Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Аtrovent N aerozol 20mkg/doza 10 ml dan
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Ипратропия бромид
Страна производитель
Германия
Дозировка
20 мкг/доза 200 доз 10 мл
Производитель
Boehringer Ingelheim International GmbH, Германия произведено: Boehringer Ingelheim Pharma GmbH & Co. KG
Рецептурный препарат
Да
Форма выпуска
Аэрозоль для ингаляций
Ko'rsatmalar
Preparatning savdo nomi
ATROVENT N Ta'sir etuvchi modda (XPN) ipratropiy bromidi
Dori shakli
ingalyatsiya uchun dozalangan aerozol 20mkg/doza 10 ml dan flakonlarda (200 doza).
Tarkibi
1 doza quyidagilarni saqlaydi faol modda 21 mkg (0,021 mg) ipratropiy bromidi monogidrati, bu 20 mkg (0,020 mg) suvsiz ipratropiy bromidiga mos keladi; yordamchi moddalar suvsiz limon kislotasi, tozalangan suv, etanol, propellent – tetraftoretan (HFA 134a). Farmakologik guruhi Nafas olish yo‘llari obstruktiv kasalliklarini davolash uchun vosita. Antixolinergik vositalar. ATX kodi R03BB01
Farmakologik xususiyatlari
Farmakodinamika
si Ipratropiy bromidi – bu to‘rtlamchi ammoniyli birikma bo‘lib, u antixolinergik (parasimpatolitik) xususiyatlarga ega. Klinik oldi tadqiqotlari u adashgan nerv keltirib chiqaradigan reflekslarni tormozlashini va ushbu nervdan ajralib chiqayotgan neyromediator – atsetilxolin ta'siriga qarshilik qilishini namoyish etgan. Antixolinergik vositalar hujayra ichidagi Ca++ kontsentratsiyasi oshishini oldini oladi, bu bronxlardagi silliq mushaklarning muskarin retseptorlari bilan atsetilxolinni o‘zaro ta'siridan kelib chiqadi. Ca++ ning ajralib chiqishi IF3 (inozitoltrifosfat) va DAG (diatsilglitserol) dan iborat ikkilamchi vositachilar tizimi bilan bog‘liq. ATROVENT N ingalyatsiyasidan keyin kuzatiladigan bronxodilatatsiya – bu o‘pka uchun tizimli ta'sirlarga taalluqli bo‘lmagan lokal va o‘ziga xos samaradir. Klinik oldi va klinik ma'lumotlar ATROVENT N nafas yo‘llarida shilliq sekretsiyasiga, mukotsiliar klirens va gaz almashinuviga salbiy ta'sir ko‘rsatmaydi deb taxmin qilishga asos bo‘ladi. 90 kun davom etgan nazoratli tadqiqotlarda O‘SOK (surunkali bronxit va emfizema) bilan bog‘liq bronxospazmi bo‘lgan patsiyentlarda o‘pka funktsiyasining sezilarli ravishda yaxshilanishi 15 minut davomida rivojlangan. Ushbu yaxshilanishning eng yuqori qiymatlariga 1-2 soat davomida erishilgan va 4-6 soat davomida saqlangan. 90 kun davom etgan nazoratli tadqiqotlarda bronxial astma bilan bog‘liq bronxospazmi bo‘lgan patsiyentlarda o‘pka funktsiyasining sezilarli ravishda yaxshilanishi (OFV1 ni 15% ga oshishi) 51% patsiyentlarda kuzatilgan.
