Galavit tab.25 mg №20

Tavsif

Preparatning savdo nomi

Galavit®
Ta'sir qiluvchi modda (XPN): aminodigidroftalazindion natriy

Dori shakli

Til osti tabletkalari.

Tarkibi

Bir tabletka quyidagilarni saqlaydi:
Faol modda: aminodigidroftalazindion natriy (Galavit®) 0,025 g,
Yordamchi moddalar: 0,315 g sorbitol, 0,14 g kraxmal, 0,1 g laktoza, 0,005 g kaltsiy stearati, 0,015 g talk va 0,0001 g ratsementol (mentol).

Ta'rifi

sarg‘ish tusli oq rangli, ikki tomoni qavariq, riskasiz, mentol hidli tabletkalar.

Farmakoterapevtik guruhi

immunomodulyator va yallig‘lanishga qarshi vosita.
ATX kodi: L03, G02.

Farmakologik xususiyatlari

Galavitning ta'sir mexanizmi makrofaglarning funktsional-metabolik faolligiga ta'sir qilish xususiyati bilan bog‘liq.
Yallig‘lanish kasalliklarida preparat yallig‘lanish reaktsiyalarining darajasini, ularning siklikligini, shuningdek intoksikatsiyaning yaqqolligini belgilovchi o‘ta yuqori faollashgan makrofaglar tomonidan o‘smalar nekrozi omili, interleykin-1 va boshqa yallig‘lanishga qarshi sitokinlar, kislorodning faol shakllarini ortiqcha sintezini 6-8 soatga qaytuvchan ingibirlaydi. Makrofaglarning funktsional holatini normallashishi ularning antigenligini ifodalovchi va boshqaruvchi faoliyatini tiklanishiga va autoagressiya darajasini kamayishiga olib keladi. Preparat fagotsitozni kuchaytirib va infektsion kasalliklarga organizmning nospetsifik rezistentligini oshirib, neytrofil granulotsitlarning bakteritsid faolligini rag‘batlantiradi.

Farmakokinetikasi

Organizmdan asosan buyraklar orqali chiqariladi. Til osti qo‘llanganida yarim chiqarilish davri 30 minut. Asosiy farmakologik xususiyatlari 72 soat davomida kuzatiladi.

Qo‘llanilishi

Kattalar va 12 yoshdan oshgan o‘smirlarda immuntanqisligi holatlarini majmuaviy davolashda immunomodulyator va yallig‘lanishga qarshi vosita sifatida:
- intoksikatsiya va/yoki diareya bilan kechuvchi ichakning infektsion kasalliklari;
- me'da va 12 barmoq ichak yara kasalligi;
- virusli gepatitlar;
- gerpes virusi chaqirgan surunkali qaytalanuvchi kasalliklar;
- odam papillomasi virusi chaqirgan kasalliklar;
- infektsion-yallig‘lanishli urogenital kasalliklar (xlamidiya va trixomonada etiologiyali uretrit, xlamidiyali prostatit, o‘tkir va surunkali salpingooforit, endometrit);
- kichik chanoq a'zolarining yiringli-yallig‘lanish kasalliklari;
- bachadon miomasi bo‘lgan bemorlarni operatsiyadan keyingi reabilitatsiyasi;
- reproduktiv yoshdagi ayollarda operatsiyadan keyingi davrdagi asoratlar;
- yiringli xirurgik kasallliklar (kuyishli shikastlanishlar, surunkali osteomiyelit, omentit bilan gangrenoz appenditsit, peritonit, yiringli plevrit);
- operatsiyadan keyingi yiringli-septik asoratlar va ularni oldini olish (shu jumladan onkologik bemorlarda);
- surunkali qaytalanuvchi furunkulyoz, saramas;
- astenik holatlar, nevrotik va somatoform buzilishlar, jismoniy ishlash qobiliyatini pasayishi (shu jumladan sportchilarda), alkogolga va narkotik qaramlikdagi ruxiy, xulqiy va postabstinent buzilishlar;
- markaziy va periferik nerv tizimining yallig‘lanish va infektsion-allergik kasalliklari;
- nerv tizimining degenerativ kasalliklari;
- og‘iz bo‘shlig‘i va tomoq shilliq qavatining yallig‘lanish kasalliklari, paradont kasalliklari;
- nafas yo‘llari va LOR-a'zolarining bakterial va virusli etiologiyali tez-tez qaytalanuvchi kasalliklari (tez-tez O‘RVI, bronxit, pnevmoniya, surunkali tonzillit, surunkali otit, surunkali adenoidit) va ularni oldini olishda qo‘llanadi.

