Lazolvan 30 mg tab. №20

Tavsif

Preparatning savdo nomi

LAZOLVAN
Ta'xsir etuvchi modda (XPN): Ambroksol

Dori shakli

Tabletkalar

Tarkibi

1 tabletka saqlaydi: faol ingrediyent: ambroksol gidroxloridi 30 mg. yordamchi moddalar: quritilgan makkajo‘xori kraxmali, suvsiz kolloid kremniy dioksidi, laktoza monogidrati, magniy stearati.

Ta'rifi

Oq yoki biroz sariq rangli, dumaloq, ikki tomoni yassi, chetlari qiya, bir tomonida ajratuvchi riska va ajratuvchi riskaning har bir tomonida 67S yozuvli, boshqa tomonida kompaniya logotipi bo‘lgan tabletkalar.

Farmakoterapevtik guruhi

Mukolitik vositalar. ATX kodi: R05SV06.

Farmakologik xususiyatlari

Farmakodinamika

Sekretomotor, sekretolitik va balg‘am ko‘chiruvchi ta'sirga ega; bronxlarning shilliq qavatidagi bezlarning seroz xujaylarini rag‘batlantiradi, alveola va bronxlarda shilliq sekret miqdorini oshiradi va sirt - faol moddaning (surfaktant) ajralib chiqarishni kuchaytiradi; balg‘amning seroz va shilliq komponentlarining buzilgan nisbatini me'yorlashtiradi. Klar xujayralaridan lizosomalarning ajralib chiqishini kuchaytirib va gidrolizlovchi fermentlarni faollashtirib balg‘amning qovushqoqligini kamaytiradi. Xilpillovchi epiteliyning kipriklarini harakat faolligini oshiradi, balg‘amning mukotsiliar tashilishini oshiradi.
In vitro o‘tkazilgan tadqiqotda mahalliy og‘riqsizlantiruvchi ta'siri ko‘rsatilgan, bu ambroksolning natriy kanallarini bloklash xususiyati bilan tushuntiriladi. Ushbu jarayon qaytuvchi bo‘lib, kontsentratsiyaga bog‘liq. Klinik ingalyatsiyada ambroksol og‘riqni va u bilan bog‘liq bo‘lgan yuqori nafas yo‘llaridagi diskomfortni tez bartaraf qilinishiga olib keladi. In vitro o‘tkazilgan tadqiqotda shuningdek to‘qima mononuklear va qonning ko‘p shaklli mononuklear xujayralardan sitokininlarning ajralib chiqishini ahamiyatli pasayishi aniqlangan.

Farmakokinetikasi

So‘rilishi:
So‘rilishi – yuqori, peroral qabul qilgandan keyin maksimal kontsentratsiyaga erishish vaqti – 1–2,5 soat.
Taqsimlanishi:
Ambroksol gidroxloridini qondan to‘qimalarga taqsimlanishi tez va yaqqol amalga oshadi, bunda faol moddaning eng yuqori kontsentratsiyalari o‘pkalarda aniqlanadi. Peroral qabul qilinganidan keyin taqsimlanish xajmi 552 l ni tashkil qiladi. Plazma oqsillari bilan bog‘lanishi – 90%, gematoentsefalik to‘siq, yo‘ldosh to‘sig‘i orqali o‘tadi, ona suti bilan chiqariladi.
Metabolizmi va chiqarilishi:
Metabolizmi – jigarda kon'yugatsiya hisobiga, dibromantranil kislotasini (taxminan dozaning 10%), glyukuron kon'yugatlar va bir qancha ikkinchi darajali metabolitlarini hosil qiladi. Odam jigarining mikrosomalarida o‘tkazilgan tadqiqotlar CYP3A4 ambroksol gidroxloridining metabolizmiga javobgar predominant izoformasi ekanligini ko‘rsatdi.
Peroral buyurilgan dozaning taxminan 30% tizim oldi metabolizmi natijasida chiqariladi. Yarim chiqarilish davri 10 soatni tashkil qiladi. Umumiy klirensi 660 ml/min atrofida bo‘ladi, buyrak klirensiga umumiy klirensining taxminan 8% to‘g‘ri keladi.
Alohida guruh patsiyentlaridagi farmakokinetikasi:
Jigar faoliyati buzilgan patsiyentlarda ambroksol gidroxloridining chiqarilishi pasayadi, bu uning miqdorini qon plazmasida 1,3-2 marta oshishiga olib keladi, ammo dozani to‘g‘rilash talab qilinmaydi.
Ambroksolning farmakokinetikasi yosh va jinsga bog‘liq emas, shuning uchun dozalashni o‘zgartirishni talab qilmaydi.
Ovqat qabul qilish ambroksol gidroxloridining biokiraolishligiga ta'sir qilmaydi.

