Valavir tab 500 mg.№10

Tavsif

Preparatning savdo nomi

Valavir.
Ta'sir etuvchi modda (XPN): valatsiklovir (valasiclovir)

Dori shakli

qobiq bilan qoplangan tabletka.

Tarkibi

1 tabletka quyidagilarni saqlaydi:
faol modda: 500 mg valatsiklovir 100% suvsiz moddaga qayta hisoblaganda 556 mg valatsiklovir gidroxloridi;
yordamchi moddalar: mikrokristall sellyuloza (101), povidon, suvsiz kolloid kremniy dioksidi, krospovidon, magniy stearati;
qobig‘ining tarkibi: Sepifilm 050 (metilgidroksipropiltsellyuloza, atsetillangan mikrokristall sellyuloza (yoki murakkab efirlar atsetatlari) mono- va diglitseridlar), kandurin.

Ta'rifi

uzunchoq shaklli, ikki yoqlama qavariq yuzali, riskali, deyarli oq rangli sadaf plyonkali qobiq bilan qoplangan tabletkalar.

Farmakoterapevtik guruhi

bevosita ta'sirga ega viruslarga qarshi preparatlar.
ATX kodi: J05AB11.

Farmakologik xususiyatlari

Farmakodinamikasi

Valavir - purin (guanit) nukleozidining analogi bo‘lgan atsiklovirning L-valin efiridir. Organizmda valatsiklovir valatsiklovirgidrolaza yordamida atsiklovir va valinga aylanadi. Atsiklovir – in vitro sharoitida I va II tip oddiy gerpes virusiga, Varicella zoster, sitomegalovirus, Epshteyn-Barr va odam IV tipi gerpesi virusiga qarshi faollikka ega bo‘lgan gerpes virusining spetsifik ingibitoridir. Atsiklovir fosforlangandan keyin va faol shakli atsiklovir trifosfatiga aylangandan keyin darhol virus DNK sintezini ingibitsiya qiladi. Fosforlanishning birinchi bosqichida virusospetsifik fermentning faolligi talab etiladi. Oddiy gerpes virusi, Varicella zoster virusi, Epshteyn-Barr virusi uchun bu faqat virus bilan infektsiyalangan xujayralarda mavjud bo‘lgan virus timidinkinazasi (TK) dir. Sitomegalovirus infektsiyasida fosforlanishning qisman selektivligi saqlanib qoladi va UL97 fosfotransferaza genining mahsuloti orqali amalga oshadi. Atsiklovirni spetsifik virus fermenti tomonidan faollashuvi uning selektivligini ahamiyatli darajada tushuntiradi.
Atsiklovirni fosforlanish jarayoni (mono- dan trifosfatga aylanishi) xujayralar kinazasi tomonidan amalga oshiriladi. Atsiklovir trifosfat virus DNK-polimerazasini raqobatli ingibitsiya qiladi va virus DNK siga kiradi, bu zanjirni obligat (to‘liq) uzilishiga, DNK sintezini to‘xtashiga va shu orqali virus replikatsiyasini bloklanishiga olib keladi.
Rezistentlik, timidinkinaza tanqisligi bilan bog‘liq bo‘lib, bu virusni xo‘jayin organizmida haddan ziyod tarqalishiga olib keladi. Ba'zida atsiklovirga sezuvchanlikni pasayishi virus TK yoki DNK-polimerazasining strukturasi buzilgan virus shtammlarini paydo bo‘lishi bilan bog‘liq. Virusning bunday turlarining virulentligi uning yovvoyi shtamminikiga o‘xshash.
Atsiklovir bilan davolangan bemorlarda oddiy gerpes va Varicella zoster virusining klinik izolyatlarini keng monitoring qilish, immuniteti normal bo‘lgan bemorlarda atsiklovirga sezuvchanlikni pasayishi kam hollarda kuzatiladi va immunitetni og‘ir buzilishlari, masalan a'zolar transplantatsiyasidan keyn yoki suyak ko‘migi retsipiyentlarida, xavfli o‘smalarni ximioterapiya o‘tkazilganda va OITV-infektsiyalangan bemorlarda tez-tez namoyon bo‘lmasligini aniqlash imkonini bergan.
Valatsiklovir o‘rab oluvchi gerpesni davolaganda og‘riqni to‘xtashini tezlashtiradi, og‘riq sindromi davomiyligini, shuningdek og‘riq ko‘chaygan, shu jumladan o‘tkir va postgerpetik nevralgiyasi bo‘lgan bemorlar sonini kamaytiradi.
Valatsiklovir yordamida sitomegalovirus infektsiyasini oldini olish transplantatni o‘tkir ko‘chishi (buyrak ko‘chirib o‘tkazilgan bemorlar) xavfini, opportunistik infektsiyalar va gerpes virusi chaqiradigan (oddiy gerpes va Herpes zoster chaqirgan virus) boshqa infektsiyalarni yuzaga kelishi tez-tezligini kamaytiradi.

