Metromikon Forte vag. supp. №7

Tavsif

Preparatning savdo nomi

Metromikon forte
Ta'sir etuvchi moddalar (XPN): metronidazol, mikonazol

Dori shakli

vaginal suppozitoriylar

Tarkibi

1 suppozitoriy quyidagilarni saqlaydi:
faol moddalar: 750 mg metronidazol, 200 mg mikonazol nitrati;
yordamchi moddalar: qattiq yog‘lar.

Ta'rifi

Oq yoki oq sarg‘ish tusli, silindrik shaklli suppozitoriylar. Kesilganda havoli g‘ovaksimon o‘zagi va voronkasimon chuqurlik bo‘lishiga yo‘l qo‘yiladi.

Farmakoterapevtik guruhi

Ginekologik kasalliklarni davolash uchun antiseptiklar va mikroblarga qarshi preparatlar (kortikosteroidlar bilan majmuasi bundan tashqari). Imidazol hosilalarining majmuasi.
ATX kodi: G01AF20.

Farmakologik xususiyatlari

Metromikon forte – protozoylarga qarshi, zamburug‘larga qarshi va antibakterial ta'sirga ega majmuaviy preparatdir. Tarkibida metronidazol va mikonazol nitrati saqlaydi.

Farmakodinamikasi

Metronidazol Gardnerella vaginalis; sodda hayvonlar: Trichomonas vaginalis, Giardia intestinalis, Entamoeba histolytica; anaerob grammanfiy bakteriyalar: Bacteroides spp. (B. fragilis, B. distasonis, B. ovatus, B. thetaiotaomicron, B.vulgatus), Fusobacterium spp., Prevotella spp. (P. bivia, P. buccae, P.disiens); anaerob grammusbat bakteriyalar: Clostridium spp., Eubacterium spp.; anaerob grammusbat kokklar: Peptococcus spp., Peptostreptococcus spp. ga nisbatan faol. Metronidazolga aerob mikroorganizmlar va fakultativ anaeroblar chidamli. Ta'sir mexanizmi anaerob mikroorganizmlar va sodda hayvonlarning hujayra ichidagi transport proteinlari tomonidan metronidazolning 5-nitroguruhini biokimyoviy qaytarilishi bilan bog‘liq. Metronidazolning qaytarilgan 5-nitroguruhi mikroorganizmlarning hujayra DNK bilan o‘zaro ta'sir qilib, ularning nuklein kislotalarini sintezini ingibitsiya qiladi, bu bakteriyalarning o‘limiga olib keladi.
Mikonazolga eng sezgirlar dermatomitsetlar va achitqilardir. Rang-barang temiratkining qo‘zg‘atuvchisi (Malassezia furfur), ayrim dermatomikozlarning qo‘zg‘atuvchilariga (Candida albicans, Trichophyton, Epidermophyton floccosum, Microsporum) nisbatan faoldir. Dimorphons fungi, Cryptococcus neoformans, Aspergillus spp., Pityrosporum, Torulopsis glabrata, Pseudallescheria boydii ga; ayrim grammusbat mikroorganizmlarga, shu jumladan stafilokokklar va streptokokklarga nisbatan faollik namoyon qiladi. Mikonazol nitratining fungitsid va fungistatik samarasi zamburug‘larning qobig‘i va plazmatik membranalarining ergosterolining biosintezini ingibitsiya qiladi, lipidli tarkibini va hujayra devorini o‘tkazuvchanligini o‘zgartirishi bilan bog‘liq bo‘lib, zamburug‘ hujayrasini nobud bo‘lishini chaqiradi.

Farmakokinetikasi

Metronidazol suppozitoriylar shaklida intravaginal qo‘llanganida biokiraolishligi 20% ni tashkil qiladi. Gematoentsefalik va yo‘ldosh to‘siq orqali o‘tadi, ko‘krak sutiga kiradi. Jigarda metabolizmga uchraydi. Gidroksil metabolitlari faol. Metronidazolning yarim chiqarilish davri 6-11 soatni tashkil qiladi. Buyrak orqali (taxminan 20% o‘zgarmagan holda) va ichak orqali chiqariladi.
Qin ichiga qo‘llangandan keyin mikonazolning tizimli so‘rilishi past (taxminan dozaning 1,4%). Preparat qo‘llangandan keyin 8 soat o‘tgach 90% mikonazol qinda mavjud bo‘ladi. O‘zgarmagan mikonazol plazmada ham siydikda ham aniqlanmaydi.

