Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Braveks ichga qabul qilish uchun suspenziya 100mg/5ml 100ml №1
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Ибупрофен
Страна производитель
Турция
Дозировка
100 мг/ 5 мл 100мл
Производитель
Rotapharm Ilaclari Limited Sirketi, Турция
Рецептурный препарат
Нет
Форма выпуска
Суспензия
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqarilgan
- Dorixonalardan berish tartibi
Preparatning savdo nomi
Braveks
Ta'sir etuvchi modda (XPN) ibuprofen
Dori shakli
ichga qabul qilish uchun suspenziya.
Tarkibi
5 ml suspenziya quyidagilarni saqlaydi
faol modda ibuprofen 100 mg.
yordamchi moddalar kaliy sorbat, aspartam, polisorbat 20, saxaroza, karmelloza natriy, mikrokristall sellyuloza, ksantan kamedi, sariq sanset, “Apelsin” aromatizatori, yashirin ta'm aromatizatori 501522T, suvsiz limon kislotasi, tozalangan suv.
Ta'rifi shirin ta'mli va apelsin hidli, qovushoq konsistentsiyali to‘q sariq rangli suspenziya.
Farmakoterapevtik guruhi
Nesteroid yallig‘lanishga qarshi va revmatizmga qarshi vositalar, propion kislotasi hosilalari.
ATX kodi M01AE01
Farmakologik hususiyatlari
Farmakodinamika
Ibuprofen nosteroid yallig‘lanishga qarshi vosita bo‘lib, propion kislotasining hosilasi hisoblanadi. Ibuprofen prostaglandinlar sintezini susaytirib, yallig‘lanishlarda og‘riqni, shishni va isitmani kamaytiradi. Bundan tashqari, ibuprofen trombotsitlar agregatsiyasini qaytar ingibitsiya qiladi.
Eksperimental ma'lumotlar, ibuprofen atsetilsalitsil kislotasi bilan bir vaqtda qo‘llanganida atsetilsalitsil kislotasining kichik dozalarini trombotsitlar agregatsiyasiga ta'sirini ingibitsiya qilishi mumkinligidan dalolat beradi. Bir tadqiqotda ibuprofen 400 mg dozada zudlik bilan ajralib chiqadigan atsetilsalitsil kislotasini (81 mg) qabul qilishdan oldin 8 soat davomida yoki qabul qilingandan so‘ng 30 minut davomida bir vaqtda qabul qilinganida tromboksanni hosil bo‘lishiga yoki trombotsitlar agregatsiyasiga atsetilsalitsil kislotasining ta'sirini kamayishi kuzatilgan. Shunday bo‘lsa-da, ushbu ma'lumotlarni cheklanganligi va klinik vaziyatga ex vivo ma'lumotlarni ekstrapolyatsiyasi bo‘yicha noaniqligi, ibuprofenni muntazam qo‘llanishiga nisbatan aniq xulosalar chiqarish kerak emasligidan dalolat beradi; ibuprofen epizodik qo‘llanganida klinik ahamiyatli samarani ehtimoliy deb hisoblash mumkin emas.
Klinik ma'lumotlar quyidagilarni ko‘rsatadi
• ibuprofenni 5 mg/kg dozada qo‘llash 6 soatgacha bo‘lgan davomiylikdagi isitmani tushiruvchi samarani ta'minlashi mumkin;
• ibuprofenni 6 mg/kg va undan ortiq dozada qo‘llash 8 soatgacha bo‘lgan davomiylikdagi isitmani tushiruvchi samarani ta'minlashi mumkin;
• ibuprofenni 5 mg/kg va undan ortiq dozada qo‘llash 8 soatgacha bo‘lgan davomiylikdagi og‘riq qoldiruvchi samarani ta'minlashi mumkin.
Farmakokinetikasi
Ibuprofen qabul qilinganidan so‘ng tezda so‘riladi va butun organizm bo‘ylab tezda taqsimlanadi. Buyraklar orqali tez va butunlay chiqariladi.
Plazmada maksimal kontsentratsiyalariga och qoringa qabul qilinganidan so‘ng 45 minutdan keyin erishadi. Ovqat bilan birga qabul qilinganida cho‘qqi darajalari 1-2 soatdan keyin kuzatiladi, va bu vaqt turli dori shakllari uchun farqlanishi mumkin.
Ibuprofenning yarim chiqarilish davri taxminan 2 soatni tashkil etadi.
Cheklangan tadqiqotlarda ibuprofen ko‘krak sutiga juda kam kontsentratsiyalarda ajralib chiqadi.
Qo‘llanilishi
Faqat shifokorning ko‘rsatmasi bo‘yicha yuvenil revmatoid artritni simptomatik davolash uchun qo‘llanadi.
