Karboplatin Ebeve 10 mg / 15ml

Tavsif

1. DORI PREPARATINING NOMI
Karboplatin Ebeve®, 10 mg/ml
Infuziya uchun eritma tayyorlash uchun kontsentrat.
2. SIFAT VA MIQDORIY TARKIBI
1 ml da 10 mg karboplatin saqlanadi.
Yordamchi moddalarning to‘liq ro‘yxati 6.1 bo‘limda berilgan.
3. CHIQARILISh SHAKLI
Infuziya uchun eritma tayyorlash uchun kontsentrat.
Tiniq, butunlay yoki deyarli rangsiz eritma.
4. KLINIK XARAKTERISTIKASI
4.1. Qo‘llanishi
Tuxumdonning tarqalgan epitelial raki:
(a) birinchi tizim terapiyasi;
(b) ikkinchi tizim terapiyasi (davolashning boshqa turlarini samarasi bo‘lmaganda).
O‘pkaning tarqalgan maydaxujayrali va maydaxujayrali bo‘lmagan raki.
Karboplatin Ebeve kattalarda ishlatish uchun mo‘ljallangan.
4.2. Qo‘llash usuli va dozalari
Karboplatinni faqat o‘smalarga qarshi davolashni o‘tkazish tajribasiga ega bo‘lgan shifokorlar ishlatishlari kerak.
Tavsiya etiladigan doza
Ilgari o‘smalarga qarshi davolash olmagan, buyraklar faoliyati normal (ya'ni kreatinin klirensi ≥ 60 ml/min) bo‘lgan patsiyentlar uchun doza 400 mg/m2 ni tashkil qiladi (bir marta, davomiyligi 15-60 minut bo‘lgan qisqa muddatli vena ichiga infuziya ko‘rinishida).
Davolash siklini takrorlashga faqat oldingi sikldan keyin 4 xafta o‘tgach va/yoki neytrofillarning miqdori kamida 2 000 xujayra/mm3 gacha va trombotsitlar miqdori kamida 100 000 xujayra mm3 gacha oshgandan keyin yo‘l qo‘yiladi.
Xavf omillari bo‘lgan patsiyentlarda, xususan ilgari miyelosupressiv davolash olgan, va umumiy xolati og‘ir bo‘lganlarda (ECOG 2-4 yoki Karnovskiy indeksi 80%), boshlang‘ich dozani 20-25% ga pasaytirish tavsiya etiladi.
Davolashning birinchi sikllari davomida, keyingi davolash sikllarida dozani to‘g‘irlash maqsadida, xar xaftada qon taxlillarini o‘tkazish yo‘li bilan gematologik ko‘rsatgichlarning minimal qiymatlarini baxolash tavsiya etiladi.
Dozani baxolash uchun muqobili sifatida Kalvert formulasini ishlatish mumkin:
Doza (mg) = AUC ni kerakli qiymati (mg/ml/min) x (SKF (ml/min) + 25).
Doza (mg) = AUC ni kerakli qiymati (mg/ml/min) x (SKF (ml/min) + 25).
AUC ni kerakli
qiymati Rejalashtirilgan
ximioterapiya Patsiyentni davolash anamnezi
5-7 mg/ml/minut Monoterapiya Ilgari davolash o‘tkazilmagan
4-6 mg/ml/minut Monoterapiya Ilgari davolash o‘tkazilgan
4-6 mg/ml/minut Karboplatin +
siklofosfamid Ilgari davolash o‘tkazilmagan
Izox: Kalvert formulasi bo‘yicha karboplatinning dozasi mg/m2 ga emas, balki mg ga xisoblanadi. Oldingi jadal davolash olgan patsiyentlarda, Kalvert formulasi ishlatilmasligi kerak**.
** Oldingi jadal davolash quydagi preparatlarni o‘z ichiga oladi:
- mitomitsin S;
- notrozomochevina xosilalari;
- doksorubitsin/tsiklofosfamid/tsisplatin bilan majmuaviy davolash;
- besh yoki undan ko‘proq o‘smalarga qarshi preparatlar bilan majmuaviy davolash;
- nur bilan davolash ≥ 4500 rad minimum 20 x 20 sm o‘lchamli bir maydon yoki birdan ko‘p maydon.
Davolashga o‘smaning javobi bo‘lmaganda, kasallik zo‘rayib borganda va/yoki o‘zlashtiraolmaydigan noxush samaralar rivojlanganda, karboplatin Bilan davolashni to‘xtatish kerak.
Buyraklar faoliyatini buzilishi
Kreatinin klirensi 60 ml/minutdan kam bo‘lgan bo‘lgan patsiyentlarda og‘ir miyelosupressiya rivojlanishini xavfi oshadi.
Og‘ir leykopeniya, neytropeniya va trombotsitopeniya rivojlanishini tez-tezligi preparatning quyidagi dozalari olinganda 25% darajasida saqlanadi:
Kreatinin klirensi Boshlang‘ich doza (1-nchi kuni)
41-59 ml/minut 250 mg/m2 (vena ichiga)
16-40 ml/minut 200 mg/m2 (vena ichiga)
Buyraklar faoliyatini buzilishi bo‘lgan patsiyentlarda dozani sinchiklab tanlash va gematologik ko‘rsatgichlarning minimal qiymatini va buyraklar faoliyatini nazorat qilish kerak.
Kreatinin klirensi 15 ml/minutdan yuqori bo‘lmagan patsiyentlarda davolash o‘tkazish tavsiya etilmaydi.
Yuqorida sanab o‘tilgan barcha tavsiyalarni faqat davolashning birinchi siklida qo‘llash mumkin. Barcha boshqa sikllarda o‘zlashtirilishini va miyelosupressiyaning to‘g‘ri keluvchi darajasini xisobi bilan preparatning dozasi shaxsiy to‘g‘irlanishi kerak.
Majmuaviy davolash
Karboplatinni boshqa miyelosupressantlar bilan majmuada optimal ishlatish uchun, tanlangan tartib va dozalash sxemasiga muvofiq dozani to‘g‘irlash talab etiladi.
Bolalar
Bu populyatsiya uchun preparatni dozalash bo‘yicha tavsiyalar yo‘q.
Keksa yoshli patsiyentlar (65 yoshdan oshgan)
Patsiyentning umumiy xolatiga qarab, preparatning dozasini to‘g‘irlash talab qilinishi mumkin.
Yuborish usuli
Preparat faqat vena ichiga yuborish uchun mo‘ljallangan va suyultirishni talab qiladi.
Suyultirish
Yuborish oldidan kontsentratni 5% glyukozada 0,5 mg/ml dan yuqori bo‘lmagan kontsentratsiyagacha suyultirish kerak.
4.3. Qo‘llash mumkin bo‘lmagan xolatlar
- faol moddaga yoki platinaning boshqa preparatlariga o‘ta yuqori sezuvchanlik;
- emizish (4.6 bo‘limga qarang);
- og‘ir miyelosupressiya;
- qonayotgan o‘smalar;
- qon ketishi va o‘tkir infektsiyalar (masalan, o‘rab oluvchi gerpes);
- buyraklar faoliyatini og‘ir buzilishi (kreatinin klirensi ≤ 30 ml/minut), shifokor va patsiyent davolashdan potentsial foyda uning potentsial xavfidan yuqori deb xisoblagan xollardan tashqari;
- sariq isitmani oldini olish uchun bir vaqtdagi vaktsinatsiya (4.5. bo‘limga qarang).
4.4. Aloxida ogoxlantirishlar va extiyotkorlik choralari
Ogoxlantirishlar
Karboplatin faqat o‘smalarga qarshi davolashni o‘tkazish tajribasiga ega bo‘lgan shifokorlar tomonidan ishlatilishi kerak. Muntazam qon manzarasini, jigar va buyraklar faoliyatini nazorat qilish kerak; bu ko‘rsatgichlarda patologik o‘zgarishlar rivojlanganda preparatni bekor qilish talab etiladi.
