Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Allervil tab. plyonka qobiq bilan qoplangan 10 mg/5 mg №10
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Монтелукаст натрия, левоцетиризин гидрохлорид
Страна производитель
Индия
Дозировка
10 мг/5 мг
Производитель
Synokem Pharmaceuticals Ltd
Рецептурный препарат
Да
Форма выпуска
Таблетки
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Nojo‘ya ta'sir
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorilarning o‘zaro ta'siri
- Dorixonalardan berish tartibi
Preparatning savdo nomi
Allervil Ta'sir etuvchi moddalar (XPN) montelukast natriy, levotsetirizin digidroxloridi
Dori shakli
plyonka qobiq bilan qoplangan tabletkalar
Tarkibi
Bir tabletka quyidagilarni saqlaydi faol moddalar montelukast natriy (montelukastga ekvivalent) – 10,0 mg, levotsetirizin digidroxloridi – 5,0 mg; yordamchi moddalar laktoza, makkajo‘xori kraxmali, mikrokristall sellyuloza, suvsiz kaltsiy digidrofosfati, natriy kroskarmelloza, Povidon-K-30, tozalangan tal’k, krospovidon, magniy stearati, suvsiz kolloid kremniy; plyonkaning qobig‘i Super Coat film (gidroksipropil metiltsellyuloza, PEG-400, titan dioksidi, tozalangan tal'k), tozalangan talk, titan dioksidi, izopropil spirti, dixlormetan. Ta'rifi dumaloq shaklli, ikki tomoni qavariq, oq rangli plyonka qobiq bilan qoplangan tabletkalar.
Farmakoterapevtik guruhi
Tizimli ta'sir ko‘rsatuvchi antigistamin preparatlar. Antigistamin preparatlar majmuasi. ATX kodi R06AK
Farmakologik xususiyatlari
Farmakodinamika
si Allervil – 10 mg dozada montelukast va 5 mg dozada levotsetirizin digidroxloridi saqlovchi majmuaviy preparatdir. Montelukast bronxial astma va allergik rinit rivojlanishining patofiziologik mexanizmlari bilan assotsiatsiyalangan doimiy davom etuvchi surunkali yallihlanishning kuchliroq mediatorlari – sisteinil leykotriyenlar (LTS4, LTD4 va LTE4) ning CysLT1-retseptorlarini tanlab ingibitsiya qiladi. Bronxiolalar va qon tomirlarning silliq mushaklari spazmining yaqqoligini, shishni, eozinofillar va makrofaglarning migratsiyasini kamaytiradi; shilliq sekretsiyasini kamaytiradi va mukotsiliar transportni yaxshilaydi. Montelukast ichga qabul qilingandan keyin bronxlarni kengayishini chaqiradi va sinergizm namoyon qilib, β2-adrenomimetiklarning ta'sirini kuchaytirishi mumkin. Levotsetirizin – gistaminning raqobatli antagonistlari guruhiga mansub va N1-gistamin retseptorlarini bloklovchi setirizinning R-enantiomeridir. Setirizinning chapga aylanuvchi izomeri – levotsetirizin periferik N1-retseptorlarning yuqori selektiv antagonistidir. Setirizinga nisbatan levotsetirizinning N1-gistamin retseptorlariga yaqinligi 2 marta yuqori. Levotsetirizin allergik reaktsiyalarning gistaminga bog‘liq bosqichiga ta'sir ko‘rsatadi, shuningdek eozinofillar migratsiyasini kamaytiradi, qon tomirlarning o‘tkazuvchanligini kamaytiradi, yallig‘lanish mediatorlari va sitokinlarni (VCAM-1 va boshqalar) ajralib chiqishini cheklaydi. Shunday qilib, levotsetirizin allergik reaktsiyalar rivojlanishini oldini oladi va kechishini yengillashtiradi, antiekssudativ, qichishishga qarshi ta'sirga ega, deyarli antixolinergik va antiserotonin ta'sir ko‘rsatmaydi. Terapevtik dozalarda deyarli sedativ samara ko‘rsatmaydi.
