Kamfora 10% eritma 25 ml Radiks

Tavsif

Preparatning savdo nomi

Kamfora 10% spirtli eritmasi
Ta'sir etuvchi moddalar (XPN): kamfora, etanol

Dori shakli

eritma

Tarkibi

faol modda: kamfora - 10,0 g;
yordamchi modda: 70% li tibbiyot etil spirti - 100 ml gacha.

Ta'rifi

tiniq, rangsiz, o‘ziga xos kamfora hidli eritma.

Farmakoterapevtik guruhi

mahalliy qitiqlovchi vosita
ATX kodi: M02AX

Farmakologik xususiyatlari

Preparat mahalliy qo‘llanganda qitiqlovchi va qisman antiseptik ta'sir ko‘rsatadi. 70% li kontsentratsiyada etil spirti sirtga qo‘llanganda bakteritsid samara va qitiqlovchi ta'sir ko‘rsatadi, teri sohalariga muvofiq joylashgan a'zo va to‘qimalarda modda almashuvini yaxshilaydigan trofik reflekslarni chaqiradi, ikkilamchi analgezik ta'sir ko‘rsatadi.
Preparatlar birgalikda yaqqol qitiqlovchi, ikkilamchi analgezik va antiseptik ta'sir ko‘rsatadi.

Qo‘llanilishi

Bo‘g‘im, mushak va nervlardagi (artritlar, miozitlar, nevralgiyalar) yallig‘lanish jarayonlarini davolash. Yotoq yaralarini oldini olishda qo‘llanadi.

Qo‘llash usuli va dozalari

Sirtga qo‘llaniladi. Og‘riqli joyga ozgina preparat suritiladi va yengil harakatlar bilan ishqalanadi.
Nojo‘ya ta'sirlari
Allergik reaktsiyalar bo‘lishi mumkin.

Qo‘llash mumkin bo‘lmagan holatlar

Preparatning komponentlariga bo‘lgan yuqori sezuvchanlik. Terining shikastlangan sohalariga suritish mumkin emas.
Dorilarning o‘zaro ta'siri
Aniqlanmagan.

Maxsus ko‘rsatmalar

Avtomobil va boshqa mexanizmlarni boshqarish qobiliyatiga ta'siri:
Avtomobilni va boshqa mexanizmlarni boshqarish qobiliyatiga ta'siri xaqida malumot aniqlanmagan.
Homiladorlik va laktatsiya
Kamforaning GEB, platsenta va ko‘krak sutiga yuqori o‘tkazuvchanligini xisobga olganda, Kamforani xomiladorlik va emizish davrida extiyotkorlik bilan qo‘llash lozim.
Shifokor ko‘rsatmasiga binoan qo‘llanilsin.

Chiqarilish shakli

10% li spirtli eritma 25 ml, 40 ml, 50 ml dan flakonlarda tibbiyotda qo‘llanilishiga doir yo‘riqnomasi bilan birga.

Saqlash sharoiti

Yorug‘likdan himoyalangan joyda, 250 S dan yuqori bo‘lmagan haroratda saqlansin.
Preparat bolalar ololmaydigan joyda saqlansin.

Yaroqlilik muddati

5 yil.
Yaroqlilik muddati o‘tgach ishlatilmasin.

Dorixonalardan berish tartibi

Retseptsiz.

Ishlab chiqaruvchi

“RADIKS” MChJ
O‘zbekiston Respublikasi, 100054, Toshkent sh., Lutfiy ko‘ch, 50.
Tel.: (+99871) 273-92-31, faks: (+99871) 273-80-58.
O‘zbeksiton Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili:
"RADIKS" MChJ
O‘zbekiston Respublikasi, 100054, Toshkent sh. Lutfiy ko‘ch., 50.
Tel.: (+99871) 273-43-98, faks: (+99871) 273-80-58.