Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Noliprel Bi-Forte tab. 10mg/2.5mg №30
Nomi | Narx | |||||
Нолипрел Би-Форте таб п/о 10 мг/2,5 мг №30 (730497##2 120) |
UZS 151 900
Stokda yetarli (2)
|
-
+
|
Sotib oling
|
|||
Нолипрел Би-Форте таб п/о 10 мг/2,5 мг №30 (730497##2 132) |
UZS 151 900
Stokda yetarli (2)
|
-
+
|
Sotib oling
|
|||
Нолипрел Би-Форте таб п/о 10 мг/2,5 мг №30 (730497##2 178) |
UZS 151 900
Stokda yetarli (2)
|
-
+
|
Sotib oling
|
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Периндоприл, амлодипин, индапамид
Страна производитель
Франция
Дозировка
10 мг/2,5 мг
Производитель
Les Laboratoires Servier, Франция произведено: Servier (Ireland) Industries LTD
Рецептурный препарат
Да
Форма выпуска
Таблетки
Ko'rsatmalar
NOLIPREL BI-FORTE, plyonka qobiq bilan qoplangan tabletkalar
perindopril arginin/indapamid
Preparatni qabul qilishni boshlashdan oldin ushbu ilova-varaqani oxirigacha diqqat bilan o‘qib chiqing.
-Ushbu ilova-varaqani saqlab qo‘ying. U sizga yana kerak bo‘lishi mumkin.
-Agar sizda savollar tug‘ilsa, o‘z shifokoringiz yoki farmatsevtga murojaat qiling.
-Bu preparat shaxsan Sizga qabul qilish uchun yozib berilgan. Uni boshqa shaxslarga berish mumkin emas. Xatto agarda ularning simptomlari siznikiga o‘xshash bo‘lsa ham, bu ularga zarar yetkazishi mumkin.
-Agar nojo‘ya samaralari jiddiy tus olsa yoki Siz ushbu ilova-varaqada keltirilmagan noxush ta'sirlarni aniqlasangiz, bu haqida o‘z shifokoringizga yoki farmatsevtga xabar bering.
1.SAVDO NOMI
NOLIPREL BI-FORTE.
2. DORI SHAKLI
Plyonka qobiq bilan qoplangan tabletkalar, 10 mg/2,5 mg.
3. TA'SIR ETUVCHI MODDANING NOMI
Perindopril arginin va indapamid.
4. TARKIBI
NOLIPREL BI-FORTE nima saqlaydi.
-Plyonka qobiq bilan qoplangan bir tabletka 10 mg perindopril arginin (bu 6,79 mg perindoprilga to‘g‘ri keladi) va 2,5 mg indapamid saqlaydi.
-Tabletka yadrosining tarkibiga kiruvchi boshqa ingrediyentlar laktoza monogidrati, magniy stearati (E470V), maltodekstrin, suvsiz kolloid kremniy dioksidi (E551), natriy kraxmal glikolyati (A turi); plyonka qoplamasining tarkibi glitserin (E422), gipromelloza (E464), makrogol 6000, magniy stearati (E470V), titan dioksidi (E171).
NOLIPREL BI-FORTE qanday ko‘rinishga ega va o‘ram tarkibi
NOLIPREL BI-FORTE - bu oq, dumaloq shaklli, plyonka qobiq bilan qoplangan tabletkadir.
Plyonka qobik bilan qoplangan bir tabletka 10 mg perindopril arginin va 2,5 mg indapamid saqlaydi.
Tabletkalar 14, 20, 28, 30, 50, 56, 60, 90, 100 yoki 500 tabletka saqlovchi konteynerlarda chiqariladi.
Sotuvda barcha qadoqdagi o‘ramlari bo‘lmasligi mumkin.
5. FARMAKOTERAPEVTIK GURUHI
Perindoperil va diuretiklar
ATX kodi S09VA04.
6. FARMAKOLOGIK XUSUSIYATLARI
Farmakodinamika
Farmakologik ta'sir mexanizmi
Perindopril bilan bog‘liq
Perindopril – angiotenzin I ni qon tomirlarni toraytiruvchi modda bo‘lgan angiotenzin II ga aylanuvchi katalizlovchi ferment – angiotenzinga aylantiruvchi ferment ingibitoridir (AAF ingibitoridir). Bundan tashqari, AAF buyrak usti bezlari tomonidan aldosteron sekretsiyasini va qon tomirlarni kengaytiruvchi birikma bradikininni nofaol geptapeptidlargacha parchalanishini rag‘batlantiradi.
Bu
-aldosteron sekretsiyasini susayishiga;
-aldosteron bilan aks bog‘liqlikni yo‘qolishi sababli, plazmada renin faolligini oshishiga;
-uzoq muddat qo‘llanganda tuz va suvni tutib qolinishi yoki reflektor taxikardiya bilan kechmaydigan, asosan mushaklar va buyraklardagi qon tomirlarga ta'siri tufayli qon tomirlarning umumiy periferik qarshiligini pasayishiga olib keladi.
Perindopril shuningdek renin kontsentratsiyasi normal yoki past bo‘lgan bemorlarda ham gipotenziv ta'sir ko‘rsatadi.
Perindoprilning ta'siri uning faol metaboliti perindoprilat bilan bog‘liqdir. Boshqa metabolitlari faol emas.
Perindopril quyidagilar hisobiga
-ehtimol, prostaglandinlarning metabolizmidagi o‘zgarishlar bilan bog‘liq bo‘lgan venalarga tomirlarni kengaytiruvchi ta'siri yurakka old yuklamani pasayishi hisobiga;
-yurak qisqarishidan keyin qon tomirlarning umumiy periferik qarshiligini pasayishi, yurakka keyingi yuklamani pasayishi hisobiga yurak faoliyatini yengillashtiradi.
Yurak yetishmovchiligi bo‘lgan patsiyentlarda o‘tkazilgan tadqiqotlar quyidagilarni
-yurakning o‘ng va chap qorinchasida to‘lish bosimni pasayishi;
-qon tomirlarning umumiy periferik qarshiligini pasayishi;
-yurakdan otilib chiqayotgan qon hajmini oshishi va yurak indeksini yaxshilanishi;
-mushaklarda periferik qon oqimini kuchayishini yuz berishini ko‘rsatdi.
Jismoniy yuklama bilan o‘tkazilgan sinamalar xam natijalarni yaxshilashini ko‘rsatdi.
Indapamid bilan bog‘liq
Indapamid – bu indol xalqasiga ega bo‘lgan, farmakologik jihatdan tiazid diuretiklariga o‘xshash bo‘lgan sulfonamid hosilasidir. Indapamid nefron halqasining kortikal segmentida natriyni qayta so‘rilishini ingibitsiya qiladi. Preparat natriy va xloridlarni va shuningdek, kamroq darajada kaliy va magniyni siydik bilan chiqarilishini kuchaytiradi va shu yo‘l bilan siydik hosil bo‘lishini oshirib, gipotenziv ta'sir ko‘rsatadi.
Gipotenziv ta'sir xarakteristikasi
NOLIPREL BI-FORTE bilan bog‘liq
Gipertenziyasi bo‘lgan patsiyentlarning yoshidan qat'iy nazar, NOLIPREL BI-FORTE sistolik va diastolik arterial qon bosimiga xam yotgan holatda, xam turgan holatda dozaga bog‘liq gipotenziv ta'sir ko‘rsatadi.
Perindopril bilan bog‘liq
Perindopril har qanday darajadagi arterial gipertenziyada yengil, o‘rtacha va og‘ir darajadagi gipertenziyada ta'sir ko‘rsatadi. Sistolik va diastolik arterial qon bosimini pasayishi xam yotgan holatda, xam turgan holatda ro‘y beradi.
Maksimal gipotenziv faollik bir martalik doza qabul qilinganidan keyin 4-6 soat o‘tgach kuzatiladi va kamida 24 soat davomida saqlanib qoladi.
Preparat qabul qilinganidan keyin 24 soatdan keyin angiotenzinga aylantiruvchi ferment faolligini ingibitsiya qilinishining yuqori darajasi taxminan 80% ta'siri saqlanib qolishi aniqlanadi.
Davolash ta'sir qilayotgan patsiyentlarda taxifilaksiya rivojlanishisiz saqlanib arterial qon bosimi bir oydan keyin normalizatsiyaga erishiladi.
Davolashni to‘xtatish gipertenziyani tiklashni chaqirmaydi.
Perindopril qon tomirlarini kengaytirish xususiyatiga ega va asosiy arterial qon tomirlarning elastikligini tiklaydi, rezistent arteriyalarda gistomorfometrik o‘zgarishlarni muvofiqlashtiradi va yurakning chap qorinchasi gipertrofiyasini kamaytiradi.