Potentsial asoratlarini davolash uchun diagnostik va davolash jixozlari bo‘lishi kerak.
Karboplatin tor terapevtik doirada yuqori toksikligi bilan xarakterlanadi, shuning munosabati bilan uning terapevtik samarasini rivojlanishini, toksikligining ma'lum darajasini ko‘rinishlarisiz extimoli kam.
Gematologik toksiklik
Tavsiya etilgan dozalarda ishlatilganda karboplatinning gematologik toksikligi odatda o‘rtacha va qaytuvchi; lekin buyraklar faoliyatini buzilishi bo‘lgan patsiyentlarda yoki bir vaqtda yoki ilgari boshqa miyelosupressantlar yoki nur bilan davolashni olgan patsiyentlarda, og‘ir miyelosupressiya rivojlanishi mumkin (asosan trombotsitopeniya).
Leykopeniya, neytropeniya va trombotsitopeniya dozaga bog‘liq va dozani chegaralovchi ko‘rinishlar xisoblanadi. Davolashgacha va davolash jarayonida qon ko‘rsatgichlarini, jigar va buyraklar faoliyatini tez-tez nazorat qilish kerak. Toksiklik ko‘rinishlari rivojlanganda bu nazoratni ko‘rsatgichlar normallashgunicha davom ettirish kerak. Karboplatin bilan monoterapiya olayotgan patsiyentlarda ko‘rsatgichlarning minimal qiymatlari 21-nchi kuni, karboplatin va boshqa preparatlar bilan majmuaviy davolash olayotganlarda esa – 15-nchi kuni qayd etiladi (mediana). Odatda leykotsitlar, neytrofillar va trombotsitlarning miqdori normsallashmagunicha karboplatin bilan davolash sikllarini takrorlashga yo‘l qo‘yilmaydi. Karboplatin bilan davolash siklini takrorlashga faqat oldingi sikl tugagandan keyin kamida 4 xafta o‘tgach va/yoki neyrtofillar miqdori kamida 2 000 xujayra/mm2 va trombotsitlar miqdori kamida 100 000 xujayra/mm2 ga oshganda yo‘l qo‘yiladi.
Anemiiya tez-tez rivojlanadi, lekin juda kam transfuzion davolashni talab qiladi.
Dori-induktsiyalagan antitelalarning mavjudligi bilan gemolitik anemiya rivojlanishi mumkin, bu o‘limbilan yakunlanishga olib kelishi mumkin.
Karboplatin va boshqa o‘smalarga qarshi preparatlar bilan davolashdan keyin bir necha yil o‘tgach, o‘tkir promiyelotsitar leykoz va miyelodisplastik sindrom (MDS)/o‘tkir miyeloid leykoz (O‘ML) rivojlanishi xollari kuzatilgan.
Bundan tashqari, og‘ir xolatda bo‘lgan, shuningdek oldin jadal davolash olgan (ayniqsa sisplatin bilan) yoki 65 yoshdan katta bo‘lgan, bir vaqtda nefrotoksik davolash olgan patsiyentlarda, og‘ir yoki davomli miyelosupressiya rivojlanishi mumkin. Boshlang‘ich dozani to‘g‘irlash (4.2 bo‘limga qarang) va qonni muntazam taxlili kerak. Karboplatin va boshqa miyelosupressantlar Bilan majmuaviy davolashning additiv samaralarini minimallash maqsadida, preparatlarni dozalash tartiblarini sinchiklab rejalashtirish kerak. Suyak ko‘migi faoliyatini og‘ir susayishi bo‘lgan patsiyentlarda, tutib turuvchi transfuzion davolashni o‘tkazish talab etilishi mumkin.
Karboplatin va bir vaqtda ishlatilayotgan ximioterapiya vositalarining miyelosupressiya samaralari qo‘shilishi mumkin. Og‘ir va turg‘un miyelosupressiyasi bo‘lgan patsiyentlarda infektsion asoratlar xavfi oshadi, ular xam o‘lim bilan yakunlanishga olib kelishi mumkin (4.8. bo‘limga qarang). Bunday samaralar rivojlanganda karboplatin bilan davolashni to‘xtatish kerak.
Miyelosupressiya rivojlanganda preparatning dozasini to‘g‘irlash uchun mezonlarga 4.2 bo‘limga qarang; dozani pasaytirishga muqobil sifatida neytrofillar va trombotsitlarning miqdori normallashgunicha (≥2 000 xujayra/mm2 va 100 000 xujayra/mm2) to‘liq terapevtik dozani yuborishni kechiktirish mumkin.
Miyelosupressiv samaraning yaqqolligi buyrak klirensi bilan yaqin korrelyatsiya qiladi.
Me'da-ichak yo‘llari
Karboplatin qusish chaqirishi mumkin. Uning tez-tezligi va og‘irlik darajasi antiemetiklar ishlatilganida kamayishi mumkin.
Degidratatsiyasi, astsit va plevral suyuqligi bo‘lgan patsiyentlarda aloxida extiyotkorlikka rioya qilish kerak.
Gemolitiko-uremik sindrom
Gemolitiko-uremik sindrom xayot uchun xavf soluvchi noxush reaktsiya xisoblanadi. Mikroangiopatik gemolitik anemiyaning birinchi belgilari rivojlanganda karboplatinni bekor qilish kerak. Davolash bekor qilingandan keyin buyrak yetishmovchiligi qaytmas bo‘lishi mumkin, va dializli davolash talab etiladi.
O‘ta yuqori sezuvchanlik reaktsiyalari
Platinaning boshqa preparatlarini ishlatishdagi kabi, karboplatinga allergik reaktsiyalar (eritemalari, sabablarsiz tana xaroratini oshishi va teri toshmasi) rivojlanishi mumkin. Ular ko‘proq infuziya jarayonida paydo bo‘ladi va uni to‘xtatishni, shuningdek adekvat simptomatik davolashni talab qiladi. Ayrim xollarda anafilaksiya, angionevrotik shishi va anafilaktoid reaktsiyalar, shu jumladan bronxospazm, eshakemi yuzni shishi rivojlanishi mumkin, ular juda kam xollarda o‘lim bilan yakunlanishga olib kelishi mumkin. Bunday reaktsiyalar rivojlanganda darxol davolash to‘xtatiladi va simptomatik davolash boshlanadi. Allergik reaktsiyalar rivojlanishini tez-tezligi ilgari platina preparatlarini olgan patsiyentlarda oshishi mumkin; lekin allergik reaktsiyalar karboplatinni birinchi yuborishda xam kuzatilgan. Platina preparatlariga qarama-qarshi reaktsiyalar ta'riflangan, ular ayrim xollarda o‘lim bilan tugashi mumkin (4.3 va4.8 bo‘limlarga qarang).
Potentsial allergik reaktsiyalarga patsiyentlarni sinchiklab kuzatish kerak.
Nefrotoksiklik
Karboplatin asosan siydik bilan chiqariladi. Buyraklar faoliyatini buzilishi bo‘lgan patsiyentlarda karboplatinning qon yaratish tizimiga ta'siri yaqqolroq va davomiyroq. Shuning uchun ularda karboplatinni ishlatish aloxida extiyotkorlikni va preparatning dozasini to‘g‘irlashni talab qiladi (4.2 bo‘limga qarang).
Karboplatin bilan davolash boshlangunicha buyraklar faoliyatini buzilishi bo‘lgan patsiyentlarda, va sisplatin bilan davolash fonida nefrotoksiklik aniqlangan patsiyentlarda, nefrotoksiklik ko‘proq rivojlanishi va yaqqolroq ifodalangan bo‘lishi mumkin. Karboplatinni aminoglikozidlar yoki boshqa nefrotoksik preparatlar bilan birga ishlatish tavsiya etilmaydi. Sisplatinga qarama-qarshi, karboplatinni yuborishgacha va yuborgandan keyin patsiyentni gidratatsiyasi talab etilmaydi, chunki karboplatin nisbatan past nefrotoksiklik potentsialiga ega.