Farmakokinetikasi
So‘rilishi Montelukast ichga qabul qilingandan keyin tez va deyarli to‘liq so‘riladi. Plazmadagi o‘rtacha cho‘qqi kontsentratsiyasiga (Cmax) kattalarda och qoringa qabul qilingandan 3 soatdan keyin erishilad. Ichga qabul qilinganda o‘rtacha biokiraolishligi 64% ni tashkil etadi. Ovqat qabul qilish biokiraolishligiga va plazmadagi maksimal kontsentratsiyasiga (Cmax) ta'sir qilmaydi. Levotsetirizin ichga qabul qilingandan keyin tez va to‘liq so‘riladi. Kattalarda 5 mg levotsiterizin terapevtik dozasi bir marta qabul qilingandan keyin Cmax ga 0,9 soatdan keyin erishiladi va 270 ng/ml ni tashkil qiladi, 5 mg dozada takroran qabul qilingandan keyin – 308 ng/ml ni tashkil qiladi. Kontsentratsiyasining muvozanat darajasiga 2 sutkadan keyin erishiladi. Ovqatlanish so‘rilish to‘liqligiga ta'sir qilmaydi, ammo uni kamaytiradi. Taqsimlanashi Montelukast qon plazmasi oqsillari bilan 99% dan ko‘proq bog‘lanadi. Montelukastning taqsimlanish xajmi o‘rtacha 8-11 l ni tashkil qiladi. Levotsetirizin qon plazmasi oqsillari bilan 90% bog‘lanadi. Levotsetirizinning taqsimlanish xajmi 0,4 l/kg ni tashkil qiladi. Biokiraolishligi 100% ga yetadi. Metabolizmi Montelukast jigarda faol metabolizmga uchraydi. Terapevtik dozalarda qo‘llanilganida montelukast metabolitlarining plazmadagi kontsentratsiyasi kattalarda muvozanat holatida aniqlanmaydi. Montelukast metabolizmida sitoxrom P450CYP (3A4 va 2S9) ishtirok etadi deb taxmin qilinadi, bunda montelukast terapevtik kontsentratsiyalarda sitoxrom P450CYP 3A4, 2C9, 1A2, 2A6, 2C19 va 2D6 izofermentlarini ingibitsiya qilmaydi. Levotsetirizin kam miqdorda, 14% dan kamroq farmakologik faol bo‘lmagan metabolitini hosil qilib, N- va O-dezalkilizatsiya yo‘li bilan metabolizmga uchraydi (tsitoxrom tizimi yordamida jigarda metabolizmga uchraydigan N1-gistamin retseptorlarining boshqa antagonistlaridan farq qilib). Metabolitining past darajasi va metabolik potentsialini yo‘qligi tufayli levotsetirizinni boshqa dori preparatlari bilan o‘zaro ta'sirining ehtimoli kam. Chiqarilishi Montelukastning plazmadagi klirensi sog‘lom kattalarda o‘rtacha minutiga 45 ml ni tashkil qiladi. Montelukast peroral qabul qilingandan keyin uning miqdorining 86% 5 kun davomida axlat bilan va 0,2% dan kamrog‘i – siydik bilan chiqariladi, bu montelukast va uning metabolitlarini safro bilan chiqarilishini tasdiqlaydi. Montelukastning yarim chiqarilish davri (T1/2) sog‘lom kattalarda 2,7 dan 5,5 soatgachani tashkil qiladi. 50 mg dan yuqori dozalari ichga qabul qilinganda farmakokinetikasi to‘g‘ri chiziqli xarakterini dyaerli saqlab qoladi. Montelukastni ertalab va kechqurun qabul qilinganda farmakokinetikasidagi farqlar aniqlanmagan. 