Bronxolitin sirop 125 ml

Tavsif

Preparatning savdo nomi

Bronxolitin®
Ta'sir etuvchi moddalar (XPN): glautsin, efedrin

Dori shakli

sirop.

Tarkibi

5 ml sirop quyidagilarni saqlaydi:
faol moddalar: 5,75 mg glautsin gidrobromidi (glaucine hydrobromide) va 4,6 mg efedrin gidroxloridi (ephedrine hydrochloride);
yordamchi moddalar: bazilik moyi, limon kislotasi monogidrati, metil paragidroksibenzoati (E218), propil paragidroksibenzoati (E 216), polisorbat 80, saxaroza, etanol (96%), tozalangan suv.

Ta'rifi

sariq jigarrang shirin ta'mli va o‘ziga xos rayxon moyi hidli suyuqlik.

Farmakoterapevtik guruhi

yo‘talga qarshi vosita.
ATX kodi: R05DB20

Farmakologik xususiyatlari

Farmakodinamikasi

Bronxolitin majmuaviy preparat bo‘lib, yaqqol yo‘talga qarshi, bronxlarni kengaytiruvchi va bronxoantiseptik ta'siriga ega. Alkoloid glautsin nafasga ta'sir qilmagan holda, yo‘tal markazini susaytiradi. Kuchsiz bronxospazmolitik va adrenolitik ta'siriga ega va o‘rganib qolishni va qaramlikni chaqirmaydi.
Efedrin bevosita (alfa- va beta- retseptorlarni rag‘batlantiradi) va bilvosita (aminooksidazaning faolligini pasaytiradi) adrenomimetik ta'siriga ega. Noradrenalinni va adrenalinni depodan ajralib chiqishini chaqiradi. Efedrin bronxlarning silliq mushaklariga spazmolitik samara ko‘rsatadi. Beta2-adrenoretseptorlarga yaqqol qo‘zg‘atuvchi ta'siriga egaligi sababli, u bronxial mushaklarni uzoq vaqt bo‘shashtiradi. Efedrinni ta'sirida bronxlarning shilliq qavatining shishini kamaytiradi va bronxlarni kengaytiradi. Bronxolitin siropini farmakologik tadqiqotlari, uni bronxlarga gistaminning spastik ta'sirini pasaytirishini namoyish etgan.

Farmakokinetikasi

So‘rilishi: ichga qabul qilinganida glautsin va efedrin me'da-ichak yo‘llarida tez va to‘liq so‘riladi.
Taqsimlanishi: glautsin ichga qabul qilinganida plazmadagi maksimal kontsentratsiyaga erishish vaqti 1,5 soat.
Efedrin asosan jigarda, o‘pkalarda, buyraklarda, qora taloqda va bosh miyada to‘planishi bilan organizmda taqsimlanadi.
Metabolizmi: glautsin va efedrin (ozgina qismi) jigarda metabolizmga uchraydi.
Chiqarilishi: glautsin siydik bilan metabolitlari holida va o‘zgarmagan holda chiqariladi. Efedrinni yarim chiqarilish davri taxminan 3-6 soatni tashkil qiladi. Siydik orqali asosan o‘zgarmagan holda chiqariladi.

Qo‘llanilishi

Nafas yo‘llarining yallig‘lanish kasalliklarini majmuaviy davolashda qo‘llanadi.