Karboplatin jigar va buyraklar faoliyatiga salbiy ta'sir ko‘rsatish qobiliyatiga ega. Karboplatin juda yuqori dozalarda (monoterapiyada ishlatish uchun tavsiya etilgandan ≥ 5 marta yuqori) jigar va/yoki buyraklar faoliyatining og‘ir o‘zgarishlarini chaqirish qobiliyatiga ega. Bunda yetarli gidratatsiyani preparatni buyraklar faoliyatiga salbiy ta'sirini yumshatishi mumkinligi noma'lum. Jigar va buyraklar faoliyatini o‘rtacha va og‘ir o‘zgarishlari rivojlanganda, dozani pasaytirish yoki davolashni bekor qilish kerak. (4.8 bo‘limga qarang).
Jigarning venookklyuzion kasalligi
Jigarning venookklyuzion kasalligi (sinusoidal obstruktsiya sindromi), shu jumladan, o‘lim bilan yakunlangan, xollari xaqida xabar berilgan. Patsiyentlar jigarda metastazlar mavjudligini aniq oqibati bo‘lmagan jigar faoliyatini buzilishini belgilari va simptomlari yoki portal gipertenziya rivojlanishi xolatiga kuzatuv ostida bo‘lishlari kerak.
O‘smaning lizisi sindromi
Preparat bozorga chiqqanidan keyin karboplatin bilan monoterapiyada yoki boshqa ximioterapevtik preparatlar bilan majmuada davolash olgan patsiyentlarda o‘sma lizisi sindromi (O‘LS) xollari xaqida xabarlar tushgan. O‘LS rivojlanishini yuqori xavfi (masalan, o‘smaning yuqori proliferativ faolligi, katta o‘sma yuklamasi va sitotoksik preparatlarga yuqori sezuvchanligi bo‘lgan patsiyentlarni davolashda, sinchiklab kuzatish va extiyotkorlikning muvofiq choralariga rioya qilish kerak.
Neyrotoksiklik
Periferik neyrotoksiklik odatda nisbatan tez-tez rivojlanadi va asosan paresteziya va chuqur pay reflekslarini pasayishi bilan cheklanib, og‘irligi yengil darajali bo‘ladi, lekin ko‘proq 65 yoshdan katta va/yoki ilgari sisplatin olgan patsiyentlarda kuzatiladi. Shuning uchun patsiyentlarni muntazam nevrologik tekshirishlarini o‘tkazish kerak.
Ko‘rishni buzilishi, shu jumladan ko‘rishni yo‘qolishi, buyraklar faoliyatini buzilishi bo‘lgan patsiyentlarda, karboplatin tavsiya etilgan dozalardan yuqori dozalar yuborilgandan keyin aniqlangan. Ko‘rishni yo‘qolishi, extimol, preparatning yuqori dozalari bekor qilingandan keyin qisman yoki to‘liq qaytuvchi bo‘ladi.
Qaytuvchi orqa leykoentsefalopatiya sindromi
Karboplatinni ximioterapiya bilan birga olgan patsiyentlarda, davolash bekor qilingandan keyin yo‘qoladigan qaytuvchi orqa leykoentsefalopatiya sindromi (QOLS) rivojlanishi xollari aniqlangan (4.8 bo‘limga qarang).
Ototoksiklik
Karboplatin bilan davolash jarayonida eshitishni buzilishi aniqlangan; bunda ototoksiklik bolalarda yaqqolroq bo‘lishi mumkin (shu jumladan eshitishni kechiktirilgan yo‘qolishi). Ilgari sisplatin olgan, karboplatinni yuqori dozalarda olgan va 65 yoshdan katta yoshga yetgan patsiyentlarda kumulyativ ototoksiklikning xollari ta'riflangan. Shuning uchun davolashni boshlash oldidan, davolash jarayonida, shuningdek eshitishni o‘zgarishlari, ayniqsa bolalarda rivojlanganda, audiometriya qilish tavsiya etiladi.
Neyrotoksiklik va ototoksiklik ko‘p uchramaydi va odatda faqat og‘irligi yengil darajali bo‘ladi. Ular katta extimollik bilan 65 yoshdan oshgan yoki ilgari boshqa sisplatin preparatlari va boshqa ototoksik vositalarni olgan patsiyentlarda rivojlanadi.
Extiyotkorlikning boshqa choralari
Ximioterapiya, shu jumladan karboplatin olayotgan immunokomprometatsiya bo‘lgan patsiyentlarga tirik yoki kuchsizlantirilgan vaktsinalarni yuborish, jiddiy va potentsial letal infektsiyalar rivojlanishiga olib kelishi mumkin. Tirik vaktsinalar bilan immunizatsiyadan saqlanish kerak. O‘ldirilgan yoki faolsizlantirilgan vaktsinalarni ishlatish mumkin, lekin bu vaktsinalarga javob past bo‘lishi mumkin (shuningdek 4.5 bo‘limga qarang).
Karboplatinning kantserogenligini tekshirishlari o‘tkazilmagan, lekin o‘xshash ta'sir mexanizmiga va mutagenlikka ega preparatlarning kantserogenligi xaqida xabar berilgan (5.3 bo‘limga qarang).
Bolalar va o‘smirlarda karboplatinning xavfsizligi va samaradorligi aniqlanmagan.
Karboplatinni tayyorlash va yuborish uchun alyumin komponentlari bo‘lgan jixozlarni ishlatish mumkin emas.
Keksa patsiyentlar (65 yoshdan katta)
Karboplatin va siklofosfamid bilan majmuaviy davolashni tekshirishlarida, karboplatin olgan keksa patsiyentlarda, yoshroq shaxslardagiga qaraganda og‘ir trombotsitopeniyaning extimoli yuqori bo‘lgan. Bundan tashqari, preparatning dozasini tanlashda, keksa yoshli patsiyentlarda ko‘pincha buyraklar faoliyatini pasayishi kuzatilishini xisobga olish kerak (4.2 bo‘limga qarang).
4.5. Boshqa dori preparatlari bilan o‘zaro ta'siri va o‘zaro ta'sirning boshqa shakllari
Xavfli o‘smali bemorlarda trombozlar xavfi yuqoriligi oqibatida, ularda ko‘pincha antikoagulyantlar bilan davolash o‘tkaziladi. Qonning ivish tizimi parametrlarini shaxslar orasidagi axamiyatli farqi va peroral antikoagulyantlar va ximiopreparatlar orasidagi mumkin bo‘lgan o‘zaro ta'sirlar oqibatida, XNN muntazam monitoring qilish kerak.
Bir vaqtda yuborish mumkin emas
• Sariq isitmaga qarshi vaktsina: mikroorganizmning vaktsina shtamm chaqirgan yoyilgan va extimol letal infektsiyaning xavfi bor (4.3 bo‘limga qarang).
Bir vaqtda yuborish tavsiya etilmaydi
• Tirik kuchsizlangan vaktsinalar (sariq isitmani oldini olish uchun vaktsinadan tashqari): tizimli, extimol letal infektsiyaning xavfi bor. Bu xavf asosiy kasallik oqibatidagi immun tizimi faoliyatini buzilishi bo‘lgan patsiyentlarda oshadi. Iloji boricha faolsizlantirilgan vaktsinalarni (masalan, poliomiyelitni oldini olish uchun vaktsina) ishlatish kerak.
