Nebilet Plyus №28

Tavsif

Preparatning savdo nomi

Nebilet Plyus 5/12,5
Ta'sir etuvchi modda (XPN): nebivolol / gidroxlortiazid

Dori shakli

plyonka qobiq bilan qoplangan tabletkalar

Tarkibi

Nebilet Plyus 5/12,5 preparatining bir tabletkasi quyidagilarni saqlaydi:
faol moddalar: nebivolol 5 mg (nebivolol gidroxloridi ko‘rinishida: 2,5 mg SRRR-nebivolol yoki D-nebivolol va 2,5 mg RSSS-nebivolol yoki L-nebivolol) va gidroxlortiazid 12,5 mg.
Yordamchi moddalar:
tabletka yadrosi: polisorbat 80 (E433), gipromelloza (E464), laktoza monogidrati, makkajo‘xori kraxmali, kroskarmellozaning natriyli tuzi (E468), mikrokristall sellyuloza (E460(i)), suvsiz kolloidli kremniy dioksidi (E551), magniy stearati (E470b);
qobig‘i: tipromelloza (E464); mikrokristall sellyuloza (E460(i)); makrogol-40 stearati, I tur (E431); titan dioksidi (E171); karmin (karmin kislotasining alyuminiy laki, Ye120).

Ta'rifi

deyarli pushti rangli, dumaloq, ikki tomonlama biroz qavariq, bir tomonida
«5/12,5» bosilgan, boshqa tomonida bo‘lish uchun o‘yiqchasi bo‘lgan plyonka qobiq bilan qoplangan tabletkalar.
O‘yiq bir xil dozada bo‘laklarga bo‘lish uchun emas, balki faqat yutishni osonlashtirish uchun tabletkani bo‘lishga mo‘ljallangan.