10 mg montelukast tabletkasini sutkada 1 marta qabul qilinganda plazmada faol moddani o‘rtacha (taxminan 14%) to‘planishi kuzatiladi. Montelukastni 10 mg dozada sutkada 1 marta qabul qilinganda farmakokinetik profili va biokiraolishligi keksa va yosh patsiyentlarda bir xil. Yengil va o‘rtacha og‘irlik darajasidagi jigar yetishmovchiligi va jigar sirrozining klinik ko‘rinishlari bo‘lgan patsiyentlarda preparatni 10 mg dozada bir marta qabul qilgandan keyin “kontsentratsiya-vaqt” farmakokinetik egri chizig‘i ostida maydonni (AUC) taxminan 41% ga oshishi bilan kechuvchi montelukastning metabolizmini sekinlashishi aniqlangan. Sog‘lom sub'ektlarga nisbatan bunday patsiyentlarda montelukastni chiqarilishi uzayadi (yarim chiqarilishning o‘rtacha vaqti – 7,4 soat). Yengil va o‘rtacha og‘irlik darajasidagi jigar yetishmovchiligi bo‘lgan patsiyentlarda montelukastning dozasini o‘zgartirish talab etilmaydi. Og‘ir jigar yetishmovchiligi (Chayld-Pyu shkalasi bo‘yicha 9 balldan yuqori) bo‘lgan patsiyentlarda montelukastning farmakokinetikasi bo‘yicha ma'lumotlar yo‘q. Kattalarda levotsetirizinning yarim chiqarilish davri (T1/2) 7,9±1,9 soatni tashkil qiladi. Umumiy klirensi minutiga 0,63 ml/kg ni tashkil qiladi. Preparatning qabul qilingan dozasining taxminan 85,4% o‘zgarmagan ko‘rinishda kalavalar filtratsiyasi va kanalchalar sekretsiyasi yo‘li bilan buyraklar orqali, taxminan 12,9% - ichak orqali chiqariladi. Jigar yetishmovchiligi (kreatinin klirensi (KK) <40 ml/minut) bo‘lgan patsiyentlarda preparatning klirensi kamayadi, T1/2 esa uzayadi (shunday qilib, gemodializda bo‘lgan bemorlarda umumiy klirens 80% ga kamayadi), bu dozalash tartibini tegishli o‘zgartirishni talab etadi. Levotsetirizinning 10% dan kamrog‘i gemodializning standart 4-soatlik muolajasi jarayonida chiqariladi. Alohida guruh patsiyentlardagi farmakokinetikasi Buyrak yetishmovchiligi Montelukast Buyrak yetishmovchiligi bo‘lgan patsiyentlarda tadqiqotlar o‘tkazilmagan. Montelukast va uning metabolitlari o‘t chiqarish yo‘llari orqali chiqarilganligi tufayli, buyrak yetishmovchiligi bo‘lgan patsiyentlarda dozaga tuzatish kiritish zarurati yo‘q. Levotsetirizin Levotsetirizinning taxminiy klirensi kreatinin klirensi bilan korrelyatsiya qiladi. Shuning uchun o‘rtacha va og‘ir buyrak yetishmovchiligi bo‘lgan patsiyentlarda levotsetirizinning dozalari orasidagi intervallarni kreatinin klirensiga qarab muvofiqlashtirish tavsiya etiladi. Sog‘lom odamlarga nisbatan terminal bosqichdagi buyrak yetishmovchiligi bo‘lgan patsiyentlarda umumiy klirensi taxminan 80% ga kamayadi. Gemodializning standart 4-soatlik muolajasi jarayonida chiqarilgan levotsetirizinning miqdori <10% ni tashkil qilgan. Jigar yetishmovchiligi Montelukast Yengil va o‘rtacha darajadagi jigar yetishmovchiligi bo‘lgan patsiyentlarda dozaga tuzatish kiritish zarurati yo‘q. Og‘ir jigar yetishmovchiligi (Chayld-Pyu shkalasi bo‘yicha 9 balldan yuqori) bo‘lgan patsiyentlarda montelukastning farmakokinetikasi bo‘yicha ma'lumotlar yo‘q. Levotsetirizin Levotsetirizin jigar yetishmovchiligi bo‘lgan patsiyentlarda o‘rganilmagan. Buyrakdan tashqari klirensi sog‘lom patsiyentlar tomonidan ichga qabul qilingandan keyin umumiy klirensning taxminan 28% ni tashkil qilishi aniqlangan. Levotsetirizin asosan o‘zgarmagan ko‘rinishda buyraklar orqali chiqarilganligi tufayli, jigar yetishmovchiligi bo‘lgan patsiyentlarda klirensni ahamiyatli pasayishining ehtimoli kam.
