Midiana tab. 3mg/0.03mg №21

Tavsif

Midiana 3 mg/0,03 mg, plyonka qobiq bilan qoplangan tabletkalar drospirenon va etinilestradiol
Majmuaviy gormonal kontratseptivlar (MGK) to‘g‘risida muhim ma'lumot:
- To‘g‘ri qo‘llanilgan holda bu orqaga qaytarish mumkin bo‘lgan eng ishonchli kontratseptsiya usullaridan biridir.
- Majmuaviy peroral kontratseptivlar venalar va arteriyalarda tromblar hosil bo‘lishi xavfini ma'lum darajada oshiradi, ayniqsa qo‘llashning dastlabki birinchi yili davomida yoki to‘rt va undan ortiq haftalik tanaffusdan keyin ulardan qayta foydalanila boshlangan holda.
- Iltimos, e'tiborli bo‘ling va tromb hosil bo‘lishi simptomlari yuzaga kelgan holda shifokoringizga murojaat qiling (2-bo‘lim «Tromblar»ga qarang).
Preparatni qabul qilishdan oldin ushbu yo‘riqnomani diqqat bilan o‘qib chiqing, chunki u muhim ma'lumot saqlaydi.
- Ushbu yo‘riqnomani saqlab qo‘ying. U Sizga yana kerak bo‘lishi mumkin.
- Biron-bir qo‘shimcha savollar tug‘ilgan holda, shifokoringizga yoki farmatsevtga murojaat qiling.
- Ushbu preparat faqat Siz uchun buyurilgan. Uni boshqa odamlarga bermang, chunki u ularga zarar yetkazishi mumkin.
- Biron-bir, shu jumladan mazkur ilova-varaqada sanab o‘tilmagan (4-bo‘limga qarang) noma'lum reaktsiya paydo bo‘lgan holda, shifokoringizga yoki farmatsevtga murojaat qiling.
Ushbu ilova-varaqa quyidagi ma'lumotni saqlaydi:
1. Midiana 3 mg/0,03 mg plyonka qobiq bilan qoplangan tabletkalar qanday preparat (matnda keyingi o‘rinlarda Midiana, plyonka qobiq bilan qoplangan tabletkalar preparati deb yuritiladi) va u nima uchun qo‘llaniladi?
2. Midiana plyonka qobiq bilan qoplangan tabletkalar preparatini qabul qilishdan oldin Siz nimalarni bilishingiz kerak
3. Midiana plyonka qobiq bilan qoplangan tabletkalar preparatini qanday qabul qilish kerak
4. Bo‘lishi mumkin bo‘lgan nojo‘ya samaralari
5. Midiana, plyonka qobiq bilan qoplangan tabletkalar preparatini qanday saqlash kerak
6. O‘ram ichidagisi va qo‘shimcha ma'lumot
1. Midiana, plyonka qobiq bilan qoplangan tabletkalar qanday preparat va u nima uchun qo‘llaniladi?
Midiana, plyonka qobiq bilan qoplangan tabletkalar preparati majmuaviy peroral gormonal kontratseptivdir. Har bir tabletka tarkibida ikkita turli ayollar gormonini, xususan drospirenon va etinilestradiol oz miqdorda saqlaydi.
Midiana, plyonka qobiq bilan qoplangan tabletkalar preparati homilador bo‘lishga qarshi preparat hisoblanadi va homiladorlik yuz berishiga qarshilik ko‘rsatadi.
Preparat tarkibida ikki xil gormon mavjud bo‘lgani tufayli, u «majmuaviy preparat» deb ataladi.
Umumiy ma'lumot
Gormonal peroral kontratseptivlar, agar ular to‘g‘ri qo‘llanilsa, eng samarali kontratseptsiya turlaridan biridir; ularning samaradorligi darajasi 99% dan yuqori. Ammo ba'zi bir holatlarda bunday kontratseptivlarning samaradorligi darajasi pasayishi yoki Siz ularni qo‘llashni to‘xtatishingiz talab etilishi mumkin (quyida qarang). Bunday hollarda yoki jinsiy aloqa qilishdan o‘zingizni tiying, yoki jinsiy aloqa qilish vaqtida samarali kontratseptsiyani ta'minlash uchun qo‘shimcha kontratseptsiya usullarini (masalan, prezervativlar yoki spermitsid preparatlarni) qo‘llang. Taqvimli yoki haroratli usulni qo‘llamang. Mazkur usullar ishonchli bo‘lmasligi mumkin, chunki majmuaviy peroral kontratseptivlar tana haroratini va servikal shilliqning siklli oylik o‘zgarishlariga ta'sir ko‘rsatadi.
Midiana, plyonka qobiq bilan qoplangan tabletkalar preparati, boshqa gormonal kontratseptivlar singari, OIV infektsiyasi (OITS)dan yoki jinsiy yo‘l bilan yuqadigan boshqa kasalliklardan himoya qilmaydi.
Mazkur, preparatni qo‘llash vaqtida Siz vaqti-vaqti bilan, hech bo‘lmasa, har 6-12 oyda bir marta shifokoringizga murojaat etishingiz kerak.
2. Midiana, plyonka qobiq bilan qoplangan tabletkalar preparatini qabul qilishdan oldin Siz nimalarni bilishingiz kerak
Umumiy ko‘rsatmalar:
Midiana preparatini qabul qilishdan oldin Siz 2-bo‘limdagi tromblar (trombozlar) hosil bo‘lishi to‘g‘risidagi ma'lumotni o‘qib chiqishingiz zarur. Tromblar hosil bo‘lgani simptomlarini bilish ayniqsa muhim – 2-bo‘lim «Tromblar»ga qarang.
Midiana, plyonka qobiq bilan qoplangan tabletkalar preparatini buyurishdan oldin Sizning davolovchi shifokoringiz tibbiy anamnez to‘plashi, Siz haqingizda va Sizning boshqa oila a'zolaringiz haqida savollar berishi kerak. Sizning shifokoringiz Sizni arterial bosimingizni o‘lchaydi va sog‘lig‘ingizning holatiga qarab, shifokor Sizni ko‘zdan kechirishi mumkin.
Ba'zi-bir holatlarda peroral kontratseptivlarning samaradorligi darajasi pasayishi va Siz ularni qo‘llashni to‘xtatishingiz talab etilishi mumkin. Bunday hollarda yoki jinsiy aloqa qilishdan o‘zingizni tiying yoki samarali kontratseptsiyani ta'minlash uchun qo‘shimcha nogormonal kontratseptsiya usullarini, masalan, prezervativ yoki boshqa to‘siqli usulni qo‘llang. Taqvimli yoki haroratli usulni qo‘llamang. Mazkur usullar ishonchli bo‘lmasligi mumkin, chunki majmuaviy peroral kontratseptivlar tana harorati va servikal shilliqning siklli oylik o‘zgarishlariga ta'sir ko‘rsatadi.
Midiana preparati, gormonal kontratseptivlar singari, OIV infektsiyasi (OITS)dan yoki jinsiy yo‘l bilan o‘tadigan boshqa kasalliklardan himoya qilmaydi.
Midiana, plyonka qobiq bilan qoplangan tabletkalar preparatini qo‘llash mumkin bo‘lmagan holatlar
Agar quyida sanab o‘tilgan holatlardan birontasi Sizda mavjud bo‘lsa, Midiana, plyonka qobiq bilan qoplangan tabletkalar preparatini qo‘llamang. Bunday holat haqida shifokoringizga xabar qiling. Shifokoringiz Sizga ko‘proq mos keladigan boshqa kontratseptsiya shakllarini Siz bilan muhokama qiladi.