Qo‘llanilishi

Qovushqoq balg‘am ajralishi bilan kechuvchi nafas yo‘llarining o‘tkir va surunkali kasalliklari: o‘tkir va surunkali bronxit, pnevmoniya, o‘pkalarning surunkali obstruktiv kasalligi, balg‘amning ko‘chib ajralishini qiyinlashishi bilan kechuvchi bronxial astma, bronxoektatik kasallik.

Qo‘llash usuli va dozalari

Kattalar va 12 yoshdan oshgan bolalarga: 1-2 tabletkadan sutkada 2 marta.
Yuqorida ko‘rsatilgan dozani 10 kun davomida nafas yo‘llarining o‘tkir kasalliklarida, shuningdek surunkali kasalliklarni davolashning boshida qabul qilish mumkin. Davolashni davom ettirishning zarurati bo‘lganida dozani yarmiga kamaytirish kerak.
Agarda nafas yo‘llarining o‘tkir kasalliklarini davolashda simptomlar yaxshilanmasa yoki yomonlashsa shifokorga murojjat qilish kerak.
Jigar faoliyatini buzilishlari bo‘lgan patsiyentlar
Jigar faoliyatini buzilishlari bo‘lgan patsiyentlarda dozani to‘g‘rilash talab qilinmaydi.
Buyrak yetishmovchiligi bo‘lgan patsiyentlar
Buyrakli faoliyatini buzilishlarida LAZOLVAN ni faqat shifokor bilan maslahatlashgandan keyin qabul qilish mumkin.
Keksa patsiyentlar
Keksa yoshli patsiyentlarda dozani to‘g‘rilish talab qilinmaydi.
LAZOLVAN ichga oz miqdordagi suv bilan birga qabul qilinadi.
Preparatni ovqat qabul qilishdan qat'iy nazar qabul qilish mumkin.
Nojo‘ya ta'siri
Me'da-ichak yo‘llari tomonidan:ko‘ngil aynishi, qusish, diareya, dispepsiya va qorinda og‘riq.
Allergik reaktsiyalar: anafilaktik reaktsiyalar (shu jumladan anafilaktik shok), angioedema, teri toshmasi, eshakemi, qichishish va boshqa allergik reaktsiyalar.
Sanab o‘tilgan nojo‘ya reaktsiyalar, shuningdek yo‘riqnomada ko‘rsatilmagan nojo‘ya reaktsiyalar paydo bo‘lganida shifokorga murojaat qilish kerak.

Qo‘llash mumkin bo‘lmagan holatlar

Ambroksolga yoki preparatning boshqa komponentlariga yuqori sezuvchanlik. Homiladorlik va laktatsiya.
Preparatning biron-bir yordamchi komponentlarini kam uchraydigan nasliy o‘zlashtiraolmaslik (“Ehtiyotkorlik choralari” bo‘limiga qarang)

