Аndipal №10 tab. Irbitskiy XFZ

Tavsif

Preparatning savdo nomi

Andipal

Dori shakli

tabletkalar

Tarkibi

Bir tabletka quyidagilarni saqlaydi:
faol moddalar: metamizol natriy (analgin) – 250 mg, fenobarbital – 20 mg, dibazol (bendazol) – 20 mg, papaverin gidroxloridi – 20 mg;
yordamchi moddalar: kartoshka kraxmali – 47 mg, tal’k – 10 mg, kaltsiy stearati – 3 mg.

Ta'rifi

oq yoki biroz sarg‘ish tusli oq rangli, yassitsilindrik, riska va faskali tabletkalar.

Farmakoterapevtik guruhi

og‘riqni qoldiruvchi vosita (og‘riqni qoldiruvchi va nonarkotik vosita + spazmolitik vosita + barbiturat).
ATX kodi: N02BB52.

Farmakologik xususiyatlari

Majmuaviy preparatdir. Preparat komponentlarini birga qo‘shish ularning farmakologik ta'sirini o‘zaro kuchayishiga olib keladi.
Metamizol natriy – pirazolon hosilasi, og‘riqni qoldiruvchi va isitmani tushiruvchi ta'sir ko‘rsatadi.
Dibazol (bendazol) – qon tomirlarni kengaytiruvchi vosita; qon tomirlarni kengaytiruvchi ta'sirga ega, orqa miya funktsiyasini rag‘batlantiradi. Qon tomirlar va ichki a'zolarning silliq mushaklariga bevosita spazmolitik ta'sir ko‘rsatadi. Orqa miyada sinaptik o‘tkazuvchanlikni yengillashtiradi.
Papaverin gidroxloridi – spazmolitik vosita, gipotenziv ta'sir ko‘rsatadi, ichki a'zolar va qon tomirlarning tonusini pasaytiradi va silliq mushaklarini bo‘shashtiradi.
Fenobarbital – past dozalarda sedativ ta'sir ko‘rsatadi va boshqa kompnentlarning ta'sirini kuchaytiradi.

Qo‘llanilishi

Ichki a'zolarning silliq mushaklarini spazmlaridagi og‘riq sindromi (kuchsiz yoki o‘rtacha ifodalangan): buyrak sanchig‘i, o‘t qopi sanchig‘i, ichak sanchig‘i, o‘t chiqaruvchi yo‘llarining diskineziyasi, xoletsistektomiyadan keyingi sindrom, qovuq va siydik yo‘llarining spazmi, algodismenoreya.
Bosh miya qon tomirlarining spazmi, migren.
Yordamchi dori vositasi sifatida: jarrohlik aralashuvlaridan va tashxis muolajalardan keyingi og‘riq sindromida qo‘llanadi.

Qo‘llash usuli va dozalari

Ichga 1 tabletkadan sutkada 2-3 marta buyuriladi. Shifokor maslahatisiz qo‘llash davomiyligi 7 kundan oshmasligi kerak.
Nojo‘ya ta'siri
Allergik reaktsiyalar.
Markaziy nerv tizimi tomonidan: uyquchanlik, psixomotor reaktsiyalarning tezligini pasayishi.
Me'da-ichak yo‘llari tomonidan: ko‘ngil aynishi, qabziyat.
Yurak-qon tomir tizimi tomonidan: arterial gipertenziya.
Uzoq muddat qo‘llanganida: leykopeniya, agranulotsitoz, jigar va buyrak funktsiyasining buzilishi.

Qo‘llash mumkin bo‘lmagan holatlar

O‘ta yuqori sezuvchanlik (shu jumladan pirazolon hosilalariga); suyak ko‘migining qon yaratish faoliyatini susayishi; yaqqol jigar va/yoki buyrak yetishmovchiligi; glyukozo-6-fosfatdegidrogenaza tanqisligi, taxiaritmiyalar, og‘ir stenokardiya, kollaps, dekompensatsiyalangan surunkali yurak yetishmovchiligi, yopiqburchakli glaukoma, prostata bezining giperplaziyasi, ichak tutilishi, megakolon, homiladorlik, laktatsiya davrida qo‘llash mumkin emas.
Dorilarning o‘zaro ta'siri
Nitratlar (nitroglitserin, nitrosorbit, sustak va boshqalar), kaltsiy kanallarining blokatorlari (nifedipin, korinfar va boshqalar), beta-adrenobloktorlar (anaprilin, metoprolol, talinolol va boshqalar), ganglioblokatorlar (pentamin va boshqalar), diuretiklar (furosemid, gipotiazid va boshqalar), miotrop spazmolitiklar (dipiridamol, eufillin va boshqalar) bilan majmuada ko‘rsatilgan preparatlarning gipotenziv ta'sirini kuchaytiradi.
Bir vaqtda boshqa nonarkotik analgetiklar bilan qo‘llash, o‘zaro toksik samaralarining kuchayishiga olib kelishi mumkin.
Adsorbentlar, burishtiruvchi va o‘rab oluvchi vositalar bilan birga qo‘llash preparatning me'da-ichak yo‘llaridan so‘rilishini kamaytiradi.

Maxsus ko‘rsatmalar

Uzoq muddat (7 kundan ko‘proq) qo‘llanganida periferik qon manzarasini va jigarning funktsional holatini nazorat qilish kerak.
3 kun davomida samarasi bo‘lmaganida preparat qabul qilishni to‘xtatish va shifokorga murojaat qilish kerak.
Davolash vaqtida diqqatni yuqori jamlashni va tezkor psixomotor reaktsiyalarni talab qiluvchi potentsial xavfli faoliyat turlari bilan shug‘ullanishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Andipal dozasi oshirib yuborilganda bosh aylanishi, kuchli uyquchanlik yuzaga keladi. Birinchi yordam sifatida me'da yuviladi va faollashtirilgan ko‘mir qabul qilinadi.

Chiqarilish shakli

Tabletkalar.
10 tabletkadan kontur uyali o‘ramda yoki kontur uyasiz o‘ramda.
2 kontur uyali o‘ram tibbiyotda qo‘llash bo‘yicha yo‘riqnomasi bilan birga karton qutiga joylanadi.
Kontur uyasiz o‘ramlar teng miqdordagi tibbiyotda qo‘llash bo‘yicha yo‘riqnomasi bilan birga karton qutiga yoki guruh o‘ramiga joylanadi.

Saqlash sharoiti

Quruq, yorug‘likdan himoyalangan joyda saqlansin.

Yaroqlilik muddati

2 yilu 6 oy.

Dorixonalardan berish tartibi

Retseptsiz.

Ishlab chiqaruvchi

«Irbitskiy ximfarmzavod» OAJ,
623856, Sverdlovsk vil., Irbit sh., Kirov ko‘ch., 172,
Tel/faks (34355) 3-60-90
O‘zbekiston Respublikasi hududida dori vositalarini sifati bo‘yicha e'tirozlar (takliflar) ni qabul qiluvchi tashkilot nomi va manzili:
“Asklepiy” MChJ CHEK
O‘zbekiston Respublikasi, Toshkent sh., Bezakchilik ko‘ch., 18A
Tel: (99871) 150-70-11