Erinit tab. 10mg №50

Preparatning savdo nomi

Erinit
Ta'sir etuvchi modda (XPN) pentaeritritil tetranitrati

Dori shakli

tabletkalar.

Tarkibi

1 tabletka quyidagilarni saqlaydi
Faol modda 10 mg pentaeritritil tetranitrati,
Yordamchi moddalar kartoshka kraxmali, dekstroza, tal'k, stearin kislotasi, saxaroza (qand).
Ta'rifi oq rangli, biroz marmar tusli, ikki tomonlama qavariq yoki yassi silindrik shaklli tabletkalar.

Farmakoterapevtik guruhi

vazodilatatsiyalovchi vosita – nitrat.
ATX kodi C01DA05.

Farmakologik xususiyatlari

Venoz tomirlar vazodilatatori, antianginal samaraga ega. Qon tomirlari devorida endotelial relaksatsiyalovchi omil hisoblanuvchi azot oksidini hosil bo‘lishini rag‘batlantiradi. Yurakka old yuklamani (periferik venalarni kengayishi va yurakning o‘ng bo‘lmachasiga qon oqib kelishini kamayishi hisobiga) va keyingi yuklamani (tomirlarning umumiy periferik qarshiligini kamayishi hisobiga) kamaytiradi; miokardni kislorodga bo‘lgan ehtiyojini kamaytiradi.
Mayda endokardial tomirlar bo‘ylab qon oqimini tiklaydi, epikardial koronar arteriyalarda qon aylanishini yaxshilaydi, yurak ishemik kasalligi (YuIK), stenokardiyasi bo‘lgan bemorlarda jismoniy yuklamaga tolerantlikni oshiradi.
Yurak yetishmovchiligida old yuklamani kamaytirishi hisobiga miokardga bo‘lgan yuklamani kamaytiradi. “Kichik” qon aylanish doirasida bosimni kamaytiradi.
Nitroglitseringa nisbatan sekinroq, lekin davomliroq (10 soatgacha) ta'sir ko‘rsatadi. Ichga qabul qilinganda – 30-45 minutdan (sublingval yuborilganda – 15-20 minut) keyin samarasi boshlanadi, davomiyligi 4-5 soatni tashkil qiladi.

Qo‘llanilishi

Stenokardiya hurujlarini oldini olishda qo‘llanadi.

Qo‘llash usuli va dozalari

Ichga, (ovqatdan 1 soat oldin) 10-20 mg dan sutkada 3-4 marta, zarurati bo‘lganida – sutkada 4 marta 40 mg gacha, sutkada 2 marta 80 mg gacha buyurishga yo‘l qo‘yiladi.
Stenokardiyaning tungi hurujlarini oldini olish uchun uyqudan oldin 20 mg dan buyuriladi.
Davolash kursi odatda 2-4 xafta davom etadi. Takroriy kurslar – shifokor ko‘rsatmasi bo‘yicha amalga oshiriladi.
Nojo‘ya ta'sirlari
Allergik reaktsiyalar, bosh og‘rig‘i, quloqda shovqin, bosh aylanishi, ko‘ngil aynishi, holsizlik, taxikardiya, yuqori charchoqlik, xavotirlik, ko‘p terlash, arterial bosimni (AB) pasayishi, ortostatik gipotenziya; ba'zida ichak faoliyatini buzilishi (diareya) kuzatiladi.

Qo‘llash mumkin bo‘lmagan holatlar

Preparatga va boshqa organik nitratlarga yuqori sezuvchanlik, yaqqol arterial gipotenziya, kollaps, shok, ortostatik gipotenziya bilan kechuvchi o‘tkir miokard infarkti, gemorragik insult, bosh miya jarohati, bosh miyada qon aylanishini buzilishi (ayniqsa gemorragik insult), yopiq burchakli glaukoma, homiladorlik, laktatsiya davri, fosfodiesteraza ingibitorlari bilan bir vaqtda qabul qilish, 18 yoshgacha bo‘lgan bolalarda (samaradorligi va xavfsizligi aniqlanmagan) qo‘llash mumkin emas.
Dorilarning o‘zaro ta'siri
Boshqa dori vositalari bilan bir vaqtda qabul qilishda shifokor bilan maslahatlashing.
Digidroergotamin ta'siri ostida Erinitning antianginal samarasi kamayishi mumkin. Bu dori vositalarini birga qo‘llash ratsional hisoblanmaydi. Propranolol bilan birga qo‘llash ratsional hisoblanadi, chunki Erinitning antianginal ta'siri kuchayadi. Etanol Erinitning ta'sirini kuchaytiradi.

Maxsus ko‘rsatmalar

Samarasini sekin yuzaga kelishi sababli stenokardiyaning hurujini bartaraf qilish uchun yaroqsizdir.
Davolash jarayonida etanolni iste'mol qilishdan saqlanish kerak.
Uzoq muddatli qo‘llashda terapevtik samarasi kamayishi mumkin (tolerantlikni rivojlanishi ehtimoli).
Preparatni sutkada 1 marta antianginal vositalar bilan birga qo‘llashda tolerantlikni rivojlanishi xavfi kamroq.
Preparatni yaroqlilik muddati o‘tgach qo‘llash mumkin emas va bolalar olaolmaydigan joyda saqlash kerak.

Dozani oshirib yuborilishi

Preparatning dozasini oshirib yuborilishi haqida ma'lumotlar yo‘q.

Chiqarilish shakli

Tabletkalar 10 mg dan.
10 tabletkadan kontur uyali o‘ramda. 5 kontur uyali o‘ramdan qo‘llash bo‘yicha yo‘riqnomasi bilan karton qutiga joylanadi.

Saqlash sharoiti

.
Yorug‘likdan himoyalangan joyda, 25oS dan yuqori bo‘lmagan haroratda.

Yaroqlilik muddati

.
3 yil.

Dorixonalardan berish tartibi

Retsept bo‘icha.

Ishlab chiqaruvchi

/e'tirozlarni qabul qiluvchi korxona
«Tatximfarmpreparati» OAJ,
420091, Rossiya, Kazan sh., Belomorskaya ko‘ch., 260.
(843) tel. 571-85-58; faks 571-85-38
E-mail marketing@tatpharm.ru