Uropres nazal sprey 0.1mg/ml 5ml

Tavsif

Preparatning savdo nomi

Uropres
Tasir etuvchi modda (XPN): Desmopressin

Dori shakli

Nazal sprey.

Tarkibi

1 ml eritma quyidagilarni saqlaydi:
faol modda: 100% desmopressin moddasiga qayta hisoblaganda 0,1 mg desmopressin atsetat;
yordamchi moddalar: benzalkoniy xloridi, natriy xloridi, glitsin, betain gidroxloridi, tozalangan suv.
Tarifi: tiniq rangsiz suyuqlik. Silkitganda, 30 minutdan so‘ng yo‘qolib ketadigan ko‘pik qatlami hosil bo‘ladi.
Farmakoterapevtik guruh: Jinsiy gormonlar va insulinlardan tashqari tizimli foydalanish uchun gormon preparatlari. Gipofiz bezining orqa qismi gormonlari. Vazopressin va uning analoglari.
ATX kodi: N01VA02

Farmakologik xususiyatlari

Farmakodinamika

Desmopressin-tabiiy L-arginin-vazopressin gormonining tarkibiy analogidir. Preparat buyrak egri kanallarining distal qismlari epiteliyasining suv uchun o‘tkazuvchanligini oshiradi va uning qayta so‘rilishini oshiradi. Chiqarilgan siydik miqdorini pasaytiradi va ayni paytda uning osmolyarligini oshiradi va qon plazmasining osmolyarligini pasaytiradi. Bu siyish tez-tezligini pasayishiga va nikturiyaning kamayishiga olib keladi. 10-20 mkg desmopresinni intranazal yuborilgandan keyin antidiuretik ta'siri 8-12 soat davom etadi.

Farmakokinetikasi

Intranazal yuborilgandan keyin preparatning biokirishaolishligi 3% dan 5% gacha. Plazmadagi faol moddaning sezilarli konttsentratsiyasiga 15-30 minutdan so‘ng erishiladi, maksimal konttsentrattsiyaga 1 soatda erishiladi va yuborilgan dozaga bog‘liq. Taqsimlanish hajmi 0,2-0,3 l/kg. Desmopressin gematoentsefalik to‘sig‘i orqali o‘tmaydi. Intranazal yuborilgandan keyin yarim chiqarilish davri o‘rtacha 2-3 soatni tashkil qiladi. Desmopressinning oz miqdori jigarda metabolizmga uchraydi.

Qo‘llanilishi

Antidiuretik vosita sifatida: markaziy genezli qandsiz diabetni davolash; posttravmatik poliuriya va polidipsiyada vaqtinchalik yetishmovchilik yoki gipofizektomiyadan keyingi antidiuretik gormon yo‘qligida, gipofiz bezi soxasidagi jarrohliklar yoki bosh miya jaroxatlari.
Diagnostika vositasi sifatida: buyrakning kontsentratsion xususiyatini aniqlash uchun tezkor test uchun; qandsiz diabetning differentsial diagnostikasi uchun qo‘llaniladi.

