Farmateks vag. tab. 20mg №12

Tavsif

Preparatning savdo nomi

Farmateks
Ta'sir etuvchi modda (XPN): Miristalkoniy xloridi

Dori shakli

Qin tabletkalari

Tarkibi

1 tabletka quyidagilarni saqlaydi:
faol modda: 20,0 mg miristalkoniy xloridi,
yordamchi moddalar: 110,0 mg natriy gidrokarbonati, 96,0 mg limon kislotasi, 12,0 mg kolloid kremniy dioksid, 172,0 mg mikrokristall sellyuloza, 5,3 mg magniy stearati, 363,0 mg laktoza monogidrati, 20,7 mg makrogol 6000.

Ta'rifi

oq, dumaloq hidsiz, teshikli tabletkalar.

Farmakoterapevtik guruhi

mahalliy qo‘llash uchun kontratseptiv vosita.
ATX kodi: G02BB.

Farmakologik xususiyatlari

Farmakodinamika

Miristalkoniy xloridi bir vaqtning o‘zida spermitsid va antiseptik vosita hisoblanadi. Spermitsid ta'siri ta'sir etuvchi moddaning spermatozoidlarning membranasini parchalashi (dastlab dumini, so‘ngra boshchasini) bilan bog‘liq, bu shikastlangan spermatozoid tomonidan tuxum xujayrani urug‘lanish imkonini yo‘q bo‘lishiga olib keladi. Samarasi qinga yuborilgandan keyin 10 minut o‘tgach rivojlanadi.
Farmateksni qo‘llash homilador bo‘lish xavfini ahamiyatli darajada kamaytiradi, ammo uni to‘liq bartaraf qilmaydi.
In vitro sharoitida Neisseria gonorrhoeae, Chlamydia spp., Trichomonas vaginalis, Herpes simplex 2 tipi, Staphylococcus aureus ga nisbatan faol. Mycoplasma spp. ga ta'sir qilmaydi va Gardnerella vaginalis, Candida albicans, Haemophilus ducreyi va Treponema pallidum ga sust ta'sir qiladi.
Qinning normal mikroflorasiga (shu jumladan Doderlyayn tayoqchasiga) va hayz ko‘rish sikliga ta'sir qilmaydi.

Farmakokinetikasi

Miristalkoniy xloridi qin shilliq qavatidan so‘rilmaydi, normal fiziologik ajralmalar bilan chiqariladi yoki suv bilan oddiy yuvish orqali yo‘qotiladi.

Qo‘llanilishi

Reproduktiv yoshdagi ayollar uchun (shu jumladan peroral kontratseptivlarni yoki bachadon ichki kontratseptsiyasini qo‘llashga qarshi ko‘rsatma bo‘lganida; tug‘ruqdan keyingi davrda, emizish davrida; homiladorlik to‘xtatilgandan keyin; menopauzadan oldingi davrda; nomuntazam jinsiy aloqada; peroral kontratseptivlarni muntazam ishlatishda o‘tkazib yuborilgan yoki qabul qilish kechiktirilgan holda) mahalliy kontratseptsiyada qo‘llanadi.
Qin diafragmasini yoki bachadon ichki kontratseptsiyasi ishlatilganida qo‘shimcha mahalliy kontratseptsiya sifatida qo‘llanadi.

Qo‘llash usuli va dozalari

Qinga qo‘llash uchun.
To‘liq erishi uchun suv bilan xo‘llangan tabletka yotgan holatda qinga chuqur qilib, jinsiy aloqadan 10 minut oldin yuboriladi. Ta'sir davomiyligi – 3 soatni tashkil etadi. Har bir qayta jinsiy aloqadan oldin albatta yangi tabletkani yuborish kerak.
Nojo‘ya ta'sirlari
Allergik reaktsiyalar, kontakt dermatit, qinda va/yoki sherikning jinsiy a'zosida qichishish va achishish, og‘riqli siyish.
Ular paydo bo‘lgan hollarda Farmateks preparatini qo‘llashni to‘xtatish kerak.
Agar yo‘riqnomada keltirilgan nojo‘ya samaralardan birontasi chuqurlashsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, vaginit, qin va bachadon bo‘yni shilliq qavatini yaralanishi va ta'sirlanishida qo‘llash mumkin emas.
Dorilarning o‘zaro ta'siri
Qinga yuborilgan har qanday dori vositasi preparatning spermatsid ta'sirini kamaytirishi mumkin. Yod eritmalari (shu jumladan yodonatning 0,1% li eritmasi) preparatni faolsizlantiradi.

Maxsus ko‘rsatmalar

Kontratseptsiyaning samaradorligi preparatni to‘g‘ri ishlatishga bog‘liq.
• Jinsiy aloqadan 2 soat oldin va jinsiy aloqadan keyin 2 soat davomida jinsiy a'zolarni tozalash uchun sovun ishlatish taqiqlanadi, chunki sovun Farmateksning ta'sir etuvchi moddasini parchalaydi.
• Jinsiy aloqadan keyin darhol tashqi jinsiy a'zolarni faqat toza suv bilan tozalash mumkin. Qinni yuvish jinsiy aloqadan keyin 2 soat o‘tgach bajariladi.
• Qinga kiritilgan Farmateks bilan vanna qabul qilish, dengizda, basseynda va suv xavzalarida cho‘milish, keyingi kontratseptiv ta'sirini pasayishi xavfi tufayli mumkin emas.
• Farmateks preparatini qinning kasalligi paydo bo‘lganida, to qin dori vositalari bilan davolash tugagunicha ishlatishni to‘xtatish kerak.
Homiladorlik va emizish davrida qo‘llanilishi
Preparat kontratseptiv vosita hisoblanadi, homiladorlik vaqtida qo‘llanmaydi.
Miristalkoniy xloridi kontratseptsiyasi fonida homiladorlik aniqlansa, homiladorlikni kechishiga ta'siri aniqlanmagan. Ko‘krak suti bilan chiqarilmaydi, emizish davrida qo‘llash mumkin.
Transport vositalarini boshqarish qobiliyatiga ta'siri
Transport vositalarini va mexanizmlarni boshqarish qobiliyatiga preparatning salbiy ta'siri to‘g‘risida ma'lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborilishi belgilari ta'riflanmangan.

Chiqarilish shakli

Qin tabletkalari 20,0 mg
12 tabletkadan silikagelli polietilen tiqin bilan berkitilgan polipropilen tubada.
1 tuba qo‘llash bo‘yicha yo‘riqnomasi bilan birga karton qutida.

Saqlash sharoiti

25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.
Qayd etish guvohnomasi berilgan yuridik shaxs:
Laboratoriya Innotek Internasional
22, avenyu Aristid Brian, 94110 Arkey, Frantsiya