Diokor tab. 160mg/12,5mg №30

Tavsif

Preparatning savdo nomi

Diokor 80; Diokor 160
Ta'sir etuvchi moddalar (XPN): valsartan, gidroxlorotiazid;

Dori shakli

plyonka qobiq bilan qoplangan tabletkalar.

Tarkibi

Plyonka qobiq bilan qoplangan 1 tabletka quyidagilarni saqlaydi:
faol moddalar: 80 mg valsartan va 12,5 mg gidroxlorotiazid (Diokor 80);
yoki 160 mg valsartan va 12,5 mg gidroxlorotiazid (Diokor 160);
yordamchi moddalar: mikrokristall sellyuloza, kartoshka kraxmali, makkajo‘xori kraxmali, natriy laurilsulfati, tal'k, natriy kroskarmeloza, suvsiz kolloid kremniy dioksidi, magniy stearati;
qobig‘i uchun qoplama: Diokor 80 – Opadry II White (polietilenglikol, polivinil spirti, talk, titan dioksidi (E 171));
Diokor 160 – Opadry II Orange (talk, polivinil spirti, xinolin sarig‘i (E104), polietilenglikol, temir III oksidi (E172), temir II oksidi (E172), titan dioksidi (E171)).

Ta'rifi

Diokor 80 – dumaloq, ikki yoqlama qavariq yuzali, oq rangli plyonka qobiq bilan qolangan tabletkalar.
Diokor 160 - dumaloq, ikki yoqlama qavariq yuzali, jigarrang-to‘q sariq rangli plyonka qobiq bilan qoplangan tabletkalar.

Farmakoterapevtik guruhi

Angiotenzin II ingibitorlarining majmuaviy preparati. Valsartan va diuretiklar.
ATX kodi: C09DA03.

Farmakologik xususiyatlari

Farmakodinamikasi

Diokor — tarkibiga angiotenzin II retseptorlari antagonisti va tiazid diuretik kirgan antigipertenziv preparatdir.
Renin-angiotenzin-aldosteron tizimining faol gormoni, angiotenzinga aylantiruvchi ferment (AAF) ishtirokida angiotenzin I dan hosil bo‘luvchi angiotenzin II dir. Angiotenzin II turli to‘qimalarning xujayra membranalarida joylashgan spetsifik retseptorlar bilan bog‘lanadi. U arterial bosimni boshqarishda ham bevosita, ham bilvosita ishtirokini o‘z ichiga oluchi fiziologik samaralarning keng doirasiga ega. Kuchli qon tomirlarni toraytiruvchi modda bo‘lib, angiotenzin II to‘g‘ridan-to‘g‘ri vazopressor ta'sir ko‘rsatadi. Bundan tashqari, u aldosteronni sekretsiyasini rag‘batlantiradi va natriyni organizmda tutilishiga yordam beradi.
Valsartan – ichga qabul qilish uchun mo‘ljallangan angiotenzin II retseptorlarining faol va spetsifik antagonistidir. U angiotenzin II ning samaralari uchun mas'ul bo‘lgan AT1 kichik tur retseptorlariga tanlab ta'sir qiladi. Valsartan AT1–retseptorlari agonisti sifatida biron-bir qisman faollikka ega emas va AT2–retseptorlariga nisbatan AT1-retseptorlariga ancha yuqori (taxminan 20000 marta) yaqinlikka ega.
Valsartan angiotenzin I ni angiotenzin II ga aylantiruvchi va bradikininni parchalovchi AAF (kininaza II) ni susaytirmaydi. Bradikinin bilan bog‘liq bo‘lgan hech qanday nojo‘ya samaralar kuzatilmaydi. Valsartanni AAF ingibitori bilan solishtirilgan klinik tadqiqotlarda, quruq yo‘talning rivojlanish tez-tezligi, valsartan qabul qilgan patsiyentlarda AAF ingibitorini qabul qilgan patsiyentlarga nisbatan sezilarli past bo‘lgan.
Valsartan o‘zaro ta'sirga kirishmaydi va boshqa gormonlarning retseptorlari yoki yurak-tomir tizimini boshqarish uchun muhim bo‘lgan ion kanallarini bloklamaydi.
Preparatni gipertenziyasi bo‘lgan patsiyentlarga buyurilishi arterial bosimni pasayishiga olib keladi, bunda puls tez-tezligiga ta'sir qilmaydi.
Preparatning bir martalik dozasi ichga qabul qilinganidan keyin ko‘pchilik patsiyentlarda antigipertenziv ta'sirni boshlanishi taxminan 2 soat atrofida kuzatiladi, arterial bosimni maksimal pasayishiga esa 4-6 soat atrofida erishiladi. Bir martalik doza qabul qilinganidan keyin antigipertenziv samarasi 24 soatdan ortiq saqlanadi. Preparatni muntazam qo‘llash sharoitida maksimal terapevtik samaraga odatda 2-4 hafta davomida erishiladi va uzoq muddatli davolashda erishilgan darajada saqlanib qoladi. Gidroxlorotiazid bilan majmuada qo‘llanilganda arterial bosimni samarali pasaytirishi kuzatiladi.
Tiazid diuretiklarning ta'sir qilish nuqtasi buyrak distal naylarining po‘stloq bo‘limi bo‘lib, u yerda diuretiklar ta'siriga yuqori sezgir retseptorlar joylashgan, va u yerda Na va Cl ionlarining tashilishini susayishi yuz beradi. Tiazidlarning ta'sir mexanizmi Na+Cl- nasosini susayishi bilan bog‘liq, bu ehtimol Cl-tashilish joyi uchun raqobat oqibatida yuz beradi. Buning oqibatida natriy va xlor ionlarining chiqarilishi taxminan bir xil oshadi. Diuretik ta'siri natijasida aylanayotgan plazma hajmini kamayishi kuzatiladi, buning oqibatida reninning faolligi, aldosteronning sekretsiyasi, kaliyning siydik bilan chiqarilishi oshadi va demak kaliyning zardobdagi kontsentratsiyasi pasayadi. Renin va aldosteron orasidagi o‘zaro ta'sir angiotenzin II orqali bo‘ladi, shuning uchun angiotenzin II retseptorlari antagonistini qo‘llash, tiazid diuretikni qo‘llash bilan bog‘liq bo‘lgan kaliyning yo‘qotilishini kamaytiradi.