Zarurat tug‘ilganida, tiazid diuretikni qo‘shilishi additiv sinergizmga olib keladi.
Angiotenzinga aylantiruvchi ferment ingibitorini tiazid diuretik bilan majmuada buyurilishi, faqat diuretikning o‘zini qabul qilganda yuz beradigan gipokaliyemiya xavfini pasaytiradi.
Indapamid bilan bog‘liq
Indapamid monoterapiyada 24 soat davomida saqlanib turuvchi gipotenziv ta'sir ko‘rsatadi. Bu samara, indapamidning diuretik ta'siri minimal bo‘lgan dozalarda namoyon bo‘ladi.
Indapamidning gipotenziv samarasi, uni arteriyalarning elastikligini yaxshilash, qon tomirlarning umumiy periferik qarshiligini va arteriolalar qon tomir qarshiligini pasaytirish xususiyati bilan proportsionaldir.
Indapamid chap qorincha gipertrofiyasini kamaytiradi.
Tiazid va tiazidsimon diuretiklarning dozasi oshirilganda, ularning gipotenziv samarasi platoga (muvozanatli holatga) yetadi, ayni paytda nohush samaralari esa, yanada yaqqol namoyon bo‘la boshlaydi. Agar davolash samarasiz bo‘lsa, unda dozani oshirmaslik kerak.
Bundan tashqari, gipertenziya bilan xastalangan patsiyentlarni qisqa muddatli, o‘rtacha muddatli va uzoq muddat davolashda, indapamid
-lipid almashinuviga, ya'ni triglitseridlar, PZLP xolesterini, YuZLP xolesterini miqdoriga;
-uglevodlar almashinuviga, hatto gipertenziyasi bo‘lgan diabetiklarda ham ta'sir qilmaydi.
7. FARMAKOKINETIKASI
NOLIPREL BI-FORTE bilan bog‘liq farmakokinetikasi
Perindopril va indapamidni majmuada qo‘llangandagi farmakokinetik xususiyatlari ularni alohida qo‘llangandagi xususiyatlaridan farq qilmaydi.
Perindopril bilan bog‘liq farmakokinetikasi
Peroral qabul qilinganda perindoprilni so‘rilishi tez yuz beradi, maksimal kontsentratsiyasiga 1 soat davomida erishiladi. Perindoprilning plazmadan yarim chiqarilish davri 1 soatni tashkil qiladi.
Perindopril olddoridir (organizmga tushganidan keyin faol ta'sirga ega moddaga aylanadi). Perindoprilning qabul qilingan dozasini 27% faol metabolit perindoprilat ko‘rinishida qon oqimiga tushadi. Faol metabolit perindoprilatdan tashqari organizmda yana 5 nofaol metabolit hosil bo‘ladi. Perindoprilning plazmadagi cho‘qqi kontsentratsiyasiga preparat qabul qilingandan keyin 3-4 soatdan so‘ng erishiladi.
Ovqat qabul qilish perindoprilni perindoprilatga aylanishini va demak uning biokiraolishligini ham kamaytiradi, shuning uchun perindopril arginin tuzini sutkada bir marta, peroral, ertalab ovqatdan oldin qabul qilish tavsiya qilinadi.
Perindoprilning dozasi va uning plazmadagi ekspozitsiyasi orasidagi bog‘liqlik borligi ko‘rsatilgan.
Bog‘langan perindoprilatning taqsimlanish hajmi 0,2 l/kg ni tashkil qiladi. Perindoprilning plazma oqsillari bilan bog‘lanishi 20% ni tashkil qiladi, va asosan angiotenzinga aylantiruvchi ferment bilan bog‘lanadi, lekin preparatning kontsentratsiyasiga bog‘liqdir.
Perindoprilat siydik bilan chiqariladi, uning erkin fraktsiyasini yakuniy yarim chiqarilish davri taxminan 17 soatni tashkil qiladi, bu 4 kun davomida muvozanat holatiga erishishga imkon beradi.
Perindoprilatni chiqarilishi keksa patsiyentlarda, shuningdek yurak yoki buyrak yetishmovchiligi bo‘lgan patsiyentlarda sekinlashishi mumkin. Buyrak yetishmovchiligi bo‘lgan patsiyentlarda dozani tanlashni buyrak faoliyatini buzilish darajasini (kreatinin klirensini) hisobga olib o‘tkazish tavsiya qilinadi.
Dializda perindoprilning klirensi minutiga 70 ml ni tashkil qiladi.
Perindoprilning kinetikasi jigar sirrozi bo‘lgan patsiyentlarda o‘zgarishi mumkin dastlabki molekulaning jigar klirensi yarmiga kamayadi. Biroq, hosil bo‘ladigan perindoprilatning miqdori kamaymaydi, shuning uchun dozani tanlash talab etilmaydi.
Indapamid bilan bog‘liq farmakokinetikasi
Indapamid me'da-ichak yo‘llaridan tez va to‘liq so‘riladi.
Odam plazmasidagi cho‘qqi kontsentratsiyasiga peroral qabul qilingandan keyin taxminan bir soatdan so‘ng erishiladi. Plazma oqsillari bilan bog‘lanishi 79% ni tashkil qiladi.
Yarim chiqarilish davri 14 soatdan 24 soatgacha (o‘rtacha taxminan 18 soat) ni tashkil qiladi. Preparatni takroran qabul qilish uni organizmda to‘planishiga olib kelmaydi. Asosan siydik bilan (dozaning 70%) va ahlat bilan (22%) nofaol metabolitlar shaklida chiqariladi.
Buyrak yetishmovchiligi bo‘lgan patsiyentlarda farmakokinetikasi o‘zgarmaydi.
8. QO‘LLANILISHI
10 mg perindopril arginin va 2,5 mg indapamid bilan arterial gipertenziyani davolash zarur bo‘lganida NOLIPREL® BI-FORTE arterial gipertenziyani davolash uchun qo‘llanadi.
9. QO‘LLASH USULI VA DOZALASH TARTIBI
NOLIPREL BI-FORTE qabul qilishda doimo shifokorning ko‘rsatmalariga qat'iy rioya qiling. Agar Siz nimadandir shubhalansangiz, albatta o‘z shifokoringizga yoki farmatsevtga murojaat qiling. Odatdagi doza sutkada bir tabletkani tashkil qiladi. Tabletkalarni ertalab, ovqatdan oldin qabul qilgan afzal. Tabletkani bir stakan suv bilan qabul qiling.
Agar siz NOLIPREL BI-FORTE qabul qilishni unutgan bo‘lsangiz
Preparatni har kuni qabul qilish muhimdir, chunki muntazam qabul qilish davolashni yanada samaraliroq qiladi. Shunday bo‘lsada, agar Siz NOLIPREL BI-FORTE dozasini qabul qilishni unutgan bo‘lsangiz, keyingi dozani odatdagi vaqtda qabul qiling. Qabul qilishni unutgan dozani o‘rnini to‘ldirish uchun keyingi dozani ikki barobarga oshirmang.
Agar siz NOLIPREL BI-FORTE arginin qabul qilishni to‘xtatsangiz
Gipotenziv davolash butun umr davom etishi tufayli, preparatni qabul qilishni to‘xtatishdan oldin, siz shifokoringiz bilan maslahatlashishingiz kerak.
Agar Sizda preparatni qabul qilish bo‘yicha qo‘shimcha savollar tug‘ilgan bo‘lsa, o‘z shifokoringiz yoki farmatsevtga murojaat qiling.
10. NOJO‘YA TA'SIRI
Har qanday boshqa dori preparatlari kabi, NOLIPREL BI-FORTE ham, garchi har bir patsiyentda bo‘lmasada, nojo‘ya ta'sirlarni chaqirishi mumkin.
Agar quyidagi holatlardan birortasi paydo bo‘lsa, Siz ushbu dori preparatini qabul qilishni darhol to‘xtating va o‘z shifokoringiz bilan bog‘laning
-yuz, lablar, og‘iz, til yoki tomoq shishsa, nafas olishingiz qiyinlashsa;
-agar boshingiz yaqqol aylansa yoki xushingizdan ketsangiz;
-agar g‘ayri oddiy tez yoki nomuntazam yurak urishi paydo bo‘lsa.
Nojo‘ya samaralari quyidagilarni o‘z ichiga olishi mumkin (tez-tezligini pasayishi tartibida)
-Tarqalgan (preparatni qabul qilayotgan 10 odamdan 1 nafardan kamida, lekin 100 odamdan 1 nafaridan ortig‘ida kuzatiladi) bosh og‘rig‘i, bosh aylanishi, vertigo, sanchilish va chimchilash hissi, ko‘rishni buzilishi, tinnitus (quloqlarni shang‘illashi), arterial qon bosimni pasayishi tufayli yengil bosh aylanishi, yo‘tal, hansirash, ovqat hazm qilish tizimi tomonidan buzilishlar (ko‘ngil aynishi, qusish, qorindagi og‘riq, ta'mni o‘zgarishi, og‘izni qurishi, dispepsiya yoki ovqat hazm qilishini buzilishi, diareya, qabziyat), allergik reaktsiyalar (teri toshmasi, qichishish kabi), mushak tirishishlar, charchoqlik xissi.
