Kreon kapsula 25000 №20

Tavsif

Preparatning savdo nomi

Kreon 10000; Kreon 25000; Kreon 40000
Ta'sir qiluvchi modda (XPN): Pankreatin

Dori shakli

Ichakda eruvchi kapsulalar (ichakda eruvchi granulalar (minimikrosferalartm) bilan to‘ldirilgan qattiq jelatin kapsulalar)

Tarkibi

Faol modda:
Kreon 10000: 1 kapsula YeF bo‘yicha 10000 tb. lipaza, YeF bo‘yicha 8000 tb. amilaza, YeF bo‘yicha 600 tb. proteaza fermentativ faollikka muvofiq keluvchi 150 mg pankreatin saqlaydi;
Kreon 25000: 1 kapsula YeF bo‘yicha 25000 tb. lipaza, YeF bo‘yicha 18000 tb. amilaza, YeF bo‘yicha 600 tb. proteaza fermentativ faollikka muvofiq keluvchi 300 mg pankreatin saqlaydi;
Kreon 40000: 1 kapsula YeF bo‘yicha 40000 tb. lipaza, YeF bo‘yicha 25000 tb. amilaza, YeF bo‘yicha 1600 tb. proteaza fermentativ faollikka muvofiq keluvchi 400 mg pankreatin saqlaydi;
yordamchi moddalar: granulalar yadrosi – makrogol 4000, granulalar qobig‘i – gipromelloza ftalati, setil spirti, trietiltsitrat, dimetikon 1000, kapsula qobig‘i – jelatin, temir oksidi (E172), titan dioksidi (E171), natriy laurilsulьfati.

Ta'rifi

Kreon 10000 preparati kapsulalari – jigarrangsimon ichakda eruvchi granulalar(minimikrosferalartm) bilan to‘ldirilgan, jigarrang tiniq bo‘lmagan qopqoqcha va rangsiz tiniq asosli, o‘lchami 2 qattiq jelatin kapsulalar;
Kreon 25000 preparati kapsulalari - jigarrangsimon ichakda eruvchi granulalar(minimikrosferalartm) bilan to‘ldirilgan, zarg‘aldoq tiniq bo‘lmagan qopqoqcha va rangsiz tiniq asosli, o‘lchami 0 qattiq jelatin kapsulalar;
Kreon 40000 preparati kapsulalari - jigarrangsimon ichakda eruvchi granulalar(minimikrosferalartm) bilan to‘ldirilgan, jigarrangsimontiniq bo‘lmagan qopqoqcha va rangsiz tiniq asosli, o‘lchami 00 qattiq jelatin kapsulalar.

Farmakoterapevtik guruhi

Ovqat xazm bo‘lishini yaxshilovchi preparpatlar, shu jumladan fermentlar. Poliferment preparatlar.
ATX kodi: A09A A02.