Farmakokinetikasi

Preparat ichga qabul qilingandan keyin valsartan va gidroxlortiazidni so‘rilishi tez amalga oshadi, lekin so‘rilish darajasi keng chegaralarda o‘zgaradi. Diokor preparatining mutloq biokiraolishligining o‘rtacha ko‘rsatkichi 23% ni tashkil qiladi.
O‘rganilgan dozalar diapazonida valsartanning kinetikasi proportsional xarakterga ega. Preparat takroran qabul qilingandan keyin klinik ko‘rsatkichlarni o‘zgarishi kuzatilmagan. Preparatni sutkada bir marta qabul qilganda to‘planishi ahamiyatsiz darajada.
Valsartan qonning plazma oqsillari bilan ahamiyatli darajada, asosan albumin bilan bog‘lanadi (94-97%). Muvozanat holatdagi davrda taqsimlanish xajmi past (taxminan
17 l).
Valsartanni axlat bilan chiqarilishi 70% ni tashkil qiladi (ichga qabul qilingan dozaning kattaligidan). Siydik bilan taxminan 30% chiqariladi, asosan o‘zgarmagan ko‘rinishda.
Valsartanni ovqat bilan birga qo‘llanilganda “kontsentratsiya-vaqt” egri chizig‘i ostidagi maydon (AUC) 48% ga kamayadi, garchi preparat qabul qilindan keyin 8 soatdan keyin boshlab preparatning kontsentratsiyasi uni och qoringa qabul qilganda ham, ovqat qabul qilganda ham bir xil bo‘ladi. “Kontsentratsiya-vaqt” egri chizig‘i ostidagi maydonni kamayishi terapevtik samarani ahamiyatli darajada pasayishi bilan kechadi.
Gidroxlorotiazid. Ichga qabul qilinganidan keyin gidroxlorotiazidning so‘rilishi tez (tmax taxminan 2 soat) yuz beradi. Preparatning taqsimlanish va chiqarilish fazasidagi farmakokinetikasi umuman olganda, bioeksponentsial pastga yo‘nalgan egri chiziq bilan ifodalanadi; yakuniy bosqichining yarim chiqarilish davri 6-15 soatni tashkil qiladi.
Terapevtik dozalar diapazonida AUC ning o‘rtacha kattaligi dozani oshishiga to‘g‘ri proportsional ortadi. Takroran buyurishlarda gidroxlorotiazidning farmakokinetikasi o‘zgarmaydi; sutkada bir marta buyurilganida to‘planishi ahamiyatsiz.
Ichga qabul qilinganida gidroxlorotiazidning mutloq biokiraolishligi 60-80% tashkil qiladi. Chiqarilishi siydik bilan yuz beradi: dozaning 95% dan ortig‘i o‘zgarmagan ko‘rinishda va taxminan 4% - 2-amino-4-xloro-m-benzenedisulfonamid gidrolizati ko‘rinishida chiqariladi.
Gidroxlorotiazid ovqat bilan birga qo‘llanganida, och qoringa qabul qilingandagi muvofiq ko‘rsatkichlarga nisbatan, uning tizimli biokiraolishligini ham oshishi, ham kamayishi aniqlangan. Bu o‘zgarishlarning diapazoni ahamiyatsiz va klinik ahamiyatga ega emas.
Valsartan/gidroxlorotiazid. Valsartan bilan bir vaqtda qo‘llanganida gidroxlorotiazidning biokiraolishligi taxminan 30% ga kamayadi. Gidroxlorotiazidni bir vaqtda buyurilishi, o‘z tomonidan valsartanning kinetikasiga ahamiyatli ta'sir ko‘rsatmaydi. Biroq, bu o‘zaro ta'sir, valsartan va gidroxlorotiazidning majmuaviy qo‘llash samaradorligiga ta'sir ko‘rsatmaydi. Nazoratli klinik tadqiqotlarda ushbu majmuaning yaqqol antigipertenziv samarasi aniqlangan, u alohida har bir komponentning samarasidan, shuningdek platseboning samarasidan yuqori bo‘lgan.

Qo‘llanilishi

Monoterapiya samarasiz bo‘lgan patsiyentlarda arterial gipertenziyani davolashda qo‘llaniladi.