• hozirgi vaqtda oyoqlar qon tomirlarining trombozi (chuqur venalar trombozi – ChVT), o‘pka trombozi (o‘pka tromboemboliyasi) yoki boshqa a'zolar trombozi mavjudligi (yoki ilgari mavjud bo‘lgani);
• qon ivishiga ta'sir ko‘rsatadigan kasalliklarning mavjudligi – masalan, C proteini tanqisligi, S proteini tanqisligi, antitrombin-III tanqisligi, Leyden V omili mutatsiyasi yoki antifosfolipid antitelalar mavjudligi;
• operatsiya qilish zarurligi yoki uzoq vaqt davomida yurishning cheklanganligi («Tromblar» bo‘limiga qarang);
• anamnezda miokard infarkti yoki insult mavjudligi;
• hozirgi vaqtda stenokardiya (ko‘krakda kuchli og‘riq, miokard infarktining birinchi simptomi bo‘lishi mumkin bo‘lgan holat) xurujlari yoki tranzitor ishemik ataka (TIA – insultning vaqtinchalik simptomlari) mavjudligi (yoki ilgari mavjud bo‘lgani);
• arteriyalarda trombotik quyqalar hosil bo‘lishi xavfini kuchaytirishi mumkin bo‘lgan quyidagi kasalliklardan birontasining mavjudligi:
o qon tomirlari shikastlangan og‘ir qand diabeti o o‘ta yuqori arterial bosim
o qonda yog‘lar (xolesterin yoki triglitseridlar) darajasi juda balandligi o gipergomotsisteinemiya sifatida ma'lum holat
• hozirgi vaqtda migrenning «aurali migren» deb ataladigan turi mavjudligi (yoki ilgari mavjud bo‘lgani);
• hozirgi vaqtda og‘ir jigar kasalligi mavjudligi (yoki ilgari mavjud bo‘lgani) jigar faoliyatini buzilishlari saqlanib qolgan holda;
• buyraklar yomon ishlashi (buyrak yetishmovchiligi) yoki o‘tkir buyrak yetishmovchiligining mavjudligi;
• hozirgi vaqtda jigar o‘smasi (havfsiz yoki havfli o‘sma) mavjudligi (yoki ilgari mavjud bo‘lgani);
• hozirgi vaqtda sut bezi yoki jinsiy a'zolarning gormonga qaram havfli o‘smasi mavjudligi (yoki ilgari mavjud bo‘lgani) yoki Sizda bunday o‘sma borligi haqida taxminning mavjudligi;
• qindan noaniq sababsiz qon ketishi mavjudligi;
• etinilestradiolga yoki drospirenonga yoki preparatning har qanday boshqa komponentlariga nisbatan allergiya mavjudligi (6-bo‘limdagi ro‘yxatga qarang). Allergiya, qichishish, toshma yoki shish ko‘rinishida namoyon bo‘lishi mumkin.
• Preparat tarkibida soya letsitini mavjud. Yeryong‘oq yoki soyaga allergiya mavjud bo‘lgan holda mazkur preparatni qabul qilmang.
Bolalar
Midiana preparati hayz ko‘rish hali boshlanmagan qizlarda qo‘llash uchun mo‘ljallanmagan.
Maxsus ko‘rsatmalar va ehtiyotkorlik choralari
Qaysi hollarda shifokorga murojaat etish zarur?
Quyidagi hollarda darhol shifokorga murojaat qiling:
- oyoqlar qon tomirlari trombozi (chuqur venalar trombozi), o‘pka trombozi (o‘pka tromboemboliyasi), miokard infarkti yoki insult mavjudligidan dalolat beruvchi trombozning ehtimol tutilgan belgilari paydo bo‘lganda (quyida «Tromblar» bo‘limiga qarang).
Ko‘rsatilgan nojo‘ya samaralar simptomlarining tavsifini «Trombozni qanday aniqlash mumkin» bo‘limiga qarang.
Quyidagi holatlardan birontasi Sizda mavjud bo‘lgan holda, bu haqida shifokoringizga xabar qiling.
Midiana preparatini qabul qilish fonida holatingiz rivojlangan yoki yomonlashgan holda shifokoringizga xabar qiling:
· agar Siz cheksangiz;
· agar Sizda qand diabet bo‘lsa;
· agar Sizda ortiqcha vazn (semirish) mavjud bo‘lsa;
· agar Sizda baland arterial bosim mavjud bo‘lsa;
· agar Sizda yurak klapanlari kasalligi yoki yurak ritmini muayyan buzilishi mavjud bo‘lsa;
· agar Sizda venalar yallig‘lanishi (tromboflebit) mavjud bo‘lsa;
· agar Sizda venalarning varikoz kengayishi mavjud bo‘lsa;
· agar oila a'zolaringizdan kimdir qachondir tromboz, infarkt yoki insult o‘tkazgan bo‘lsa;
· agar Sizda migrenlar mavjud bo‘lsa. Peroral kontratseptivlarni qabul qilish vaqtida migren qaytalashi yoki og‘irlik darajasining kuchayishi insultning birinchi belgisi yoki Midiana preparatini qabul qilishni darhol to‘xtatish uchun sabab bo‘lishi mumkin;
· agar Sizda tutqanoq mavjud bo‘lsa;
· agar Sizda yoki oila a'zolaringizning birontasida qonda yog‘lar (xolesterin yoki triglitseridlar) ning yuqori darajasi kuzatilayotgan bo‘lsa;
· agar oila a'zolaringizning birontasida qachondir sut bezi raki aniqlangan bo‘lsa;
· agar Sizda jigar kasalligi yoki o‘t qopi kasalligi bo‘lsa;
· agar Sizda Kron kasalligi yoki yarali kolit (ichaklar surunkali yallig‘lanish kasalliklari) mavjud bo‘lsa;
· agar Sizda tizimli qizil yugurak kasalligi bo‘lsa (TQYu – organizmning himoya qiluvchi immun tizimini shikastlantiradigan kasallik);
· agar Sizda gemolitik-uremik sindrom mavjud bo‘lsa (GUS – buyrak yetishmovchiligini keltirib chiqaradigan qon ivishini buzilishi);
· agar Sizda o‘roqsimon hujayra anemiyasi (eritrotsitlar tug‘ma kasalligi) mavjud bo‘lsa;
· agar Sizda ilk bor homiladorlik vaqtida yoki ilgari jinsiy gormonlar qo‘llanganda yuzaga kelgan kasallik (masalan, eshitish qobiliyatining susayishi), porfiriya (qon kasalligi), gestatsion gerpes (homiladorlik vaqtida teriga chiqadigan pufakchalar ko‘rinishidagi toshma), Sidengam xoreyasi (tananing tartibsiz tortilishiga sabab bo‘ladigan nerv tizimi kasalligi) mavjud bo‘lsa;
· agar Sizda hozirgi vaqtda xloazma («homiladorlar niqobi» deb ataladigan och jigarrang pigmentli dog‘lar, ayniqsa yuzda) mavjud yoki ilgari yuz bergan bo‘lsa. Bu holda quyosh nurlari yoki ultrabinafsha nurlanishbevosita ta'sir ko‘rsatishiga yo‘l qo‘ymang;
· agar Sizda tug‘ma angionevrotik shish mavjud bo‘lsa, tarkibida estrogenlar mavjud bo‘lgan preparatlar shish simptomlarini paydo qilishi yoki kuchaytirishi mumkin. Agar Sizda angionevrotik shish simptomlari, xususan, yuz, til va (yoki) hiqildoq shishi va (yoki) yutishga qiynalish yoki eshakemi nafas olishning qiyinlashishi bilan birga yuzaga kelgan bo‘lsa, darhol davolovchi shifokorga murojaat eting;
· agar Sizda qonda yog‘lar miqdori normadan ortiq (gipertriglitseridemiya) yoki oilangizda bunday holatga yo‘liqish hollari mavjud bo‘lsa. Gipertriglitseridemiya pankreatit (me'da osti bezining yallig‘lanishi) rivojlanishi xavfini kuchaytiradi;
· agar Siz yaqinda tuqqan bo‘lsangiz, trombozlarning rivojlanishi xavfi Sizda kuchli bo‘ladi. Tuqqandan keyin oradan qancha vaqt o‘tgach Siz Midiana preparatini qabul qilishga kirishishingiz mumkinligini davolovchi shifokoringizdan so‘rang;
· agar Sizda teri osti qon tomirlarining yallig‘lanishi (yuzaki tromboflebit) mavjud bo‘lsa;
· agar Sizda qon tomirlar varikoz kengayishi mavjud bo‘lsa;
· agar Sizda operatsiya qilish zarurati yoki uzoq vaqt davomida yurishning cheklanganligi mavjud bo‘lsa («Tromblar» bo‘limiga qarang).
TROMBLAR
Midiana singari majmuaviy gormonal kontratseptivlarni qo‘llash ularni qo‘llash mavjud emasligi bilan taqqoslaganda trombozlarni rivojlanish xavfini kuchaytiradi. Kam hollarda tromblar qon tomirlarini to‘sishi va jiddiy asoratlarni keltirib chiqarishi mumkin.
Tromblar hosil bo‘lishi mumkin:
- qon tomirlarda (bu «qon tomirlar trombozi», «qon tomirlar tromboemboliyasi» yoki TTE deb ataladi)
- arteriyalarda (bu «arterial tromboz», «arterial tromboemboliya» yoki ATE deb ataladi).
