L-lizin estsinat 5 ml №10

Tavsif

Preparatning savdo nomi

L-lizin estsinat
Ta'sir etuvchi modda (XPN): lizin (lysine)

Dori shakli

in'ektsiya uchun eritma

Tarkibi

1 ml eritma quyidagilarni saqlaydi:
faol modda: 1 mg L-lizina estsinat 100% moddaga qayta hisoblaganda;
yordamchi moddalar: 96% li etanol, propilenglikol, in'ektsiya uchun suv.

Ta'rifi

tiniq, rangsiz suyuqlik.

Farmakoterapevtik guruhi

vazoprotektorlar. Kapillyarlarni barqarorlashtiruvchi vositalar.
ATX kodi: S05SX

Farmakologik xususiyatlari

Farmakodinamika

Preparat yallig‘lanishga qarshi, shishlarga qarshi va og‘riqsizlantiruvchi ta'sir ko‘rsatadi. Estsin lizosomal gidrolazalarning faolligini pasaytiradi, bu kapillyarlar devorida va biriktiruvchi mukopolisaxaridlarni parchalanishini oldini oladi, ularni o‘rab oladi, shu bilan birga o‘tkazuvchanligi yuqori tomir-to‘qimalarni normallashtiradi va antiekssudativ (shishlarga qarshi), yallig‘lanishga qarshi va og‘riqsizlantiruvchi ta'sir ko‘rsatadi. Preparat qon tomirlarning tonusini oshiradi, immunitetni muvofiqlashtiruvchi va gipoglikemik samara namoyon qiladi.

Farmakokinetikasi

O‘rganilmagan.

Qo‘llanilishi

Posttravmatik, intra- va operatsiyadan keyingi turli joydagi shishlarni majmuaviy davolash tarkibida: bosh va orqa miyaning og‘ir shishlari, shu jumladan bosh suyagi ichki qon quyilishlari, bosh miya ichki bosimini oshishi, shishish ko‘rinishlari; bosh miya qon aylanishini surunkali buzilishi va vegeto-tomirli distoniyada likvor-venozli buzilishlar; tayanch-harakat apparatini jalb qilingan qon bilan ta'minlanishini lokal buzilishlari va og‘riq sindromi bilan kechadigan yumshoq to‘qimalarning shishi; umurtqa pog‘onasi, gavda, oyoq-qo‘llarning shish-og‘riq sindromi; shish-yallig‘lanish sindromi bilan kechuvchi o‘tkir tromboflebitda oyoqlarning venoz qon aylanishini og‘ir buzilishida qo‘llanadi.

Qo‘llash usuli va dozalari

Preparat qat'iy vena ichiga (arteriya qon tomiriga yuborilmasin!) 5-10 ml sutkalik dozada sekin yuboriladi. Vena ichiga tomchilab yuborish tavsiya etilgan. Infuzion eritma tayyorlashda L-lizina estsinat natriy xloridning 15-50 ml 0,9% li eritmasida eritiladi.
Bemorni hayotiga xavf soluvchi holatlarda (o‘tkir bosh miya jarohatlari, intra- va operatsiyadan keyingi shishish ko‘rinishlari bo‘lgan bosh va orqa miya shishlari, yumshoq to‘qimalar va tayanch-harakat apparatining katta jarohatlari natijasida katta o‘lchamli shishlik) sutkalik dozani 2 yuborishga bo‘lib 20 ml gacha oshiriladi.
Kattalar uchun maksimal sutkalik doza - 25 ml ni tashkil etadi.
Bolalarda bir martalik doza: 1-5 yosh – 1 kg tana vazniga 0,22 mg; 5-10 yosh – 0,18 mg/kg; 10 yosh va undan kattalarga - tana vazniga 0,15 mg/kg L-lizina estsinatni tashkil qiladi. Preparat sutkada 2 marta yuboriladi.
Davolash kursining davomiyligi – bemorning holati va davolashni samaradorligiga qarab 2 kundan 8 kungachani tashkil qiladi.
Nojo‘ya ta'sirlari
Alohida patsiyentlarda estsinga nisbatan individual yuqori sezuvchanlikda quyidagi nojo‘ya ta'sirlar yuzaga chiqishi mumkin:
allergik reaktsiyalar: teri toshmasi (papulyoz, petexial, eritematoz), qichishish, terini giperemiyasi, gipertermiya, eshakemi, yakka hollarda – Kvinke shishi, anafilaktik shish;
markaziy va periferik nerv tizimi tomonidan: bosh og‘rig‘i, bosh aylanishi, tremor, paresteziya, yakka hollarda – lapanglab yurish, muvozanatni buzilishi, qisqa muddatli hushni yo‘qotish;
jigar va biliar tizimi tomonidan: transaminaza va bilirubin darajasini oshishi;
me'da-ichak yo‘llari tomonidan: ko‘ngil aynishi, yakka hollarda – qusish, diareya, qorinda og‘riq;
yurak-qon tomir tizimi tomonidan: arterial gipotenziya, arterial gipertenziya, taxikardiya, ko‘krak qafasida og‘riq;
nafas a'zolari tomonidan: yakka hollarda – havo yetishmaslik hissi, hansirash, bronxoobtruktsiya, quruq yo‘tal;
mahalliy reaktsiyalar: vena ichiga yuborish mobaynida achishish hissi, flebit, yuborilgan joyda og‘riq va shish;
boshqalar: umumiy holsizlik, et uvushishi, qizib ketish hissi, belda og‘riq, ko‘p terlash.

