Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
ACC 200 mg ichga qabul qilish uchun eritma tayyorlash uchun paketida 3g №20
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Ацетилцистеин
Страна производитель
Швейцария
Дозировка
200 мг
Производитель
Лек д.д., Словения произведено: Sandoz GmbH
Рецептурный препарат
Нет
Форма выпуска
Таблетки шипучие
Ko'rsatmalar
Preparatning savdo nomi
ACC 200
Ta'sir etuvchi modda (XPN) atsetiltsistein
Dori shakli
ichga qabul qilish uchun eritma tayyorlash uchun granulalar.
Tarkibi
Bir paketcha (3 g granulalar) quyidagilarni saqlaydi
Faol modda 200 mg atsetiltsistein;
Yordamchi moddalar saxaroza, askorbin kislotasi (S vitamini), saxarin, apelsin aromatizatori.
Ta'rifi oq rangli, aglomeratsiyalangan zarrachalarsiz, apelsin hidli bir xil granulalar.
Farmakoterapevtik guruhi
mukolitiklar.
ATX kodi R05CB01
Farmakologik xususiyatlari
Farmakodinamika
Farmakoterapevtik guruhi
mukolitiklar, balg‘am ko‘chiruvchi vositalar, yo‘talga qarshi vositalar bilan majmuasidan tashqari.
ATX kodi R05CB01
Mukolitik ta'siri
Atsetiltsistein sistein aminokislotasining hosilasi bo‘lib hisoblanadi. U nafas yo‘llarida mukolitik va sekretomotor ta'sir ko‘rsatadi. U mukopolisaxarid zanjirlarda disulfid bog‘larida buzadi va DNK depolimerizatsiyasini (shilliq qavatda yiring mavjud bo‘lganida) chaqiradi. Shu tufayli preparat balg‘amning qovushqoqligini kamaytiradi va uni nafas yo‘llaridan chiqarilishiga yordam beradi.
Antioksidant ta'siri
Atsetiltsisteinning boshqa ta'siri erkin radikallarni neytralizatsiya qiluvchi faol sulfgidril guruhlarini (SH-guruh) mavjudligi bilan bog‘liq.
N-atsetiltsistein va uning metabolitlari ikki usul bilan samarali antioksidant ta'sir ko‘rsatadi
- Birinchi usul erkin radikallarni bevosita neytralizatsiyasidan iborat, tatijada ular xujayralarni shikastlamaydi (shunday qilib, N-atsetiltsistein o‘pka to‘qimalarini shikastlanishdan himoya qiladi).
- Ikkinchi usul, bilvosita, glutation hosil bo‘lishida N-atsetiltsisteinni ishtirok etishiga asoslangan (glutation sintezi va zahiralarini to‘ldirish uchun zarur bo‘lgan sistein manbai bo‘lib xizmat qiladi). Glutation xujayralarni oksidlanishni shikastlanish va elektrofil toksinlar ta'siridan himoya qilish, shuningdek oksidlanish-qaytarilish muvozanatini tutib turishda juda muhim rol o‘ynadi.
Atsetiltsistein organizm detoksikatsiyasi zararli moddalar va sharoitlarni bartaraf etish uchun zarur bo‘lgan glutation sintezini oshishiga yordam beradi. Shu bilan atsetiltsisteinning paratsetamol bilan zaharlanishda antidot sifatida ta'siri tushuntiriladi.
Yallig‘lanishga qarshi ta'siri / turli virusli infektsiyalarda yallig‘lanish jarayonini susayishi
Glutation zahiralarini kamayishi ko‘pincha oksidlanishli stress va yallig‘lanish bilan bog‘liq. N-atsetiltsistein xujayralarning oksidlanish-qaytarilish statusini normallashtiradi va shu orqali sezgir xujayralarning signal va transkriptsion mexanizmlariga ta'sir ko‘rsatadi. Glutation xujayralarni yallig‘lanishli kasalliklar rivojlanishida muhim rol o‘ynovchi asosiy signal molekulalari - kislorodning faol shakllarini neytralizatsiyasi (ya'ni qaytarish) yo‘li bilan himoya qiladi.