Farmakoterapevtik guruhi

selektiv beta-blokatorlar va tiazidlar.
ATX kodi: CO7BB12

Farmakologik xususiyatlari

Farmakodinamika

Nebilet Plyus 5/12,5 beta-retseptorlarning selektiv antagonisti nebivolol va tiazid qatori diuretigi gidroxlortiazidning majmuasi hisoblanadi. Ushbu komponentlarning majmuasi qo‘shimcha gipotenziv ta'sir ko‘rsatadi, buning natijasida arterial qon bosim har bir komponent alohida qo‘llanilganga qaraganda qo‘proq pasayadi.
Nebivolol ikki enantiomerning ratsemik aralashmasidan iborat: SRRR-nebivolol (yoki D-nebivolol) va RSSS-nebivolol (yoki L-nebivolol). Nebivololning farmakologik ta'siri ikki tamoyilga asoslangan:
- U beta-adrenoretseptorlarning raqobatli va selektiv antagonisti hisoblanadi: ushbu ta'sirga SRRR-enantiomer (d-enantiomer) ega.
- U L-arrginin va azot oksidi bilan o‘zaro ta'sir qilishi natijasida yengil darajada ifodalangan vazodilatirlovchi ta'sir ko‘rsatadi. Nebivololni bir martalik va ko‘p martalik dozalarda qabul qilinganda arterial qon bosimi normada bo‘lgan shaxslarda qanday bo‘lsa, arterial giperteiziyasi bo‘lgan patsinetlarda ham xuddi shunday tarzda tinch holatda va jismoniy yuklamalar vaqtida yurak qisqarishlari sonini va arterial qon bosimini pasaytiradi. Uzoq muddatli terapiya vaqtida antigipertenziv samara saqlanib qoladi.
Nebivolol terapevtik dozalarda alvfa-adrenoretseptor antagonizm ko‘rsatmaydi.
Nebivolol bilan qisqa va uzoq muddatli terapiyada arterial gipertenziyasi bor bo‘lgan patsiyentlarda tizimli qon tomir qarshiligi pasayadi. Yurak qisqarishlari sonini pasayishiga qaramasdan, tinch holatda va jismoniy yuklamalar vaqtida yurakdan otilib chiqayotgan qon hajmini pasayishi yurakning zarb hajmini oshishi sababli chegaralangan bo‘lishi mumkin. Beta-retseptorlarning boshqa antagonistlari bilan taqqoslanganda, ushbu gemodinamik farqlarning klinik ahamiyati oxirigacha aniqlanmagan.
Arterial gipertenziyasi bo‘lgan patsiyentlarda nebivolol qon-tomirlarning NO ga bog‘liq bo‘lgan atsetilxolinga (ACh) reaktsiyasini kuchaytiradi, u endotelial disfunktsiyasi bor patsiyentlarda pasaygan bo‘ladi.
Hayvonlarda o‘tkazilgan in vitro va in vivo sharoitdagi eksperimentlarda nebivolol simpatomimetik faollikka ega emasligi ko‘rsatilgan.
