Аndipal tab. №10 Dalximfarm OАO

Tavsif

Preparatning savdo nomi

Andipal

Dori shakli

tabletkalar

Tarkibi

1 tabletka quyidagilarni saqlaydi:
faol moddalar: metamizol natriy – 250 mg, fenobarbital – 20 mg, dibazol – 20 mg, papaverin gidroxloridi – 20 mg;
yordamchi moddalar: kartoshka kraxmali, talk, stearin kislotasi.

Ta'rifi

oq yoki biroz sarg‘ish tusli oq rangli, yassitsilindrik shaklli, faskali va riskali tabletkalar.

Farmakoterapevtik guruhi

spazmolitik va og‘riq qoldiruvchi vosita
ATX kodi: N02BB72

Farmakologik xususiyatlari

Majmuaviy preparat. Preparatning komponentlari birga ularning farmakologik ta'sirini o‘zaro kuchayishiga olib keladi.
Metamizol natriy – pirazolon hosilasi, og‘riq qoldiruvchi va isitmani tushiruvchi ta'sir ko‘rsatadi.
Bendazol (dibazol) – qon tomirlarni kengaytiruvchi vosita; qon tomirlarni kengaytiruvchi ta'sirga ega, orqa miya faoliyatini rag‘batlantiradi. Qon tomirlar va ichki a'zolarning silliq mushaklariga bevosita spazmolitik ta'sir ko‘rsatadi. Orqa miyada sinaptik o‘tkazuvchanlikni yengillashtiradi.
Papaverin gidroxloridi – spazmolitik vosita, gipotenziv ta'sir ko‘rsatadi, ichki a'zolar va qon tomirlarning silliq mushaklarini bo‘shashtiradi.
Fenobarbital past dozalarda sedativ samara ko‘rsatadi va boshqa komponentlarning ta'sirini kuchaytiradi.

Farmakokinetikasi

Ichga qabul qilinganda me'da-ichak yo‘llari orqali so‘riladi. Biokiraolishligi yuqori (taxminan 60-80%). Ta'siri 15-45 minutdan keyin rivojlanadi va 3-6 soat davomida davom etadi. Avval barbiturat kislotasi preparatlarini qabul qilgan shaxslarda barbituratlar fermentlar induktsiyasini chaqiradigan jigarda fenobarbitalning tezlashgan metabolizmi hisobiga ta'sir davomiyligi qisqaradi. Keksa yoshdagi odamlarda va jigar sirrozi bo‘lgan patsiyentlarda preparatning metabolizmi kamayadi, shuning uchun ularda T1/2 uzayadi, bu dozani kamaytirish va preparatni qabul qilish orasidagi intervallarni uzaytirishni talab etadi.

Qo‘llanilishi

Ichki a'zolarning silliq mushaklarining spazmlaridagi oqriq sindromi (kuchsiz yoki o‘rtacha yaqqollikdagi): jigar sanchig‘i, o‘t qopi sanchig‘i, ichak sanchig‘i; o‘t chiqarish yo‘llarining diskineziyasi, postxoletsistektomik sindrom; siydik chiqarish yo‘llarining va qovuq spazmi; algodismenoreya.
Bosh miya qon tomirlarining spazmlari, migren.
Yordamchi dori vositasi sifatida: jarrohlik aralashuvlari va diagnostik muolajalardan keyingi og‘riq sindromida qo‘llanadi.

Qo‘llash usuli va dozalari

1 tabletkadan sutkada 2-3 marta ichga buyuriladi.
Shifokor maslahatisiz davolash kursining davomiyligi 7 kundan oshmasligi kerak.
Nojo‘ya ta'sirlari
Allergik reaktsiyalar.
Markaziy nerv tizimi tomonidan: uyquchanlik, psixomotor reaktsiyalar tezligini pasayishi.
Me'da-ichak yo‘llari tomonidan: ko‘ngil aynishi, qabziyat.
Yurak-qon tomir tizimi tomonidan: arterial gipotenziya.
Uzoq vaqt qo‘llaganda: leykopeniya, agranulotsitoz, jigar va buyrak faoliyatini buzilishi.

Qo‘llash mumkin bo‘lmagan holatlar

O‘ta yuqori sezuvchanlik (shu jumladan pirazolon hosilalariga); suyak ko‘migida qon yaratilishini susayishi; yaqqol jigar va/yoki buyrak yetishmovchiligi; glyukozo-6-fosfatdegidrogenaza tanqisligi; taxiaritmiyalar, og‘ir stenokardiya, kollaps, dekompensatsiyalangan surunkali yurak yetishmovchiligi; yopiq burchakli glaukoma; prostata bezi giperplaziyasi; ichak tutilishi, megakolon; homiladorlik, laktatsiya davrida qo‘llash mumkin emas.
Dorilarning o‘zaro ta'siri
Nitratlar (nitroglitserin, nitrosorbit, sustak va boshqalar), kaltsiy kanallari blokatorlari (nifedipin, korinfar va boshqalar), beta-adrenoblokatorlar (anaprilin, metoprolol, talinolol va boshqalar), ganglioblokatorlar (pentamin va boshqalar), diuretiklar (furosemid, gipotiazid va boshqalar), miotrop spazmolitiklar (dipiridamol, eufillin va boshqalar) bilan majmuasi ko‘rsatilgan preparatlarning gipotenziv ta'sirini kuchaytiradi.
Boshqa nonarkotik og‘riq qoldiruvchi va o‘rab oluvchi vositalar bilan birga qo‘llash preparatni me'da-ichak yo‘llarida so‘rilishini kamaytiradi.

Maxsus ko‘rsatmalar

Uzoq vaqt (7 kundan ko‘proq) qo‘llaganda periferik qon manzarasi va jigarning funktsional holatini nazorat qilish kerak.
3 kun davomida samara kuzatilmaganida preparatni qabul qilishni to‘xtatish va shifokorga murojaat etish kerak.
Davolash vaqtida diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlari bilan shug‘ullanishdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Preparatning dozasini oshirib yuborilishining simptomlari uning tarkibiga kiruvchi komponentlarning xususiyatlari bilan bog‘liq. Dozani oshirib yuborganda yaqqol uyquchanlik, bosh aylanishi, kollaptoid holat kuzatiladi.
Davolash: birinchi yordam ko‘rsatish – me'dani yuvish, faollashtirilgan ko‘mir qabul qilish. Hayot uchun muhim faoliyatlarni tutib turishga qaratilgan simptomatik davolash ko‘rsatilgan.
Intoksikatsiyani davolash, jiddiy asoratlarni oldini olish ham jadal tibbiy kuzatuv va davolashni talab etadi.

Chiqarilish shakli

10 tabletkadan kontur uyasiz o‘ramda yoki kontur uyali o‘ramda.
Kontur uyasiz yoki kontur uyali o‘ramlar teng miqdordagi qo‘llash bo‘yicha yo‘riqnomasi bilan guruh o‘ramiga joylanadi.

Saqlash sharoiti

Quruq, yorug‘likdan himoyalangan joyda saqlansin.

Yaroqlilik muddati

2 yilu 6 oy.

Dorixonalardan berish tartibi

Shifokor retsepti bo‘yicha.
Ishlab chiqaruvchining nomi, manzili va dori preparatini ishlab chiqarish maydonchasi manzili/e'tirozlarni qabul qiluvchi korxona
“DALXIMFARM” OAJ,
680001, Rossiya Federatsiyasi, Xabarovsk o‘lkasi,
Xabarovsk sh., Tashkentskaya ko‘ch., 22,
t/f (4212) 53-91-86