Rinazolin tomchilar 0,5mg/ml. 10ml

Tavsif

Preparatning savdo nomi

Rinazolin
Ta'sir etuvchi modda (XPN): Oksimetazolin

Dori shakli

Nazal tomchilar

Tarkibi

1 ml eritma saqlaydi:
faol modda: 100% moddaga qayta hisoblaganda 0,25 mg yoki 0,5 mg oksimetazolin gidroxloridi;
yordamchi moddalar: benzalkoniy xloridi, natriy xloridi, natriy digidrofosfat digidrati, natriy gidrofosfat dodekagidrati, tozalangan suv.

Ta'rifi

tiniq, rangsiz suyuqlik.

Farmakoterapevtik guruhi

LOR a'zolari kasalliklarini davolash uchun vosita. (Burun bo‘shlig‘i kasalliklarida mahalliy qo‘llash uchun shishga qarshi va boshqa preparatlar. Simpatomimetiklar).
ATX kodi: R01AA05.

Farmakologik xususiyatlari

Farmakodinamika

Rinazolin mahalliy tomirlarni toraytiruvchi vositalar guruhiga kiradi. Oksimetazolin simpatomimetik va qon tomirlarni toraytiruvchi ta'sir ko‘rsatib, burun shilliq qavati shishini bartaraf etadi. Sepilgan joydagi tomirlarni toraytiradi, burun bo‘shlig‘i va yuqori nafas yo‘llarining shilliq qavati shishini kamaytiradi. Burun orqali nafas olishni tiklaydi. Burun shilliq qavati shishining bartaraf etilishi burunning yondosh bo‘shliqlari, o‘rta quloq bo‘shlig‘i aeratsiyasining tiklanishiga yordam beradi, bu bakterial asoratlar rivojlanishining oldini oladi.
Oksimetazolin viruslarga qarshi, yallig‘lanishga qarshi, immunomodullovchi va antioksidant ta'sir ko‘rsatadi. Aynan shu majmuaviy ta'sir mexanizmi tufayli, klinik tadqiqotlar o‘tkazish vaqtida o‘tkir rinitning simptomlarini (burun bitishi, rinoreya, aksirish, o‘zini yomon xis qilish) tezroq va samaraliroq bartaraf qilishi isbotlangan.

Farmakokinetikasi

Terapevtik kontsentratsiyalarda mahalliy nazal qo‘llanganda, burun bo‘shlig‘iga mahalliy qo‘llanganida, burun shilliq qavatini ta'sirlamaydi, giperemiyani chaqirmaydi. Yarim chiqarilish davri preparat qo‘llangandan so‘ng tahminan 35 soatni tashkil qiladi. Preparatning 2,1% buyraklar orqali, tahminan 1,1% - axlat bilan chiqariladi. Preparat ta'sirining davomiyligi – 12 soatgacha.

Qo‘llanilishi

Burun bitishi bilan kechuvchi o‘tkir respirator kasalliklar;
Allergik rinit;
Vazomator rinit;
Burun bo‘shlig‘ining yondosh bo‘shliqlari kasalliklarida, yevstaxiitda drenaj va burun orqali nafas olishini tiklash uchun.
Burun yo‘llarida diagnostik manipulyatsiyalarni o‘tkazishdan oldin shishni barataraf qilish uchun qo‘llanadi.

Qo‘llash usuli va dozalari

Bevosita qo‘llashdan oldin preparatli flakonni tana xaroratigacha isitish uchun uni kaftda ushlab turish kerak. Preparatni yuborishdan oldin burunni yaxshilab tozalash kerak. Qalpoqcha ochiladi, yechiladi va sekinlik bilan flakon korpusini bosgan holda, 1-2 tomchi eritma burunga tomiziladi.
Rinazolin 0,025%, 0,05% tomchilari burunga qo‘llash uchun buyuriladi.
Kattalar va 6 yoshdan katta bolalar.
Har bir burun yo‘liga Rinazolin 0,05% sutkada 2-3 mahal 1-2 tomchidan qo‘llanadi.
1 yoshdan 6 yoshgacha bo‘lgan bolalar.
Har bir burun yo‘liga Rinazolin 0,025% sutkada 2-3 mahal 1-2 tomchidan qo‘llanadi.
Rinazolin 0,025%, 0,05% 5-7 kundan ortiq qo‘llanishi mumkin emas. Preparatni faqat bir necha kundan keyin takroran qo‘llash mumkin.
Bolalar.
Rinazolin 0,025% ni 1 yoshgacha bo‘lgan bolalarga qo‘llash mumkin emas;
Rinazolin 0,05% - 6 yoshgacha bo‘lgan bolalarda qo‘llanilmaydi.
Nojo‘ya ta'sirlari
Nojo‘ya samaralar paydo bo‘lish tez-tezligi bo‘yicha quyidagi toifa bo‘yicha tasniflanadi: juda tez-tez (≥10%), tez-tez (≥1% va <10%), tez-tez emas (≥ 0,1% va <1%), kam hollarda (≥ 0,01% va < 0,1 %), juda kam hollarda (< 0,01%).
Nerv tizimi tomonidan:
Juda kam hollarda: xavotirlik, uyqusizlik, yuqori toliqish (uyquchanlik, sedatsiya), bosh og‘rig‘i, gallyutsinatsiyalar (ayniqsa bolalarda).
Yurak qon-tomir tizimi tomonidan:
Kam hollarda: palpitatsiya, taxikardiya, arterial gipertenziya.
Juda kam hollarda: aritmiyalar.
Nafas tizimi tomonidan:
Tez-tez: burunda noqulaylik hissi (masalan, achishish) yoki burun shilliq qavatining qurishi, aksirish.
Tez-tez emas: Rinazolinni qo‘llash samarasi tugaganidan so‘ng burunning kuchli bitishi hissi, burundan qon ketishi kuzatilishi mumkin.
Juda kam hollarda: Yangi tug‘ilgan chaqaloqlarda va go‘daklarda apnoe.
Suyak-mushak tizimi tomonidan.
Juda kam hollarda: tirishishlar (ayniqsa bolalarda).
Immun tizimi tomonidan:
Tez-tez emas: gipersezuvchanlik reaktsiyalari (angionevrotik shish, toshma, qichishish) kuzatilishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlik;
Atrofik rinitda
Transfenodial gipofizektomiya yoki miya qobig‘ini ochish bilan bog‘liq boshqa jarrohlik aralashuvlardan so‘ng qo‘llanilmasin.
Monoaminoksidaza ingibitorlari qo‘llanganida va MAO ingibitorlari, shuningdek arterial bosimni oshishiga olib keluvchi boshqa preparatlar bilan davolash to‘xtatilganidan so‘ng ikki hafta davomida;
Ko‘z ichki bosimi yuqori bo‘lganida, ayniqsa yopiq burchakli glaukomada;
Yurak-qon tomir kasalliklarining og‘ir shakllarida (masalan, yurak ishemik kasalligi, arterial gipertenziya);
Feoxromatsitomada;
Metabolik buzilishlarda (masalan, gipertireoz, qandli diabet);
Prostata bezining giperplaziyasida;
Porfiriyada qo‘llash mumkin emas
Dorilarning o‘zaro ta'siri
Arterial bosimni oshish xavfi tufayli, MAO ingibitorlari va arterial bosimni oshishiga olib keladigan boshqa preparatlar qo‘llanilmasin. Tomirlarni toraytiruvchi boshqa dori vositalarni birga buyurish nojo‘ya samaralarni rivojlanish xavfini oshiradi.