Hayvonlarda o‘tkazilgan in vitro va in vivo sharoitdagi eksperimentlarda farmakologik dozalarda nebivolol membrana-barqarorlashtiruvchi ta'sir ko‘rsatmasligi ko‘rsatib o‘tilgan.
Sog‘lom ko‘ngillilarda nebivolol maksimal jismoniy yuklamani ko‘tara olishlik yoki chidamlilik xususiyatiga ahamiyatli ta'sir ko‘rsatmagan.
Gidroxlortiazid tiazid qatori diuretikidir. Tiazidlar buyrak kanalchalarida elektrolitlarning reabsorbtsiyasiga ta'sir qilib, natriy va xloridning chiqarilishini kuchaytiradi taxminan teng darajada. Gidroxlortiazid diuretik ta'siri tufayli plazma hajmini kamaytiradi, buning natijasida plazmada renin faolligi va al'dosteron sekretsiyasi ko‘payadi, siydik bilan kaliy va bikarbonat chiqarilishi oshadi va ularning zardobdagi kontsentratsiyasi pasayadi. Gidroxlortiazid qo‘llanilganda qabul qilingandan tahminan 2 soat o‘tgandan keyin diurez boshlanadi, maksimal samara tahminan 4 soatdan keyin, ta'sir esa 6-12 soat davomida saqlanib qoladi.
Terining melanomali bo‘lmagan raki (TMBR): epidemiologik tadqiqotlarning mavjud bo‘lgan ma'lumotlari asosida gidroxlortiazidni umumiy dozasi va TMBR rivojlanishi xavfi orasida ijobiy aloqa kuzatiladi. Bitta tadqiqot tarkibiga bazal hujayrali kartsinomasi (BHK) bor bo‘lgan 71 533 patsiyent va yassi hujayrali raki (YaHR) bo‘lgan 8 629 patsiyent va ularga mos ravishda nazorat guruhlarida 1 430 833 va 172 462 qatnashuvchi bo‘lgan guruhlar kiritilgan. Katta miqdorda gidroxlortiazidni qabul qilganda (jami ≥50 000 mg) tuzatish kiritilgan imkoniyatlar munosabati (IM) 1,29 (95% II:1,23-1,35) BHK uchun va YaHR uchun 3,98 (II 95%: 3,68-4,31) ga teng bo‘lgan. Umumiy doza va muvofiq reaktsiya orasidagi yaqqol o‘zaro aloqa BHK uchun ham, YaHR uchun ham kuzatilgan. Boshqa tadqiqotda lab raki (YaHR) va gidroxlortiazid ta'siri orasidagi ehtimoliy aloqa ko‘rsatib berilgan: lab raki bor bo‘lgan 633 patsiyent xavfni hisobga olish bilan tanlash strategiyasini qo‘llash orqali nazorat guruhidagi 63 067 ishtirokchi bilan taqqoslangan. Umumiy doza va muvofiq reaktsiya orasidagi o‘zaro aloqa quyidagilarda ko‘rsatib o‘tilgan: tuzatish kiritilgan IM qiymati 2,1 (II 95%: 1,7-2,6) tashkil qilgan, katta miqdorda (~25 000 mg) qabul qilinganda IM 3,9 gacha (3,0-4,9) va eng yuqori umumiy dozada (~100 000 mg) qabul qilinganda IM 7,7 gacha (5,7-10,5) ko‘tarilgan.

