Krezam 10 000 kaps. №10

Tavsif

Preparatning savdo nomi

Krezam 10000
Ta'sir etuvchi modda (XPN): pankreatin

Dori shakli

kapsulalar

Tarkibi

Krezam 10000 preparatining bir kapsulasi ferment faolligi:
lipaza ---------------------------------- 10000 TB. (Ph.Eur.) amilaza -------------------------------- 8000 TB. (Ph.Eur.) proteaza ------------------------------- 600 TB. (Ph.Eur.) bo‘lgan 225 mg pankreatin saqlaydi,
Kapsulalar me'da shirasi ta'siriga chidamli bo‘lgan ichakda eruvchi minimikrosferalarda pankreatin saqlaydi.

Ta'rifi

korpusi – tiniq-qizil, qopqoqchasi esa - tiniq-jigarrang rangli, №0 o‘lchamli qattiq, jelatin kapsulalar.
Kapsula ichidagisi – oq rangli, kulrang tusli, o‘ziga xos hidli mikrogranulalar.

Farmakoterapevtik guruhi

ovqat hazm qilish uchun ferment vositasi.
ATX kodi: A09AA02.

Farmakologik xususiyatlari

Farmakodinamikasi

Ovqat hazm qilish jarayonlarini yaxshilovchi ferment preparat. Preparatning tarkibiga kiruvchi fermentlar – amilaza, lipaza va proteaza oqsillar, yog‘lar, uglevodlarni parchalanishini yengillashtiradi, bu ularni ingichka ichakdan yanada to‘liq so‘rilishiga olib keladi.
Krezam kapsulalari me'dada tez eriydi va yuzlab minimikrosferlarni ajratib chiqaradi. Ko‘p birlikka ega dozaning printsipini maqsadi minimikrosferlarni ichakning ichidagi tarkibiy qismi bilan aralashib ketadi va keyinchalik ichakning ichidan ajralib chiqqanidan so‘ng, fermentlarning yaxshi taqsimlanishi yuz beradi. Minimikrosferalar ingichka ichakka tushganida ichakda eruvchi qobig‘i eriydi, lipolitik, amilolitik va proteolitik faolligi bo‘lgan fermentlarni bilan ajralib chiqishi yuz beradi, bu yog‘larni, kraxmal va lipidlarni dezintegratsiyasiga olib keladi.
Lipaza – yog‘larni gidroliz yo‘li bilan yog‘ kislotalari va glitserolgacha, amilaza – uglevodlarni dekstrinlar va qandgacha, proteaza – oqsillargacha parchalaydi.

Farmakokinetikasi

Farmakokinetik ko‘rsatkichlarini o‘rganish bo‘yicha tadqiqotlari o‘tkazilmagan.

Qo‘llanilishi

Quyidagi hollarda me'da osti bezining ekzokrin funktsiyasining yetishmovchiligini davolashda o‘rinbosar terapiya sifatida qo‘llaniladi:
- mukovistsidoz;
- surunkali pankreatit;
- pankreatektomiya;
- me'da osti bezi raki;
- o‘sma oqibatidagi ichki bezlarning yo‘llarni obstruktsiyasi (masalan me'da osti bezining yoki umumiy o‘t yo‘llarining obstruktsiyasi);
- Shvaxman-Daymond sindromi;
- keksalarda.
Quyidagi hollarda:
- xoletsistektomidan keyingi holat;
- me'dani qisman rezektsiyasi (Bilrot-Ι/ΙΙ);
- total gastrektomiya;
- duodeno- va gastrostaz;
- biliar obstruktsiya;
- xolestatik gepatit;
- jigar sirrozi;
- ingichka ichakning terminal qismining patologiyasi;
- ingichka ichakda bakteriyalarni haddan ziyod o‘sib ketishida ovqat hazm qilish jarayonlarini buzilishini simptomatik davolash uchun qo‘llaniladi.
Shuningdek preparat:
- me'da-ichak yo‘llarining funktsiyasi normal bo‘lgan patsiyentlarda ovqatlanishda ovqat hazm bo‘lishini yaxshilash uchun,
- qorin bo‘shlig‘i a'zolarini rentgenologik va ultratovush tekshiruvlarini o‘tkazish uchun qo‘llaniladi.