Trombozlar har doim ham to‘liq o‘tib ketmaydi. Kam hollarda uchraydigan hollarda oradan uzoq vaqt o‘tgandan keyin ham jiddiy oqibatlar kelib chiqishi mumkin va juda kam hollarda ular fatal xususiyat kasb etishi mumkin.
Midiana preparatini qo‘llash tufayli tromblar yuzaga kelishi umumiy xavfi uncha kuchli emasligini yodda saqlash muhim.
TROMBOZNI QANDAY ANIQLASh MUMKIN
Agar Sizda quyidagi belgilar yoki simptomlardan birontasi yuzaga kelgan bo‘lsa, darhol shifokorga murojaat eting:
Sizda quyidagi simptomlardan biri yuzaga keldimi? Taxminiy tashxis
- bir oyoq yoki oyoq yoki to‘piq vena bo‘ylab shishi, ayniqsa u quyidagilar bilan birga kechsa:
- oyoq og‘rig‘i va tomir tortilishi, ular faqat tik turgan holatda yoki yurganda sezilishi mumkin
- zararlangan oyoq haroratini oshishi
- oyoq terisi rangini o‘zgarishi, masalan, oqarishi, qizarishi yoki ko‘karishi Chuqur venalar trombozi
- to‘satdan nafas olishni qiyinlashishi yoki hech bir sababsiz yurak urishini tezlashishi;
- hech bir sababsiz to‘satdan yo‘tal tutishi, bu qon tupurish bilan birga kechishi mumkin;
- ko‘krak qafasida qattiq og‘riq kuzatilishi, u chuqur nafas olganda kuchayishi mumkin;
- qattiq lohas bo‘lish yoki bosh aylanishi;
- yurakni tez yoki notekis urishi;
- qorinning yuqori qismida kuchli og‘riq kuzatilishi.
Agar Siz ishonch hosil qilmasangiz, shifokorga murojaat eting, chunki yo‘tal tutishi yoki nafas olishni qiyinlashishi singari simptomlar yengilroq holat, masalan, nafas yo‘llarining infektsiyasi (masalan, shamollash) oqibati bo‘lishi mumkin. O‘pka arteriyasi tromboemboliyasi
Simptomlar ko‘pincha bir ko‘zda paydo bo‘ladi:
- to‘satdan ko‘rish qobiliyatini yo‘qotish yoki
- ko‘rish qobiliyatini og‘riqsiz pasayishi, bu ko‘rish qobiliyati yo‘qolgunga qadar rivojlanishi mumkin To‘r parda qon tomirlari trombozi (ko‘zdagi tromb)
- ko‘krak qafasida og‘riq, diskomfort, bosim, og‘irlik;
- ko‘krak qafasida, qo‘lda yoki to‘sh ortida siqilish yoki to‘liqlik hissi;
- to‘lib ketish, dispepsiya yoki bo‘g‘ilish hissi;
- tananing yuqori qismida og‘riq turib, yelkaga, jag‘ga, tomoqqa, qo‘lga va me'daga uzatilishi;
- ko‘p terlash, ko‘ngil aynishi, qusish yoki bosh aylanishi;
- yaqqol xolsizlik, bezovtalik yoki nafas olishni qiyinlashishi;
- yurakni tez yoki notekis urishi. Miokard infarkti
- yuz, qo‘llar yoki oyoqlar to‘satdan xolsizlanishi yoki uvishishi;
- ong, nutq yoki idrok etish qobiliyatini to‘satdan buzilishi;
- bir ko‘z yoki ikkala ko‘zda ko‘rish qobiliyatini to‘satdan buzilishi;
- qadam tashlashni to‘satdan buzilishi, bosh aylanishi, muvozanat yoki koordinatsiyani buzilishi;
- noma'lum sababli to‘satdan, qattiq yoki uzoq vaqt bosh og‘rishi;
- tirishish xuruji fonida va usiz ongni buzilishi yoki hushdan ketish.
Ba'zan insult simptomlari qisqa muddatli bo‘lishi va yuzaga kelgandan keyin darhol va to‘liq to‘xtashi mumkin, ammo Siz baribir darhol shifokorga murojaat etishingiz lozim, chunki insult qayta yuzaga kelishi xavfi mavjud.
Insult
- oyoq yoki qo‘lning shishi va biroz ko‘karishi;
- qorinda qattiq og‘riq turishi («o‘tkir qorin»). Boshqa qon tomirlarini to‘suvchi tromblar
VENALARDAGI TROMBLAR
Venada tromb hosil bo‘lganda nima yuz berishi mumkin?
- Majmuaviy gormonal kontratseptivlardan foydalanish venalar trombozi (venoz tromboz) xavfini kuchayishi bilan bog‘liq. Ammo bunday nojo‘ya ta'sirlar kam hollarda kuzatiladi. Ular majmuaviy gormonal kontratseptivlarni qabul qilishning birinchi yili davomida ayniqsa ko‘p yuzaga keladi.
- Agar tromb oyoqlar yoki to‘piqlar venalarida shakllansa, u chuqur venalar trombozi (ChVT) ni keltirib chiqarishi mumkin.
- Agar tromb oyoqdan siljib, o‘pkaga o‘tgan bo‘lsa, u o‘pka arteriyasi tromboemboliyasini keltirib chiqarishi mumkin.
- Kam hollarda tromb boshqa a'zo, masalan, ko‘z venalarida hosil bo‘lishi mumkin (to‘r parda venalari trombozi).
Qanday hollarda venalarda tromblar hosil bo‘lishi xavfi ayniqsa kuchli?
Venalar trombozi hosil bo‘lishi xavfi majmuaviy gormonal kontratseptivlarni qabul qilishning birinchi yilida (birinchi marta) ayniqsa yuqori bo‘ladi. Majmuaviy (o‘sha yoki boshqa) gormonal kontratseptivlarni qabul qilish to‘rt yoki undan ortiq haftalik tanaffusdan keyin davom ettirilgan holda ham xavf yuqori bo‘lishi mumkin.
Birinchi yildan keyin xavf kamayadi, ammo u majmuaviy gormonal kontratseptivlarni qabul qilmaydigan odamlar bilan solishtirganda baribir baland bo‘ladi.
Agar Siz Midiana preparatini qabul qilishni to‘xtatsangiz, tromblar hosil bo‘lishi xavfi bir necha hafta ichida normal darajasigacha kamayadi.
Trombozni rivojlanish xavfi qanday?
Xavf VTE ni rivojlanishi individual xavfiga va Siz qabul qilayotgan majmuaviy gormonal kontratseptivlar turiga bog‘liq bo‘ladi.
Midiana preparatini qabul qilayotganda oyoq venalarida yoki o‘pkada tromblar (chuqur venalar trombozi yoki o‘pka tromboemboliyasi) hosil bo‘lishi umumiy xavfi uncha kuchli emas.
- Biron-bir majmuaviy gormonal kontratseptivlardan foydalanmaydigan va homilador bo‘lmagan 10000 ayoldan taxminan ikki nafarida yil davomida tromblar hosil bo‘ladi.
- Tarkibida levonorgestrel, noretisteron yoki norgestimat mavjud bo‘lgan majmuaviy gormonal kontratseptivlardan foydalanadigan 10000 ayoldan taxminan 5-7 nafarida yil davomida tromblar hosil bo‘ladi.
- Tarkibida drospirenon mavjud bo‘lgan Midiana singari majmuaviy gormonal kontratseptivlardan foydalanadigan 10000 ayoldan taxminan 9-12 nafarida yil davomida tromblar hosil bo‘ladi.
- Tromblar hosil bo‘lishi xavfi Sizning sog‘lig‘ingiz holatiga qarab har xil bo‘ladi (quyida «Tromblar hosil bo‘lishi xavfini kuchaytiradigan omillar» bo‘limiga qarang).
