Bestoksol ko‘z tomchilari 4% 10 ml №1

Tavsif

Preparatning savdo nomi

Bestoksol
Ta'sir etuvchi modda (XPN): taurin

Dori shakli

ko‘z tomchilari

Tarkibi

1 ml preparat quyidagilarni saqlaydi:
faol modda: taurin – 0,04 g;
yordamchi moddalar: metilparagidroksibenzoati, natriy gidroksidi, tozalangan suv.

Ta'rifi

tiniq rangsiz eritma.

Farmakoterapevtik guruhi

ko‘z patologiyalarini davolash uchun preparatlar. Metabolik jarayonlarni boshqaruvchi preparatlar.

ATS kodi

501XA21

Farmakologik xususiyatlari

Bestoksol - oftalmologik preparat bo‘lib, uning ta'sir etuvchi komponenti taurindir.
Taurin - organizmda sisteinni o‘zgarishi jarayonida hosil bo‘ladigan oltingugurt saqlovchi aminokislota. Energetik jarayonlarni yaxshilanishiga yordam beradi, tirishishga qarshi faollikka ega, kardiotrop ta'sir ko‘rsatadi, distrofik xarakterga ega bo‘lgan kasalliklarda va ko‘z to‘qimalari metabolizmini keskin buzilishi bilan kechuvchi kasalliklarda reparativ jarayonlarni stimullaydi. Preparat xujayra membranalarining faoliyatini normallashishiga va energetik hamda almashinuv jarayonlarini faollashuviga yordam beradi.

Qo‘llanilishi

• ko‘zning to‘r pardasini distrofik shikastlanishlari;
• ko‘zning nasliy tapetoretinal degeneratsiyasi;
• shox pardaning distrofiyasi va jarohatlari;
• kelib chiqishi turlicha bo‘lgan katarakta;
• glaukoma (ochiq burchakli) da qo‘llanadi.

Qo‘llash usuli va dozalari

Faqat mahalliy qo‘llash uchun mo‘ljallangan.
Bestoksol preparati, agar shifokor tomonidan o‘zgacha qo‘llash ko‘rsatilmagan bo‘lsa, shikastlangan ko‘zning kon'yunktivasiga 2 tomchidan sutkada 3-4 marta tomiziladi.
Kataraktalarda – instillyatsiyalar ko‘rinishida 2-3 tomchidan har kuni 2-4 marta 3 oy davomida qo‘llanadi. Davolash kursi bir oylik interval bilan takrorlanadi.
Jarohatlarda xuddi o‘sha dozalarda 1 oy davomida qo‘llanadi.
Glaukomada (ochiq burchakli) instillyatsiya ko‘rinishida kuniga 2 marta timololni tomizishdan 20-30 minut oldin qo‘llanadi.
Nojo‘ya ta'sirlari
Allergik reaktsiyalar bo‘lishi mumkin.

Qo‘llash mumkin bo‘lmagan holatlar

Tauringa yuqori sezuvchanlikda qo‘llash mumkin emas.
Dorilarning o‘zaro ta'siri
Glaukomasi (ochiq burchakli) bo‘lgan bemorlarda Bestoksol preparati timolol bilan birga qo‘llanganida, gipotenziv ta'sirini ahamiyatli darajada kuchayishi kuzatilgan. Samaraning kuchayishi ko‘z suyuqligining ishlab chiqarilishini pasayishi va oqib chiqishini yengillik koeffitsiyentini oshishi hisobiga erishiladi.

Maxsus ko‘rsatmalar

Avtotransportni haydash va mexanizmlarni boshqarish qobiliyatiga ta'siri
Bestoksolni instillyatsiyasidan (tomizilganidan) so‘ng avtotransportni boshqarish, ko‘rish aniqligini talab qiladigan murakkab texnika, stanoklar yoki boshqa uskunalar bilan ishlash qobiliyatiga ta'sir etuvchi ko‘rishni qisqa muddatli buzilishlari paydo bo‘lgan patsiyentlar uchun, davolanish davrida mashinani boshqarish yoki murakkab mexanizmlar bilan ishlash tavsiya etilmaydi.
Pediatriyada, homiladorlik va laktatsiya davrida qo‘llanishi
Preparatni homiladorlik, emizish vaqtida va bolalarda qo‘llash yuzasidan tajriba yetarli emas. Preparatni faqat davolovchi shifokorning ko‘rsatmasiga binoan, agar kutilayotgan davolash samarasi kuzatilishi mumkin bo‘lgan nojo‘ya ta'sirlarning rivojlanish xavfidan ustun bo‘lgandagina qo‘llash mumkin.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Bestoksol ko‘z tomchilarini qo‘llaganda dozani oshirib yuborilish hollari ta'riflanmagan.

Chiqarilish shakli

Bestoksol ko‘z tomchilari 10 ml dan tiqin-tomchilagichli va himoya halqasi bilan ta'minlangan, buraluvchi himoya qopqoqchali plastik flakonda chiqariladi. 1 flakon qo‘llash bo‘yicha yo‘riqnomasi bilan birga karton qutida.

Saqlash sharoiti

25°S dan yuqori bo‘lmagan haroratda, yorug‘likdan himoyalangan joyda saqlansin.

Yaroqlilik muddati

3 yil.
Flakon ochilganidan so‘ng preparatni 4 hafta davomida ishlatilsin.

Dorixonalardan berish tartibi

Retsept bo‘yicha.

Ishlab chiqaruvchi

Savdo belgisi va qayd etish sertifikatining egasi
«Uorld Meditsin», Buyuk Britaniya.
(“World Medicine”, Great Britain).
«Romfarm Kompanii S.R.L.», Otopen, Yeroilor 1 A ko‘ch., Ruminiyada ishlab chiqarilgan.
(“Rompharm Company S.R.L.”, Otopeni, Eroilor street 1A, Romania).