Qo‘llash usuli va dozalari

Preparatning tavsiya qilingan dozasi – sutkada bir marta 80 mg/12,5 li (Diokor 80) 1 tabletkani tashkil qiladi. 3-4 xafta davolangandan keyin arterial bosim yetarli darajada pasaymaganida davolashni 160 mg/12,5 mg li 1 tabletka (Diokor 160) sutkada 1 marta dozada davom ettirish masalasini ko‘rib chiqish tavsiya etiladi.
Maksimal antigipertenziv samaraga - 2-4 hafta davomida qo‘llash natijasida erishiladi.
Preparatni ovqat iste'mol qilishdan qat'iy nazar qabul qilish mumkin, oz miqdordagi suv bilan ichiladi.
Buyrak funktsiyasini buzilishlari
Buyrak funktsiyasini biroz yoki o‘rtacha buzilishlari (kreatinin klirensi > 30 ml/min) bo‘lgan patsiyentlarda dozani boshqarish kerak emas.
Jigar funktsiyasini buzilishlari
Jigar funktsiyasini nobiliar kelib chiqishga ega bo‘lgan yengil yoki o‘rtacha va xolestazsiz buzilishlari bo‘lgan patsiyentlarda valsartanning dozasi 80 mg dan oshmasligi kerak va preparatni ehtiyotkorlik bilan buyurish lozim.
Keksa yoshdagi patsiyentlar
Keksa yoshdagi patsiyentlar dozaga tuzatish kiritish talab qilinmaydi.
Preparatni qo‘llash davomiyligi shifokor tomonidan individual ravishda belgilanadi.
Nojo‘ya ta'sirlari
Nojo‘ya reaktsiyalar umuman olganda kuchsiz namoyon bo‘luvchi, o‘tkinchi xarakterga ega bo‘lib, quyida keltirilgan.
Yurak-qon tomir tizimi tomonidan: taxikardiya, arterial gipotenziya, vaskulitlar.
Qon tizimi tomonidan: neytropeniya, trombotsitopeniya.
Nerv tizimi tomonidan: bosh og‘rig‘i, bosh aylanishi, gipesteziya, paresteziya, sinkope, uyqusizlik, uyquchanlik.
Eshitish a'zosi tomonidan: quloqlarni shang‘illashi/jaranglashi, vertigo, o‘rta otit.
Ko‘rish a'zosi tomonidan: ko‘rishni buzilishi.
Nafas tizimi tomonidan: nazofaringit, yo‘tal, burun bitishi, bronxit, o‘tkir bronxit, ko‘krakda og‘riq, hansirash, faringolaringial og‘riq, sinusit; juda kam hollarda – gidroxlorotiazidni qo‘llanishi bilan bog‘liq granulotsitar infiltratsiya va alveolyar membranalarda IgG ni to‘planishi bilan kechuvchi o‘pka shishi. Nokardiogen o‘pka shishi immunologik jihatdan gidroxlorotiazidga bo‘lgan idiosinkrazik reaktsiya orqali yuz bergan bo‘lishi mumkin, lekin bu juda kam uchraydi.
Ovqat hazm qilish yo‘llari tomonidan: diareya, abdominal og‘riq, dispepsiya, og‘iz qurishi, gastroenterit, ko‘ngil aynishi, jigar funktsiyasi ko‘rsatkichlarini oshishining yakka holatlari.
Metabolizmni buzilishi: giperkaliyemiya, suvsizlanish.
Siydik-tanosil tizimi tomonidan: pollakiuriya; juda kam hollarda – buyrak funktsiyasini buzilishi, o‘tkir buyrak yetishmovchiligi, siydik chiqarish yo‘llari infektsiyasi, libidoni pasayishi.
Teri va teri osti kletchatkasi tomonidan: kuchli terlash, toshma, qichishish.
Immun tizimi tomonidan: o‘ta yuqori sezuvchanlik reaktsiyalari/allergiyalar, shu jumladan zardob kasalligi.
Tayanch-harakat tizimi tomonidan: belda og‘riq, artralgiya, mushaklarni tirishishi, mushaklarni cho‘zilishi, bo‘yinda og‘riq, qo‘l-oyoqlarda og‘riq, paylarni cho‘zilishi, mialgiya, artrit.
Umumiy buzilishlar: toliqish hissi, asabiylik, asteniya, haroratni oshishi, virusli infektsiyalar, shish, periferik shish, angionevrotik shish.
Laborator ko‘rsatkichlari: gipokaliyemiya, giponatriyemiya, bilirubin, kreatinin va azot mochevina darajasini oshishi, gemoglobin darajasi va gematokrit ko‘rsatkichini pasayishi.
Gidroxlorotiazid uchun xos bo‘lgan boshqa nojo‘ya samaralar, xatto agar majmuaviy preparatni (valsartan/gidroxlorotiazid) qo‘llanganda kuzatilmagan bo‘lsa xam, shuningdek Diokor uchun xam potentsial xos bo‘lishi mumkin.
Gidroxlorotiazid ko‘p yillar davomida keng qo‘llanadi, bunda ko‘proq Diokorning tarkibiga kiruvchi dozadan yuqoriroq dozalari qo‘llanadi. Tiazid diuretiklar bilan, shu jumladan gidroxlorotiazid bilan monoterapiya o‘tkazilganda, qator nojo‘ya samaralar bo‘lishi mumkin.
Elektrolitlar va metabolizmni o‘zgarishlari. Tiazid diuretiklar bilan davolanishda gipokaliyemiyani rivojlannishi to‘g‘risida xabar berilgan. Tiazid diuretiklar qo‘llanganda giperkaltsiyemiya, giponatriyemiya va gipoxloremik alkaloz rivojlanishi mumkin, u jigar entsefalopatiyasi yoki jigar komasiga olib kelishi mumkin. Tiazidlar magniyni siydik bilan ekskretsiyasini oshishini chaqirishi mumkin, bu gipomagniyemiyaga olib kelishi mumkin. Tiazid diuretiklar qon zardobida xolesterin, triglitseridlar va siydik kislotasining kontsentratsiyasini oshishini chaqirishi mumkin, bu kasallik asimptom kechayotgan patsiyentlarda podagra xurujiga olib kelishi mumkin. Glyukozotolerantlikni pasayishi kuzatilishi mumkin, bu yashirin qandli diabet manifestatsiyasiga olib kelishi mumkin.
Boshqa bo‘lishi mumkin bo‘lgan nojo‘ya reaktsiyalari
Yurak-qon tomir tizimi tomonidan: yurak aritmiyasi, yurak yetishmovchiligi, postural gipoteniya, uning yaqqolligi alkogol iste'mol qilganda, narkoz uchun vositalar yoki sedativ vositalar qabul qilinganda oshadi; burundan qon ketishi.
Qon tizimi tomonidan: trombotsitopeniya, ba'zan purpura bilan kechuvchi; juda kam hollarda – leykopeniya, agranulotsitoz, suyak ko‘migi depressiyasi, gemolitik anemiya, aplastik anemiya.
Ruhiy buzilishlar: uyquni buzilishi, depressiya, ongni chalkashishi, dezoriyentatsiya, kayfiyatni o‘zgarishi.
Ko‘rish a'zosi tomonidan: ksantopsiya, o‘tkir yopiq burchakli glaukoma.
Nafas tizimi tomonidan: nafas yetishmovchiligi, respirator distress, pnevmonit.
Ovqat hazm qilish yo‘llari tomonidan: ishtahani yo‘qolishi, o‘rtacha ifodalangan ko‘ngil aynishi va qusish, me'da-ichak yo‘llari tomonidan buzilishlar, qabziyat; chanqoqlik hissi, so‘lak bezlarini yallig‘lanishi, juda kam hollarda pankreatit rivojlanishi mumkin.
Gepatobiliar tizimi tomonidan: xolestaz yoki sariqlik, xoletsistit.
Teri va teri osti kletchatkasi tomonidan: eshakemi va toshmaning boshqa turlari, ekzema, purpura, fotosensibilizatsiya; juda kam hollarda – nekroz chaqiruvchi vaskulit va toksik epidermal nekroliz, tizimli qizil yugurikni eslatuvchi teri reaktsiyalari, tizimli qizil yugurikning teri ko‘rinishlarini zo‘rayishi, ko‘p shaklli eritema.
Siydik chiqarish tizimi tomonidan: interstitsial nefrit.
Reproduktiv tizimi tomonidan: impotentsiya.
Umumiy buzilishlar: anafilaktik reaktsiya, shok.