• Fenitoin, fosfenitoin: sitotoksik bilan induktsiyalangan me'da-ichak yo‘llaridan so‘rilishini pasayishi oqibatida tirishishlarning kuchayishini xavfi, shuningdek toksiklik xavfini oshishi yoki fenitoin chaqirgan sitostatikning jigar metabolizmini kuchayishi xisobiga uning samarasini yo‘qolishini xavfi bor.
Bir vaqtda qo‘llashni extiyotkorlik bilan amalga oshirish kerak
• Siklosporin (shuningdek takrolimus va sirolimus): yaqqol immunosupressiya va limfoproliferativ buzilishlarning xavfi.
• Xalqali diuretiklar: kumulyativ nefro- yoki ototoksiklik oqibatida aloxida extiyotkorlikka rioya qilish kerak.
• Bir vaqtda nefro- yoki ototoksik dori vositalarini yuborish tavsiya etilmaydi, chunki karboplatin bu preparatlarning buyrak klirensini o‘zgarishlarini chaqiradi, bu ularning toksikligini, ayniqsa buyrak yetishmovchiligi bo‘lgan patsiyentlarda kuchaytirishi mumkin.
Karboplatinni boshqa miyelosupressantlar bilan majmualash ikkala komponentning suyak ko‘migiga ta'sirini kuchaytirishi mumkin. Boshqa nefrotoksik preparatlar bilan bir vaqtda davolash jarayonida, karboplatinning buyrak klirensini pasayishi oqibatida og‘ir va davomli miyelosupressiya rivojlanishi mumkin.
Karboplatinni va varfarin extiyotkorlik bilan majmualash kerak, chunki bunda XNN oshishini xollari qayd etilgan.
Karboplatin boshqa emetogan dori vositalari bilan majmualanganda yoki u ilgari emetogen davolash olgan patsiyentlarda ishlatilganda, qusish tez-tezligini oshishi aniqlangan.
Karboplatinni xelatlovchi moddalar bilan bir vaqtda yuborishdan saqlanish kerak, chunki bu, nazariy, birinchisining o‘smaga qarshi ta'sirini pasaytirishi mumkin. Xayvonlardagi tekshirishlarda va klinik tekshirishlarda biroq, dietilditiokarbamatni karboplatinning o‘smalarga qarshi samarasiga ta'sir ko‘rsatmasligi ko‘rsatilgan.
4.6 Fertillikka ta'siri, xomiladorlik va emizish davrida qo‘llanishi
Xomiladorlik davrida qo‘llanishi
Karboplatin xomilada rivojlanish nuqsonlarini chaqirish qobiliyatiga ega. Xayvonlardagi tekshirishlarda reproduktiv toksikligi namoyish qilingan ((5.3 bo‘limga qarang). Karboplatin organogenez davrida ishlatilganda kalamushlarda teratogenlik va embriotoksiklik namoyon qilgan. U shuningdek in vivo va in vitro mutagen xisoblanadi. Odamda xomiladorlik davrida preparatni ishlatishni nazoratli tekshirishlari o‘tkazilmagan. Agar bu preparat xomiladorlik davrida yoki xomiladorlik yuz berganda ishlatilsa, ayol patsiyentni xomila uchun potentsial xavfi xaqida xabardor qilish kerak.
Xomiladorlik davrida karboplatin faqat qat'iy ko‘rsatmalar bo‘yicha ishlatilishi kerak. Reproduktiv yoshdagi ayollarga xomiladorlik yuz berishidan saqlanish tavsiya etiladi.
Xomilador ayollar karboplatin bilan muloqatda bo‘lmasliklari kerak.
Emizish
Karboplatinni odam ko‘krak sutiga o‘tishi xaqida ma'lumotlar yo‘q.
Preparat bilan davolash o‘tkazishning zarurati bo‘lgan xolda emizish to‘xtatilishi kerak.
Fertillik
Karboplatin genotoksik.
Reproduktiv yoshdagi xamma patsiyentlar davolash davrida xam, u yakunlangandan keyin yana 6 oy davomida kontratseptsiyaning samarali usullarini ishlatishlari kerak.
Preparat xomiladorlik vaqtida ishlatilganda, shuningdek davolash davomida xomiladorlik yuz berganda, ayol patsiyenlarga genetik maslaxat olish tavsiya etiladi.
Preparat bilan davolash fonida gonadalar faoliyatini bostirilishi amenoreya va azospermiya rivojlanishiga olib kelish qobilyatiga ega, ularning yaqqolligi doza va davolashning davomiyligiga bog‘liq, va ular qaytmas bo‘lishi mumkin.
Erkak jinsi patsiyentlarga davolashni boshlashgacha urug‘ suyuqligini konservatsiya qilish bo‘yicha maslaxat olish tavsiya etiladi, chunki karboplatin qaytmas bepushtlik chaqirishi mumkin.
4.7 Transport vositalarini boshqarish va mexanizmlar bilan ishlash qobiliyatiga ta'siri
Tekshirishlar o‘tkazilmagan. Karboplatin ko‘ngil aynishi, qusish, ko‘rish aniqligini pasayishini va ototoksiklik chaqirib transport vositalarini boshqarish va mexanizmlar bilan ishlash qobiliyatiga bilvosita ta'sir qilishi mumkin. Shuning uchun patsiyentlar bu buzilishlarni transport vositalarini boshqarish va mexanizmlar bilan ishlash qobiliyatiga potentsial ta'siri xaqida xabardor qilingan bo‘lishlari kerak.
4.8 Noxush samaralari
Quyida keltirilgan ro‘yxatda noxush samaralari MedDRA da ishlatiladigantizim-a'zolar sinflari, atamalar bo‘yicha va uchrash tez-tezligini quyidagi mezonlari bo‘yicha berilgan:
Juda tez-tez (≥ 1/10);
Tez-tez (≥ 1/100, lekin ≤ 1/10);
Tez-tez emas (≥ 1/1000, lekin ≤ 1/100);
Kam (≥ 1/10000, lekin ≤ 1/1000);
Juda kam (≤ 1/10000);
Tez-tezligi noma'lum: mavjud bo‘lgan ma'lumotlar bo‘yicha baxolash mumkin emas.
A'zolar tizimi
sinfi Tez-tezligi MedDRA atamasi
Xavfsiz, xavfli
va tasniflanma-
gan o‘smalar (kista va poliplarni xam qo‘shib) Tez-tez emas Karboplatin monoterapiyada va majmuaviy davolash tarkibida ishlatilgandan keyin kuzatilgan, o‘tkazilayotgan davolash bilan bog‘liq bo‘lgan ikkilamchi o‘smalar (shu jumladan, oldingi nurli davolashli karboplatin bilan monoterpiyadan keyin 6 yil o‘tgach promiyelotsitar leykoz preparatni qo‘llash bilan sabab-oqibat aloqasi aniqlanmagan).
Infektsiyalar va invaziyalar Tez-tez Infektsiyalar*.
Tez-tezligi no'malum Pnevmoniya.
Qon va limfatik tizimi tomonidan o‘zgarishlar Juda tez-tez Trombotsitopeniya, neytropeniya
Leykopeniya, anemiya.
Tez-tez Qon ketishi*.
Kam Tana xaroratini oshishi,
Sepsis/septik shok.
Tez-tezligi noma'lum Suyak ko‘migi faoliyatini yetishmasligi, gemopoezni buzi-, lishi, febril neytropeniya, gemolitiko-uremik sindrom
Immun tizimi tomonidan buzilishlar Tez-tez O‘ta yuqori sezuvchanlik reaktsiyalari, anafilaktoid reaktsiyalar (kam xollarda-o‘lim bilan yakunlanuvchi, yuborish boshlangandan keyin bir necha minut davomida rivojlanishi mumkin. Ularning simptomlari bronxospazm, eshakemi, yuzni shishi va qizarishi, dispnoe, gipotenziya, bosh aylanishi, anafilaktik shok, xushtakli nafas va taxikardiya xisoblanadi-4.4 bo‘limga qarang).