Shifokorning ko‘rsatmasi bo‘yicha yoki usiz isitmani, shu jumladan immunizatsiyadan keyin gipertermiyani tez va samarali bartaraf qilish uchun, shuningdek shamollash va grippning simptomlarini, tomoqdagi og‘riq, tishlar yorib chiqishidagi og‘riq, tish og‘rig‘i, quloq og‘rig‘i, bosh og‘rig‘i kabi yengil va o‘rtacha darajadagi og‘riqni, yengil og‘riq sindromlarini va bog‘lamlar cho‘zilganida kuzatiladigan og‘riqni tez va samarali yengillashtirish uchun qo‘llanadi.
Qo‘llash usuli va dozalari
Dozalash
Preparatni, simptomlarni yongillashtirish uchun kerak bo‘ladigan, eng kichik samarali dozada maksimal qisqa vaqt davomida qo‘llash orqali nojo‘ya samalarni rivojlanishini minimal darajaga yetkazish mumkin.
Preparat faqat qisqa muddatli qo‘llash uchun mo‘ljallangan.
Preparatning tavsiya etiladigan sutkalik dozasi 1 kg tana vazniga 20-30 mg ni tashkil etadi, 6 dan 8 soatgacha bo‘lgan dozalash oraliqlaridan iborat teng dozalarga bo‘linadi. Qabul qilishlar o‘rtasida kamida 4 soat oraliq bo‘lishi kerak. Tavsiya etilgan sutkalik dozani oshirish mumkin emas. Preparatni dozalash uchun qadog‘ida mavjud bo‘lgan o‘lchov stakanchasidan foydalaniladi.
Patsiyentning yoshi
Tana vazni (kg)
Bir martalik doza
Qabul qilishlar soni
Tana vazni 5 kg dan ortiq bo‘lgan 3-6 oylikdagi bolalar
5-7,6
2,5 ml
sutkada 3 marta
6-12 oylikdagi bolalar
7,7-9
2,5 ml
sutkada 3-4 marta
1-3 yoshdagi bolalar
10-16
5 ml
sutkada 3 marta
4-6 yoshdagi bolalar
17-20
7,5 ml
sutkada 3 marta
7-9 yoshdagi bolalar
21-30
10 ml
sutkada 3 marta
10-12 yoshdagi bolalar
31-40
15 ml
sutkada 3 marta
Shifokorning tavsiyasisiz preparat 3 oylikdan kichik bolalarda qo‘llanmaydi.
Tana vazni 5 kg dan kichik bo‘lgan bolalarda ushbu preparatni qo‘llash mumkin emas.
3-6 oylikdagi go‘daklarni davolashda, agar simptomlar og‘irlashsa, shifokorga murojaat qilish kerak, shuningdek, agar simptomlar saqlanib tursa, preparatni qo‘llash boshlanganidan so‘ng uzog‘i 24 soatdan keyin shifokor bilan maslahatlashish kerak.
Agar 6 oylikdan katta bolalarda preparatni 3 kundan ortiq qo‘llash talab etilsa yoki simptomlar og‘irlashsa, shifikorga murojaat qilish kerak.
6 oylikdan kichik bolalarni davolashda preparat 24 soat davomida (3 doza) qo‘llanganidan so‘ng simptomlar saqlanib turgan holatda shifokorga murojaat qilish kerak.
Patsiyentlarning alohida guruhlari
Yuvenil revmatoid artrit bilan xastalangan bolalar uchun odatdagi sutkalik doza 1 kg tana vazniga 30-40 mg dan, 3-4 marta qabul qilishga bo‘lib qo‘llanishi mumkin.
Emlashdan keyingi isitmada 2,5 ml bir doza, va zarurat bo‘lganida 6 soatdan keyin 2,5 ml yana bir doza qabul qilinadi. 24 soat davomida 2,5 ml dan 2 dozadan ortiq qabul qilish mumkin emas. Agar isitma saqlanib tursa, shifokorga murojaat qilish kerak.
Qo‘llash usuli
Preparat ichga qabul qilinadi. Preparatni qabul qilishdan oldin flakonni yaxshilab chayqatish lozim.
Me'dani sezgirligi yuqori bo‘lgan patsiyentlarga preparatni ovqatlanish vaqtida va ovqatdan keyin qo‘llash mumkin.
Nojo‘ya ta'sirlari
Quyida keltirilgan nojo‘ya reaktsiyalar ibuprofen retseptsiz beriladigan dozalarda (sutkada maksimal 1200 mg ibuprofen) qisqa vaqt davomida qabul qilgan patsiyentlarda aniqlangan. Surunkali holatlarni davolashda uzoq muddat qo‘llanganida qo‘shimcha nojo‘ya ko‘rinishlar rivojlanishi mumkin.
Ibuprofenni qo‘llash bilan bog‘liq bo‘lgan nojo‘ya reaktsiyalar quyida a'zolar tizimlari-a'zolar sinflari, terminlar va uchrash tezligini ustunligi bo‘yicha keltirilgan.