Qo‘llanilishi

Vaginal infektsiyalarni mahalliy davolash:
- vaginal kandidoz;
- trixomonadli vulvovaginit;
- bakterial vaginoz;
- aralash infektsiyalar chaqirgan vaginitlarda qo‘llanadi.

Qo‘llash usuli va dozalari

Intravaginal, bir suppozitoriydan sutkada 1 marta, bevosita uyqudan oldin, 7 kun davomida qo‘llanadi.
Qaytalanuvchi vaginitlarda yoki davolashni boshqa turlariga rezistent vaginitlarda bir suppozitoriydan sutkada 1 marta, uyqudan oldin, kechqurun 14 kun davomida buyuriladi.
Nojo‘ya ta'sirlari
Med DRA konventsiyasi buyicha tez-tezligi:
Juda tez-tez (>1/10), tez-tez (>1/100, <1/10) tez-tez emas (>1/1000, <1/100) , kam hollarda (>1/10000, <1/1000), juda kam hollarda (<1/10000), tez-tezligi noma'lum (mavjud ma'lumotlar asosida baholanishi mumkin emas).
Qon plazmasida kontsentratsiyasi minimal bo‘lganligi tufayli preparatni vaginal qo‘llanganda nojo‘ya ta'sirlari kam hollarda (>1/10000 va > 1/1000) yoki juda kam hollarda (<1/1000) uchraydi.
Me'da-ichak yo‘llari tomonidan: qorin og‘rig‘i yoki spazmlari, og‘izda metall ta'mi, og‘izni qurishi, qabziyat, diareya, ishtahani yo‘qolishi, ko‘ngil aynishi, qusish.
Nerv tizimi tomonidan: bosh og‘rig‘i, harakat buzilishlari (ataksiya), bosh aylanishi, psixoemotsional buzilishlar, periferik neyropatiya (preparat uzoq vaqt qabul qilinganida), tirishishlar.
Qon yaratish tizimi tomonidan: leykopeniya.
Siydik-tanosil tizimi tomonidan: metronidazol metabolizmi tufayli xosil bo‘lgan, suvda eriydigan pigment mavjudligi natijasida siydikni qizil-jigarrang rangga bo‘yalishi.
Allergik reaktsiyalar: eshakemi, terini qichishishi, toshma.
Mahalliy reaktsiyalar: achishish, qichishish va qin shilliq qavatini ta'sirlanishi ayniqsa davolashning boshida, biroq ular davolashni to‘xtatishni talab qilmaydi va preparatni qinning yallig‘langan shilliq qavatiga ta'siri bilan belgilanadi. Kuchli ta'sirlanganda davolashni to‘xtatish kerak.

Qo‘llash mumkin bo‘lmagan holatlar

- Preparatning komponentlariga yoki nitroimidazolning boshqa hosilalariga o‘ta yuqori sezuvchanlik;
- tutqanoq;
- porfiriya;
- jigar faoliyatini og‘ir darajada buzilishi;
- homiladorlikning I uch oyligi, laktatsiya davri,
- 18 yoshgacha bo‘lgan bolalar;
- qiz bolalarda qo‘llash mumkin emas.
Dorilarning o‘zaro ta'siri
Bir vaqtda qo‘llanganida bilvosita antikoagulyantlarning ta'sirini kuchaytiradi. Protrombin vakti ko‘payishi kuzatilishi mumkin, shuning uchun bilvosita antikoagulyantlar dozasiga tuzatish kiritish kerak.
Metronidazol disulfiram bilan bir vaqtda qo‘llanganida turli nevrologik simptomlar rivojlanishi mumkin; fenitoin bilan bir vaqtda qo‘llanganida, qonda fenitoinning darajasi oshadi, metronidazolning qondagi darajasi esa pasayadi; litiy preparatlari bilan bir vaqtda qo‘llanganida, litiyning toksikligini oshishi kuzatilishi mumkin; fenobarbital bilan bir vaqtda qo‘llanganida, metronidazolning qondagi darajasi pasayadi; simetidin bilan bir vaqtda qo‘llanganda, qonda metronidazolning darajasi oshishi mumkin.
Metronidazol va mikonazol astemizol va terfenadinning metabolizmini ingibitsiya qiladi, buning natijasida qon plazmasida astemizol va terfenadinning kontsentratsiyasi oshadi.
Metromikon Forte bilan bir vaqtda qo‘llanganda qon plazmasida teofillin va prokainamidning kontsentratsiyasi o‘zgarishi mumkin.