Ovqatlanish va moddalar almashinuvini buzilishlari Juda tez-tez Karboplatin bilan davolashdan keyin qon zardobida elektrolitlar kontsentratsiyasini pasayishi (magniy (29%), kaliy (20%), natriy (29%) va kaltsiy (22%) aniqlangan, lekin ular muvofiq klinik ko‘rinishlarni induktsiyalash uchun yetarlicha og‘ir bo‘lmagan. Xususan, erta gipernatriyemiya xollari qayd etilgan.
Tez-tezligi noma'lum Degidratatsiya, anoreksiya, o‘sma lizisi sindromi.
Nerv tizimi tomonidan buzilishlar Tez-tez Periferik neyropatiya, paresteziya, chuqur pay reflekslarini pasayishi, sezuvchanlikni buzilishi, disgveziya.
Tez-tez emas Markaziy nerv tizimi tomonidan simptomlar (ko‘pincha-bir vaqtda antiemetiklar ishlatilganda)
Tez-tezligi noma'lum Serebrovaskulyar buzilishlar, qaytuvchi orqa leykoentsefalopatiya sindromi#, insult*.
Ko‘rish a'zosi tomonidan buzilishlar Tez-tez Ko‘rishni buzilishlari (shu jumladan kam xollarda-ko‘rishni yo‘qotilishi).
Tez-tezligi noma'lum Ko‘ruv nervining nevriti
Eshitish va muvozanat a'zosi tomonidan buzilishlar Juda tez-tez Audiometriya ma'lumotlariga muvofiq, yuqori chastotali diapazonda (4000 - 8000 Gts) eshitishni subklinik yo‘qotilishi, karboplatin olgan 15% patsiyentlarda kuzatilgan.
Tez-tez Ototoksiklikning klinik ko‘rinishlari
Juda kam Eshitishni buzilishi
Yurak tomonidan buzilishlar Tez-tez Yurak-tomir patologiyasi*.
Juda kam Yurak-tomir tizimi tomonidan noxush ko‘rinishlar (yurak yetishmovchiligi, emboliyalar) va serebrovaskulyar patologiya
(apopleksiya) ni yakka xollari (karboplatinni qo‘llash bilan sabab-oqibat aloqasi tasdiqlanmagan). Arterial gipertenziyaning yakka xollari qayd etilgan.
Tez-tezligi noma'lum Yurak yetishmovchiligi*, yurak ishemik kasalligi (miokard infarkti, yurakni to‘xtab qolishi, stenokardiya, miokard ishemiyasi).
Tomirlar tizimi tomonidan buzilishlar Tez-tezligi noma'lum Emboliya*, arterial gipertenziya, arterial gipotenziya
Nafas tizimi, ko‘krak qafasi va ko‘ks oralig‘i tomonidan buzilishlar Tez-tez Respirator kasalliklar, ko‘krak qafasini qisilishi xissi bilan o‘pkalar fibrozi va dispnoe, o‘pkalarni interstitsial kasalligi, bronxospazm (bu xolatni faqat o‘ta yuqori sezuvchanlikning o‘pka ko‘rinishlarini istisno qilgandan keyin ta'kidlash kerak).
Ovqat xazm qilish tizimi tomonidan buzilishlar Juda tez-tez Qusish, ko‘ngil aynishi, qorin og‘riqlari.
Tez-tez Diareya (8%), qabziyat (6%), mukozit.
Tez-tezligi noma'lum Stomatit, pankreatit.
Gepatolbiliar tizimi tomonidan buzilishlar Juda tez-tez Jigar faoliyatini buzilishi.
Kam Karboplatin tavsiya etilgandan yuqori dozalarda yuborilgandan keyin jigar faoliyatining og‘ir buzilishlari (shu jumladan jigarni o‘tkir nekrozi) aniqlangan.
Teri va teri osti kletchatkasi tomonidan buzilishlar Tez-tez Alopetsiya, terini o‘zgarishlari
Kam Eksfoleativ dermatit
Tez-tezligi noma'lum Eshakemi, toshma, eritema, qichishish
Suyak-mushak va biriktiruvchi to‘qima tomonidan buzilishlar Tez-tez Suyak-mushak tizimi tomonidan buzilishlar.
Tez-tez emas Mialgiya, artralgiya
Siydik chiqarish tizimi tomonidan buzilishlar Juda tez-tez Kreatinin klirensini dastlabki qiymatlarini ≤ 60 ml/min kamayishi bilan assotsiatsiyalangan buyraklar faoliyatini buzilishi
Tez-tez Siydik jinsiy tizimining kasalliklari, giperurikemiya, qonda mochevina darajasini oshishi, qon zardobida kreatinin kontsentratsiyasini oshishi.
Tizimli buzilishlar va yuborish joyidagi asoratlar Tez-tez Asteniya
Tez-tez emas Grippsimon simptomlar, etni uvishishi, bosh og‘rig‘i.
Tez-tezligi noma'lum Yuborish joyida reaktsiyalar, xususan achishish, og‘riq, qizirish, eritema, shish, eshakemi va to‘qimalar nekrozi, darmonsizlik, yuborish joyida ekstravazatsiya.
Laboratoriya va instrumental tekshirishlarning o‘zgarishlari Juda tez-tez Kreatinin klirensini pasayishi, qonda mochevina kontsentratsiyasini oshishi, ishqoriy fosfatazani oshishi, aspartataminotransferazani oshishi, jigarning funktsional sinamalarini patologik o‘zgarishlari, qonda natriy, kaliy, kaltsiy va magniy kontsentratsiyasini pasayishi.
Tez-tez Qonda bilirubinning kontsentratsiyasini oshishi, qonda kreatinin va mochevina kontsentratsiyasini oshishi.
* ≤ 1% xollarda letal, ≤ 1% xollarda letal yurak-tomir noxush ko‘rinishlar, shu jumladan yurak yetishmovchiligi, emboliyalar va serebrovaskulyar buzilishlar.
# preparat bozorga chiqqanidan keyin olingan ma'lumotlar bo‘yicha.
Qon va limfatik tizimi tomonidan buzilishlar
Karboplatinning dozani cheklovchi nojo‘ya samarasi trombotsitopeniya, leykopeniya, neytropeniya va/yoki anemiya ko‘rinishida namoyon bo‘luvchi suyak ko‘migining susayishi xisoblanadi. Buyraklar faoliyatini buzilishi, ilgari jadal davolash olgan, og‘ir umumiy xolatga ega bo‘lgan va 65 dan katta yoshga yetgan patsiyentlarda miyelosupressiya og‘irroq va davomliroq bo‘lishi mumkin. Bunga qo‘shimcha, karboplatin boshqa miyelosupressantlar bilan majmualanganda suyak ko‘miga faoliyatining bostirilish darajasi kuchayadi. Karboplatin monoterapiyada tavsiya etilgan dozalash tartibida ishlatilganda, suyak ko‘migining susayishi odatda qaytuvchi va nokumulyativ xarakterga ega bo‘ladi.
Maksimal o‘zlashtiriluvchi dozada monoterapiyada karboplatin olgan patsiyentlarning taxminan 30% da, trombotsitlar miqdorini 50 000 xujayra/mm3 dan kamga pasayishi bilan trombotsitopeniya aniqlangan. Bunda ko‘rsatgichlarning minimal qiymatlari 14-nchi va 21-nchi kunlar orasidagi davrda qayd etilgan, uning normallashishi esa davolash boshlangandan keyingi 35 kun davomida yuz bergan. Taxminan 20% patsiyentlarda leykotsitlar miqdori ≥ 2 000 xujayra/mm3 bo‘lgan leykopeniya aniqlangan; bunda leykotsitlar miqdorini minimaldan (14-28-nchi kunlari kuzatiladigan) tiklanishi, ko‘proq davom etishi mumkin va odatda davolash boshlangandan keyingi 42 kun davomida yuz beradi.