Nojo‘ya reaktsiyalarni uchrash tezligi ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas). Har bir uchrash tezligi guruhida nojo‘ya reaktsiyalar jiddiyligini kamayishi tartibida keltirilgan. Eng ko‘p kuzatilgan nojo‘ya reaktsiyalar me'da-ichak yo‘llari (MIY) tomonidan kuzatilgan buzilishlar hisoblanadi.
Qon va limfa tizimlari tomonidan juda kam hollarda – qon hosil bo‘lishini buzilishi, anemiya, leykopeniya, trombotsitopeniya, pantsitopeniya va agranulotsitoz1.
Immun tizimi tomonidan tez-tez emas – eshakemi va qichishish2 bilan kechuvchi yuqori sezuvchanlik; juda kam hollarda – og‘ir darajadagi yuqori sezuvchanlik reaktsiyalari, jumladan yuz, til va tomoqni shishi, hansirash, taxikardiya va gipotenziya (anafilaksiya, angionevrotik shish yoki og‘ir darajadagi shok)2.
Nerv tizimi tomonidan tez-tez emas – bosh og‘rig‘i; juda kam hollarda – aseptik meningit3.
Yurak tomonidan uchrash tezligi noma'lum – yurak yetishmovchiligi va shish4.
Qon-tomirlari tomonidan uchrash tezligi noma'lum – gipertenziya4.
Nafas tizimi, ko‘krak qafasi va ko‘ks oralig‘i a'zolari tomonidan uchrash tezligi noma'lum – nafas yo‘llarini reaktivligi, jumladan astma, bronxospazm yoki hansirash2.
Me'da-ichak yo‘llari tomonidan tez-tez emas – qorinda og‘riq, ko‘ngil aynishi va dispepsiya; kam hollarda – diareya, meteorizm, qabziyat va qusish; juda kam hollarda – me'da yara kasalligi, me'da-ichak yo‘llarida perforatsiya yoki qon ketishi, melena va gematemezis5. Og‘izda yaralarni hosil bo‘lishi va gastrit. Kolit va Kron kasalligini6 zo‘rayishi.
Jigar va o‘t chiqarish yo‘llari tomonidan juda kam hollarda – jigar kasalliklari.
Teri va teri osti to‘qimalari tomonidan tez-tez emas – teri toshmasi2; juda kam hollarda – bullyoz reaktsiyalar, jumladan Stivens-Djonson sindromi, ko‘p shaklli eritema va toksik epidermal nekroliz2; uchrash tezligi noma'lum – eozinofiliya va tizimli simptomlar bilan kechuvchi doriga reaktsiya (DRESS sindromi), o‘tkir tarqoq ekzantematoz pustulyoz (AGEP), yorug‘likka sezuvchanlik reaktsiyasi.
Buyraklar va siydik chiqarish yo‘llari tomonidan juda kam hollarda – o‘tkir buyrak yetishmovchiligi, papillyar nekroz, ayniqsa uzoq muddat qo‘llanganida, qon zardobida mochevinaning darajasini oshishi bilan bog‘liq bo‘lgan nekroz va shish7.
Laborator va instrumental tekshiruv natijalariga ta'siri juda kam hollarda – gemoglobinni pasayishi.
Infektsion va parazitar kasalliklar uchrash tezligi noma'lum – yallig‘lanish bilan bog‘liq bo‘lgan infektsiyani zo‘rayish holatlari qayd etilgan, ayrim holatlarda suvchechak infektsiyasi vaqtida terida og‘ir infektsiyalar va yumshoq to‘qimalarda asoratlar rivojlanishi mumkin.
Tanlangan nojo‘ya reaktsiyalarni ta'rifi
1 Dastlabki belgilari bo‘lib isitma, tomoqda og‘riq, og‘iz bo‘shlig‘ida yuzaki yaralar, gripp simptomlari, kuchli toliqish, tushunarsiz qon ketishlar va qon talashishlar hisoblanadi.
2 Yuqori sezuvchanlik reaktsiyalari (a) nospetsifik allergik reaktsiyalar va anafilaksiya, (b) nafas yo‘llarini reaktivligi, jumladan astma, astmani zo‘rayishi, bronxospazm va hansirash, yoki (v) turli teri reaktsiyalari, jumladan qichishish, eshakemi, purpura, angionevrotik shish, va kam hollarda eksfoliativ va bullyoz dermatozlar, jumladan toksik epidermal nekroliz, Stivens-Djonson sindromi va ko‘p shaklli eritema.