Venalarda tromblar hosil bo‘lishi xavfini kuchaytiradigan omillar
Midiana preparatini qabul qilish fonida trombozlar yuzaga kelishi xavfi katta emas, ammo ba'zi bir holatlar xavfni kuchaytirishi mumkin. Xavf quyidagi hollarda kuchli bo‘ladi:
- agar Sizda semirish mavjud (tana vazni indeksi yoki TVI 30 kg/m2 dan yuqori) bo‘lsa;
- agar yaqin qarindoshlaringizdan birida 50 yoshgacha bo‘lgan davrda oyoqlari, o‘pkasi yoki boshqa organlarida tromblar yuzaga kelgan bo‘lsa. Bu holda Sizda tug‘ma qon ivishini buzilishi mavjud bo‘lishi mumkin;
- agar Sizda operatsiya o‘tkazish zarur bo‘lsa yoki Sizda jarohat yoki kasallik munosabati bilan harakatlanish faolligi yetarli bo‘lmasa yoki Sizning oyog‘ingiz gipsda bo‘lsa. Operatsiya o‘tkazilishidan bir necha hafta oldin yoki faollik pasaygan davr davomida Midiana preparatini qo‘llashni to‘xtatib turish talab etilishi mumkin. Agar Siz Midiana preparatini qabul qilishni to‘xtatib turishingiz kerak bo‘lsa, Siz uni qabul qilishni qachon davom ettirishingiz mumkinligini davolovchi shifokoringizdan so‘rang;
- yosh oshishi bilan (ayniqsa 35 yoshdan oshganlarda);
- agar Siz bir necha hafta oldin tuqqan bo‘lsangiz.
Sizda mavjud bo‘lgan, yuqorida ko‘rsatilgan shartlarni mos keladigan holatlar soni qancha ko‘p bo‘lsa, tromblar hosil bo‘lishi xavfi shuncha kuchli bo‘ladi.
To‘rt soatdan ortiq davom etadigan bir joydan boshqa joyga parvoz qilishlar tromboz hosil bo‘lishi xavfini vaqtinchalik kuchaytirishi mumkin, ayniqsa, Sizda yuqorida sanab o‘tilgan omillar mavjud bo‘lsa.
Agar Sizda yuqorida ko‘rsatilgan holatlardan birontasi mavjud bo‘lsa, hatto ularning mavjudligiga ishonchingiz komil bo‘lmasa ham, bu haqda shifokoringizga xabar qilishingiz muhimdir. Shifokoringiz Midiana preparatini bekor qilish to‘g‘risida qaror qabul qilishi mumkin.
Agar Midiana preparatini qabul qilish davrida biron-bir o‘zgarishlar yuz bergan, masalan, yaqin oila a'zolaringizda noma'lum sababli tromboz aniqlangan yoki Sizda tana vazni sezilarli darajada oshgan bo‘lsa, bu haqda shifokoringizga xabar qiling.
ARTERIYaLARDAGI TROMBLAR
Arteriyada tromb hosil bo‘lganda nima yuz berishi mumkin?
Venalardagi tromb singari, arteriyadagi tromb ham jiddiy asoratlarga olib kelishi mumkin. Masalan, u miokard infarkti yoki insultni keltirib chiqarishi mumkin.
Arteriyalarda tromblar hosil bo‘lishi xavfini kuchaytiradigan omillar
Shuni qayd etib o‘tish muhimki, Midiana preparatini qo‘llash fonida miokard infarkti yoki insult yuz berishi xavfi uncha kuchli emas, ammo ba'zi bir holatlar xavfni kuchaytirishi mumkin:
- yosh oshishi bilan (ayniqsa 35 yoshdan oshganlarda);
- agar Siz cheksangiz. Midiana singari majmuaviy gormonal kontratseptivlardan foydalanayotganda, chekishni tashlash tavsiya etilgan. Agar Siz chekishni tashlay olmasangiz va yoshingiz 35 dan oshgan bo‘lsa, shifokoringiz bo‘yida bo‘lishga qarshi vositaning boshqa turini Sizga tavsiya qilishi mumkin;
- agar Sizning vazningiz normadan ortiq bo‘lsa;
- agar Sizning arterial bosimingiz baland bo‘lsa;
- agar yaqin qarindoshlaringizdan birida 50 yoshgacha bo‘lgan davrda miokard infarkti yoki insult yuz bergan bo‘lsa. Bu holda Sizda miokard infarkti yoki insult yuz berishi xavfi yuqori bo‘lishi mumkin;
- agar Sizda yoki yaqin qarindoshlaringizdan birida qonda yog‘lar (xolesterin yoki triglitseridlar) darajasi normadan ortiq bo‘lsa;
- agar Sizda migrenlar, ayniqsa aurali migren mavjud bo‘lsa;
- agar Sizda yurak bilan bog‘liq muammolar (klapanlar ishini buzilishi, xilpillovchi aritmiya deb ataladigan yurak ritmini buzilishi) mavjud bo‘lsa;
- agar Sizda qandli diabet bo‘lsa.
Agar Sizda ko‘rsatilgan holatlarning bittadan ortig‘i mavjud yoki ulardan birontasi ayniqsa og‘ir kechayotgan bo‘lsa, tromblar hosil bo‘lishi xavfi yanada kuchayishi mumkin.
Agar Midiana preparatini qabul qilish davrida biron-bir o‘zgarishlar yuz bergan, masalan, Siz cheka boshlagan bo‘lsagiz yoki yaqin oila a'zongizda noma'lum sababli tromboz aniqlangan yoki Sizda tana vazni sezilarli darajada oshgan bo‘lsa, bu haqda shifokoringizga xabar qiling.
Gormonal kontratseptivlar va xavfli o‘smalar
Sut bezi raki peroral kontratseptivlar qabul qiladigan ayollarda bunday kontratseptivlarni qabul qilmaydigan shu yoshdagi ayollar bilan taqqoslaganda biroz ko‘proq aniqlanadi. Agar ayol peroral kontratseptivlar qabul qilishni to‘xtatsa, bu xavfni pasaytiradi, ayni vaqtda, peroral kontratseptivlar qabul qilish to‘xtatilgandan keyin oradan 10 yil o‘tgach, u peroral kontratseptivlarni hech qachon qabul qilmagan ayollardagi bunday xavf darajasi bilan tenglashadi. Peroral kontratseptivlar sut bezi raki xavfini kuchaytirishi aniq ma'lum emas. Ehtimol, peroral kontratseptivlar qabul qiladigan ayollar tibbiy ko‘rikdan ko‘proq o‘tadilar, shu sababli o‘sma ularda barvaqt aniqlanadi.
Peroral kontratseptivlar qabul qilgan ayollarda xavfli va xavfsiz jigar o‘smalari kam hollarda qayd etilgan. Jigar o‘smalari hayot uchun xavfli bo‘lgan qorin bo‘shlig‘i ichki qon ketishlariga olib kelishi mumkin. Shu sababli Sizda qorningizning yuqori qismida og‘riqlar yuzaga kelgan va tez o‘tib ketmagan holda, shifokoringizga murojaat eting.
Ayrim tadqiqotlarda peroral kontratseptivlarni uzoq vaqt qabul qilgan ayollarda bachadon bo‘yni rakining yuzaga kelishi xavfi kuchayishi qayd etilgan. Xavfni peroral kontratseptivlar kuchaytirishi yoki xavfning kuchayishiga jinsiy xulq-atvor yoki boshqa omillar sabab bo‘lishi aniq ma'lum emas.
Majmuaviy peroral kontratseptivlarning samaradorligi darajasi tabletkani qabul qilish o‘tkazib yuborilganda, shuningdek qusish, diareya yuz bergan holda («Agar Siz Midiana plyonka qobiq bilan qoplangan tabletkalar preparatini qabul qilishni unutgan bo‘lsangiz» bo‘limiga qarang) yoki ular boshqa dori vositalari bilan bir vaqtda qo‘llanilganda («Boshqa dori vositalari va Midiana preparati» bo‘limiga qarang) pasayadi.
Hayz ko‘rishlar oralig‘ida qon ketishi
Midiana plyonka qobiq bilan qoplangan tabletkalar preparatini qabul qilish boshlangan vaqtdan e'tiboran dastlabki oylar davomida Sizda kutilmagan qon ketishlar (tabletkalarni qabul qilishda bir haftalik tanaffus doirasidan tashqarida qon ketishlar) yuz berishi mumkin. Agar bu qon ketishlar bir necha oydan ortiq davom etayotgan yoki ular oradan bir necha oy o‘tgach boshlangan bo‘lsa, davolovchi shifokoringiz buning sababini aniqlash uchun Sizni tekshirishi kerak.
Agar qon ketishi yetti kunlik tanaffus vaqtida yuz bergan bo‘lmasa, Siz nima qilishingiz kerak
Agar Siz barcha tabletkalarni to‘g‘ri qabul qilgan bo‘lsangiz, Sizda qusish yoki og‘ir diareya yuz bergan bo‘lmasa va Siz boshqa dori vositalarini qabul qilmagan bo‘lsangiz, homilador bo‘lish ehtimoli juda kam.
