Kamistad gel 10g

Tavsif

Preparatning savdo nomi

Kamistad
XPN yoki guruhlash nomi: Lidokain + Moychechak gullarining ekstrakti.

Dori shakli

Mahalliy qo‘llash uchun gel

Tarkibi

1 g gel quyidagilarni saqlaydi
Ta'sir etuvchi moddalar: lidokain gidroxloridi monogidrati – 20,0 mg, moychechak gullarining ekstrakti (1:4-5) (ekstragent – 50% (hajm) 1,37% li trometamol bilan) – 185,0 mg.
Yordamchi moddalar: benzalkoniy xloridi 50% li eritma – 2,0 mg, dolchin moyi – 1,0 mg, natriy saxarinati – 1,0 mg, karbomer – 15,0 mg, trometamol – 28,1 g, chumoli kislotasi 98% - 0,4 mg, etanol 96% - 8,2 mg, suv – 739,3 mg.

Ta'rifi

Sariq-jigarrang rangli gel.

Farmakoterapevtik guruhi

Antiseptik vosita + mahalliy anestetik.
ATX kodi: A01AD11.

Farmakologik xususiyatlari

Majmuaviy preparat. Lidokain gidroxloridi – mahalliy og‘riqsizlantiruvchi ta'sir ko‘rsatadi, og‘iz va milkning shilliq qavatining yallig‘lanishlarida og‘riqni tez va davomli kamayishiga yordam beradi. Moychechak gullarining ekstrakti yallig‘lanishga qarshi, antiseptik va regeneratsiyani tezlashtiruvchi xususiyatlarga ega.

Qo‘llanilishi

Og‘iz bo‘shlig‘i va lablarning shilliq qavatining yallig‘lanishlaridagi og‘riqli sindrom (stomatitda, xeylitda, lablarning gletcherli eritemasida), gingivitda (milklarning yallig‘lanishi), og‘iz bo‘shlig‘i shilliq qavatining tish protezlari va briketlar ta'sirida ta'sirlanishi, sut tishlari va aql tishlarining chiqishida, ortodontik muolajalarda qo‘llanadi.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, homiladorlik, laktatsiya davri, bolalik yoshi (12 yoshgacha).

Qo‘llash usuli va dozalari

Mahalliy. Preparatning 0,5 sm uzunlikdagi tasmachasi og‘iz bo‘shlig‘i shilliq qavatining og‘riqli yoki yallig‘langan sohalariga kuniga uch marta qo‘yiladi va yengil uqalovchi harakatlar bilan ishqalanadi.
Tish protezlariga o‘rganish davrida bosilgan joylarga 0,5 sm uzunlikdagi gel tasmasi surkaladi.
Davolash kursi kasallikning og‘irligiga bog‘liq.
Nojo‘ya ta'siri
Allergik reaktsiyalar bo‘lishi mumkin. Agarda Kamistad®ni qo‘llash vaqtida allergiya belgilari paydo bo‘lsa, preparatni bekor qilish va shifokorga murojaat qilish kerak.

Dozani oshirib yuborilishi

Dozani oshirib yuborilishining hollari haqida xabar berilmagan.
Boshqa dori preparatlari bilan o‘zaro ta'siri
Boshqa dori vositalari bilan o‘zaro ta'siri yoki nomutanosibligi hollari ta'riflanmagan.

Maxsus ko‘rsatmalar

Preparatni ko‘zga tushishiga yo‘l qo‘yilmaydi. Gelni qo‘llash oldidan va keyin qo‘llarni yuvish tavsiya qilinadi.
Kamistad qand o‘rnini bosuvchi natriy saxarinati saqlaydi.

Chiqarilish shakli

Mahalliy qo‘llash uchun gel. 10 g dan polietilen buraluvchi qopqoqchali alyuminiy tubalarda. Har bir tuba preparatni tibbiyotda qo‘llash bo‘yicha yo‘riqnomasi bilan birga karton qutida.

Saqlash sharoiti

30°C dan yuqori bo‘lmagan haroratda saqlansin.
Bolalar olaolmaydigan joyda saqlansin.

Yaroqlilik muddati

5 yil. O‘ramida ko‘rsatilgan yaroqlilik muddati o‘tganidan keyin preparat ishlatilmasin.
Tuba ochilganidan keyin gel 12 oy davomida ishlatilsin.

Dorixonalardan berish tartibi

Retseptsiz.