Farmakokinetikasi

So‘rilishi
Valatsiklovir peroral qabul qilingandan keyin yaxshi so‘riladi, atsiklovir va valinga tez va deyarli to‘liq aylanadi. Bu aylanish ehtimol odam jigaridan ajratib olingan valatsiklovirgidrolaza fermenti yordamida amalga oshiriladi. 1 g valatsiklovir qabul qilinganda atsiklovirning biokiraolishligi 54% ni tashkil qiladi va ovqat qabul qilish vaqtida kamaymaydi. Doza oshirilganda so‘rilish tezligi va darajasi pasayadi, bunda terapevtik dozalarda Smax ni kamroq darajada proportsional oshishini va 500 mg dan yuqori doza qo‘llanilganda biokiraolishligini kamayishini chaqiradi. Buyrak funktsiyasi normal bo‘lgan sog‘lom ko‘ngillilar tomonidan valatsiklovirning 250-2000 mg bir martalik dozasi qo‘llanilgandan keyin atsiklovirning o‘rtacha cho‘qqi kontsentratsiyasi 10-37 mkmol (2,2-8,3 mkg/ml), bu kontsentratsiyaga erishish vaqtining medianasi esa – 1-2 soatni tashkil qiladi. Qon plazmasidagi valatsiklovirning cho‘qqi kontsentratsiyasi atsiklovir kontsentratsiyasini bor yo‘g‘i 4% ni tashkil qiladi va o‘rtacha 30-100 minutda erishiladi va 3 soatdan keyin aniqlab bo‘lmaydigan darajagacha kamayadi. Bir marta va takroran yuborilganda valatsiklovir va atsiklovirning farmakokinetik ko‘rsatkichlari o‘xshash bo‘ladi.
Taqsimlanishi
Valatsiklovirni plazma oqsillari bilan bog‘lanishi past – 15%. Orqa miya suyuqligi (OMS)/qon plazmasi AUC nisbati yordamida aniqlanadigan OMS ga kirishi atsiklovir va 8-gidroksiatsiklovir metaboliti uchun taxminan 25% va 9-karboksimetokimetilguanin metaboliti uchun 2,5% ni tashkil qiladi.
Metabolizmi
Peroral qabul qilingandan keyin valatsiklovir ichakda va/yoki jigarda birinchi o‘tish metabolizmi orqali atsiklovir va L-valinga aylanadi. Atsiklovir kam miqdorda alkogol- va aldegid-degidrogenaza yordamida 9-karboksimetokimetilguanin metabolitiga va aldegidoksidaza yordamida 8-gidroksiatsiklovir metabolitiga aylanadi. Qon plazmasidagi preparatning umumiy ekspozitsiyasining taxminan 88% atsiklovirga, 11% - 9-karboksimetokimetilguaninga va 1% - 8-gidroksiatsiklovirga tegishli. Valatsiklovir ham, atsiklovir ham sitoxrom R450 fermentlari tomonidan metabolizmga uchramaydi.
Chiqarilishi
Buyrak funktsiyasi normal bo‘lgan bemorlarga valatsiklovir bir marta yoki ko‘p marta yuborilgandan keyin atsiklovirning yarim chiqarilish davri taxminan 3 soatni tashkil qiladi. Valatsiklovir siydik bilan asosan atsiklovir (dozaning 80% ko‘prog‘i) va uning 9-karboksimetokimetilguanin metaboliti ko‘rinishida chiqariladi.
Patsiyentlarning alohida guruhlari
Buyrak yetishmovchiligining terminal bosqichida bo‘lgan bemorlarda atsiklovirning yarim chiqarilish davri taxminan 14 soatni tashkil qiladi.
O‘rab oluvchi gerpes virusi va oddiy gerpes virusi valatsiklovir peroral qo‘llanilgandan keyin atsiklovir va valatsiklovirning farmakokinetikasini ahamiyatli darajada o‘zgartirmaydi.
Homiladorlikning kechki davrlari vaqtida valatsiklovir va atsiklovirning farmakokinetik tadqiqotlarida 1000 mg dozada valatsiklovir qo‘llanilgandan keyin plato fazasidagi “kontsentratsiya-vaqt” egri chizig‘i ostidagi maydon atsiklovir sutkada 1200 mg dozada peroral qo‘llanilgandan keyingiga nisbatan taxminan 2 marta yuqori bo‘lgan.
OITV-infektsiyasi bo‘lgan patsiyentlarda valatsiklovirning 1000 mg yoki 2000 mg bir martalik yoki ko‘p martalik dozalari qo‘llanilgandan keyin atsiklovirning farmakokinetik xarakteristikalari sog‘lom shaxslardagiga nisbatan o‘zgarmagan.
Valatsiklovirning 2000 mg dozada sutkada 4 marta qabul qilgan a'zolar transplantati retsipiyentlarida atsiklovirning kontsentratsiyasi preparatning xuddi shunday dozasini qabul qilgan sog‘lom ko‘ngillilardagiga teng bo‘lgan yoki oshgan, “kontsentratsiya-vaqt” egri chizig‘i ostidagi maydonning sutkalik ko‘rsatkichlari ahamiyatli darajada yuqori bo‘lgan.