-Tarqalmagan (preparatni qabul qilayotgan 100 odamdan 1 nafardan kam, lekin 1000 odamda 1 nafaridan ortig‘ida kuzatiladi); kayfiyatni o‘zgarishi, uyquni buzilishi, bronxospazm (ko‘krak sohasida ezilish hissi, xushtaksimon nafas va xansirash), angionevrotik shish (xushtaksimon nafas, yuz va tilni shishi kabi simptomlar), eshakemi, purpura (terida qizil nuqtalar), buyrak faoliyatini buzilishi, impotentsiya, ko‘p terlash.
-Juda kam hollarda (preparatni qabul qilayotgan 10000 odamdan 1 nafardan kamidakuzatiladi) ongni chalkashishi, yurak-qon tomir buzilishlari (yurak notekis urishi, stenokardiya, infarkt), eozinofil pnevmoniya (pnevmoniyani kam uchraydigan turi), rinit (burun bitishi yoki tumov), ko‘p shaklli eritema kabi og‘ir teri reaktsiyalari. Agar Siz tizimli qizil yugurik bilan xastalangan bo‘lsangiz (kollagenozli-qon tomir kasalligi), unda u yomonlashish mumkin. Quyoshda yoki sun'iy ultrabinafsha nurlarida bo‘lgandan keyin fotosezuvchanlik reaktsiyalari hollari (terining tashqi ko‘rinishini o‘zgarishi) xaqida xabarlar bor.
-Noma'lum (mavjud ma'lumotlarga ko‘ra tez-tezligini aniqlashning iloji yo‘q) hushdan ketish, hayotga xavf soluvchi nomuntazam yurak ritmi (“piruet” turdagi paroksizmal yurak qorinchalari taxikardiyasi), EKG ni anomal qo‘rsatqichlari, jigar fermentlari darajasini oshishi.
Qon, buyrak, jigar, me'da osti bezi tomonidan buzilishlar yuz berishi yoki laboratoriya ko‘rsatkichliklari (qon tahlillari) o‘zgarishi mumkin. Sizning holatingizni tekshirib ko‘rish uchun shifokor sizga qon tahlilini o‘tkazishni buyurishi mumkin.
Jigar yetishmovchiligi (jigar kasalligida) bo‘lganida, jigar entsefalopatiyasi (bosh miyaning degenerativ kasalligi) yuz berishi mumkin.
Agar nojo‘ya ta'sirlari jiddiy tus olsa yoki Siz bu ilova-varaqada keltirilmagan nojo‘ya ta'sirlarni aniqlasangiz, bu haqida o‘z shifokoringiz yoki farmatsevtga xabar bering.
11. QO‘LLASH MUMKIN BO‘LMAGAN HOLATLAR
NOLIPREL BI-FORTE qabul qilmang
-agar Sizda perindoprilga, har qanday boshqa AAF ingibitoriga, indapamidga, xar qanday boshqa sulfanilamidga yoki NOLIPREL BI-FORTE preparatining har qanday boshqa komponentiga allergiya bo‘lsa;
-agar ilgari boshqa AAF ingibitorlarini qabul qilinganda yoki boshqa vaziyatlarda Sizda yoki sizning qarindoshlaringizdan birida xushtaksimon nafas, til yoki yuzni shishishi, kuchli qichishish yoki ko‘p teri toshmasi (angionevrotik shish) kabi simptomlar namoyon bo‘lgan bo‘lsa;
-agar Sizda qandli diabet yoki buyrak faoliyatini buzilishi bo‘lsa yoki Siz aliskerin saqlovchi gipotenziv vositalar qabul qilayotgan bo‘lsangiz;
-agar Sizda jigarning og‘ir kasalligi yoki jigar entsefalopatiyasi (bosh miyaning degenerativ kasalligi) bo‘lsa;
-agar Sizda buyrakning og‘ir kasalligi bo‘lsa yoki Siz dializ o‘tayotgan bo‘lsangiz;
-agar Sizda qonda kaliy miqdori xaddan tashqari yuqori yoki past bo‘lsa;
-agar Sizda davolanmagan dekompensatsiyalangan yurak yetishmovchiligiga (tuzlarni jiddiy tutilib qolishi, nafasni qiyinlashuvi) shubxa bo‘lsa;
-agar Siz homilador bo‘lsangiz va homiladorlikning muddati 3 oydan ortiq bo‘lsa (shuningdek NOLIPREL BI-FORTE homiladorlikning ilk bosqichlarida qabul qilishdan saqlanish kerak – “Homiladorlik va emizish davri” bo‘limiga qarang);
-agar Siz emizayotgan bo‘lsangiz qo‘llash mumkin emas.
12. BOSHQA PREPARATLAR BILAN O‘ZARO TA'SIRI
Boshqa preparatlar qabul qilish.
Agar Siz xar qanday boshqa dori vosiitalarini, shu jumladan retseptsiz olingan dori vositalarni qabul qilayotgan yoki yaqinda qabul qilgan bo‘lsangiz, iltimos bu haqida shifokorga yoki farmatsevtga xabar bering.
NOLIPREL BI-FORTE quyidagi preparatlar bilan bir vaqtda qo‘llashdan saqlaning
-litiy (depressiyani davolash uchun qo‘llanadi);
-kaliyni tejovchi diuretiklar (spironolakton, triamteron), kaliyning tuzlari.
Boshqa preparatlarni qabul qilish NOLIPREL FORTE arginin bilan davolashga ta'sir qilishi mumkin. Extimol, sizning shifokoringizga dozani o‘zgartirish va/yoki boshqa ehtiyotkorlik choralarni ko‘rish talab etilar. Agar Siz quyidagi preparatlarni qabul qilayotgan bo‘lsangiz o‘z davolovchi shifoqoringizni albatta xabardor qiling, chunki ularni qabul qilganda maxsus ehtiyotkorlikka rioya qilish kerak
-arterial gipertenziyani davolashda qo‘llanadigan boshqa preparatlar, shu jumladan angiotenzin II retseptorlar blokatori yoki aliskerin (“NOLIPREL BI-FORTE qabul qilmang” va “NOLIPREL BI-FORTE qabul qilishda juda ehtiyot bo‘ling” sarlavhadagi ma'lumotlarni qarang);
-prokainamid (yurakning ritmini buzilishini davolash uchun);
-allopurinol (podagrani davolash uchun);
-terfenadin yoki astemizol (toshmali isitma yoki allergiyani davolash uchun antigistamin preparatlar);
-turli holatlar, shu jumladan og‘ir astma va revmatoid artritni davolash uchun qo‘llanadigan kortiqosteroidlar;
-immunodepressiv preparatlar autoimmun buzilishlarni davolash uchun yoki transplantatsiya operatsiyalardan keyin ko‘chib ketishni oldini olish uchun qo‘llanadidigan (masalan, siklosporin);
-rakni davolash uchun buyuriladigan preparatlar;
-eritromitsin vena ichiga in'ektsiya ko‘rinishida (antibiotik);
-galofantrin (bezgakning ayrim turlarini davolash uchun qo‘llanadi);
-pentamidin (pnevmoniyalarni davolash uchun qo‘llanadi);
-vinkamin (keksa patsiyentlarda kognitiv buzilishlarni shu jumladan, xotira yo‘qolishini simptomatik davolash uchun qo‘llanadi);
-bepridil (stenokardiyani davolash uchun qo‘llanadi);
-sultoprid (psixozlarni davolash uchun);
-yurak ritmi buzilishlarini davolash uchun buyuriladigan preparatlar (masalan, xinidin, gidroxinidin, dizopiramid, amiodaron, sotalol);
-digoksin yoki boshqa yurak glikozidlari (yurak kasalliklarini davolash uchun),
-baklofen (ayrim kasalliklarda, masalan, tarqoq sklerozlarda ro‘y beradigan mushaklarning qattiqligini davolash uchun);
-insulin yoki metformin kabi qandli diabetni davolash uchun preparatlar;
-kaltsiy, shu jumladan kaltsiy saqlovchi qo‘shimchalar;
-surgi vositalari (masalan, sano);
-nosteroid yalliglanishga qarshi preparatlar (masalan, ibuprofen) yoki salitsilatlarning yuqori dozalari (masalan, aspirin);
-amfoteritsin V vena ichiga in'ektsiya ko‘rinishida (jiddiy zamburug‘i kasalliklarni davolash uchun);
-depressiya, xavotirlik, shizofreniya va boshqalar kabi mental buzilishlarni davolash uchun preparatlar (masalan, tritsiklik antidepressantlar, neyroleptiklar);
-tetrakozaktid (Kron kasalligini davolash uchun).
