatinin klirensi minutiga 50 ml dan kam), glyukozo-6-fosfatdegidrogenaza tanqisligi, gemodializni o‘tkazish, homiladorlik, laktatsiya davri, bolalar va 16 yoshgacha bo‘lgan o‘smirlarda qo‘llash mumkin emas.
Dorilarning o‘zaro ta'siri
Fenbufen va unga o‘xshash nosteroid yallig‘lanishga qarshi vositalari, teofillin bilan majmuaviy davolanganda, preparat tirishishga tayyorgarlik bo‘sag‘asini kamaytirishi mumkin.
Sukralfat, temir tuzlari va alyuminiy saqlovchi antatsid vositalari levofloksatsinning samarasini kamaytiradi (preparatlarni qabul qilish orasidagi interval 2 soatdan kam bo‘lmasligi kerak).
Varfarin bilan bir vaqtda qo‘llanganida protrombin vaqti va qon ketishi xavfi (MNO, protrombin vaqti va koagulyatsiyaning boshqa ko‘rsatkichlarini sinchkov monitoringini o‘tkazish kerak, shuningdek qon ketishi mumkin bo‘lgan belgilarini monitoringini o‘tkazish zarur) oshadi.
Simetidin va probentsid ta'siri ostida levofloksatsinni chiqarilishi biroz sekinlashadi. Levofloksatsin qon plazmasidan siklosporinning T1/2 biroz oshishini chaqiradi.
Glyukokortikoidlar paylarni uzilish xavfini oshiradi (ayniqsa keksalarda).
Alkogol markaziy nerv tizimi tomonidan nojo‘ya samaralarini (bosh aylanishi, karaxtlik, uyquchanlik) kuchaytirishi mumkin.
Diabeti bo‘lgan, peroral gipoglikemik vositalarini yoki insulin qabul qilayotgan bemorlarda, levofloksatsinni qabul qilish fonida gipo- yoki giperglikemik holatlar bo‘lishi mumkin (glyukozaning qondagi darajasini sinchiklab monitoring qilish tavsiya qilinadi).

Maxsus ko‘rsatmalar

Preparat bilan davolanish vaqtida insolyatsiyadan saqlanish lozim. Levofloksatsinni qabul qilayotgan patsiyentlarga kristalluriyadan saqlanish uchun yetarli miqdorda suyuqlik iste'mol qilish tavsiya etiladi.
Levofloksatsin kapsulalarini bo‘g‘im tog‘aylarini shikastlanishi ehtimoli tufayli bolalar va 16 yoshgacha bo‘lgan o‘smirlarni davolash uchun qo‘llash mumkin emas.
Avtomobilni va potentsial xavfli mexanizmlarni boshqarish qobiliyatiga ta'siri: davolash davrida bosh aylanishi, uyquchanlik, tanglik va ko‘rishni buzilishi paydo bo‘lishi mumkinligi tufayli, avtomobil va potentsial xavfli mexanizmlarni boshqarishdan saqlanish kerak, chunki psixomotor reaktsiyalarning tezligini sekinlashishi va diqqatni jamlashni pasayishiga olib kelishi mumkin.
Keksa yoshli patsiyentlarni davolashda, bu guruh patsiyentlarini buyrak faoliyatini buzilishi tez-tez kuzatilishini inobatga olib, kreatinin klirensini tekshirish lozim.
Ilgari bosh miyani shikastlanishi bo‘lgan bemorlarda (insult yoki og‘ir jarohat) tirishishlar rivojlanishi mumkinligi tufayli, ehtiyotkorlik bilan qo‘llash lozim.
Bir vaqtda peroral gipoglikemik vositalarini (insulin yoki glibenklamid) qabul qilayotgan qandli diabeti bo‘lgan patsiyentlarda levofloksatsinni gipoglikemiya chaqirishi mumkinligini hisobga olish lozim.
Teri qoplamalarini shikastlanishidan saqlanish uchun (fotosensibilizatsiya) patsiyentlarga quyosh yoki sun'iy ultrabinafsha nurlanishga (masalan, uzoq vaqt bevosita quyosh nurida bo‘lishi yoki solyariyga borish) duchor bo‘lmaslik tavsiya qilinadi, fototoksik samaralari (teri toshmalari) paydo bo‘lganida preparat bilan davolashni to‘xtatish lozim.
Glyukozo-6-fosfatdegidrogenaza tanqisligi bo‘lgan patsiyentlarda eritrotsitlarning gemolizi rivojlanishi mumkin. Og‘ir, turg‘un qon bilan yoki qonsiz diareya paydo bo‘lganida, darhol shifokorni xabardor qilish kerak. Diareya antibiotikoterapiya chaqirgan enterokolit sababi bo‘lishi mumkin. Soxtamembranoz kolitga shubha bo‘lganida preparatni darhol bekor qilish va muvofiq davolashni boshlash lozim. Bunday hollarda ichak motorikasini susaytiruvchi dori vositalarini qo‘llash mumkin emas.
Keksa yoshdagi patsiyentlar tendinitga ko‘proq moyil bo‘ladilar. Levofloksatsin preparati qo‘llanganida kam hollarda kuzatiladigan tendinit (eng avvalo axillov payini yallig‘lanishi) keksa odamlarda paylarning uzilishiga olib kelishi mumkin. Tendinitga shubha bo‘lganida preparatni bekor qilish va shikastlangan paylarni, ularning immobilizatsiyasini ta'minlab, davolashni boshlash lozim.
Glyukokortikosteroidlar bilan davolash («kortizon preparatlar») paylarni uzilishi xavfi ehtimolini oshiradi. Davolash vaqtida alkogolni iste'mol qilishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: ongni chalkashishi, bosh aylanishi va tirishish xurujlari, ko‘ngil aynishi, shilliq qavatlarini eroziv shikastlanishi.
Davolash: simptomatik davolash (maxsus antidoti yo‘q), dializ orqali chiqarilmaydi.

Chiqarilish shakli

Kapsulalar 250 mg va 500 mg dan. 6 yoki 10 kapsuladan kontur uyali o‘ramda.

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda caqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

“RADIKS” XIIChK
O‘zbekiston Respublikasi, Toshkent sh., 100054, Lutfiy ko‘ch, 50. tel: 273-92-31, faks: 273-80-58