Kuriozin gel 15 gr

Tavsif

Preparatning savdo nomi

KURIOZIN® (CURIOSIN®)

Xalqaro patentlanmagan nomi

rux gialuronati (zinc hyaluronate)

Chiqarilish shakli

sirtga qo‘llash uchun gel

Tarkibi

1 g gel quyidagilarni saqlaydi:
Ta'sir etuvchi moddalar: 1,027 mg rux gialuronati (1,00 mg natriy gialuronatga va 0,33 mg rux xlorid aralashmasidan tashkil topgan).
Yordamchi moddalar:
Kaliy sorbati, natriy gidroksidi, karbomerlar, in'ektsiya uchun suv.

Ta'rifi

Rangsiz yoki deyarli rangsiz, deyarli hidsiz tiniq gel.

Farmakoterapevtik guruhi

Xusnbuzar toshmalarini davolash uchun sirtga qo‘llash uchun boshqa vositalar.
ATX kodi: D10AX

Farmakologik xususiyatlari

Farmakodinamikasi

Xusnbuzarlarni rivojlanishini ikki asosiy etiologik omillari (yog‘ bezlarinining to‘qimalarining proliferatsiyasi va ularni chiqaruvchi yo‘llarining giperkeratozi) dan tashqari Propionibacterium acnes bakteriyasi ta'siri ostida ishlab chiqariladigan biologik faol moddalar katta ahamiyatga egadir. Bunday o‘zgarishlar shikastlangan to‘qimalarda gialuron kislotasining miqdori pasaytiradi; gialuron kislotasiga bo‘lgan yuqori ehtiyoj Kuriozin gelini mahalliy qo‘llash orqali korrektsiyalanishi mumkin. Gialuron kislotasi - mukopolisaxarid turidagi tabiiy polimer bo‘lib, biriktiruvchi to‘qimaning xujayralararo matriksining muhim elementidir. Boshqa molekulalar va hujayralar bilan fizik-kimyoviy xususiyatlariga bog‘liq o‘zaro ta'sirlari gialuron kislotasini ko‘pchilik biologik jarayonlarning zaruriy komponenti bo‘lishiga olib keladi. Gialuron kislotasi suv molekulalari bilan dispers matriks hosil qiladi va terining tonusi va elastikligini tutib turishga yordam beradi. Proteoglikanlarning boshqa molekulalari bilan bir qatorda gialuron kislotasi ham biriktiruvchi to‘qimaning hujayralararo moddasini barqarorlashtiradi. Preparat tarkibidagi rux P. acnes ning lipazasini faolligini bostiradi, shuningdek antibakterial ta'sir ko‘rsatadi.
Gialuron kislotasi suv molekulalari bilan dispersion matriks hosil qiladi va to‘qimaning nuqsonini to‘ldiradi, hujayralar uchun tabiiy tayanchi bo‘lib xizmat qiladi, granulotsitlar va makrofaglarning faolligini oshiradi, fibroblastlarning proliferatsiyasini va angiogenezni kuchaytiradi. Rux gialuronati natriy tuziga nisbatan bakteriyalarning ko‘pchilik shtammlariga bakteriostatik ta'sir ko‘rsatadi.

Farmakokinetikasi

Ekzogen gialuron kislotasining farmakokinetikasi to‘g‘risida ma'lumotlar yetarli emas. Adabiyotlardagi ma'lumotlariga ko‘ra, sog‘lom ko‘ngillilarda gialuron kislotasining zardobdagi kontsentratsiyasi 10-100 mkg/l oralig‘ida bo‘ladi. Gialuron kislotasining qon zardobidagi kontsentratsiyasi fiziologik sabablarga ko‘ra tonggi soatlarda yuqori bo‘ladi, yosh o‘tishi bilan, shuningdek jigar faoliyatini buzilishlarida uning kontsentratsiyasi oshib boradi. Gialuron kislotasi qon plazmasidan tez chiqariladi, kichik molekulyar massali komponentlarga parchalanishi asosan jigarda yuz beradi. Vena ichiga yuborilganidan keyin yarim chiqarilish davri (t1/2) 2,5-5,5 minutni tashkil qiladi. Gialuron kislotasi buyraklar orqali deyarli chiqarilmaydi (1%). 22 sog‘lom ko‘ngillilarning ma'lumotlarini baholash bo‘yicha ­ 24 soatda 320 mkg tashkil qiladi.