3 Dori vositalari tomonidan induktsiyalangan aseptik meningitning patogenezi xanuzgacha o‘rganilmagan. Biroq NYaQP qabul qilish bilan bog‘liq aseptik meningit to‘g‘risidagi mavjud ma'lumotlar yuqori sezuvchanlik reaktsiyalarini (dori vositalari qabul qilingan vaqt bo‘yicha mos kelishi va preparat bekor qilinganidan so‘ng simptomlarni yo‘qolishi tufayli) ko‘rsatadi. Aseptik meningitning simptomlarini (ensa mushaklari rigidligi, bosh og‘rig‘i, ko‘ngil aynishi, qusish, isitma va dezoriyentatsiya kabilar) yagona holatlari autoimmun kasalliklari (tizimli qizil yugurik va biriktiruvchi to‘qimalarni aralash kasalliklari kabilar) mavjud bo‘lgan patsiyentlarda ibuprofen bilan davolanish vaqtida kuzatilganligini ta'kidlash kerak.
4 Klinik tadqiqotlar va epidemiologik ma'lumotlar, ibuprofenni ayniqsa yuqori dozalarda (sutkada 2400 mg) qo‘llash va uzoq muddat davolash arterial trombotik asoratlar (masalan, miokard infarkti yoki insult)ni rivojlanish havfini biroz oshishi bilan bog‘liq bo‘lishi mumkinligidan dalolat beradi.
5 Ba'zida o‘lim bilan yakunlangan.
6 “
Maxsus ko‘rsatmalar
” bo‘limiga qarang.
7 Ayniqsa uzoq muddat qo‘llanganida, qon zardobida mochevinaning darajasini oshishi va shishlarni rivojlanishi bilan bog‘liq bo‘ladi. Shuningdek o‘z ichiga papillyar nekrozni oladi.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.
Qo‘llash mumkin bo‘lmagan holatlar
• ibuprofenga yoki preparatning tarkibiga kiruvchi istalgan yordamchi moddasiga o‘ta yuqori sezuvchanlik;
• ilgari ibuprofen, atsetilsalitsil kislotasi yoki boshqa nosteroid yallig‘lanishga qarshi preparatlar (NYaQP) ni qabul qilishga javoban o‘ta yuqori sezuvchanlik reaktsiyalari (masalan, astma, rinit, angionevrotik shish yoki eshakemi) kuzatilgan patsiyentlar;
• qaytalanuvchi peptik yara yoki yaradan qon ketishi, shu jumladan anamnezida ikki va undan ortiq alohida tasdiqlangan yara hosil bo‘lishi yoki qon ketishi epizodlari;
• anamnezida, ilgari NYaQP ni qo‘llash bilan bog‘liq bo‘lgan, me'da-ichak yo‘llaridan qon ketishi yoki perforatsiyasi;
• og‘ir darajadagi jigar, buyrak yoki yurak yetishmovchiligi;
• homiladorlikning uchinchi uch oyligida preparatni qo‘llash mumkin emas.
Dorilarning o‘zaro ta'siri
Ibuprofenni quyidagi dorilar bilan bir vaqtda qo‘llashdan saqlanish kerak
• atsetilsalitsil kislotasi bilan, shifokor atsetilsalitsil kislotasining kichik dozalarini (sutkada 75 mg dan ko‘p bo‘lmagan) buyurgan holatlar bundan mustasno, chunki nojo‘ya reaktsiyalarni rivojlanish havfini oshirishi mumkin.
Eksperimental ma'lumotlar, ibuprofen atsetilsalitsil kislotasi bilan bir vaqtda qo‘llanganida atsetilsalitsil kislotasining kichik dozalarini trombotsitlar agregatsiyasiga ta'sirini ingibitsiya qilishi mumkinligidan dalolat beradi. Shunday bo‘lsa-da, ushbu ma'lumotlarni cheklanganligi va klinik vaziyatga ex vivo ma'lumotlarni ekstrapolyatsiyasi bo‘yicha noaniqligi, ibuprofenni muntazam qo‘llanishiga nisbatan aniq xulosalar chiqarish kerak emasligidan dalolat beradi; ibuprofen epizodik qo‘llanganida klinik ahamiyatli samarani ehtimoliy deb hisoblash mumkin emas.
• boshqa NYaQP bilan, jumladan SOG-2 ning selektiv ingibitorlari bilan. Ikki yoki undan ortiq NYaQPni bir vaqtda qo‘llashdan saqlanish lozim, chunki bu nojo‘ya samaralarni rivojlanish havfini oshirishi mumkin.
Quyidagilar bilan ibuprofenni ehtiyotkorlik bilan qo‘llash kerak
• antikoagulyantlar bilan, chunki NYaQP varfarin kabi antikoagulyantlarning ta'sirini kuchaytirishi mumkin.
• antigipertenziv vositalar (angiotenzinga aylantiruvchi fermentning (AAF) ingibitorlari va angiotenzin II retseptorlarining antagonistlari) va diuretiklar bilan, chunki NYaQP ushbu preparatlarning ta'sirini susaytirishi mumkin. Diuretiklar NYaQPning nefrotoksiklik havfini oshirishi mumkin.