Qo‘llash usuli va dozalari

Preparat intranazal tarzda qo‘llaniladi. Ishlatishdan oldin burunni tozalash kerak.
1 sprey-dozada 5 mkg dori vositasi saqlanadi va bir purkashga to‘g‘ri keladi.
Qandsiz diabet, jaroxatdan keyingi poliuriya va markaziy genezli polidipsiya.
Doza individual ravishda tanlanadi, ammo kattalar uchun optimal doza sutkada 1-2 marta 10-20 mkg (2-4 purkash)ni tashkil qiladi. 1 yoshdan katta bolalar uchun doza sutkada 1-2 marta 10 mkg (2 purkash) ni tashkil qiladi. Suyuqlikni ushlab turish va/yoki giponatriyemiya belgilari yuzaga kelganda, davolanishni to‘xtatish va dozani muvofiqlashtirish kerak.
Buyrakning kontsentratsion xususiyatini aniqlash va qandsiz diabetni qiyosiy tashxislash uchun ekspress-test.
Buyrak kontsentratsion xususiyatini baholash uchun quyidagi dozalar qo‘llansin: kattalar uchun – 40 mkg (8 purkash), 1 yoshgacha bo‘lgan bolalar uchun – 10 mkg (2 purkash), 1 yoshdan katta bolalar uchun – 20 mkg (4 purkash).
Ekspress-test qandsiz diabet va boshqa genezli poliurik sindromi o‘rtasida qiyosiy tashxis uchun, shuningdek siydik yo‘li infektsiyasi (tsistit, piyelonefrit) bilan bog‘liq buyrakning pasaygan kontsentratsion xususiyatini baholash uchun ishlatiladi. Shuningdek, sinov masalan, litiy, analgetik, ximioterapevtik preparatlar va immunosupressorlar tomonidan kelib chiqqan tubulointerstitsial zararlanishni erta tashxislash uchun ishlatiladi.
Ekspress-test kunning birinchi yarmida amalga oshiriladi. Preparatni qo‘llashdan keyin birinchi 12 soat ichida suyuqlik iste'moli cheklangan bo‘lishi kerak. 5 yoshgacha bo‘lgan bolalar va yurak kasalligi yoki arterial gipertenziyasi bo‘lgan patsiyentlarda iste'mol qilinadigan suyuqlik miqdorini ikki barobarga kamaytirish kerak.
Sinov boshlanishidan oldin siydikning osmolyalligini aniqlash kerak. Desmopresinni yuborilgandan so‘ng, 2 ta siydik namunalari olinsin (imkon qadar 2 va 4 soatdan keyin). Birinchi soatda olingan siydikni alohida yig‘ish va quyish kerak. Siydikning har ikkala namunasida osmolyallik aniqlanadi. Buyrak kontsentratsion qobiliyatini aniqlash uchun osmolyallikning eng yuqori qiymatini o‘rganishdan oldingi yoki patsiyentning yoshiga mos keladigan referent qiymati (kattalar uchun 800-1000 mOsm/kg) bilan taqqoslanadi. Past qiymatlar, siydikning osmolyalligini eng yuqori ortishi yoki ortmasligi buyrak kontsentratsion qobiliyatini buzilishini ko‘rsatadi. Siydik osmolyalligini sezilarli darajada ortishi, siydik miqdorini sezilarli darajada kamayishi xolati, poliuriya markaziy genezli qandsiz diabet bilan bog‘liq degan ma'noni anglatadi.
Nazal spreyni qo‘llash sxemasi:
• Himoya qalpoqchasi flakondan yechilsin.
• Purkagich bosish orqali faollashtirilsin (sinama purkash).
• Tik holatda bo‘lgan holda purkagich uchi burunning har bir yo‘lagiga navbat bilan joylashtirilsin va dozalovchi nasos bosilsin.
• Qo‘llanilgandan so‘ng flakon qalpoqchasi bilan yopilsin.
Bolalar
Preparatning dozasini nazorat qilish uchun preparatni bolalarda kattalar nazorati ostida qo‘llang.
1 yoshgacha bo‘lgan bolalarda buyrakning kontsentratsion xususiyatini sinovdan o‘tkazish faqat shifoxonada va keyingi kuzatuvlarda amalga oshiriladi.
Nojo‘ya ta'sirlari
Immun tizimi tomonidan: o‘ta yuqori sezuvchanlik reaktsiyalari, shu jumladan isitma, bronxospazm, anafilaksiya.
Moddalar almashinuvi va oziqlanish tomonidan: giponatriyemiya, suvsizlanish.
Nerv tizimi tomonidan: bosh aylanishi, bosh og‘rig‘i, uyquchanlik, miya shishi, giponatriyemik tirishishlar, talvasalar, ongni chalkashishi, ongni pasayishi, koma.
Ruhiyat tomonidan: uyqusizlik, affektiv labillik, qo‘rqinchili tushlar, asabiylashish, agressivlik, bolalarda ruxiy buzilishlar.
Yurak qon-tomir tizimi tomonidan: arterial gipertenziya, to‘lqinlar; yurak ishemik kasalligi bo‘lgan patsiyentlarda stenokardiya xurujlari paydo bo‘lishi mumkin.
Nafas olish tizimi tomonidan: burun bitishi, rinit, burunni qonashi, tomoqni qurishi, yuqori nafas yo‘llarining infektsiyasi, xansirash.
Me'da-ichak yo‘llari tomonidan: ko‘ngil aynishi, qusish, qorin og‘rig‘i, diareya, gastroenterit.
Teri va teri osti to‘qimalari tomonidan: kuchli terlash, allergik reaktsiyalar, shu jumladan teri toshmalari, qichishish, eshakemi.
Mushak–skelet va biriktiruvchi to‘qima tomonidan: mushaklar spazmlari.
Umumiy buzilishlar: yuqori toliqish, umumiy holsizlik, periferik shish, ko‘krak qafasida og‘riq, etni uvishishi.
Laborator va instrumental ma'lumotlar: tana haroratining oshishi, tana vaznining oshishi.
Pediatrik populyatsiya: giponatriyemiya qaytar jarayon bo‘lib, bolalarda ko‘pincha suv iste'moli va/yoki terlashga ta'sir qiluvchi kun tartibidagi o‘zgarishlar tufayli kuzatiladi.
Patsiyentlarning boshqa maxsus guruhlari: yosh bolalarda, qon zardobidagi natriy kontsentratsiyasi normaning pastki chegarasida bo‘lgan keksa patsiyentlarda giponatriyemiya xavfi oshishi mumkin.