Qo‘llanilishi
- mavsumiy allergik rinitda qo‘llanadi.
Qo‘llash usuli va dozalari
1 tabletkadan kuniga 1 marta kechqurun ichga buyuriladi. Tabletkalarni ovqatdan oldin yoki ovqatdan keyin butunligicha, chaynamasdan qabul qilinadi. Davolash kursi – 14 kunni tashkil etadi. Buyrak yetishmovchiligi bo‘lgan patsiyentlarga O‘rtacha buyrak yetishmovchiligi (kreatinin klirensi >79 ml/minut) bo‘lgan patsiyentlarda dozaga tuzatish kiritish talab etilmaydi. O‘rtacha va og‘ir buyrak yetishmovchiligi (kreatinin klirensi <79 ml/minut - >10 ml/minut) bo‘lgan patsiyentlarda preparatni ehtiyotkorlik bilan va qat'iy tibbiy kuzatuvi ostida qo‘llash kerak. Jigar yetishmovchiligi bo‘lgan patsiyentlarga Jigar yetishmovchiligi bo‘lgan patsiyentlarda dozaga tuzatish kiritish talab etilmaydi.
Nojo‘ya ta'sir
lari Montelukast Juda tez-tez (≥1/10) - yuqori nafas yo‘llarining infektsiyalari Tez-tez (≥1/100, <1/10) - diareya, ko‘ngil aynishi, qusish, qorinda og‘riq - toshma - qon plazmasida jigar transaminazalari (ALT,AST) darajasini oshishi - isitma Tez-tez emas (≥1/1000, <1/100) - uyquni buzilishlari (tungi dahshatlar, uyqusizlik, somnabulizm), ta'sirchanlik, qo‘zg‘alish (shu jumladan, tajavvuzkor harakat yoki dushmanlik), depressiya, bosh aylinishi, uyquchanlik, paresteziya/gipesteziya, tutqanoq xuruji - epistaksis - og‘izni qurishi, dispepsiya - anafilaksiya, eshakemi, qichishish ko‘rinishidagi allergik reaktsiyalar - gematomalar - asteniya, toliqish, lohaslik, shish - artralgiya, mialgiya, mushak tirishishlari Kam hollarda (≥1/10000, <1/1000) - yurak urishini tezlashishi - Kvinke shishi - qonashga moyillik, burundan qon ketishi - tremor Juda kam hollarda (<1/10000) - jigar parenximasini eozinofil infiltratsiyasi - gepatit (shu jumladan, xolestatik va gepatotsellyulyar) - tugunli eritema - gallyutsinatsiyalar, o‘z joniga qasd qilishga moyillik - Charg-Stross sindromi Levotsetirizin Juda tez-tez (≥1/10) - uyquchanlik Tez-tez (≥1/100, <1/10) - og‘izni qurishi - bosh og‘rig‘i, toliqish Tez-tez emas (≥1/1000, <1/100) - asteniya - qorinda og‘riq Juda kam hollarda (<1/10000) - o‘ta yuqori sezuvchanlik, shu jumladan anafilaksiya - tajavvuzkorlik, qo‘zg‘alish - tirishishlar - ko‘rishni buzilishi - yurak urishini tezlashishi - hansirash, dispnoe - ko‘ngil aynishi, ishtahani oshishi, qusish - gepatit - Kvinke shishi, qichishish, toshma, eshakemi - mialgiya - tana vaznini oshishi - dizuriya, siydikni tutilishi Postmarketing kuzatuvlarida juda kam hollarda quyidagi nojo‘ya reaktsiyalar qayd etilgan - jigar funktsional sinamalarini o‘zgarishi - diareya.