Qo‘llanilishi

O‘rab oluvchi gerpes (herpes zoster) ni davolash.
Oddiy gerpes virusi, shu jumladan birlamchi va qaytalanuvchi genital gerpes virusi chaqirgan teri va shilliq qavatlar infektsiyasini davolash.
Labial gerpes (lab isitmasi) ni davolash.
Oddiy gerpes virusi, shu jumladan genital gerpes virusi chaqirgan teri va shilliq qavatlar infektsiyalari qaytalanishini preventiv davolash (supressiya).
Xavfsiz jinsiy aloqa bilan majmuada Valavirni supressiv davolash sifatida qo‘llanilganda sog‘lom sherikka genital gerpes virusini yuqishini kamaytirish.
Sitomegalovirus infektsiyasi va a'zolar transplantatsiyasidan keyin kasalliklarni oldini olishda qo‘llanadi.

Qo‘llash usuli va dozalari

O‘rab oluvchi gerpesni davolash: kattalarga Valavir 1000 mg (2 tabletka) dan sutkada 3 marta 7 kun davomida buyuriladi.
Oddiy gerpes virusi chaqirgan infektsiyalarni davolash
Immuniteti normal bo‘lgan bemorlar (kattalar): preparat 500 mg (1 tabletka) dan sutkada 2 marta buyuriladi.
Qaytalanuvchi holatlarda davolash 3 yoki 5 kun davom etishi kerak. Og‘irroq bo‘lishi mumkin bo‘lgan kasallikni birlamchi kechishida davolash 5 kundan 10 kungacha davom etishi kerak. Davolashni iloji boricha erta boshlash kerak. Oddiy gerpes virusi chaqirgan infektsiyaning qaytalanuvchi shakllarida preparatni prodromol davrda yoki birinchi sipmtolar paydo bo‘lishi bilanoq qo‘llagan afzal. Valavir kasallikning birinchi simptomlari paydo bo‘lishi bilanoq davolash boshlanganida oddiy gerpes virusi chaqirgan infektsiyani qaytalanishlarida asoratlarni rivojlanishini oldini olishi mumkin.
Labial gerpes (lab isitmasi) ni muqobil davolash uchun Valavirning samarali dozasi bo‘lib 2000 mg (4 tabletka) sutkada 2 marta 1 kun davomida qo‘llash hisoblanadi. Ikkinchi dozani birinchi dozadan taxminan 12 soatdan (6 soatdan oldin emas) keyin qo‘llash kerak. Bunday dozalash tartibida davolash davomiyligi 1 kundan oshmasligi kerak, chunki uzoqroq vaqt qo‘llash davolashning klinik samaradorligini oshirmasligi isbotlangan. Davolashni labial gerpesning birinchi erta simptomlari (lab sohasida uvishish, qichishish yoki achishish hissi) paydo bo‘lganida boshlash kerak.
Oddiy gerpes virusi chaqirgan infektsiyalarni qaytalanishini preventiv davolash (supressiya):
- immuniteti normal bo‘lgan bemorlarga (kattalar) preparat 500 mg (1 tabletka) sutkada 1 marta buyuriladi;
- immuntanqisligi bo‘lgan bemorlarga (kattalarga) preparat 500 mg (1 tabletka) sutkada 2 marta buyuriladi.
Genital gerpes virusi yuqishini kamaytirish
Yiliga 9 va undan ko‘p zo‘rayishlar kuzatilgan immuniteti normal bo‘lgan geteroseksual kattalarga Valavir infektsiyalangan sherikka 500 mg dozada sutkada 1 marta buyuriladi.
Bemorlarning boshqa populyatsiyalarida genital gerpes virusi yuqishini kamaytirish haqidagi ma'lumotlar yo‘q.
Sitomegalovirus infektsiyasi va kasalligini oldini olish