Qo‘llash usuli va dozalari

1 tabletkadan til ostiga har kuni sutkada 4 martagacha yoki 2 tabletkadan har kuni sutkada 2 martagacha kasallikning tashxisi va og‘irligiga qarab buyuriladi.
- Diareya sindromi bilan kechuvchi o‘tkir infektsion ichak kasalliklarida: boshlang‘ich doza bir marta bilan 2 tabletkani tashkil qiladi, so‘ngra 1 tabletkadan kuniga 3-4 marta intoksikatsiya simptomlari yo‘qotilgunicha 3-5 kun davomida buyuriladi.
- Me'da va 12 barmoq ichak yara kasalligining o‘tkir davrida: Birinchi 2 sutkada 1 tabletkadan kuniga 4 marta qo‘llanadi, so‘ngra har 3 sutkada 1 tabletkadan kuniga 4 marta qo‘llanadi, davolash kursi 2-3 hafta. Surunkali davrida: 5 sutka davomida 1 tabletkadan kuniga 4 marta, so‘ngra har 3 sutkada 1 tabletkadan kuniga 4 marta, 3 haftagacha bo‘lgan kurs bilan qo‘llanadi.
- Turli etiologiyali virusli gepatitlarda: kasallikning o‘tkir davrida intoksikatsiya va yallig‘lanish simptomlari yo‘qolgunicha boshlang‘ich doza 2 tabletkalan kuniga 2 martani tashkil qiladi. Keyinchalik 1 tabletkadan kuniga 4 marta har 3 sutkada 2-3 haftalikkacha bo‘lgan kurs bilan davolash kursini davom ettirish mumkin.
- Gerpes virusi chaqirgan surunkali qaytalanuvchi kasalliklarda: 1 tabletkadan kuniga 4 marta 10 kun davomida, so‘ngra 1 tabletkadan kuniga 4 marta kunora 10 kun davomida qo‘llanadi.
- Odam papillomasi virusi chaqirgan infektsiyalarda: 5 kun davomida 1 tabletkadan kuniga 4 marta, so‘ngra 1 tabletkadan kuniga 4 marta kunora 2-3 haftalikkacha bo‘lgan kurs bilan qo‘llanadi.
- Urogenital kasalliklarda – xlamidiya va trixomonada etiologiyali uretritlar, xlamidiyali prostatitda: birinchi kuni 2 tabletkadan kuniga 2 marta, so‘ngra 1 tabletkadan kuniga 4 marta kunora 2 haftalikkacha bo‘lgan kurs bilan (patologik jarayonning og‘irligiga qarab) qo‘llanadi.
- Salpingooforitda, endometritda: o‘tkir davrida 2 kun 2 tabletkadan kuniga 2 marta, so‘ngra 3 hafta davomida 1 tabletkadan kuniga 4 marta har 3 sutkada. Surunkali davrida – 5 kun 1 tabletkadan kuniga 4 marta, so‘ngra 1 tabletkadan kuniga 4 marta har 3 sutkada 2-3 haftalikkacha bo‘lgan kurs bilan qo‘llanadi.
- Kichik chanoq a'zolarining o‘tkir va surunkali yiringli kasalliklarida: o‘tkir davrida – birinchi kuni 2 tabletkadan kuniga 2 marta, so‘ngra 3 kun 1 tabletkadan kuniga 4 marta, so‘ngra 1 tabletkadan kuniga 4 marta kunora 10 kun davomida qo‘llanadi. Surunkali davrida - 5 kun 1 tabletkadan kuniga 4 marta, so‘ngra 3-4 tabletkadan har 3 sutkada 3 haftalikkacha bo‘lgan kurs bilan qo‘llanadi.
- Bachadon miomasi bo‘lgan bemorlarni operatsiyadan keyingi reabilitatsiyasi uchun va reproduktiv yoshdagi ayollardagi operatsiyadan keyingi davrdagi asoratlarda: 5 kun 1 tabletkadan kuniga 4 marta, so‘ngra 1 tabletkadan kuniga 4 marta kunora 2 haftalikkacha bo‘lgan kurs bilan qo‘llanadi.
- Yiringli xirurgik kasalliklarda (kuyishli shikastlanishlar, surunkali osteomiyelit, omentit bilan gangrenoz appenditsit, peritonit, yiringli plevrit): 1 tabletkadan kuniga 4 marta 5 kun davomida, so‘ngra 1 tabletkadan kuniga 4 marta kunora 15 kunlikkacha kurs bilan.
- Operatsiyadan oldingi va keyingi davrdagi xirurgik asoratlarni oldini olish va davolash uchun (shu jumladan onkologik bemorlarda): 1 tabletkadan kuniga 4 marta 5 kun davomida operatsiyagacha, operatsiyadan keyin 10 kun davomida 1 tabletkadan kuniga 4 marta kunora va 3 hafta davomida har 3 sutkada 1 tabletkadan kuniga 4 marta. Kasallikning og‘ir kechishida birinchi kuni 2 tabletkadan sutkada 2 marta buyuriladi.
- Surunkali qaytalanuvchi furunkulyozda, saramasda: 5 kun 1 tabletkadan kuniga 4 marta, so‘ngra 1 tabletkadan kuniga 4 marta kunora 3 haftalikkacha bo‘lgan kurs bilan buyuriladi.
- Astenik holatlarda, nevrotik va somatoform buzilishlarda, sarosimalik, xulqiy va postabstinent buzilishlarda, alkogolli va narkotik qaramlik bo‘lgan bemorlarda: 5 kun davomida 1 tabletkadan kuniga 4 marta, so‘ngra 1 tabletkadan kuniga 4 marta har 3 sutkada 3 hafta davomida. Jismoniy ish qobiliyatini oshirish uchun: 1 tabletkadan kuniga 4 marta kunora 10 kun davomida, so‘ngra 1 tabletkadan kuniga 4 marta har 3 sutkada 3 haftalikkacha bo‘lgan kurs bilan qo‘llanadi.
- Markaziy va periferik nerv tizimining yallig‘lanish va infektsion-allergik kasalliklarida: 5 kun 1 tabletkadan kuniga 4 marta, so‘ngra 1 tabletkadan kuniga 4 marta xar 3 sutkada 3 xaftalikkacha kurs bilan.
- Nerv tizimining degenerativ kasalliklarida: 5 kun 1 tabletkadan kuniga 4 marta, so‘ngra1 tabletkadan kuniga 4 marta xar 3 sutkada 3 xaftalikkacha bo‘lgan kurs bilan buyuriladi.
- Og‘iz bo‘shlig‘i va tomoq shilliq qavatining yallig‘lanish kasalliklarida, parodontning kasalliklarida: boshlang‘ich doza 1 tabletkadan kuniga 4 marta 5 kun davomida, so‘ngra 1 tabletkadan kuniga 4 marta har 3 sutkada 3 haftalikkacha bo‘lgan kurs bilan buyuriladi.
- Nafas yo‘llari va LOR-a'zolarining bakterial va virusli etiologiyali tez-tez qaytalanuvchi kasalliklarida (tez-tez O‘RVI, bronxit, pnevmoniya, surunkali tonzilit, surunkali otit, surunkali adenoit): 1 tabletkadan kuniga 4 marta 5 kun davomida, so‘ngra 1 tabletkadan kuniga 4 marta kunora 15 kunlikkacha kurs bilan. O‘tkir respirator infektsiyalar va grippni oldini olish uchun 1 tabletkadan kuniga 2 marta. Davolash kursi 5-10 kun.
Nojo‘ya ta'sirlari
Kam hollarda allergik reaktsiyalar bo‘lishi mumkin.