Qo‘llash usuli va dozalari

Preparatning dozasi va davolanish davomiyligi kasallikning og‘irligi va parhezning tarkibiga qarab, individual ravishda belgilanadi.
Krezam 10000 ning 1 kapsuladan ortiq qabul qilish zarurati bo‘lsa, bir kapsulani ovqatdan oldin, qolganlarini – ovqatlanish vaqtida qabul qilinadi.
Kapsulalarni yoki minimikrosferalarni butunligicha, ularni bo‘lmasdan va chaynamasdan, yetarli miqdordagi suyuqlik bilan yutish lozim. Yutish qiyin bo‘lganida (masalan, kichik yoshdagi bolalar yoki keksa yoshli patsiyentlarda) kapsulalarni ehtiyotkorlik bilan ochiladi, minimikrosferalarni chaynashni talab etmaydigan suyuq ovqatga qo‘shiladi yoki suyuqlik bilan qabul qilinadi va tayyorlanishi bilanoq darhol qabul qilinadi.
Minimikrosferalarni bo‘lish yoki chaynash, shuningdek rN 5,5 dan yuqori bo‘lgan ovqatlarga qo‘shish, ularning me'da shirasining ta'siridan himoya qiluvchi kapsulasini buzilishiga olib keladi.
Minimikrosferalarning ovqat yoki suyuqlik bilan birgalikdagi har qanday aralashmasi saqlanishi mumkin emas va uni tayyorlanishi bilanoq darhol qabul qilish lozim.
Yetarli miqdordagi suyuqlikni doimo qabul qilish, ayniqsa suyuqlik ko‘p yo‘qotilganida muhimdir. Suyuqlikni yetarli miqdorda qabul qilmaslik qabziyatga sabab bo‘lishi mumkin.
Agar patsiyent Krezamni o‘z vaqtida qabul qilishni unutgan bo‘lsa, o‘tkazib yuborilgan dozani ovqatdan keyin darhol qabul qilish mumkin. Kechiktirib qabul qilish maqsadga muvofiq emas. Navbatdagi ovqatni qabul qilish vaqtida preparatning oddiy dozasini qabul qilish lozim. O‘tkazib yuborilgan dozani o‘rnini bosish uchun ikki barobar dozani qabul qilish mumkin emas.
Mukovistsidoz:
Tana vazniga qarab doza individual ravishda belgilanadi.
4 yoshgacha bo‘lgan bolalar uchun lipazaning boshlang‘ich dozasi 1000 TB. (Ph.Eur.)/kg har bir ovqatlanishda, 4 yoshdan katta bolalar uchun - 500 TB. (Ph.Eur.)/kg har bir ovqatlanishda.
Kasallik simptomlarining yaqqolligiga, steatoreya nazoratining natijalariga qarab va yaxshi ovqatlanish holatini tutib turish uchun dozani aniqlash lozim.
Ko‘pchilik patsiyentlarda doza sutkada 10000 TB/kg dan (Ph.Eur.) (lipazaga hisoblab) oshmasligi lozim.
Krezam 10000 kapsulasining ichidagisini bir nechta marta qabul qilishga bo‘lish qiyin, davolashni tana vazni kamida 10 kg bo‘lgan bolalardan boshlash tavsiya etiladi.
Me'da osti bezining ekzokrin yetishmovchiligi bilan kechuvchi boshqa holatlarda dozalash tartibi:
Dozalashni ovqat hazm qilishning yetishmovchiligi darajasiga tegishli bo‘lgan patsiyentning shaxsiy xususiyatlariga va ovqatdagi yog‘larning tarkibiga qarab aniqlash kerak.
Ovqatni asosiy qabul qilinishi (tushlik, nonushta yoki kechki ovqat) bilan lipazaning dozasi 20000 dan 75000 TB (Ph.Eur.) gachani tashkil qiladi, yengil tamaddi qilish vaqtida – 5000 dan 25000 TB (Ph.Eur.) gachani tashkil qiladi.
Preparatning oddiy boshlang‘ich dozasi ovqatni asosiy qabul qilinishi bilan 10000-25000 TB lipazani tashkil etadi. Biroq, steatoreyani kamaytirish va ovqatlanishni yaxshi holatini tutib turish uchun yanada yuqoriroq dozalar talab etilishi mumkin. Odatiy klinik amaliyotlarga muvofiq patsiyent ovqat bilan kamida 20000-50000 TB (Ph.Eur.) lipaza qabul qilishi lozim.
Nojo‘ya ta'sirlari
Allergik reaktsiyalar, hamda ovqat hazm qilish tizimi tomonidan buzilishlar kuzatilishi mumkin: diareya, qabziyat, me'da sohasida diskomfort hissi, ko‘ngil aynishi, perianal ta'sirlanish.
Pankreatinning yuqori dozalarini uzoq muddat qo‘llanganda giperurikozuriya, giperurikemiya rivojlanishi mumkin.

