Флунол 50 капс. №7

Tavsif

Preparatning savdo nomi

Flunol
Ta'sir etuvchi modda (XPN): flukonazol

Dori shakli

kapsulalar

Tarkibi

faol modda: flukonazol 50 mg yoki 150 mg;
yordamchi moddalar: laktoza monogidrati, makkajo‘xori kraxmali, kolloidli kremniy dioksid, magniy stearati, natriy lauril sulьfati

Ta'rifi

50 mg – oq/ko‘k rangli, oq kukun saqlovchi, №3 qattiq jelatinli kapsulalar
150 mg – oq/pushti rangli, oq kukun saqlovchi, №1 qattiq jelatinli kapsulalar

Farmakoterapevtik guruhi

zamburug‘larga qarshi vositalar
ATX kodi: J02AC01

Farmakologik xususiyatlari

Preparat triazol unumlari guruhiga mansub. Zamburug‘larga qarshi ta'sir mexanizmi, sitoxrom R450 ga bog‘liq bo‘lgan zamburug‘ fermentlari sintezini yuqori tanlab ingibitsiya qilishi bilan bog‘liq bo‘lib, bu o‘z navbatida hujayra tomonidan sterollar sintezini kamayishiga olib kelishi va natijada hujayra devorini o‘tkazuvchanligini buzilishiga olib keladi.
Antiandrogen faollikka ega emas.
Opportunistik mikozlarda, shu jumladan Candida spp. chaqirgan (shu jumladan immunodepressiya fonidagi kandidozning yoyilgan shakllari), Cryptococcus neoformans va Coccidioides immitis (shu jumladan bosh miya ichki infektsiyalari), Micosporum spp. va Trichophyton spp.; Blastomyces dermatidis, Histoplasma capsulatum chaqirgan endemik mikozlarda (shu jumladan immunodepressiyadagi) faoldir.

Farmakokinetikasi

Og‘iz orqali qabul qilinganda me'da-ichak yo‘llaridan yaxshi so‘riladi (qabul qilingan dozaning 90% gacha). Ovqat bilan birga qabul qilish so‘rilish miqdoriga ta'sir qilmaydi. Qabul qilingandan 0,5-1,5 soat o‘tganidan so‘ng plazmadagi kontsentratsiyasining eng yuqori cho‘qqisiga erishiladi, plazmadan yarim chiqarilish davri (T1/2) taxminan 30 soatni tashkil qiladi. Qondagi kontsentratsiyasining kattaligi qabul qilingan preparatning miqdoriga bevosita bog‘liq. Preparat 3-5 kun qabul qilingandan so‘ng qon plazmasida miqdorini turg‘unligiga erishiladi va doim qabul qilinganda, bir yildan keyin ham taxminan shu miqdorda qoladi. Plazma oqsillari bilan kam darajada bog‘lanishi (11-12%) va gidrofil xususiyatlari preparatni organizmda tez va bir tekis taqsimlanishini ta'minlaydi. So‘lak va balg‘amdagi kontsentratsiyasi uning plazmadagi miqdori kabidir, orqa miya suyuqligidagi kontsentratsiyasi plazmadagi miqdorining 80% ni tashkil qiladi. Terining shox qavati, epidermis, derma va ter suyuqligidagi kontsentratsiyasi plazmadagidan ortiq bo‘ladi. Preparatning metabolitlari periferik qonda topilmagan. Asosan buyrak orqali (taxminan 80% o‘zgarmagan holda) chiqariladi. Klirensi kreatinin klirensiga (KK) proportsionaldir.