Qo‘llash mumkin bo‘lmagan holatlar

• Desmopressin yoki preparatning tarkibiy qismlariga yuqori sezuvchanlik;
• alkogolizm bilan og‘rigan bemorlarda polidipsiya, birlamchi yoki psixogen polidipsiya;
• Villebrand kasalligining og‘ir shakllari (IIb turi);
• VIII faktor faolligini 5% ga kamaytirish va VIII faktorga antitanalarning mavjudligi;
• diuretiklarni tayinlashni talab qiladigan yurak yetishmovchiligi yoki boshqa holatlar;
• o‘rtacha yoki yaqqol buyrak yetishmovchiligi (kreatinin klirensi 50 ml/min dan past);
• giponatremiya;
• antidiuretik gormon sekretsiyasining buzilishi sindromida qo‘llash mumkin emas.
Dorilarning o‘zaro tasiri
Antidiuretik gormon noadekvat sekretsiyasi sindromini keltirib chiqaruvchi xususiyatga ega preparatlar masalan, tritsiklik antidepressantlar, serotoninni qayta bog‘lab oluvchi selektiv ingibitorlar, xlorpromazin, karbamazepin, sulfonilmochevina sinfining ba'zi antidiabetik preparatlari (xususan, xloropropamid) antidiuretik ta'sirni kuchaytirishi va suyuqlikni ushlab turish yoki giponatriyemiya xavfini oshirishi mumkin.
NYaQV suyuqlikni ushlab turishi yoki giponatriyemiyaga olib kelishi mumkin.
Oksitotsin bilan bir vaqtning o‘zida foydalanishda antidiuretik ta'sirning oshishi va bachadon perfuziyasining pasayishi hisobga olinishi kerak.
Klofibrat va indometatsin desmopressin, glibenklamid va litiy tuzlarining antidiuretik ta'sirini kuchaytirishi mumkin.
Yuqoridagi barcha preparatlar bir vaqtning o‘zida ishlatilsa, qon bosimini, plazmadagi natriy darajasini va diurezni nazorat qilish kerak.
Desmopresinning jigarda metabolizmga ta'sir qiluvchi dorilar bilan o‘zaro ta'siri juda kam, chunki in vitro sharoitida da inson jigar hujayralarida mikrosomal metabolizmni o‘rganish desmopressin sezilarli metabolizmini aniqlamadi. Biroq, in vivo sharoitida rasmiy o‘zaro tasirlar o‘tkazilmagan.

