Qizilmiya ildizining siropi 90ml LIK

Tavsif

Preparatning savdo nomi

Qizilmiya ildizining siropi-LIK
Ta'sir etuvchi modda (XPN): qizilmiya ildizi quyuq ekstrakti

Dori shakli

sirop

Tarkibi

100 g sirop quyidagilarni saqlaydi:
faol modda: qizilmiya ildizi quyuq ekstrakti – 4 g;
yordamchi moddalar: qandli sirop - 86 g, 90% li etil spirti – 10 g.

Ta'rifi

qo‘ng‘ir rangli, o‘ziga xos hidga va ta'mga ega quyuqroq suyuqlik.
Farmakoterapevtik guruxi: Balg‘am ko‘chiruvchi vosita.
ATX kodi: R05CA

Farmakologik xususiyatlari

Farmakodinamikasi

Biologik faol moddalar majmuasini: glitsirrizin kislotasi, triterpen kislotasi, glikozidlari, flavonoidlar, likvirotozid, trioksixalkonlar, pentatsiklik triterpen, karbenoksalen va boshqalarni saqlaydi.
Balg‘am ko‘chiruvchi, yallig‘lanishga qarshi va allergiyaga qarshi ta'sir ko‘rsatadi, me'da-ichak yo‘llarining surunkali yallig‘lanish kasalliklarida ayniqsa, me'da shirasi kislotasi oshib ketgan hollarda, me'da va o‘n ikki barmoq ichak yarasi bitishini tezlashtiradi. Glitsirrizin kislotasi, organizmda metabolik o‘zgarishlarga uchrab, kortikosteroidga o‘xshash ta'sir ko‘rsatadi. Shuningdek organizmning nospetsifik rezistentligini oshiradi, stafilokokk, tuberkulyoz mikobakteriyasi, ichak tayoqchasi mikroblariga qarshi faollikka ega.

Farmakokinetikasi

Preparatning farmakokinetik tekshirishlari o‘tkazilmagan, chunki preparat turli biologik faol moddalarni saqlaydi.

Qo‘llanilishi

Nafas yo‘llarining balg‘am ajralishi qiyin bo‘lgan, yo‘tal bilan kechuvchi o‘tkir va surunkali infektsion-yallig‘lanish kasalliklarini (bronxitlar, traxeobronxitlar, bronxopnevmoniya, bronxoektatik kasallik va boshqalar) davolashda qo‘llanadi. Me'da va o‘n ikki barmoq ichak asoratlanmagan yara kasalligida, yuqori sekretor faoliyatli surunkali gastritni majmuaviy davolash tarkibida qo‘llanadi. Organizmining nospetsifik rezistentligini oshiruvchi vosita sifatida holsizlangan patsiyentlarda qo‘llanadi. Bolalarda kuzatiladigan allergik dermatit va dermatozlarni davolashda qo‘llanadi.

Qo‘llash usuli va dozalari

Qizilmiya ildizi siropi kuniga 3 marta ichga qabul qilinadi:
- kattalarga – 1 qabul qilishda bir desert qoshiq ½ stakan suvda buyuriladi;
- 12 yoshdan kattalarga – 1 qabul qilishda 1 choy qoshiq ¼ stakan suvda buyuriladi;
- 2 yoshdan 12 yoshgacha bo‘lgan bolalarga bir qabul qilishda ½ choy qoshiq ¼ stakan suvda buyuriladi;
- 2 yoshgacha bo‘lgan bolalarga - 1-2 tomchidan 1 desert qoshiq suvda qabul qilinadi.
Davolash kursi 7-10 kunni tashkil etadi.
Preparatni bundan uzoqroq vaqt davomida qo‘llash tavsiya qilinmaydi.
Nojo‘ya ta'sirlari
Allergik reaktsiyalar. Uzoq vaqt qo‘llanilganda arterial qon bosimini oshishi, suyuqlikni tutilishi, xatto shish paydo bo‘lishi mumkin.
Qo‘llash mumkin bo‘lmagan xolatlar
Preparatga yuqori sezuvchanlik, homiladorlik va laktatsiya davrida qo‘llash mumkin emas.
Dorilarning o‘zaro ta'siri
Gipokaliyemiyaning rivojlanishi ehtimoli tufayli, qizilmiya preparatlarini tiazid diuretiklar bilan bir vaqtda qo‘llash tavsiya etilmaydi. Qizilmiyani uzoq vaqt qo‘llash bilan bog‘liq gipokaliyemiya yurak glikozidlarining toksik ta'sirini kuchaytirishi mumkin. Qizilmiya va kortikosteroidlarni bir vaqtda qo‘llanilganda kortizolning yarim chiqarilish davri uzayishi mumkin.

Maxsus ko‘rsatmalar

Avtomobil va harakatlanuvchi mexanizmlarni boshqarishda ehtiyotkorlikka rioya qilish kerak, chunki preparat etil spirti saqlaydi.
Homiladorlik va laktatsiya.
Homiladorlik va laktatsiya davrida preparatni ehtiyotkorlik bilan qo‘llash lozim.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: ko‘rsatilgan dozalarda yuqori dozalarda uzoq vaqt qo‘llanilganda gipokaliyemiya, arterial bosimni oshishi, suv-tuz almashinuvini buzilishi oqibatida periferik shishlar paydo bo‘lishi mumkin.
Simptomatik davolash o‘tkaziladi.

Chiqarilish shakli

50, 90 yoki 100 ml dan buraladigan qopqoqli shisha flakonlarda. Har bir flakon qo‘llash bo‘yicha yo‘riqnomasi bilan birga kartonli penalda.
Saqlash sharoitlari
Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retseptsiz.

Ishlab chiqaruvchi

«LEKINTERKAPS» MChJ,
Toshkent vil., Zangiota tumani, Qizg‘aldoq QFY, Beruniy ko‘chasi 1 uy. tel.: (99895) 170 99 48.