Bir qator nashrlar, N-atsetiltsistein kappa-V yadro omili (NF-κB) va ko‘pgina boshqa yallig‘lanish sitokinlari, shu jumladan interleykin 8, interleykin 6 va alfa-o‘sma nekrozi omili (O‘NO-α) ning yallig‘lanish faolligini ingibitsiya qilishini tasdiqlaydi.
Ushbu ma'lumotlar o‘pkaning surunkali obstruktiv kasalligini (O‘SOK) davolash uchun N-atsetiltsisteinni qo‘llashning ijobiy natijalari bilan ham mos keladi.
Bakteriyalarni o‘sishiga ta'siri / antibakterial ta'siri
N-atsetiltsistein antibakterial xususiyatlarga ega, ammo antibiotiklarga mansub bo‘lmagan vosita bo‘lib hisoblanadi. U ham grammusbat, ham grammanfiy bakteriyalarni o‘sishini bostirishi aniqlangan.
Bitta tadqiqotda N-atsetiltsisteinning klinik ta'siri mexanizmi ehtimoli sifatida bakteriyalar adgeziyasiga ta'siri o‘rganilgan. Buning uchun in vitro sharoitda Streptococcus pneumoniae va Haemophilus influenzaening yuqori adgeziv faollikka ega test-shtammlarini og‘iz-halqumning epitelial xujayralariga yopishishi tahlil qilingan. Adgeziya reaktsiyalari o‘tkazilgan. N-atsetiltsistein ham qisqa muddatli, ham uzoq muddatli inkubatsiyada H. influenzae adgeziyasiga yaqqol ingibitsiya qiluvchi ta'sir ko‘rsatgan.
Bakterial bioplyonkalarga ta'siri
Bakterial bioplyonkalar yuqori va quyi nafas yo‘llarining infektsion kasalliklari, shu jumladan mukovistsidoz va O‘SOK rivojolanishida muhim rol o‘ynaydi. Hozirgi vaqtda bioplyonkani hosil bo‘lishi surunkali va (yoki) qaytalanuvchi infektsiyalarning kamida 60% holatlarida kuzatiladi deb hisoblanadi. Tadqiqot natijalari N-atsetiltsistein turli bakteriyalar tomonidan bioplyonkalar hosil bo‘lishini qisqartirishini tasdiqlaydi. Bunda biomassa N-atsetiltsistein kontsentratsiyasiga to‘g‘ri proportsional ravishda kamayadi.
Himoya ta'siri
Surunkali bronxit, O‘SOK va mukovistsidozi bo‘lgan patsiyentlarda profilaktik qo‘llaganda atsetiltsistein bakterial asoratlar tez-tezligi va og‘irlik darajasini kamaytiradi.
Farmakokinetikasi
So‘rilishi
Atsetiltsistein ichga qabul qilingandan keyin tez va deyarli to‘liq so‘riladi. U jigarda va ichak devorida sistein va farmakologik nofaol metabolitlari, diatsetiltsistin, sistin va boshqa aralash disulfidlargacha metabolizmga uchraydi.
Oqsilsiz plazmada umumiy N-atsetiltsisteinning miqdori aniqlash (ya'ni qaytarilga dori vositasi va aralash disulfidlar tarkibidagi dori vositasining yig‘indisi) bilan o‘tkazilgan tadqiqotlarga muvofiq, ichga qabul qilgandan keyin biokiraolishligi 6 dan 10% gachani tashkil qiladi, bunda tez eruvchan (vishillovchi) tabletkalar yuqori biokiraolishlik (600 mg N-atsetiltsistein Cmax 15 mkl/l, tmax 0,67 soat) bilan ajralib turgan.
Past biokiraolishlik N-atsetiltsistein tizimli qon oqimiga yetib borguncha sisteingacha tez oksidlanishidan dalolat beradi va ehtimol noto‘liq so‘rilishga nisbatan faol tizimoldi metabolizmi bilan bog‘liq.