Qo‘llanilishi

- genital kandidoz: vaginal (o‘tkir va qaytalanuvchi). Vaginal kandidozni tez-tez qaytalanishini (yiliga uch va ko‘proq epizodlar) profilaktik kamaytirish maqsadida qo‘llaniladi.
- kandidozli balanit;
- shilliq qavatlarning kandidozi: og‘iz bo‘shlig‘i, tomoq, qizilo‘ngach, noinvaziv bronx-o‘pka kandidozlari, kandiduriya, teri-shilliq qavati va surunkali peroral atrofik kandidoz (tish protezlarini taqish bilan bog‘liq bo‘lgan);
- xavfli o‘smalari bo‘lgan bemorlarda ximio- va nurli davolash fonida zamburug‘li infektsiyalarni oldini olish; OITS bo‘lgan bemorlarda orofaringeal kandidozning qaytalanishlarini oldini olish;
- yoyilgan kandidoz: kandidemiya, disseminatsiyalangan kandidoz (ko‘zlar, endokard, qorin bo‘shlig‘i a'zolari, nafas a'zolari va siydik-jinsiy a'zolarining shikastlanishi bilan). Davolash sitotoksik yoki immunodepressiv davolash kursi olayotgan xavfli o‘smalari bo‘lgan bemorlarda, shuningdek ularni rivojlanishiga moyillik qiluvchi boshqa omillar bo‘lganida ham o‘tkazilishi mumkin - davolash va oldini olishda;
- teri mikozlari: oyoq yuzi, tana, chov soxasi, onixomikoz, kepaksimon temiratki, terining kandidozli infektsiyalari.
- immuniteti normal bo‘lgan bemorlardagi chuqur endemik mikozlar (koktsidiomikoz, parakoktsidiomikoz, sporotrixoz va gistoplazmoz) da qo‘llanadi.
- Cryptococcus zamburug‘lari tomonidan chaqirilgan tizimli shikastlanishi jumladan, meningit, sepsis, o‘pka va teri infektsiyalari, normal immun javobi bo‘lgan bemorlarda ham, immunodepressiyaning turli shakllarida ham (shu jumladan OITS bo‘lgan bemorlarda, a'zolar ko‘chirib o‘tkazilgan retsipiyentlar); OITS bo‘lgan bemorlarda kriptokokkli infektsiyani oldini olish maqsadidagi bir maromda ushlab turuvchi davolash.