Agar kutilayotgan qon ketishlar ikki sikl davomida yuz berganmagan bo‘lsa, Siz homilador bo‘lishingiz mumkin. Darhol davolovchi shifokoringizga murojaat qiling. Toki homilador emasligingizga ishonch hosil qilmaguncha keyingi o‘ramni qabul qilishni boshlamang.
Boshqa dori vositalari va Midiana preparati
Siz o‘zingizga Midiana preparatini buyurgan shifokorga Siz qaysi dori yoki o‘simlik preparatlarini qabul qilayotganingizni doim xabar qiling. Shuningdek, o‘zingizga boshqa preparatni buyurishi mumkin bo‘lgan boshqa har qanday shifokorga yoki stomatologga (yoki farmatsevtga) Siz Midiana preparatini qabul qilayotganingizni xabar qiling. Ular Siz qo‘shimcha kontratseptsiya vositalaridan (masalan, prezervativlardan) foydalanishingiz kerakligi yoki kerak emasligini, agar kerak bo‘lsa, qachongacha foydalanish kerakligini aytishlari mumkin.
Ayrim dori vositalari Midiana preparatining qon plazmasidagi kontsentratsiyasiga ta'sir ko‘rsatishi va bu uning homilador bo‘lishga qarshi samaradorligi darajasini pasaytirishi yoki kutilmagan qon ketishlarini keltirib chiqarishi mumkin. Bunday dori vositalari qatoriga quyidagilarni davolash uchun mo‘ljallangan preparatlar kiradi:
• tutqanoqni (masalan, primidon, fenitoin, barbituratlar, karbamazepin, okskarbazepin)
• tuberkulyoz kasalligini (masalan, rifampitsin)
• OIV infektsiyasi va C gepatitini (proteaza ingibitorlari va teskari transkriptaza nonukleozid ingibitorlar, xususan, ritonavir, nevirapin, efavirenz) yoki boshqa infektsiyalarni (grizeofulvin)
• o‘pka qon tomirlaridagi yuqori bosimni (bozentan)
• va tarkibida teshik dalachoy bo‘lgan fitopreparatlar.
Midiana, plyonka qobiq bilan qoplangan tabletkalar preparati, boshqa preparatlar bilan bir vaqtda qo‘llanilgan holda, ularning, masalan, tarkibida siklosporin mavjud bo‘lgan preparatlarning yoki tutqanoqni davolash uchun qo‘llaniladigan preparatlar, xususan, lamotridjinning samarasiga ta'sir ko‘rsatishi mumkin.
Biron-bir dori vositasini qabul qilishdan oldin shifokoringiz yoki farmatsevt bilan maslahatlashing.
Homiladorlik va emizish davri
Agar Siz homilador bo‘lsangiz, Midiana, plyonka qobiq bilan qoplangan tabletkalar preparatini qabul qilmang. Agar Midiana preparatini qabul qilish davrida Siz homilador bo‘lib qolgan yoki Siz homilador bo‘lib qolganini taxmin qilayotgan bo‘lsangiz, preparatni qabul qilishni darhol to‘xtating va shifokoringizga murojaat qiling.
Emizish davri
Emizish davrida Midiana plyonka qobiq bilan qoplangan tabletkalar preparatini qabul qilish, umuman olganda, tavsiya etilmagan. Agar Siz emizish davrida peroral kontratseptiv qabul qilishni istasangiz, shifokoringiz bilan maslahatlashing.
Biron-bir dori vositasini qabul qilishdan oldin shifokoringiz yoki farmatsevt bilan maslahatlashing.
Transport vositalarini boshqarish va mexanizmlar bilan ishlash
Midiana plyonka qobiq bilan qoplangan tabletkalar preparati transport vositalarini boshqarish va mexanizmlar bilan ishlash qobiliyatiga ta'sir ko‘rsatishidan dalolat beradigan ma'lumot mavjud emas.
Midiana, plyonka qobiq bilan qoplangan tabletkalar preparati tarkibida sut qandi (laktoza) va soya moyi (soya letsitini) mavjud
Midiana, plyonka qobiq bilan qoplangan tabletkalar preparati tarkibida 48,17 mg laktoza monogidrati mavjud. Agar, shifokoringizning so‘zlariga ko‘ra, Sizda ayrim qandlarni o‘zlashtiraolmaslik mavjud bo‘lsa, ushbu preparatni qabul qilishga kirishishdan oldin shifokoringiz bilan maslahatlashing.
Midiana, plyonka qobiq bilan qoplangan tabletkalar preparati tarkibida soya moyi mavjud. Agar Sizda yeryong‘oq yoki soyaga allergiya mavjud bo‘lsa, ushbu preparatni qabul qilmang.
Laborator testlar
Laboratoriya tahlillarini o‘tkazish talab etilgan holda, shifokoringizga yoki laboratoriya xodimlariga Siz peroral kontratseptivlar qabul qilayotganingizni xabar qiling, chunki ular ayrim testlarni natijalariga ta'sir ko‘rsatishi mumkin.
3. Midiana, plyonka qobiq bilan qoplangan tabletkalar preparatini qanday qabul qilish kerak?
Ushbu preparatni har doim shifokoringiz qanday buyurgan bo‘lsa, shunday qabul qiling. Agar ishonchingiz komil bo‘lmasa, shifokoringizga murojaat qiling.
Tabletkalarni qachon va qanday qabul qilish kerak?
Majmuaviy peroral kontratseptivlar to‘g‘ri qo‘llangan holda homilador bo‘lish xavfi bir yilda taxminan 1% ni tashkil etadi. Ushbu xavf tabletkani qabul qilish o‘tkazib yuborilgan yoki preparatdan noto‘g‘ri foydalanilgan holda oshishi mumkin.
Midiana preparatining bitta tabletkasini har kuni, zarur holda oz miqdorda suv bilan birga qabul qiling. Siz tabletkalarni ovqatlanish vaqtidan qat'i nazar qabul qilishingiz mumkin, ammo tabletkalarni har kuni ayni bir vaqtda qabul qilishingiz kerak.
Blister 21 tabletkadan iborat. Har bir tabletka yonida u qabul qilinishi kerak bo‘lgan hafta kuni aks ettirilgan. Agar, masalan, Siz preparatni qabul qilishni chorshanba kuni boshlayotgan bo‘lsangiz, yoniga «Sr» deb yozilgan tabletkani oling. Tabletkalarni blisterdagi strelkaga muvofiq 21 tabletkaning hammasi ichilgunga qadar qabul qiling.
Bundan keyin tabletkalarni 7 kun davomida qabul qilmang. Mazkur yetti kunlik davr ichida (u bekor qilish davri deb ataladi) qon ketishi boshlanishi kerak. Odatda bunday «bekor qilish» qon ketishi bekor qilish davri boshlangandan keyin oradan 2 yoki 3 kun o‘tgach boshlanadi.
Midiana preparatining oxirgi tabletkasi qabul qilinganidan keyin 8-chi kuni (ya'ni yetti kunlik bekor qilish davri o‘tgandan so‘ng), hatto qon ketishi to‘xtamagan bo‘lsa ham, navbatdagi o‘ramdan tabletkalarni qabul qilishga kirishing. Bu Siz navbatdagi o‘ramni qabul qilishni haftaning ayni bir kunida boshlashingiz kerakligini va «bekor qilish» qon ketishi har oyning ayni bir kunida yuz berishi kerakligini anglatadi.
Agar Siz Midiana plyonka qobiq bilan qoplangan tabletkalar preparatini ko‘rsatilgan usulda qabul qilsangiz, Siz tabletkalarni qabul qilmaydigan yetti kunlik davrda ham kontratseptiv samaradorligi saqlanib qoladi.
Birinchi o‘ramdan foydalanishni qachon boshlash kerak?
• Agar Siz gormonal kontratseptivlardan o‘tgan oy davomida foydalanmagan bo‘lmasangiz.
Midiana, plyonka qobiq bilan qoplangan tabletkalar preparatini qabul qilishni hayz ko‘rish siklining birinchi kunida (ya'ni hayz qon ketishining birinchi kunida) boshlang. Agar Siz Midiana, plyonka qobiq bilan qoplangan tabletkalar preparatini qabul qilishni hayz ko‘rishning birinchi kunida boshlagan bo‘lsangiz, kontratseptiv himoya darhol ta'sir ko‘rsata boshlaydi. Siz qabul qilishni siklning 2–5-chi kunida boshlashingiz ham mumkin, ammo bu holda dastlabki 7 kun davomida qo‘shimcha kontratseptsiya vositalaridan (masalan, prezervativlardan) foydalaning.