Ayrim xollarda trombotsitlar va leykotsitlar miqdorini dastlabki qiymatlargacha oshishi faqat muvofiq 35 va 42 kun o‘tgach aniqlangan. Bunday xollarda karboplatinni faqat trombotsitlarning miqdori 100 000 xujayra/mm3 dan yuqori va leykotsitlarning miqdori 2 000 xujayra/mm3 dan yuqori bo‘lgandan keyin yuborish mumkin.
Taxminan 18% patsiyentlarda granulotsitlar miqdorini ≤ 1 000 xujayra/mm3 pasayishi bilan neytropeniya rivojlangan. Ko‘rsatgichlarning dastlabki qiymatlari normal bo‘lgan 15% patsiyentlarda, gemoglobinning kontsentratsiyasini 8 g/dl dan kamga pasayishi aniqlangan. Anemiya tez-tez rivojlangan va kumulyativ bo‘lishi mumkin. Bunda anemiyaning tez-tezligi karboplatinning ekspozitsiyasi qiymatlarini oshishi bilan oshgan.
Miyelotoksiklik ilgari o‘smalarga qarshi davolash, ayniqsa sisplatin olgan patsiyentlarda, shuningdek buyraklar faoliyatini buzilishi bo‘lgan patsiyentlarda yaqqolroq bo‘lgan. Og‘ir xolatda bo‘lgan patsiyentlarda, shuningdek leykopeniya va trombotsitopeniya tez-tezligini oshishi qayd etilgan. Garchi bu samaralar qaytuvchi bo‘lsada, ular karboplatin olgan muvofiq 4% va 5% patsiyentlarda infektsion va gematologitk asoratlar rivojlanishiga olib kelgan. Bu asoratlar 1% dan kam patsiyentlarda o‘lim bilan yakunlangan.
Shuningdek klinik axamiyatli bo‘lmagan gemorragik asoratlar ham aniqlangan.
Nerv tizimi tomonidan buzilishlar
Karboplatin bilan davolashdan keyin periferik neyropatiyaning tez-tezligi 4% ni tashkil qilgan. Ko‘pchilak patsiyentlarda neyrotoksiklik paresteziyalar va chuqur pay reflekslarini pasayishi bilan cheklangan. 65 va undan katta yoshli, shuningdek ilgari sisplatin olgan patsiyentlarda, bu noxush samaralarning tez-tezligi va og‘irligi yuqori bo‘lgan. Karboplatin bilan davolashni boshlashgacha kuzatilgan, ayniqsa ilgari sisplatin bilan davolash o‘tkazilishi bilan bog‘liq bo‘lgan paresteziyalar, karboplatin bilan davolash jarayonida saqlanishlari yoki yomonlashishlari mumkin (4.4 bo‘limga qarang).
MNT tomonidan buzilishlar, biroq, kamroq aniqlangan, va ularning ko‘pchiligi antiemetiklar bilan bir vaqtda davolash bilan assotsiatsiyalangan.
Sezuvchanlikning klinik axamiyatli buzilishlari (xususan, ko‘rishni va ta'm sezishni buzilishlari) 1% patsiyentlarda kuzatilgan.
Nevrologik noxush samaralarning tez-tezligi majmuaviy davolash tarkibida karboplatin olgan patsiyentlarda yuqori bo‘lgan. Bu kumulyativ ta'siri bilan bog‘liq bo‘lishi mumkin.
Ko‘rish a'zosi tomonidan buzilishlar
Platina preparatlari bilan davolash jarayonida ko‘pincha, kam xollarda xatto ko‘rishni vaqtinchalik yo‘qolishigacha bo‘lgan ko‘rishni buzilishlari qayd etilgan. Bu buzilishlar faqat yuqori dozalarda davolash olgan buyraklar faoliyatini buzilishi bo‘lgan patsiyentlarda aniqlangan. Preparat qayd etilgandan keyin uni qo‘llash jarayonida ko‘ruv nervining nevritining xollari aniqlangan.
Ototoksiklik
Ototoksiklikning klinik ko‘rinishlari faqat 1% patsiyentlarda aniqlangan va asosan quloqlarda shovqin bilan namoyon bo‘lgan. Ilgari sisplatin olgan patsiyentlarda, ularda eshitishni yo‘qolishi rivojlangan, bu o‘zgarishlar saqlanishi va yomonlashishi mumkin.
Eshitishni klinik axamiyatli yo‘qotilishi, tavsiya etilgandan yuqori dozalarda karboplatinni eshituv a'zosiga salbiy ta'sir ko‘rsatuvchi dori vositalari bilan majmuada olgan bolalarda qayd etilgan.
Ovqat xazm qilish tizimi tomonidan buzilishlar
Qusishsiz ko‘ngil aynishi karboplatin olgan taxminan 15% patsiyentlarda kuzatilgan. 65% patsiyentlarda qusish kuzatilgan, u uchdan birida og‘ir darajali bo‘lgan. Ko‘ngil aynishi va qusish karboplatin yuborilgandan keyin 6-12 soat o‘tgach rivojlangan va preparat yuborilgandan keyin birinchi 24 soat davomida yo‘qolgan. Antiemetiklarni qo‘llash odatda ularning yaqqolligini kamaytirish yoki ularning rivojlanishiga yo‘l qo‘ymaslik imkoniyatini bergan. 25% patsiyentlarda na ko‘ngil aynishi va na qusish qayd etilmagan. Faqat1% patsiyentlarda qusishni dorilar bilan bartaraf qilish mumkin bo‘lgan. Ilgari o‘smalarga qarshi davolash, ayniqsa sisplatin olgan patsiyentlarda, qusish ko‘proq kuzatilgan.
Qusish ko‘proq preparat boshqa ematogen vositalar bilan majmualanganda qayd etilgan.
Me'da-ichak yo‘llari tomonidan og‘riqli simptomlarga shikoyatlar 17% patsiyentlarda aniqlangan.
Allergik reaktsiyalar
Karboplatinga allergik reaktsiyalar 2% dan kamroq patsiyentlarda aniqlangan va toshma, eshakemi, sababsiz va qichishish bilan eritematoz toshmalar ko‘rinishida namoyon bo‘lgan. Bu reaktsiyalar bo‘yicha kerakli tutib turuvchi davolash o‘tkazilishi kerak.
Kamroq kerakli davolashni talab qiluvchi (antigistamin vositalar, glyukokortikoidlar, adrenalin bilan) allergik reaktsiyalar rivojlangan. Bu reaktsiyalarga anafilaksiya/anafilaktoid reaktsiyalar (kam xollarda letal), anafilaktik shok, angionevrotik shishi, yuzni shishi va giperemiyasi, gipotenziya, bronxospazm, bosh aylanishi, xushtakli nafas, taxikardiya va pireksiya kiradi. O‘ta yuqori sezuvchanlik reaktsiyalar preparatni vena ichiga yuborish boshlangandan keyin bir necha minut davomida rivojlanishi mumkin.
Gepatobiliar tizimi tomonidan buzilishlar
Karboplatin olgan va jigar faoliyatining normal dastlabki qiymatlariga ega bo‘lgan patsiyentlarning taxminan uchdan birida, davolash jarayonida muvofiq ko‘rsatgichlarni og‘irligi yengil yoki o‘rtacha darajali o‘zgarishlari qayd etilgan. Ishqoriy fosfataza faolligini oshishi *24% patsiyentlarda, AST faolligini (15% patsiyentlarda), ALT yoki umumiy bilirubinning kontsentratsiyasini (5% patsiyentlarda) oshishiga qaraganda ko‘proq qayd etilgan. Bu og‘ishlarning ko‘pchiligi davolash jarayonida spontan yo‘qolgan. O‘zgarishlar asosan yengil darajada ifodalangan va patsiyentlarning yarmida qaytuvchi bo‘lgan.