Qo‘llash mumkin bo‘lmagan holatlar

Preparatning komponentlaridan birontasiga va sulfonamidlarning hosilasi hisoblangan boshqa dori vositalariga yuqori sezuvchanlik.
Jigar funktsiyasini og‘ir buzilishlari, biliar sirroz va xolestaz.
Buyrak funktsiyasini og‘ir buzilishlari (kreatinin klirensi <30 ml/min), anuriya.
Refrakter gipokaliyemiya, giponatriyemiya, giperkaltsiyemiya, simptomatik giperurikemiya.
Homilador ayollar va homiladorlikni rejalashtirgan ayollar (“Homiladorlik yoki emizish davrida qo‘llanishi” bo‘limiga qarang).
Qandli diabeti bo‘lgan yoki buyrak funktsiyasini buzilishi (glomerulyar filtratsiya tezligi (GFT) <60 ml/min/1,73 m2) bo‘lgan patsiyentlarda angiotenzin retseptorlari antagonistlari, shu jumladan valsartanni yoki angiotenzinga aylantiruvchi ferment ingibitorlarini aliskiren bilan bir vaqtda qo‘llash mumkin emas.
Dorilarning o‘zaro ta'siri
Valsartan/gidroxlorotiazid majmuasi bilan bog‘liq o‘zaro ta'sirlar
Bir vaqtda qo‘llash tavsiya etilmaydi
Litiy
Litiy preparatlarini angiotenzinga aylantiruvchi ferment (AAF) ingibitorlari yoki tiazid diuretiklar bilan, shu jumladan gidroxlorotiazid bilan bir vaqtda buyurilganida, qon zardobida litiyning kontsentratsiyasini va toksikligini qaytuvchan oshishi aniqlangan. Valsartanni va litiy preparatlarini bir vaqtda qo‘llash tajribasi yo‘q, shuning uchun ushbu majmuani qo‘llash tavsiya qilinmaydi. Agar preparatni qo‘llash baribir zarur bo‘lsa, unda ularni bir vaqtda qo‘llanganida qon zardobida litiyning kontsentratsiyasini nazorat qilish tavsiya qilinadi.
Maxsus ehtiyotkorlikni talab etuvchi dorilarni bir vaqtda qo‘llanishi
Boshqa antigipertenziv preparatlar
Diokorni boshqa antigipertenziv preparatlar (masalan, AAF ingibitorlari, beta-blokatorlar, kaltsiy kanallarining blokatorlari) bilan birga qo‘llanganda antigipertenziv samara kuchayishi mumkin.
Pressor aminlar (masalan, noradrenalin, adrenalin)
Pressor aminlarga javobni pasayishi kuzatilishi mumkin, lekin ularni qo‘llashni bekor qilish darajasida emas.
Nosteroid yallig‘lanishga qarshi vositalar (NYaQV), shu jumladan SOG-2 ning selektiv ingibitorlari, sutkada >3 g atsetilsalitsil kislotasi va noselektiv NYaQV
Nosteroid yallig‘lanishga qarshi vositalar bir vaqtda qo‘llanganda angiotenzin II antagonistining xam, tiazid komponentining xam antigipertenziv samarasi susayishi mumkin. Ko‘rsatilgan dori vositalarni birga qo‘llanishi buyrak funktsiyasini yomonlashishiga va qon zardobida kaliyni oshishiga olib kelishi mumkin. Shuning uchun davolash vaqtida buyrak funktsiyasini nazorat qilish, shuningdek patsiyentni adekvat gidratatsiyasini nazorat qilish tavsiya qilinadi.
Valsartan bilan bog‘liq o‘zaro ta'sirlar
ARA, AAFI yoki aliskiren preparatlari tomonidan renin-angiotenzin tizimi (RAT) ni ikki tomonlama blokadasi
ARA guruhiga mansub dori preparatlari, shu jumladan valsartanni AAFI yoki aliskiren guruhi dori vositalari kabi RAT ni bloklovchi boshqa dori vositalari bilan bir vaqtda qo‘llaganda ehtiyotkorlikka rioya qilish kerak.
Qandli diabeti bo‘lgan yoki buyrak funktsiyasini buzilshi (glomerulyar filtratsiya tezligi (GFT) <60 ml/min/1,73 m2) bo‘lgan patsiyentlarda angiotenzin retseptorlari antagonistlari, valsartanni yoki angiotenzinga aylantiruvchi ferment ingibitorlarini aliskiren bilan bir vaqtda qo‘llash mumkin emas.
Quyidagilar bilan bir vaqtda qo‘llash tavsiya etilmaydi
Kaliyni tejovchi diuretiklar, kaliyli qo‘shimchalar, kaliy saqlovchi osh tuzi o‘rinbosarlari yoki qon zardobida kaliyning darajasini oshirishi mumkin bo‘lgan boshqa dori preparatlari
Kaliy darajasiga ta'sir etuvchi vositalarni valsartan bilan birga qo‘llash zarurati tug‘ilganida, ehtiyot bo‘lish va qon zardobida kaliy miqdorini tez-tez tekshirib turish kerak.
Transporterlar
In vitro sharoitda o‘tkazilgan tadqiqotlar natijalariga ko‘ra valsartan OATR1V1/OATR1V3 qamrab olinishining jigar transporteri va MRP2 chiqarishning jigar transporteri uchun substrat bo‘lib hisoblanadi. Bu ma'lumotlarning klinik ahamiyati noma'lum. Qamrab olishning transporterlari ingibitorlari (masalan rifampitsin, siklosporin) yoki chiqarish transporterlari ingibitorlari (masalan ritonavir) valsartanning tizimli ekspozitsiyasini oshirishi mumkin. Bu dori vositalarini birga qo‘llashni boshida va oxirida tegishli choralarni ko‘rish kerak.
Quyidagilar bilan o‘zaro ta'siri yo‘q
Quyidagi dori vositalari qo‘llangan hollarda valsartanni monoterapiyasi o‘tkazilganda klinik ahamiyatli o‘zaro ta'sirlar aniqlanmagan: simetidin, varfarin, furosemid, digoksin, atenolol, indometatsin, gidroxlorotiazid, amlodipin, glibenklamid.
Digoksin va indometatsin valsartan/gidroxlorotiazid majmuasi bilan qo‘llanganda gidroxlorotiazid bilan o‘zaro ta'sirga kirishishi mumkin.