• Boshqa majmuaviy gormonal kontratseptiv, vaginal halqa yoki transdermal plastir o‘rniga qo‘llanilgan holda.
Siz Midiana, plyonka qobiq bilan qoplangan tabletkalar preparatini qabul qilishni oldingi peroral kontratseptivingiz tabletkalarini qabul qilishda tanaffus tugaganidan keyin (yoki oldingi peroral kontratseptivning oxirgi faol bo‘lmagan tabletkasini qabul qilgandan keyin) ertasi kuni boshlashingiz mumkin.
Vaginal halqa yoki transdermal plastirdan foydalanishdan voz kechilgan holda Midiana, plyonka qobiq bilan qoplangan tabletkalar preparatini qabul qilishni ular olib tashlangan kunda boshlagan ma'qul; bunday hollarda Midiana, plyonka qobiq bilan qoplangan tabletkalar preparatini qabul qilish yangi halqa kiritilishi yoki plastirning navbatdagi applikatsiyasi bajarilishi lozim bo‘lgan kundan kechiktirmasdan boshlanishi kerak.
• Tarkibida faqat progestagen mavjud bo‘lgan kontratseptivlar (mini-pili) dan o‘tilganda
Siz tarkibida faqat progestagen mavjud bo‘lgan kontratseptivlar (mini-pili) dan istalgan kuni o‘tishingiz mumkin, ammo tabletkalarni qabul qilishning dastlabki 7 kuni davomida qo‘shimcha kontratseptsiya vositalaridan (masalan, prezervativlardan) foydalanishingiz kerak.
• Gormonal in'ektsion kontratseptivlardan, progestagen ajratadigan bachadon ichki davolash tizimi (BIDT) yoki kontratseptiv implantatdan o‘tilganda
Agar Siz in'ektsiyalar, implantatlar yoki progestagen ajratadigan BIDTni qo‘llashga asoslangan kontratseptsiya usulidan foydalangan bo‘lsangiz, Midiana, plyonka qobiq bilan qoplangan tabletkalar preparatini qabul qilishni implantat yoki progestagen ajratadigan BIDT olib tashlangan kunda yoki oldindan rejalashtirilgan in'ektsiya kunida boshlashingiz mumkin, ammo barcha hollarda Siz tabletkalarni qabul qilishning dastlabki 7 kuni davomida qo‘shimcha kontratseptsiya vositalaridan (masalan, prezervativlardan) foydalanishingiz kerak.
• Homiladorlikning birinchi uch oyligida homila tushgandan keyin
Shifokoringizning tavsiyalariga rioya qiling.
• Tuqqandan yoki homiladorlik to‘rtinchi, beshinchi, oltinchi oyda (homiladorlikning ikkinchi uch oyligida) to‘xtatilgandan keyin
Agar Siz tuqqaningizdan keyin oradan ko‘p o‘tmay va emizish davrida Midiana, plyonka qobiq bilan qoplangan tabletkalar preparatini qabul qilishni boshlamoqchi yoki qayta davom ettirmoqchi bo‘lsangiz, iltimos, «Homiladorlik va emizish davri» bo‘limini o‘qib chiqing.
Tuqqandan keyin yoki homiladorlik ikkinchi uch oyligida to‘xtatilganidan keyin Siz Midiana, plyonka qobiq bilan qoplangan tabletkalar preparatini qabul qilishni tuqqandan keyin yoki homiladorlik ikkinchi uch oyligida to‘xtatilganidan keyin 21–28-chi kunda boshlashingiz mumkin. Agar Siz tabletkalarni qabul qilishni bundan kech muddatda boshlasangiz, dastlabki 7 kun davomida qo‘shimcha kontratseptsiya vositalaridan (masalan, prezervativlardan) foydalanishingiz kerak. Ammo Midiana preparatini qo‘llash boshlangunga qadar jinsiy aloqa qilingan holda homiladorlik mavjud emasligiga ishonch hosil qilish yoki keyingi hayz boshlangunga qadar kutish kerak.
Agar Siz Midiana preparati tabletkalarini keragidan ortiq qabul qilgan bo‘lsangiz
Midiana preparati tabletkalarini haddan tashqari ko‘p miqdorda qabul qilishning jiddiy salbiy oqibatlari to‘g‘risida ma'lumotlar yo‘q. Agar Siz bir nechta tabletka qabul qilgan bo‘lsangiz, Sizda ko‘ngil aynishi va qusish simptomlari paydo bo‘lishi mumkin. Yosh qizlarda qindan qon ketishi rivojlanishi mumkin.
Agar Siz bolangiz bir nechta tabletkani qabul qilganini aniqlagan bo‘lsangiz, shifokoringiz yoki farmatsevtga darhol murojaat qiling.
Agar Siz Midiana preparati tabletkalarini haddan tashqari ko‘p miqdorda qabul qilgan bo‘lsangiz, darhol shifokoringiz yoki farmatsevtga murojaat qiling.
Agar Siz Midiana, plyonka qobiq bilan qoplangan tabletkalar preparatini qabul qilishni unutgan bo‘lsangiz
• Agar Siz tabletkani qabul qilishni unutgan vaqtdan boshlab oradan 12 soatdan kam vaqt o‘tgan bo‘lsa, kontratseptiv samaradorlik avvalgi darajada saqlanadi. Tabletkani mumkin qadar tez qabul qiling yoki so‘ng tabletkalarni odatdagi vaqtda qabul qiling.
• Agar Siz tabletkani qabul qilishni unutgan vaqtdan boshlab oradan 12 soatdan ko‘p vaqt o‘tgan bo‘lsa, kontratseptiv himoya pasayishi mumkin. Siz o‘tkazib yuborgan tabletkalar soni qancha ko‘p bo‘lsa, bo‘yida bo‘lish xavfi shuncha yuqori bo‘ladi.
Agar Siz blisterning boshidagi yoki oxiridagi tabletkani qabul qilishni unutgan bo‘lsangiz, noxush homiladorlikdan himoyalanish darajasining pasayishi xavfi ayniqsa yuqori bo‘ladi. Shu sababli Siz quyidagi qoidalarga amal qilishingiz kerak (yana quyidagi diagrammaga qarang):
• Siz o‘ramdagi bittadan ortiq tabletkani qabul qilishni unutdingiz
Shifokorga murojaat qiling.
• Preparatni qabul qilishning birinchi haftasida bitta tabletkani o‘tkazib yuborilsa
O‘tkazib yuborilgan tabletkani bu haqda eslaganingiz zahoti, mumkin qadar tez qabul qiling, hatto buning uchun bir vaqtning o‘zida ikkita tabletkani qabul qilish kerak bo‘lsa ham. Keyingi tabletkalarni odatdagi vaqtda qabul qiling va keyingi 7 kun davomida qo‘shimcha kontratseptsiya vositasi, masalan, prezervativdan foydalaning. Agar tabletkani o‘tkazib yuborishdan oldingi hafta davomida jinsiy aloqa qilingan bo‘lsa, homilador bo‘lish ehtimolini hisobga olish zarur. Bu holda shifokoringizga murojaat qiling.
• Preparatni qabul qilishning ikkinchi haftasida bitta tabletkani o‘tkazib yuborilsa
O‘tkazib yuborilgan tabletkani bu haqida eslaganingiz zahoti, mumkin qadar tez qabul qiling, hatto buning uchun bir vaqtning o‘zida ikkita tabletkani qabul qilish kerak bo‘lsa ham. Keyingi tabletkalarni odatdagi vaqtda qabul qiling. Homilador bo‘lishga qarshi samaradorlik pasaymagan va qo‘shimcha kontratseptsiyalaridan foydalanishning hojati yo‘q.
• Preparatni qabul qilishning uchinchi haftasida bitta tabletkani o‘tkazib yuborilsa
Siz ikki variantdan birini tanlashingiz mumkin:
1. O‘tkazib yuborilgan tabletkani bu haqda eslaganingiz zahoti, mumkin qadar tez qabul qiling, hatto buning uchun bir vaqtning o‘zida ikkita tabletkani qabul qilish kerak bo‘lsa ham. Keyingi tabletkalarni odatdagi vaqtda qabul qiling. Keyingi o‘ramdagi tabletkalarni qabul qilishni ikki o‘ramni qabul qilish o‘rtasida tanaffussiz boshlang.