Yuqori dozalarda karboplatin olgan va suyak ko‘migini autologik transplantatsiyasini o‘tkazgan patsiyentlarning cheklangan miqdorida, jigarning funktsional sinamalari qiymatlarini og‘ir oshishi aniqlangan.
Siydik chiqarish tizimi tomonidan buzilishlar
Karboplatin olgan patsiyentlarda kreatinin klirensi buyraklar faoliyatini sezgir parametri xisoblanadi. Ko‘rsatgichni dastlabki qiymati ≥ 60 ml/minut bo‘lgan 27% patsiyentlarda, kreatinin klirensini pasayishi qayd etilgan. Bunda nefrotoksiklik ko‘proq va yaqqolroq karboplatin bilan davolashni boshlash oldidan buyraklar faoliyatini buzilishi bo‘lgan patsiyentlarda aniqlangan.
Xozirgi vaqtda adekvat gidratatsiya bu samarani kompensatsiya qilish imkoniyatini berish-bermasligi noma'lum. Buyraklar faoliyatini o‘rtacha (kreatinin klirensi – 41-59 ml/min) yoki og‘ir (kreatinin klirensi – 16-40 ml/min) o‘zgarishlari rivojlanganda, dozani pasaytirish yoki preparatni bekor qilish kerak. Kreatinin klirensi 15 ml/minutdan kam bo‘lgan patsiyentlarda karboplatinni qo‘llash mumkin emas.
Karboplatin odatdagi dozalarda ishlatilganda buyraklar disfunktsiyasini xollari kam qayd etilgan. Preparatning nefrotoksikligi dozani cheklovchi samara xisoblanmaydi va preventiv choralarni, masalan katta miqdorda suyuqlikni kiritish yoki jadallangan diurezni talab qilmaydi. Shunga qaramasdan, qonda mochevina (5% patsiyentlarda), qonda mochevina azotini (14% patsiyentlarda) yoki qon zardobida kreatinin (6% patsiyentlarda) kontsentratsiyasini oshishi mumkin. Lekin bu simptomlar odatda yengil darajada ifodalangan va patsiyentlarning yarmida qaytuvchi bo‘ladi.
Buyraklar faoliyatini og‘ir buzilishida karboplatinning dozasini pasaytirish yoki uni bekor qilish kerak (4.2 va 4.3 bo‘limlarga qarang).
Karboplatin olgan patsiyentlarda giperurikemiya tez-tez aniqlangan. Qon zardobidagi siydik kislotasining oshgan kontsentratsiyasini, allopurinolni yuborish yo‘li bilan samarali pasaytirish mumkin.
4.9 Dozani oshirib yuborilishi
Dozani oshirib yuborilishining simptomlari
Davolash kursiga karboplatin vena ichiga 1600 mg/m2 gacha dozalarda yuborilgan 1 faza tekshirishlarda, xayotga xavf soluvchi gematologik noxush ko‘rinishlar, xususan granulotsitopeniya, trombotsitopeniya va anemiya qayd qilingan. Granulotsitlar, trombotsitlar miqdori va gemoglobinning kontsentratsiyasini minimal qiymatlari 9-25-nchi (o‘rtacha – 12-17-nchi) kunlari aniqlangan. 8-14 kundan (o‘rtacha-11 kundan) va 3-8 (o‘rtacha -7) kundan keyin granulotsitlar va trombotsitlarning qiymatlari muvofiq ≥ 500 xujayra/m3 va ≥ 25 000 xujayra/m3 qiymatlarga yetgan.
Bundan tashqari, quyidagi nogematologik noxush samaralar qayd etilgan: kalava filtratsiyasi tezligini 50% ga pasayishi bilan buyraklar faoliyatini buzilishi, neyropatiyalar, ototoksiklik, ko‘rishni yo‘qolishi, giperbilirubinemiya, mukozit, diareya, bosh og‘riqlari, eritema va og‘ir infektsiyalar bilan ko‘ngil aynishi va qusish. Eshitishni pasayishlari asosan o‘tkinchi va qaytuvchi bo‘lgan.
Dozani oshirib yuborilishini davolash
Spetsifik antidoti noma'lum. Dozani oshirib yuborilishining taxmin qilingan asoratlari miyelosupressiya, shuningdek jigar, buyraklar va eshitish a'zosi faoliyatini buzilishi bilan bog‘liq. Preparatni tavsiya etilgandan yuqori dozalarda ishlatish ko‘rishni yo‘qotilishi bilan assotsiatsiyalangan (4.4 bo‘limga qarang). Noxush gematologik reaktsiyalarni suyak ko‘migini ko‘chirib o‘tkazish va transfuziyalar (trombotsitar massa, qon) yo‘li bilan samarali to‘g‘irlash mumkin.
Gemodializ qondan preparatni faqat u yuborilgandan keyin3 soat davomida yo‘qotish imkoniyatini beradi, chunki preparatdan ajralib chiqayotgan palatin, axamiyatli darajada qon plazmasi oqsillari bilan bog‘lanadi.
5. FARMAKOLOGIK XUSUSIYaTLARI
5.1 Farmakodinamikasi
Farmakoterapevtik guruxi: o‘smalarga qarshi vosita, platina preparatlari.
ATX kodi: L01XA02.
Karboplatin o‘smalarga qarshi vosita bo‘lib, uning faolligi sichqonlar va odam xujayralar liniyalari seriyalarida namoyish qilingan.
Karboplatin ularning joylashishidan qat'iy nazar xavfli o‘smalarning keng doirasiga nisbatan sisplatinning shunday xususiyati bilan solishtirarli faollikka ega.
Ishqoriy elyutsiya va DNK bilan bog‘lanish testlarida karboplatin va sisplatinni sifat jixatdan o‘xshash ta'sir mexanizmi aniqlangan. Sisplatin kabi karboplatin xam «DNK qisqarish samarasi” deb nomlanuvchi, DNK konformatsiyasining superspiralizatsiyasida o‘zgarishlar chaqiradi.
Bolalar va o‘smirlar: preparatni bolalar va o‘smirlarda qo‘llashning xavfsizligi va samaradorligi aniqlanmagan (4.2 va 5.2 bo‘limlarga qarang).
5.2 Farmakokinetikasi
To‘g‘ri chiziqliligi
Odamda karboplatin yuborilganidan keyin qon plazmasidagi platinaning dozasi va umumiy va erkin ultrafiltratsiyalanuvchi kontsentratsiyalari orasida to‘g‘ri chiziqli bog‘liqlik aniqlangan. Shuningdek kreatinin klirensining ≥ 60 ml/minut qiymatlarida qon plazmasidagi kontsentratsiyasini vaqtga bog‘liqligini maydoni osti egri chizig‘i va platinaning umumiy dozasi orasida to‘g‘ri chiziqli bog‘liqlik aniqlangan.
So‘rilishi
To‘rt ketma-ket kunlar davomida preparatni ko‘p marta yuborish, qon plazmasida platinani kumulyatsiyasiga olib kelmagan.
Eliminatsiyasi
Karboplatin yuborilganidan keyin odamda erkin ultrafiltatsiyalanuvchi plavtina va karboplatinning yarimchiqarilishini terminal davrining aniqlangan qiymatlari muvofiq taxminan 6 va 1,5 soat. Boshlang‘ich faza davomida erkir ultrafiltratsiyalanuvchi platinaning axamiyatli ulushi karboplatin ko‘rinishida qolgan. Qon plazmasidan umumiy platinaning yarimchiqarilishini terminal davri 24 soatni tashkil qilgan. Yuborilgandan keyin 24 soat davomida platinaning taxminan 87% qon plazmasida oqsillar bilan bog‘langan bo‘lgan. Karboplatin asosan siydik bilan chiqarilgan – 24 soat davomida yuborilgan platinaning taxminan 70% chiqarilgan. Faol moddaning katta qismi birinchi 6 soat davomida chiqariladi. Erkin ultrafiltratsiyalanuvchi platinaning umumiy va buyrak klirensi kalava filtratsiyasi bilan korrelyatsiya qilgan, lekin naychalar sekretsiyasi tezligi bilan emas.