Dozani oshirib yuborilishi

Odamda dozani oshirib yuborilishining simptomlari ta'riflanmagan. Doza tasodifan oshirib yuborilganida va/yoki shifokorning xatolarida dozani oshirib yuborish simptomlari, LAZOLVANni tavsiya qilingan dozalarda qabul qilishdagi ma'lum nojo‘ya ta'sirlariga mos keladi. Bo‘lishi mumkin: ko‘ngil aynishi, qusish, diareya, dispepsiya. Davolash: preparat qabul qilinganidan keyingi birinchi 1-2 soatda sin'iy qusish, me'dani yuvish; yog‘ saqlovchi mahsulotlarni qabul qilish, simptomatik davolash.
Ehtiyotkorlik choralari
Balg‘am ajralib chiqishini qiyinlashtiruvchi yo‘talga qarshi vositalar bilan majmualash mumkin emas.
LAZOLVAN tabletkalari, 30 mg: bir tabletka 171 mg laktoza saqlaydi, bu maksimal tavsiya qilingan sutkalik dozada (120 mg) 684 mg laktozani tashkil qiladi. Ushbu preparatni kam uchraydigan nasliy galaktozani o‘zlashtiraolmaslik, Lappa laktaza tanqisligi yoki glyukoza-galaktozani yomon o‘zlashtiradigan patsiyentlar qabul qilishlari mumkin emas.
Ambroksol gidroxloridi kabi mukolitik vositalarni qabul qilish bilan bog‘liq terining kuchli shikastlanishi, shu jumladan Stivens-Djonson sindromi va toksik epidermal nekrolizning bir necha holatlari haqida xabar berilgan. Ushbu hollarni odatda yo‘ldosh kasallikning og‘ir darajasi va bir vaqtda boshqa preparatlarni qabul qilish bilan tushuntirish mumkin. Bundan tashqari, Stivens-Djonson sindromi va toksik epidermal nekrolizning erta bosqichlarida patsiyentlarda grippni eslatuvchi nospetsifik kasallikning boshlanish belgilari: tana haroratini oshishi, butun tanada og‘riq, rinit, yo‘tal va tomoqda og‘riq paydo bo‘lishi mumkin. Ushbu belgilarning paydo bo‘lishi shamollashga qarshi preparatlar bilan kerak bo‘lmagan simptomatik davolashga olib kelishi mumkin.
Shuning uchun teri yoki shilliq qavatlarni shikastlanishlari paydo bo‘lganida darhol shifokorga murojaat qilish, ehtiyotkorlik chorasi sifatida ambroksol gidroxloridi bilan davolashni to‘xtatish kerak.
Buyraklar faoliyatini buzilishlarida LAZOLVANni faqat shifokor bilan maslahatlashgandan keyin qabul qilish mumkin. Og‘ir buyrak yetishmovchiligi mavjud bo‘lganida, jigarda metabollanib, so‘ngra buyraklar orqali chiqariladigan boshqa preparatlar kabi, jigarda ambroksolning metabolitlari to‘planishi mumkin.
Homiladorlik va laktatsiya
Ambroksol yo‘ldosh to‘sig‘i orqali kiradi. Preparatni homiladorlik vaqtida qo‘llashning xavfsizligi aniqlanmagan. LAZOLVANni homiladorlik vaqtida qo‘llash tavsiya qilinmaydi.
Ambroksol ona suti bilan chiqariladi. Preparatni emizish davrida qo‘llashning xavfsizligi aniqlanmagan. LAZOLVANni emizish davrida qo‘llash tavsiya qilinmaydi.
Avtomobil va mexanizmlarni boshqarish qobiliyatiga ta'siri
Preparatni avtomobilni boshqarish va mexanizmlar bilan ishlash qobiliyatiga ta'sirini tasdiqlovchi ma'lumotlar yo‘q. Preparatni avtomobilni boshqarish va mexanizmlar bilan ishlash qobiliyatiga ta'sirini o‘rganish bo‘yicha tadqiqotlar o‘tkazilmagan.
Boshqa dori vositalari bilan o‘zaro ta'siri
Tug‘ruq faoliyatini tormozlovchi preparatlar bilan mutanosib.
Yo‘talga qarshi preparatlar bilan birga qo‘llash, yo‘talni kamayishi fonida balg‘amni ajralib chiqishini qiyinlashtiradi.
Bronxial sekretiga amoksitsillin, sefuroksim, eritromitsinni kirishini va kontsentratsiyasini oshiradi.

Chiqarilish shakli

10 tabletkadan blisterda. 2 yoki 5 blisterdan qo‘llash bo‘yicha yo‘riqnomasi bilan karton qutida.

Saqlash sharoiti

30°C dan yuqori bo‘lmagan haroratda saqlansin.
Bolalar olaolmaydigan joyda saqlansin.

Yaroqlilik muddati

5 yil
O‘ramida ko‘rsatilgan yaroqlilik muddati tugaganidan keyin ishlatilmasin.

Dorixonalardan berish tartibi

Retseptsiz.
B guruhi.

Ishlab chiqaruvchi

Beringer Ingelxaym Ellas A.E., Gretsiya.