Farmakokinetikasi
So‘rilishi ATROVENT N ning terapevtik samarasi nafas yo‘llariga mahalliy ta'sirdan kelib chiqadi. Shu sababli bronxodilatatsiyaning farmakodinamikasi tizimli farmakokinetikasi bilan bog‘liq emas. Ingalyatsiyadan keyin dozaning 10-30% dori shakli va ingalyatsiya texnikasiga bog‘liq holda o‘pkaga tushadi. Preparat dozasining katta qismi yutiladi va MIY orqali o‘tadi. O‘pkaga yetib borgan preparat tezda (bir minut davomida) qon aylanishi tizimiga kelib tushadi. Dastlabki birikmaning kumulyativ buyrak ekskretsiyasi (0-24 soat) vena ichiga yuborilgan dozaning 46% ga yaqin keladi, peroral dozaning 1% dan kamni va taxminan ingalyatsiya dozasining 3-13% ni tashkil etadi. Ushbu ma'lumotlar asosida ipratropiy bromidining umumiy tizimli biokiraolishligi peroral va ingalyatsiya qo‘llanilganida muvofiq ravishda 2% va 7-28% ni tashkil etadi. Yuqorida ta'riflanganlarni inobatga olgan holda, ipratropiy bromidi dozasining yutilgan qismi sezilarli tizimli ta'sirni ko‘rsatmaydi. Taqsimlanishi Ipratropiyning taqsimlanishini xarakterlovchi kinetik ko‘rsatkichlar vena ichiga yuborilganidan keyin preparatning plazmadagi kontsentratsiyalaridan kelib chiqib hisoblangan. Qon plazmasida kontsentratsiyalarning tezda ikki fazali pasayishi kuzatiladi. Muvozanat holatida taxminiy taqsimlanish hajmi (Vdss) taxminan 176 l (≈2,4 l/kg) ni tashkil etadi. Preparat qon plazmasi oqsillari bilan minimal ravishda (20% dan kam) bog‘lanadi. Klinik oldi tadqiqotlari ipratropiy to‘rtlamchi ammoniyli birikma bo‘lgani holda yo‘ldosh va gematoentsefalik to‘siq orqali o‘tmasligini namoyish etgan. Biotransformatsiyasi Vena ichiga yuborilganidan keyin dozaning taxminan 60% oksidlanish yo‘li bilan jigarda metabolizmga uchraydi. Trop kislotasi qoldig‘idagi gidroksimetil guruhini gidrolizi, degidratatsiyasi yoki eliminatsiya qilish natijasida hosil bo‘ladigan ma'lum metabolitlar muskarin retseptorlari bilan yomon bog‘lanadi va samarasiz sifatida qaralishi kerak. Chiqarilishi Yakuniy fazasida yarim chiqarilish davri taxminan 1,6 soatni tashkil etadi. Ipratropiyning umumiy klirensi minutiga 2,3 l ni, buyrak klirensi esa – minutiga 0,9 l ni tashkil etadi. Propellent sifatida HFA 134a bilan ipratropiy bromidi ingalyatsiya qilinganidan keyin kumulyativ buyrak ekskretsiyasi 24 soat davomida taxminan 12% ni tashkil etgan. Chiqarilishi tekshirilganda preparatga bog‘liq radiofaollikning (dastlabki birikmani va uning metabolitlarini ichiga oladigan) kumulyativ buyrak ekskretsiyasi (6 kun) vena ichiga yuborilganidan keyin 72,1% ni, peroral qabul qilinganidan keyin 9,3% ni va ingalyatsion yuborilganidan keyin 3,2% ni tashkil etgan. Axlat bilan chiqarilayotgan moddaning umumiy radiofaolligi vena ichiga yuborilganidan keyin 6,3% ni, peroral qo‘llanilganidan keyin 88,5% ni va ingalyatsion yuborilganidan keyin 69,4% ni tashkil etgan. Buyrak ekskretsiyasi vena ichiga yuborilganidan keyin preparatga bog‘liq radiofaolliklikni chiqarishning asosiy yo‘li bo‘lgan. Preparatga bog‘liq radiofaollikning (dastlabki birikma va metabolitlarning) yarim chiqarilishi davri 3,6 soatni tashkil etgan.
Qo‘llanilishi
ATROVENT N hansirashni oldini olish va davolash uchun quyidagi hollarda - o‘pkaning surunkali obstruktiv kasalligida (O‘SOK); - kattalar va bolalarda yengil va o‘rtacha darajadagi bronxial astmada o‘tkir astma xurujida beta2-agonistlar bilan davolashga yordamchi davolash sifatida qo‘llaniladi.