Farmakokinetikasi

Nebivolol va gidroxlortiazidni birgalikda qo‘llash har bir ta'sir etuvchi moddaning biokirishaolishligiga ta'sir ko‘rsatmaydi. Biozkvivalentligi bo‘yicha majmuaviy tabletka har bir komponentini alohida qabul qilgandagiga mos keladi.
Nebivolol
So‘rilishi
Nebivololning ikkala enantiomeri ichga qabul qilinganda tez so‘riladi. Nebivololni so‘rilishi ovqat iste'mol qilishga bog‘liq emas; nebivololni ovqat bilan birga yoki ovqatlanish orasida qabul qilish mumkin.
Nebivolol ichga qabul qilinganda biokiraolishligi metabolizmi tez bo‘lgan shaxslarda o‘rtacha 12% ni tashkil etadi va metabolizmi sekin bo‘lgan shaxslarda deyarli to‘liq bo‘ladi. Turg‘un holatda va bir xil dozada o‘zgarmagan nebivololning plazmadagi cho‘qqi kontsentratsiyasi metabolizmi tez bo‘lgan shaxslarga nisbatan metabolizmi sekin bo‘lgan shaxslarda tahminan 23 marta baland bo‘lgan. Agar o‘zgarmagan dori preparatini va uning faol metabolitlarini «kyig‘indisi» e'tiborga olinsa, u holda plazmadagi cho‘qqi kontsentratsiyasining farqi 1,3 dan 1,4 martagachani tashkil etadi. Moddalar almashinuvi tezligining farqi sababli nebivolol dozasini har doim patsiyentning individual ehtiyojlariga bog‘liq holda tanlash kerak: metabolizmi sekin bo‘lgan shaxslarda muvofiq tarzda ancha past dozalar talab etilishi mumkin.
1 dan 30 mg gacha dozalar diapazonida plazmada kontsentratsiya dozaga proportsionaldir. Nebivolol farmakokinetikasi yoshga bog‘liq emas.
Taqsimlanishi
Plazmada nebivololning ikkala enantiomeri asosan al'bumin bilan bog‘lanadi. Plazma oqsillari bilan bog‘lanish darajasi SRRR-nebilol uchun 98,1% ni va RSSS-nebivolol uchun 97,9% ni tashkil etadi.
Biotransformatsiyasi
Nebivolol intensiv darajada, qisman faol gidroksimetabolitlargacha metabolizmga uchraydi. Nebivolol alitsiklik va aromatik gidroksil guruhini qo‘shilishi, N-dealkillash guruhini ajralishi va glyukuronirlanish yo‘li bilan metabolizmga uchraydi; bundan tashqari, gidroksimetabolitning glyukuronidlari hosil bo‘ladi. Nebivololning aromatik gidroksil guruhini qo‘shilishi yo‘li bilan metabolizmi CYP2D6 ning genetik oksidlanish polimorfizmiga bog‘liq.
Chiqarilishi
Metabolizmi tez bo‘lgan shaxslarda nebivolol enantiomerlarining yarim chiqarilish davri o‘rtacha 10 soatni tashkil etadi. Metabolizmi sekin bo‘lgan shaxslarda bu davr 3-5 marta ko‘proq. Metabolizmi tez bo‘lgan shaxslarda plazmada RSSS-enantiomer kontsentratsiyasi SRRR-enantiomerning darajasidan bir qancha yuqoriroq. Metabolizmi sekin bo‘lgan shaxslarda bu farq katta. Metabolizmi tez bo‘lgan shaxslarda ikkala enantiomer gidroksi-metabolitlarining yarim chiqarilish davri o‘rtacha 24 soatni tashkil etadi va metabolizmi sekin bo‘lgan shaxslarda tahminan ikki martaga ancha uzoq davom etuvchi bo‘ladi.
Ko‘pchilik patsiyentlarda plazmada turg‘un daraja (metabolizmi tez bo‘lgan shaxslar) nevibolol uchun 24 soat davomida va gidroksi-metabolitlar uchun bir necha kun davomida erishiladi.
Qabul qilingandan bir hafta o‘tib, qabul qilingan preparat miqdorining 38% siydik bilan va 48% - axlat bilan chiqariladi. O‘zgarmagan nevibololning siydik bilan ajralib chiqarilishi qabul qilingan preparat miqdoridan 0,5% dan kamini tashkil etadi.
Gidroxlortiazid
So‘rilishi
Gidroxlortiazid ichga qabul qilingandan keyin yaxshi so‘riladi (65-75%). Qabul qilingan preparatning plazmadagi kontsentratsiyasi va dozasi orasida proportsional bog‘liqlik mavjud. Gidroxlortiazid absorbtsiyasi ichak orqali o‘tish vaqtiga bog‘liq, ichak orqali asta-sekin o‘tganda oshadi, masalan ovqat iste'mol qilinganda. 24 soatdan kam bo‘lmagan vaqt oralig‘ida plazmadaga mikdori kuzatilganda plazmadan yarim chiqarilish davri 5,6 dan 14,8 soatgacha o‘zgargan, plazmadagi cho‘qqi kontsentratsiyasi esa preparat qabul qilingandan keyin 1-5 soat davomida erishilgan.
Taqsimlanishi
Gidroxlortiazid plazma oqsillari bilan 68% ga bog‘lanadi, uning taqsimlanishining ehtimoliy hajmi esa 0,83-1,14 l/rg ni tashkil etadi. Gidroxlortiazid yo‘ldosh to‘sig‘i orqali o‘tadi, ammo gematozntsefalik to‘siqdan o‘tmaydi.
Biotransformatsiyasi
Gidroxlortiazid deyarli metabolizmga uchramaydi. Gidroxlortiazidning deyarli hammasi o‘zgarmagan ko‘rinishda siydik bilan chiqariladi.
Chiqarilishi
Gidroxlortiazid asosan buyraklar orqali chiqariladi. Gidroxlortiazidning 95% dan ortig‘i preparat ichga qabul qilingandan keyin 3-6 soat davomida siydikda o‘zgarmagan ko‘rinishda aniqlanadi. Buyrak kasalliklari bor patsiyentlarda plazmada gidroxlortiazid kontsentratsiyasi ko‘tarilgan, plazmadan yarim chiqarilish davri esa oshgan bo‘ladi.

