Linkas Plyush past. №16

Tavsif

Preparatning savdo nomi

Linkas Plyush

Dori shakli

Qandsiz pastilkalar

Tarkibi

Har bir pastilka quyidagilarni saqlaydi:
faol modda: pechak barglari ekstrakti kukuni - 5 mg;
yordamchi moddalar: izomalt, limon kislotasi, askorbin kislotasi, mentol, manoammoniy gliyirrizinati, yalpiz xushbo‘yi, qizil bo‘yovchi, asal aromatizatori, evkalipt moyi.

Ta'rifi

och-qizildan to pushti ranggacha bo‘lgan, dumaloq, o‘ziga xos asal ta'mli pastilkalar.

Farmakoterapevtik guruhi

yo‘talga qarshi vosita
ATX kodi: R05CA.

Farmakologik xususiyatlari

Yo‘talga qarshi Linkas Plyu pastilkalari – o‘simliklardan olingan preparat, pechak barglarining quruq ekstrakti kukunini saqlaydi, nafas yo‘llari katarini va bronxit, astma, bronxoektazlar va pnevmoniya kabi bronxial surunkali yallig‘lanish kasalliklarni simptomlarini davolashda isbotlangan samaraga ega. Pechak barglari mukolitik va spazmolitik ta'sir ko‘rsatuvchi ingrediyentlarni saqlaydi.

Qo‘llanilishi

• tomoq og‘rig‘i;
• bronxlarning surunkali yallig‘lanish kasalliklarini simptomatik davolash uchun;
• maxsulotli (balg‘amli) yo‘tal bilan birga kechuvchi nafas yo‘llarining o‘tkir kataral kasalliklarida qo‘llanadi.

Qo‘llash usuli va dozalari

Kattalar va bolalarga (12 yoshli va undan katta): bir yoki ikki pastilkadan kuniga 3-4 marta;
bolalarga (6 yoshdan 12 yoshgacha): bir pastilkadan kuniga 4 marta;
bolalarga (3 yoshdan 6 yoshgacha): bir pastilkadan kuniga 3 marta; yoki shifokor ko‘rsatmasi bo‘yicha.
Davolashning davomiyligi: davolash kursining davomiyligi bir haftani tashkil qiladi va yallig‘lanish kasalliklarini simptomlari yengillashganidan keyin shu dozada davolashni yana 2-3 kun davom ettirish mumkin.
Nojo‘ya ta'sirlari
Preparat xavfsiz deb tan olingan va yaxshi o‘zlashtiriladi.

Qo‘llash mumkin bo‘lmagan holatlar

- Tarkibidagi xar qanday ingrediyentlariga yuqori sezuvchanlik
-3 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Aniqlanmagan.

Maxsus ko‘rsatmalar

• homilador va emizikli ayollar preparatni qo‘llashdan oldin shifokor bilan maslaxatlashishlari kerak.
• xansirash, isitma yoki yiringli balg‘am paydo bo‘lganda, darxol shifokor yoki farmatsevtga murojaat qilish kerak.
• qabul qilayotgan doza o‘tkazib yuborilgan hollarda, dozani ikki barobar oshirib qabul qilmang.
Pechak barglaridan tayyorlangan yo‘talga qarshi pastilkalarni davolash sxemasi bo‘yicha qabul qilishni davom ettiring.
Transport vositalari yoki potentsial xavfli mexanizmlarni boshqarish qobiliyatiga ta'sir qilmaydi.

Dozani oshirib yuborilishi

Tavsiya etilgan sutkalik dozani oshirish, ko‘ngil aynishi, qusish va diareya chaqirishi mumkin. Bunday hollarda darxol shifokorga murojaat qiling.

Chiqarilish shakli

8 pastilkalar alyumin/PVX blisterda tibbiyotda qo‘llanilishiga doir yo‘riqnomasi bilan yopiladigan konvertda.
8 pastilkalar alyumin/PVX blisterda, 2 blister tibbiyotda qo‘llanilishiga doir yo‘riqnomasi bilan karton o‘ramda.
9 pastilkalar alyumin/PVX blisterda, 2 blister tibbiyotda qo‘llanilishiga doir yo‘riqnomasi bilan karton o‘ramda.

Saqlash sharoiti

Quruq, salqin joyda, 30ºC dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

3 yil.
O‘ramida ko‘rsatilgan yaroqlilik muddati o‘tgach qo‘llanmasin.

Dorixonalardan berish tartibi

Retseptsiz.