Qo‘llash usuli va dozalari

Ichga buyuriladi. Kapsulalar chaynalmaydi, suv yoki boshqa suyuqlik bilan birga ichiladi. Doza infektsiyaning og‘irligi va qo‘zg‘atuvchining tabiatiga qarab, shaxsiy belgilanadi.
Vaginal kandidozda flukonazol bir marta ichga 150 mg dozada qabul qilinadi. Vaginal kandidozning tez-tez qaytalanishini pasaytirish uchun preparat 150 mg dozada oyda 1 marta ishlatilishi mumkin. Davolash davomiyligi shaxsiy ravishda belgilanadi; u 4 dan 12 oygacha o‘zgaradi. Ayrim bemorlarga tez-tezroq qo‘llash talab qilinishi mumkin.
Candida spp. chaqirgan balanitda, flukonazol ichga bir marta 150 mg dozada buyuriladi.
Orofaringeal kandidozda preparat odatda 50-100 mg dan sutkada 1 marta buyuriladi; davolash davomiyligi - 7-14 kun. Zarurati bo‘lganida, immunitetni yaqqol pasayishi bo‘lgan bemorlarda davolash davomliroq bo‘lishi mumkin. OITS bo‘lgan bemorlarda orofaringeal kandidozning qaytalanishlarini oldini olish uchun, birlamchi to‘liq davolash kursi yakunlanganidan keyin, preparat 150 mg dan haftada 1 marta buyurilishi mumkin.
Tish protezlarini taqish bilan bog‘liq bo‘lgan og‘iz bo‘shlig‘ining atrofik kandidozida, flukonazol odatda 50 mg dan sutkada 1 marta 14 kun davomida protezga ishlov berish uchun mahalliy antiseptik vositalar bilan birga buyuriladi.
Kandidozning boshqa lokalizatsiyalarida (genital kandidozdan tashqari), masalan ezofagitda, noinvaziv bronx-o‘pka shikastlanishida, kandiduriyada, teri va shilliq qavatlarning kandidozida va h.k., samarali doza odatda davolashni 14-30 kun davomiyligida sutkada 50-100 mg ni tashkil qiladi.
Kandidemiya, disseminatsiyalangan kandidoz va boshqa invaziv kandidozli infektsiyalarda odatdagi doza birinchi sutkada 400 mg ni tashkil qiladi, so‘ngra esa - 200 mg dan. Yetarli klinik samaradorlik bo‘lmaganida preparatning dozasi sutkada 400 mg gacha oshirilishi mumkin. Davolash davomiyligi klinik samaradorlikka bog‘liq.
Teri mikozlarida, shu jumladan, oyoq panjalari, chov sohasining terisi mikozlari va terining kandidozlarida tavsiya etiladigan doza 150 mg haftada 1 marta yoki 50 mg sutkada 1 martani tashkil qiladi. Davolash davomiyligi odatdagi hollarda 2-4 haftani tashkil qiladi, lekin oyoq panjalarining mikozlarida davomliroq (6 haftagacha) davolash talab qilinishi mumkin.
Kepaksimon temiratkida - 300 mg haftada 1 marta 2 hafta davomida, ayrim bemorlarga haftada 300 mg uchinchi doza talab qilinishi mumkin, shu vaqtning o‘zida bir qism hollarda 300 mg - 400 mg bir marta qabul qilish yetarli bo‘ladi; davolashning muqobil tartibi 50 mg dan kuniga 1 marta 2-4 hafta davomida qo‘llash hisoblanadi.
Onixomikozda tavsiya qilingan doza 150 mg haftada 1 martani tashkil qiladi. Davolashni infektsiyalangan tirnoq almashgunicha (infektsiyalanmagan tirnoq o‘sib chiqkunicha) davom ettirish kerak. Qo‘llar va oyoq panjasi barmoqlarida tirnoqlarni takroriy o‘sishi uchun muvofiq 3-6 oylar va 6-12 oylar talab qilinadi. Lekin o‘sish tezligi turli odamlarda, shuningdek yoshga qarab keng chegaralarda o‘zgarishi mumkin.