• kortikosteroidlar bilan, chunki me'da-ichak yo‘llarida yaralarni hosil bo‘lish yoki qon ketishi havfi oshadi.
• antitrombotsitar vositalar va SQQSI bilan, chunki me'da-ichak yo‘llaridan qon ketishi havfi oshadi.
• yurak glikozidlari bilan, chunki NYaQP yurak yetishmovchiligini og‘irlashtirishi, kalavalar filtratsiyasi tezligini sekinlashtirishi va plazmada glikozidlarning darajasini oshirishi mumkin.
• plazmada litiyning darajasi oshishi mumkinligi tufayli litiy bilan.
• plazmada metotreksatning darajasi oshishi mumkinligi tufayli metotreksat bilan.
• siklosporin bilan, chunki nefrotoksiklik havfi oshadi.
• mifepriston bilan. Mifepriston yuborilganidan so‘ng 8-12 kun davomida NYaQPni qo‘llash mumkin emas, chunki NYaQP uning ta'sirini pasaytirishi mumkin.
• takrolimus bilan, chunki NYaQP takrolimus bilan birga qabul qilinganida nefrotoksiklik havfi oshishi mumkin.
• zidovudin bilan, chunki NYaQP zidovudin bilan bir vaqtda buyurilganida gematotoksiklik toksiklik havfi oshadi. Gemofiliya bilan xastalangan OITV musbat bo‘lgan, zidovudin va ibuprofen bilan bir vaqtda davolanayotgan bemorlarda gemartrozlar va gematomalarni paydo bo‘lishi havfini oshganligi xaqida ma'lumotlar mavjud.
• xinolon antibiotiklar bilan, chunki NYaQP va xinolonlarni qabul qilayotgan patsiyentlarda tirishishlarni rivojlanish havfi (hayvonlarda o‘tkazilgan tadqiqotlarda olingan ma'lumotlarga muvofiq) yuqori bo‘lishi mumkin.
Maxsus ko‘rsatmalar
Simptomlarni yengillashtirish uchun kerak bo‘ladigan eng kichik samarali dozani maksimal qisqa vaqt davomida qo‘llash orqali nojo‘ya samaralarni yuzaga kelishini minimal darajaga yetkazish mumkin (MIY va yurak-qon tomir tizimlari tomonidan havflar quyiga qaralsin).
Keksa yoshdagi patsiyentlar NYaQP qabul qilishganida nojo‘ya reaktsiyalar, ayniqsa o‘limga olib kelishi mumkin bo‘lgan me'da-ichak yo‘llaridan qon ketishi va perforatsiyani rivojlanish tezligi yuqori bo‘ladi.
Infektsion kasalliklarning simptomlarini yashirinishi
Braveks infektsiyaning simptomlarini yashirishi mumkin, bu holat muvofiq davolashni kechikishiga va shu bilan birga infektsion kasallikni kechishini yomonlashishiga olib kelishi mumkin. Bu holat kasalxonadan tashqari bakterial pnevmoniyada va suvchechakning bakterial asoratlarida kuzatilgan. Braveks preparati infektsion kasalliklarda isitmani tushiruvchi vosita sifatida yoki og‘riq sindromini yengillashtirish uchun qo‘llanganida asosan infektsion kasallikni sinchkov monitoringini o‘tkazish tavsiya etiladi. Kasalxonadan tashqaridagi infektsion kasallikni davolashda, agar patsiyentning ahvoli yaxshilanmasa yoki kasallikni kechishini yomonlashishi kuzatilsa, patsiyent shifokorga murojaat qilishi kerak.
Nafas tizimi
Bronxial astma yoki allergik kasalliklari (shu jumladan anamnezida) bo‘lgan patsiyentlarda bronxospazm rivojlanishi mumkin.
Boshqa NYaQP
Ibuprofen va boshqa NYaQP, jumladan siklooksigenaza-2 (TSOG-2) ning selektiv ingibitorlarini bir vaqtda qo‘llashdan saqlanish kerak.
Tizimli qizil yugurik va biriktiruvchi to‘qimaning aralash kasalliklari
Tizimli qizil yugurik va biriktiruvchi to‘qimaning aralash kasalliklari bo‘lgan patsiyentlarda NYaQPni qabul qilish bilan bog‘liq bo‘lgan aseptik meningitni rivojlanish havfi oshadi.
Yurak-qon tomir va serebrovaskulyar samaralari
Anamnezida arterial gipertenziyasi va/yoki yurak yetishmovchiligi bo‘lgan patsiyentlarda ehtiyotkorlikka rioya qilish va davolash boshlanishidan avval shifokor bilan maslahatlashish kerak, chunki NYaQPni qabul qilish bilan bog‘liq suyuqlikni ushlanib qolishi, gipertenziya va shishlar rivojlanganligi xaqida xabarlar tushgan.