Gidroxlorotiazid bilan bog‘liq o‘zaro ta'sirlar
Maxsus ehtiyotkorlikni talab etuvchi dorilarni bir vaqtda qo‘llanishi
Gipokaliyemiyani rivojlanish xavfi saluretiklar, surgi vositalari, kortikosteroidlar, AKTG, amfoteritsin, karbenoksolon, penitsillin G va salitsil kislotasining hosilalari bilan bir vaqtda qo‘llanganda oshadi. Bu dori vositalari gidroxlorotiazidning qondagi kaliy darajasiga bo‘lgan ta'sirini potentsiyalashi mumkin, shuning uchun qondagi kaliy miqdorini aniqlash lozim.
«Piruet» tipidagi yurak qorinchalari taxikardiyasini chaqirishi mumkin bo‘lgan dori vositalar
• Іa sinf antiaritmik vositalari (masalan, xinidin, dizopiramid).
• ІІІ sinf antiaritmik vositalari (masalan, amiodaron, sotalol, dofetilid, ibutilid).
• Ayrim antipsixotik vositalar (masalan, tioridazin, xlorpromazin, levomepromazin, trifluoperazin, siamemazin, sulpirid, sultoprid, amisul prid, tiaprid, pimozid, galoperidol, droperidol).
• Boshqalar (masalan, bepridil, sizaprid, difemanil, eritromitsinni vena ichiga yuborilishi, galofantrin, ketanserin, mizolastin, pentamidin, sparfloksatsin, terfenadin, vinkaminni vena ichiga yuborilishi).
Gipokaliyemiyani yuz berish xavfi tufayli, gidroxlorotiazidni quyida ko‘rsatilgan dori vositalar bilan ehtiyotkorlik bilan qo‘llash kerak.
Yurak glikozidlari
Tiazid diuretiklar gipokaliyemiya yoki gipomagniyemiya kabi nohush samaralarni chaqirishi mumkin, bu o‘z navbatida glikozid bilan intoksikatsiyada aritmiyalarni rivojlanish xavfini oshiradi.
Kaltsiy tuzlari va D vitamini
D vitamini yoki kaltsiy tuzlari bilan birga qo‘llanganda qon zardobida kaltsiyning darajasini oshishi potentsiyalanishi mumkin
Diabetga qarshi vositalar (peroral preparatlar, insulin)
Tiazid diuretiklar glyukozaga bo‘lgan tolerantlikni o‘zgartirishi mumkin. Qandli diabeti bo‘lgan bemorlarda insulin yoki peroral qandni tushiruvchi preparatlarning dozasiga tuzatish kiritish talab etilishi mumkin. Funktsional buyrak yetishmovchiligida metformin va gidroxlorotiazidni birga qo‘llanishi metabolik atsidozni rivojlanishiga olib kelishi mumkin.
Beta-blokatorlar va diazoksid
Tiazid diuretiklarni, shu jumladan gidroxlorotiazidni beta-blokatorlar bilan bir vaqtda qo‘llanishi giperglikemiya xavfini oshirishi mumkin. Tiazid diuretiklarni, shu jumladan gidroxlorotiazid diazoksidning giperglikemik ta'sirini oshirishi mumkin.
Podagrani davolash uchun qo‘llaniladigan dori preparatlar (probenetsid, sulfinpirazon va allopurinol)
Siydik kislotasini chiqarilishini rag‘batlantiruvchi urikozurik vositalarning dozasiga tuzatish kiritish lozim bo‘lishi mumkin, chunki gidroxlorotiazid qon zardobida siydik kislotasi darajasini oshirishi mumkin. Probenetsid yoki sulfinpirazonning dozasini oshirish zarur bo‘lishi mumkin.
Tiazid diuretiklarni bir vaqtda qo‘llanishi allopurinolga nisbatan o‘ta yuqori sezuvchanlik reaktsiyalari sonini oshirishi mumkin.
Antixolinergik vositalar (masalan, atropin, biperiden)
Xolinoretseptorlarning blokatorlari (masalan, atropin, biperiden) bir vaqtda buyurilganda, ovqat hazm qilish yo‘llarining motor faolligini pasayishi va me'dani bo‘shashini sekinlashishi bilan bog‘liq bo‘lgan tiazid diuretikning biokiraolishligini oshishi kuzatiladi.
Amantadin
Tiazidlar, shu jumladan gidroxlorotiazid, amantadinning nojo‘ya samaralarini rivojlanish xavfini oshirishi mumkin.
Xolesteramin va xolesterol
Anion almashinuv qatronlari borligida gidroxlorotiazidni so‘rilishi o‘zgaradi.
Kolestiramin tiazid diuretiklarni so‘rilishini sekinlashtiradi.
Sitotoksik preparatlar (masalan, siklofosfamid, metotreksat)
Sitotoksik preparatlarni (masalan, siklofosfamid, metotreksatni) buyrak tomonidan chiqarilishini susayishi, ularning miyelosupressiv ta'sirini potentsiyalanishiga olib kelishi mumkin.
Qutbsizlantirmaydigan miorelaksantlar (masalan, tubokurarin)
Tiazidlar kuraresimon miorelaksantlarning ta'sirini potentsiyalaydi.
Siklosporin
Siklosporinni bir vaqtda qo‘llanishi giperurikemiyani va podagrani zo‘rayishini eslatuvchi simptomlarini paydo bo‘lish xavfini oshirishi mumkin.
Alkogol, anestetiklar va sedativ vositalar
Ortostatik gipotoniyani potentsiyalashi mumkin.
Metildopa
Tiazid diuretik va metildopani bir vaqtda qo‘llanganda gemolitik anemiyani rivojlanish hollari haqida xabar berilgan.
Karbamazepin
Giponatriyemiyani rivojlanish xavfi oshishi mumkin. Bemorning klinik holatini nazorat qilish va qonni laborator nazoratini o‘tkazish lozim.
Yod saqlovchi kontrast moddalar
Siydik haydovchi vositalar tomonidan chaqirilgan degidratatsiyada, ayniqsa kontrast moddaning yuqori dozalari yuborilganda o‘tkir buyrak yetishmovchiligini rivojlanish xavfi oshishi mumkin. Yodni yuborishdan oldin suv muvozanatini taklash lozim.

