Enzofen vaginal kapsulalar 1000 mg № 2

Tavsif

Preparatning savdo nomi

Enzofen
Ta'sir etuvchi modda (XPN): Fentikonazol

Dori shakli

Vaginal kapsulalar

Tarkibi

1 vaginal kapsula quyidagilarni saqlaydi:
faol modda: 600 mg yoki 1000 mg fentikonazol nitrat. yordamchi moddalar: suyuq yengil parafin, yumshoq oq parafin, soya letsitini;
kapsula: jelatin, glitserin, titan dioksidi, natriy etilparagidroksibenzoati, natriy propilparagidroksibenzoati.

Ta'rifi

oq rangdan deyarli oq ranggacha bo‘lgan bir jinsli massa saqlovchi oq rangdan och sariq ranggacha bo‘lgan yumshoq oval tiniq bo‘lmagan jelatin kapsulalar.

Farmakoterapevtik guruhi

Zamburug‘larga qarshi vosita. Imidazol hosilalari.
ATX kodi: G01AF12
Farmakologik hususiyatlari

Farmakodinamika

Enzofen – dermatofitlar (Trichophyton, Microsporum, Epidermophyton larning barcha turlari), Candida albicans, shuningdek teri qoplamlari va shilliq qavatlarning boshqa zamburug‘li infektsiyalariga nisbatan yuqori fungistatik va fungitsid faollikka ega bo‘lgan keng ta'sir doirali zamburug‘larga qarshi preparatdir. Fentikonazol grammusbat mikroorganizmlarga antibakterial ta'sir ko‘rsatadi va Trichomonas vaginalis ga nisbatan parazitlarga qarshi ta'sir ko‘rsatadi.
Preparat Candida albicans ning kislotali proteinazasini ingibitsiya bo‘lishi, qobig‘ini shikastlanishi va sitoxromoksidaza va peroksidazani bloklanishi orqali o‘zining zamburug‘larga qarshi faolligini namoyon qiladi.

Farmakokinetikasi

Fentikonazol tizimli absorbtsiyaga deyarli uchramaydi, uzoq muddat davomida vaginal qo‘llanganida uning qondagi kontsentratsiyasi aniqlanmaydi. Shilliq qavatlar orqali so‘rilish darajasi ahamiyatsiz darajada.

Qo‘llanilishi

Enzofen 600 mg:
— genital kandidoz.
Enzofen 1000 mg:
— genital kandidoz (vulьvovaginit, kolpit), shu jumladan grammusbat flora bilan asoratlangan genital kandidoz;
— Trichomonas vaginalis tomonidan chaqirilgan infektsiyalar;
— Trichomonas vaginalis va Candida albicans lar tomonidan chaqirilgan aralash infektsiyalarda qo‘llanadi.

Qo‘llash usuli va dozalari

Intravaginal qo‘llash uchun mo‘ljallangan
Infektsiyani takroran yuqishidan saqlanish maqsadida jinsiy olatning boshchasiga va uning qoplangan terisiga Enzofen kremini surtish orqali bir vaqtda jinsiy sherikni mahalliy davolash tavsiya etiladi.
Enzofen 600 mg: kapsula uxlashdan oldin yotgan holatda qinga chuqur kiritiladi. Agar simptomlar saqlanib tursa, u holda 3 kundan keyin yana 1 kapsula kiritish mumkin.
Enzofen 1000 mg: kapsula uxlashdan oldin yotgan holatda qinga chuqur kiritiladi. Trichomonas vaginalis tomonidan chaqirilgan infektsiyalar va (Trichomonas vaginalis va Candida albicans) tomonidan chaqirilgan aralash infektsiyalarni davolash: 1000 mg li 1 kapsula qo‘llanadi. Zarurat bo‘lganida 24 soatdan keyin takroran qo‘llanadi. Agar simptomlar saqlanib qolsa, u holda 3 kundan keyin yana 1 kapsulani kiritish mumkin.
Nojo‘ya ta'sirlari
Enzofen tavsiya etilgan dozalarda qo‘llanganida preparat deyarli so‘rilmaydi, shuning uchun tizimli samaralarni rivojlanishi istisno qilinadi. Mahalliy yuborilganidan so‘ng ahamiyatsiz darajadagi vaqtinchalik qizarish yoki achishish hissi rivojlanishi mumkin.
Noxush reaktsiyalarni uchrash tezligini quyida keltirilgan ko‘rsatkichlari quyidagi tarzda aniqlangan: juda kam hollarda (< 1/10000).
Teri va teri osti yog‘ kletchatkasi tomonidan: juda kam hollarda – eritema, qichishish, toshma.
Jinsiy a'zolar va sut bezlari tomonidan: juda kam hollarda – yuborilgan joyda achishish hissi.
Shubha qilingan noxush reaktsiyalar bo‘yicha xabarlar
Dori vositasi qayd etilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

Fentikonazol nitratga va preparatning boshqa komponentlariga o‘ta yuqori sezuvchanlikda qo‘llash mumkin emas.
Dorilarning o‘zaro ta'siri
Boshqa dori preparatlari bilan o‘zaro ta'siri aniqlanmagan.