13. MAXSUS KO‘RSATMALAR
NOLIPREL BI-FORTE qabul qilishda o‘ziga xos ehtiyotkorlikka amal qiling.
Agar quyida keltirilganlardan birortasi Sizga taalluqli bo‘lsa, NOLIPREL BI-FORTE qabul qilishdan oldin shifokor bilan maslahatlashing
-agar Sizda aorta stenozi (yurakdan chiqadigan asosiy qon tomirni torayishi), gipertrofik kardiomiopatiya (yurak mushagining kasalligi) yoki buyrak arteriyasining stenozi (buyrakni qon bilan ta'minlovchi arteriyani torayishi) bo‘lsa;
-agar Sizda boshqa yurak kasalliklari bo‘lsa;
-agar Sizda jigar kasalliklari bo‘lsa;
-agar Sizda kollagenoz-qon tomirli kasalliklari (tizimli qizil yugirik yoki sklerodermiya) bo‘lsa;
-agar sizda ateroskleroz bo‘lsa (qon tomiralar devorini qalinlashi);
-agar Sizda giperparatireoz (qalqonsimon bezi oldi bezlarining faolligi oshgan) bo‘lsa;
-agar Sizda podagra bo‘lsa;
-agar Sizda qandli diabet bo‘lsa;
-agar Siz tuzni kam saqlovchi parhezga rioya qilayotgan yoki kaliy saqlovchi tuz o‘rnini bosuvchilarini qabul qilayotgan bo‘lsangiz;
-agar Siz litiy yoki kaliyni tejovchi diuretiklarni (spironolakton, triamteren) qabul qilayotgan bo‘lsangiz, ularni NOLIPREL BI-FORTE bilan bir vaqtda qo‘llash mumkin emas (“Boshqa preparatlarni qabul qilish” ga qarang).
-agar Siz yuqori arterial qon bosimni davolash uchun quyidagi sanab o‘tilgan biron bir ko‘rsatilgan dori vositalar qabul qilsangiz
-angiotenzin II retseptorlar blokatorlari (sartan kabi ma'lum, masalan valsartan, telmisartan, irbersartan), shu jumladan qandli diabet bilan bog‘liq bo‘lgan buyrak faoliyatini buzilishi;
-aliskiren.
Sizning shiforingiz buyrak faoliyatini, arterial qon bosim va qonda elektrolitlar darajasini (masalan kaliy) muntazam vaqt orasida tekshirishi mumkin.
“Quyidagi hollarda NOLIPREL BI-FORTE qabul qilmang” bo‘limini qarang.
Agar siz homiladorman deb o‘ylasangiz (yoki homiladorlikni rejalashtirayotgan bo‘lsangiz), o‘z shifokoringizni ogohlantirishingiz kerak. NOLIPREL BI-FORTE homiladorlikning ilk muddatlarida qabul qilish tavsiya etilmaydi. Preparat 3 oylikdan katta muddatlarda qabul qilinmasligi lozim, chunki bu bolaning sog‘lig‘igajiddiy zarar keltirishi mumkin (“Homiladorlik va laktatsiya davri” qarang).
Siz NOLIPREL BI-FORTE qabul qilayotganingizda, Siz shuningdek quyidagilar haqida o‘z davolovchi shifokoringizni yoki tibbiy xodimlarni xabardor qilishingiz kerak
-agar Sizga anesteziya va/yoki jiddiy jarrohlik operatsiyasi qilinadigan bo‘lsa;
-agar Sizda yaqinda diareya yoki qusish kuzatilgan yoki Sizning organizmgiz suvsizlangan bo‘lsa;
-agar Siz dializ yoki PZLP aferezini o‘tayotgan bo‘lsangiz (qondan holesterinni apparat yordamida chiqarish);
-agar Siz asalari yoki arilarni chaqishiga bo‘lgan allergik reaktsiyalarni kamaytirishi kerak bo‘lgan desensibilizatsiyalangan davolash o‘tayotgan bo‘lsangiz;
-agar Siz tibbiy tekshiruvdan o‘tayotgan bo‘lsangiz, uning uchun yod saqlovchi kontrast moddalarni (ichki a'zolar, masalan, buyraklar yoki me'dani rentgen nurlari yordamida tekshirishga imkon beradigan moddalar) yuborish talab qilinsa.
Sportchilar NOLIPREL BI-FORTE doping-nazoratni o‘tkazishda ijobiy reaktsiya berishi mumkin bo‘lgan faol modda (indapamid) saqlashini bilishlari kerak.
NOLIPREL BI-FORTE bolalarga buyurish mumkin emas.
NOLIPREL BI-FORTE ovqat va suyuqlik bilan qabul qilish
NOLIPREL BI-FORTE ovqatdan oldin qabul qilish afzalroq
Homiladorlik va emizish davri
Har kanday dori vositani qabul qilishdan oldin shifokor yoki farmatsevt bilan maslahatlashingiz.
Homiladorlik
Agar siz homiladorman deb o‘ylasangiz (yoki xomiladorlikni rejalashtirayotgan bo‘lsangiz), shifokorni xabardor qilish kerak.
Odatda, shifokor sizga NOLIPREL BI-FORTE xomiladorlikkacha yoki xomiladorlik tasdiqlangandan keyin qabul qilishni darxol to‘xtatishni maslahat berishi va NOLIPREL BI-FORTE o‘rniga boshqa preparatni buyurishi mumkin. NOLIPREL BI-FORTE xomiladorlikning ilk muddatlarida qabul qilish tavsiya etilmaydi. Preparat 3 oylikdan katta muddatlarda qabul qilinmasligi lozim, chunki bu bolaning sog‘lig‘igajiddiy zarar keltirishi mumkin.
Emizish davri
Agar siz emizayotgan bo‘lsangiz yoki emizishni rejalashtirayotgan bo‘lsangiz bu haqida shifokoringizni habardor qiling. NOLIPREL BI-FORTE preparatini emizish davrida qabul qilish man etiladi. Agar Siz emizishni hoxlasangiz, ayniqsa agar yangi tug‘ilgan chaqaloq bo‘lsa yoki muddatidan oldin tug‘ilgan bo‘lsa shifokoringiz Sizga boshqa davoni buyurishi mumkin.
Avtotransportni haydash va mexanizmlarni boshqarish qobiliyati
NOLIPREL BI-FORTE odatda hushyorlikka ta'sir qilmaydi, lekin ayrim patsiyentlarda arterial bosimni pasayishi tufayli, turli reaktsiyalar, masalan, bosh aylanishi yoki holsizlik paydo bo‘lishi mumkin. Natijada avtomobilni va boshqa mexanizmlarni boshqarish qobiliyati buzilishi mumkin.
NOLIPREL BI-FORTE tarkibiga kiruvchi ayrim ingrediyentlar to‘g‘risida muhim ma'lumot
NOLIPREL BI-FORTE arginin laktoza (qand turi) saqlaydi. Agar shifokor Sizda ayrim qandlarni o‘zlashtiraolmaslik borligini aytgan bo‘lsa, unda bu preparatni qabul qilishni boshlashdan oldin o‘z shifokoringiz bilan maslahatlashing.
14. DOZANI OSHIRIB YUBORILISHI
Agar Siz haddan tashqari ko‘p tabletka qabul qilgan bo‘lsangiz, yaqindagi tez yordam punkti bilan bog‘laning yoki darhol bu haqida o‘z shifokoringizga habar bering. Doza oshirib yuborilganida eng ko‘p uchraydigan samara arterial bosimni pasayishidir. Agar Sizda arterial bosim tushib ketsa (bosh aylanishi yoki xushdan ketish kabi simptomlar kuzatilsa), yoting va oyoqlaringizni ko‘taring, bu Sizning ahvolingizni yengillashtirishi mumkin.
15. SAQLASH BO‘YICHA TAVSIYALAR
Bolalar ololmaydigan joyda saqlansin.
NOLIPREL BI-FORTE karton qutida va konteynerda ko‘rsatilgan yaroqlilik muddati o‘tganidan so‘ng qabul qilinmasin.
Yaroqlilik muddati
ko‘rsatilganida ko‘rsatilgan oyning so‘nggi kuni nazarda tutiladi.
Nam tushishiga yo‘l qo‘ymaslik uchun konteynerni zich yopish kerak.
Bu preparat 30°C dan yuqori bo‘lmagan haroratda saqlanishi kerak.