Qo‘llash usuli va dozalari
Dozalar patsiyentning individual ehtiyojlariga muvofiq tanlanishi kerak. Kattalar va 6 yoshdan katta bo‘lgan bolalar uchun quyidagi dozalar tavsiya etiladi Profilaktik va samarani bir maromda ushlab turuvchi davolash bir kunda bir necha marta 1-2 ta doza. O‘rtacha sutkalik doza bir kunda 3-4 marta 1-2 ta doza. Tavsiya etilgan dozalar ˂6 yoshda bo‘lgan bolalar uchun bir xil. Ushbu guruh bo‘yicha cheklangan ma'lumotlarni hisobga olgan holda preparat faqat shifokorning muntazam kuzatuvi ostida qo‘llanilishi kerak. Dozani oshirishga bo‘lgan ehtiyoj asosiy davolashni qayta ko‘rib chiqish zarurati haqida dalolat beradi. Umumiy sutkalik doza 12 ta ingalyatsiyadan oshmasligi kerak. Muhim Patsiyentlar davolash vaqtida tibbiy kuzatuv ostida bo‘lishi kerak. Agar patsiyentning holati davolashga qaramay yaxshilanmasa yoki yomonlashsa, davolash rejasiga tuzatish kiritish maqsadida shifokor bilan maslahatlashish, shu jumladan, zarurat bo‘lganida boshqa dori vositalarini (kortikosteroid, beta2-agonist yoki teofillinni) buyurish zarur. O‘tkir yoki tezda rivojlanib boruvchi hansirash xuruji yuz berganida, darhol tibbiy yordam uchun murojaat qilish zarurligi haqida patsiyentga yo‘riqnoma berish lozim. O‘pkaning surunkali obstruktiv kasalligi zo‘rayganida ATROVENT ingalyatsiyalar uchun eritma preparati bilan davolash talab qilinishi mumkin. Qo‘llash bo‘yicha tavsiyalar Dozalangan aerozolni to‘g‘ri qo‘llash muvaffaqiyatli davolashning zarur sharti bo‘lib hisoblanadi. ATROVENT N dozalangan aerozoli faqat ingalyatsion qo‘llash uchun mo‘ljallangan. O‘tirgan yoki tik turgan holat dori vositasini ingalyatsion yuborish uchun eng yaxshi holat bo‘lib hisoblanadi. Birinchi marta foydalanishdan oldin ballonchaning tubiga ikki marta bosing. Har bir qo‘llanilishidan oldin quyidagi qoidalarga rioya qilish zarur 1. Himoya qalpoqchasini yechib oling (1-rasmga qarang). 1-rasm. 2. Sekin-asta to‘liq nafas chiqaring. 3. 2-rasmda ko‘rsatilgani kabi ballonchani ushlab turgan holda lablar bilan mundshtukni zich o‘rab oling. Bunda ballonchadagi strelka yo‘nalishi yuqoriga, mundshtuk esa pastga qarab yo‘nalgan bo‘ladi. 2-rasm. 4. Maksimal darajada chuqur nafas olgan holda ingalyatsion doza ajralib chiqishiga qadar balloncha tubiga bir vaqtning o‘zida tezda bosing. Bir necha sekundga nafasingizni ushlab turing, so‘ngra mundshtukni og‘izdan olib, sekin nafas chiqaring. 