Pulmoksol sirop 30mg/5ml 150ml

Tavsif

Preparatning savdo nomi

Pulmoksol
Ta'sir etuvchi modda (XPN): ambroksol (ambroxol)

Dori shakli

sirop

Tarkibi

Har 5 ml sirop quyidagilarni saqlaydi:
faol modda: 30 mg ambroksol gidroxloridi;
yordamchi moddalar: benzoy kislotasi, sorbit (70%), qulupnay ekstrakti, ionsizlangan suv.

Ta'rifi

rangsiz, tiniq eritma.

Farmakoterapevtik guruhi

mukolitik vosita.
ATX kodi: R05CB06

Farmakologik xususiyatlari

Farmakodinamikasi

Ambroksol gidroxloridi mukolitik va balg‘am ko‘chiruvchi ta'sir ko‘rsatadi. Ambroksol bromgeksinning metaboliti bo‘lib, kuchli balg‘am ko‘chiruvchi ta'sirga ega. Ambroksol gidroxloridi surfaktant hosil bo‘lishini rag‘batlantiradi, kipriksimon epiteliyning faolligini oshiradi. Ambroksol gidroxloridi balg‘am ko‘chiruvchi ta'sir ko‘rsatib, nafas yo‘llarida to‘planib qolgan balg‘amni uni suyulishi va yopishqoqligini kamayishi hisobiga, yo‘tal vaqtida chiqarilishini yengillashtiradi. Bronxial sekretsiyani oshiradi va uning yopishqoqligini kamaytiradi. Mukolitik ta'siri natijasida shilimshiqni yopishqoqligini buzadi, balg‘amni sezilarli darajada yumshatadi, shu bilan birgi uning chiqarilishini yengillashtiradi.

Farmakokinetikasi

Ambroksol gidroxloridi peroral qo‘llanganida tez va to‘liq so‘riladi. Jigarda metabolizmga uchraydi. Yarim chiqarilish davri 7-12 soatni tashkil qiladi. Metabolitlari siydik bilan chiqariladi. Biotransformatsiyaning yakuniy mahsuloti – dibromoantranil kislotasi.

Qo‘llanilishi

Preparat respirator yo‘lning shillig‘ini patologik quyuqlashishi, uni chiqarilishini kamayishi va mukolitsiliar klirensni buzilishi bilan kechuvchi o‘tkir va surunkali kasalliklarni davolash uchun ishlatiladi.

Qo‘llash usuli va dozalari

Agar shifokorning boshqa tavsiyalari bo‘lmasa, Pulmoksol quyidagi usul bilan buyuriladi: davolashning birinchi 2-3 kunida 5 ml dan sutkada 3 marta, so‘ngra 5 ml dan sutkada 2 marta.
Nojo‘ya ta'sirlari
Juda kam hollarda ko‘ngil aynashi, qusish, diareya, holsizlik, bosh og‘rig‘i, teri toshmalari kuzatilishi mumkin.
Noxush samaralar paydo bo‘lganida shifokorga murojaat qiling.

Qo‘llash mumkin bo‘lmagan holatlar

Pulmoksolni bromgeksin, ambroksolga yoki preparatning biron bir komponentiga yuqori sezuvchanlikda qo‘llash mumkin emas.
Dorilarning o‘zaro ta'siri
Kodein va atropinsimon komponentlarni saqlovchi sekretsiyani kamaytiruvchi yo‘talga qarshi vositalar bilan birga ishlatilmasin.

Maxsus ko‘rsatmalar

Kodein va yo‘talga qarshi boshqa vositalar bilan majmuada qo‘llash tavsiya qilinmaydi, chunki bunda balg‘am va shilimshiqni ajralishi qiyinlashadi. Jigar, buyrak funktsiyasini buzilishlarida, shuningdek peptik yaralarda ehtiyotkorlik bilan qo‘llash kerak.
Homiladorlik vaqtida va laktatsiya davrida qo‘llanishi
Homiladorlikni V toifasi
Klinik tadqiqotlarni yetarli emasligi sababli, preparatni homiladorlikning I uch oyligida faqat juda muhim foyda/xavf nisbati baholanganidan keyin buyurish mumkin. Preparat ko‘krak sutiga ajralib chiqadi, biroq terapevtik dozalarda qabul qilingan preparat bolaga salbiy ta'sir ko‘rsatmaydi.
Transport vositalari va boshqa potentsial xavfli mexanizmlarni boshqarish qobiliyatiga ta'siri
Transport vositalari va potentsial xavfli mexanizmlarni boshqarish qobiliyatiga ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Dozani oshirib yuborilishi hollari kuzatilmagan. Maxsus antidoti yo‘q. Dozani oshirib yuborilish siptomlari paydo bo‘lganida bemorlarda sun'iy qusishni chaqirish, me'dani yuvish, simptomatik va samarani bir maromda ushlab turuvchi davolashni buyurish kerak.

Chiqarilish shakli

150 ml sirop to‘q shisha flakonda. 1 flakon (150 ml) va o‘lchoq qopqoqchasi (15 ml 2,5 ml va 5 ml o‘lchov belgisi bilan) qo‘llash bo‘yicha yo‘riqnomasi bilan birga karton qutiga o‘ramlangan.

Saqlash sharoiti

250S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

Drogsan Ilachlari San. ve Tidj. A.Sh.
06760, Chubuk, Anqara, Turkiya
O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«ASFARMA SAVDO» MChJ
O‘zbekiston, 100097, Toshkent sh., Chilonzor tumani, S Mavze, 4 A uy.
Tel.: (+998 71) 273 70 95;