Qo‘llanilishi

Essentsial arterial gipertenziyani davolashda qo‘llaniladi.
Nebilet Plyus 5/12,5 - qat'iy belgilangan dozali majmuaviy preparat bo‘lib, nebivololni 5 mg va gidroxlortiazidni 12,5 mg dozada bir vaqtda qabul qilganda arterial qon bosimi nazorat qilinuvchi patsiyentlarda qo‘llash uchun mo‘ljallangan.

Qo‘llash usuli va dozalari

Dozalash
Kattalar
Nebilet Plyus 5 mg/12,5 preparati, nebivololni 5 mg va gidroxlortiazidni 12,5 mg dozada bir vaqtda qabul qilganda arterial qon bosimi nazorat qilinuvchi patsiyentlarda qo‘llash uchun mo‘ljallangan.
Doza sutkada bir tabletkani (5 mg/12,5 mg) tashkil etadi, sutkaning bir xil vaqtida qo‘llash maqsadga muvofiq bo‘ladi.
Buyrak yetishmovchiligi bo‘lgan patsiyentlar
Nebilet Plyus 5/12,5 preparatini og‘ir buyrak yetishmovchiligi bo‘lgan patsiyentlarga qabul qilish mumkin emas.
Jigar yetishmovchiligi bo‘lgan patsiyentlar
Jigar yetishmovchiligi yoki jigar funktsiyasi buzilishi bo‘lgan patsiyentlar haqida ma'lumotlar chegaralangan. Shuning uchun, ushbu toifadagi patsiyentlarga Nebilet Plyus 5/12,5 preparatiini qo‘llash mumkin emas.
Keksa yoshdagi patsiyentlar
Preparatni qo‘llash tajribasi chegaralanganligi sababli, 75 yoshdan katta patsiyentlarda ehtiyotkorlikka rioya qilish va bunday patsiyentlarni puxta nazorat qilish kerak.
Pediatrik profildagi patsiyentlar
Nebilet Plyus 5/12,5 preparatining xavfsizligi va samaradorligi bolalarda va 18 yoshdan kichik o‘smirlarda aniqlanmagan. Ma'lumotlar mavjud emas. Shuning uchun preparatni bolalarda va o‘smirlarda qo‘llash tavsiya etilmaydi.
Qo‘llash usuli
Ichga qabul qilish uchun vosita.
Tabletkalarni ovqat iste'mol qilish vaqtida qabul qilish mumkin.
Agar Siz Nebilet Plyus 5/12,5 preparatini qabul qilishni yuymean bo‘lsangiz.
Agar Siz Nebilet Plyus 5/12,5 ni o‘z vaqtida qabul qilishni unutgan bo‘lsangiz va bu haqda kechroq eslagan bo‘lsangiz, preparatni odatiy dozada qabul qiling. Biroq, agar Siz bu haqda ancha kech (masalan, buyurilgan vaqtdan bir necha soat o‘tib), keyingi qabul qilish vaqti yaqinlashayotganda esga olgan bo‘lsangiz, u holda esdan chiqarilgan qabul qilishni unutish zarur va keyingi qabul qilish vaqti uchun normadagi dozada preparatni qabul qiling. O‘tkazib yuborilgan qabul qilishni kompensatsiya qilish uchun preparatni ikki martalik dozada qabul qilmang. Preparat qabul qilishning takrorlanuvchi o‘tkazib yuborishlardan chetlashish kerak.
Agar Siz Nebilet Plyus 5/12,5 preparatini qabul qilishni to‘xtatgan bo‘lsangiz.
Nebilet Plyus preparatini qabul qilishni to‘xtatishdan avval davolovchi shifokor bilan albatta maslahatlashing.
Qo‘llash mumkin bo‘lmagan xolatlar
- "Tarkibi" bo‘limida sanab o‘tilgan ta'sir etuvchi moddalar yoki biror bir yordamchi moddaga yuqori sezuvchanlik.
- Boshqa sulvfonamid hosilalariga yuqori sezuvchanlik (chunki gidroxlortiazid dori preparati - sulvfonamid hosilasi hisoblanadi).
- Jigar yetishmovchiligi yoki jigar funktsiyasining buzilishi.
- Anuriya, og‘ir buyrak yetishmovchiligi (kreatinin klirensi ˂30 ml/min.).
- O‘tkir yurak yetishmovchiligi, kardiogen shok yoki vena ichiga inotrop ta'sirga ega preparatlarni yuborishni talab qiluvchi yurak ishining dekompensatsiya epizodlari.
- Sinus tugunining kuchsizlik sindromi, jumladan, sinoatrial blokada.
- Atrioventrikulyar blokadaning ikkinchi va uchinchi darajasi (kardiostimulyatorsiz).
- Bradikardiya (terapiya boshlanishidan oldip yurak qisqarishlari soni ˂60 yurak urishi/min.).
- Arterial gipotenziya (sistolik bosim ˂90 mm. sim. ust.);
- Periferik qon aylanishining og‘ir buzilishlari.
- Anamnezida bronxospazm va bronxial astma.
- Davolanmagan feoxromotsitoma.
- Metabolik atsidoz.