Klinik tadqiqotlar va epidemiologik ma'lumotlar, ibuprofenni ayniqsa yuqori dozalarda (sutkada 2400 mg) qo‘llash va uzoq muddat davolash arterial trombotik asoratlar (masalan, miokard infarkti yoki insult)ni rivojlanish havfini biroz oshishi bilan bog‘liq bo‘lishi mumkinligidan dalolat beradi. Umuman olganda, epidemiologik tadqiqotlar miokard infarktini yuqori rivojlanish havfi bilan ibuprofenning kichik dozalarini (masalan, sutkada ≤ 1200 mg) qo‘llash o‘rtasida bog‘liqlik borligini ko‘rsatmaydi.
Buyraklarga ta'siri
Buyrak funktsiyasini yomonlashishi kuzatilishi mumkin, bu holat buyrak yetishmovchiligiga olib kelishi mumkin.
Suvsizlangan bolalarda buyrak yetishmovchiligini rivojlanish havfi mavjud.
Jigarga ta'siri
“
Qo‘llash mumkin bo‘lmagan holatlar
” va “Nojo‘ya reaktsiyalar” bo‘limlariga qaralsin.
Ayollarda fertillikni buzilishi
SOG va prostaglandinlar sintezini susaytiruvchi dori vositalarni, ovulyatsiyani bostirish orqali ayollarning reproduktiv funktsiyasiga ta'siri yuzasidan ma'lumotlarni cheklangan miqdori mavjud. Ushbu ko‘rinishlar davolash to‘xtatilganidan so‘ng orqaga qaytadi.
MIY tomonidan kuzatilgan samaralari
Anamnezida me'da-ichak yo‘llarining kasalliklari (yarali kolit, Kron kasalligi) bo‘lgan patsiyentlarga NYaQPni ehtiyotkorlik bilan buyurish lozim, chunki ularning ahvoli yomonlashishi mumkin.
O‘limga olib kelishi mumkin bo‘lgan me'da-ichak yo‘llaridan qon ketishi, yaralarni hosil bo‘lishi yoki perforatsiyasi barcha NYaQPni qabul qilganda davolashning istalgan muddatida, ogohlantiruvchi simptomlarni mavjud bo‘lishi yoki bo‘lmasligi bilan va anamnezida ilgari me'da-ichak yo‘llarida jiddiy ko‘rinishlar yuz berganligidan qat'iy nazar kuzatilishi mumkin.
Me'da-ichak yo‘llaridan qon ketishi, yaralarni hosil bo‘lishi yoki perforatsiyani kuzatilish havfi anamnezida me'da-ichak yaralari bo‘lgan, ayniqsa qon ketishlari yoki perforatsiya bilan asoratlangan patsiyentlarda, shuningdek keksa yoshdagi patsiyentlarda NYaQPning dozasi oshirilganida ko‘payadi. Bunday patsiyentlarga preparat bilan davolashni maksimal darajadagi kichik terapevtik dozalar bilan boshlash kerak.
Anamnezida MIYga toksik ta'siri kuzatilgan patsiyentlar, ayniqsa keksa yoshdagi patsiyentlar, ayniqsa davolashning boshlang‘ich bosqichida har qanday g‘ayrioddiy abdominal simptomlar (ayniqsa me'da-ichak yo‘llaridan qon ketganligi) xaqida xabar berishlari kerak.
Peroral kortikosteroidlar, varfarin kabi antikoagulyantlar, serotoninni qayta qamrab olinishini selektiv ingibitorlari (SQQSI) yoki atsetilsalitsil kislotasi kabi antitrombotsitar vositalar kabi me'da-ichak yo‘llarida yaralarni hosil bo‘lish yoki qon ketishi havfini oshirishi mumkin bo‘lgan preparatlarni bir vaqtda qabul qilayotgan patsiyentlarni davolashda ehtiyotkorlikka rioya qilish kerak.
Ibuprofen qabul qilayotgan patsiyentlarda me'da-ichak yo‘llaridan qon ketishi yoki yaralarni paydo bo‘lishi kuzatilganida, davolash to‘xtatilishi kerak.
Teriga ta'siri
NYaQP qo‘llanganida jiddiy teri reaktsiyalari, ayrim holatlarda o‘lim bilan yakunlangan holatlar, jumladan eksfoliativ dermatit, Stivens-Djonson sindromi va toksik epidermal nekroliz rivojlanganligi xaqida kam xabarlar tushgan. Patsiyentlar davolashning erta bosqichlarida shunday nojo‘ya reaktsiyalarni eng ko‘p rivojlanish havfiga duchor bo‘ladilar, ko‘pgina holatlar davolashning dastlabki oyi davomida yuzaga kelgan. Ibuprofen saqlovchi preparatlar qo‘llanganida o‘tkir tarqoq ekzantematoz pustulyoz (AGEP) rivojlanganligi xaqida xabarlar tushgan. Jiddiy teri reaktsiyalarining, teri toshmasi, shilliq qavatlarni shikastlanishi kabi belgilari va simptomlari yoki yuqori sezuvchanlik reaktsiyalarining boshqa belgilari birinchi marta paydo bo‘lganida ibuprofen qabul qilishni to‘xtatish kerak.