Qo‘llash mumkin bo‘lmagan holatlar
- faol moddaga, piperazinning boshqa hosilalariga yoki preparatning boshqa yordamchi moddalariga yuqori sezuvchanlik - kreatinin klirensi minutiga 10 ml dan kam bo‘lgan og‘ir buyrak yetishmovchiligi - galaktozani o‘zlashtiraolmaslik, Lappa laktaza tanqisligi, glyukoza va galaktoza malabsorbtsiya sindromi - 18 yoshgacha bo‘lgan bolalar - homiladorlik va laktatsiya davrida qo‘llash mumkin emas.
Dorilarning o‘zaro ta'siri
Montelukast tavsiya etilgan dozada teofillin, prednizon, prednizolon, majmuaviy oral kontratseptivlar (noretindron 1mg/etinilestradiol 35 mkg), terfenadin, digoksin va varfarin kabi preparatlarning farmakokinetik profiligi klinik ahamiyatli samara ko‘rsatmaydi. Dori vositalari (tireoid gormonlar, NYAQV, benzodiazepinlar, dekongestantlar) bilan birga montelukastni yondosh preparatni sifatida qo‘llash klinik ahamiyatli dorilarning o‘zaro ta'siriga olib kelmaydi. Montelukastni sitoxrom R450 tizimini induktsiya qilish qobiliyatiga ega preparatlar bilan bir vaqtda qo‘llanishi Fenobarbital bilan davolash fonida 10 mg dozada montelukast bir marta qabul qilinganida montelukastning AUC 40% ga pasayadi. Montelukast bilan davolash fonida fenitoin, fenobarbital, rifampitsin kabi sitoxrom R450 tizimini induktsiya qilish qobiliyatiga ega dori vositalarini qabul qilayotgan patsiyentlarni adekvat klinik kuzatish maqsadga muvofiqligi aniqlangan. Montelukastni sitoxrom R450 tizimini ingibitsiya qilish qobiliyatiga ega preparatlar bilan bir vaqtda qo‘llanishi In vitro sharoitda olingan ma'lumotlarga ko‘ra montelukast sitoxrom CYP2S8 tizimi izofermentining potentsial ingibitori hisoblanadi. lekin montelukast va rosiglitazon (asosan CYP2S8 izofermenti ishtirokida metabolizmga uchraydigan dori vositalarining vakili) preparatlarini bir vaqtda qabul qilganda mavjud bo‘lgan tadqiqot ma'lumotlari rosiglitazonning farmakokinetik profilini o‘zgarishini aniqlamadi, bu in vivo sharoitda CYP2S8 izofermentini montelukast tomonidan ingibitsiya qilinishini tasdiqlash imkonini berdi. Shunday qilib, montelukast bu izoferment ishtirokida metabolizmga uchraydigan dori vositalarining (paklitaksel, rosiglitazon va repaglinid kabi) farmakokinetik profiliga ta'sir qilmasligini taxmin qilish mumkin. Levotsetirizinni boshqa dori preparatlari bilan o‘zaro ta'sirini o‘rganish bo‘yicha tadqiqotlar o‘tkazilmagan. Setirizin ratsematini psevdoefedrin, simetidin, ketokonazol, eritromitsin, azitromitsin, glipizid va diazepam bilan o‘zaro ta'sirini o‘rganilganda klinik ahamiyatli noxush o‘zaro ta'sirlar aniqlanmagan. Teofillin (sutkada 400 mg) bilan bir vaqtda buyurilganda setirizinning umumiy klirensi 16% ga pasayadi (teofillinning kinetikasi o‘zgarmaydi). Levotsetirizinni alkogol yoki markaziy nerv tizimini susaytiruvchi dori preparatlari bilan bir vaqtda qo‘llanilgan bir qator hollarda ularnin markaziy nerv tizimiga ta'siri kuchayishi mumkin, garchi setirizinning ratsemati alkogolning ta'sirini kuchaytirishi tasdiqlanmagan. Ritonavir siterizinning plazmadagi darajasini taxminan 42% ga oshiradi, bu setirizinning yarim chiqarilish davrini uzayishi (53%) va klirensni (29%) pasayishi bilan kechgan. Setirizin bilan bir vaqtda qo‘llanilganda ritonavirning farmakokinetikasi o‘zgarmagan.