Kattalar va 12 yoshdan oshgan bolalarga: Valavir 2000 mg (1 tabletka) dozada sutkada 4 marta transplantatsiyadan keyin iloji boricha ertaroq buyuriladi. Buyrak yetishmovchiligida doza kamaytiriladi (“Buyrak funktsiyasini buzilishida dozalash” ga qarang). Davolash davomiyligi odatda 90 kunni tashkil qiladi, lekin xavf darajasi yuqori bo‘lgan patsiyentlar uchun uzaytirilishi mumkin.
Buyrak funktsiyasini buzilishida dozalash
Buyrak funktsiyasini buzilishi bo‘lgan bemorlarga valatsiklovirni ehtiyotkorlik bilan buyurish kerak. Organizmning adekvat darajadagi gidratatsiyasini albatta tutib turish kerak.
Dozalash tartibi kreatinin klirensi va ko‘rsatmalarga bog‘liq va jadvalda keltirilgan.
Terapevtik ko‘rsatmalar Kreatinin klirensi, ml/min Valavirning dozasi
Herpes zoster (davolash) immuniteti normal bo‘lgan katta bemorlar va immuntan-qisligi bo‘lgan bemorlar 50 va undan yuqori
30-49
10-29
10 dan kam 1 g sutkada 3 marta
1 g sutkada 2 marta
1 g sutkada 1 marta
500 mg sutkada 1 marta
Herpes simplex (davolash)
immuniteti normal bo‘lgan katta bemorlar 30 va undan yuqori
30 dan kam 500 mg sutkada 2 marta
500 mg sutkada 1 marta
Herpes labialis (davolash)
immuniteti normal bo‘lgan katta bemorlar 50 va undan yuqori
30-49
10-29
10 dan kam 2 g sutkada 2 marta
1 g sutkada 2 marta
500 mg sutkada 2 marta
500 mg sutkada 1 marta
Herpes simplex (profilaktika)
immuniteti normal bo‘lgan katta bemorlar 30 va undan yuqori
30 dan kam 500 mg sutkada 1 marta
250 mg* sutkada 1 marta
immuntanqisligi bo‘lgan katta bemorlar 30 va undan yuqori
30 dan kam 500 mg sutkada 2 marta
500 mg sutkada 1 marta
Sitomegalovirus infektsiyasi profilaktikasi
75 va undan yuqori
50-74
25-49
10-24
10 dan kam yoki dializ 2 g sutkada 4 marta
1,5 g sutkada 4 marta
1,5 g sutkada 3 marta
1,5 g sutkada 2 marta
1,5 g sutkada 1 marta
* preparatning 250 mg dozadagi tabletkalari bo‘lganida qo‘llanilsin.
Vaqti-vaqti bilan o‘tkaziladigan gemodializda bo‘lgan patsiyentlarda Valavirning kreatinin klirensi minutiga 15 ml dan yuqori bo‘lgan patsiyentlarda qo‘llanadigan dozada qo‘llash tavsiya etiladi. Dozani gemodializ o‘tkazilganidan keyin buyurish kerak.
Kreatinin klirensini doimo nazorat qilish kerak, ayniqsa buyrak funktsiyasi tez o‘zgarishi mumkin bo‘lganda, masalan transplantatsiyadan keyin darhol. Tegishli ravishda Valavirning dozasini o‘zgartirish kerak.
Jigar funktsiyasini buzilishida dozalash
Yengil yoki o‘rtacha darajadagi jigar sirrozi bo‘lgan bemordarda dozani o‘zgartirish talab etilmaydi (jigarning sintez qiluvchi funktsiyasi saqlanib qolgan). Sirrozning kechki bosqichlarida (jigarning sintez qiluvchi funktsiyasini buzilishlari va portal blok belgilari bo‘lganida) farmakokinetik ko‘rsatkichlar dozani o‘zgartirish kerakligi yo‘qligidan dalolat beradi, lekin klinik tajriba cheklangan.