5. Himoya qalpoqchasini yopib qo‘ying. Aerozol ko‘zga tushmasligini oldini olish maqsadida ehtiyotkorlikka rioya qilish zarur. Ushbu preparatni bolalarda qo‘llanilishi kattalar kuzatuvi ostida o‘tkazilishi kerak. Agar aerozolli ballonchadan uch kundan ortiq foydalanilmagan bo‘lsa, qo‘llashdan oldin ballonchaning tubiga bir marta bosish lozim. Ingalyatorni eng kamida haftada bir marta tozalash lozim. Ingalyator mundshtukini unda dori vositasi to‘planib qolmasligi va aerozol oqimini to‘sib qo‘ymasligi uchun toza holda ushlab turish muhim. Tozalash uchun avval himoya qalpoqchasini yechib olish va ballonchani ingalyatorning plastik qismidan chiqarib olish lozim va so‘ngra uni dori moddasi izlari va/yoki ifloslanishlar yo‘qolgunigacha iliq suv bilan yuvish zarur (3-rasm). 3-rasm. Tozalab bo‘linganidan keyin ingalyatorning plastik qismi silkitiladi va hech qanday qizdirish uskunalaridan foydalanmagan holda havoda quritiladi (4-rasm). Ingalyatorning plastik qismi quritilganidan keyin unga balloncha kiritiladi va qalpoqcha o‘rnatiladi. 4-rasm. Balloncha tiniq emas, shu sababli uning bo‘shab qolganini ko‘rish mumkin emas. Balloncha 200 ta ingalyatsiya uchun mo‘ljallangan bo‘lib, shundan keyin uni almashtirish lozim. Ballonchada preparatning bir muncha miqdori qolishi mumkinligiga qaramay, ingalyatsiyada ajralib chiqadigan dori moddasining miqdori kamayib qolgan bo‘lishi mumkin. Ballonchada dori moddasining miqdorini quyidagi tarzda tekshirish mumkin - ballonchada suyuqlik qolganini aniqlash uchun uni silkitiladi; - ballonchani ingalyatorning plastik qismidan chiqarib olinadi va ballonchani suv bilan to‘ldirilgan sig‘imga solinadi. Preparat miqdori ballonchaning suvda joylashganligiga bog‘liq holda aniqlanadi (5-rasm). 5-rasm. OGOHLANTIRISh Mundshtuk ATROVENT N uchun maxsus ishlab chiqilgan va preparat dozasini aniq belgilash uchun mo‘ljallangan. Mundshtuk boshqa dozalangan aerozollar bilan ishlatilmasligi kerak. Shuningdek ATROVENT N dan preparat bilan yetkazib beriladigan mundshtukdan tashqari biron-bir boshqa mundshtuk bilan foydalanish mumkin emas. Balloncha ichidagi modda bosim ostida bo‘ladi. Ballonchani ochish va 50°C dan yuqori haroratda qizdirishga yo‘l quyish mumkin emas.
Nojo‘ya ta'sir
lari Barcha dori vositalari kabi, ATROVENT N nojo‘ya ta'sirga ega bo‘lishi mumkin. Quyida sanab o‘tilgan nojo‘ya ta'sirlarning ko‘pchiligi ATROVENT N ning antixolinergik xususiyatlari bilan bog‘liq. Ingalyatsion qo‘llaniladigan har qanday dori vositasi kabi ATROVENT N og‘iz shilliq qavatining mahalliy ta'sirlanishini keltirib chiqarishi mumkin. Klinik tadqiqotlarda bosh og‘rig‘i, tomoqni achishishi, yo‘tal, og‘iz qurishi, me'da-ichak yo‘llari motorikasini buzilishi (shu jumladan qabziyat, ich ketishi va qusish), ko‘ngil aynishi va bosh aylanishi eng ko‘p tarqalgan noxush samaralar bo‘lgan.