Maxsus ko‘rsatmalar
Surunkali buyrak yetishmovchiligi (dozalash tartibiga tuzatish kiritish talab etiladi) va keksa yoshdagilarda (kalavalar filtratsiyasi pasayishi mumkin) ehtiyotkorlik bilan qo‘llash kerak. Alkogolni bir vaqtda iste'mol qilganda ehtiyotkorlikka rioya qilish tavsiya etiladi. Montelukast Patsiyentlarga astmaning o‘tkir xurujlarini davolash uchun montelukast va levotsetirizin saqlovchi ushbu majumaviy preparatni qo‘llash tavsiya etilmaydi. Bunday holatlarni shoshilinch davolash uchun tegishli preparatlar har doim tayyor bo‘lishi kerak. Xuruj bo‘lganda patsiyentlar darhol shifokorga murojaat etishlari kerak. Montelukastni ingalyatsion yoki peroral kortikosteroidlarga to‘satdan almashtirish tavsiya etilmaydi. Qo‘llanilayotgan peroral kortikosteroidlar miqdorini kamaytirish va montelukastni bir vaqtda qabul qilish mumkinligidan dalolat beruvchi ma'lumotlar yo‘q. Montelukast bilan davolash aspirin astmasi bo‘lgan patsiyentlarda aspirin yoki boshqa nosteroid yallig‘lanishga qarshi vositalarni qabul qilish zaruratini bekor qilmaydi. Montelukast qabul qilgan kattalar, o‘smirlar va bolalarda psixonevrologik asoratlar kuzatilgan. Qayd etilgan keyingi davrda montelukastni qo‘llashdagi kuzatuvdagi xabarlar quyidagilarni o‘z ichiga oladi qo‘zg‘alish, tajavvuzkor hulq yoki dushmanlik, bezovtalik, tushkunlik holati, oriyentatsiyani buzilishi, uyquni buzilishi, gallyutsinatsiyalar, uyqusizlik, ta'sirchanlik, sabrsizlik, lunatizm, o‘z joniga qasd qilish fikri va harakati (shu jumladan o‘z joniga qasd qilish) va qaltirash. Montelukast haqidagi ma'lumotni o‘z ichiga oluvchi postregistartsion kuzatuvdagi ayrim xabarlarning klinik ma'lumotlari farmakologik samarasiga mos keladi. Patsiyentlar va preparatni tavsiya etayotgan tibbiyot hodimlari psixonevrologik asoratlarga tayyor bo‘lishlari kerak. Patsiyentlar ushbu o‘zgarishlar paydo bo‘lgan hollarda ushbu preparatni tavsiya etgan tibbiyot hodimiga xabar berishlari kerakligi haqida ogohlantirilgan bo‘lishlari kerak. Preparatni tavsiya etayotgan tibbiyot hodimlari bunday belgilar paydo bo‘lganda montelukast bilan davolashning xavfi va foydasini sinchkovlik bilan baholashlari kerak. Montelukast qabul qilayotgan patsiyentlarda kam hollarda ko‘pincha tizimli kortikosteroid terapiya bilan davolanadigan Charg-Stross sindromiga ishora qiluvchi tizimli eozinofiliya, ba'zida vaskulitning klinik belgilari bo‘lishi mumkin. Bu holatlar odatda peroral kortikosteroid davolashni kamaytirish yoki bekor qilish bilan assotsiatsiyalangan, lekin har doim emas. Leykotriyen retseptorlarining antagonistlari Charg-Stross sindromini paydo bo‘lishi bilan bog‘liqligi ehtimolini inkor etib ham bo‘lmaydi, aniqlab ham bo‘lmaydi. Shifokorlar patsiyentlarda kuzatilishi mumkin bo‘lgan eozinofiliya, vaskulit toshma, o‘pka simptomlarini yomonlashishi, kardiologik asoratlar va/yoki neyropatiyaga tayyor bo‘lishlari