Sutkada yuqori dozalarni (4000 mg va undan yuqori) qo‘llash haqida “Qo‘llashning o‘ziga xosligi” bo‘limiga qarang.
Keksa yoshdagi patsiyentlar
Buyrak funktsiyasini buzilishlaridan saqlanish uchun Valavirning dozasiga tuzatish kiritish kerak (“Buyrak funktsiyasini buzilishlarida dozalash” bo‘limiga qarang).
Organizmning adekvat darajadagi gidratatsiyasini tutib turish kerak.
Nojo‘ya ta'sirlari
Jiddiy nojo‘ya reaktsiyalar orasida trombotik trombotsitopenik purpura/gemolitik uremik sindrom, o‘tkir buyrak yetishmovchiligi va nevrologik buzilishlar haqida xabar berilgan.
Nerv tizimi tomonidan: bosh og‘rig‘i.
Ovqat hazm qilish yo‘llari tomonidan: ko‘ngil aynishi.
Qon va limfatik tizim tomonidan: leykopeniya (asosan immuntanqisligi bo‘lgan bemorlarda kuzatiladi), trombotsitopeniya.
Immun tizimi tomonidan: anafilaksiya.
Nerv tizimi tomonidan va ruhiy buzilishlar: bosh aylanishi, ongni chalkashishi, gallyutsinatsiyalar, aqliy qobiliyatni pasayishi, qo‘zg‘alish, tremor, ataksiya, dizartriya, ruhiy simptomlar, konvulsiyalar, entsefalopatiya, koma. Yuqorida ta'riflangan simptomlar ko‘pgina hollarda qaytuvchan va asosan buyrak yetishmovchiligi yoki moyillikning boshqa omillari bo‘lgan bemorlarda kuzatiladi (“Maxsus ko‘rsatmalar” bo‘limiga qarang). Sitomegalovirus infektsiyasini oldini olish uchun yuqori dozalarda (sutkada 8 g) valatsiklovir qabul qilayotgan a'zolar transplantatsiyasidan keyingi bemorlarda pastroq dozalarni qabul qilayotgan bemorlarga nisbatan nevroligik reaktsiyalar ko‘proq rivojlanadi.
Nafas tizimi va ko‘krak qafasi a'zolari tomonidan: hansirash.
Ovqat hazm qilish yo‘llari tomonidan: qorinda diskomfort, qusish, diareya.
Gepatobiliar tizim tomonidan: jigar funktsional testlari darajasini qaytuvchan oshishi. Davriy ravishda bu gepatit sifatida ta'riflanadi.
Teri va teris osti to‘qimalari tomonidan: toshma, shu jumladan fotosensibilizatsiya ko‘rinishlari, qichishish, eshakemi, angionevrotik shish.
Buyrak va siydik chiqarish tizimi tomonidan: buyrak funktsiyasini buzilishi, o‘tkir buyrak yetishmovchiligi, buyrakda og‘riq (buyrak yetishmovchiligi bilan bog‘liq bo‘lishi mumkin), gematuriya (ko‘pincha buyrak funktsiyasini buzilishlari bilan bog‘liq). Buyrak kanalchalarida atsiklovir pretsipitatlari hosil bo‘lishi haqida xabar berilgan. Davolash vaqtida suyuqlikni adekvat darajada qabul qilishni ta'minlash kerak (“Maxsus ko‘rsatmalar” bo‘limiga qarang).
Boshqalar: klinik tadqiqotlar vaqtida valatsiklovirning yuqori dozalarini (sutkada 8000 mg) qabul qilgan immuntanqisligi bo‘lgan og‘ir bemorlarda, ayniqsa OITV-kasalligining kechki bosqichlari bo‘lgan bemorlarda buyrak yetishmovchiligi, mikroangiopatik gemolitik anemiya va trombotsitopeniya (ayrim hollarda majmuada) haqida xabar berilgan. Bu ko‘rinishlar valatsiklavir bilan davolanmagan patsiyentlarda ham kuzatilgan.