Taqsimlanishi
Yuqori tizimoldi metabolizmi tufayli, ichga qabul qilgandan keyin atsetiltsisteinning biokiraolishligi taxminan 10% ni tashkil qiladi. Odam qon plazmasidagi maksimal kontsentratsiyasiga 1-3 soatdan keyin erishiladi, bunda faol metabolit sisteinning plazmadagi kontsentratsiyasi taxminan 2 mkg/ml ni tashkil qiladi. Taxminan 50% atsetiltsistein plazmadagi oqsillar bilan bog‘lanadi. Preparatning o‘pkadagi taqsimlanish xajmi juda yuqori (48%).
Biotransformatsiyasi
Ichga qabul qilingandan keyin dori vositasi ichak devorida va jigarda faol tizimoldi metabolizmiga uchraydi.
Organizmda atsetiltsistein va uning metabolitlari uchta turli shakllarda aniqlanadi erkin shaklda, plazma oqsillari bilan labil disulfid bog‘lari bilan bog‘langan shaklda va sistein aminokislotasi birikmasi ko‘rinishida. Biotransformatsiyasi asosan deatsetilizatsiyadan iborat ekanligi isbotlangan, u ichga qabul qilgandan keyin dori vositasining past biokiraolishligini (taxminan 10%) belgilovchi asosiy omil bo‘lib hisoblanadi, buning natijasida qon plazmasi va bronxoalveolyar suyuqlik kabi organizmning boshqa suyuqliklarida erkin N-atsetiltsistein juda past kontsentratsiyalarda mavjud bo‘ladi. Preparatni qabul qilish oqibatida odam qon oqimida glutation darajasini oshishi himoya samarasini belgilaydi deb hisoblanadi va ehtimol glutationni jigar va jigardan tashqari manbalardan ajralib chiqishini rag‘batlantirish chaqirgan.
Plazmadan yarim chiqarilish davri taxminan 1 soatni tashkil qiladi, asosan jigarda tez biotransformatsiya hisobiga. Shuning uchun jigar funktsiyasini buzilishida plazmadan yarim chiqarilish davri 8 soatgacha yetishi mumkin.
Chiqarilishi
Atsetiltsisteinning ichga qabul qilingan dozasining uchdan bir qismidan ko‘prog‘i (38%) buyraklar orqali nofaol metabolitlari (noorganik sulfatlar, diatsetiltsistin) shaklida chiqariladi.
Farmakokinetik tadqiqot ma'lumotlari bo‘yicha vena ichiga yuborilgandan keyin taqsimlanish xajmi 0,47 l/kg (umumiy) va 0,59 l/kg (tiklangan) tashkil qiladi. Plazmadagi klirensi 1 kg ga 0,11 l/soat (umumiy) va 1 kg ga 0,84 l/soat (tiklangan) tashkil qilgan; yakuniy fazadagi yarim chiqarilish davri – 5,58 soat (umumiy) va 1,95 soat (tiklangan).
Ichga qabul qilingandan keyin qaytarilgan N-atsetiltsisteinning yakuniy fazadagi yarim chiqarilish davri 6,25 soatni tashkil qilgan.
Kalamushlarda atsetiltsistein yo‘ldosh orqali o‘tadi va homila oldi suyuqligida aniqlanadi.
Tana vazniga 100 mg/kg dozada atsetiltsistein ichga qabul qilingandan keyin 0,5, 1, 2 va 8 soat o‘tgach metabolit L-tsisteinning yo‘ldosh va homila oldi suyuqligidagi kontsentratsiyasi uning ona plazmasidagi kontsentratsiyasidan yuqori bo‘ladi.
Atsetiltsisteinni yo‘ldosh, gematoentsefalik to‘siq orqali o‘tishi va ko‘krak sutiga kirishini, shuningdek embrion, homila va bolaga ta'sirini aniqlash maqsadi bo‘lgan odam ishtirokidagi tadqiqotlar o‘tkazilmagan.
Xavfsizligi bo‘yicha klinik oldi ma'lumotlari
O‘tkir toksiklik
Hayvonlarda o‘tkazilgan tadqiqotlarda o‘tkir toksiklik past bo‘lgan. Doza oshirib yuborilganda davolash haqidagi ma'lumot «
Dozani oshirib yuborilishi
» bo‘limida keltirilgan.