Qo‘llash mumkin bo‘lmagan holatlar

- preparatning komponentlariga yuqori sezuvchanlik;
- o‘tkir pankreatit, surunkali pankreatitning zo‘rayish bosqichi;
- qonda bilirubin miqdorini oshishi bilan kechuvchi og‘ir jigar kasalliklari;
- mexanik sariqlik;
- o‘t pufagi empiyemasi;
- ichak tutilishida qo‘llash mumkin emas.
Preparatni homiladorlik va laktatsiya davrida qo‘llash xavfsizligi aniqlanmagan.
Dorilarning o‘zaro ta'siri
Pankreatin bilan bir vaqtda qo‘llanganida temir preparatlari va folat kislotasini so‘rilishini kamayishi aniqlanadi.
N2-gistamin retseptorlarining blokatorlari, proton pompa ingibitorlari va antatsid preparatlarni bir vaqtda qo‘llash, pankreatinning samarasini kamayishiga olib kelishi mumkin.
Preparat paraaminosalitsil kislotasi, sulfanilamidlar va antibiotiklarni so‘rilishini kuchaytiradi.

Maxsus ko‘rsatmalar

Krezam kapsulalarini va/yoki minimikrosferalarni chaynamasdan, yetarli miqdordagi suyuqlik bilan qabul qilish lozim.
Preparat bilan uzoq muddat davolanganda, mukovistsidozi bo‘lgan bolalar mutaxassisning doimiy nazorati ostida bo‘lishlari lozim.
Pankreatin preparatlarining yuqori dozalarini qabul qilayotgan mukovistsidozi bo‘lgan patsiyentlarga preparat ehtiyotkorlik bilan buyuriladi. Mukovistsidozi bo‘lgan patsiyentlarda ingichka ichakning ta'sirlanishini istisno qilish maqsadida, ayniqsa agar patsiyent sutkada tana vazniga nisbatan 10000 B/kg (Ph.Eur.) dan yuqori dozalarni qabul qilgan hollarda ehtiyotkorlik choralari sifatida barcha noodatiy simptomlar yoki qorin bo‘shlig‘idagi o‘zgarishlarni nazorat qilish tavsiya etiladi.
Homiladorlik va laktatsiya davri
Preparatni homiladorlik va laktatsiya (emizish) davrida ushbu guruh patsiyentlarda me'da osti bezining fermentlarini qo‘llash xavfsizligini tasdiqlovchi yetrali klinik ma'lumotlarning yo‘qligi tufayli, agar davolashning ijobiy samarasi yuz berishi mumkin bo‘lgan xavfdan ustun bo‘lgandagina qo‘llash mumkin.
Avtotransportni xaydash va mexanizmlarni boshqarish qobiliyatiga ta'siri
Preparatning avtomobilni boshqarish va boshqa mexanizmlar bilan ishlash qobiliyatiga salbiy ta'siri noma'lum.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: giperurikuriya va giperurikemiya kuzatilishi mumkin.
Davolash: preparatni bekor qilish, simptomatik davolash.

Chiqarilish shakli

10 kapsuladan blisterda, 1 blister o‘ramda.

Saqlash sharoiti

Quruq, yorug‘likdan himoyalangan joyda, 15-25C haroratda saqlansin.

Yaroqlilik muddati

2 yil.

Dorixonalardan berish tartibi

Shifokor retseptisiz!

Ishlab chiqaruvchi

GM Pharmaceuticals Ltd
Gruziya, Tbilisi sh., Ponichala 65
Tel.: +995 32 2404801/02; Faks: +995 32 2404803
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili:
«GMP» MChJ Vakolatxonasi,
O‘zbekiston Respublikasi, 100000, Toshkent sh., Mustaqillik prospekti, 75
Tel.: 141-03-73