Bolalarda karboplatinning klirensini taxminan 3-4 karralik variabilligi kuzatilishi mumkinligi xaqida xabarlar bor. Bu ma'lumotlar kattalarda buyraklar faoliyatini karboplatinning klirensini variatsiyalariga xissa qo‘shishi mumkinligidan dalolat beradi.
5.3 Xavfsizligi bo‘yicha klinikagacha bo‘lgan ma'lumotlar
Toksiklikning klinikagacha bo‘lgan tekshirishlarida sisplatin bilan solishtirganda axamiyatli kamroq nefrotoksiklik va kamroq ematogen potentsiali namoyish qilingan, lekin uning miyeldosupressiv samarasi yaqqolroq bo‘lgan.
Karboplatin in vitro va in vivo eksperimentlarda genotoksik bo‘lgan, ikkala jins xayvonlarda reproduktiv tizimi a'zolariga nisbatan toksiklik namoyon qilgan, shuningdek kalamushlarda embriotoksik va teratogen bo‘lgan. Bundan tashqari, preparatning mutagan samarasi aniqlangan (nuqtali mutatsiyalar, xromosom abberatsiyalar).
Garchi karboplatinning kantserogenligining tekshirishlari o‘tkazilmagan bo‘lsada, o‘xshash ta'sir mexanizmiga va o‘xshash mutagenlikka ega bo‘lgan moddalarning kantserogenligi xaqida xabarlar bor.
6. FARMATSEVTIK XARAKTERISTIKASI
6.1 Yordamchi moddalar ro‘yxati
In'ektsiya uchun suv.
6.2 Nomutanosiblik
Bu preparatni glyukozaning 5% li eritmasidan tashqari boshqa dori vositalari bilan aralashtirish mumkin emas.
Karboplatin qora cho‘kma xosil qilib, alyuminiy bilan kontaktda parchalanadi, bu preparatning faolligini yo‘qolishi bilan birga kechadi. Preparatni tayyorlash va yuborish uchun alyuminiy komponentini saqlovchi ignalar, shpritslar, kateterlar va infuzion sistemalarni ishlatishga yo‘l qo‘yilmaydi.
6.3 Yaroqlilik muddati
18 oy. O‘ramida ko‘rsatilgan yaroqlilik muddati o‘tgach ishlatilmasin.
Suyultirilgandan keyingi turg‘unligi
Glyukozaning 5% li eritmasini ishlatish bilan tayyorlangan karboplatinning infuzion eritmasini saqlashni maksimal vaqti, 2-8oS xaroratda va yorug‘likdan ximoyalangan sharoitlarda 20-25oS xaroratda 28 kunni tashkil qiladi. Agar infuzion eritma xona xaroratida yorug‘likdan ximoyasiz saqlansa, u tayyorlangandan keyin darxol ishlatilishi kerak.
Mikrobiologik nuqtai nazardan, preparat darxol ishlatilishi kerak. Aks xolda uni ishlatishgacha bo‘lgan saqlash muddati va sharoitlariga ma'suliyat foydalanuvchida bo‘ladi. Odatda, agar faqat suyultirish nazoratli va validatsiyalangan aseptik sharoitlarda amalga oshirilgan bo‘lsa, 2-8oS xaroratda saqlash muddati 24 soatdan oshmasligi kerak.
6.4 Saqlash sharoiti
25oSdan yuqori bo‘lmagan xaroratda saqlansin. Bolalar ololmaydigan joyda saqlansin.
Suyultirilgan dori preparatini saqlash sharoitlarini 6.3 bo‘limdan qarang.
6.5 Ko‘rinishi va o‘ram ichidagisi
Kulrang rangli rezina tiqinlar bilan bekitilgan, siqma alyumin qalpoqchalar bilan yopilgan sariq-jigarrang shisha (1 turi) flakonlar.
5 ml xajmli 1 flakon (50 mg)
15 ml xajmli 1 flakon (150 mg)
45 ml xajmli 1 flakon (450 mg)
Sotuvda o‘ramlarning xamma turlari bo‘lmasligi mumkin.
6.6 Utilizatsiya va ishlashni boshqa turlaridagi maxsus extiyotkorlik choralari
Faqat bir marta qo‘llash uchun.
Preparatning ishlatilmagan qoldig‘i utilizatsiya qilinishi kerak. Ishlatilmagan preparat va u bilan ifloslangan materiallar maxalliy talablarga muvofiq utilizatsiya qilinishi kerak.
Karboplatin teri va ko‘zlarga tushganda ifloslangan soxani katta miqdordagi suv yoki fiziologik eritma bilan yaxshilab yuvish kerak. Terining o‘tkinchi ta'sirlanishi rivojlanganda yengil krem ishlatish mumkin. Preparat ko‘zga tushganda tibbiy yordamga murojaat qilish kerak.
Sitostatiklar bilan xavfsiz muomala qilish bo‘yicha tavsiyalar
1. Karboplatinni tayyorlash ximiopreparatlar bilan ishlash qoidalariga o‘rgatilgan malakali xodim tomonidan amalga oshirilishi kerak.
2. Preparatni tayyorlash maxsus ajratilgan joyda o‘tkazilishi kerak.
3. Ximoya qo‘lqoplar, niqoblar va kiyimlar ishlatilishi kerak.
4. Preparatni ko‘zga tushishini oldini olish choralarini ko‘rish kerak. Karboplatin ko‘zga tushganida, ular suv va/yoki fiziologik eritma bilan yuviladi.
5. Xomilador ayollarga sitostatiklar bilan ishlash man etiladi.
6. Sitostatiklarni tayyorlash uchun ishlatilgan moslamalarning komponentlarini (ignalar, shpritslar va boshq.) utilizatsiya qilishda, extiyotkorlikka rioya qilish kerak. Preparatning qoldig‘i va u bilan ifloslangan qattiq materiallar, keyingi ularni 1000oS xaroratda kuydirish bilan ikki marta muxrlangan polietilen paketlarga joylanishi kerak. To‘kib yuborilgan qoldiqlarni katta miqdordagi suv bilan yuvib yuborish kerak.
7. Ishchi yuzalar ichki plastik qavatli, bir marta qo‘llash uchun mo‘ljallangan absorbtsiyalovchi qog‘oz bilan yopilgan bo‘lishi kerak.
8. Shpritslar va infuzion moslamalarni ulash uchun Luyer adapterlarini ishlatish kerak. Bosimni minimallashtirish va aerozol xosil bo‘lishini oldini olish uchun, katta diametrli ignalarni ishlatish kerak. Aerozol xosil bo‘lishi shuningdek ventilyatsion tarmoqli ignalarni ishlatish yo‘li bilan xam pasaytirilishi mumkin.
7. QAYD QILISH GUVOXNOMASINING EGASI VA ISHLAB CHIQARUVCHI
EBEVE Farma Gess.m.b.X. Nfg. KG,
Modzeyeshtrasse 11, 4866 Unteraz,
Avstriya
8. BERISH TARTIBI
Statsionar sharoitlarda qo‘llansin.
Shifokor retsepti bo‘yicha beriladi
9. MATINNI QAYTA KO‘RILIShI
2017 y. Iyul
EDEBE Pharma Ges.m.b.H/ Nfg. KG
A-4866 Unterach, AUSTRIA
www.ebeve.com