Surunkali toksiklik
Bir yilgacha davomiylikdagi turli hayvonlarda (kalamushlar, itlar) o‘tkazilgan tadqiqotlarda biron-bir patologik o‘zgarishlar aniqlanmagan.
Onkogen va mutagen potentsiali
Atsetiltsistein mutagen ta'sirga ega emas deb hisoblanadi. In vitro sharoitda o‘tkazilgan tadqiqotlar ta'sirni aniqlamagan.
Atsetiltsisteinning onkogen potentsiali bo‘yicha tadqiqotlar o‘tkazilmagan.
Reproduktiv toksikologiya
Quyonlar va kalamushlardagi embriotoksik tadqiqotlarda rivojlanishning tug‘ma nuqsonlari kuzatilmagan. Fertillik, peri- va postnatal toksiklik bo‘yicha tadqiqotlar ta'sirni aniqlamagan.
Atsetiltsistein kalamushlarda yo‘ldosh to‘sig‘idan o‘tadi va amniotik suyuqlikda aniqlanadi. Yo‘ldosh va homila to‘qimalaridagi L-tsistein metabolitining kontsentratsiyasi preparat peroral yuborilgandan keyin 8 soat davomida ona organizmidagi qon plazmasidagi kontsentratsiyasidan yuqori bo‘ladi.
Qo‘llanilishi
Balg‘amni hosil bo‘lishi va chiqarilishini buzilishi bilan kechuvchi o‘tkir va surunkali bronx-o‘pka kasalliklarida sekretolitik davolash o‘tkir va surunkali bronxitlar, obstruktiv bronxit, laringotraxeit, pnevmoniya, bronxoektazlar, bronxiolitlar, mukovistsidoz, shuningdek o‘tkir va surunkali sinusitlar, o‘rta otitda qo‘llanadi.
Qo‘llash usuli va dozalari
Agar boshqacha buyurilmagan bo‘lsa, ACC preparatini quyidagi dozalarda qo‘llash tavsiya etiladi.
Kattalar va 14 yoshdan oshgan o‘smirlar
ACC 200 mg 1 paketchadan kuniga 2–3 marta (sutkada 400–600 mg atsetiltsisteinga ekvivalent).
6 yoshdan 14 yoshgacha bo‘lgan bolalar
ACC 200 mg ½ paketchadan kuniga 3 marta yoki 1 paketchadan kuniga 2 marta (sutkada 300–400 mg atsetiltsisteinga ekvivalent).
2 yoshdan 6 yoshgacha bo‘lgan bolalar
ACC 200 mg ½ paketchadan kuniga 2–3 marta (sutkada 200–300 mg atsetiltsisteinga ekvivalent).
Mukovistsidoz
6 yoshdan oshgan bolalar
ACC 200 mg 1 paketchadan kuniga 3 marta (sutkada 600 mg atsetiltsisteinga ekvivalent).
2 yoshdan 6 yoshgacha bo‘lgan bolalar
ACC 200 mg ½ paketchadan kuniga 4 marta (sutkada 400 mg atsetiltsisteinga ekvivalent).
Mukovistsedozi bo‘lgan va tana vazniga 30 kg gacha bo‘lgan patsiyentlarda zarurati bo‘lganida dozani sutkada 800 mg atsetiltsisteingacha oshirish mumkin.
Qo‘llash usuli
Ovqatdan keyin qabul qilinsin.
Granulalar suvda, sharbatda yoki sovuq choyda eritiladi.
Suyuqlikni qo‘shimcha qabul qilish preparatning mukolitik samarasini kuchaytiradi.
Preparatni qabul qilish davomiyligi
Qo‘llash davomiyligi kasallikning turi va og‘irlik darajasiga bog‘liq.
Qisqa muddatli shamollash kasalliklarida qabul qilish davomiyligi 5-7 kunni tashkil qiladi.
Surunkali bronxitda va mukovistsedozda davolash infektsiyalarni rivojlanishini oldini olish maqsadida davomli kurslar bilan o‘tkaziladi.