Qo‘llash mumkin bo‘lmagan holatlar

- L-lizina estsinatga va/yoki preparatni boshqa komponentiga yuqori sezuvchanlik;
- qon ketishini faol davom etishi, bunda gemodinamika noturg‘un kechadi;
- buyrak funktsiyasini og‘ir buzilishi;
- jigar funktsiyasini og‘ir buzilishi;
- homiladorlik;
- emizish davri;
- 1 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
L-lizina estsinat bilan davolashda ko‘rmatmalarga muvofiq boshqa dori vositalari (yallig‘lanishga qarshi, og‘riqsizlantiruvchi, antibakterial) ni buyurish mumkin. Nefrotoksiklikni oshishi mumkinligi tufayli preparatni aminoglikozidlar bilan bir vaqtda qo‘llash kerak emas. L-lizina estsinatni buyurishdan oldin o‘tkazilgan uzoq muddatli antikoagulyantlar bilan davolash hollarida yoki zarurat bo‘lganida L-lizina estsinat va antikoagulyantlar bir vaqtda qo‘llanganida oxirgining dozasini tuzatish (dozani kamaytirish) va protrombin indeksining nazoratini o‘tkazish kerak.

Maxsus ko‘rsatmalar

Gepatoxoletsistiti bo‘lgan alohida bemorlarda preparat buyurilganida transaminaza va bilirubin (erkin frantsiyasi) faolligini qisqa muddatli oshishi kuzatilishi mumkin, bu bemorlar uchun xavf tug‘dirmaydi va preparatni bekor qilish talab etilmaydi.
Homiladorlik yoki emizish davrida qo‘llanishi
Preparatni homiladorlik yoki emizish davrida qo‘llash mumkin emas (davolash vaqtida emizishni to‘xtatish kerak).
Avtotransportni boshqarish va boshqa mexanizmlar bilan ishlash reaktsiya tezligiga ta'sir etish qobiliyati
Hozirgi vaqtda xabarlar yo‘q, biroq preparatni qo‘llaganda nerv tizimi tomonidan taxmin qilingan nojo‘ya reaktsiyalar rivojlanishini mumkinligini inobatga olish kerak.
Bolalar
1 yoshgacha bo‘lgan bolalarga preparatni qo‘llash mumkin emas.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: qizib ketish, taxikardiya, menorragiya, ko‘ngil aynishi, jig‘ildon qaynashi, epigastriyada og‘riq.
Davolash: simptomatik davolash.

Chiqarilish shakli

5 ml dan ampulada. 5 ampuladan plyonka bilan qoplangan blisterda. 2 blisterdan qo‘llash bo‘yicha yo‘riqnomasi va ampula skarifikatori bilan birga qutiga joylanadi.

Saqlash sharoiti

Original o‘ramida 25°C dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept buyicha.

Ishlab chiqaruvchi

“Galichfarm” JAJ,
Ukraina, 79024, Lьvov sh.,Oprыshkovskaya ko‘ch., 6/8.