Aerolet sirop 100ml flakon №1

Tavsif

Preparatning savdo nomi

Aerolet

Dori shakli

Sirop

Tarkibi

100 ml sirop quyidagilarni saqlaydi:
faol modda: pechak barglari ekstrakti (5:1) – 0,7 g;
yordamchi moddalar: kaliy sorbati, suvsiz limon kislotasi, sorbitol, ksantan mumi, «Gilos» aromatizatori, sariq sanset, tozalangan suv.

Ta'rifi

och-jigarrang rangli gilos hidli sirop.

Farmakoterapevtik guruhi

Balg‘am ko‘chiruvchi preparatlar.
ATX kodi: R05CA
Farmakologik hususiyatlari

Farmakodinamika

Aerolet – o‘simliklardan olinadigan balg‘am ko‘chiruvchi preparat bo‘lib, tarkibidagi saponinlar hisobiga balg‘am ko‘chiruvchi, mukolitik va spazmolitik ta'sirga ega. Balg‘amning qovushqoqligini pasaytiradi va uni ajralib chiqishiga yordam beradi.

Farmakokinetikasi

Farmakokinetik ma'lumotlarni taqdim etish imkoni yo‘q.

Qo‘llanilishi

Nafas yo‘llarining, yo‘tal va qovushqoq hamda qiyin ajraladigan balg‘amni hosil bo‘lishi bilan kechuvchi, ayniqsa bronxlarni obstruktsiya sindromi bilan kechuvchi o‘tkir va surunkali bronxit kabi o‘tkir va surunkali yallig‘lanish kasalliklarini simptomatik davolash uchun qo‘llanadi.

Qo‘llash usuli va dozalari

Aerolet siropi ovqatdan keyin ichga qabul qilinadi. Qabul qilishdan oldin siropni chayqatish kerak. Kattalar va o‘smirlarga preparatni suyultirmagan holda qabul qilish tavsiya etiladi, ko‘krak yoshidagi, kichik yoshdagi bolalarga siropni ko‘p bo‘lmagan suv bilan suyultirib berish tavsiya etiladi.
Agar shifokor preparatni boshqa dozada buyurgan bo‘lmasa, Aerolet preparatini quyidagi tarzda qabul qilish kerak:
1 yoshgacha bo‘lgan bolalarga – 2,5 ml sirop kuniga 1 marta buyuriladi.
1 yoshdan 4 yoshgacha bo‘lgan bolalarga – 2,5 ml dan kuniga 3 marta buyuriladi.
4 yoshdan 10 yoshgacha bo‘lgan bolalarga – 2,5 ml dan kuniga 4 marta buyuriladi.
Kattalar va 10 yoshdan oshgan bolalarga – 5 ml dan kuniga 3 marta buyuriladi.
Preparatni qo‘llash davomiyligi kasallikning og‘irligiga bog‘liq, ammo kamida 7 kunni tashkil etishi kerak. Kasallikning simptomlari yo‘qolganidan keyin preparat bilan davolashni 2-3 kun davomida davom ettirish kerak. Patsiyentning ahvolini yaxshilanishi kuzatilmasa va/yoki qabul qilish davomiyligi 2 haftadan ortiq bo‘lsa, shifokorga murojaat qilish kerak.
Siropni dozalash uchun o‘ramida mavjud bo‘lgan o‘lchov stakani ishlatiladi.
Nojo‘ya ta'sirlari
Juda kam hollarda allergik reaktsiyalar (toshma, eshakemi, Kvinke shishi); me'da-ichak funktsiyasini buzilishlari (ko‘ngil aynishi, qusish, diareya) kuzatilishi mumkin.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

Preparatning biror bir kamponentiga yuqori sezuvchanlikda qo‘llash mumkin emas.
Dorilarning o‘zaro ta'siri
Preparatni kodein va dekstrometorfan kabi yo‘tal markazi faoliyatini susaytiruvchi preparatlar bilan bir vaqtda qo‘llash mumkin emas, chunki bu balg‘amni ajralib chiqishini qiyinlashtiradi.

Maxsus ko‘rsatmalar

Siropni saqlash vaqtida u biroz xiralashishi va ta'mi biroz o‘zgarishi mumkin, bu preparatning terapevtik samarasiga ta'sir qilmaydi.
Fruktozani tug‘ma o‘zlashtirolmasligi bo‘lgan patsiyentlar uchun havf bor. Bunday holatda Aerolet preparatini faqat shifokorning nazorati ostida qo‘llash mumkin.
Homiladorlikda va laktatsiyada qo‘llanishi
Homiladorlikda va laktatsiya davrida preparatni qo‘llash tavsiya etilmaydi, chunki ushbu patsiyentlar toifasida preparatni qo‘llash havfsizligi yuzasidan ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Aerolet avtotransportni haydash va psixomotor reaktsiyalarning yuqori tezligini talab etuvchi ishlarni bajarish qobiliyatiga ta'sir qilmaydi.

Dozani oshirib yuborilishi

Tavsiya etilgan kunduzgi dozadan ancha yuqori dozalar (3 martadan ortiq doza) ni qabul qilish ko‘ngil aynishi, qusish va diareyani chaqirishi mumkin. Bunday holatda patsiyent shifokorga murojaat qilishi kerak.

Chiqarilish shakli

Ichga qabul qilish uchun sirop 100 ml dan buraladigan himoya qopqoqli sariq rangli flakonda.
1 flakon tibbiyotda qo‘llanilishiga dori yo‘riqnomasi va o‘lchov stakani bilan birga karton qutiga joylangan.

Saqlash sharoiti

25 °C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan sanadan boshlab 3 yil.
Yaroqlilik muddati tugaganidan so‘ng qo‘llanilmasin.

Dorixonalardan berish tartibi

Retseptsiz.