Qo‘llash usuli va dozalari

Har doim Bronxolitinni ushbu ilova-varaqada ta'riflangandek qabul qiling. Agar Siz biron-bir narsada ishonch hosil qilmasangiz, shifokoringizdan yoki farmatsevtdan so‘rang.
Siropni ovqatdan so‘ng ichga qabul qiling. Odatdagi doza:
Kattalarga va 10 yoshdan oshgan bolalarga: 10 ml dan kuniga 3-4 marta.
3 yoshdan 10 yoshgacha bo‘lgan bolalarga: 5 ml dan kuniga 3 marta.
Davolash davomiyligi: 5-7 kun.
Agar simptomlar 5 kundan keyin ham davom etsa yoki Sizning holatingiz yomonlashsa, shifokoringizga murojaat qiling!
Nojo‘ya ta'sirlari
Barcha dori vositalari kabi Bronxolitin ham nojo‘ya ta'sirlar chaqirishi mumkin, ammo ular barcha bemorlarda kuzatilavermaydi.
Sirop bilan davolaganda ishtahani yo‘qolishi, ko‘ngil aynishi, qusish, obstipatsiya, allergik toshmalar, qichishish, terlashni kuchayishi, bosh aylanish, qaltirash, kuchlanish, uyqusizlik, yurak faoliyatini tezlashishi, qon bosimini oshishi, ko‘rishni buzilishi, siydik chiqarilishini qiyinlashishi yoki prostata bezi kattalashgan bemorlarda siydikni tutilishi, o‘rganib qolish kuzatilishi mumkin.
Ko‘rinishlarning aniq tez-tezligi ma'lum bo‘lmasligiga qaramasdan ayrim shaxslarda ko‘krakdagi og‘riqlar (stenokardiya kabi yurakni buzilishlari oqibatida) paydo bo‘lishi mumkin. Bunday hollarda shifokor bilan maslahatlashing.
Agar Bronxolitin bilan davolash vaqtida shu simptomlardan ayrimlari paydo bo‘lsa, shifokoringizga xabar bering, lekin uning tavsiyasisiz va maslahatisiz dori preparatini qo‘llashni to‘xtatmang.
Agar nojo‘ya ta'sirlaridan birontasi jiddiylashsa yoki Siz ushbu ilova-varaqada ta'riflanmagan boshqa nojo‘ya ta'sirlarini sezsangiz, bu haqida shifokoringizga yoki farmatsevtga xabar qilishingizni so‘raymiz.

Qo‘llash mumkin bo‘lmagan holatlar

Bronxolitinni quyidagilarda ishlatmang
- agar Sizda faol moddalarga yoki Bronxolitinning qolgan komponentlaridan birontasiga allergiya (yuqori sezuvchanlik) bo‘lsa.
- agar Sizda yurak ishemik kasalligi; qon bosimi yuqori; dekompensatsiyasi ko‘rinishlari bilan kechuvchi yurakning og‘ir organik kasalliklari; qalqonsimon bezining funktsiyasini oshishi (tireotoksikoz); feoxromotsitoma; ko‘z ichki bosimini oshishi (glaukoma); siydikni tutilishi bilan kechuvchi prostata bezining kattalashishi; uyqusizlik bo‘lsa.
- 3 yoshdan kichik bo‘lgan bolalar.
- agar Siz homilador (birinchi 3 oyligi) bo‘lsangiz yoki emizsangiz.
Dorilarning o‘zaro ta'siri
Agar Siz boshqa dori preparatlarini, shu jumladan retseptsiz beriladigan dori preparatlarini qabul qilayotgan yoki yaqinda qabul qilgan bo‘lsangiz, shifokoringizga yoki farmatsevtga xabar berishingizni so‘raymiz.
Bir vaqtda yurak ishini kuchaytiradigan (yurak glikozidlari), xinidin, umumiy anestetiklar (galotan), depressiyaga qarshi dori preparatlari (tritsiklik antidepressantlar, MAO ingibitorlar), nerv tizimining stimulyatorlari, shu jumladan tetiklantiruvchi ichimliklar (qaxva, choy, koka-kola) bilan bir vaqtda qo‘llash, yurak ritmini buzilishlarini yoki qon bosimini oshish xavfini oshiradi. Agar Siz depressiyani davolash uchun dori preparatlari (MAO ingibitorlarini) qabul qilgan bo‘lsangiz, Bronxolitin siropini ular tugaganiga 2 hafta o‘tganidan so‘ng davolashni boshlash mumkin. Bir vaqtda ergoalkaloidlarni saqlovchi migrenga qarshi dori preparatlari bilan yoki oksitotsin bilan davolashda o‘xshash samaralarini kuzatish mumkin.
Bir vaqtda beta-blokatorlar (propanolol, atenolol, metoprolol) bilan qo‘llash siropning bronxolitik ta'sirini pasaytiradi.
Bronxolitin va peroral diabetga qarshi dori preparatlarini birga davolanishda ularning gipoglikemik ta'sirini (qonda qand miqdorini pasayishiga) kamayishi mumkin.