Hayzsimon qon ketishi («bekor qilish» qon ketishi) ikkinchi o‘ram tugagandan keyin boshlansa kerak, ammo ikkinchi o‘ramdan foydalanish kunlari Sizda qon aralash ajralmalar yoki hayz sikllari oralig‘ida ko‘p miqdorda qon ketishi kuzatilishi mumkin.
2. Siz tabletkalarni qabul qilishni to‘xtatishingiz va bevosita yetti kunlik bekor qilish davriga o‘tishingiz mumkin (Siz tabletkani qabul qilishni unutgan kunni yozib qo‘ying). Agar Siz yangi o‘ramni qabul qilishni belgilangan start kunida boshlamoqchi bo‘lsangiz, bekor qilish davri yetti kundan kam bo‘lsin.
Agar Siz ikki variantdan birini qo‘llasangiz, qo‘shimcha kontratseptsiya vositalaridan foydalanish talab etilmaydi.
Tabletkalarni qabul qilish o‘tkazib yuborilgan va preparatni qabul qilishdan xoli birinchi davrda «bekor qilish» qon ketishi mavjud bo‘lmagan holda homiladorlik istisno etilishi kerak. Navbatdagi o‘ramdan foydalanishga kirishishdan oldin shifokoringiz bilan maslahatlashing.
Bir o‘ramdagi bir nechta tabletkani o‘tkazib yuborish
Shifokoringiz bilan maslahatlashing
ha
1-haftada Tabletka o‘tkazib yuborilgunga qadar hafta davomida jinsiy aloqa?
yo‘q
• O‘tkazib yuborilgan tabletkani qabul qiling
• Keyingi 7 kun davomida to‘siqli usul (prezervativ) dan foydalaning
• O‘ramni tamomlang
Faqat 1 tabletka o‘tkazib yuboril-gan (12 soatdan ko‘p kechikish)
2-haftada
• O‘tkazib yuborilgan tabletkani qabul qiling
• O‘ramni tamomlang
• O‘tkazib yuborilgan tabletkani qabul qiling
• O‘ramni tamomlang
• Bekor qilish haftasi o‘rniga
• Navbatdagi o‘ramga o‘ting
3-haftada
yoki
• Ushbu o‘ramdan tabletkalarni qabul qilishni to‘xtating
• Yetti kunlik bekor qilish davriga o‘ting (tabletka o‘tkazib yuborilgan kunni ham qo‘shganda, uzog‘i bilan 7 kun)
• Navbatdagi o‘ramni boshlang
Qusish yoki og‘ir diareya yuz bergan holda Siz nima qilishingiz kerak
Tabletka qabul qilingandan keyin 3-4 soat ichida qusish yuz bergan yoki og‘ir diareya rivojlangan holda tabletkaning ta'sir ko‘rsatuvchi moddalari Sizning organizmingizga to‘liq tushmasligi xavfi oshadi. Bu holda tabletkani o‘tkazib yuborish bilan o‘xshash vaziyat yuzaga keladi. Qusish yoki diareya to‘xtagandan keyin Siz zaxira o‘ramdan boshqa tabletkani mumkin qadar tez qabul qilishingiz kerak. Imkoniyatga qarab, tabletkani odatdagi qabul qilish vaqtidan keyin 12 soat ichida qabul qiling. Agar 12 soat ichida bunday qilishning iloji bo‘lmasa, «Agar siz Midiana plyonka qobiq bilan qoplangan tabletkalar preparatini qabul qilishni unutgan bo‘lsangiz» bo‘limida berilgan maslahatlarga rioya qiling.
Hayz ko‘rishning kechikishi: Siz nimani bilishingiz kerak
Garchi bu tavsiya etilgan bo‘lmasa-da, hayz ko‘rish («bekor qilish» qon ketishi) ning boshlanish kunini Midiana plyonka qobiq bilan qoplangan tabletkalar preparatining navbatdagi o‘ramini qabul qilishni yetti kunlik bekor qilish davri o‘rniga, ikkinchi o‘ram tamomlangunga qadar boshlash yo‘li bilan kechiktirish mumkin. Ikkinchi o‘ramdan foydalanish davrida Sizda qon aralash ajralmalar (qon tomchilari yoki dog‘lari) yoki hayz sikllari oralig‘ida ko‘p miqdorda qon ketishi yuz berishi mumkin. Yetti kunlik bekor qilish davridan keyin navbatdagi o‘ramga o‘ting.
Hayz ko‘rish davrining birinchi kunini o‘zgarishi: Siz nimani bilishingiz kerak
Agar Siz tabletkalarni yo‘riqnomaga muvofiq qabul qilayotgan bo‘lsangiz, hayz ko‘rish/«bekor qilish» qon ketishi davri bekor qilish haftasida boshlanadi. Agar Siz bu kunni ko‘chirmoqchi bo‘lsangiz, tabletkalarni qabul qilishda tanaffusni qisqartirishingiz mumkin (ammo uni aslo uzaytirmang!). Masalan, agar tabletkalarni qabul qilishda tannaffus juma kuni boshlangan, Siz esa bu kunni seshanbaga (3 kun oldinga) o‘zgartirmoqchi bo‘lsangiz, yangi o‘ramni odatdagidan uch kun oldin boshlashingiz kerak. Agar tabletkalarni qabul qilishda tanaffus juda qisqa (masalan, uch kun yoki undan kam) bo‘lsa, Sizda bu davrda «bekor qilish» qon ketishi yuz bermasligi mumkin. Sizda qon aralash ajralmalar (qon tomchilari yoki dog‘lari) yoki hayz ko‘rishlar oralig‘ida ko‘p miqdorda qon ketishi yuz berishi mumkin.
Agar Siz Midiana, plyonka qobiq bilan qoplangan tabletkalar preparatini qabul qilishni to‘xtatmoqchi bo‘lsangiz
Siz Midiana, plyonka qobiq bilan qoplangan tabletkalar preparatini qabul qilishni istalgan vaqtda to‘xtatishingiz mumkin. Agar Siz homilador bo‘lib qolishni istamasangiz, ishonchli kontratseptsiya usullarini tanlash yuzasidan maslahat so‘rab shifokoringizga murojaat qiling.
Agar Siz homilador bo‘lish maqsadida Midiana plyonka qobiq bilan qoplangan tabletkalar preparatini qabul qilishni to‘xtatgan bo‘lsangiz, tabiiy hayz ko‘rish qayta tiklangunga qadar boshqa kontratseptsiya usulidan foydalaning. Bu holda farzandingizning tug‘ilishi sanasini belgilashingiz oson bo‘ladi.
4. Yuz berishi mumkin bo‘lgan nojo‘ya samaralar
Boshqa dori vositalari singari, ushbu preparat ham nojo‘ya samaralarni keltirib chiqarishi mumkin, ammo ular hammada ham yuzaga kelmasligi mumkin.
Agar Sizda biron-bir, ayniqsa og‘ir yoki uzoq davom etuvchi nojo‘ya samaralar yuz bergan yoki sog‘lig‘ingizning holati o‘zgargan va bu, Sizning fikringizcha, Midiana preparatini qo‘llash bilan bog‘liq bo‘lsa, iltimos, shifokoringiz bilan maslahatlashing.
Majmuaviy gormonal kontratseptivlarni qabul qilayotgan barcha ayollarda qon tomirda tromblar (vena tromboemboliyasi (VTE)) yoki arteriyalarda tromblar (arterial tromboemboliya (ATE)) hosil bo‘lishi xavfi yuqori bo‘ladi. Majmuaviy gormonal kontratseptivlarni qabul qilish xavfiga doir batafsil ma'lumot 2-bo‘lim «Midiana plyonka qobiq bilan qoplangan tabletkalar preparatini qabul qilishdan oldin Siz nimalarni bilishingiz kerak»da keltirilgan.
Tez-tez uchraydigan nojo‘ya samaralar (har o‘n ayoldan birida yuz berishi mumkin):
- kayfiyatni o‘zgarishi,
- bosh og‘rig‘i,
- qorin og‘rig‘i (me'da og‘rig‘i),
- akne,
- sut bezi og‘rig‘i, sut bezini kattalashishi, og‘riqli yoki nomuntazam hayz ko‘rishlar,
- tana vaznini oshishi.