Farmakologik xususiyatlari

Kreon jelatin kapsulalardagi ichakda eruvchi qobiq bilan qoplangan (kislotali muhitga chidamli) mikrosferalar shaklidagi cho‘chqadan olingan (cho‘chqalarning me'da osti bezidan olingan) pankreatin saqlaydi.
Kapsulalar ko‘p dozali printsip bo‘yicha ko‘p sonli mikrosferalarni ajratib, me'dada tez eriydi, bu me'da ichidagisi bilan yaxshi aralashishini, me'dadan uning ichidagisi bilan birga ichakka o‘tishini va ajralib chiqqanidan keyin ichak ichidagi fermentlarni yaxshi taqsimlanishini ta'minlaydi.
Mikrosfera ingichka ichakka tushganida va qobiq (rN>5,5 da) tez parchalanadi, lipolitik, amilolitik va proteolitik fermentlarni ajratib chiqaradi, bu yog‘lar, karbonsuvlar va oqsillarni parchalanishini ta'minlaydi.
Pankreatik fermentlar ta'sirida ovqat hazm bo‘lishi natijasida hosil bo‘lgan mahsulotlar darhol yoki ichak fermentlari tomonidan keyingi gidrolizga uchraganidan so‘ng so‘riladi.
Klinik samaradorligi.
Me'da osti bezining ekzokrin yetishmovchiligi bo‘lgan patsiyentlarda Kreonning samaradorligini o‘rganish bo‘yicha ja'mi 30 tadqiqot o‘tkazilgan. Ulardan o‘ntasi platsebo-nazoratli bo‘lgan yoki ularda dastlabki ko‘rsatgichlar bilan qiyoslash qo‘llangan; bu tadqiqotlarda mukovistsidoz, surunkali pankreatit yoki operatsiyadan keyingi holatlari bo‘lgan patsiyentlar ishtirok etishgan.
Barcha randomizatsiyalangan samaradorlikni o‘rganish bo‘yicha platsebo-nazoratli tadqiqotlarida oldindan belgilangan birlamchi maqsad samaradorlikning birlamchi ko‘rsatgichi – yog‘larning so‘rilish koeffitsiyenti (YoSK) bo‘yicha Kreonni platsebo ustidan ustunligini isbot qilish bo‘lgan.
Yog‘larni so‘rilish koeffitsiyenti, ovqat bilan iste'mol qilingan yog‘lar va ahlat bilan chiqarilgan yog‘larni hisobga olgan holda organizmga so‘rilgan yog‘larning foizini aks ettiradi. Me'da osti bezining tashqi sekretor yetishmovchiligini o‘rganish bo‘yicha platsebo-nazoratli klinik tekshirishlarda, YoSK ning (%) o‘rtacha qiymati Kreon bilan davolashda (83,0%), platsebo ishlatilganiga qaraganda (62,6) yuqori bo‘lgan. Barcha tadqiqotlarda, ularning dizaynidan qat'iy nazar, YoSK ning (%) o‘rtacha qiymati Kreon bilan davolash davrining oxirida, platsebo-nazoratli tadqiqotlarda Kreon qo‘llanganidagi yog‘larning so‘rilish koeffitsiyentining o‘rtacha qiymatlari bilan bir xil bo‘lgan. Barcha o‘tkazilgan tadqiqotlarda, kasallikning etiologiyasidan qat'iy nazar, xarakterli simptomatikani (ich kelishini tez-tezligi, uning konsistentsiyasi, meteorizm) ham yaxshilanishi kuzatilgan.
Bolalar
Mukovistsidozi bo‘lgan bemorlarda Kreon preparatining samaradorligi yangi tug‘ilganlardan to o‘smirlik yoshigacha bo‘lgan 288 patsiyentlarda namoyish qilingan. Barcha tadqiqotlarda bolalarda Kreon preparati bilan davolashning oxirida YoSK o‘rtacha ko‘rsatgichi,patsiyentlarning yoshidan qat'iy nazar 80% dan yuqori bo‘lgan.

Farmakokinetikasi

Hayvonlarda o‘tkazilgan tadqiqotlarda fermentlarni o‘zgarmagan holda so‘rilishi belgilari aniqlanmagan, va shuning uchun klassik farmakokinetik tekshirishlar o‘tkazilmagan. Me'da osti bezining fermentlarini qo‘shish o‘zining samarasiga erishishi uchun so‘rilishni talab qilmaydi. Aksincha, ularning to‘liq terapevtik ta'siri me'da-ichak yo‘llarining ichida namoyon bo‘ladi. Ular oqsillar sifatida, peptidlar va aminokislotalar ko‘rinishida so‘rilishdan oldin me'da-ichak yo‘llari orqali o‘tishda proteolitik ovqat hazm bo‘lishiga uchraydilar.
Klinikagacha bo‘lgan tadqiqotlarning ma'lumotlari o‘tkir, nim surunkali yoki surunkali toksikligini ko‘rsatmadi. Genotoksiklik, kantserogenlik yoyei reproduktivlikka toksik ta'sirini o‘rganish bo‘yicha tadqiqotlari o‘tkazilmagan.