Maxsus ko‘rsatmalar

Davolash eng past dozalarda boshlanishi kerak, dozani asta-sekin ehtiyotkorlik bilan oshirish kerak. Uropres®, burun purkashlarini faqat tabletka shaklidagi desmopresinni og‘iz orqali qabul qilishga qarshi ko‘rsatma bo‘lgan patsiyentlarga buyurilishi mumkin.
Suyuqlikni iste'mol qilishda yondosh cheklashlarsiz desmopressin terapiyasi tana vaznining ortishi, bosh og‘rig‘i, ko‘ngil aynishi, qusish va shishish kabi belgilar bilan birga keladigan suvni ushlab turish va giponatriyemiyaga olib kelishi mumkin. Og‘ir holatlarda miya shishi, tirishishlar va koma rivojlanishi mumkin. Gipergidratatsiyani oldini olish uchun suv muvozanatini saqlash kerak.
Markaziy genezli qandsiz diabetni davolashda og‘ir giponatriyemiya preparatni qo‘llash bilan bog‘liq bo‘lishi mumkin. Preparatni ehtiyotkorlik bilan ishlatilishi kerak: yosh va keksa yoshdagi bemorlarda; suv va/yoki elektrolitlar muvozanati buzilishi bilan tavsiflangan holatlarda; bosh miya ichi bosimini oshish xavfi bo‘lgan patsiyentlarda; tromboz xavfi bo‘lgan patsiyentlarda.
Preparat mukovitsidozli bemorlarda ehtiyotkorlik bilan ishlatilishi kerak.
Davolashni boshlashdan oldin qovuq disfunktsiyasining yo‘qligi va qovuqning chiqish teshigining obstruktsiyasi yo‘qligiga ishonch hosil qilish kerak. Davolashdan oldin bemorning suyuqlik iste'molini cheklashi uchun roziligi borligiga ishonch hosil qilishingiz kerak. Bemorlarni, ota-onalarni (agar patsiyent bolalar bo‘lsa) va tibbiy xodimlarni suyuqlik bilan ortiqcha yuklanishdan (shu jumladan suzish paytida) va suyuqlik muvozanati tiklanmaguncha, qusish va diareya fonida desmopresinni to‘xtatish kerakligi haqida ogohlantirish kerak.
Giponatriyemik tirishishlar xavfi tavsiya etilgan boshlang‘ich dozani qo‘llab-quvvatlash va vazopressin sekretsiyasini kuchaytiradigan dori-darmonlarni birgalikda qo‘llashni istisno qilish sharti bilan kamaytirilishi mumkin.
Suyuqlikni ushlab turish patsiyentning tana vaznini, qon plazmasidagi natriy kontsentratsiyasini yoki osmolyallikni kuzatish orqali aniqlanishi mumkin.
Tana vaznining oshishi preparatning dozasini oshib ketishi yoki asosan gipergidratatsiya tufayli bo‘lishi mumkin.
Tizimli infektsiyalar, gastroenterit, isitma kabi elektrolitlar va suyuqliklar muvozanatining buzilishiga olib kelishi mumkin bo‘lgan o‘tkir interkurrent kasalliklar rivojlanishida desmopressin bilan davolashni to‘xtatish kerak.
Giponatriyemiya xolatini oldini olish chora tadbirlari, yani suyuqlikni istemol qilishni cheklashga qattiq etbor berish va zardobdagi natriyni tez tez nazorat qilish, antidiuretik gormon sekretsiyasini buzilish sindromini chaqiruvchi preparatlar, masalan, tritsiklik antidepressantlar, serotoninni qaytar bog‘lovchi selektiv ingibitorlari, xlorpromazin, karbamazepin, sulfonilmochevina preparatlari, NYaQV kabi preparatlari bilan birgalikda davolash kerak.
Buyrakning kontsentratsion qobiliyatini sinab ko‘rishda suyuqlik miqdori 0,5 l ga, ayniqsa preparatni qabul qilguncha 1 soat oldin va preparatni qo‘llashdan keyin 8 soat ichida cheklanishi kerak.
Qandsiz diabet yoki buyrakning kontsentratsion qobiliyatini diagnostik sinovidan so‘ng, suyuqlikni ortiqcha yuklamaslik uchun ehtiyot bo‘lish kerak. Suyuqlikni kiritish majburiy, og‘iz orqali yoki parenteral bo‘lmasligi kerak va patsiyentlar chanqoqni qondirish uchun zarur bo‘lgan darajada suyuqlik olishlari kerak. Preparat tarkibida yordamchi modda sifatida mavjud bo‘lgan benzalkoniy xloridi, ayniqsa, uzoq muddat foydalanilsa, burun shilliq qavatini shishiga olib kelishi mumkin. Agar bunday reaktsiyaga shubha tug‘ilsa (surunkali burun tiqilishi), patsiyentni preparatning nazal shakliga o‘tkazish kerak.
Preparat tarkibida yordamchi modda sifatida mavjud bo‘lgan benzalkoniy xloridi bronxospazmga olib kelishi mumkin. Burun shilliq qavatida o‘zgarishlar: chandiqlar, shishish yoki boshqa kasalliklar bo‘lganda Uropres® burun purkashlaridan foydalanmang, bu preparatning so‘rilishida o‘zgarishlarga olib kelishi mumkin.
Homiladorlik yoki emizish davrida qo‘llash
Homiladorlik davrida qo‘llanilishi: desmopressinni homilador ayollarga ehtiyotkorlik bilan buyurish kerak. Sichqon va quyonlarda inson uchun belgilangan dozadan 100 martadan ortiq dozalar bilan olib borilgan reproduktiv tadqiqotlar desmopresinning xomilaga zararli ta'siri haqida hech qanday belgi ko‘rsatmadi. Bundan tashqari, homiladorlik davrida qandsiz diabetdan davolangan onalardan tug‘ilgan bolalarda yurak nuqsonlari rivojlanishi haqida kamdan-kam xabarlar bo‘lgan. Biroq, mavjud ma'lumotlar homiladorlik davrida desmopressin ta'siriga uchragan bolalarda yurak nuqsonlari rivojlanish chastotasi ko‘payishini o‘z ichiga olmaydi.
Laktatsiya davrida qo‘llanilishi: chaqaloqlarni emizgan va yuqori dozada desmopressin (300 mkg intranazal tarzda) olgan onalar sutini tahlil qilish natijalari shuni ko‘rsatadiki, chaqaloqqa berilishi mumkin bo‘lgan desmopressin miqdori diurezga ta'sir qilish uchun zarur bo‘lganidan kamroq.
Avtotransport yoki boshqa mexanizmlarni boshqaruvda reaktsiya tezligiga ta'sir qilish qobiliyati
Preparat avtotransport vositalarini yoki boshqa mexanizmlarni boshqarish qobiliyatiga juda kam ta'sir ko‘rsatadi yoki ko‘rstamaydi.