Tez-tez uchramaydigan nojo‘ya samaralar (har yuz ayoldan birida yuz berishi mumkin):
- kandidoz (zamburug‘li infektsiya),
- lab gerpesi (oddiy gerpes),
- allergik reaktsiyalar,
- ishtahani kuchayishi,
- depressiya, asabiylik, uyquni buzilishi,
- uvishish hissi, bosh aylanishi,
- ko‘rishni buzilishi,
- yurak nomuntazam yoki odatdagi bo‘lmagan tez urishi,
- o‘pka tomirlarida tromboz (o‘pka tromboemboliyasi) yoki oyoq tomirlarida qon quyqalari (tromboemboliya), yuqori arterial bosim, migren, venalar varikoz kengayishi,
- tomoq og‘rishi,
- ko‘ngil aynishi, qusish, me'da va/yoki ichak yallig‘lanishi, diareya, qabziyat,
- teri va/yoki (masalan, til yoki tomoq) shilliq qavatlarning to‘satdan shishi va/yoki yutishni qiyinlashishi yoki nafas olishni qiyinlashishi bilan birga eshakemi (Kvinke shishi), soch to‘kilishi (alopetsiya), ekzema, qichishish, toshma toshishi, teri qurishi, teri yallig‘lanishi uning moyillik darajasi buzilishi bilan birga, terining chandiqlanishi yoki kepaklanishi (seboreyali dermatit),
- bo‘yin og‘rishi, qo‘llar va oyoqlar og‘rishi, mushaklarda spazmalar hosil bo‘lishi,
- qovuq infektsiyasi,
- sut bezi o‘smasi (xavfsiz o‘sma va rak), homilador bo‘lmagani holda sut ajralishi (galaktoreya), tuxumdon kistasi, qizib ketish hissi, hayz ko‘rish yo‘qligi, o‘ta og‘ir hayz ko‘rishlar, qindan ajralmalar, qinning quruqligi, qorinning pastki qismida (kichik chanoqda) og‘riq turishi, patologik servikal surtma (Papanikolau yoki Pap-test), jinsiy aloqa qilishga qiziqishni pasayishi,
- suyuqlikni tutilishi, quvvat pasayishi, ko‘p chanqash, ko‘p terlash,
- tana vaznini kamayishi.
Kam hollarda uchraydigan nojo‘ya samaralar (har ming ayoldan birida yuz berishi mumkin):
- astma
- ko‘p shaklli eritema (qizil toshma yoki «nishon» ko‘rinishida pufaklar), tugunsimon eritema (terida og‘riqli qizil tugunchalar)
- tananing ba'zi joylarida tromb sababli qon tomirida berkilib qolishi
- venalar yoki arteriyalarda tromb hosil bo‘lishi, masalan
- oyoqda yoki to‘piqda (ya'ni ChVT – chuqur venalar trombozi),
- o‘pkada (ya'ni O‘ATE – o‘pka arteriyasi tromboemboliyasi),
- miokard infarkti,
- insult,
- mini-insult yoki insultning tranzitor ishemik ataka (TIA) deb ataladigan vaqtinchalik belgilari,
- jigar, me'da/ichak/buyrak yoki ko‘zdagi tromblar.
Agar Sizda xavfni kuchaytiradigan qandaydir holatlar mavjud bo‘lsa, tromb hosil bo‘lishi xavfi yanada kuchli bo‘lishi mumkin (tromboz xavfini kuchaytiradigan holatlar va tromboz belgilari haqida qo‘shimcha ma'lumotni 2-bo‘limda qarang).
Sut bezi rakining aniqlanish ko‘rsatkichlari peroral kontratseptivlar qabul qiluvchi ayollarda juda oz miqdorda ko‘payadi. Sut bezi raki qirq yoshga to‘lmagan ayollarda kam holda yuz berishi bois, bu ko‘payish sut bezi raki umumiy xavfi bilan taqqoslaganda ahamiyatsizdir. Peroral kontratseptivlarni qo‘llash bilan bog‘liq sababiy bog‘lanishlar noma'lum. Qo‘shimcha ma'lumot «Midiana, plyonka qobiq bilan qoplangan tabletkalar preparatini qo‘llash mumkin bo‘lmagan holatlar», «Maxsus ko‘rsatmalar va ehtiyotkorlik choralari», «Midiana, plyonka qobiq bilan qoplangan tabletkalar preparatini qabul qilishga kirishishdan oldin Siz nimalarni bilishingiz kerak» bo‘limlarida keltirilgan.
Tug‘ma angionevrotik shish mavjud bo‘lgan ayollarda estrogenlar shish yuz berishiga sabab bo‘lishi yoki uning simptomlarini kuchaytirishi mumkin (2-bo‘lim «Midiana, plyonka qobiq bilan qoplangan tabletkalar preparatini qabul qilishga kirishishdan oldin Siz nimalarni bilishingiz kerak»ga qarang).
Agar Sizda biron-bir g‘ayrioddiy simptomlar, xususan, ko‘krak qafasi, qorin yoki oyoqlarda tushuntirib bo‘lmaydigan og‘riq yuzaga kelgan bo‘lsa, darhol shifokoringizga murojaat qiling.
Nojo‘ya samaralar haqida xabar qilish
Agar Sizda biron-bir, shu jumladan mazkur ilova-varaqada sanab o‘tilmagan nojo‘ya samaralar yuz bergan bo‘lsa, shifokoringizga yoki farmatsevtga murojaat qiling. Shuningdek Siz nojo‘ya samara haqida milliy hisobot tizimi yordamida xabar qilishingiz ham mumkin. Nojo‘ya samaralar haqida xabar berish ushbu dori preparatining xavfsizligi to‘g‘risida ko‘proq ma'lumotlar olishga yordam beradi.
5. Midiana, plyonka qobiq bilan qoplangan tabletkalar preparatini qanday saqlash kerak
25°C dan yuqori bo‘lmagan haroratda, yorug‘likdan ximoya qilish uchun original o‘ramda saqlang.
Bolalar ololmaydigan joyda saqlang.
Utilizatsiyaga doir maxsus ko‘rsatmalar va foydalanishga doir boshqa ma'lumot
Preparat oqava suvlar yoki maishiy chiqindilarga qo‘shib tashlash yo‘li bilan yo‘q qilinishi mumkin emas. Kerak bo‘lmagan preparatni yo‘q qilish usulini farmatsevtdan surishtiring. Bu atrof muhitni asrashga yordam beradi.
Midiana, plyonka qobiq bilan qoplangan tabletkalar preparatini karton qutida va blisterda ko‘rsatilgan yaroqlilik muddati o‘tgandan keyin qabul qilmang (yaroqlilik muddatini belgilash uchun «mm.gggg» qisqartmalari qo‘llanilgan). Yaroqlilik muddati ko‘rsatilgan oyning oxirgi kunida tugaydi.
6. O‘ram tarkibi va qo‘shimcha ma'lumot
Midiana, plyonka qobiq bilan qoplangan tabletkalar preparati tarkibida nima bor
- Faol komponentlar: har bir tabletkada 3 mg drospirenon va 0,03 mg etinilestradiol.
- Boshqa ingrediyentlar:
Tabletka yadrosi:
Laktoza monogidrati
Makkajo‘xori kraxmali
Qayta jelatinlangan (makkajo‘xori) kraxmali
Povidon K-25
Magniy stearati
Plyonka qobig‘i:
Polivinil spirti
Titan dioksidi (E171)
Talk
Makrogol 3350
Letsitin (soya letsitini)
Midiana plyonka qobiq bilan qoplangan tabletkalar preparati qanday ko‘rinishga ega va o‘ram tarkibi
Dumaloq shaklli, ikki tomoni qavariq, diametri taxminan 6 mm, oq yoki deyarli oq rangli plyonka qobiq bilan qoplangan tabletka. Bir tomoniga «G63» gravirovkasi bor, boshqa tomoni yozuvsiz.
Blisterda 21 tabletka (PVX/PVDX-alyumin folga).
Karton qutida 1 yoki 3 blister ilova qilingan qo‘llash bo‘yicha yo‘riqnoma bilan birga. Karton qutiga blisterni saqlash uchun kartondan yassi futlyar joylangan.
Qayd etish guvohnomasining egasi va ishlab chiqaruvchi
«Gedeon Rixter» OAJ
1103 Budapesht, Demrei ko‘chasi, 19-21, Vengriya
Ishonch telefoni (qo‘ng‘iroq bepul): 7-800-555-00777
Elektron pochta: drugsafety@g-richter.ru