Chuqur endemik mikozlarda preparatni sutkada 200-400 mg dozada 2 yilgacha qo‘llash talab qilinishi mumkin. Davolash davomiyligi shaxsiy ravishda belgilanadi; koktsidiomikozda u 11-24 oylarni; parakoktsidiomikozda 2-17 oylarni; sporotrixozda 1-16 oylarni va gistoplazmozda 3-17 oylarni tashkil qilishi mumkin.
Kattalarga kriptokokkli meningitda va boshqa lokalizatsiyali kriptokokkli infektsiyalarda birinchi kun odatda 400 mg buyuriladi, so‘ngra esa davolash sutkada 1 marta 200 mg - 400 mg dozada davom ettiriladi. Kriptokokkli infektsiyalarda davolash davomiyligi mikologik tekshirish bilan tasdiqlangan klinik samaradorlikka bog‘liq; kriptokokkli meningitda u odatda kamida 6-8 hafta davom ettiriladi.
OITS bo‘lgan bemorlarda kriptokokkli meningitni qaytalanishini oldini olish uchun, birlamchi davolash kursi to‘liq yakunlanganidan keyin, flukonazol sutkada 200 mg dozada uzoq vaqt davri davomida buyuriladi.
Kandidozni oldini olish uchun zamburug‘li infektsiyani rivojlanish xavfini darajasiga qarab, flukonazolning tavsiya etiladigan dozasi sutkada 1 marta 50-400 mg ni tashkil qiladi. Tarqalgan infektsiyaning yuqori xavfi bo‘lganida, masalan kutilayotgan yaqqol yoki uzoq muddat saqlanayotgan neytropeniyali bemorlarda, tavsiya etilgan doza sutkada 1 marta 400 mg ni tashkil qiladi. Flukonazol kutilayotgan neytropeniyadan bir necha kun oldin; neytrofillar soni 1000/mm3 dan ko‘proqqa oshganidan keyin yana 7 sutka davomida buyuriladi.
Bolalarda kattalardagi o‘xshash infektsiyalarda bo‘lgani kabi, davolash davomiyligi klinik va mikologik samaraga bog‘liq. Bolalarda preparatni kattalardagidan, ya'ni sutkada 400 mg dan ko‘p bo‘lmagan yuqori sutkalik dozalarda qo‘llash mumkin emas. Preparat har kuni sutkada 1 marta qo‘llanadi.
Qizilo‘ngach kandidozida bolalarda flukonazol bir marta 3 mg/kg sutkalik dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) - 50 mg; 7-9 yoshda (tana vazni 21-29 kg) - 50-100 mg; 10-12 yoshda (tana vazni 30-40 kg) - 100-150 mg; 12-15 yoshda (tana vazni 40-50 kg) - 100-150 mg. Davolash davomiyligi - kamida 3 hafta va simptomlar regressiyasidan keyin yana 2 hafta davomida.
Shilliq qavatlarning kandidozida bolalarda flukonazol bir marta 3 mg/kg sutkalik dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) - 1-nchi kuni 100-150 mg, keyin - 50 mg dan; 7-9 yoshda (tana vazni 21-29 kg) - 1-nchi kuni -100-200 mg, keyin - 100 mg dan; 10-12 yoshda (tana vazni 30-40 kg) - 1-nchi kuni - 100-150 mg, keyin - 100 mg dan; 12-15 yoshda (tana vazni 40-50 kg) - 1-nchi kuni - 250-300 mg, keyin - 100-150 mg dan. Davolash davomiyligi - kamida 3 hafta.
Yoyilgan kandidozda va kriptokokkli infektsiyada (shu jumladan meningitda) bolalarda flukonazol bir marta 6-12 mg/kg sutkalik dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) - 100-250 mg; 7-9 yoshda (tana vazni 21-29 kg) - 100-300 mg; 10-12 yoshda (tana vazni 30-40 kg) - 200-350 mg; 12-15 yoshda (tana vazni 40-50 kg) - 250-400 mg. Davolash davomiyligi - 10-12 hafta davomida (likvorda qo‘zg‘atuvchilarning yo‘qligi laboratoriyada tasdiqlanmagunicha) davom etadi.