Dozani oshirib yuborilishi

Desmopresinning dozasi oshirib yuborilganda giponatriyemiya va tirishishlar olib kelishi mumkin. Dozani oshirib yuborish belgilari preparatning juda yuqori dozasini qo‘llashda, desmopresinni qo‘llash paytida yoki undan keyin suyuqlikni haddan tashqari ishlatish, preparatning intranazal qo‘llanilishida rezorbsiya sharoitlarining kamligi bilan yuzaga kelishi mumkin. Dozani oshirib yuborish quyidagi belgilar bilan namoyon bo‘ladi: tana vaznining ortishi (suvni ushlab turish), bosh og‘rig‘i, ko‘ngil aynishi, arterial gipertenziya, taxikardiya, “to‘lqinlar”, og‘ir holatlarda – gipergidratatsiya va tirishilar.
Kichik yoshdagi bolalarda dozani oshirib yuborish dozani yetarli darajada ehtiyosizlik bilan bog‘liq bo‘lishi mumkin.
Davolash: dozani oshirib yuborishda preparatning dozasini kamaytirish, alohida qabullar oralig‘ini oshirish yoki preparatni qo‘llashni bekor qilish kerak. Miya shishi mavjudligi patsiyentni intensiv terapiya bo‘limida darhol kasalxonaga yotqizishni talab qiladi. Bolalardagi tirishishlar ham darhol intensiv davolanishni talab qiladi. Giponatriyemiya kelib chiqsa, desmopresin bilan davolanish darhol to‘xtatilishi va zardobdagi natriy normallashgunga qadar suyuqlik iste'moli cheklangan bo‘lishi kerak. Muayyan antidot mavjud emas. Diuretik terapiya uchun ko‘rsatmalar mavjud bo‘lsa, furosemid kabi saluretiklarni qo‘llash mumkin.
Nomutanosibligi. Aniqlanmagan.
Chiqarish shakli
5 ml dan flakonda.
1 flakon tibbiyotda qo‘llanilishiga doir yo‘riqnomasi bilan birga qutida.
Saqlash shartlari
Yorug‘likdan himoyalangan joyda 2ºC dan 8ºC gacha xaroratda saqlansin.
Bolalar ololmaydigan joyda saqlansin.

Yaroqlilik muddati

2 yil.
Yaroqlilik muddati flakonni ochgandan so‘ng – 50 sutka.
Preparatni o‘ramida ko‘rsatilgan yaroqlilik muddati o‘tgandan so‘ng qo‘llanilmasin.

Dorixonalardan berish tartibi

Retsept bo‘yicha.

Ishlab chiqaruvchi

«Farmak» AJ. Ukraina, 04080, Kiyev sh., Kirillovckaya ko‘chasi, 63.