Qo‘llash mumkin bo‘lmagan holatlar

Valatsiklovir, atsiklovir yoki preparatning biron-bir komponentiga yuqori sezuvchanligi bo‘lgan bemorlarda Valavirni qo‘llash mumkin emas.
Dorilarning o‘zaro ta'siri
O‘zaro ta'sirning klinik ahamiyatga ega biron-bir turlari aniqlanmagan.
Atsiklovir asosan o‘zgarmagan ko‘rinishda faol kanalchalar sekretsiyasi yo‘li bilan siydik orqali chiqariladi. Bir vaqtda buyuriladigan va shu mexanizmga ta'sirga ega biron-bir preparatlar Valavir qo‘llanilgandan keyin atsiklovirning qon plazmasidagi kontsentratsiyasini oshirishi mumkin. 1 g dozada Valavir qabul qilingandan keyin kanalchalar sekretsiyasini bloklovchi simetidin va probenetsid qabul qilinganda atsiklovirning “kontsentratsiya-vaqt” egri chizig‘i ostidagi maydon oshadi va uning buyrak klirensi kamayadi, lekin atsiklovirning keng terapevtik indeksini e'tiborga olib dozani o‘zgartirish zarurati yo‘q.
Valavirning yuqori dozalarini (sutkada 4 g va undan ko‘p) qabul qilayotgan bemorlarda chiqarilish yo‘li uchun atsiklovir bilan raqobatlashadigan dori vositalari bilan bir vaqtda buyurganda ehtiyotkorlikka rioya qilish kerak, chunki bu qon plazmasida bir yoki ikkala preparatlarning va ularning metabolitlarining darajasini oshishiga olib kelishi mumkin. Mikofenolat mofetil (a'zolar ko‘chirib o‘tkazilgandan keyin qo‘llanadigan immunosupressor preparat) bilan bir vaqtda qo‘llanilganda qon plazmasida atsiklovir va mikofenolat mofetilning faol bo‘lmagan metabolitining darajasi oshadi.
Shuningdek Valavirning yuqori dozalarini (4 g va undan ko‘p) va buyrak funktsiyasiga ta'sir ko‘rsatuvchi boshqa preparatlarni (masalan siklosporin, takrolimus) bir vaqtda qo‘llaganda ham ehtiyotkorlikka rioya qilish kerak.