Nojo‘ya ta'siri
Noxush reaktsiyalarni baholash, ularning tez-tezligi haqida quyidagi ma'lumotlarga asoslanadi
Juda tez-tez (≥ 1/10) Tez-tez (≥1/100 va <1/10) Tez-tez emas (≥1/1000 va <1/100) Kam xollarda (≥1/10 000 va <1/1000) Juda kam xollarda (<1/10 000)
Tez-tezligi noma'lum (mavjud ma'lumotlar asosida tez-tezligini aniqlash imkoniyati yo‘q)
Immun tizimi tomonidan buzilishlar
Tez-tez emas o‘ta yuqori sezuvchanlik reaktsiyalari.
Juda kam xollarda anafilaktik shok, anafilaktik/anafilaktoid reaktsiyalar.
Nerv tizimi tomonidan buzilishlar
Tez-tez emas bosh og‘rig‘i.
Eshitish a'zosi tomonidan va labirint buzilishlari
Tez-tez emas tinnitus.
Yurak tomonidan buzilishlar
Tez-tez emas taxikardiya.
Qon-tomirlar tomonidan buzilishlar
Juda kam xollarda qon ketishi.
Nafas tizimi, ko‘krak qafasi va ko‘ks oralig‘i a'zolari tomonidan buzilishlar
Kam xollarda hansirash, bronxospazm.
Me'da-ichak yo‘llari tomonidan buzilishlar
Tez-tez emas ko‘ngil aynishi, qusish, diareya, qorinda og‘riq, stomatit.
Kam xollarda dispepsiya.
Teri va teri osti to‘qimalari tomonidan buzilishlar
Tez-tez emas eshakemi, toshma, angionevrotik shish, qichishish, ekzantema.
Umumiy buzilishlar va yuborish joyidagi buzilishlar
Tez-tez emas isitma.
Tez-tezligi noma'lum yuzni shishi.
Laborator va instrumental ma'lumotlar
Tez-tez emas arterial gipotenziya.
Stivens-Djonson sindromi va toksik epidermal nekroliz kabi og‘ir teri reaktsiyalari haqida juda kam xollarda xabar berilgan, ularni rivojlanishi vaqt bo‘yicha atsetiltsisteinni qo‘llash bilan mos kelgan. Ushbu xolatlarning ko‘pchiligida teri va shilliq qavatlar tomonidan ta'riflangan reaktsiyalarni kuchaytirishi mumkin bo‘lgan kamida bitta qo‘shimcha preparatni yondosh qo‘llash kuzatilgan.
Agar teri va shilliq qavatlar tomonidan buzilishlar paydo bo‘lsa, darhol shifokorga murojaat etish va atsetiltsisteinni qabul qilishni to‘xtatish kerak.
Turli tadqiqotlarda atsetiltsistein mavjudligida qonda trombotsitlar agregatsiyasini pasayishi isbotlangan. Hozirgi vaqtda ushbu ko‘rinishning klinik ahamiyati aniqlanmagan.
Qo‘llash mumkin bo‘lmagan xolatlar
Atsetiltsistein yoki yordamchi moddalardan birontasiga o‘ta yuqori sezuvchanlik.
Faol peptik yara.
2 yoshgacha bo‘lgan bolalarda qo‘llash mumkin emas.
Boshqa dori preparatlari bilan o‘zaro ta'siri va o‘zaro ta'sirning boshqa turlari
ACC va yo‘talga qarshi preparatlarni (yo‘talni yengillashtiruvchi) majmuaviy qo‘llaganda yo‘tal refleksini bostirish oqibatida sekretni xavfli dimlanishi yuzaga kelishi mumkin. Shuning uchun bunday majmuaviy davolashni buyurishni sinchkovlik bilan baholash kerak.
Atsetiltsistein tomonidan antibiotiklarni faolsizlantirish haqidagi hozirgi kungacha olingan xabarlar faqat tegishli moddalar bir-bir bilan bevosita aralashtirilgan in vitro sharoitdagi eksperimentlarga asoslanadi. Shunga qaramasdan, xavfsizlik yuzasidan peroral antibiotiklarni atsetiltsisteindan kamida ikki soatlik interval bilan alohida qabul qilish kerak. Bu sefiksim va lorakarbefga taalluqli emas.