- Turg‘un gipokaliyemiya, giperkal'tsiyemiya, giponatriyemiya va klinik ifodalangan giperurikemiyada qo‘llash mumkin emas.
Dorilarning o‘zaro ta'sirlari
Farmakodinamik o‘zaro ta'sirlar
Nebivolol
Beta-adrenoretseptorlar antagonistlariga umuman olganda quyida sanab o‘tilgan o‘zaro ta'sirlar qo‘llaniladi.
- Birgalikda qabul qilish tavsiya etilmaydigan majmualar
1-sinf antiaritmik preparatlar (xinidin, gidroxinidin, sibenzolin, flekainid, dizopiramid, lidokain, meksilitin, propafenon): atrioventikulyar o‘tkazuvchanlikka ta'sirining kuchayishi va salbiy ipotrop ta'sir kuchayishi mumkin.
Verapamil/diltiazem turi kal'tsiy antagonistlari: qisqarishga va atriventrikulyar o‘tkazuvchanlikka salbiy ta'sir. Beta-blokatorlar qabul qiluvchi bemorlarga verapamilni tomir ichiga yuborish og‘ir giponteziya va atrioventikulyar blokadaga olib kelishi mumkin.
Markaziy ta'sir qiluvchi antigipertenziv preparatlar (klonidin, guanfatsin, moksonidin, metildopa, rilmenidin): ushbu preparatlarni birgalikda qabul qilinishi markaziy simpatik tonus pasayishi sababli (yurak qisqarishlar soni va yurakdan otilib chiqayotgan Qon hajmini pasayishi, vazodilatatsiya) yurak yetishmovchiligini yomonlashtirishi mumkin. Qabul qilishning keskin to‘xtatilishi, ayniqsa, agar beta-blokatorlar bilan davolash oldinroq to‘xtatilgan vaziyatda "rikoshet arterial gipertenziya" rivojlanishi xavfi oshishi mumkin.
- Ehtiyotkorlik bilan qo‘llanilishi kerak bo‘lgan majmualar
III-sinf antiaritmik preparatlar (amiodaron): atriventrikulyar o‘tkazuvchanlikka ta'sir kuchayishi mumkin.
Talogeplangan uchuvchan anestetiklar: beta-adrenoretseptorlar antagonistlari va anestetiklarni birgalikdagi qo‘llanilishi reflektor taxikardiya intensivligini pasaytirishi va arterial gipotenziya xavfini oshirishi mumkin. Umumiy qoida: sifatida beta-blokatorlarni qo‘llash bilan davolashni keskin to‘xtatishdan saqlanish kerak. Anestiziolog-shifokor patsiyent Nebilet Plyus 5/12,5 qabul qilayotgani haqida xabardor qilingan bo‘lishi kerak.
Insulin va peroral diabetga qarshi preparatlar: nebivolol qondagi glyukoza darajasiga ta'sir qilmasada, birgalikda qo‘llash gipoglikemiyaning ba'zi belgilarini (yurak urishini his etish, taxikardiya) niqoblashi mumkin.
Baklofen (spazmga qarshi preparat), amifostin (o‘smalarni davolashda yordamchi vosita): gipotenziv preparatlar bilan birgalikda qo‘llash arterial qon bosimini pasayishini kuchaytirishi mumkin, shuning uchun antigipertenziv preparatning dozasiga muvofiq tarzda o‘zgartiruv kiritish kerak.
- Inobatga olinishi kerak bo‘lgan majmualar:
Angishvonagul glikozidlari: birgalikda qo‘llash atrioventrikulyar o‘tkazuvchanlik vaqtini uzaytirishi mumkin. Nebivolol bilan o‘tkazilgan klinik tajribalarda dorilarning o‘zaro ta'sirining klinik belgilari aniqlanmagan. Nebivolol digoksinning farmakokinetikasiga ta'sir qilmaydi.
Digidropiridin guruhi kal'tsiy antagonistlari (amlodipin, felodipin, latsidinin, nifedipin, nikardipin, nimodipin, nitrendipin): birgalikda qo‘llash gipotenziya rivojlanishi xavfini oshirishi mumkin, shu bilan birga yurak yetishmovchiligi bo‘lgan patsiyentlarda qorinchalarning qisqarish funktsiyasining yanada pasayish xavfini oshishini istisno qilib bo‘lmaydi.
Antipsixotik vositalar, antidepressantlar (tritsiklik antidepressantlar, barbituratlar va fenotiazinlar): birgalikda qabul qilish beta-blokatorlarning gipotenziv ta'sirini (additiv ta'sir) kuchaytirishi mumkin.
Nosteroid yallig‘lanishga qarshi vositalar (HYaKB): nebivololning gipotenziv samarasiga ta'sir ko‘rsatmaydi.