Ayrim holatlarda suvchechak teri va yumshoq to‘qimalarni jiddiy infektsion asoratlariga sababchi bo‘lishi mumkin. Hozirgi vaqtda ushbu infektsiyalarni og‘irlashishida NYaQPning rolini istisno qilish mumkin emas. Shunday qilib, suvchechak bilan xastalangan patsiyentlarga preparatni qo‘llash mumkin emas.
Yordamchi moddalar
Preparat ichga qabul qilish uchun 5 ml suspenziyada 30 mg aspartam saqlaydi.
Ichga qabul qilinganida aspartam MIYda gidrolizga uchraydi; gidrolizning asosiy mahsulotlaridan biri bo‘lib fenilalanin hisoblanadi. Shuning uchun dori vositasini fenilketonuriyasi bo‘lgan patsiyentlarda ehtiyotkorlik bilan qo‘llash kerak (kam uchraydigan genetik buzilish bo‘lib, bunda organizmda fenilalaninni to‘planishi kuzatiladi, chunki organizm uni kerakli darajada utilizatsiya qilolmaydi); aspartam fenilketonuriyasi bo‘lgan patsiyentlarning ahvoliga salbiy ta'sir ko‘rsatishi mumkin. 12 haftalikdan kichik bolalarda aspartamni qo‘llanishini baholash imkonini beradigan klinik oldi va klinik ma'lumotlar mavjud emas.
5 ml preparat 1750 mg saxaroza saqlaydi. Qandli diabet bilan xastalangan patsiyentlarni davolashda buni inobatga olish kerak. Preparat tishlarga salbiy ta'sir ko‘rsatishi mumkin.
Fruktozani o‘zlashtirolmaslikni kam uchraydigan nasliy muammolari, glyukoza-galaktoza malabsorbtsiyasi yoki saxaraza-izomaltaza yetishmovchiligi bo‘lgan patsiyentlar ushbu preparatni qabul qilishlari mumkin emas.
Preparat sariq sanset bo‘yog‘ini saqlaydi. U allergik reaktsiyalarni chaqirishi mumkin.
Preparat 5 ml da 1 mmol (23 mg) dan kamroq natriy saqlaydi, ya'ni amalda “natriy saqlamaydi”.
Fertillik, homiladorlik va laktatsiya davrida qo‘llanilishi
Homiladorlik
Prostaglandin sintezini ingibitsiyasi homiladorlikka va/yoki embrion/homilani rivojlanishiga salbiy ta'sir qilishi mumkin. Epidemiologik tadqiqotlarning ma'lumotlari homiladorlikning erta muddatlarida prostaglandinlar sintezi ingibitori qo‘llanganidan so‘ng bola tashlash va yurak nuqsonlari va gastroshizisni rivojlanish havfini oshishidan dalolat beradi. Yurak-qon tomir malformatsiyasini mutloq rivojlanish havfi 1% dan kamroqdan taxminan 1,5% gacha oshgan. Havf dozaga va davolash davomiyligiga qarab oshadi deb hisoblanadi. Hayvonlarda prostaglandinlar sintezi ingibitorini yuborish bachadon bo‘shlig‘ida embrionni implantatsiyasini buzilishiga va embriofetal o‘limga olib kelishi ko‘rsatilgan. Bundan tashqari, organogenez davri davomida prostaglandinlar sintezi ingibitorini qabul qilgan hayvonlarda turli rivojlanish nuqsonlarini, shu jumladan yurak-qon tomir tizimi tomonidan nuqsonlarni uchrash tezligini oshganligi xaqida xabarlar tushgan. Homiladorlikning birinchi va ikkinchi uch oyliklari davomida, juda zarur bo‘lgan holatlardan tashqari holatlarda, preparatni qo‘llash mumkin emas. Preparat urug‘lanish davrida yoki homiladorlikning birinchi va ikkinchi uch oyliklari davomida qo‘llanganida dozani minimal darajaga yetkazish, davolash davomiyligini esa minimal darajagacha qisqartirish kerak.
Homiladorlikning uchinchi uch oyligi davomida barcha prostaglandinlar sintezi ingibitorlari homilada yurak-o‘pka toksikligini (arterial qon oqimini muddatidan oldin yopilishi va o‘pka gipertenziyasini rivojlanishi bilan kechuvchi), oligogidramnion bilan kechuvchi buyrak yetishmovchiligigacha zo‘rayishi mumkin bo‘lgan buyrak disfunktsiyasini qo‘zg‘atishi mumkin.