Atsetiltsistein/glitserintrinitrat
Yondosh atsetiltsisteinni qo‘llash glitserintrinitrat (nitroglitserin) ning qon-tomirlarni kengaytiruvchi va antiagregant ta'sirini kuchaytirishi mumkin.
Agar glitserintrinitrat va atsetiltsistein bilan davolash zarur bo‘lsa, patsiyentlarni jiddiy bo‘lishi mumkin bo‘lgan arterial gipotenziya rivojlanishini kuzatish, shuningdek ularni bosh og‘rig‘i yuzaga kelishi mumkinligi haqida ogohlantirish kerak.
Faollashtirilgan ko‘mir yuqori dozalarda (antidot sifatida) atsetiltsisteinning samaradorligini pasaytirishi mumkin.
Laborator ko‘rsatkichlarni aniqlagandagi o‘zgarishlar
Atsetiltsistein salitsilatlarni kolorimetrik usulda aniqlashga ta'sir ko‘rsatishi mumkin.
Siydik tahlilida atsetiltsistein keton tanachalarini aniqlash natijalariga ta'sir ko‘rsatishi mumkin.
Atsetiltsistein preparatlarini boshqa dori vositalari bilan eritish tavsiya etilmaydi.
Maxsus ko‘rsatmalar
va qo‘llagandagi ehtiyotkorlik choralari
Bronxial astmasi bo‘lgan patsiyentlar davolash vaqtida sinchkov kuzatuv ostida bo‘lishlari kerak. Bronxospazm rivojlanganda atsetiltsistein darhol bekor qilinadi va tegishli davolash buyuriladi.
Ushbu dori vositasini qo‘llaganda anamnezida yara kasalligi bo‘lgan patsiyentlarda, ayniqsa me'da-ichak yo‘llarining shilliq qavatini ta'sirlovchi dori vositalarini yondosh qabul qilganda ehtiyotkorlikka rioya qilish tavsiya etiladi.
Atsetiltsisteinni qo‘llash bronxial sekretni suyulishiga olib kelishi, demak uning xajmiini oshishiga (ayniqsa davolashni boshida) olib kelishi mumkin. Agar patsiyent balg‘am chiqaraolmasa (etarli darajada balg‘am chiqaraolmasa) tegishli choralarni (drenaj va aspiratsiya kabi) ko‘rish kerak.
Juda kam xollarda Stivens-Djonson sindromi va Layell sindrom kabi og‘ir teri reaktsiyalari kuzatilgan, ularni rivojlanishi vaqti bo‘yicha atsetiltsisteinni qo‘llash bilan mos kelgan. Teri va shilliq qavatlar tomonidan o‘zgarishlar yuzaga kelganda atsetiltsisteinni qabul qilishni darhol to‘xtatish va tibbiy yordamga murojaat etish kerak (shuningdek «Nojo‘ya ta'siri» bo‘limiga qarang).
Gistaminni o‘zlashtiraolmaydigan patsiyentlarda ehtiyotkorlikka rioya qilish kerak. Bunday patsiyentlarda atsetiltsistein bilan uzoq vaqt davolashdan saqlanish kerak, chunki atsetiltsistein gistamin metabolizmiga ta'sir ko‘rsatadi va uni o‘zlashtiraolmaslik simptomlarini (masalan bog‘ og‘rig‘i, tumov, qichishish) paydo bo‘lishiga olib kelishi mumkin.
Bolalar
2 yoshdan kichik bolalarda nafas yo‘larining o‘ziga xosligi va balg‘am chiqarish qobiliyatini cheklanganligi tufayli, mukolitiklarni qabul qilish nafas yo‘llarini berkilishiga olib kelishi mumkin. Shuning uchun mukolitiklarni 2 yoshdan kichik bo‘lgan bolalarda qo‘llash mumkin emas («Qo‘llash mumkin bo‘lmagan xolatlar» bo‘limiga qarang).