Maxsus ko‘rsatmalar

Qon yaratilishini buzilishi, periferik va markaziy nerv tizimining kasalliklari, buyrak va jigar yetishmovchiligi bo‘lgan patsiyentlarga ehtiyotkorlik bilan buyuriladi.
Anamnezda perifirik qon tarkibida o‘zgarishlar bo‘lganida, shuningdek preparat yuqori dozalarda va/yoki uzoq muddat qo‘llanganda periferik qon taxlili manzarasini nazorat kilinishi kerak (leykopeniya xavfi tufayli)
Bemorning nevrologik statusi tomonidan har qanday yomonlashishi kuzatilganda davolashni to‘xtatishni talab qiladi.
Davolanish vaqtida qonda jigar fermentlari va glyukozaning darajasini natijalarini o‘zgarishi kuzatilishi mumkin.
Metronidazol treponemalarni immobilizatsiyasiga olib kelishi mumkin, shu sababli TPI (treponema aniqlovchi Nelson testi ) test natijalari soxtamusbat bo‘lishi mumkin
Preparat qo‘llanganida jinsiy aloqalardan saqlanish lozim. Infektsiyani qayta yuqishini oldini olish maqsadida bir vaqtda jinsiy sherikni ham davolash, trixomonadli vaginitda – ichga qabul qilish uchun preparatlar bilan birga davolash lozim.
Suppozitoriylarni ishlatilishi mexanik kontratseptsiya (prezervativlar, vaginal diafragmalar) ning ishonchliligini, suppozitoriylarni lateks yoki kauchuk bilan o‘zaro ta'siri hisobiga pasaytirishi mumkin.
Davolanish vaqtida va davolash kursi tugaganidan keyin 24-48 soat davomida alkogolni va etanol saqlovchi preparatlarni qabul qilishdan saqlanish kerak (disulfiramga o‘xshash reaktsiyalar paydo bo‘lishi mumkinligi tufayli).
Bolalarda qo‘llanilishi: 18 yoshgacha bo‘lganlarda va qiz bolalarda qo‘llash mumkin emas.
Keksa yoshli patsiyentlarda qo‘llanilishi: yosh patsiyentlardagi kabi tavsiyalar bo‘yicha qo‘llanadi.
Preparat bolalar ololmaydigan joyda saklansin va yaroqlilik muddati o‘tgach ishlatilmasin.

Dozani oshirib yuborilishi

Hozirgi vaqtgacha preparatning dozasini oshirib yuborilishi holatlari haqida xabar berilmagan.
Mumkin bo‘lgan simptomlar: ko‘ngil aynishi, qusish, qorin og‘rig‘i, og‘izda metall ta'mi, ataksiya, bosh og‘rig‘i, bosh aylanishi, paresteziyalar, tirishishlar, leykopeniya, siydikni to‘q rangga bo‘yalishi (metronidazolning dozasini oshirib yuborilishi bilan bog‘liq); ko‘ngil aynishi, qusish, anoreksiya, diareya (mikonazol nitratning dozasini oshirib yuborilishi bilan bog‘liq).
Davolash: simptomatik davolash, tasodifan ichga qabul qilinganida - me'dani yuvish kerak.

Chiqarilish shakli

750 mg metronidazol va 200 mg mikonazol nitrati saqlovchi vaginal suppozitoriylar; 7 suppozitoriydan PVX/PE plyonka kontur uyali o‘ramda. 1 kontur uyali o‘ramda №7 karton qutida.

Saqlash sharoiti

Quruq, yorug‘likdan himoyalangan joyda, 25°S gacha haroratda saqlansin. Muzlatilmasin.

Yaroqlilik muddati

3 yil.

Dorixonalardan berish tartibi

Retsept bo‘yicha.
Ishlab chiqaruvchining nomi va manzili
”FARMAPRIM” MChJ
Krinilor ko‘ch., 5, Porumben q., Kriulen rayoni,
Moldova Respublikasi, MD-4829
www.farmaprim.md