NYaQPni bevosita tug‘ruqlardan oldin qo‘llanishi qon ketishi vaqtini uzayishiga (hatto juda kichik dozalarda qo‘llanganida kuzatilishi mumkin bo‘lgan antiagregatsion samarasi), bachadonning qisqaruvchanlik hususiyatini susayishiga va buning oqibatida tug‘ruqlarni kechikishiga sabab bo‘lishi mumkin.
Shunday ekan, homiladorlikning uchinchi uch oyligida preparatni qo‘llash mumkin emas.
Laktatsiya
Cheklangan tadqiqotlarda, ibuprofenni ko‘krak sutiga juda kichik kontsentratsiyalarda ajralib chiqishi va bolaga salbiy ta'sir ko‘rsatish ehtimolini kamligi aniqlangan.
Fertillik
Ayollar fertilligiga ta'sirini “
Maxsus ko‘rsatmalar
” bo‘limiga qarang.
Avtotransportni haydash va mexanizmlarni boshqarish qobiliyatiga ta'siri
Tavsiya etilgan dozalarda qo‘llanganida va davolash davomiyligiga rioya qilinganida e'tibor talab etilgan mashg‘ulotlarni bajarishga preparatning ta'siri kutilmaydi.
Dozani oshirib yuborilishi
Bolalarga preparatni 1 kg tana vazniga 400 mg/kg dan ortiq dozada buyurish dozani oshirib yuborilish simptomlarini chaqirishi mumkin. Kattalarda doza-samara bog‘liqligi kamroq ifodalangan. Dozasi oshirib yuborilganida yarim chiqarilish davri 1,5-3 soatni tashkil etadi.
Simptomlari
NYaQPni klinik ahamiyatli miqdorlarda qabul qilgan ko‘pgina patsiyentlarda asosan ko‘ngil aynishi, qusish, epigastral sohada og‘riq yoki kam hollarda diareya rivojlangan. Shuningdek quloqlarda shovqin, bosh og‘rig‘i va me'da-ichak yo‘llaridan qon ketishi kuzatilishi mumkin. Yanada jiddiy zaharlanishlar kuzatilganida markaziy nerv tizimi tomonidan uyquchanlik, ba'zida qo‘zg‘aluvchanlik va dezoriyentatsiya ko‘rinishidagi alomatlar yoki koma kuzatilishi mumkin. Ba'zida patsiyentlarda tirishishlar rivojlanadi. Jiddiy zaharlanishlarda metabolik atsidoz rivojlanishi va ehtimol qonda aylanib yuruvchi qon ivishi faktorlari bilan o‘zaro ta'sirlashishi tufayli protrombin vaqti (PTV) uzayishi/xalqaro normallashtirilgan nisbat oshishi mumkin. O‘tkir buyrak yetishmovchiligi va jigarni shikastlanishi kuzatilishi mumkin. Astmatiklarda astmani zo‘rayishi kuzatilishi mumkin.
Davolash
Nafas yo‘llarining o‘tkazuvchanligini tutib turishga qaratilgan simptomatik va qo‘llab-quvvatlovchi davolash o‘tkaziladi. Yurak va hayotiy muhim a'zolarning ko‘rsatkichlarini monitoringi ko‘rsatkichlar normallashguniga qadar amalga oshirilishi kerak. Ibuprofenning potentsial toksik miqdori qabul qilinganidan so‘ng birinchi soatdan kech bo‘lmagan vaqtda faollashtirilgan ko‘mir qabul qilish mumkin. Tez-tez va davomli kuzatiladigan tirishishlarni vena ichiga diazepam yoki lorazepamni yuborish orqali bartaraf qilish lozim. Astma hurujida bronxodilatatorlarni qo‘llash ko‘rsatilgan.
Chiqarilish shakli
Ichga qabul qilish uchun suspenziya 100 ml dan buraladigan qopqoqli sariq rangli flakonlarda.
1 flakon tibbiyotda qo‘llanilishiga doir yo‘riqnomasi va o‘lchov stakani bilan birga karton qutilarga joylangan.
Saqlash sharoiti
Yorug‘likdan himoyalangan joyda 25oS dan yuqori bo‘lmagan xaroratda saqlansin.
Bolalar ololmaydigan joyda saqlansin!
Flakon ochilgandan so‘ng preparat 12 oy davomida ishlatilsin.
Yaroqlilik muddati
Ishlab chiqarilgan
sanadan boshlab 3 yil.
Yaroqlilik muddati
tugaganidan so‘ng qo‘llanilmasin.
Dorixonalardan berish tartibi
Retseptsiz.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.