kerak. Ushbu simptomlar rivojlangan patsiyentlar takroran ko‘rikdan o‘tishlari va ularni davolash sxemasi qayta ko‘rib chiqilishi kerak. Levotsetirizin Klinik tadqiqotlar jarayonida levotsetirizin bilan davolangan ayrim patsiyentlarda uyquchanlik, toliqish va holsizlik kuzatilgan. Patsiyentlar levotsetirizinni qabul qilgandan keyin mashina uskunalarini boshqarish yoki transport vositalarini haydash kabi tetiklik va harakatlar koordinatsiyasini talab etuvchi ishlarni bajarganda xavf haqida ogohlantirilgan bo‘lishlari kerak. Sezgir patsiyentlarda levotsetirizin va alkogolni yoki boshqa markaziy nerv tizimi depressantlarini bir vaqtda qabul qilish markaziy nerv tizimiga ta'sir qilishi mumkin, garchi setirizin ratsematini alkogolning ta'sirini kuchaytirmasligi isbotlangan. Montelukast va levotsetirizin majmuaviy preparati faol bo‘lmagan komponent sifatida laktoza saqlaydi, shuning uchun galaktozani o‘zlashtiraolmaslik, Lapp laktaza tanqisligi yoki glyukoza va galaktoza malabsorbtsiya sindromi kabi kam uchraydigan nasliy kasalliklari bo‘lgan patsiyentlarga ushbu vositani qabul qilish tavsiya etilmaydi. Homiladorlik va laktatsiya davri Montelukast va levotsetirizin saqlovchi majmuaviy preparatni homiladorlik va laktatsiya davrida qo‘llash bo‘yicha tadqiqotlar o‘tkazilmagan. Dori vositasini transport vositalari yoki potentsial xavfli mexanizmlarni boshqarish qobiliyatiga ta'sirining o‘ziga xosligi Preparatni qabul qilish avtomobilni yoki harakatlanuvchi mexanizmlarni boshqarish qobiliyatiga ta'siri haqida ma'lumotlar yo‘q. Lekin, levotsetirizin bilan davolaganda ayrim patsiyentlarda uyquchanlik, toliqish va xolsizlik kuzatilishi mumkin. Preparatni qabul qilish davrida diqqatni yuqori jamlash va psixomotor reaktsiyalarning tezligini talab qiluvchi potentsial xavfli faoliyat turlari bilan shug‘ullanishdan saqlanishlari kerak. Preparatni bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Simptomlari uyquchanlik, qorinda og‘riq, bosh og‘rig‘i, psixomotor giperfaollik. Davolash me'dani yuvish yoki sun'iy qusishni chaqirish. Faollashtirilgan ko‘mirni buyurish, simptomatik davolash va tutib turuvchi davolashni o‘tkazish tavsiya etiladi. Spetsifik antidoti yo‘q. Montelukast va levotsetirizinni peritoneal dializ yoki gemodializ yo‘li bilan chiqarilishi mumkinligi haqida ma'lumotlar yo‘q.
Chiqarilish shakli
va o‘rami 10 tabletkadan blisterda, 1 blister qo‘llash bo‘yicha yo‘riqnomasi bilan karton qutida.
Saqlash sharoiti
Quruq, yorug‘likdan himoyalangan joyda, 30oS dan past haroratda saqlansin.
Yaroqlilik muddati
3 yil
Dorixonalardan berish tartibi
Retsept bo‘yicha.
Ishlab chiqaruvchi
SYNOKEM PHARMACEUTICALS LIMITED, HINDISTON O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili 100179, O‘zbekiston Respublikasi, Toshkent sh., Olmazor tumani, Chimboy mavzesi 5A; Tel +99871 229 27 09
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.