Maxsus ko‘rsatmalar

Preparatning tarkibiga kiruvchi ayrim yordamchi moddalar (paragidroksibenzoatlar) allergik reaktsiyalarni chaqirishi mumkin. Sensibilizatsiya yoki allergik reaktsiyalar rivojlanganida davolash to‘xtatilishi kerak.
Patsiyentga o‘zining shifokori bilan maslahatlashish tavsiya etiladi:
— agar bir hafta davomida yaxshilanish kuzatilmagan bo‘lsa;
— simptomlar takroran rivojlanganida (oxirgi 6 oy davomida 2 dan ortiq infektsiyani rivojlanishi kuzatilganida);
— agar anamnezida jinsiy yo‘l orqali yuqadigan infektsiyalar (JYYuI) bo‘lsa, yoki jinsiy sherikda YuYYuK bo‘lsa;
— agar patsiyentning yoshi 16 yoshgacha yoki 60 yoshdan oshgan bo‘lsa;
— imidazolga yoki zamburug‘larga qarshi boshqa vaginal preparatlarga ma'lum o‘ta yuqori sezuvchanlikda;
— normada kuzatilmaydigan har qanday yoki nomuntazam kuzatiladigan vaginal qon ketishlari bo‘lganida;
— qindan ajralib chiqadigan har qanday qonli ajralmalar kuzatilganida;
— terining har qanday vulьvovaginal ochiq shikastlanishlarida, yaralar yoki bullyoz shikastlanishlarda;
— qorinning pastki qismida preparatni qo‘llash bilan bog‘liq bo‘lgan har qanday og‘riqlarida yoki dizuriyada;
— davolash bilan bog‘liq bo‘lgan eritema, qichishish yoki toshma kabi har qanday noxush reaktsiyalar rivojlanganida maslahatlashish tavsiya etiladi.
Vaginal kapsulalar to‘siqli kontratseptivlar bilan birga ishlatilishi mumkin emas.
Homiladorlik va emizish vaqtida fentikonazol preparati faqat shifokorning nazorati ostida ishlatilishi kerak.
Homiladorlikda va laktatsiya davrida qo‘llanishi
Homilador ayollarda fentikonazolni qo‘llash bo‘yicha ma'lumotlar cheklangan. Hayvonlarda o‘tkazilgan tadqiqotlarda teratogen samaralar aniqlanmagan, embriotoksik va fetotoksik ta'siri peroral yuboriladigan juda yuqori dozalardagina kuzatilgan. Intravaginal qo‘llanganida fentikonazolning past tizimli ta'siri kuzatiladi. Homiladorlik vaqtida fentikonazolni shifokorning kuzatuvi ostida ishlatish kerak.
Hayvonlarga fentikonazolni peroral yuborish orqali o‘tkazilgan tadqiqotlar, preparat va/yoki uning metabolitlari ko‘krak suti bilan ajralib chiqishi mumkinligini ko‘rsatgan. Hatto agar Enzofenni intravaginal qo‘llash fentikonazol va/yoki uning metabolitlarini ko‘krak suti bilan ajralib chiqishiga olib kelishini ko‘rsatuvchi ma'lumotlar bo‘lmasa-da, bola uchun havfni istisno qilish mumkin emas. Laktatsiya vaqtida fentikonazolni shifokorning nazorati ostida ishlatish lozim.
Pediatriyada qo‘llanishi
16 yoshgacha bo‘lgan bolalarda fentikonazolning havfsizligi va samaradorligi aniqlanmagan. 16 yoshdan oshgan bolalar uchun tavsiya etiladigan dozalari kattalar uchun mo‘ljallangan dozalar bilan bir xil.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va diqqatni yuqori jamlashni talab etuvchi potentsial havfli faoliyat turlari bilan shug‘ullanishga ta'sir qilmaydi.

Dozani oshirib yuborilishi

Tizimli qon oqimiga so‘rilish darajasi past bo‘lganligi sababli, dozani oshirib yuborilish ehtimoli kam. Enzofen ichga qabul qilish uchun emas, balki mahalliy qo‘llash uchun mo‘ljallangan. Bexosdan ichga qabul qilinganida qorinda og‘riq va qusish kuzatilishi mumkin.

Chiqarilish shakli

Enzofen 600 mg: vaginal kapsulalar. 2 kapsula blisterda. 1 blister tibbiyotda qo‘llanilishiga doir yo‘riqnomasi bilan birga karton qutiga joylangan.
Enzofen 1000 mg: vaginal kapsulalar. 1 yoki 2 kapsula blisterda. 1 blister tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan sanadan boshlab 3 yil.
Yaroqlilik muddati tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.