Immuniteti pasaygan bolalarda zamburug‘li infektsiyalarni oldini olish uchun, ularda infektsiyani rivojlanish xavfi sitotoksik ximioterapiya yoki nur bilan davolash natijasida rivojlanayotgan neytropeniya bilan bog‘liq, flukonazol indutsirlangan neytropeniyaning yaqqolligi va saqlanishini davomiyligiga qarab 3-12 mg/kg/sut dozada, quyidagi o‘rtacha dozalarda buyuriladi: 3-6 yoshda (tana vazni 15-20 kg) - 50-250 mg; 7-9 yoshda (tana vazni 21-29 kg) - 50-300 mg; 10-12 yoshda (tana vazni 30-40 kg) - 100-350 mg; 12-15 yoshda (tana vazni 40-50 kg) - 100-400 mg. Davolash davomiyligi - indutsirlangan neytropeniya bartaraf qilingunicha davom etadi.
Buyrak funktsiyasini buzilishlari bo‘lgan bolalarda preparatning sutkalik dozasini, buyrak yetishmovchiligining yaqqollik darajasiga muvofiq kamaytirish kerak (kattalardagi kabi proportsional bog‘liqlikda).
Keksa yoshli bemorlarda buyrak funktsiyasini buzilishlari bo‘lmaganida, preparatni dozalashni odatdagi tartibiga amal qilish kerak. Buyrak yetishmovchiligi (kreatinin klirensi minutiga 50 ml dan kam) bo‘lgan bemorlarda, dozalash tartibini quyida ko‘rsatilgandek to‘g‘rilash kerak.
Buyrak funktsiyasini buzilishi bo‘lgan bemorlarda preparatni qo‘llash. Flukonazol asosan siydik bilan o‘zgarmagan holda chiqariladi. U bir marta qabul qilinganida dozani o‘zgartirish talab qilinmaydi. Buyrak funktsiyasi buzilgan bemorlarga preparat takror buyurilganida, dastlab 50 mg dan 400 mg gacha bo‘lgan “zarb” dozani yuborish kerak. Agar kreatinin klirensi (KK) minutiga 50 ml ni tashkil qilsa, preparatning odatdagi dozasi (tavsiya etilgan dozaning 100%) sutkada bir marta qo‘llanadi. KK minutiga 11 dan 50 ml gacha bo‘lsa, tavsiya etilgan dozaning 50% ga teng dozasi qo‘llanadi. Muntazam dializda bo‘lgan bemorlarda preparatning bir dozasi har bir gemodializ seansidan keyin qo‘llanadi.
Nojo‘ya ta'sirlari
Preparat odatda juda yaxshi o‘zlashtiriladi. Ayrim hollarda quyidagilar kuzatilishi mumkin:
Teri va teri osti to‘qimalari tomonidan: teri toshmasi, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), teri qichishi, eshakemi, alopetsiya.
Immun tizimi tomonidan: anafilaktoid reaktsiyalar (shu jumladan angionevrotik shish, yuzning shishi).
Me'da-ichak yo‘llari tomonidan: ta'mni o‘zgarishi, qusish, ko‘ngil aynishi, diareya, meteorizm, qorin og‘rig‘i.
Jigar va o‘t chiqarish yo‘llari tomonidan: jigar funktsiyasini buzilishi (sariqlik, xolestaz, giperbilirubinemiya, alaninaminotransferaza, aspartataminotransferaza, ishqoriy fosfataza faolligini oshishi, gepatit, gepatotsellyulyar nekroz), shu jumladan o‘lim bilan yakunlanuvchi.
Nerv tizimi tomonidan: bosh og‘rig‘i, bosh aylanishi, tirishishlar.
Yurak qon-tomirlari tomonidan: QT intervali davomiyligini oshishi, yurak qorinchalarini xilpillashi/titrashi.
Qon yaratish va limfatik tizimi tomonidan: leykopeniya, trombotsitopeniya, neytropeniya, agranulotsitoz.
Buyrak va siydik chiqarish yo‘llari tomonidan: buyrak funktsiyasini buzilishi.
Oziqlanish va modda almashinuvi tomonidan: giperxolesterinemiya, gipertriglitseridemiya, gipokaliyemiya.