Maxsus ko‘rsatmalar

Preparatni uzoq muddat qo‘llash va dozani oshirib yuborilishidan saqlanish kerak. Burun uchun shishga qarshi dori vositasini uzoq muddat qo‘llanishi, preparatning ta'sirini susayishiga olib kelishi mumkin. Bu dori vositasini haddan ortiq ko‘p qo‘llash burun shilliq qavati atrofiyasini va medikamentoz rinitli reaktiv giperemiyani chaqirishi mumkin. Tavsiya qilinganidan yuqori dozalarni faqat shifokor kuzatuvi ostida qo‘llash kerak.
Preparat tarkibida bitta dozada 10 mkg miqdorda benzalkoniy xlorid mavjudligi bronxospazmni chaqirishi mumkin.
Homiladorlik va emizish davrida qo‘llanishi.
Homiladorlik va emizish davrida preparat aloxida ehtiyotkorlik bilan qo‘llanadi. Tavsiya qilingan dozasini oshirishga yo‘l qo‘yilmaydi.
Emizish
Oksimetazolin ko‘krak sutiga kirishi haqidagi ma'lumotlar noma'lum. Preparat emizish davrida foyda-xavf nisbati qat'iy baholangan holatdagi qo‘llanishi kerak. Emizish davrida tavsiya qilingan dozani oshirish mumkin emas, chunki dozani oshirib yuborish ayolda ko‘krak suti miqdorini kamaytirishi mumkin.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish xususiyati.
Preparat tavsiya qilingan dozalardan yuqori dozalarda uzoq muddat qo‘llanganidan so‘ng, yurak-qon tomir tizimiga umumiy ta'sirini inkor etish mumkin emas. Bunday hollarda transport vositalarini boshqarish xususiyati pasayishi mumkin.

Dozani oshirib yuborilishi

Doza ahamiyatli darajada oshirib yuborilganida yoki bexosdan ichga qabul qilingandan so‘ng quyidagi simptomlar rivojlanishi mumkin; midriaz, ko‘ngil aynishi, qusish, sianoz, tana haroratini oshishi, spazmlar, taxikardiya, palpitatsiya, aritmiya, yurak qon-tomir yetishmovchiligi, yurak urishini to‘xtashi, ko‘p ter ajralishi, ajitatsiya, konvulsiyalar, arterial gipertenziya, o‘pka shishi, nafas buzilishlari, rangparlik, mioz, giposmiya, ruxiy buzilishlar.
Bundan tashqari, markaziy nerv tizimi faoliyatini uyquchanlik, tana haroratini pasayishi, bradikardiya, arterial gipotenziya, apnoe va koma rivojlanishi mumkin.
Doza oshirib yuborilganida terapevtik choralar: me'dani yuvish, faollashtirilgan ko‘mir qabul qilish, o‘pka ventilyatsiyasi. Arterial bosim pasayganida fentolamin qo‘llanadi. Vazopressor vositalarni qo‘llash mumkin emas. Zarurat bo‘lganida tirishishga qarshi davolash ko‘rsatilgan.

Chiqarilish shakli

10 mldan polietilen flakonda. 1 flakondan tibbiyotda qo‘llanilishiga doir yo‘riqnomasi bilan birga qutida.

Saqlash sharoiti

Yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

3 yil.
Preparat o‘ramida ko‘rsatilgan yaroqlilik muddati o‘tgach, qo‘llanilmasin.

Dorixonalardan berish tartibi

Retseptsiz.

Ishlab chiqaruvchi

«Farmak» AJ. Ukraina