Qo‘llanilishi

Bolalar va kattalarda quyida sanab o‘tilgan kasalliklar bilan bog‘liq bo‘lgan, lekin cheklanmagan me'da osti bezining ekzokrin faoliyatining yetishmovchiligini davolash:
- mukovistsedoz;
- surunkali pankreatit;
- pankreatektomiya;
- gastroektomiya;
- me'da osti bezi raki;
- me'dani to‘liq youi qisman rezektsiyasidan (masalan Bilьrot II bo‘yicha gastroenterotomiyadan) keyingi holat;
- pankreatik yoki umumiy o‘t yo‘lining obstruktsiyasi (masalan, o‘sma bilan);
- Shvaxman-Daymond sindromi;
- patsiyent enteral oziqlanishga o‘tkazilgan vaqtdan boshlab, o‘tkir pankreatitni zo‘rayishidan keyingi holat.

Qo‘llash usuli va dozalari

Preparatning dozalari kasallikning og‘irligi va parhezning tarkibiga qarab, shaxsiy ravishda tanlanadi. Adekvat shaxsiy dozani tanlash uchun preparatning uch dozasi bor – Kreon 10000, Kreon 25000, Kreon 40000.
Preparatni ovqatlanish vaqtida yoki ovqatdan keyin darhol qabul qilish tavsiya etiladi. Kapsulalarni butunligicha, sindirmasdan va chaynamasdan yetarli miqdordagi suyuqlik bilan birga yutish yoki yengil nonushta bilan iste'mol qilish kerak.
Agar kapsulani butunligicha yutish mumkin bo‘lmasa (bolalar va keksa yoshli shaxslar) uni ochish va mikrosferik granulalarni chaynashni talab qilmaydigan va nordon ta'mga (rN<5,5) ega yumshoq ovqatga qo‘shish, yoki shuningdek nordon ta'mga (rN<5,5) bo‘lgan suyuqlik bilan qabul qilish kerak. Masalan mikrosferalarni rN 5,5 dan kam bo‘lgan olma pyuresiga, yogurtga yoki meva (olma, apelьsin yoki ananas) sharbatiga qo‘shish mumkin. Bunday aralashmani darhol qabul qilish kerak, saqlash mumkin emas.
Mikrosferalarni maydalash yoki chaynash, shuningdek ularni rN 5,5 dan yuqori bo‘lgan ovqat yoki suyuqlik bilan aralashtirish, ularning ichakda eruvchi himoya qobiqlarini parchalashi mumkin. Bu fermentlarni og‘iz bo‘shlig‘ida erta ajralib chiqishiga, samaradorligini pasayishiga va shilliq qavatlarni ta'sirlanishiga olib kelishi mumkin. Mikrosferalarni og‘izda qolmaganligiga ishonch xosil qilish kerak.
Kreon 10000, Kreon 25000, Kreon 40000 preparatlari bilan davolanish vaqtida yetarli miqdordagi suyuqlikni, ayniqsa uni yuqori yo‘qotilish davrida, iste'mol qilish juda muximdir. Suyuqlikning tanqisligi qabziyat chaqirishi mumkin.
Mukovistsidozda kattalar va bolalar uchun dozalash.
Mukovistsidoz (MV) bo‘yicha Muvofiqlashtirish konferentsiyasining, AQSh MV Assotsiatsiyasining «tasodif-nazorat» tekshirishlariga va Buyukbritaniyadagi «tasodif-nazorat» tekshirishlariga asoslanib, me'da osti bezi fermentlari bilan o‘rinbosar davolash uchun quyidagi umumiy tavsiyalarni taklif qilish mumkin:
- 4 yoshgacha bo‘lgan bolalar uchun har bir ovqat qabul qilish vaqtida tana vaznining kg ga boshlang‘ich doza 1000 TB lipazani tashkil qiladi, 4 yoshdan boshlab bolalar uchun har bir ovqat qabul qilish vaqtida tana vaznining kg ga -1000 TB lipaza to‘g‘rilanadi.
- Dozani kasallikning og‘irligi, steatoreyani va kerakli nutritiv holatni tutib turishni nazoratiga qarab, shaxsiy tanlash kerak.
- Ko‘pchilik patsiyentlar uchun tutib turuvchi doza tana vaznining kg ga sutkada 10000 TB lipazadan yoki 1 gramm iste'mol qilingan yog‘ga 4000 TB lipazadan oshmasligi kerak.
Me'da osti bezining ekzokrin yetishmovchiligini boshqa turlarida dozalash.
Ovqat hazm bo‘lishining buzilish darajasi va ovqatning yog‘li tarkibiga qarab, dozani shaxsiy ravishda tanlash kerak.
Odatdagi boshlang‘ich doza har bir asosiy ovqat qabul qilish vaqtida 10000 dan 25000 TB lipazani tashkil qiladi. Asosiy ovqat qabul qilishlar vaqtida doza 25000 dan 80000 TB gacha lipaza bo‘lishi mumkin, yengil nonushta qabul qilish vaqtida esa, shaxsiy dozaning yarmini tashkil qilishi kerak.
Nojo‘ya ta'sirlari
Klinik tekshirishlarda 900 patsiyent Kreon® qabul qilganlar.
Eng ko‘p xabar berilgan nojo‘ya reaktsiyalari, asosan yengil va og‘irligi o‘rtacha darajali ovqat hazm qilish yo‘llarining buzilishlari bo‘lgan.
Klinik tekshirishlar davomida quyida ko‘rsatilgan tez-tezlik bilan, quyidagi nojo‘ya reaktsiyalar kuzatilgan
- me'da-ichak yo‘llari tomonidan buzilishlar asosan asosiy kasallik bilan bog‘liq. Qorin sohasida og‘riq va diareya kabi noxush reaktsiyalarni paydo bo‘lish tez-tezligi, platsebo qo‘llaganida past yoki undagi bilan bir hil bo‘lgan.
Yonbosh, ko‘r va yo‘g‘on ichakni strikturasi (fibroz kolonopatiya), pankreatinning yuqori dozalarini olgan mukovistsidozi bo‘lgan patsiyentlarda kuzatilgan («Maxsus ko‘rsatmalar» bo‘limiga qarang).
Kuzatilgan allergik reaktsiyalar, asosan, lekin faqat emas, teri bilan cheklangan va nojo‘ya reaktsiyalar sifatida postmarketing qo‘llangan aniqlangan. Bu reaktsiyalar xaqidagi xabarlar spontan bo‘lganligi va aniq bo‘lmagan o‘lchamli populyatsiyadan olinganligi tufayli, bu reaktsiyalarning aniq tez-tezligini baholash mumkin emas.
Bolalar
Bolalarda spetsifik noxush reaktsiyalari aniqlanmagan. Mukovistsidozi bo‘lgan bolalardagi nojo‘ya reaktsiyalarning tez-tezligi, turi va og‘irligi kattalardagi bilan bir hil bo‘lgan.