ACC 200 mg bitta paketchasi 0,23 NB ga mos keladi. Buni preparatni qandli diabeti bo‘lgan patsiyentlarda qo‘llaganda e'tiborga olish kerak.
Preparat saxaroza saqlaydi. Fruktozani o‘zlashtiraolmaslik, glyukoza-galaktozani so‘rilishini buzilishi yoki saxaraza-izomaltaza yetishmovchiligi kabi kam uchraydigan nasliy buzilishlari bo‘lgan patsiyentlar ushbu preparatni qabul qilmasliklari kerak.
Fertillik, homiladorlik va laktatsiya davri
Homiladorlik
Atsetiltsisteinni homilador ayollarda qo‘llash bo‘yicha ma'lumotlar yetarli emas. Hayvonlarda o‘tkazilgan eksperimental tadqiqotlar homiladorlikni kechishi, embrion/homilani rivojlanishi, tug‘ruq yoki postnatal rivojlanishga bevosita yoki bilvosita ta'sirini namoyish qilmagan (shuningdek «Xavfsizligi bo‘yicha klinik oldi ma'lumotlar» bo‘limiga qarang). Homiladorlik vaqtida preparatni faqat foyda va xavf nisbatini qat'iy baholagandan keyin qo‘llash kerak.
Emizish davri
Preparatni ko‘krak sutiga kirishi qobiliyati haqidagi ma'lumotlar mavjud emas.
Emizish davri preparatni faqat foyda va xavf nisbatini qat'iy baholagandan keyin qo‘llash kerak.
Fertillik
Atsetiltsisteinni odamda fertillikka ta'siri bo‘yicha ma'lumotlar yo‘q. Hayvonlarda tadqiqotlarda atsetiltsisteinning terapevtik dozalari qo‘llanilganda fertillikka noxush ta'siri kuzatilmagan («Xavfsizligi bo‘yicha klinik oldi ma'lumotlar» bo‘limiga qarang).
Transport vositalarini boshqarish va mexanizmlar bilan ishlash qobiliyatiga ta'siri
Atsetiltsistein transport vositalarini boshqarish va mexanizmlar bilan ishlash qobiliyatiga ta'sir qilmaydi.
Dozani oshirib yuborilishi
Hozirgi vaqtgacha atsetiltsisteinning peroral shakllari dozani toksik oshirib yuborilishi xolatlari kuzatilmagan. 3 oy davomida sutkada 11,6 g dozada atsetiltsistein qabul qilgan ko‘ngillilarda hech qanday noxush reaktsiyalar kuzatilmagan. Tana vazniga 500 mg/kg ga yetgan atsetiltsisteinning dozalari biron-bir intoksikatsiya simptomlarisiz o‘zlashtirilgan.
Intoksikatsiya simptomlari
Doza oshirib yuborilganda ko‘ngil aynishi, qusish va diareya kabi me'da-ichak yo‘llari tomonidan simptomlar yuzaga kelishi mumkin. Bolalarda xayotining birinchi yili gipersekretsiya yuzaga kelishi xavfi mavjud.
Intoksikatsiyani davolash
Zarurati bo‘lganida simptomatik davolash o‘tkaziladi.
Nomutanosiblik
«Boshqa dori preparatlari bilan o‘zaro ta'siri va o‘zaro ta'sirning boshqa turlari» bo‘limiga qarang.
Chiqarilish shakli
3 g dan granulyatlar uch qavatli materialli (alyumin – qog‘oz – polietilen) paketchalarda ishlab chiqariladi. 20 paketchadan qo‘llashga doir yo‘riqnomasi bilan karton qutida.
Saqlashdagi alohida ehtiyotkorlik choralari
Bolalar ololmaydigan joyda saqlansin!
25°S dan yuqori bo‘lmagan haroratda saqlansin.
Yaroqlilik muddati
3 yil. O‘ramida ko‘rsatilgan yaroqlilik muddati o‘tgach ishlatilmasin.
Dorixonalardan berish tartibi
Retseptsiz beriladi.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.