Maxsus ko‘rsatmalar

Gidratatsiya: degidratatsiyaning yuqori xavfi bo‘lgan, ayniqsa keksa yoshdagi bemorlarda yuborilayotgan suyuqlikning adekvat miqdorini tutib turish kerak.
Buyrak funktsiyasini buzilishida va keksa yoshdagi bemorlarda qo‘llanishi
Atsiklovir buyrak orqali chiqariladi va shuning uchun buyrak funktsiyasini buzilishi bo‘lgan bemorlarda Valavirning dozasini kamaytirish kerak (“Qo‘llash usuli va dozalari” bo‘limiga qarang). Keksa yoshdagi bemorlarda buyrak funktsiyasi susayadi va dozaga tuzatish kiritishga muhtojlar. Buyrak funktsiyasini buzilishi bo‘lgan patsiyentlarda va keksa yoshdagi bemorlarda nevrologik asoratlar rivojlanishi xavfi oshadi, bu samaralarni aniqlash uchun ularni sinchkovlik bilan kuzatish kerak. Bunday reaktsiyalar ko‘p hollarda davolash to‘xtatilgandan keyin qaytuvchandir (“Nojo‘ya ta'sirlari” bo‘limiga qarang).
Jigar yetishmovchiligi va jigar transplantatsiyasida Valavirning yuqori dozalarini qo‘llash
Jigar kasalliklari bo‘lgan patsiyentlarda Valavirning yuqori dozalarini (sutkada 4 g va undan ko‘p) qo‘llash haqida ma'lumotlar yo‘q, shuning uchun bunday bemorlarga Valavirning yuqori dozalarini ehtiyotkorlik bilan buyurish kerak. Jigar transplantatsiyasida valatsiklovirni qo‘llash yuzasidan maxsus tadqiqotlar o‘tkazilmagan; lekin atsiklovirning yuqori dozalari yordamida profilaktika sitomegalovirus chaqirgan infektsiyalanish va kasallikning tez-tezligini kamaytirishi aniqlangan.
O‘rab oluvchi gerpesni davolaganda qo‘llanishi
Bemorlarni, ayniqsa immuniteti susaygan bemorlarni davolaganda klinik javobni diqqat bilan kuzatish kerak. Agar davolashga yetarli bo‘lmasa, vena ichiga viruslarga qarshi davolashni qo‘llash tavsiya etiladi. Asoratlangan o‘rab oluvchi gerpesi, masalan vistseral a'zolarni shikastlanishi, virusni tarqalishi, motor neyropatiya, entsefalit va serebrovaskulyar buzilishlari bo‘lgan patsiyentlarni vena ichiga viruslarga qarshi vositalar bilan davolash kerak.
Bundan tashqari ko‘zlarning gerpetik shikastlanishlari yoki kasallikni tarqalishining yuqori xavfi va vistseral a'zolarni shikastlanishi bo‘lgan immuniteti susaygan bemorlarni vena ichiga viruslarga qarshi vositalar bilan davolash kerak.
Genital gerpes virusini yuqishini kamayishi
Valavir bilan supressiv davolash genital gerpes yuqishi xavfini kamaytiradi. U gerpetik infektsiyani davolamaydi, shuningdek virusni yuqishi xavfini to‘liq inkor etmaydi. Valavir bilan davolashga qo‘shimcha bemorlar xavfsiz jinsiy aloqa qoidalariga rioya qilishlari tavsiya etiladi.
Sitomegalovirus infektsiyasida qo‘llanishi
A'zolar transplantatsiyasidan keyin profilaktika maqsadida sitomegalovirus infektsiyasining yuqori xavfi bo‘lgan bemorlarni davolaganda olingan preparatning samaradorligi yuzasidan ma'lumotlar, agar xavfsizlik sababli valgantsiklovir yoki gantsiklovir qo‘llanilishi to‘xtatilgan bo‘lsa, bu patsiyentlarda valatsiklovirni qo‘llash kerakligini namoyish qilgan. Sitomegalovirus infektsiyasini oldini olish uchun zarur bo‘lgan valatsiklovirning yuqori dozalarini qo‘llash, boshqa ko‘rsatmalarda qo‘llanadigan pastroq dozalarni qo‘llaganga nisbatan nojo‘ya reaktsiyalar, shu jumladan markaziy nerv tizimi tomonidan buzilishlarni yuzaga kelish tez-tezligini oshishini chaqirishi mumkin. Patsiyentlarning buyrak funktsiyasini diqqat bilan kuzatish va preparatning dozasiga tegishli tuzatish kiritish kerak.
Homiladorlik yoki emizish davrida qo‘llanishi
Fertillik
Hayvonlarda o‘tkazilgan tadqiqot ma'lumotlariga ko‘ra valatsiklovir fertillikka ta'sir ko‘rsatmagan. Lekin atsiklovirning parenteral yuqori dozalarini qo‘llash kalamushlar va itlarda testikulyar samara chaqirgan.
Valatsiklovirni odam fertilligiga ta'sirini o‘rganish yuzasidan tadqiqotlar o‘tkazilmagan, lekin 400 mg dan 1 g gacha dozalarda atsiklovirni 6 oy davomida har kuni qo‘llanilgandan keyin spermatozoidlarning miqdori, morfologiyasi va harakatchanligida o‘zgarishlar kuzatilmagan.
Homiladorlik
