Vitaprost tabletkalar 20mg №20(Nijfarm)

Tavsif

Preparatning savdo nomi

Vitaprost
Ta'sir etuvchi modda (XPN): Prostata bezi ekstrakti

Dori shakli

Ichakda eruvchi qobiq bilan qoplangan tabletkalar

Tarkibi

faol modda: prostata ekstrakti – 100 mg (suvda eriydigan peptidlarga qayta hisoblanganda – 20 mg);
yordamchi moddalar: saxaroza, laktoza monogidrati, kaltsiy stearati monogidrati, krospovidon, mikrokristallik sellyuloza; qobiq tarkibi: metakril kislotasining va etilakrilat bilan [1:1] sopolimeri, titan dioksidi, talk, trietiltsitrat, kremniy oksidi, natriy gidrokarbonati, natriy laurilsulfati, indigokarmin.

Ta'rifi

moviy rangdan to och-ko‘k rangligacha bo‘lgan, dumaloq, ikki tomoni qavariq tabletkalar, hollari bo‘lishi mumkin.

Farmakoterapevtik guruhi

prostata bezi kasalliklarida qo‘llanadigan vosita.
ATX kodi: G04VX

Farmakologik xususiyatlari

Vitaprost prostata beziga organotrop ta'sir ko‘rsatadi. Prostata bezining shish darajasini, leykotsitar infiltratsiyasini kamaytiradi, epitelial hujayralarning sekretor faoliyatini me'yorlashtiradi, atsinuslarning shirasida letsitin zarrachalarining sonini oshiradi, qovuqning mushak tonusini rag‘batlantiradi. Tromblar hosil bo‘lishini, antiagregantlik faollikni kamaytirishi hisobiga prostata bezida mikrotsirkulyatsiyani yaxshilaydi, prostata bezidagi venulalarning trombozini rivojlanishiga to‘sqinlik qiladi.
Klinik tadqiqotlarning ma'lumotlari asosida, Vitaprost ni prostata bezining hajmini o‘rtacha kichraytirishi isbotlangan. Preparat prostata bezining xavfsiz giperplaziyasida obstruktiv va irritativ belgilarining yaqqolligini kamaytiradi, bu siydik oqimini maksimal va o‘rtacha hajm tezligini oshishi va qoldiq siydik hajmini kamayishi bilan namoyon bo‘ladi.
Klinik tadqiqotlarning ma'lumotlari Vitaprost preparatini qo‘llash surunkali prostatitni zo‘rayishini rivojlanish ehtimolini kamaytiradi, qonning klinik va biokimyoviy tahlili, umumiy siydik tahlili ko‘rsatkichlarini o‘zgarishini chaqirmasligini ko‘rsatadi. Vitaprost preparatini surunkali prostatitning zo‘rayishini oldini olish uchun qo‘llash samarasi tadqiqotchi - shifokorlarning bahosi bo‘yicha 97,5% ni tashkil qiladi.
Vitaprost prostata bezining shirasi va eyakulyat parametrlarini me'yorlashtiradi. Prostatit chaqirgan og‘riq va diskomfortni kamaytiradi, dizurik holatlarni bartaraf qiladi, kopulyativ faoliyatni yaxshilaydi.

Qo‘llanilishi

Surunkali abakterial prostatit.
Surunkali abakterial prostatitni zo‘rayishini oldini olish.
Prostatata bezining xavfsiz giperplaziyasi.
Prostata bezidagi operativ aralashuvlardan oldingi va keyingi holatlar.

Qo‘llash usuli va dozalari

Ichga, 1 tabletkadan kuniga 2 marta.
Vitaprost preparati bilan prostata bezining xavfsiz giperplaziyasini davolash kursining davomiyligi – kamida 30 kun, surunkali prostatitda – kamida 10 kunni tashkil qiladi.
Surunkali prostatitning zo‘rayishlarini oldini olish uchun 1 tabletkadan kuniga 2 marta kamida 30 kun davomida – yiliga 1-2 marta qo‘llanadi.
Nojo‘ya ta'sirlari
Allergik reaktsiyalar juda kam uchraydi.
Agar yuqorida ko‘rsatilgan nojo‘ya samaralardan birontasi og‘irlashsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik. Laktaza tanqisligi, saxaraza/izomaltaza tanqisligi, laktozani o‘zlashtiraolmaslik, fruktozani o‘zlashtiraolmaslik, glyukoza-galaktozani kam so‘rilish sindromi (preparat laktoza va saxaroza saqlaydi).
Dorilarning o‘zaro ta'siri
Agar Siz har qanday boshqa preparatlarni qabul qilayotgan bo‘lsangiz, unda davolashni boshlashdan oldin shifokor bilan maslahatlashish lozim.
Boshqa dori vositalari bilan o‘zaro ta'sir yoki nomutanosiblik holatlari ta'riflanmagan.

Maxsus ko‘rsatmalar

Surunkali prostatitni va prostata bezidagi operativ aralashuvlardan oldingi va keyingi holatlarni davolash, Vitaprost® tabletkalari bilan birga boshqa dori vositalarini qo‘llash va nomedikamentoz davolash usullari bilan birga majmuaviy bo‘lishi kerak.
Avtomobilni va mexanizmlarni boshqarish qobiliyatiga ta'siri
Avtomobilni va boshqa mexanizmlarni boshqarish qobiliyatiga ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Preparatni dozani oshirib yuborilishi hollari haqida xabar berilmagan.

Chiqarilish shakli

Ichakda eruvchi qobiq bilan qoplangan tabletkalar, 20 mg. 10 tabletkadan kontur uyali polivinilxlorid yoki polivinilxlorid/ polivinildexlorid va bosilgan laklangan alyuminiy o‘ramda.
Ikki dona kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutida joylanadi.

Saqlash sharoiti

25°C dan yuqori bo‘lmagan haroratda.
Bolalar ololmaydigan joyda saklansin.

Yaroqlilik muddati

3 yil.
Preparat yaroklilik muddati tugaganidan sung ko‘llanilmasin.

Dorixonalardan berish tartibi

Retseptsiz.