Qo‘llash mumkin bo‘lmagan holatlar

Ta'sir qiluvchi moddaga yoki preparatning xar qanday boshqa komponentlariga o‘ta yuqori sezuvchanlik.
Dorilarning o‘zaro ta'siri
O‘zaro ta'sirining tekshirishlari o‘tkazilmagan

Maxsus ko‘rsatmalar

Pankreatinning yuqori dozalarini qabul qilgan, mukovistsidozi bo‘lgan bemorlarda ichaknin ileotsekal bo‘limini va yo‘g‘on ichakni torayishi aniqlangan (fibroz kolonopatiya). G‘ayrioddiy abdominal simptomlar paydo bo‘lgan hollarda yoki asosiy kasallikning simptomlarini xarakteri o‘zgarganida, oldini olish chorasi sifatida, yo‘g‘on ichakning shikastlanishi mumkinligini, ayniqsa agarda patsiyent sutkada 10000 TB lipaza/kg dan ko‘proq qabul qilayotgan bo‘lsa, istisno qilish kerak.
Pankreatinlarni saqlovchi boshqa preparatlar kabi, Kreon ham ovqatda iste'mol qilish uchun maxsus yetishtirilgan cho‘chqalarning me'da osti bezi to‘qimasidan ishlab chiqariladi. Garchi odamga Kreon preparati bilan infektsion agentlarning yuqish xavfi, tekshirish va ishlab chiqarish jarayonida ayrim viruslarni faolsizlantirilishi orqali minimumga keltirilgan bo‘lsada, virusli kasalliklarni, shu jumladan yangi yoki identifikatsiyalanmagan viruslar chaqiradigan kasalliklarning yuqishini nazariy xavfi bor. Odamga yuqishi mumkin bo‘lgan cho‘chqa viruslarining bo‘lishini butunlay yo‘qotish mumkin emas. Lekin xozirgi vaqtda, bu substantsiyani qo‘llashni uzoq muddatli davriga qaramasdan, cho‘chqa pankreatinini ishlatish bilan bog‘liq bo‘lgan infektsion kasalliklarni yuqishi xaqida xabarlar yo‘q.
Homiladorlik va emizish davrida qo‘llanishi
Me'da osti bezi fermentlarini homiladorlikni kechishiga ta'siri bo‘yicha klinik tekshirishlarning ma'lumotlari yo‘q, shuning uchun homilador ayollarga ehtiyotkorlik bilan buyurish kerak. Hayvonlarda o‘tkazilgan tadqiqotlar cho‘chqa me'da osti bezi fermentlarini so‘rilish belgilari yo‘qligini ko‘rsatgan. Shunday qilib, reproduktsiya faollikka va homilani rivojlanishiga toksik ta'sirining borligi kutilmaydi.
Hayvonlardagi o‘tkazilgan tadqiqotlar emizuvchi ayolda me'da osti bezi fermentlarining tizimli ekspozitsiyasi yo‘qligidan dalolat berishi tufayli, emizikli bolaga biron-bir ta'siri taxmin qilinmaydi. Shuning uchun emizish davrida me'da osti bezining fermentlarini qabul qilish mumkin.
Zarurati bo‘lganida homiladorlar yoki emizuvchi ayollar, Kreon®ni ovqatlanishning adekvat holatini ta'minlash uchun yetarli dozalarda qabul qilishlari mumkin.
Bolalar.
Kreonni bolalarda qo‘llash mumkin.
Avtotransport yoki boshva mexanizmlarni boshqarishda reaktsiya tezligiga ta'sir qilish qobiliyati.
Kreon preparatining transport vositalari yoki boshqa mexanizmlarni boshqarish qobiliyatiga ta'siri yo‘q yoki hisobga olinmaydigan darajada kam hisoblanadi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Pankreatinning boshqa preparatlarini o‘ta yuqori dozalarini qabul qilish vaqtida, giperurikemiya va giperurikozuriya kuzatilgan.

Chiqarilish shakli

20 kapsuladan yuqori zichlikdagi polietilen flakonda. 1 flakondan qo‘llash bo‘yicha yo‘riqnomasi bilan birga karton qutida.

Saqlash sharoiti

Zich yopilgan original o‘ramida, 25ºC dan yuqori bo‘lmagan xaroratda saqlansin.

Yaroqlilik muddati

3 yil.
Flakon birinchi ochilishidan keyingi yaroqlilik muddati – 6 oy.

Dorixonalardan berish tartibi

Retseptsiz.

Ishlab chiqaruvchi

Ebbott Laboratoriz GmbX, Yustus-von-Libig-Shtrasse 33, 31535, Noyshtadt, Germaniya / Abbott Laboratories GmbH, Justus-von-Liebig-Strasse 33, 31535, Neustadt, Germany.
Siz dori preparatining noxush ko‘rinishlari yoki sifatiga shikoyatlarni telefon bo‘yicha (sutka davomida) Ebbottga xabar qiling:
Ozerbayjon Respublikasida: +994124974401;
O‘zbekiston Respublikasida: +998711290550.