Maxsus ko‘rsatmalar

- Agar Sizda yurak kasalliklari, yurak ritmini buzilishi yoki stenokardiya bo‘lsa, Bronxolitinni qo‘llashdan oldin shifokor bilan maslahatlashing.
- Preparatning tarkibida efedrin mavjudligi sababli doping-sinama ijobiy bo‘lishi mumkinligini sportchilar bilishlari kerak.
- Markaziy nerv tizimiga kuchsiz rag‘batlantiruvchi ta'siri va uyquni buzilishi mumkinligi tufayli, Bronxolitin siropini soat 16.00 dan keyin qo‘llash mumkin emas.
- Dorilarga qaramlik rivojlanishiga moyilligi bo‘lgan patsiyentlarda ehtiyotkorlik bilan qo‘llash kerak.
Homiladorlik va emizish davri
Har qanday dori preparatini qo‘llashdan oldin shifokoringizdan yoki farmatsevtdan maslahat so‘rang.
Bronxolitin siropini homiladorlikning birinchi 3 oyligida va emizish davrida qo‘llash mumkin emas.
Transport vositasini yoki potentsial xavfli mexanizmlarni boshqarishda dori vositasini o‘ziga xos ta'siri.
Bronxolitin siropini tarkibiga efedrin kiradi, u ko‘z qorachig‘ini kengaytirishi va transport vositasini boshqarishiga ta'sir qilishi mumkin.
Preparatning ayrim yordamchi moddalari to‘g‘risida muhim ma'lumotlar.
Bronxolitin 1,7 hajm % gacha etanol (alkogol) saqlaydi. Siropni 5 ml dozasi, 69 mg gacha alkogol saqlaydi. Alkogolizmi bo‘lganlar uchun zararli. Alkogol borligi sababli, homilador va emizikli ayollar, bolalar va tutqanoq va jigar kasalliklari bo‘lgan patsiyentlar kabi yuqori xavf guruhlarda qo‘llashda alkogol saqlanishini hisobga olish kerak.
Dori preparati 43,75 g saxaroza saqlaydi. Dozalashga tavsiyalar bo‘yicha qo‘llanganida har 5 ml dozada organizmga 2 g gacha saxaroza kiradi. Agar shifokor Sizda saxarozani o‘zlashtiraolmaslik borligini aytgan bo‘lsa, Bronxolitin siropini qo‘llashdan oldin u bilan maslahatlashing.
Metil- va propil paragidroksibenzoati allergik reaktsiyalar (ehtimol sekinlashgan tipdagi) chaqirishi mumkin.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Agar Siz qo‘llash bo‘yicha yo‘riqnomada ko‘rsatilgan dozadan yuqori dozani qabul qilgan bo‘lsangiz, Sizda nerv qo‘zg‘alishi, qo‘l-oyoqlarni qaltirashi, terlashni kuchayishi, siyishni qiyinlashishi, ko‘ngil aynishi, uyqusizlik, ba'zi hollarda lohaslik va uyquchanlik kuzatilishi mumkin.
Darhol davolovchi shifokoringiz bilan maslahatlashing.

Chiqarilish shakli

125 g sirop polietilen qopqoqchali to‘q shisha butilkada yoki polietilen qopqoqchali to‘q polietilentereftalat butilkada o‘lchov stakanchasi va qo‘llash bo‘yicha qo‘riqnomasi bilan birga karton qutiga joylangan.

Saqlash sharoiti

Original o‘ramida, 25°S dan yuqori bo‘lmagan haroratda saqlansin.
Dori preparatini kanalizatsiyaga yoki maishiy chiqindilar uchun konteynerga tashlash mumkin emas. Farmatsevtdan dori preparatini qanday yo‘q qilish kerakligini so‘rang. Bu choralar atrof muhitni himoya qilishga yordam beradi.

Yaroqlilik muddati

4 yil.
Flakon birinchi ochilganidan keyin yaroqlilik muddati – 1 (bir) oygacha.

Dorixonalardan berish tartibi

Retseptsiz.

Ishlab chiqaruvchi

SOFARMA AJ - Bolgariya
1220 Sofiya, Iliyenskoye shosse ko‘ch., 16