Dorini oqar suvlarga yoki maishiy chiqindilarga tashlash mumkin emas. Qabul qilinishi tugagan dorilardan qanday holi bo‘lishni farmatsevtdan so‘rang. Bu chora-tadbirlar atrof-muhitni himoyalashga qaratilgan.
16. SAQLASh MUDDATI
3 yil.
17. SOTISH TARTIBI
Dori preparati shifokor retsepti bo‘yicha berish uchun.
18. ISHLAB CHIQARUVCHI NOMI VA MANZILI
Qayd qilish guvohnomasini egasi
Les Laboratoires Servier / Le Laboratuar Servye
50, rue Carnot
92284 Suresnes Cedex France - Fransiya
perindopril arginin/indapamid
Preparatni qabul qilishni boshlashdan oldin ushbu ilova-varaqani oxirigacha diqqat bilan o‘qib chiqing.
-Ushbu ilova-varaqani saqlab qo‘ying. U sizga yana kerak bo‘lishi mumkin.
-Agar sizda savollar tug‘ilsa, o‘z shifokoringiz yoki farmatsevtga murojaat qiling.
-Bu preparat shaxsan Sizga qabul qilish uchun yozib berilgan. Uni boshqa shaxslarga berish mumkin emas. Xatto agarda ularning simptomlari siznikiga o‘xshash bo‘lsa ham, bu ularga zarar yetkazishi mumkin.
-Agar nojo‘ya samaralari jiddiy tus olsa yoki Siz ushbu ilova-varaqada keltirilmagan noxush ta'sirlarni aniqlasangiz, bu haqida o‘z shifokoringizga yoki farmatsevtga xabar bering.
1.SAVDO NOMI
NOLIPREL BI-FORTE.
2. DORI SHAKLI
Plyonka qobiq bilan qoplangan tabletkalar, 10 mg/2,5 mg.
3. TA'SIR ETUVCHI MODDANING NOMI
Perindopril arginin va indapamid.
4. TARKIBI
NOLIPREL BI-FORTE nima saqlaydi.
-Plyonka qobiq bilan qoplangan bir tabletka 10 mg perindopril arginin (bu 6,79 mg perindoprilga to‘g‘ri keladi) va 2,5 mg indapamid saqlaydi.
-Tabletka yadrosining tarkibiga kiruvchi boshqa ingrediyentlar laktoza monogidrati, magniy stearati (E470V), maltodekstrin, suvsiz kolloid kremniy dioksidi (E551), natriy kraxmal glikolyati (A turi); plyonka qoplamasining tarkibi glitserin (E422), gipromelloza (E464), makrogol 6000, magniy stearati (E470V), titan dioksidi (E171).
NOLIPREL BI-FORTE qanday ko‘rinishga ega va o‘ram tarkibi
NOLIPREL BI-FORTE - bu oq, dumaloq shaklli, plyonka qobiq bilan qoplangan tabletkadir.
Plyonka qobik bilan qoplangan bir tabletka 10 mg perindopril arginin va 2,5 mg indapamid saqlaydi.
Tabletkalar 14, 20, 28, 30, 50, 56, 60, 90, 100 yoki 500 tabletka saqlovchi konteynerlarda chiqariladi.
Sotuvda barcha qadoqdagi o‘ramlari bo‘lmasligi mumkin.
5. FARMAKOTERAPEVTIK GURUHI
Perindoperil va diuretiklar
ATX kodi S09VA04.
6. FARMAKOLOGIK XUSUSIYATLARI
Farmakodinamika
Farmakologik ta'sir mexanizmi
Perindopril bilan bog‘liq
Perindopril – angiotenzin I ni qon tomirlarni toraytiruvchi modda bo‘lgan angiotenzin II ga aylanuvchi katalizlovchi ferment – angiotenzinga aylantiruvchi ferment ingibitoridir (AAF ingibitoridir). Bundan tashqari, AAF buyrak usti bezlari tomonidan aldosteron sekretsiyasini va qon tomirlarni kengaytiruvchi birikma bradikininni nofaol geptapeptidlargacha parchalanishini rag‘batlantiradi.
Bu
-aldosteron sekretsiyasini susayishiga;
-aldosteron bilan aks bog‘liqlikni yo‘qolishi sababli, plazmada renin faolligini oshishiga;
-uzoq muddat qo‘llanganda tuz va suvni tutib qolinishi yoki reflektor taxikardiya bilan kechmaydigan, asosan mushaklar va buyraklardagi qon tomirlarga ta'siri tufayli qon tomirlarning umumiy periferik qarshiligini pasayishiga olib keladi.
Perindopril shuningdek renin kontsentratsiyasi normal yoki past bo‘lgan bemorlarda ham gipotenziv ta'sir ko‘rsatadi.
Perindoprilning ta'siri uning faol metaboliti perindoprilat bilan bog‘liqdir. Boshqa metabolitlari faol emas.
Perindopril quyidagilar hisobiga
-ehtimol, prostaglandinlarning metabolizmidagi o‘zgarishlar bilan bog‘liq bo‘lgan venalarga tomirlarni kengaytiruvchi ta'siri yurakka old yuklamani pasayishi hisobiga;
-yurak qisqarishidan keyin qon tomirlarning umumiy periferik qarshiligini pasayishi, yurakka keyingi yuklamani pasayishi hisobiga yurak faoliyatini yengillashtiradi.
Yurak yetishmovchiligi bo‘lgan patsiyentlarda o‘tkazilgan tadqiqotlar quyidagilarni
-yurakning o‘ng va chap qorinchasida to‘lish bosimni pasayishi;
-qon tomirlarning umumiy periferik qarshiligini pasayishi;
-yurakdan otilib chiqayotgan qon hajmini oshishi va yurak indeksini yaxshilanishi;
-mushaklarda periferik qon oqimini kuchayishini yuz berishini ko‘rsatdi.
Jismoniy yuklama bilan o‘tkazilgan sinamalar xam natijalarni yaxshilashini ko‘rsatdi.
Indapamid bilan bog‘liq
Indapamid – bu indol xalqasiga ega bo‘lgan, farmakologik jihatdan tiazid diuretiklariga o‘xshash bo‘lgan sulfonamid hosilasidir. Indapamid nefron halqasining kortikal segmentida natriyni qayta so‘rilishini ingibitsiya qiladi. Preparat natriy va xloridlarni va shuningdek, kamroq darajada kaliy va magniyni siydik bilan chiqarilishini kuchaytiradi va shu yo‘l bilan siydik hosil bo‘lishini oshirib, gipotenziv ta'sir ko‘rsatadi.
Gipotenziv ta'sir xarakteristikasi
NOLIPREL BI-FORTE bilan bog‘liq
Gipertenziyasi bo‘lgan patsiyentlarning yoshidan qat'iy nazar, NOLIPREL BI-FORTE sistolik va diastolik arterial qon bosimiga xam yotgan holatda, xam turgan holatda dozaga bog‘liq gipotenziv ta'sir ko‘rsatadi.
Perindopril bilan bog‘liq
Perindopril har qanday darajadagi arterial gipertenziyada yengil, o‘rtacha va og‘ir darajadagi gipertenziyada ta'sir ko‘rsatadi. Sistolik va diastolik arterial qon bosimini pasayishi xam yotgan holatda, xam turgan holatda ro‘y beradi.
Maksimal gipotenziv faollik bir martalik doza qabul qilinganidan keyin 4-6 soat o‘tgach kuzatiladi va kamida 24 soat davomida saqlanib qoladi.
Preparat qabul qilinganidan keyin 24 soatdan keyin angiotenzinga aylantiruvchi ferment faolligini ingibitsiya qilinishining yuqori darajasi taxminan 80% ta'siri saqlanib qolishi aniqlanadi.
Davolash ta'sir qilayotgan patsiyentlarda taxifilaksiya rivojlanishisiz saqlanib arterial qon bosimi bir oydan keyin normalizatsiyaga erishiladi.
Davolashni to‘xtatish gipertenziyani tiklashni chaqirmaydi.
Perindopril qon tomirlarini kengaytirish xususiyatiga ega va asosiy arterial qon tomirlarning elastikligini tiklaydi, rezistent arteriyalarda gistomorfometrik o‘zgarishlarni muvofiqlashtiradi va yurakning chap qorinchasi gipertrofiyasini kamaytiradi.
Zarurat tug‘ilganida, tiazid diuretikni qo‘shilishi additiv sinergizmga olib keladi.
Angiotenzinga aylantiruvchi ferment ingibitorini tiazid diuretik bilan majmuada buyurilishi, faqat diuretikning o‘zini qabul qilganda yuz beradigan gipokaliyemiya xavfini pasaytiradi.
Indapamid bilan bog‘liq
Indapamid monoterapiyada 24 soat davomida saqlanib turuvchi gipotenziv ta'sir ko‘rsatadi. Bu samara, indapamidning diuretik ta'siri minimal bo‘lgan dozalarda namoyon bo‘ladi.
