Projestin-KR gel 10mg/g 40g

Tavsif

Preparatning savdo nomi

Projestin-KR
Ta'sir qiluvchi modda (XPN): progesteron

Dori shakli

gel

Tarkibi

1 g gel quyidagilarni saqlaydi:
Faol modda: 10 mg progesteron (quruq moddaga qayta hisoblanganda);
Yordamchi moddalar: polietilenoksid, glitserin, 96% etanol, karbomer, trietanolamin, polietoksillangan, gidroksillangan kanakunjut moyi, tozalangan suv.

Ta'rifi

rangsiz yoki kuchsiz sarg‘ish tusli, o‘ziga xos hidli gel.

Farmakoterapevtik guruhi

Jinsiy bezlarning gormonlari va jinsiy a'zolar patologiyasida qo‘llanadigan preparatlar. Progesteron.
ATX kodi: G03DA04.

Farmakologik xususiyatlari

Progesteron sariq tananing gormoni hisoblanadi. Sut bezlari to‘qimalarida progesteron kapillyarlar o‘tkazuvchanligini va biriktiruvchi to‘qimali stromaning siklik shishining jadalligini kamaytiradi, sut chiqarish yo‘llari epiteliysining proliferatsiyasi va mitotik faolligini oldini oladi.

Farmakokinetikasi

Teriga surtilganda qo‘llanilgan dozaning taxminan 10% so‘riladi. Qon aylanish tizimiga tushmaydi, teri va sut bezlari to‘qimalarida metabolizmga uchraydi. Tizimli ta'siri yo‘q yoki ahamiyatsizdir.

Qo‘llanilishi

Progesteron yetishmovchiligi fonidagi mastodiniyalar va xavfsiz mastopatiyalarni davolashda qo‘llanadi.

Qo‘llash usuli va dozalari

Sirtga qo‘llanadi. Aplikatorning bir dozasi (2,5 g gel) sutkada 1 marta har bir sut bezining yuzasiga surtiladi va to‘liq singunigacha ishqalanadi. Davolash kursining davomiyligi – kamida 3 oyni tashkil qiladi.
Nojo‘ya ta'sirlari
Allergik reaktsiyalar bo‘lishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlik.
Dorilarning o‘zaro ta'siri
Ushbu qo‘llash usulida preparatning klinik ahamiyatga ega o‘zaro ta'sirlari aniqlanmagan.

Maxsus ko‘rsatmalar

Tavsiya etilgan doza oshirilmasin.
Gelni tozalangan, quruq teriga surtish kerak. Hayz siklining kunidan qat'iy nazar qo‘llanadi. Preparat surtilgandan keyin to‘g‘ri tushuvchi quyosh nurlaridan saqlanish kerak.
Homiladorlik va emizish davrida qo‘llanishi. Homiladorlikning II-III uch oyligida yoki emizishda preparatni, faqat preparatni qo‘llashdan ona uchun kutilgan foydasi homila uchun bo‘lishi mumkin bo‘lgan xavfdan ustun bo‘lgan holdagina qo‘llash mumkin.
Bolalar. Bolalarda preparatni qo‘llash tajribasi yo‘q.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati. Davolanish davrida avtotransportni boshqarish yoki diqqatni yuqori jamlash va psixomotor reaktsiyalarning tezligini talab qiluvchi potentsial xavfli faoliyat turlari bilan shug‘ullanishdan saqlanish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Tizimli so‘rilishi pastligi sababli dozani oshirib yuborilishini ehtimoli kam.

Chiqarilish shakli

40 g dan gel shpatel-dozator bilan tubada.

Saqlash sharoiti

25oS dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.
Ishlab chiqaruvchi.
«Ximfarmzavod «Krasnaya zvezda» JAJ
61010, Ukraina, Xarkov sh., Gordiyenkovskaya ko‘ch., 1.