Timalin 10mg №10

Tavsif

Preparatning savdo nomi

Timalin

Dori shakli

in'ektsiya uchun eritma tayyorlash uchun liofilizat.

Tarkibi

1 ampula (1 flakon) quyidagilarni saqlaydi:
faol modda: 10 mg yirik qoramol timusi (ayrisimon bez) ning quruq tozalangan ekstrakti;
yordamchi moddalar: glitsin.

Ta'rifi

oq yoki sarg‘ish tusli oq rangli amorf kukun yoki g‘ovaksimon massa.

Farmakoterapevtik guruhi

immunostimulyatorlar.
ATX kodi: L03A X.

Farmakologik xususiyatlari

Farmakodinamiasi
T- va V-limfotsitlarning va ularning subpopulyatsiyalarining miqdorini va nisbatini boshqaradi, xujayra immunitetining reaktsiyalarini rag‘batlantiradi, fagotsitozni kuchayiradi, regeneratsiya va qon yaratilishini, ularning susayishi hollarida rag‘batlantiradi, shuningdek xujayra metabolizmi jarayonlarining kechishini yaxshilaydi.

Farmakokinetikasi

O‘rganilmagan.

Qo‘llanilishi

Xujayra immunitetini pasayishi bilan kechuvchi kasalliklarni kompleks davolashda:
- suyak va yumshoq to‘qimalarning o‘tkir va surunkali yiringli-yallig‘lanishi kasalliklari;
- regenerator jarayonlarni buzilishi (suyaklarni sinishi, kuyishlar, sovuq urishi, trofik yaralar, to‘qimalarni nurlanish oqibatidagi nekrozlari, me'da va o‘n ikki barmoq ichakning yara kasalligi);
- surunkali bakterial va virusli infektsiyalar, tarqalgan skleroz, obliteratsiyalovchi ateroskleroz, revmatoid artrit;
- nur bilan davolash yoki kimyoterapiya o‘tkazilgandan keyingi immunitetni va qon yaratilishini susayishi, antibiotiklarni katta dozalarda ishlatilganda qo‘llaniladi.

Qo‘llash usuli va dozalari

Ishlatishdan oldin ampula (flakon) ichidagi modda 0,9% li natriy xloridi eritmasining 1-2 ml da eritiladi.
Timalinning dozalash sxemasini patsiyentning klinik va laborator tekshirishlari asosida klinik immunolog aniqlaydi.
Mushak ichiga har kuni quyidagi dozalarda yuboriladi: kattalar va 14 yoshdan katta bolalarga - 5-20 mg dan (kursga 30-100 mg) immunitetni buzilishi darajasiga qarab, 3-10 davomida buyuriladi.
Bolalar. Preparatni pediatriya amaliyotida qo‘llash mumkin.
Xujayraviy immunitetni buzilishlari (susayishi) borligi isbotlangan hollarda faqat shifokorning tavsiyasi va nazorati ostida qo‘llash kerak.
Immunitetni buzilish darajasiga qarab, 1 yoshgacha bo‘lgan bolalarga -1 mg dan; 1-3 yoshlik bolalarga - 1-2 mg dan; 4-6 yosh bolalarga - 2-3 mg dan, 7-14 yosh bolalarga - 3-5 mg dan 3-10 kun davomida har kuni mushak ichiga yuboriladi. Zarurati bo‘lganida takroriy davolash kurslari (1-6 oydan keyin) o‘tkaziladi.
Nojo‘ya ta'sirlari
Immun tizimi tomonidan: allergik reaktsiyalar, teri toshmasi, giperemiya, terini qichishishi bo‘lishi mumkin.
Yuborish joyida o‘zgarishlar: yuborish joyida reaktsiyalar bo‘lishi mumkin.

Qo‘llash mumkin bo‘lmagan holatlar

Preparataning komponentlariga yuqori sezuvchanlik. Autoimmun kasalliklar.
Dorilarning o‘zaro ta'siri
Biostimulyator va immunostimulyator preparatlar, rifampitsin, izoniazid, glyukokortikoid preparatlar bilan mutanosib. Ta'sir mexanizmi o‘xshash bo‘lgan Timalin va T-aktivin, timaktid, timogen yoki timoptin bilan bir vaqtda qo‘llashdan saqlanish kerak.
Nomutanosibligi. Faqat tavsiya qilingan erituvchi ishlatilsin. Tayyorlangan eritmani boshqa dori vositalari bilan aralashtirilmasin. Tayyorlanganidan keyin darhol qo‘llash kerak.

Maxsus ko‘rsatmalar

Timalin bilan davolashni immunologik ko‘rsatkichlarning muntazam nazorati ostida o‘tkazish kerak. IgE-ga bog‘liq patologiyasi bo‘lgan patsiyentlarga ehtiyotkorlik bilan buyurish kerak. Timalin boshqa dori vositalariga bo‘lgan allergik reaktsiyalarni, ular bir vaqtda qo‘llanganida potentsiyalashi mumkin.
Homiladorlik yoki emizish davrida qo‘llanishi. Homiladorlik yoki emizish davrida qo‘llash samaradorligi va xavfsizligi yuzasidan klinik ma'lumotlar yo‘q. Preparatni homilador ayollarda qo‘llash mumkin emas. Preparat bilan davolanish davrida emizishni to‘xtatish kerak.
Avtotransportni boshqarishda yoki boshqa mexanizmlar bilan ishlashda reaktsiya tezligiga ta'sir qilish xususiyati. O‘rganilmagan.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Nojo‘ya reaktsiyalar kuchayishi mumkin.

Chiqarilish shakli

Preparat 30 mg dan ampulada (flakonda). 10 ampuladan (flakonda) qutida.

Saqlash sharoiti

Yorug‘lik ta'siridan himoya qilish uchun original o‘ramida, 25ºS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

“FZ “BIOFARMA” MChJ
Ishlab chiqaruvchining manzili va uning faoliyatini yuritish manzili
Ukraina, 09100, Kiyev viloyati, Belaya Serkov sh., Kiyevskaya ko‘ch., 37.