Qo‘llash mumkin bo‘lmagan holatlar

Homiladorlik, laktatsiya (davolash zarurati tug‘ilgan hollarda emizish to‘xtatiladi), 1 yoshgacha bo‘lgan bolalar, terfenadinni bir vaqtda qabul qilish, preparatga yoki azol strukturasiga yaqin bo‘lgan birikmalarga bo‘lgan yuqori sezuvchanlikda qo‘llash mumkin emas.
Dorilarning o‘zaro ta'siri
Flukanazolni varfarin bilan qo‘llanganda protrombin indeksi (PI) uzayadi (o‘rtacha 12%). Shu munosabat bilan kumarin antikoagulyantlari bilan birgalikda preparatni qabul qilgan bemorlarda PI ko‘rsatkichlarini diqqat bilan kuzatib borish tavsiya etiladi.
Flukonazol sog‘lom odamlarda og‘iz orqali gipoglikemik vositalari – sulьfonilmochevina unumlari (xlorpropamid, glibenklamid, glipizid, tolbutamid) ning plazmadan yarim chiqish vaqtini oshiradi. Qandli diabet bilan og‘rigan bemorlarda flukonazol va og‘iz orqali gipoglikemik vositalarni birgalikda qo‘llashga ruxsat beriladi, ammo shifokor gipoglikemiya rivojlanishini yodda tutishi kerak.
Flukonazol va fenitoinni bir vaqtda iste'mol qilish plazmadagi fenitoin kontsetratsiyasining klinik ahamiyatli darajaga ko‘tarilishiga olib kelishi mumkin. Shunin uchun, agar ushbu dori-darmonlarni birgalikda qo‘llash zarur bo‘lsa, terapevtik oraliqda dori darajasini ushlab turish maqsadida fenitoin kontsentratsiyasini dozani sozlash bilan kuzatib borish kerak.
Rifampitsin bilan birikish AUC ning 25% ga pasayishiga va flukonazolning plazma ichidagi yarim parchalanish davrini 20% ga qisqarishiga olib keladi. Shuning uchun bir vaqtning o‘zida rifampitsin qabul qilayotgan bemorlarda flukonazolning dozasini ko‘paytirish tavsiya etiladi.
Flukonazolni qabul qilgan bemorlarda qonda siklosporinning kontsentratsiyasini kuzatish tavsiya etiladi. Transplantatsiya qilingan buyrak bilan og‘rigan bemorlarda flukonazol va siklosporinning qo‘llanilishi (kuniga 200 mg dozada flukonazolni qabul qilish) plazma ichidagi siklosporin kontsentratsiyasining sekin o‘sishiga olib keladi.
Teofillinning yuqori dozasini olayotgan yoki teofillinning intoksikatsiyasini rivojlanishi ehtimoli yuqori bo‘lgan bemorlarni teofillinning haddan tashqari dozasi alomatlarini erta aniqlash uchun nazorat qilish kerak. Chunki flukonazolni qabul qilish teofillinning plazmadan o‘rtacha tozalanish tezligining (kliriyens) pasayishiga olib keladi.
Flukonazolni terfenadin va sizaprid bilan bir vaqtda qo‘llash mobaynida yurakda nojo‘ya reaktsiyalar, shu jumladan qorinchalar taxikardiyasining paroksizmlari (torsades de point) qayd etilgan.
Flukonazol va gidroxlortiazidni bir vaqtda qo‘llash plazma tarkibidagi flukonazol kontsentratsiyasini 40% ga ko‘tarilishiga olib kelishi mumkin.
Flukonazol va rifabutinning o‘zaro ta'siri to‘g‘risida xabarlar mavjud bo‘lib, ular rifabutinning plazmadagi miqdorini oshishi bilan kechadi. Flukonazol va rifabutinni bir vaqtda qo‘llash natijasida uveit rivojlangan holatlar qayd etilgan. Bir vaqtning o‘zida rifabutin va flukonazol qabul qilayotgan bemorlarni diqqat bilan kuzatish kerak.
Flukonazol va zidovudin kombinatsiyasini olgan bemorlarda zidovudin kontsentratsiyasining ortishi kuzatiladi. Bu zidovudining asosiy metabolitiga aylanishining pasayishi bilan izohlanadi. Shuning uchun zidovudinning nojo‘ya ta'sirining ko‘payishini kutish mumkin.
Flukonazol Midazolamning kontsentratsiyasini oshiradi. Shu sababli midazolamning psixomotor ta'sir qilish xavfi oshishi mumkin.
Flukonazol Takrolimusning kontsentratsiyasini oshiradi. Shu sababli takrolimusning nefrotoksik ta'sir qilish xavfi oshishi mumkin.
Og‘iz orqali yuboriladigan kontratseptivlar: Bir nechta dozali flukonazol yordamida kombinirlangan og‘iz kontratseptivlari bilan uchta kinetik tadqiqot o‘tkazildi. 50 mg flukonazolni o‘rganish davomida gormonlar darajasining biron bir darajasiga ta'sir ko‘rsatilmagan, kunlik 200 mg qabul qilganda etinilestradiol va levonorgestrelning AUC ko‘rsatkichi mos ravishda 40% va 24% ga oshgan. Shunday qilib, ushbu dozalarda flukonazolning bir nechta dozalarini qo‘llash kombinirlangan og‘iz kontratseptivlarining samaradorligiga ta'sir qilishi dargumon.
Flukonazolni sizaprid yoki terfenadin bilan bir vaqtda yuborish mumkin emas. Chunki ular QT oralig‘ini uzaytiradi va CYP3A4 bilan metabollanadi.
Astemizol: Bir vaqtning o‘zida astemizolni yoki P450 sitoxrom tizimida metabollanuvchi boshqa dorilarni qabul qilganda bemorlarda flukonazolni qo‘llash qon zardobida ushbu dorilarni miqdorining oshishi bilan bog‘liq bo‘lishi mumkin. Aniq ma'lumot bo‘lmagan hollarda flukonazolni tavsiya etishda ehtiyot bo‘lish kerak. Bemorlarni diqqat bilan kuzatib borish lozim.
O‘zaro ta'sir tadqiqotlari shuni ko‘rsatdiki, flukonazolni oziq-ovqat, simetidin, antatsidlar bilan yoki suyak iligi transplantatsiyasi uchun tananing umumiy nurlanishidan so‘ng flukonazolning o‘zlashtirilishini klinik ahamiyatli buzilishi kuzatilmaydi.