Maxsus ko‘rsatmalar

Elektrolitlar muvozanatini o‘zgarishi
Diokor va kaliy tuzlari, kaliyni tejovchi diuretiklar, kaliyli qo‘shimchalar, kaliy saqlovchi tuz o‘rnini bosuvchilar yoki kaliyning darajasini oshishini chaqirishi mumkin bo‘lgan boshqa dori vositalari (masalan, geparin) bilan bir vaqtda qo‘llash tavsiya qilinmaydi.
Qon zardobida kaliyning miqdorini tez-tez tekshirish tavsiya qilinadi.
Tiazid diuretiklari bilan davolash ko‘pincha giponatriyemiya va gipoxloremik alkalozni paydo bo‘lishi bilan bog‘liq. Tiazidlar siydik bilan magniyning chiqarilishini kuchaytiradi, natijada bu gipomagniyemiyaga olib kelishi mumkin.
Organizmda natriy va/yoki aylanayotgan qon hajmining (AQH) tanqisligi bo‘lgan patsiyentlar
Organizmda natriy va/yoki AQH ning og‘ir darajali tanqisligi bo‘lgan bemorlarda, masalan, diuretiklarning yuqori dozalarini qabul qilayotganlarda, ayrim hollarda Diokor bilan davolashning boshida klinik ko‘rinishlar bilan kechuvchi simptomatik gipotenziya yuz berishi mumkin. Shuning uchun Diokor bilan davolashni boshlashdan oldin organizmda natriyning miqdorini va/yoki aylanayotgan qon hajmini muvofiqlashtirishni o‘tkazish lozim.
Gipotenziya rivojlangan hollarda patsiyentni gorizontal holatga o‘tkazish va zarurat tug‘ilganida fiziologik eritmani vena ichiga infuziyasini o‘tkazish kerak. Arterial bosim barqarorlashganidan keyin Diokor bilan davolash davom ettirilishi mumkin.
Og‘ir yurak yetishmovchiligi bo‘lgan yoki renin-angiotenzin-aldosteron tizimining faollashuvini boshqa har qanday holati bo‘lgan patsiyentlar
Buyrak funktsiyasini renin-angiotenzin-aldosteron tizimining faoliyatiga bog‘liq patsiyentlarda (masalan, kokronar yurak yetishmovchiligi bo‘lgan patsiyentlarda) Diokor qo‘llanmagani ma'quldir, chunki AAF ingibitorlari bilan davolash oliguriyani va/yoki avj oluvchi azotemiyani chaqirishi, ayrim hollarda esa – o‘tkir buyrak yetishmovchiligini rivojlanishiga olib kelishi mumkin.
Birlamchi giperaldosteronizm
Birlamchi giperaldosteronizm bo‘lgan hollarda AAF ingibitorlari samarasizdir, shuning uchun ularni qo‘llash tavsiya qilinmaydi.
Aortal va mitral stenoz, obstruktiv gipertrofik kardiomiopatiya
Boshqa vazodilatatorlarni qo‘llanganda bo‘lgani kabi, preparatni aortal va mitral stenozi yoki obstruktiv gipertrofik kardiomiopatiyasi bo‘lgan patsiyentlarda qo‘llaganda ayniqsa ehtiyotkor bo‘lish kerak.
Buyrak arteriyasining stenozi
Buyrak arteriyasining bir tomonlama yoki ikki tomonlama stenozi bo‘lgan yoki yakka buyrakning arteriyasini stenozi bo‘lgan patsiyentlarda valsartan plazmada kreatinin yoki qonda mochevina darajasini oshishiga olib kelishi mumkin, shuning uchun uni bu toifadagi patsiyentlarda qo‘llash mumkin emas.
Buyrak funktsiyasini buzilishi
Preparatni buyrak funktsiyasini yengil yoki o‘rtacha og‘irlik darajasida buzilishi (kreatinin klirensi ≥30 ml/min) bo‘lgan patsiyentlarda qo‘llaganda dozaga tuzatish kiritish talab etilmaydi, lekin qon zardobida kaliyni, kreatinin va siydik kislotasining darajasini vaqti-vaqti bilan nazorat qilib turish tavsiya qilinadi.
Tiazid diuretiklar buyrak funktsiyasini surunkali buzilishi bo‘lgan patsiyentlarda azotemiya chaqirishi mumkin. Ular monoterapiya sifatida og‘ir buyrak yetishmovchilida (kreatinin klirensi >30 ml/min) samarasiz, lekin hatto kreatinin klirensi >30 ml/min bo‘lgan patsiyentlarda ham ularni alohida ehtiyotkorlik bilan halqali diuretiklar bilan majmuada qo‘llash mumkin.
Buyrak funktsiyasini buzilishi (glomerulyar filtratsiyasi tezligi (GFT) <60 ml/min/1,73 m2) bo‘lgan patsiyentlarda angiotenzin retseptorlari antagonistlari, shu jumladan valsartan yoki angiotenzinga aylantiruvchi ferment ingibitorlarini aliskiren bilan bir vaqtda qo‘llash mumkin emas.
Buyrak transplantatsiyasi