Simpatomimetik vositalar: birgalikda qabul qilish beta-adrenoretseptor antagonistlarining ta'sirini neytrallashi mumkin. Beta-adrenoretseptor vositalarini qabul qilish simpatomimstiklarning ham beta-, ham al'fa-adrenergetik ta'sirining bir xilda namoyon bo‘lishi bilan kechuvchi nazorat qilib bo‘lmaydigan al'fa-adrenoretseptor ta'siriga olib kelishi mumkin (bu arterial gipertenziya, og‘ir darajadagi bradikardiya va AV-blokadasiga olib kelishi mumkin).
Gidroxlortiazid
Gidroxlortiazid bilan bog‘liq bo‘lgan potentsial o‘zaro ta'sirlar:
- Quyidagi preparatlar bilan birgalikda qabul qilish tavsiya etilmaydi
Litiy: Tiazidlar litiyning buyrak klirensini pasaytiradi, buning natijasida gidroxlortiazid bilan birgalikda qabul qilish litiy bilan intoksikatsiya xavfini oshishiga olib keladi. Shuning uchun, Nebilet Plyus 5/12,5 preparatini litiy bilan birgalikda qabul qilish tavsiya etilmaydi. Agar bunday majmualarni qo‘llash zarur bo‘lsa, plazmada litiy miqdorining sinchkov monitoringi tavsiya etiladi.
Kaliy miqdoriga ta'sir etuvchi dori vositalari: gidroxlortiazidga xos bo‘lgan kaliy miqdorining pasayishi, uning kaliy yo‘qotilishi va gipokaliyemiyani (masalan, kaliyuretik diuretiklar, ich yumshatuvchilar, kortikosteroidlar, AKTG, amfotermitsin, karbenoksol, G natriy penitsilini va salitsil kislotasining hosilalari bilan) chaqiruvchi boshqa dori vositalari bilan birgalikda qo‘llanilishida kuchayadi. Shuning uchun, gidroxlortiazidni ushbu preparatlar bilan bir vaqtda qo‘llash tavsiya etilmaydi.
- Bir vaqtda qo‘llaganda ehtiyotkorlikni talab qiluvchi preparatlar
Nosteroid yallig‘lanishga qarshi vositalar (HYaKB): NYaQV (masalan, atsetilsalitsil kislotasi (> 3 g/cyt), SOG-2 ingibitorlari va noselektiv NYaQV) tiazid qatori diuretiklarining antigipertenziv ta'sirini kamaytirishi mumkin.
Kal'tsiy tuzlari: kal'tsiy ekskretsiyasining sekinlashishi hisobiga tiazid qatori diuryotiklari uning zardobdagi kontsentratsiyasini oshirishi mumkin. Agar kal'tsiy preparatlarini qo‘llash zarur bo‘lsa, uning zardobdagi kontsentratsiyasini nazorat qilish va muvofiq ravishda kal'tsiyning dozasiga o‘zgartish kiritish kerak.
Angishvonagul guruhi glikozidlari: tiazid qatori diuretikalari bilan davolash fonida rivojlanuvchi gipokaliyemiya va gipomagniyemiya angishvonagul glikozidlari chaqiruvchi aritmiyalarga olib kelishi mumkin.
Samaradorligiga kaliyning zardobdagi miqdorining o‘zgarishi ta'sir qiluvchi dori preparatlari: Nebilet Plyus 5/12,5 preparatini samaradorligiga kaliyning zardobdagi miqdori ta'sir qiluvchi dori preparatlari (masalan, angishvonagul guruhi glikozidlari va antiaritmik vositalar), hamda torsades de pointes (piruzt qorinchali taxikardiyani) chaqiruvchi preparatlar, shu jumladan ba'zi antiaritmik vositalar bilan birgalikda qo‘llanilsa, kaliyning zardobdagi kontsentratsiyasini va EKG ni vaqti-vaqti bilan nazorat qilish tavsiya etiladi.
Gipokalismiya torsades de pointes (piruet qorinchali taxikardiya) rivojlanishiga moyillik faktori hisoblanadi:
- Ia-sinfi antiaritmik vositalari (masalan, xinidin, gidroxinidin, dizopiramid).
- III-sinf antiaritmik vositalar (masalan, amiodaron, sotalol, dofetilid, ibutilid).
- Ba'zi antipsixotik vositalar (masalan, tioridazin, xlorpromazin, levomepromazin, trifluoperazin, siamemazin, sul'pirid, sul'toprid, amisul'prid, tiaprid, pimozid, galoperidol, droperidol).
- Boshqa preparatlar (masalan, bepridil, sizaprid, difemanil, eritromitsin v/i, galofantrin, mizolastin, pentamidin, sparfloksatsin, terfenadin, vinkamin v/i).
Qutbsizlantirmaydigan miorelaksantlar (masalan, tubokurarin): gidroxlortiazid depolyarizatsiyalashmaydigan miorelaksantlar samaradorligini oshirishi mumkin.
Diabetga qarshi dori vositalari (peroral preparatlar va insulin): tiazidlar bilan davolash glyukozaga tolerantlikka ta'sir qilishi mumkin. Diabetga qarshi preparatlarning dozasiga o‘zgartirish kiritish talab etilishi mumkin.