Qo‘llanilishi

Og‘irligi yengil va o‘rtacha darajadagi bo‘lgan xusnbuzar toshmalarning hamma turlarini, ayniqsa komedonlarni va papulo-pustulez xusnbuzarlarni mahalliy davolash uchun qo‘llanadi .

Qo‘llash mumkin bo‘lmagan holatlar

“Tarkibi” bo‘limidagi ta'sir etuvchi moddaga yoki yordamchi moddalarga o‘ta yuqori sezuvchanlikda qo‘llash mumkin emas.
Homiladorlik va emizish davrida qo‘llanilishi
Preparatni homiladorlik va emizish davrida qo‘llash bo‘yicha ma'lumotlar yo‘q.

Qo‘llash usuli va dozalari

Dozalari
Preparat sirtga qo‘llash uchun mo‘ljallangan. Gel yupqa qavat qilib kuniga ikki marta surtiladi.
Qo‘llash usuli
Oldindan yaxshilab tozalangan so‘ng terining shikastlangan sohasiga yupqa qavat qilib kuniga ikki marta surtiladi. Preparat bir necha minut davomida so‘riladi, shuning uchun bog‘lov qo‘yishning hojati yo‘q.
Nojo‘ya samaralari
Davolashni boshida yengil achishish hissi yoki qizarish aniqlanishi mumkin, biroq davolash davom ettirilganida ular asta-sekin o‘tib ketadi. Terisi quruq bo‘lgan shaxslarda “tortishish” hissi bo‘lishi mumkin.
Nojo‘ya samara
(MedDRA – SOC [tizimlar va a'zolar bo‘yicha tasnifi bo‘yicha tibiy lug‘at] Tez-tez
(>1/100-<1/10)
Teri va teri osti to‘qimlari tomonidan buzilishlar
Terini achishishi hissi

Dozani oshirib yuborilishi

Dozani oshirib yuborilishi hollari to‘g‘risida xabar qilinmagan.
Boshqa dori preparatlar bilan o‘zaro ta'siri va o‘zaro ta'sirning boshqa shakllari
Noma'lum.
Ehtiyotkorlik choralari
Kuriozin geli fotosensibilizatsiyalovchi xususiyatlarga ega emas. Teri va kiyimning rangini o‘zgartirmaydi.
Transport vositasini boshqarish va boshqa mexanizmlar bilan ishlash qobiliyatiga ta'siri
Kuriozin geli transport vositasini boshqarish va boshqa mexanizmlar bilan ishlash qobiliyatiga ta'sir qilmaydi.

O‘rami

15 g gel teshuvchi uchlikga ega oq polietilen qalpoqli yopiq alyuminiy tubalarda.
Bir tuba qo‘llash bo‘yicha yo‘riqnomasi bilan birga karton qutida.

Saqlash sharoiti

300S dan yuqori bo‘lmagan haroratda saqlansin.
Bolalar olaolmaydigan joyda saqlansin.

Yaroqlilik muddati

2 yil
Preparat o‘ramida ko‘rsatilgan yaroqlilik muddati o‘tganidan keyin ishlatilmasin.
Berish tartibi
Shifokor retseptisiz beriladi
Ishlab chiqaruvchi haqida ma'lumot
“Gedeon Rixter” YoAJ
1103 Budapesht, Demrei ko‘ch., 19-21, Vengriya
Ishlab chiqaruvchi va buyurtmachining manfaatlarini ifodalovchi kompaniya:
“Gedeon Rixter” YoAJ
1103 Budapesht, Demrei ko‘ch., 19-21, Vengriya
Ishonch raqami (qo‘ng‘iroq bepul): 7­800­555­00777
Elektron manzil: drugsafety@g-richter.ru