Indapamidning gipotenziv samarasi, uni arteriyalarning elastikligini yaxshilash, qon tomirlarning umumiy periferik qarshiligini va arteriolalar qon tomir qarshiligini pasaytirish xususiyati bilan proportsionaldir.
Indapamid chap qorincha gipertrofiyasini kamaytiradi.
Tiazid va tiazidsimon diuretiklarning dozasi oshirilganda, ularning gipotenziv samarasi platoga (muvozanatli holatga) yetadi, ayni paytda nohush samaralari esa, yanada yaqqol namoyon bo‘la boshlaydi. Agar davolash samarasiz bo‘lsa, unda dozani oshirmaslik kerak.
Bundan tashqari, gipertenziya bilan xastalangan patsiyentlarni qisqa muddatli, o‘rtacha muddatli va uzoq muddat davolashda, indapamid
-lipid almashinuviga, ya'ni triglitseridlar, PZLP xolesterini, YuZLP xolesterini miqdoriga;
-uglevodlar almashinuviga, hatto gipertenziyasi bo‘lgan diabetiklarda ham ta'sir qilmaydi.
7. FARMAKOKINETIKASI
NOLIPREL BI-FORTE bilan bog‘liq farmakokinetikasi
Perindopril va indapamidni majmuada qo‘llangandagi farmakokinetik xususiyatlari ularni alohida qo‘llangandagi xususiyatlaridan farq qilmaydi.
Perindopril bilan bog‘liq farmakokinetikasi
Peroral qabul qilinganda perindoprilni so‘rilishi tez yuz beradi, maksimal kontsentratsiyasiga 1 soat davomida erishiladi. Perindoprilning plazmadan yarim chiqarilish davri 1 soatni tashkil qiladi.
Perindopril olddoridir (organizmga tushganidan keyin faol ta'sirga ega moddaga aylanadi). Perindoprilning qabul qilingan dozasini 27% faol metabolit perindoprilat ko‘rinishida qon oqimiga tushadi. Faol metabolit perindoprilatdan tashqari organizmda yana 5 nofaol metabolit hosil bo‘ladi. Perindoprilning plazmadagi cho‘qqi kontsentratsiyasiga preparat qabul qilingandan keyin 3-4 soatdan so‘ng erishiladi.
Ovqat qabul qilish perindoprilni perindoprilatga aylanishini va demak uning biokiraolishligini ham kamaytiradi, shuning uchun perindopril arginin tuzini sutkada bir marta, peroral, ertalab ovqatdan oldin qabul qilish tavsiya qilinadi.
Perindoprilning dozasi va uning plazmadagi ekspozitsiyasi orasidagi bog‘liqlik borligi ko‘rsatilgan.
Bog‘langan perindoprilatning taqsimlanish hajmi 0,2 l/kg ni tashkil qiladi. Perindoprilning plazma oqsillari bilan bog‘lanishi 20% ni tashkil qiladi, va asosan angiotenzinga aylantiruvchi ferment bilan bog‘lanadi, lekin preparatning kontsentratsiyasiga bog‘liqdir.
Perindoprilat siydik bilan chiqariladi, uning erkin fraktsiyasini yakuniy yarim chiqarilish davri taxminan 17 soatni tashkil qiladi, bu 4 kun davomida muvozanat holatiga erishishga imkon beradi.
Perindoprilatni chiqarilishi keksa patsiyentlarda, shuningdek yurak yoki buyrak yetishmovchiligi bo‘lgan patsiyentlarda sekinlashishi mumkin. Buyrak yetishmovchiligi bo‘lgan patsiyentlarda dozani tanlashni buyrak faoliyatini buzilish darajasini (kreatinin klirensini) hisobga olib o‘tkazish tavsiya qilinadi.
Dializda perindoprilning klirensi minutiga 70 ml ni tashkil qiladi.
Perindoprilning kinetikasi jigar sirrozi bo‘lgan patsiyentlarda o‘zgarishi mumkin dastlabki molekulaning jigar klirensi yarmiga kamayadi. Biroq, hosil bo‘ladigan perindoprilatning miqdori kamaymaydi, shuning uchun dozani tanlash talab etilmaydi.
Indapamid bilan bog‘liq farmakokinetikasi
Indapamid me'da-ichak yo‘llaridan tez va to‘liq so‘riladi.
Odam plazmasidagi cho‘qqi kontsentratsiyasiga peroral qabul qilingandan keyin taxminan bir soatdan so‘ng erishiladi. Plazma oqsillari bilan bog‘lanishi 79% ni tashkil qiladi.
Yarim chiqarilish davri 14 soatdan 24 soatgacha (o‘rtacha taxminan 18 soat) ni tashkil qiladi. Preparatni takroran qabul qilish uni organizmda to‘planishiga olib kelmaydi. Asosan siydik bilan (dozaning 70%) va ahlat bilan (22%) nofaol metabolitlar shaklida chiqariladi.
Buyrak yetishmovchiligi bo‘lgan patsiyentlarda farmakokinetikasi o‘zgarmaydi.
8. QO‘LLANILISHI
10 mg perindopril arginin va 2,5 mg indapamid bilan arterial gipertenziyani davolash zarur bo‘lganida NOLIPREL® BI-FORTE arterial gipertenziyani davolash uchun qo‘llanadi.
9. QO‘LLASH USULI VA DOZALASH TARTIBI
NOLIPREL BI-FORTE qabul qilishda doimo shifokorning ko‘rsatmalariga qat'iy rioya qiling. Agar Siz nimadandir shubhalansangiz, albatta o‘z shifokoringizga yoki farmatsevtga murojaat qiling. Odatdagi doza sutkada bir tabletkani tashkil qiladi. Tabletkalarni ertalab, ovqatdan oldin qabul qilgan afzal. Tabletkani bir stakan suv bilan qabul qiling.
Agar siz NOLIPREL BI-FORTE qabul qilishni unutgan bo‘lsangiz
Preparatni har kuni qabul qilish muhimdir, chunki muntazam qabul qilish davolashni yanada samaraliroq qiladi. Shunday bo‘lsada, agar Siz NOLIPREL BI-FORTE dozasini qabul qilishni unutgan bo‘lsangiz, keyingi dozani odatdagi vaqtda qabul qiling. Qabul qilishni unutgan dozani o‘rnini to‘ldirish uchun keyingi dozani ikki barobarga oshirmang.
Agar siz NOLIPREL BI-FORTE arginin qabul qilishni to‘xtatsangiz
Gipotenziv davolash butun umr davom etishi tufayli, preparatni qabul qilishni to‘xtatishdan oldin, siz shifokoringiz bilan maslahatlashishingiz kerak.
Agar Sizda preparatni qabul qilish bo‘yicha qo‘shimcha savollar tug‘ilgan bo‘lsa, o‘z shifokoringiz yoki farmatsevtga murojaat qiling.
10. NOJO‘YA TA'SIRI
Har qanday boshqa dori preparatlari kabi, NOLIPREL BI-FORTE ham, garchi har bir patsiyentda bo‘lmasada, nojo‘ya ta'sirlarni chaqirishi mumkin.
Agar quyidagi holatlardan birortasi paydo bo‘lsa, Siz ushbu dori preparatini qabul qilishni darhol to‘xtating va o‘z shifokoringiz bilan bog‘laning
-yuz, lablar, og‘iz, til yoki tomoq shishsa, nafas olishingiz qiyinlashsa;
-agar boshingiz yaqqol aylansa yoki xushingizdan ketsangiz;
-agar g‘ayri oddiy tez yoki nomuntazam yurak urishi paydo bo‘lsa.
Nojo‘ya samaralari quyidagilarni o‘z ichiga olishi mumkin (tez-tezligini pasayishi tartibida)
-Tarqalgan (preparatni qabul qilayotgan 10 odamdan 1 nafardan kamida, lekin 100 odamdan 1 nafaridan ortig‘ida kuzatiladi) bosh og‘rig‘i, bosh aylanishi, vertigo, sanchilish va chimchilash hissi, ko‘rishni buzilishi, tinnitus (quloqlarni shang‘illashi), arterial qon bosimni pasayishi tufayli yengil bosh aylanishi, yo‘tal, hansirash, ovqat hazm qilish tizimi tomonidan buzilishlar (ko‘ngil aynishi, qusish, qorindagi og‘riq, ta'mni o‘zgarishi, og‘izni qurishi, dispepsiya yoki ovqat hazm qilishini buzilishi, diareya, qabziyat), allergik reaktsiyalar (teri toshmasi, qichishish kabi), mushak tirishishlar, charchoqlik xissi.