Dozani oshirib yuborilishi

Simptomlar
Nebivololni dozasini oshirib yuborilishi bo‘yicha ma'lumotlar mavjud emas. Beta-blokatorlarning dozasi oshirib yuborilganda quyidagi simptomlar kuzatiladi: bradikardiya, arterial gipotenziya, bronxospazm va o‘tkir yurak yetishmovchiligi.
Gidroxlortiazidning dozasini oshirib yuborilishi elektrolitlar miqdorini pasayishiga (gipokaliyemiya, gipoxloremiya, giponatriyemiya) va ortiqcha diurez natijasida vujudga keluvchi degidratatsiyaga olib kelishi mumkin. Gidroxlortiazidning dozasi oshirib yuborilishining ko‘p uchraydigan alomatlari va simptomlari ko‘ngil. aynishi va uyquchanlik hisoblanadi. Gipokaliyemiya mushaklar spazmi va/yoki hamroh preparatlarni (angishvonagul guruhi glikozidlari yoki ba'zi antiaritmik vositalar) qo‘llash natijasida vujudga keluvchi aritmiyaning kuchayishini chaqirishi mumkin.
Davolash
Dozani oshib yuborilishi yoki yuqori sezuvchanlik holatlarida patsiyent sinchkov kuzatuv ostida bo‘lishi va intensiv terapiya palatasida davolanishi kerak. Qonda glyukoza miqdorini nazorat qilish zarur. Elektrolitlarning va zardobda kreatininning miqdorini muntazam nazorat qilish zarur bo‘ladi. Me'da-ichak yo‘lida preparatning har qanday qoldiqlarini so‘rilishini me'dani yuvish, hamda faollashtirilgan ko‘mir va surgi dorilar qabul qilish bilan oldini olish mumkin. O‘pkalarning sun'iy ventilyatsiyasi talab etilishi mumkin. Bradikardiyani yoki haddan ziyod vagusli reaktsiyalarni atropin yoki metilatropinni yuborish yo‘li bilan bartaraf etish kerak. Gipotenziya va shokni plazma yoki uning o‘rindoshlarini quyilishini o‘tkazish, va agar zarur bo‘lsa, katexolaminlarni yuborish yo‘li bilan bartaraf etish kerak. Elektrolitlarning disbalansi to‘g‘rilanishi kerak. Beta-bloklovchi ta'sirni izoprenalin gidroxloridini tahminan 5 mkg/min dozadan boshlab yoki dobutaminni 2,5 mkg/min dozadan boshlab, toki talab etiluvchi samaraga erishgunga qadar, vena ichiga sekin-asta yuborish yo‘li bilan neytrallash mumkin. Og‘ir vaziyatlarda izoprenalinni dofamin bilan birga qo‘llash mumkin. Agar bu ham istalgan samaraga olib kelmasa, unda vena ichiga 50-100 mkg/kg glyukagonni yuborish masalasini ko‘rib chiqish zarur bo‘ladi. Zarurat tug‘ilganda glyukagon infuziyasini bir soat davomida takrorlash, keyin esa (zarur bo‘lsa) 70 mkg/kg/soat hisobidan vena ichiga yuborish kerak. Terapiyaga rezistent nihoyatda og‘ir bradikardiya holalarida ritmning sun'iy haydovchisini qo‘llash kerak bo‘ladi.
Xavfsizlik bo‘yicha klinik oldi ma'lumotlar
Nebivolol va gidroxlortiazidning majmuasining xavfsizligi bo‘yicha klinik oldi ma'lumotlar odamlar uchun o‘ziga xos xavfni aniqlab bermadi. Bu xavfsizlik, preparatning ko‘p marta yuborish toksikligi, genotoksiklik va individual komponentlarning kantserogen potentsiali bo‘yicha o‘tkazilgan an'anaviy farmakologik tadqiqotlar asosida aniqlangan.

Chiqarilish shakli

O‘ram sifatida olefinning siklik sopolimeridan tayyorlangan oq plyonka va qattiq alyumin zarqog‘ozidan tayyorlangan blister ishlatiladi.
O‘ram o‘lchami: plyonka qobiq bilan qoplangan 28 ta tabletka.

Saqlash sharoiti

30°C dan toqori bo‘lmagan haroratda saqlansin!
Ushbu dori preparatini bolalar ololmaydigan joyda saqlansin.
Ushbu preparatni "gacha yaroqli" so‘zlaridan so‘ng qutida va blisterda ko‘rsatilgan yaroqlilik muddati tugagandan keyin ishlatilmasin. Yaroqlilik muddati ko‘rsatilgan oyning oxirgi kuniga taaluqlidir.

Yaroqlilik muddati

3 yil.
Yaroqlilik muddati o‘tgach ishlatilmasin.

Dorixonalardan berish tartibi

Retsept bo‘yicha.
Ro‘yxatdan o‘tkazilganlik guvohnomasining egasi va ishlab chiqaruvchi:
Ro‘yxatdan o‘tkazilganlik guvohnomasining egasi:
Menarini Interneshnl Opereyshnz Lyuksemburg S.A.
1, Avenyu de la Gar, 1611 Lyuksemburg, Lyuksemburg.
Ishlab chiqaruvchilar:
Berlin-Xemi AG (Menarini Grupp)
Gliniker Veg 125,12489 Berlin, Germaniya.