Nojo‘ya ta'sir
lar yuzaga kelishi tez-tezligi quyidagicha ko‘rsatilgan juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000); noma'lum (tez-tezligi mavjud ma'lumotlar asosida aniqlanishi mumkin emas). Immun tizimi tomonidan tez-tez emas – anafilaktik reaktsiyalar, o‘ta yuqori sezuvchanlik. Nerv tizimi tomonidan tez-tez – bosh og‘rig‘i, bosh aylanishi. Ko‘rish a'zosi tomonidan tez-tez emas – ko‘rishning noaniqligi, midriaz, ko‘z ichki bosimini oshishi (gohida ko‘zlarda og‘riq bilan), ko‘rish oreolalari, rangli aylanalar, kon'yunktival giperemiya, ko‘z muguz pardasini shishi, glaukoma; kam hollarda – akkomodatsiyani buzilishi. Yurak-qon tomir tizimi tomonidan tez-tez emas – yurak urib ketishi hisi, (supraventrikulyar) taxikardiya; kam hollarda – yurak bo‘lmachalari fibrillyatsiyasi. Nafas olish tizimi tomonidan tez-tez – yo‘tal, tomoqni ta'sirlashishi, tez-tez emas – (paradoksal) bronxospazm, laringospazm, hiqildoq shishi, tomoq qurishi. Me'da-ichak yo‘llari tomonidan tez-tez – og‘iz qurishi, ta'm sezishni buzilishi, me'da-ichak yo‘llari motorikasini buzilishi, ko‘ngil aynishi; tez-tez emas – diareya, qabziyat, qusish, stomatit, og‘iz shilliq qavatlarini shishi. Teri va teri osti to‘qimalari tomonidan tez-tez emas – toshma, qichishish, angionevrotik shish; kam hollarda – eshakemi. Buyrak va siydik chiqarish yo‘llari tomonidan tez-tez emas – siydikni tutilib qolishi.
Qo‘llash mumkin bo‘lmagan holatlar
ATROVENT N dagi faol moddaga, atropinga yoki atropinga o‘xshash (ipratropiy bromidi kabi) moddalarga yoki har qanday yordamchi moddalariga o‘ta yuqori sezuvchanligi bo‘lgan patsiyentlarda qo‘llash mumkin emas.
Dorilarning o‘zaro ta'siri
Ingalyatsiyali ATROVENT ni boshqa antixolinergik preparatlar bilan birga uzoq muddat qo‘llanilishi o‘rganilmagan va shu munosabat bilan tavsiya etilmaydi. Beta2-adrenergik vositalar va ksantinli hosilalari (masalan, teofillin) dori vositasining bronxodilatatsiyalovchi ta'sirini kuchaytirishi mumkin. Boshqa antixolinergik dori vositalari, masalan, pirenzepinni saqlovchi dori vositalari ATROVENT ning davolash ta'sirini ham, uning nojo‘ya ta'sirini ham kuchaytirishi mumkin.
Maxsus ko‘rsatmalar
O‘ta yuqori sezuvchanlik ATROVENT N qabul qilinganida darhol yuz beradigan, masalan kam hollarda toshma, eshakemi, angionevrotik shish, og‘iz-halqum shishi, bronxospazm va anafilaksiya kabi o‘ta yuqori sezuvchanlik reaktsiyalari rivojlanishi mumkin. Paradoksal bronxospazm Boshqa ingalyatsion dori vositalari kabi ATROVENT N paradoksal, shu jumladan hayotga xavf soluvchi bronxospazmni keltirib chiqarishi mumkin. Paradoksal bronxospazm rivojlanganida ATROVENT N qo‘llanilishini darhol to‘xtatish va muqobil davolashni buyurish zarur. Ko‘rish a'zosi tomonidan asoratlar ATROVENT N ni glaukomaga moyil patsiyentlarda ehtiyotkorlik bilan qo‘llash lozim. Preparat ko‘zlar bilan kontaktida ko‘zlar tomonidan yengil qaytuvchan asoratlar paydo bo‘lishi mumkin. Ayniqsa yopiq burchakli glaukomasi bo‘lgan patsiyentlarda glaukomaning o‘tkir xurujini rivojlanish xavfi mavjud bo‘lib, ko‘zda og‘riq bo‘lishi, ko‘rishning noaniqligi, vizual oreolalar, rangli obrazlar, kon'yuktiva va ko‘z muguz pardasining giperemiyasi natijasida ko‘zlarni qizarishi uning xos simptomlari bo‘lib hisoblanadi. Midriaz va akkomodatsiyani yengil buzilishi rivojlanganida miotik dori vositalari buyurilishi