Tonzipret tab. №50

Tavsif

Preparatning savdo nomi

Tonzipret®

Dori shakli

shimish uchun gomeopatik tabletkalar.

Tarkibi

1 tabletka Tonzipret® quyidagilarni saqlaydi:
faol moddalar:
Capsicum annuum (achchiq qalampir) Dil.D3 - 75 mg,
Guaiacum (Gvayak daraxti) Dil.D3 - 75 mg,
Phytolacca americana (amerika lakonosi) Ø - 50 mg;
yordamchi moddalar: laktoza monogidrati, kartoshka kraxmali, magniy stearati.

Ta'rifi

och-sarg‘ish, dumaloq, yassi yuzali tabletkalar.

Farmakoterapevtik guruhi

og‘iz-halqumning yallig‘lanish kasalliklarini davolash uchun gomeopatik dori vositasi.
ATX kodi: R02AN20.

Farmakologik xususiyatlari

Ta'siri preparatning tarkibiga kiruvchi komponentlar bilan bog‘liq bo‘lgan majmuaviy gomeopatik preparatdir.

Farmakokinetikasi

Taqdim qilinmagan.

Qo‘llanilishi

Og‘iz halqumning yallig‘lanish kasalliklarini davolash uchun gomeopatik dori vositadir. Gomeopatik qo‘llash doirasi sohasi o‘z ichiga tomoq yoki bodomsimon bezlarining o‘tkir yallig‘lanishi (tonzilit) ni oladi.

Qo‘llash usuli va dozalari

Agar shifokor boshqacha buyurmagan bo‘lsa odatdagi dozalari quyidagicha:
Yoshi O‘tkir kasalliklar Surunkali kasalliklar
Kattalar va 12 yoshdan
oshgan bolalar 1 tabletkadan har 30 yoki 60 minutda, ammo kuniga 12 martadan ko‘p emas 1 tabletkadan kuniga
1–3 marta
6-11 yoshdagi bolalar 1 tabletkadan kuniga 8 martadan ko‘p emas 1 tabletkadan kuniga
2 martadan ko‘p emas
1-5 yoshdagi bolalar 1 tabletkadan kuniga 6 martadan ko‘p emas 1 tabletkadan kuniga
1–2 martadan ko‘p emas
Tabletkani og‘izda to‘liq erigunicha asta-sekin shiming. Qo‘llash davomiyligi kasallikning kechishiga bog‘liq. Agar shikoyatlar preparatni 1-2 hafta qabul qilgandan keyin yo‘qolmasa, iltimos, shifokor bilan maslahatlashing.
Nojo‘ya ta'sirlari
Barcha dori vositalari kabi Tonzipret® tabletkalari ham nojo‘ya samaralarga ega bo‘lishi mumkin, ular har doim ham paydo bo‘lmaydi.
Nojo‘ya samaralarni baholashda asos sifatida ularni paydo bo‘lish tez–tezligi bo‘yicha quyidagi ma'lumotlar olinadi:
Juda tez–tez: Davolangan 10 patsiyentdan 1 nafaridan ko‘pida.
Tez–tez: Davolangan 100 patsiyentdan 1 nafaridan 10 nafarigachasida.
Ba'zida: Davolangan 1000 patsiyentdan 1 nafaridan 10 nafarigachasida.
Kam hollarda: Davolangan 10000 patsiyentdan 1 nafaridan 10 nafarigachasida.
Juda kam hollarda: Davolangan 10000 patsiyentdan 1 nafaridan kamida.
Noma'lum: Mavjud ma'lumotlardan tez–tezligini aniqlash mumkin emas.
Izoh: quyida sanab o‘tilgan nojo‘ya samaralar paydo bo‘lganida preparatni qabul qilishni to‘xtatish va shifokorga murojaat qilish lozim.
Ko‘ngil aynishi, me'da-ichak yo‘llari tomonidan buzilishlar va allergik reaktsiyalar paydo bo‘lishi mumkin.
Tez-tezligi noma'lum.
Gomeopatik preparat qabul qilish mumkin bo‘lgan xolatlardagi shikoyatlarni (dastlabki yomonlashish) yomonlashishini chaqirishi mumkin. Bunday hollarda preparatni qabul qilishni to‘xtatish va shifokorga murojaat qilish lozim.

