Oblepixovoye maslo-LIK 50ml

Tavsif

Preparatning savdo nomi

Oblepixovoye maslo-LIK

Dori shakli

Moyli eritma

Tarkibi

1 flakon quyidagilarni saqlaydi:
Faol modda: chakanda moyi kontsentrati 250 g
Yordamchi moddalar: rafinadlangan kungaboqar moyi

Ta'rifi

To‘q sariq-qizil rangli, o‘ziga xos xid va ta'mga ega bo‘lgan moysimon eritma.

Farmakoterapevtik guruhi

To‘qimalar trofikasi va regeneratsiyasini rag‘batlantiruvchi vosita

Farmakologik xususiyatlari

O‘simlikdan olinadigan vosita bo‘lib, A, Ye, K vitaminlarining manbaidir. Tarkibida tabiiy biologik faol moddalar bo‘lganligi tufayli, toksik moddalarni, perekislarni, boshqa agressiv omillarning shikastlovchi ta'sirlarini kamaytiradi va hujayra qobig‘ini, hujayra ichki strukturalarini himoya qiladi. Preparat teri qoplamalari va shilliq qavatlarining shikastlanishida bitish jarayonlarini rag‘batlantiradi, yallig‘lanishga qarshi, o‘rab oluvchi va safro haydovchi ta'sirlarni namoyon qiladi. Chakanda moyi hujayrani oziqlanish jarayonlariga, ovqat hazm qilish a'zolarining faoliyatiga yaxshi ta'sir qiladi.
Preparatning so‘rilishining jadalligi qo‘llash usuliga bog‘liq. Chakanda moyi ichga qo‘llanganida almashinuv mahsulotlari ahlat va siydik bilan chiqariladi.

Qo‘llanilishi

Kuyishlarni, yotoq yaralarni, teri va shilliq qavatlarini nur bilan shikastlanishini, ginekologik kasalliklarni (kolьpitlar, endotservitsitlar, bachadon bo‘yni eroziyasi), proktologik patologiyani (to‘g‘ri ichakning eroziv-yarali, atrofik va boshqa patologiyalari, anus yorig‘i, gemorroy) davolashda sirtga qo‘llaniladi.

Qo‘llash usuli va dozalari

Sirtga buyuriladi.
Terining shikastlanishlarida moyli bog‘lovlar ko‘rinishida qo‘llanadi. Terining oldindan nekrotik to‘qimalardan tozalangan sohasiga chakanda moyi, so‘ngra paxta-dokali bog‘lam qo‘yiladi, u kunora almashtiriladi. Davolash granulyatsiyalar paydo bo‘lgunicha o‘tkaziladi.
Kolьpitlarni, endotservitsitlarni, bachadon bo‘yni eroziyasini, gemmorroyni, to‘g‘ri ichakning yoriqlarini davolashda, chakanda moyi ko‘p shimdirilgan tamponlar ko‘rinishida qo‘llanadi. Davolash kursi kolьpitlarda 10-15 muolaja, endotservitsitlarda, bachadon bo‘yni eroziyalarida 8-12 muolajani tashkil qiladi. To‘g‘ri ichak yoriqlari va gemorroyni davolashda davolash kursi 5-7 kunni tashkil qiladi.
Nojo‘ya ta'sirlari
Allergik reaktsiyalar: terini qichishishi, giperemiya, terini shishi, teri toshmalari, achishish hissi.

Qo‘llash mumkin bo‘lmagan holatlar

Preparatga shaxsiy yuqori sezuvchanlikda qo‘llash mumkin emas.
Dorilarning o‘zaro ta'siri
Odam organizmiga chakanda moyini boshqa dori vositalari bilan o‘zaro ta'siri haqidagi patologik ta'siri ta'riflanmagan.

Maxsus ko‘rsatmalar

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Chiqarilish shakli

25, 40, 50, 90 va 100 ml dan buraladigan plastmass qopqoqli shisha flakonlarda.

Saqlash sharoiti

Quruq, yorug‘likdan himoyalangan joyda 25°C yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retseptsiz.

Ishlab chiqaruvchi

«LEKINTERKAPS» MChJ, Toshkent vil., Zangiota tumani, Qizg‘aldoq QFY, Beruniy ko‘chasi 1 uy, tel.: (99895) 170 99 48.