Valatsiklovirni homiladorlik davrida qo‘llash bo‘yicha ma'lumotlar cheklangan. Valavirni homiladorlarni qo‘llashgan faqat onani davolashdan potentsial foyda homila uchun bo‘lishi mumkin bo‘lgan xavfdan yuqori bo‘lgan hollardagina qo‘llash mumkin. Kuzatuv natijalari bo‘yicha bunday patsiyentlarning umumiy populyatsiyasiga nisbatan atsiklovir qabul qilgan homiladorlardan tug‘ilgan yangi tug‘ilgan chaqaloqlarda tug‘ma nuqsonlarni oshishi kuzatilmagan. Ularni yuzaga kelishining yagona sababini aniqlash uchun biron-bir tug‘ma nuqson maxsus yoki barqaror xarakterga ega bo‘lmagan. Kuzatilgan homiladorlarning sonini kamligi inobatga olib, valatsiklovirni homiladorlarda qo‘llashning xavfsizligi haqida ishonchli va yakuniy qaror qabul qilish mumkin emas.
Emizish
Homiladorlik davrida valatsiklovirni qo‘llash yuzasidan ma'lumotlar cheklangan. 500 mg valatsiklovir har kuni qo‘llanilgandan keyin valatsiklovirning ko‘krak sutidagi o‘rtacha cho‘qqi kontsentratsiyasi onaning qon plazmasidagi atsiklovirning kontsentratsiyasidan 0,5-2,3 (o‘rtacha 1,4) marta yuqori bo‘lgan. Atsiklovirning ko‘krak sutidagi kontsentratsiyasi va onaning qon plazmasidagi kontsentratsiyasining nisbati 1,4 dan 2,6 gacha (o‘rtacha 2,2) ni tashkil qiladi. Atsiklovirning ko‘krak sutidagi o‘rtacha kontsentratsiyasi 2,24 mkg/ml
(9,95 mkmol) ni tashkil qiladi. Ona tomonidan 500 mg dozada sutkada 2 marta valatsiklovir qabul qilinganida, bola ko‘krak suti bilan atsiklovirning taxminan sutkada 0,61 mkg/kg dozasini qabul qiladi. Atsiklovirning ko‘krak sutidan yarim chiqarilish davri qon plazmasidan yarim chiqarilish davriga o‘xshash. Onaning qon plazmasi, ko‘krak suti yoki bolaning siydigida o‘zgarmagan valatsiklovir aniqlanmaydi.
Emizish davrida Valavirni ayollarga ehtiyotkorlik bilan, faqat klinik zarur bo‘lgan hollardagina buyurish kerak. Lekin atsiklovir oddiy gerpes virusi chaqirgan yangi tug‘ilgan chaqaloqlarni sutkada 30 mg/kg dozalarda vena ichiga yuborish yo‘li bilan davolash uchun qo‘llanadi.
Bolalar.
Sitomegalovirus infektsiyasi va kasalligini oldini olish uchun 12 yoshdan oshgan bolalarda qo‘llanadi.
Avtotransport yoki boshqa mexanizmlarni boshqarganda reaktsiya tezligiga ta'sir qilish qobiliyati
Bu masala bo‘yicha klinik tadqiqot ma'lumotlari yo‘q, valatsiklovirning farmakologiyasi biron-bir salbiy ta'sirni kutishga asos yo‘qligini ko‘rsatadi. Lekin patsiyentning avtomobilni yoki boshqa mexanizmlarni boshqarish qobiliyatini baholaganda uning klinik holatini va Valavirning nojo‘ya samaralar profilini e'tiborga olish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari. Valatsiklavirning dozasi oshirib yuborilganda o‘tkir buyrak yetishmovchiligi va nevrologik simptomlar, shu jumladan ongni chalkashishi, gallyutsinatsiyalar, ajitatsiya, aqliy qobiliyatni pasayishi va koma rivojlanishi haqida xabar berilgan. Ko‘ngil aynishi va qusish kuzatilishi mumkin. Behosdan dozani oshirib yuborilishini oldini olish uchun qo‘llaganda ehtiyotkorlikka rioya qilish kerak. Dozani oshirib yuborilishining ko‘pgina simptomlari, muvofiq ravishda doza kamaytirilmagan preparatni buyrak yetishmovchiligi bo‘lgan bemorlarni va keksa yoshdagi bemorlarda qo‘llash bilan bog‘liq bo‘lgan.
Davolash. Toksiklik ko‘rinishlarini aniqlash uchun patsiyentlar sinchkov tibbiyo kuzatuv ostida bo‘lishlari kerak. Gemodializ qondan atsiklovirni chiqarilishini ahamiyatli darajada tezlashtiradi va shuning uchun uni simptomatik dozani oshirib yuborganda optimal davolash usuli deb hisoblash mumkin.

Chiqarilish shakli

6 tabletkadan blisterda. 7 blisterdan qutida.
10 tabletkadan blisterda. 1 blisterdan qutida.

Saqlash sharoiti

Original o‘ramida, 25°S dan yuqori bo‘lmagan haroratda saqlansin.
Yaroqlilik muddati.
3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Farmak» JAJ.
Ishlab chiqaruvchining manzili va faoliyat ko‘rsatish joyi manzili
Ukraina, 04080, Kiyev sh., Frunze ko‘ch., 74
O‘zbekiston Respublikasi xududida dori vositalarining sifati bo‘yicha e'tirozlar (takliflar)ni qabul qiluvchi tashkilot nomi va manzili:
100000, Toshkent sh., A.Qodiriy ko‘ch., 39.
Tel./faks: 235-77-13, 235-67-05