Maxsus ko‘rsatmalar

Jigar funktsiyasi yaqqol buzilgan bemorlarda ehtiyotkorlik bilan qo‘llaniladi, uning funktsiyasini yanada yomonlashuv belgilari paydo bo‘lsa preparatni to‘xtatish kerak. Davolash boshida jigar funktsiyasi me'yorida bo‘lgan bemorlarda, jigarni shikastlanish belgilari paydo bo‘lganda ham shunday yo‘l tutish kerak. Buyrak funktsiyasi buzilgan bemorlarda preparat bir marta qo‘llanganda dozani to‘g‘irlash talab qilinmaydi. Qayta qo‘llanganda KK qarab mo‘ljallanadi. Agar KK 50 ml/minutdan ko‘p bo‘lsa, dozani to‘g‘irlash talab qilinmaydi; KK 11 dan 20 ml/minutgacha bo‘lganda odatdagi dozani 33% qabul qilinadi 72 soat intervali bilan; KK 21 dan 40 ml/minutgacha bo‘lganda odatdagi dozani yarmi qabul qilinadi, 48 soat intervali bilan. Dializda bo‘lgan bemorlarda, har bir seans dializdan so‘ng bir doza qabul qilinadi. Invaziv/tizimli zamburug‘ infektsiyasi bo‘lgan bemorlarda toshmalar paydo bo‘lganida, ularni sinchkovlik bilan kuzatish va bullyoz o‘zgarishlar yoki ko‘p shaklli eritemalar paydo bo‘lsa preparatni to‘xtatish kerak. Davolashni ekishga namuna olishdan oldin boshlash mumkin, lekin natijalari ma'lum bo‘lgach, uni albatta to‘g‘irlash kerak.
Homiladorlik va laktatsiya davrida qo‘llanishi
Preparatning homiladorlik davrida qo‘llanilishi bo‘yicha FDA tasnifiga binoan Flunol (Flukonazol) homilaga ta'siriga ko‘ra “S” toifaga kiradi.
Hayvonlarda o‘tkazilgan tadqiqotlarda dori vosita homilaga salbiy ta'sir ko‘rsatgan, homilador ayollarga mos yetarli tadqiqotlar o‘tkazilmagan, ammo, homilador ayollarda shu dori vositasini qo‘llanganlik bilan bog‘lik potentsial foyda, xavf ehtimoli bo‘lishiga qaramay, undan foydalanishni oqlashi mumkin.
Ko‘krak suti va plazmadagi flukonazolning kontsentratsiyasi bir xil bo‘lganligi tufayli, laktatsiya davrida preparatni qo‘llash taqiqlanadi.
Dozaning oshirib yuborilishi
Belgilari: ko‘ngil aynishi, qusish, diareya, og‘ir holatlarda — tirishishlar, gallyutsinatsiyalar, paranoidal holat.
Davolash: belgilarga muvofiq (me'dani yuvish, tezlashtirilgan diurez). Gemodializ dastlabki 3 soat ichida plazmadagi flukonazol miqdorini 50% ga kamaytiradi.

Chiqarilish shakli

«Flunol 50», kapsulalar 50 mg dan, №7.
«Flunol 150», kapsulalar 150 mg dan, №1, №2.

Saqlash sharoiti

Quruq, yorug‘likdan himoyalangan joyda, 25°C yuqori bo‘lmagan haroratda.
Bolalar ololmaydigan joyda saqlansin.

Yaroqlilik muddati

5 yil.
Yaroqlilik muddati o‘tgach qo‘llanilmasin.

Dorixonalardan berish tartibi

Retsept bo‘yicha - Flunol 50 №7, Flunol 150 №2.
Retseptsiz - Flunol 150 №1.

Ishlab chiqaruvchi

MChJ "NOBEL PHARMSANOAT" ChEK
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili:
MChJ “NOBEL PHARMSANOAT” ChEK
O‘zbekiston Respublikasi, Toshkent shahri, Mirzo Ulug‘bek tumani, Qorasuvbo‘yi ko‘chasi, 5 “A”
Tel: (99871) 207 99 00; Faks: (99871) 207 99 01; E-mail: pv@nobel.uz, www.nobel.uz