mumkin. Ko‘zlar tomonidan jiddiy asoratlar rivojlangan taqdirda albatta oftalmolog maslahati zarur. Patsiyentlarning mazkur toifasida preparatning ko‘zlarga tushishini oldini olish maqsadida yuz niqobini qo‘llashga qaraganda mundshtukni qo‘llash afzalroq hisoblanadi. Buyrak va siydik chiqarish yo‘llariga ta'siri Siydik chiqarilishi buzilishlari (masalan, prostata bezining gipertrofiyasi yoki qovuq bo‘yinchasining obstruktsiyasi) bo‘lgan patsiyentlarda ipratropiya bromidi bilan davolashdan oldin siydik tutilib qolishi rivojlanishining potentsial xavfi munosabati bilan foyda-xavf nisbatini sinchkovlik bilan baholash zarur. Me'da-ichak yo‘llari motorikasini buzilishi Mukovistsidozli patsiyentlar me'da-ichak yo‘llari motorikasi buzilishlariga ancha moyil bo‘ladilar. ATROVENT N etanol (bitta dozada 100 mg dan kamroq) saqlaydi. Homiladorlik va laktatsiya davrida Homiladorlik va laktatsiya davrida Dori vositasini homiladorlik yoki laktatsiya davrida qo‘llanilishi haqidagi ma'lumotlar yo‘q. Dori vositasining teratogen ta'siri aniqlanmaganligiga qaramay, ATROVENT preparatini homiladorlik davrida (ayniqsa birinchi uch oyligida) va laktatsiya davrida qo‘llash kerak emas, foyda-xavf nisbati sinchkov baholanganidan keyin davolovchi shifokor belgilaydigan zarur hollar bundan mustasno. Baholashda noadekvat davolash xavflari lozim darajada hisobga olinishi kerak. Fertilligi Ipratropiy bromidining fertillikka ta'siri haqidagi klinik ma'lumotlar yo‘q. Ipratropiy bromidi bilan o‘tkazilgan klinik oldi tadqiqotlarida fertillikka salbiy ta'siri namoyon bo‘lmagan. Avtomobilni boshqarish va mexanizmlar bilan ishlash qobiliyatiga ta'siri Dori vositasini avtomobilni boshqarish va mexanizmlar bilan ishlash qobiliyatiga ta'siriga doir tadqiqotlar o‘tkazilmagan. Biroq patsiyentlar ATROVENT bilan davolash vaqtida bosh aylanishi, akkomodatsiyani buzilishi, midriaz va noaniq ko‘rish kabi nojo‘ya ta'sirlar ehtimoli haqida ogohlantirilishi kerak. Shu sababli avtomobilni boshqarish va mexanizmlar bilan ishlash vaqtida ehtiyotkorlikka rioya qilish tavsiya etiladi. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin. Dozani oshirib yuborilishi Dozani oshirib yuborilishining spetsifik simptomlari aniqlanmagan. Terapevtik ta'siri kengligini va ATROVENT N qo‘llanilishining mahalliy usulini inobatga olgan holda biron-bir jiddiy antixolinergik simptomlarning paydo bo‘lishi ehtimoli kam. Og‘iz qurishi, akkomodatsiyani buzilishi, yurak qisqarishlari tez-tezligini oshishi kabi tizimli antixolinergik ta'sirlarning sezilarsiz namoyon bo‘lishi mumkin.
Chiqarilish shakli
10 ml dozalovchi klapanli metall ballonchada. Balloncha qo‘llash bo‘yicha yo‘riqnoma bilan birga karton qutida. Saqlash sharoitlari 25°Sdan yuqori bo‘lmagan haroratda saqlansin. Muzlatilmasin.
Yaroqlilik muddati
36 oy. Dorixonalardan berish tartiblari Shifokor retsepti bo‘yicha.
Ishlab chiqaruvchi
Beringer Ingelxaym Farma GmbX i Ko. KG Germaniya, 55216 Ingelxaym-na-Reyne, Bingershtrasse 173. Belarus Respublikasidagi Agentligi Minsk shahri, V. Xorujey ko‘chasi, 22-1402. Tel. (+375 17) 283 16 33, faks (+375 17) 283 16 40. O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili O‘zbekiston Respublikasi, Toshkent sh., Yashnaobod tumani, 22 Aviasozlar shaxarchasi, 8 uy, 38 kv. Tel 90 318 77 02
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.