Qo‘llash mumkin bo‘lmagan holatlar

Shaxsiy o‘zlashtiraolmaslik; homiladorlik va laktatsiya.
Dorilarning o‘zaro ta'siri
Bir vaqtda qo‘llanganida antibiotiklarning kurslik dozalarini pasaytirish mumkin. Boshqa dori preparatlari bilan nomutanosiblik hollari aniqlanmagan.

Maxsus ko‘rsatmalar

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Chiqarilish shakli

25 mg Galavit® saqlovchi tabletkalar, 10 yoki 20 til osti tabletkalari polivinilxlorid plyonka va alyuminiy folga kontur uyali o‘ramda. 1, 2, 3 yoki 4 kontur uyali o‘ram qo‘llash bo‘yicha yo‘riqnomasi bilan birga karton qutida. 10, 20, 30, 40 va 50 kontur uyali o‘ramlar teng miqdordagi qo‘llash bo‘yicha yo‘riqnomalari bilan guruh o‘ramida.

Saqlash sharoiti

25°S dan yuqori bo‘lmagan haroratda, yorug‘likdan himoyalangan joyda saqlansin.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

“Selvim“ MChJ, manzili: 123290, Rossiya,Moskva sh. tupik Magistralniy 1-nchi, uy 5A, xona 91. Tel/faks (499) 951-30-11, 271-92-29.
Ishlab chiqarish joyining manzili
308013, Belgorod sh., Rabochaya ko‘ch., 14
E'tirozlar quyidagi manzilga jo‘natilsin:
123290, Moskva sh. tupik Magistralniy 1-nchi, uy 5A, xona 91.
Tel/faks (499) 951-30-11, 271-92-29.