Yaqinda buyrak transplantatsiyasi o‘tkazilgan patsiyentlarda valsartanni qo‘llash xavfsizligi to‘g‘risida ma'lumotlar yo‘q.
Tizimli qizil yugurik
Tiazid diuretiklar tizimli qizil yugurikni zo‘rayishini chaqirishi mumkinligi to‘g‘risida xabarlar bor.
Boshqa metabolik buzilishlar
Tiazid diuretiklar glyukozaga bo‘lgan tolerantlikni o‘zgartirishini, shuningdek zardobda xolesterin, triglitsidlar va siydik kislotasining darajasini oshishini chaqirishi mumkin. Qandli diabeti bo‘lgan bemorlarga insulin yoki peroral gipoglikemik vositalarning dozasiga tuzatish kiritish kerak bo‘lishi mumkin.
Tiazidlar kaltsiyni siydik bilan ekskretsiyasini kamaytirishi va kaltsiyning metabolizmini ma'lum buzilishlarisiz zardobdagi kaltsiyning darajasini oraliq va biroz oshishiga olib kelishi mumkin. Ko‘rsatilgan giperkaltsiyemiya yashirin giperparatireozdan dalolat berishi mumkin. Tiazidlarni yuborishni qalqonsimon oldi bezi funktsiyasini test sinamasini o‘tkazishdan oldin to‘xtatish kerak.
Jigar funktsiyasini buzilishi
Jigar funktsiyasini xolestazsiz ahamiyatsiz va o‘rtacha darajada buzilishlari bo‘lgan patsiyentlarda dozaga tuzatish kiritish talab etilmaydi. Lekin preparatni ehtiyotkorlik bilan qabul qilish kerak. Jigar kasalliklari gidroxlortiazidning farmakokinetik ko‘rsatkichlarini ahamiyatli darajada o‘zgartirmaydi.
Fotosezuvchanlik
Tiazid diuretiklar qabul qilinganda fotosensibilizatsiya holatlari haqida xabarlar bor. Agar davolash vaqtida fotosezuvchanlik reaktsiyalari yuz bersa, preparat bilan davolashni to‘xtatish kerak. Agar diuretikni takror yuborish zarurati bo‘lsa, terining nozik sohalarini quyoshdan yoki sun'iy ultrabinafsha nurlaridan himoya qilish kerak. Umumiy
Angiotenzin II ning boshqa antagonistlariga o‘ta yuqori sezuvchanlik aniqlangan patsiyentlarda preparatni qo‘llaganda ayniqsa juda ehtiyot bo‘lish kerak. Gidroxlorotiazidga allergik reaktsiyalar allergiyasi va astmasi bo‘lgan patsiyentlarda yuz berish ehtimoli ko‘proqdir.
Angionevrotik shish
Valsartan qabul qilgan patsiyentlarda Kvinke shishi (shu jumladan hiqildoq va ovoz boylamlarini shishi, bu nafas yo‘llarini obstruktsiyasi va/yoki yuz, lab, halqum va/yoki tilni shishiga olib keladi) yuzaga kelishi haqida xabar berilgan, bu patsiyentlarning ayrimlari anamnezi boshqa preparatlarni, shu jumladan angiotenzin II retseptorlarining boshqa antagonistlarini qabul qilganda Kvinke shishi kuzatilgan. Kvinke shishi rivojlanganda preparat bilan davolashni darhol to‘xtatish kerak. Preparatni takroran qo‘llash mumkin emas.
O‘tkir yopiq burchakli glaukoma
Gidroxlortiazid, sulfonamidni qo‘llash o‘tkir tranzitor yaqinni ko‘raolmaslik va o‘tkir yopiq burchakli glaukomaga olib kelishi mumkin bo‘lgan idiosinkratik reaktsiyani yuzaga kelishi bilan bog‘liq bo‘lgan. Ko‘rish o‘tkirligini to‘satdan pasayishi yoki ko‘zlarda og‘riq kuzatiladi. Bu simptomatika odatda preparat qo‘llanilganda xaftada bir necha soat davom etadi. Preparatni qo‘llashni darhol to‘xtatish kerak. O‘tkir yopiq burchakli glaukoma rivojlanishi xavf omillari bo‘lib sulfonamid yoki penitsillinlarni qo‘llashga allergik reaktsiya hisoblanadi.
Gidroxlortiazid qon plazmasida oqsillar bilan birikkan yod darajasini kamaytirishi mumkin.
Gidroxlortiazid qon zardobida erkin bilirubin kontsentratsiyasini oshirish qobiliyatiga ega.
Homiladorlik va emizish davrida qo‘llanishi
Homiladorlik
Valsartan. Homilador ayollar va homiladorlikni rejalashtirgan ayollarda angiotenzin II retseptorlari antagonistlarini qo‘llash mumkin emas. Homiladorlikni rejalashtirgan ayollarga homiladorlik davrida qo‘llash yuzasidan xavfsizlik profili aniqlangan muqobil antigipertenziv davolashni buyurish kerak. Agar Diokor preparati bilan davolash davrida homiladorlik aniqlansa, preparatni darhol bekor qilish va zarurati bo‘lganida homiladorlarda qo‘llashga ruhsat berilgan boshqa dori vositalari bilan almashtirish kerak.