-Tarqalmagan (preparatni qabul qilayotgan 100 odamdan 1 nafardan kam, lekin 1000 odamda 1 nafaridan ortig‘ida kuzatiladi); kayfiyatni o‘zgarishi, uyquni buzilishi, bronxospazm (ko‘krak sohasida ezilish hissi, xushtaksimon nafas va xansirash), angionevrotik shish (xushtaksimon nafas, yuz va tilni shishi kabi simptomlar), eshakemi, purpura (terida qizil nuqtalar), buyrak faoliyatini buzilishi, impotentsiya, ko‘p terlash.
-Juda kam hollarda (preparatni qabul qilayotgan 10000 odamdan 1 nafardan kamidakuzatiladi) ongni chalkashishi, yurak-qon tomir buzilishlari (yurak notekis urishi, stenokardiya, infarkt), eozinofil pnevmoniya (pnevmoniyani kam uchraydigan turi), rinit (burun bitishi yoki tumov), ko‘p shaklli eritema kabi og‘ir teri reaktsiyalari. Agar Siz tizimli qizil yugurik bilan xastalangan bo‘lsangiz (kollagenozli-qon tomir kasalligi), unda u yomonlashish mumkin. Quyoshda yoki sun'iy ultrabinafsha nurlarida bo‘lgandan keyin fotosezuvchanlik reaktsiyalari hollari (terining tashqi ko‘rinishini o‘zgarishi) xaqida xabarlar bor.
-Noma'lum (mavjud ma'lumotlarga ko‘ra tez-tezligini aniqlashning iloji yo‘q) hushdan ketish, hayotga xavf soluvchi nomuntazam yurak ritmi (“piruet” turdagi paroksizmal yurak qorinchalari taxikardiyasi), EKG ni anomal qo‘rsatqichlari, jigar fermentlari darajasini oshishi.
Qon, buyrak, jigar, me'da osti bezi tomonidan buzilishlar yuz berishi yoki laboratoriya ko‘rsatkichliklari (qon tahlillari) o‘zgarishi mumkin. Sizning holatingizni tekshirib ko‘rish uchun shifokor sizga qon tahlilini o‘tkazishni buyurishi mumkin.
Jigar yetishmovchiligi (jigar kasalligida) bo‘lganida, jigar entsefalopatiyasi (bosh miyaning degenerativ kasalligi) yuz berishi mumkin.
Agar nojo‘ya ta'sirlari jiddiy tus olsa yoki Siz bu ilova-varaqada keltirilmagan nojo‘ya ta'sirlarni aniqlasangiz, bu haqida o‘z shifokoringiz yoki farmatsevtga xabar bering.
11. QO‘LLASH MUMKIN BO‘LMAGAN HOLATLAR
NOLIPREL BI-FORTE qabul qilmang
-agar Sizda perindoprilga, har qanday boshqa AAF ingibitoriga, indapamidga, xar qanday boshqa sulfanilamidga yoki NOLIPREL BI-FORTE preparatining har qanday boshqa komponentiga allergiya bo‘lsa;
-agar ilgari boshqa AAF ingibitorlarini qabul qilinganda yoki boshqa vaziyatlarda Sizda yoki sizning qarindoshlaringizdan birida xushtaksimon nafas, til yoki yuzni shishishi, kuchli qichishish yoki ko‘p teri toshmasi (angionevrotik shish) kabi simptomlar namoyon bo‘lgan bo‘lsa;
-agar Sizda qandli diabet yoki buyrak faoliyatini buzilishi bo‘lsa yoki Siz aliskerin saqlovchi gipotenziv vositalar qabul qilayotgan bo‘lsangiz;
-agar Sizda jigarning og‘ir kasalligi yoki jigar entsefalopatiyasi (bosh miyaning degenerativ kasalligi) bo‘lsa;
-agar Sizda buyrakning og‘ir kasalligi bo‘lsa yoki Siz dializ o‘tayotgan bo‘lsangiz;
-agar Sizda qonda kaliy miqdori xaddan tashqari yuqori yoki past bo‘lsa;
-agar Sizda davolanmagan dekompensatsiyalangan yurak yetishmovchiligiga (tuzlarni jiddiy tutilib qolishi, nafasni qiyinlashuvi) shubxa bo‘lsa;
-agar Siz homilador bo‘lsangiz va homiladorlikning muddati 3 oydan ortiq bo‘lsa (shuningdek NOLIPREL BI-FORTE homiladorlikning ilk bosqichlarida qabul qilishdan saqlanish kerak – “Homiladorlik va emizish davri” bo‘limiga qarang);
-agar Siz emizayotgan bo‘lsangiz qo‘llash mumkin emas.
12. BOSHQA PREPARATLAR BILAN O‘ZARO TA'SIRI
Boshqa preparatlar qabul qilish.
Agar Siz xar qanday boshqa dori vosiitalarini, shu jumladan retseptsiz olingan dori vositalarni qabul qilayotgan yoki yaqinda qabul qilgan bo‘lsangiz, iltimos bu haqida shifokorga yoki farmatsevtga xabar bering.
NOLIPREL BI-FORTE quyidagi preparatlar bilan bir vaqtda qo‘llashdan saqlaning
-litiy (depressiyani davolash uchun qo‘llanadi);
-kaliyni tejovchi diuretiklar (spironolakton, triamteron), kaliyning tuzlari.
Boshqa preparatlarni qabul qilish NOLIPREL FORTE arginin bilan davolashga ta'sir qilishi mumkin. Extimol, sizning shifokoringizga dozani o‘zgartirish va/yoki boshqa ehtiyotkorlik choralarni ko‘rish talab etilar. Agar Siz quyidagi preparatlarni qabul qilayotgan bo‘lsangiz o‘z davolovchi shifoqoringizni albatta xabardor qiling, chunki ularni qabul qilganda maxsus ehtiyotkorlikka rioya qilish kerak
-arterial gipertenziyani davolashda qo‘llanadigan boshqa preparatlar, shu jumladan angiotenzin II retseptorlar blokatori yoki aliskerin (“NOLIPREL BI-FORTE qabul qilmang” va “NOLIPREL BI-FORTE qabul qilishda juda ehtiyot bo‘ling” sarlavhadagi ma'lumotlarni qarang);
-prokainamid (yurakning ritmini buzilishini davolash uchun);
-allopurinol (podagrani davolash uchun);
-terfenadin yoki astemizol (toshmali isitma yoki allergiyani davolash uchun antigistamin preparatlar);
-turli holatlar, shu jumladan og‘ir astma va revmatoid artritni davolash uchun qo‘llanadigan kortiqosteroidlar;
-immunodepressiv preparatlar autoimmun buzilishlarni davolash uchun yoki transplantatsiya operatsiyalardan keyin ko‘chib ketishni oldini olish uchun qo‘llanadidigan (masalan, siklosporin);
-rakni davolash uchun buyuriladigan preparatlar;
-eritromitsin vena ichiga in'ektsiya ko‘rinishida (antibiotik);
-galofantrin (bezgakning ayrim turlarini davolash uchun qo‘llanadi);
-pentamidin (pnevmoniyalarni davolash uchun qo‘llanadi);
-vinkamin (keksa patsiyentlarda kognitiv buzilishlarni shu jumladan, xotira yo‘qolishini simptomatik davolash uchun qo‘llanadi);
-bepridil (stenokardiyani davolash uchun qo‘llanadi);
-sultoprid (psixozlarni davolash uchun);
-yurak ritmi buzilishlarini davolash uchun buyuriladigan preparatlar (masalan, xinidin, gidroxinidin, dizopiramid, amiodaron, sotalol);
-digoksin yoki boshqa yurak glikozidlari (yurak kasalliklarini davolash uchun),
-baklofen (ayrim kasalliklarda, masalan, tarqoq sklerozlarda ro‘y beradigan mushaklarning qattiqligini davolash uchun);
-insulin yoki metformin kabi qandli diabetni davolash uchun preparatlar;
-kaltsiy, shu jumladan kaltsiy saqlovchi qo‘shimchalar;
-surgi vositalari (masalan, sano);
-nosteroid yalliglanishga qarshi preparatlar (masalan, ibuprofen) yoki salitsilatlarning yuqori dozalari (masalan, aspirin);
-amfoteritsin V vena ichiga in'ektsiya ko‘rinishida (jiddiy zamburug‘i kasalliklarni davolash uchun);
-depressiya, xavotirlik, shizofreniya va boshqalar kabi mental buzilishlarni davolash uchun preparatlar (masalan, tritsiklik antidepressantlar, neyroleptiklar);
-tetrakozaktid (Kron kasalligini davolash uchun).
13. MAXSUS KO‘RSATMALAR
NOLIPREL BI-FORTE qabul qilishda o‘ziga xos ehtiyotkorlikka amal qiling.