Qo‘llash mumkin bo‘lmagan holatlar

- Preparatning ta'sir etuvchi yoki yordamchi komponentlariga o‘ta yuqori sezuvchanlik.
- Homiladorlik va laktatsiya davrida qo‘llash mumkin emas.
Dorilarning o‘zaro ta'siri
Hozirgi vaqtgacha boshqa dori vositalari bilan o‘zaro ta'sir hollari noma'lum.
Umumiy izoh:
Nosog‘lom turmush tarzi, shuningdek ta'sirlovchi moddalar va stimulyatorlarni iste'mol qilish gomeopatik medikamentlarning samarasiga salbiy ta'sir ko‘rsatishi mumkin.
Qo‘shimcha preparatlarni qabul qilganda shifokor bilan maslahatlashish kerak.

Maxsus ko‘rsatmalar

Doimiy, noaniq simptomlar mavjud bo‘lganda yoki yangi simptomlar paydo bo‘lganda, shuningdek tana xaroratining ko‘tarilishi uch kundan ortiq saqlansa yoki 39°S dan yuqori bo‘lsa, shifokorga murojaat etish kerak.
Ushbu dori vositasi laktoza saqlaydi va shuning uchun ayrim qandlarni o‘zlashtiraolmasligi bo‘lgan patsiyentlar, preparatni faqat shifokor bilan maslahatlashgandan keyin qabul qilishlari lozim.
Qandli diabeti bo‘lgan bemorlar Tonzipret® tabletkalari o‘rtacha 0,3 g o‘zlashtiriladigan uglevodlarni saqlashini hisobga olishlari lozim.
Homiladorlik va laktatsiya davrida qo‘llanishi
“Qo‘llash mumkin bo‘lmagan holatlar” ga qarang.
Bolalar
Tonzipret® tabletkalarini 1 yoshdan kichik bolalar qabul qilishi mumkin emas, chunki bu yosh guruhida qabul qilinishi to‘g‘risida muvofiq tadqiqotlar yo‘q.
Avtomobilni va murakkab mexanizmlarni boshqarish qobiliyatiga ta'siri
Preparat avtomobilni boshqarish va mexanizmlar bilan ishlash qobiliyatiga ta'sir qilmaydi.
Preparatni bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Agar dori vositasi ko‘p miqdorda qabul qilingan bo‘lsa, laktozani o‘zlashtiraolmasligi bo‘lgan patsiyentlarda me'da-ichak yo‘llari tomonidan buzilishlar yoki diareya paydo bo‘lishi mumkin. Davolash simptomatik.

Chiqarilish shakli

25 tabletkadan blisterda. 2 blister qo‘llash bo‘yicha yo‘riqnomasi bilan birga karton qutida.

Saqlash sharoiti

Original o‘ramida, 25°S yuqori bo‘lmagan haroratda saqlansin.

Yaroqlilik muddati

4 yil.

Dorixonalardan berish tartibi

Retseptciz.

Ishlab chiqaruvchi

BIONORIKA SE
Kershenshtaynershtrasse ko‘ch. 11-15
92318 Noymarkt Germaniya
Telefon: 09181 231–90
Telefaks: 09181 231–265
Internet: www.bionorica.de
E-pochta: info@bionorica.de
O‘zbekiston Respublikasi xududida mahsulot (tovar) ning sifati bo‘yicha iste'molchilardan e'tirozlarni qabul qiluvchi korxona manzili
«Bionorica SE /Bionorika SE/» vakolatxonasi
Toshkent sh., Bosh Pochtamt, a/q 95