Angiotenzin II retseptorlari antagonistlarining Diokor preparatini homiladorlikning I uch oyligida qo‘llaganda homila uchun xavfni inkor etib bo‘lmaydi. Homiladorlikning II va III uch oyligida angiotenzin II retseptorlari antagonistlarini qo‘llash fetotoksiklik (buyrak funktsiyasini buzilishi, kamsuvlik, bosh miya suyagini ossifikatsiyasini sekinlashishi) va neonatal toksiklik (buyrak yetishmovchiligi, gipotenziya, giperkaliyemiya).
Agar angiotenzin II retseptorlari antagonistlari qo‘llanilgan bo‘lsa, homiladorlikning II uch oyligidan boshlab buyrak funktsiyasi va bosh miya suyagini ultratovush nazoratini o‘tkazish kerak.
Onalari angiotenzin II retseptorlari antagonistlarini qabul qilgan chaqaloqlar gipotenziya yuzasidan sinchkovlik bilan kuzatishga muhtojdirlar.
Gidroxlortiazid. Gidroxlortiazid yo‘ldosh to‘sig‘i orqali o‘tadi. Gidroxlortiazidning farmakologik ta'sir mexanizmi asosida uni homiladorlikning II uch oyligida qo‘llash fetoplatsentar qon aylanishini buzilishi olib kelishi va yangi tug‘ilgan chaqaloqda sariqlik, elektrolit muvozanatni buzilishi va trombotsitopeniya kabi samaralar chaqirishi mumkin.
Emizish davri.
Valsartan ko‘krak suti bilan ajralishi noma'lum. Gidroxlortiazid ahamiyatsiz miqdorda ko‘krak sutiga o‘tadi. Tiazidlar yuqori dozalarda diurez chaqiradi, u ko‘krak sutini ishlab chiqarishini kamayishiga olib kelishi mumkin. Emizish davrida qo‘llash xavfsizlikning ma'lum ko‘rinishlari bo‘lgan muqobil davolash usullarini qo‘llagan afzal.
Agar preparatni qo‘llash juda zarur bo‘lsa, emizishni to‘xtatish kerak.
Bolalar.
Diokorni bolalarda qo‘llash xavfsizligi va samaradorligi aniqlanmagan, shuning uchun preparat pediatriya amaliyotida qo‘llanmaydi.
Avtotransportni boshqarish va boshqa mexanizmlar bilan ishlashda reaktsiya tezlishisha ta'sir etish qobiliyati.
Preparat bilan davolashni boshida (1-2 sutka) avtotransportni boshqarishda yoki boshqa mexanizmlar bilan ishlaganda ehtiyotkorlikka rioya qilish kerak. Keyinchalik bosh aylanishi, bosh og‘rig‘i, toliqish yoki ko‘ngil aynishi kabi simptomlar kuzatilganda reaktsiya tezligi pasayishi mumkinligini e'tiborga olish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Diokorning dozasini oshiriyu yuborilishi to‘g‘risida ma'lumot yo‘q.
Dozani oshirib yuborilishining asosiy ko‘rinishi yaqqol arterial gipotenziya bo‘lishi mumkin, u o‘z navbatida ong darajasini pasayishiga, yurak yetishmovchiligi va/yoki shokka olib kelishi mumkin.
Gidroxlorotiazidning dozasi oshirib yuborilganda quyimdagi belgilar va simptomlar: ko‘ngil aynishi, uyquchanlik, gipovolemiya, aritmiyalar va mushak spazmlari bilan assotsiatsiyalangan elektrolit buzilishlari yuz berishi mumkin. Shuningdek dozani oshirib yuborilishiga xarakterli belgilar: taxikardiya, holsizlik, ongni chalkashishi, bosh aylanishi, paresteziya, ozib ketish, qusish, chanqoqlik, poliuriya, oliguriya, anuriya, alkaloz, qonda azot mochevinasi darajasini oshishi (asosan buyrak yetishmovchiligi).
Agar preparat yaqinda qabul qilingan bo‘lsa, qusishni chaqirish yoki me'dani yuvish kerak. Birinchi navbatdagi vazifa bo‘lib qon aylanishini barqarorlashtirish hisoblanadi. Agar arterial gipotenziya yuzaga kelsa, patsiyentni chalqancha yotqizish va iloji boricha tezroq organizmda tuzlar va suyuqlik miqdorini to‘ldirish kerak. Valsartanni plazma oqsillari bilan ahamiyatli bog‘lanishi sababli, organizmdan gemodializ yordamida chiqarish mumkin emas, lekin gidroxlorotiazidni organizmdan chiqarish uchun esa gemodializ samaralidir.

Chiqarilish shakli

10 tabletkadan blisterda; 1 yoki 3 blisterdan karton qutida.

Saqlash sharoiti

Original o‘ramda, 25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Farma Start» MChJ, Ukraina
Ukraina, 03124, Kiyev sh., I. Lepse bulvari, 8.