Agar quyida keltirilganlardan birortasi Sizga taalluqli bo‘lsa, NOLIPREL BI-FORTE qabul qilishdan oldin shifokor bilan maslahatlashing
-agar Sizda aorta stenozi (yurakdan chiqadigan asosiy qon tomirni torayishi), gipertrofik kardiomiopatiya (yurak mushagining kasalligi) yoki buyrak arteriyasining stenozi (buyrakni qon bilan ta'minlovchi arteriyani torayishi) bo‘lsa;
-agar Sizda boshqa yurak kasalliklari bo‘lsa;
-agar Sizda jigar kasalliklari bo‘lsa;
-agar Sizda kollagenoz-qon tomirli kasalliklari (tizimli qizil yugirik yoki sklerodermiya) bo‘lsa;
-agar sizda ateroskleroz bo‘lsa (qon tomiralar devorini qalinlashi);
-agar Sizda giperparatireoz (qalqonsimon bezi oldi bezlarining faolligi oshgan) bo‘lsa;
-agar Sizda podagra bo‘lsa;
-agar Sizda qandli diabet bo‘lsa;
-agar Siz tuzni kam saqlovchi parhezga rioya qilayotgan yoki kaliy saqlovchi tuz o‘rnini bosuvchilarini qabul qilayotgan bo‘lsangiz;
-agar Siz litiy yoki kaliyni tejovchi diuretiklarni (spironolakton, triamteren) qabul qilayotgan bo‘lsangiz, ularni NOLIPREL BI-FORTE bilan bir vaqtda qo‘llash mumkin emas (“Boshqa preparatlarni qabul qilish” ga qarang).
-agar Siz yuqori arterial qon bosimni davolash uchun quyidagi sanab o‘tilgan biron bir ko‘rsatilgan dori vositalar qabul qilsangiz
-angiotenzin II retseptorlar blokatorlari (sartan kabi ma'lum, masalan valsartan, telmisartan, irbersartan), shu jumladan qandli diabet bilan bog‘liq bo‘lgan buyrak faoliyatini buzilishi;
-aliskiren.
Sizning shiforingiz buyrak faoliyatini, arterial qon bosim va qonda elektrolitlar darajasini (masalan kaliy) muntazam vaqt orasida tekshirishi mumkin.
“Quyidagi hollarda NOLIPREL BI-FORTE qabul qilmang” bo‘limini qarang.
Agar siz homiladorman deb o‘ylasangiz (yoki homiladorlikni rejalashtirayotgan bo‘lsangiz), o‘z shifokoringizni ogohlantirishingiz kerak. NOLIPREL BI-FORTE homiladorlikning ilk muddatlarida qabul qilish tavsiya etilmaydi. Preparat 3 oylikdan katta muddatlarda qabul qilinmasligi lozim, chunki bu bolaning sog‘lig‘igajiddiy zarar keltirishi mumkin (“Homiladorlik va laktatsiya davri” qarang).
Siz NOLIPREL BI-FORTE qabul qilayotganingizda, Siz shuningdek quyidagilar haqida o‘z davolovchi shifokoringizni yoki tibbiy xodimlarni xabardor qilishingiz kerak
-agar Sizga anesteziya va/yoki jiddiy jarrohlik operatsiyasi qilinadigan bo‘lsa;
-agar Sizda yaqinda diareya yoki qusish kuzatilgan yoki Sizning organizmgiz suvsizlangan bo‘lsa;
-agar Siz dializ yoki PZLP aferezini o‘tayotgan bo‘lsangiz (qondan holesterinni apparat yordamida chiqarish);
-agar Siz asalari yoki arilarni chaqishiga bo‘lgan allergik reaktsiyalarni kamaytirishi kerak bo‘lgan desensibilizatsiyalangan davolash o‘tayotgan bo‘lsangiz;
-agar Siz tibbiy tekshiruvdan o‘tayotgan bo‘lsangiz, uning uchun yod saqlovchi kontrast moddalarni (ichki a'zolar, masalan, buyraklar yoki me'dani rentgen nurlari yordamida tekshirishga imkon beradigan moddalar) yuborish talab qilinsa.
Sportchilar NOLIPREL BI-FORTE doping-nazoratni o‘tkazishda ijobiy reaktsiya berishi mumkin bo‘lgan faol modda (indapamid) saqlashini bilishlari kerak.
NOLIPREL BI-FORTE bolalarga buyurish mumkin emas.
NOLIPREL BI-FORTE ovqat va suyuqlik bilan qabul qilish
NOLIPREL BI-FORTE ovqatdan oldin qabul qilish afzalroq
Homiladorlik va emizish davri
Har kanday dori vositani qabul qilishdan oldin shifokor yoki farmatsevt bilan maslahatlashingiz.
Homiladorlik
Agar siz homiladorman deb o‘ylasangiz (yoki xomiladorlikni rejalashtirayotgan bo‘lsangiz), shifokorni xabardor qilish kerak.
Odatda, shifokor sizga NOLIPREL BI-FORTE xomiladorlikkacha yoki xomiladorlik tasdiqlangandan keyin qabul qilishni darxol to‘xtatishni maslahat berishi va NOLIPREL BI-FORTE o‘rniga boshqa preparatni buyurishi mumkin. NOLIPREL BI-FORTE xomiladorlikning ilk muddatlarida qabul qilish tavsiya etilmaydi. Preparat 3 oylikdan katta muddatlarda qabul qilinmasligi lozim, chunki bu bolaning sog‘lig‘igajiddiy zarar keltirishi mumkin.
Emizish davri
Agar siz emizayotgan bo‘lsangiz yoki emizishni rejalashtirayotgan bo‘lsangiz bu haqida shifokoringizni habardor qiling. NOLIPREL BI-FORTE preparatini emizish davrida qabul qilish man etiladi. Agar Siz emizishni hoxlasangiz, ayniqsa agar yangi tug‘ilgan chaqaloq bo‘lsa yoki muddatidan oldin tug‘ilgan bo‘lsa shifokoringiz Sizga boshqa davoni buyurishi mumkin.
Avtotransportni haydash va mexanizmlarni boshqarish qobiliyati
NOLIPREL BI-FORTE odatda hushyorlikka ta'sir qilmaydi, lekin ayrim patsiyentlarda arterial bosimni pasayishi tufayli, turli reaktsiyalar, masalan, bosh aylanishi yoki holsizlik paydo bo‘lishi mumkin. Natijada avtomobilni va boshqa mexanizmlarni boshqarish qobiliyati buzilishi mumkin.
NOLIPREL BI-FORTE tarkibiga kiruvchi ayrim ingrediyentlar to‘g‘risida muhim ma'lumot
NOLIPREL BI-FORTE arginin laktoza (qand turi) saqlaydi. Agar shifokor Sizda ayrim qandlarni o‘zlashtiraolmaslik borligini aytgan bo‘lsa, unda bu preparatni qabul qilishni boshlashdan oldin o‘z shifokoringiz bilan maslahatlashing.
14. DOZANI OSHIRIB YUBORILISHI
Agar Siz haddan tashqari ko‘p tabletka qabul qilgan bo‘lsangiz, yaqindagi tez yordam punkti bilan bog‘laning yoki darhol bu haqida o‘z shifokoringizga habar bering. Doza oshirib yuborilganida eng ko‘p uchraydigan samara arterial bosimni pasayishidir. Agar Sizda arterial bosim tushib ketsa (bosh aylanishi yoki xushdan ketish kabi simptomlar kuzatilsa), yoting va oyoqlaringizni ko‘taring, bu Sizning ahvolingizni yengillashtirishi mumkin.
15. SAQLASH BO‘YICHA TAVSIYALAR
Bolalar ololmaydigan joyda saqlansin.
NOLIPREL BI-FORTE karton qutida va konteynerda ko‘rsatilgan yaroqlilik muddati o‘tganidan so‘ng qabul qilinmasin.
Yaroqlilik muddati
ko‘rsatilganida ko‘rsatilgan oyning so‘nggi kuni nazarda tutiladi.
Nam tushishiga yo‘l qo‘ymaslik uchun konteynerni zich yopish kerak.
Bu preparat 30°C dan yuqori bo‘lmagan haroratda saqlanishi kerak.
Dorini oqar suvlarga yoki maishiy chiqindilarga tashlash mumkin emas. Qabul qilinishi tugagan dorilardan qanday holi bo‘lishni farmatsevtdan so‘rang. Bu chora-tadbirlar atrof-muhitni himoyalashga qaratilgan.
16. SAQLASh MUDDATI
3 yil.
17. SOTISH TARTIBI
Dori preparati shifokor retsepti bo‘yicha berish uchun.
18. ISHLAB CHIQARUVCHI NOMI VA MANZILI
Qayd qilish guvohnomasini egasi
Les Laboratoires Servier / Le Laboratuar Servye
50, rue Carnot
92284 Suresnes Cedex France - Fransiya
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.